କୃଷକ ଆନ୍ଦୋଳନ ପଛରେ ରାଜନୈତିକ ଉଦ୍ଦେଶ୍ୟ ରହିଛି

ହାଇଦ୍ରାବାଦ: ସାମ୍ପ୍ରତିକ ସମୟରେ କେନ୍ଦ୍ର ସରକାରଙ୍କ ତିନିଟି ବିବାଦୀୟ କୃଷି ଆଇନ ପ୍ରତ୍ୟାହାର ଦାବି ନେଇ ହଜାର ହଜାର ସଂଖ୍ୟାରେ କୃଷକ ଦିଲ୍ଲୀ-ଗାଜିଆବାଦ ସୀମାରେ ଆନ୍ଦୋଳନ କରୁଥିବା ବେଳେ ସେମାନଙ୍କୁ ଦିଲ୍ଲୀର ବୁରାରିସ୍ଥିତ ନିରଙ୍କରୀ ମୈଦାନରେ ଆନ୍ଦୋଳନ କରିବାକୁ ପୋଲିସ୍ ଅନୁମତି ଦେଇସାରିଛି। ଅଧିକନ୍ତୁ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ୍ ଶାହ ମଧ୍ୟ କୃଷକମାନେ ନିରଙ୍କରୀ ମୈଦାନକୁ ଆସିଲେ, ତୁରନ୍ତ ସେମାନଙ୍କ ସହ ଆଲୋଚନା ପାଇଁ କେନ୍ଦ୍ର ସରକାର ପଦକ୍ଷେପ ନେବେ ବୋଲି ବି କହିଥିଲେ। କିନ୍ତୁ ଶାହଙ୍କ ଏପରି ପ୍ରସ୍ତାବକୁ ଭାରତୀୟ କିସାନ୍ ୟୁନିଅନ୍ (ବିକେୟୁ)ର ପ୍ରମୁଖ ସଦସ୍ୟମାନେ ଖାରଜ କରିଦେଇଛନ୍ତି। ତେଣୁ କୃଷକ ଆନ୍ଦୋଳନ କେଉଁ ସ୍ତରରେ ପହଞ୍ଚିବ, ତାହାକୁ ନେଇ ଏବେ କଳ୍ପନାଜଳ୍ପନା ଜାରି ରହିଛି। ଇତିମଧ୍ୟରେ ସ୍ବରାଷ୍ଟ୍ର ମନ୍ତ୍ରୀ ଶାହ ହାଇଦ୍ରାବାଦରେ ପହଞ୍ଚିଛନ୍ତି। ଏଠାରେ ହେବାକୁ ଥିବା ଗ୍ରେଟର୍ ହାଇଦ୍ରାବାଦ ମ୍ୟୁନିସିପାଲ୍ କର୍ପୋରେସନ୍ (ଜିଏଚଏମସି) ନିର୍ବାଚନ ପାଇଁ ପ୍ରଚାର କରିବାକୁ ଆସିବା ଅବସରରେ ଶାହ ବର୍ତ୍ତମାନ ଚାଲିଥିବା କୃଷକମାନଙ୍କ ଆନ୍ଦୋଳନ କଦାପି ରାଜନୈତିକ ଉଦ୍ଦେଶ୍ୟ ଭିତ୍ତିକ ଥିଲା ବୋଲି କହି ନ ଥିବା ସ୍ପଷ୍ଟ କରିଛନ୍ତି। ଏଠାରେ ଏକ ସାମ୍ବାଦିକ ସମ୍ମିଳନୀରେ ଶାହ କହିଛନ୍ତି ଯେ ହାଇଦ୍ରାବାଦକୁ ବିଜେପି ନବାବଙ୍କ କବଳରୁ ରକ୍ଷା କରିବ। ଏଠାରେ ଜାରି ରହିଥିବା ନିଜାମ୍ ସଂସ୍କୃତିରେ ପୂର୍ଣ୍ଣଚ୍ଛେଦ ପକାଇ ହାଇଦ୍ରାବାଦରେ ଏକ ମିନି ଭାରତ ପ୍ରତିଷ୍ଠା କରାଯିବ ବୋଲି ଶାହ କହିଛନ୍ତି।

କାବୁଲରେ ସୁରକ୍ଷାକର୍ମୀଙ୍କୁ ଟାର୍ଗେଟ୍: ଆତ୍ମଘାତୀ

କାବୁଲ୍: ରବିବାର ଆଫଗାନିସ୍ତାନରେ ସୁରକ୍ଷାକର୍ମୀଙ୍କୁ ଆତଙ୍କୀମାନେ ଟାର୍ଗେଟ୍ କରିଛନ୍ତି। ଆଫଗାନିସ୍ତାନର ଗଜନି ପ୍ରଦେଶରେ ଏକ ସାମରିକ କ୍ୟାମ୍ପ୍ ନିକଟରେ ଆତଙ୍କୀମାନେ ଆତ୍ମଘାତୀ ବିସ୍ଫୋରଣ ଘଟାଇବା ଫଳରେ ୩୦ ଜଣ ସୁରକ୍ଷାକର୍ମୀଙ୍କର ମୃତ୍ୟୁ ହୋଇଛି। ଏହାଛଡ଼ା ୨୦ରୁ ଊର୍ଦ୍ଧ୍ବ ସୁରକ୍ଷାକର୍ମୀ ଆହତ ମଧ୍ୟ ହୋଇଥିବା ବିଭାଗ ପକ୍ଷରୁ ସୂଚନା ଦିଆଯାଇଛି। ଆତଙ୍କୀମାନେ ପବ୍ଲିକ୍ ପ୍ରୋଟେକ୍ସନ୍ ପୋଲିସ୍ ଫୋର୍ସ (ପିପିପିଏଫ୍)କୁ ଟାର୍ଗେଟ୍ କରିଥିବା ସ୍ଥାନୀୟ ସରକାରଙ୍କ ପକ୍ଷରୁ ମୁଖପାତ୍ର ୱାହାଦୁଲ୍ଲା ଜୁମାଜାଦା ସୂଚନା ଦେଇଛନ୍ତି। ବିସ୍ଫୋରଣ ହେବା ଫଳରେ ଉକ୍ତ ଅଞ୍ଚଳର ଆକାଶ ପୂରା ଧୂଆଁରେ ଭର୍ତ୍ତି ହୋଇଯାଇଥିଲା। ଗଜନି ସହରର ଉପକଣ୍ଠସ୍ଥ କାଲା-ଏ-ଜୋଜ୍‌ଠାରେ ଏହି ଆତ୍ମଘାତୀ ବିସ୍ଫୋରଣ ହେବା ଫଳରେ ସ୍ଥାନୀୟ ଅଞ୍ଚଳରେ ଆତଙ୍କର ଛାୟା ଖେଳିଯାଇଛି। ପ୍ରାଦେଶିକ ଜନସ୍ବାସ୍ଥ୍ୟ ନିର୍ଦେଶାଳୟ ମୁଖପାତ୍ର ଜାହିର୍ ଶାହ ନିକମଲ୍ ଏହି ବିସ୍ଫୋରଣଜନିତ ମୃତ୍ୟୁ ସଂଖ୍ୟା ବଢ଼ିପାରେ ବୋଲି ଆଶଙ୍କା ପ୍ରକାଶ କରିଛନ୍ତି। ସେହିପରି ଆଭ୍ୟନ୍ତରୀଣ ମନ୍ତ୍ରାଳୟ ମୁଖପାତ୍ର ତାରିଖ୍ ଅରିଅନ୍ କହିଛନ୍ତି ଯେ ଏହି ଆତ୍ମଘାତୀ ବିସ୍ଫୋରଣରେ ଜଣେ ଆତଙ୍କୀ ନିପାତ ହୋଇଛି।
ଉତ୍କଳ ବିଶ୍ୱବିଦ୍ୟାଳୟକୁ କେନ୍ଦ୍ରୀୟ
ଉତ୍କଳ ବିଶ୍ୱବିଦ୍ୟାଳୟର ୭୮ତମ ପ୍ରତିଷ୍ଠା ଦିବସରେ ଉତ୍କଳ ବିଶ୍ୱବିଦ୍ୟାଳୟକୁ କେନ୍ଦ୍ରୀୟ ବିଶ୍ୱବିଦ୍ୟାଳୟର ମାନ୍ୟତା ଦେବା ପାଇଁ କେନ୍ଦ୍ର ଶିକ୍ଷା ମନ୍ତ୍ରୀ ଡା. ରମେଶ ପୋଖରିଆଲ ନିଶାଙ୍କଙ୍କୁ ଚିଠି ଲେଖି ଏହି ପ୍ରସଙ୍ଗରେ ବ୍ୟକ୍ତିଗତ ହସ୍ତକ୍ଷେପ କରିବାକୁ ଅନୁରୋଧ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଦେଶରେ ଉଚ୍ଚଶିକ୍ଷା ଅନୁଷ୍ଠାନ ଗୁଡ଼ିକୁ ସଶକ୍ତ କରିବା ଏବଂ ଶିଳ୍ପଯୋଗୀ ମାନବ ସମ୍ବଳ ତିଆରି କରିବା ଦିଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟି ରହିଛି। ଉତ୍କଳ ବିଶ୍ୱବିଦ୍ୟାଳୟ କେନ୍ଦ୍ରୀୟ ମାନ୍ୟତା ପାଇଲେ ଭୁବନେଶ୍ୱର ଆଗାମୀ ଦିନରେ ପୂର୍ବ ଭାରତର ଅର୍ଥନୀତି ଓ ଶିକ୍ଷା କ୍ଷେତ୍ରର ପେଣ୍ଠସ୍ଥଳି ହେବ ବୋଲି ଧର୍ମେନ୍ଦ୍ର କହିଛନ୍ତି।
ଜୀବନର ମୂଳଦୁଆକୁ ଦୃଢ଼
ଉତ୍କଳ ବିଶ୍ୱବିଦ୍ୟାଳୟର ୭୮ତମ ପ୍ରତିଷ୍ଠା ଦିବସ ଅବସରରେ ବିଶ୍ୱବିଦ୍ୟାଳୟର ଆଲୁମିନି ପକ୍ଷରୁ ଆୟୋଜିତ ଭର୍ଚୁଆଲ କାର୍ଯ୍ୟକ୍ରମରେ ସାମିଲ୍‌ ହୋଇଛନ୍ତି କେନ୍ଦ୍ର ପେଟ୍ରୋଲିୟମ୍‌ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ବର୍ତ୍ତମାନ କୋରୋନା ମହାମାରୀ ସମୟରେ ଆଗାମୀ ଦିନର କାର୍ଯ୍ୟପନ୍ଥା ପ୍ରସ୍ତୁତ କରିବା ପାଇଁ ବିଶ୍ୱବିଦ୍ୟାଳୟ ସହ ଜଡ଼ିତ ଛାତ୍ରଛାତ୍ରୀଙ୍କୁ ଡିଜିଟାଲ ମାଧ୍ୟମରେ ଏକାଠୀ କରିଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ପ୍ରଫେସର ସବିତା ଆଚାର୍ଯ୍ୟ ଉତ୍କଳ ବିଶ୍ୱବିଦ୍ୟାଳୟର କୁଳପତି ଭାବେ ନିଯୁକ୍ତି ପାଇବା ଏବଂ ଉତ୍କଳ ବିଶ୍ୱବିଦ୍ୟାଳୟର ପ୍ରଫେସର କିଶୋର ବାସା ଉତ୍ତର ଓଡ଼ିଶା ବିଶ୍ୱବିଦ୍ୟାଳୟର କୁଳପତି ଭାବେ ନିଯୁକ୍ତ ପାଇବା ଆମ ସମସ୍ତଙ୍କ ପାଇଁ ଆନନ୍ଦର ବିଷୟ ବୋଲି କହିବା ସହ ଉଭୟଙ୍କୁ ମୋର ଅଭିନନ୍ଦନ ଜଣାଇଛନ୍ତି ଧର୍ମେନ୍ଦ୍ର।
ନଭେମ୍ବର ୨୭ରୁ ଉଠିବ ଲକ୍ଷ୍ମୀ
ଲକ୍ଷ୍ମୀ ବିଳାସ ବ୍ୟାଙ୍କ ଜମାକାରୀଙ୍କ ପାଇଁ ବଡ଼ ଆଶ୍ବସ୍ତି ମିଳିଛି। ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଆସନ୍ତା ୨୭ରୁ ଲକ୍ଷ୍ମୀ ବିଳାସ ବ୍ୟାଙ୍କ ପାଇଁ ଲାଗୁ କରିଥିବା ମୋରାଟୋରିଅମ କଟକଣା ଉଠାଇ ନେବାକୁ ଘୋଷଣା କରିଛି। ପୂର୍ବରୁ ମୋରାଟୋରିଅମ କଟକଣା ଡିସେମ୍ବର ୧୬ ପର୍ଯ୍ୟନ୍ତ ଜାରି ରହିବ ବୋଲି ଆରବିଆଇ ପକ୍ଷରୁ କୁହାଯାଇଥିଲେ ବି ଏହାକୁ ଆସନ୍ତା ୨୭ରୁ ଉଠାଇବା ପାଇଁ ବୁଧବାର ନିଷ୍ପତ୍ତି ହୋଇଛି। ବୁଧବାର କେନ୍ଦ୍ର ସରକାର ଲକ୍ଷ୍ମୀ ବିଳାସ ବ୍ୟାଙ୍କକୁ ଡିବିଏସ ବ୍ୟାଙ୍କ ଇଣ୍ଡିଆ ଲିମିଟେଡ (ଡିବିଆଇଏଲ) ସହ ମିଶ୍ରଣ କରିବା ପରେ ପରେ ଆରବିଆଇ ପକ୍ଷରୁ ମୋରାଟୋରିଅମ ସମୟସୀମାକୁ ନଭେମ୍ବର ୨୭ରେ ଶେଷ କରିବା ପାଇଁ ଘୋଷଣା କରାଯାଇଛି। ଫଳରେ ୨୭ ତାରିଖ ପରଠାରୁ ଆଉ ଜମାକାରୀଙ୍କ ଟଙ୍କା ଉଠାଣ ନେଇ କୌଣସି କଟକଣା ରହିବ ନାହିଁ।
ଏଲନ ମସ୍କ ବିଶ୍ବର ନଂ ୨ ଧନୀ,
ଦକ୍ଷିଣ ଆଫ୍ରିକାରେ ଜନ୍ମଗ୍ରହଣ କରିଥିବା ଓ ଗତ ୧୮ ବର୍ଷ ହେଲା ଆମେରିକାରେ ରହିଆସୁଥିବା ବିଶ୍ବର ଅନ୍ୟତମ ବିତ୍ତଶାଳୀ ଉଦ୍ୟୋଗପତି ଏଲନ୍ ମସ୍କ ଏବେ ଦ୍ବିତୀୟ ସ୍ଥାନକୁ ଉନ୍ନୀତ ହୋଇଛନ୍ତି। ଟେସଲା ଇଙ୍କ୍‌ର ଏହି ସହପ୍ରତିଷ୍ଠାତା ସୋମବାର ଘୋଷିତ ସଦ୍ୟ ବିତ୍ତଶାଳୀ ତାଲିକାରେ ମାଇକ୍ରୋସଫ୍ଟ ଅଧ୍ୟକ୍ଷ ବିଲ୍ ଗେଟ୍ସଙ୍କୁ ଅତିକ୍ରମ କରି ଏହି ସ୍ଥାନରେ ପହଞ୍ଚିଛନ୍ତି। ୪୯ ବର୍ଷୀୟ ମସ୍କଙ୍କ ସମ୍ପତ୍ତି ପରିମାଣ ୭.୨ ବିଲିୟନ୍ ଡଲାର୍‌ରୁ ବୃଦ୍ଧି ପାଇ ୧୨୭.୯ ବିଲିଅନ୍ ଡଲାରରେ ପହଞ୍ଚିଛି। ଫଳସ୍ବରୂପ ଟେସଲା କମ୍ପାନୀର ଶେୟାର୍ ଦାମ୍ ମଧ୍ୟ ଆକାଶଛୁଆଁ ହୋଇଛି। ଚଳିତ ବର୍ଷ ମସ୍କ ତାଙ୍କ ସମ୍ପତ୍ତିରେ ୧୦୦.୩ ବିଲିୟନ୍ ଡଲାର୍ ଯୋଗ କରିପାରିଛନ୍ତି। ବ୍ଲୁମବର୍ଗ ବିଲିଓନେୟାର୍ସ ଇଣ୍ଡେକ୍ସ ଅନୁସାରେ ମସ୍କ ଚଳିତ ବର୍ଷ ସବୁଠାରୁ ଅଧିକ ଆୟ କରିଛନ୍ତି। ଗତ ଜାନୁଆରୀରେ ପ୍ରକାଶିତ ସୂଚୀରେ ମସ୍କ ୩୫ତମ ସ୍ଥାନରେ ରହିଥିଲେ। ବ୍ଲୁମବର୍ଗ ବିଲିଓନେୟାର୍ସ ଇଣ୍ଡେକ୍ସ ପକ୍ଷରୁ ବିଶ୍ବର ୫ ଶହ ବିତ୍ତଶାଳୀଙ୍କ ଏକ ତାଲିକା ପ୍ରକାଶ ପାଇଥିବା ବେଳେ ଏଥିରେ ମସ୍କ ଚମତ୍କାର ପ୍ରଦର୍ଶନ କରିଛନ୍ତି। ଚଳିତ ବର୍ଷ ଟେସଲା କମ୍ପାନୀର ମାର୍କେଟ୍ ଭାଲ୍ୟୁ ୫ ଶହ ବିଲିୟନ୍ ଡଲାର୍‌ର ନିକଟତର ହୋଇଛି। ତାଙ୍କ ମୋଟ ସମ୍ପତ୍ତି ମଧ୍ୟରୁ ତିନି-ଚତୁର୍ଥାଂଶ ହେଉଛି ଟେସଲାରେ ଥିବା ତାଙ୍କର ଶେୟାରର ଦାମ୍। ପୂର୍ବାପେକ୍ଷା ଚଳିତ ବର୍ଷ ସ୍ପେସ୍ ଏକ୍ସପ୍ଲୋରେସନ୍ ଟେକନୋଲୋଜିଜ୍ କର୍ପ ବା ସ୍ପେସ୍ଏକ୍ସ’ରେ ତାଙ୍କ ଶେୟାରର ଦାମ୍ ପାଖାପାଖି ୪ ଗୁଣ ବୃଦ୍ଧି ପାଇଛି।
ପୁଣି ଭାରତୀୟ ବୋଲରଙ୍କ
ଚଳିତ ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍‌ର ଦ୍ବିତୀୟ ମ୍ୟାଚଟି ରବିବାର ଏଠାରେ ଖେଳାଯାଇଛି। ଏଥିରେ ୫୧ ରନରେ ବିଜୟୀ ହୋଇ ଅଷ୍ଟ୍ରେଲିଆ ୨-୦ରେ ସିରିଜ୍ ଜିତିନେଇଛି। ଶୁକ୍ରବାର ପରି ରବିବାର ମଧ୍ୟ ଭାରତୀୟ ବୋଲରମାନେ ନୈରାଶ୍ୟଜନକ ପ୍ରଦର୍ଶନ କାଏମ ରଖିବା ଫଳରେ ଅଷ୍ଟ୍ରେଲିଆ ପ୍ରଥମେ ବ୍ୟାଟିଂ କରି ମାତ୍ର ୪ ୱିକେଟ୍ ବିନିମୟରେ ୩୮୯ ରନ୍ କରିଥିଲା। ଏହି ବିଶାଳ ଲକ୍ଷ୍ୟର ପିଛା କରିଥିବା ଭାରତ ୯ ୱିକେଟ୍ ହରାଇ ୩୩୮ ରନ୍ କରିପାରିଥିଲା। ଫଳରେ ୩ ମ୍ୟାଚ୍ ବିଶିଷ୍ଟ ସିରିଜକୁ ଅଷ୍ଟ୍ରେଲିଆ ଜିତିନେବା ସହ ଆସନ୍ତା ୨ ତାରିଖରେ କାନବେରାଠାରେ ହେବାକୁ ଥିବା ସିରିଜର ୩ୟ ତଥା ଅନ୍ତିମ ମ୍ୟାଚକୁ ରୋମାଞ୍ଚହୀନ କରିଦେଇଛି। କ୍ରମାଗତ ଶତକ ହାସଲ କରିଥିବା ଅଷ୍ଟ୍ରେଲିଆର ମଧ୍ୟମକ୍ରମ ବ୍ୟାଟ୍ସମ୍ୟାନ୍ ଷ୍ଟିଭେନ୍ ସ୍ମିଥ୍ ପୁଣି ଥରେ ପ୍ଲେୟର୍ ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି। ଅଷ୍ଟ୍ରେଲିଆର ବଡ଼ ସ୍କୋରରେ ସ୍ମିଥ ଓ ଗ୍ଲେନ୍ ମ୍ୟାକ୍ସୱେଲଙ୍କର ପ୍ରମୁଖ ଭୂମିକା ରହିଥିଲା। ଉଭୟ ଗତ ମ୍ୟାଚ୍ ପରି ବେଶ୍ ଦ୍ରୁତ ଗତିରେ ରନ୍ ସଂଗ୍ରହ କରିଥିଲେ। ଦୁଇ ଓପନର ପୁଣିଥରେ ଶତାଧିକ ରନର ଭାଗିଦାରୀ କରିବା ସହ ଉଭୟ ଅର୍ଦ୍ଧଶତକ କରିଥିଲେ। ୱାର୍ଣ୍ଣର୍ ୭ଟି ଚୌକା ଓ ୩ଟି ଛକା ସହ ୮୩ ଏବଂ ଅଧିନାୟକ ଆରୋନ୍ ଫିଞ୍ଚ୍ ୬ଟି ଚୌକା ଓ ଗୋଟିଏ ଛକା ସହ ୬୦ ରନ୍ କରିଥିଲେ।
ଦ୍ବିତୀୟ ମ୍ୟାଚକୁ ୭୨ ରନ୍‌ରେ ଜିତି
ଚଳିତ ୱେଷ୍ଟଇଣ୍ଡିଜ୍ ବିପକ୍ଷ ଟି-୨୦ ସିରିଜ୍ ଘରୋଇ ନ୍ୟୁଜିଲାଣ୍ଡ୍ ଜିତିନେଇଛି। ପ୍ରଥମ ଟି-୨୦ରେ ୫ ୱିକେଟରେ ବିଜୟୀ ହୋଇଥିବା ନ୍ୟୁଜିଲାଣ୍ଡ ରବିବାର ଏଠାକାର ବୋଲାଣ୍ଡ ପାର୍କରେ ଖେଳାଯାଇଥିବା ଦ୍ବିତୀୟ ମ୍ୟାଚକୁ ୭୨ ରନର ବଡ଼ ବ୍ୟବଧାନରେ ଜିତି ୨-୦ରେ ଆଗୁଆ ରହିଛି। ଯୁବ ବ୍ୟାଟ୍ସମ୍ୟାନ୍ ଗ୍ଲେନ୍ ଫିଲିପ୍ସଙ୍କ ଧୂଆଁଧାର ଶତକକୁ ଆଧାର କରି ନ୍ୟୁଜିଲାଣ୍ଡ୍ ୩ ୱିକେଟ୍ ହରାଇ ୨୩୮ ରନର ବଡ଼ ସ୍କୋର୍ କରିଥିଲା। ଏହାର ଜବାବ ଦେବାକୁ ଯାଇ ୱେଷ୍ଟଇଣ୍ଡିଜ୍ ୯ ୱିକେଟ୍ ହରାଇ ୧୬୬ ରନ୍ ହିଁ କରିପାରିଥିଲା। ଫିଲିପ୍ସ ମାତ୍ର ୫୧ଟି ବଲ୍ ଖେଳି ୧୦ଟି ଚୌକା ଓ ୭ଟି ଛକା ସହ ୧୦୮ ରନ୍ କରିଥିଲେ। ଶତକ ହାସଲ କରିଥିବା ଅଷ୍ଟ୍ରେଲିଆର ମଧ୍ୟମକ୍ରମ ବ୍ୟାଟ୍ସମ୍ୟାନ୍ ଷ୍ଟିଭେନ୍ ସ୍ମିଥ୍ ପ୍ଲେୟର୍ ଅଫ୍ ଦ ମ୍ୟାଚ୍ ବିବେଚିତ ହୋଇଛନ୍ତି।ଏହାଛଡ଼ା ସିରିଜରେ ଡେବ୍ୟୁ କରିଥିବା ଡେଭନ୍ କୋନୱେ ମାତ୍ର ୩୭ ବଲ୍ ଖେଳି ୪ଟି ଲେଖାଏଁ ଚୌକା ଓ ଛକା ଜରିଆରେ ଅପରାଜିତ ୬୫ ରନ୍ କରିଥିଲେ। ଆହୁରି ଓପନର ମାର୍ଟିନ୍ ଗପ୍ଟିଲ୍ ୨୩ ବଲରେ ୫ଟି ଚୌକା ଓ ୨ଟି ଛକା ସହ ୩୪ ରନ୍ କରିଥିଲେ। ଫିଲିପ୍ସ ୩ୟ ୱିକେଟ୍ ପାଇଁ କୋନୱେଙ୍କ ସହ ୧୮୪ ରନର ବଡ଼ ଭାଗିଦାରୀ କରିଥିଲେ। ଇଣ୍ଡିଜ୍ ପକ୍ଷରୁ ଓଶେନ୍ ଥୋମାସ୍, ଫାବିଆନ୍ ଆଲେନ୍ ଓ ଅଧିନାୟକ କାଇରନ୍ ପୋଲାର୍ଡ ଗୋଟିଏ ଲେଖାଏଁ ୱିକେଟ୍ ନେଇଥିଲେ।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ଦିଲ୍ଲୀ ସୀମାରେ ଟାୟାର୍ ଜାଳିଲେ
କେନ୍ଦ୍ର ସରକାରଙ୍କ ବିବାଦୀୟ କୃଷି ଆଇନ ବିରୋଧରେ ପଞ୍ଜାବ ଓ ହରିୟାଣାର କୃଷକମାନେ ପାଖାପାଖି ୨ ମାସ ହେଲା ଆନ୍ଦୋଳନ କରିଆସୁଥିବା ବେଳେ ଗତ ଗୁରୁବାରଠାରୁ ଏହା ବ୍ୟାପକ ରୂପ ନେବାରେ ଲାଗିଛି। ଭାରତୀୟ କିସାନ୍ ୟୁନିଅନ୍ (ବିକେୟୁ) ନେତୃତ୍ବରେ ହେଉଥିବା ଏହି ଆନ୍ଦୋଳନରେ ସାମିଲ୍ ଥିବା କୃଷକମାନେ ଦିଲ୍ଲୀ ଚଲୋ ଅଭିଯାନ ଆରମ୍ଭ କରିବା ସହ ଶୁକ୍ରବାର ରାଜଧାନୀ ଦିଲ୍ଲୀରେ ପ୍ରବେଶ କରିବା ସକାଶେ ସୀମାରେ ଧର୍ମଘଟ କରିଥିଲେ। ଶେଷରେ ସ୍ଥାନୀୟ ପୋଲିସ୍ ସେମାନଙ୍କୁ ଦିଲ୍ଲୀର ବୁରାରିସ୍ଥିତ ନିରଙ୍କରୀ ସମାଗମ ମଇଦାନରେ ଆନ୍ଦୋଳନ କରିବା ସକାଶେ ଅନୁମତି ଦେଇଥିଲା। କିନ୍ତୁ କୃଷକମାନେ ଜନ୍ତରମନ୍ତର ମଇଦାନରେ ଆନ୍ଦୋଳନ କରିବା ନେଇ ଜିଦ୍ ଧରିଛନ୍ତି। ରିପୋର୍ଟ ଲେଖାଯିବା ପର୍ଯ୍ୟନ୍ତ କୌଣସି ପ୍ରକାର ସହମତି ହୋଇ ନ ଥିବା ଜଣାପଡ଼ିଛି। ଶନିବାର ପୂର୍ବାହ୍ନରେ ହଜାର ହଜାର ସଂଖ୍ୟାରେ କୃଷକ ଦିଲ୍ଲୀ-ହରିୟାଣା ସୀମାରେ ପହଞ୍ଚିଥିବା ଜଣାପଡ଼ିଛି। ହରିୟାଣାର କୁରୁକ୍ଷେତ୍ରଠାରେ ପୋଲିସ୍ ଆନ୍ଦୋଳନରତ କୃଷକମାନଙ୍କୁ ରୋକିବା ସକାଶେ ବ୍ୟାରିକେଡ୍ କରିଥିଲେ ହେଁ ଉକ୍ତ ବ୍ୟାରିକେଡ୍ ଭାଙ୍ଗିବା ସକାଶେ କେତେକ କୃଷକ ଉଦ୍ୟମ କରିଥିଲେ। ତେଣୁ ୧୧ ଜଣ କୃଷକଙ୍କ ବିରୋଧରେ ପୋଲିସ୍ ପକ୍ଷରୁ ମାମଲା ରୁଜୁ କରାଯାଇଥିବା ଜଣାପଡ଼ିଛି। ସେହିପରି ଦିଲ୍ଲୀ ସହ ହରିୟାଣାକୁ ସଂଯୋଗ କରୁଥିବା ସିଙ୍ଘୁ ସୀମାରେ କେତେକ କୃଷକ ଟାୟାର୍ ଜାଳି ସେମାନଙ୍କ ବିରୋଧ ଭାବ ପ୍ରକାଶ କରିଛନ୍ତି। ଆହୁରି ଅଧିକ ସଂଖ୍ୟାରେ କୃଷକ ଏକାଠି ହେବାକୁ ଥିବାରୁ ସୀମାବର୍ତ୍ତୀ ଅଞ୍ଚଳରେ ସୁରକ୍ଷା ବ୍ୟବସ୍ଥାକୁ ଅଧିକ କଡ଼ାକଡ଼ି କରାଯାଇଛି।
ଥମୁନି ‘ପରୀ’ ନିଆଁ
ତିନି ଦିନ ଧରି ଲାଗି ରହିଥିବା ‘ପରୀ’ ନିଆଁ ଥମିବାର ନାଁ ଧରୁନାହିଁ। ବିଧାନସଭା ଭିତରେ ଓ ବାହାରେ ନୟାଗଡ଼ର ୫ ବର୍ଷର ଝିଅ ‘ପରୀ’ ହତ୍ୟା ପ୍ରସଙ୍ଗକୁ ନେଇ ଚର୍ଚ୍ଚା ଲାଗି ରହିଛି। ଗୁରୁବାର ମଧ୍ୟ ଦିନ ତମାମ ଏହି ଘଟଣା ଶୀର୍ଷରେ ରହିଛି। ୩ ଦିନ ହେଲା ବିଧାନସଭା ‘ପରୀ’ ମୃତ୍ୟୁ ପ୍ରସଙ୍ଗକୁ ନେଇ ଉଠୁଛି ପଡ଼ୁଛି। ମାମଲାରେ କୃଷିମନ୍ତ୍ରୀ ଅରୁଣ ସାହୁଙ୍କ ଇସ୍ତଫା ଓ ବହିଷ୍କାର ଦାବିରେ ବିରୋଧୀ ଦଳ ସଦସ୍ୟଙ୍କ ହଟ୍ଟଗୋଳ ଯୋଗୁ ଗୁରୁବାର ଦିନତମାମ ଗୃହ କାର୍ଯ୍ୟ ଚାଲିପାରି ନାହିଁ। ବିଜେପି ଓ କଂଗ୍ରେସ ସଦସ୍ୟଙ୍କ ହଟ୍ଟଗୋଳ ଓ ନାରାବାଜି ଯୋଗୁ ଗୃହକୁ ବାରମ୍ବାର ମୁଲତବୀ କରିବାକୁ ପଡ଼ିଛି। ସେହିପରି ଏହି ଘଟଣାରେ ଆଜି ମୁହଁ ଖୋଲିଛନ୍ତି ଖୋଦ୍‌ ମନ୍ତ୍ରୀ ଅରୁଣ ସାହୁ। ସତ୍ୟର ଉନ୍ମୋଚନ ହେଉ ଏବଂ ପରୀକୁ ନ୍ୟାୟ ମିଳୁ ବୋଲି ମନ୍ତ୍ରୀ କହିଥିବା ବେଳେ ମାମଲା କିନ୍ତୁ ଯାଇ ପହଞ୍ଚିଛି ହାଇକୋର୍ଟରେ। ଘଟଣାର ସିବିଆଇ ତଦନ୍ତ ଓ ପରିବାରକୁ କ୍ଷତିପୂରଣ ଦାବିରେ ଦୁଇଟି ପୃଥକ୍‌ ପୃଥକ୍‌ ଜନସ୍ବାର୍ଥ ମାମଲା ରୁଜୁ ହୋଇଛି। ସେହିପରି ସାମ୍ବାଦିକ ସମ୍ମିଳନୀ କରି ମନ୍ତ୍ରୀଙ୍କ ଇସ୍ତଫା ଦାବି କରିଛି ବିଜେପି। ମନ୍ତ୍ରୀଙ୍କୁ ବରଖାସ୍ତ କରା ନ ଗଲେ ରାଜ୍ୟବ୍ୟାପୀ ଆନ୍ଦୋଳନ କରିବାକୁ ଚେତାବନୀ ଦେଇଛି ବିଜେପି ମହିଳା ମୋର୍ଚ୍ଚା।
ମହିଳାଙ୍କ ପାଇଁ ସୁରକ୍ଷିତ ଏସବୁ
ବୁଲିବା ପାଇଁ ସମସ୍ତେ ପସନ୍ଦ କରନ୍ତି ଯଦିଓ ଏବେ କୋରୋନା ଭାଇରସ ଡରରେ ସମସ୍ତେ ଘରେ ରହିବାକୁ ପସନ୍ଦ କରୁଛନ୍ତି। ତେବେ ଧୀରେ ଧୀରେ ସମସ୍ତ ପର୍ଯ୍ୟଟନସ୍ଥଳୀ ଖୋଲାଯାଉଛି। ସମସ୍ତେ ବନ୍ଧୁ ଓ ପରିବାର ସହିତ ଭ୍ରମଣରେ ବାହାରିବାକୁ ଯୋଜନା କରୁଛନ୍ତି। ଏମିତି ଅନେକ ଲୋକ ଅଛନ୍ତି, ଯେଉଁମାନେ ଏକୁଟିଆ ବୁଲିବାକୁ ପସନ୍ଦ କରନ୍ତି। ଏମାନଙ୍କ ମଧ୍ୟରେ ଉଭୟେ ପୁରୁଷ ଓ ମହିଳା ଅଛନ୍ତି। ଭାରତରେ ସୋଲୋ ୱିମ୍ୟାନ ଟ୍ରାଭେଲର୍ସଙ୍କ ସଂଖ୍ୟା ବଢ଼ିବାରେ ଲାଗିଛି। ଏପରିସ୍ଥଳେ ବର୍ତ୍ତମାନ ସମୟରେ ମହିଳାଙ୍କ ସୁରକ୍ଷା ଏକ ବଡ଼ ପ୍ରସଙ୍ଗ। ଆଜି ଏଠାରେ ଭାରତର କେତେକ ମନୋରମ ସ୍ଥାନ ସମ୍ପର୍କରେ ସୂଚନା ଦିଆଯାଇଛି, ଯେଉଁଠି ମହିଳାମାନେ ଏକୁଟିଆ ନିର୍ଭୟରେ ବୁଲିପାରିବେ।

ଫଟୋ ଗ୍ୟାଲେରୀ

ଶୀତଦିନେ ଶାଢ଼ି ପିନ୍ଧିବା ପାଇଁ ଟିପ୍ସ
ଶୀତଦିନ ଆରମ୍ଭ ହେବା ସହିତ ବାହାଘର ଋତୁ ମଧ୍ୟ ଆରମ୍ଭ ହୋଇଯାଏ। କାରଣ ଅଧିକାଂଶ ଲୋକେ ଶୀତଦିନେ ବିବାହ କରିବାକୁ ପସନ୍ଦ କରିଥାନ୍ତି। କିନ୍ତୁ ଶୀତଦିନେ ବାହାଘରରେ ସାମିଲ ହେବା ମହିଳାଙ୍କ ପାଇଁ କୌଣସି ଛୋଟ ସମସ୍ୟା ନୁହେଁ। କାରଣ ଶୀତଦିନେ ସବୁ ଫ୍ୟାଶନ ଓ ଷ୍ଟାଇଲ ସ୍ବେଟର ଓ ଜ୍ୟାକେଟ ତଳେ ଲୁଚି ଯାଇଥାଏ। ସେହିପରି ଶାଢ଼ି ପିନ୍ଧିବାକୁ ପସନ୍ଦ କରୁଥିବା ମହିଳାଙ୍କ ପାଇଁ ଏହା ଅଧିକ ସମସ୍ୟା କରିଥାଏ। କାରଣ ଶାଢ଼ିରେ ଅଧିକ ଥଣ୍ଡା ଅନୁଭବ ହୋଇଥାଏ। ଯଦି ଥଣ୍ଡା କାରଣରୁ ବାହାଘରରେ ସାମିଲ ହେବାକୁ ଆପଣ ମନ ବଳାଉ ନାହାନ୍ତି, ତେବେ କେତେକ ଉପାୟ ଅବଲମ୍ବନ କରିପାରିବେ। ଏହି ଉପାୟରେ ଥଣ୍ଡାରୁ ରକ୍ଷା ପାଇବା ସହିତ ଷ୍ଟାଇଲିଶ ମଧ୍ୟ ନଜର ଆସିବେ। ଚାଲନ୍ତୁ ଜାଣିବା ଶୀତଦିନେ ଶାଢ଼ି ପିନ୍ଧିବାର ସବୁଠୁ ଭଲ ଉପାୟ।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ