ୱାଲ୍‌ନଟ୍‌ କବାବ ମଜା ନିଅନ୍ତୁ


ୱାଲ୍‌ନଟ୍‌ ବା ଅଖରୋଟ କବାବ ଏକ ସ୍ବାଦିଷ୍ଟ ଓ ସିମ୍ପଲ ଉତ୍ତର ଭାରତୀୟ ରେସିପି। ଏହି ଆପ୍ପେଟାଇଜର ରେସିପିକୁ ଆପଣ ଘରେ ବହୁତ କମ୍‌ ପରିଶ୍ରମରେ ତିଆରି କରିପାରିବେ। ଏମିତିରେ ଆପଣ ଯେତେବେଳେ ଚାହିବେ, ଏହି ରେସିପି ତିଆରି କରିପାରିବେ। କିନ୍ତୁ ବିଶେଷକରି ବିବାହ ବାର୍ଷିକୀ, ଗେଟ୍‌ ଟୁଗେଦର କିମ୍ବା ପାର୍ଟି ଅବସରରେ ତିଆରି କରିପାରିବେ। ଯଦି ଆପଣଙ୍କୁ ସ୍ପାଇସି ଖାଦ୍ୟ ପସନ୍ଦ, ତେବେ ଆପଣ ପସନ୍ଦ ଅନୁସାରେ ଏହି କବାବରେ ପରିବର୍ତ୍ତନ କରିପାରିବେ। ଚାଲନ୍ତୁ ଜାଣିବା ଏହି ୱାଲ୍‌ନଟ୍‌ କବାବ ରେସିପିର ପ୍ରସ୍ତୁତି ପ୍ରଣାଳୀ ସମ୍ପର୍କରେ।

କ’ଣ ଦରକାର
୩୦ଟି ଅଧା ଅଖରୋଟ, ୧୫୦ ଗ୍ରାମ୍‌ ପନୀର, ୨ ଚାମଚ ରସୁଣ ପେଷ୍ଟ, ୩ ଚାମଚ କଟା ଧନିଆ ପତ୍ର, ଦେଢ଼ ଚାମଚ ଚାଟ୍‌ ମସଲା, ଦେଢ଼ ଚାମଚ ଗରମ ମସଲା ଗୁଣ୍ଡ, ତିନି ଚତୁର୍ଥାଂଶ କପ୍‌ ବ୍ରେଡ୍‌କ୍ରମ୍ବସ୍‌, ୩ ଟେବଲସ୍ପୁନ୍‌ ଭେଜିଟେବଲ ଅଏଲ, ୩ଟି ମଧ୍ୟମ ଧରଣର ଗ୍ରେଟେଡ୍‌ ଗାଜର, ୨ ଚାମଚ ଅଦା ପେଷ୍ଟ, ୩ ଟି ମଧ୍ୟମ ଧରଣର ଆଳୁ, ଦେଢ଼ ଚାମଚ କଟା କଞ୍ଚା ଲଙ୍କା, ଦେଢ଼ ଚାମଚ ଜିରା ଗୁଣ୍ଡ, ତିନି ଚତୁର୍ଥାଂଶ ରୋଷ୍ଟେଡ୍‌ ବେସନ, ଦେଢ଼ କପ୍‌ ୱାଲନଟ୍‌ ପାଉଡର ଓ ସ୍ବାଦାନୁସାରେ ଲୁଣ।

ପ୍ରସ୍ତୁତି ପ୍ରଣାଳୀ
ୱାଲ୍‌ନଟ୍‌ କବାବ ତିଆରି କରିବା ଲାଗି ସର୍ବପ୍ରଥମେ ଏକ ପ୍ୟାନ୍‌କୁ ମଧ୍ୟମ ଆଞ୍ଚରେ ଗ୍ୟାସ୍‌ରେ ବସାନ୍ତୁ। ଏଥିରେ ତେଲ ଗରମ କରନ୍ତୁ। ତେଲ ଗରମ ହୋଇଗଲା ପରେ ଅଖରୋଟ୍‌, ଗାଜର ଓ ଲୁଣ ପକାଇ ୨ରୁ ୩ ମିନିଟ୍‌ ପାଇଁ ଧିମା ଆଞ୍ଚରେ ଭାଜନ୍ତୁ। ଏସବୁରୁ ପାଣି ମରିବା ଯାଏ ଏହାକୁ ଭାଜନ୍ତୁ। ଏହାପରେ ଏଥିରେ ଅଦା ରସୁଣ ପେଷ୍ଟ ପକାଇ ଗୋଳାନ୍ତୁ। ଏବେ ପ୍ୟାନ୍‌କୁ ଗ୍ୟାସ୍‌ରୁ ଓହ୍ଲାଇ ଏଥିରେ ଗ୍ରେଟେଡ୍‌ ପନୀର, ଚକଟା ଆଳୁ ଓ କଟା ଧନିଆ ପତ୍ର ପକାଇ ଭଲ ଭାବେ ମିଶାନ୍ତୁ। ଏବେ ଏହି ମିଶ୍ରଣକୁ ଭଲ ଭାବେ ଗ୍ରାଇଣ୍ଡିଂ କରନ୍ତୁ। ଏଥିରେ କଞ୍ଚା ଲଙ୍କା, ଚାଟ୍‌ ମସଲା, ରୋଷ୍ଟେଡ୍‌ ଜିରା ଗୁଣ୍ଡ, ଗରମ ମସଲା ପକାଇ ପୁଣିଥରେ ଗ୍ରାଇଣ୍ଡିଂ କରନ୍ତୁ।

ଗ୍ରାଇଣ୍ଡିଂ ହୋଇଯିବା ପରେ ଏହି ମିଶ୍ରଣକୁ ଏକ ପାତ୍ରକୁ ବାହାର କରନ୍ତୁ। ଏହି ମିଶ୍ରଣରେ ରୋଷ୍ଟେଡ୍‌ ବେସନ୍‌, ୱାଲ୍‌ନଟ୍‌ ପାଉଡର, ବ୍ରେଡ୍‌କ୍ରମ୍ବସ୍‌ ପକାନ୍ତୁ। ସବୁ ଉପକରଣକୁ ଏକାଠି ମିଶାଇ ଫ୍ରିଜ୍‌ରେ ରଖନ୍ତୁ। ଫ୍ରିଜ୍‌ରୁ ବାହାର କରି ଏହି ମିଶ୍ରଣକୁ ସମାନ ଭାବେ ଦୁଇ ଭାଗରେ ଭାଗ କରି ନିଅନ୍ତୁ। ଏଥିରେ ଆଙ୍ଗୁଠି ଆକାରର କବାବ ତିଆରି କରନ୍ତୁ। ଏବେ ଏକ ପ୍ୟାନ୍‌କୁ ମଧ୍ୟମ ଆଞ୍ଚରେ ରଖନ୍ତୁ। ଏହା ଗରମ ହୋଇଗଲା ପରେ ଏଥିରେ ତେଲ ଗରମ କରନ୍ତୁ। ଏହି କବାବକୁ ଚାରିପଟୁ ଭଲ ଫ୍ରାଏ କରନ୍ତୁ। ଏବେ ପ୍ରସ୍ତୁତ ହୋଇଗଲା ୱାଲ୍‌ନଟ୍‌ କବାବ। ଏହାକୁ କଟା ୱାଲ୍‌ନଟ୍‌ରେ ସଜାଇ ଗରମ ଗରମ ପରଷନ୍ତୁ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?