ପୁଣି ପନ୍ତ୍‌-କାର୍ତ୍ତିକ ପ୍ରସଙ୍ଗ: ମୁହଁ ଖୋଲିଲେ କୋହଲି


ମୁମ୍ବାଇ: ଯୁବ ୱିକେଟ୍‌ କିପର ୠଷଭ ପନ୍ତ୍‌ଙ୍କୁ ଆସନ୍ତା ବିଶ୍ବକପ୍‌ ପାଇଁ ଦଳରେ ସାମିଲ କରା ନ ଯିବାକୁ ନେଇ ଗଣମାଧ୍ୟମ ଜରିଆରେ ଯାହାସବୁ ପ୍ରକାଶ ପାଉଛି, ସେହି ପରିପ୍ରେକ୍ଷୀରେ ଅଧିନାୟକ ବିରାଟ କୋହଲି ସ୍ପଷ୍ଟୀକରଣ ରଖିଛନ୍ତି। ମହେନ୍ଦ୍ର ସିଂହ ଧୋନି ଚୂଡ଼ାନ୍ତ ଏକାଦଶରେ ସାମିଲ ହେବା ସହ ୱିକେଟ୍‌ କିପିଂ କରିବେ। ଯଦି କୌଣସି ପରିସ୍ଥିତିରେ ଧୋନି ଖେଳିବା ପାଇଁ ଅସମର୍ଥ ହୁଅନ୍ତି, ତାହେଲେ ଆମେ ଦ୍ବିତୀୟ ୱିକେଟ କିପର ଭାବେ କାର୍ତ୍ତିକଙ୍କୁ ମ୍ୟାଚ୍‌ ଖେଳାଇବୁ। ପନ୍ତ୍‌ଙ୍କ ତୁଳନାରେ କାର୍ତ୍ତିକ ୱିକେଟ୍‌ ପଛରେ ଅଧିକ ଦକ୍ଷ। ଅବଶ୍ୟ ଧୋନିଙ୍କ ସହ ଆଉ କାହାକୁ ତୁଳନା କରା ଯାଇ ନ ପାରେ।

ଏଥିସହ ଅଧିନାୟକ କୋହଲି ମୁଖ୍ୟ କୋଚ୍‌ ଶାସ୍ତ୍ରୀଙ୍କ ସହ ନମ୍ବର-୪ ପୋଜିସନ୍‌ରେ କାହାକୁ ବ୍ୟାଟିଂ କରିବାର ସୁଯୋଗ ମିଳିବ, ତାହା ଉପରେ ମଧ୍ୟ ମତ ରଖିଛନ୍ତି। ଆମ ପାଖରେ ନମ୍ବର-୪ରେ ବ୍ୟାଟିଂ କରବା ପାଇଁ ଏକାଧିକ ବିକଳ୍ପ ରହିଛି ବୋଲି କୋହଲି କହିଛନ୍ତି। ଆମେ ନମ୍ବର-୪ ପୋଜିସନକୁ ନେଇ ଆଦୌ ଚିନ୍ତିତ ନାହୁଁ ବୋଲି କୋହଲି କହିଛନ୍ତି।

ଦଳଗତ ପ୍ରଦର୍ଶନ ଦୃଷ୍ଟିରୁ ଦକ୍ଷିଣ ଆଫ୍ରିକା, ଇଂଲଣ୍ଡ ଓ ଅଷ୍ଟ୍ରେଲିଆ ସର୍ବଦା ଏକ ଶକ୍ତି ଭାବେ ବିଶ୍ବ କ୍ରକେଟରେ ସେମାନଙ୍କର ଦବ୍‌ଦବା ବଜାୟ ରଖିଛନ୍ତି। ତେଣୁ ପ୍ରତିଟି ଦଳକୁ ଆମେ ସମ୍ମାନ ଦେବା ସହ ସବୁ ମ୍ୟାଚ୍‌କୁ ଗୁରୁତର ସହ ନେଇ ଖେଳିବୁ ବୋଲି କୋହିଲି କହିଛନ୍ତି।

Post Comment




  
Captcha
Cannot Read? Click Here to generate a new one.


ଶ୍ରୀଜୀଉଙ୍କ ସୁନାବେଶ ଦର୍ଶନ

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।