ମୋଦି ମହାତ୍ମା ?

ଗଣତନ୍ତ୍ରରେ ନିଜ ଛବି ପ୍ରତି ଅହେତୁକ ମୋହ ଅସ୍ପୃହଣୀୟ

ଖଦି ଗ୍ରାମୋଦ୍ୟୋଗ କମିଶନ କ୍ୟାଲେଣ୍ଡର୍‌ରେ ଚରଖା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜଣେ ନାର୍ସିସିଷ୍ଟ ବୋଲି ପୂର୍ବରୁ କରାଯାଉଥିବା ସନ୍ଦେହ ଧୀରେ ଧୀରେ ସତ୍ୟ ପ୍ରମାଣିତ ହୋଇ ଚାଲିଛି । ଗ୍ରୀକ୍ କିମ୍ବଦନ୍ତୀ ମୁତାବକ ନାର୍କିସସ୍ ନାମକ ଜଣେ ଯୁବକ ତାଙ୍କ ନିଜ ରୂପରେ ଏତେ ବିହ୍ବଳ ହୋଇ ପଡିଥିଲେ ଯେ ଇକୋ ନାମକ ପରୀ ବି ତାଙ୍କୁ ରସିଲା ନାହିଁ । ସେ ଏକ ପୁଷ୍କରିଣୀ କୂଳରେ ବସି ପାଣିରେ ନିଜ ପ୍ରତିବିମ୍ବ ଦେଖି ଦେଖି ତାଙ୍କ ଜୀବନ ସରିଗଲା । ନାର୍କିସସ୍‌ ଚରିତ୍ର ବିଶିଷ୍ଟ ଲୋକେ ହେଉଛନ୍ତି ମନୋବିଜ୍ଞାନ ଭାଷାରେ ନାର୍ସିସିଷ୍ଟ । 

ମୋଦି ଜଣେ ଭୀଷଣ ନାର୍ସିସିଷ୍ଟ ବୋଲି ତାଜା ପ୍ରମାଣ ହେଲା ଖଦି ଗ୍ରାମୋଦ୍ୟାଗ କମିଶନ (କେଭିଆଇସି)ଙ୍କ ଦ୍ୱାରା ପ୍ରସ୍ତୁତ କ୍ୟାଲେଣ୍ଡର ଓ ଡାଏରୀରେ ମୋଦିଙ୍କ ଫଟୋ । ପୂର୍ବରୁ ଯେଉଁଠି ମୋହନ ଦାସ କରମଚାନ୍ଦ ଗାନ୍ଧିଙ୍କ ଚରଖା ଘୁରାଇବା ଫଟୋ ରହୁଥିଲା, ସେଠି ଏବେ ମୋଦିଙ୍କ ସୂତାକଟା ଫଟୋ ଖଞ୍ଜା ଯାଇଛି । କ୍ଷମତାକୁ ଆସିବା ପରେ ଖଦି ଏବଂ କୁଟୀର ବୟନ ଶିଳ୍ପର ପ୍ରସାର ଲାଗି ମୋଦି ଅନେକ ପଦକ୍ଷେପ ନେଇଛନ୍ତି, ଏଥିରେ ଦ୍ୱିମତ ନାହିଁ । କିନ୍ତୁ ଗାନ୍ଧିଙ୍କୁ ହଟାଇ ତାଙ୍କ ସ୍ଥାନ ନେବାର ବ୍ୟକ୍ତିତ୍ୱ ମୋଦି ହାସଲ କରିବାକୁ ବହୁ ଦୂର ବାକି ଅଛି ।
ଆତ୍ମପ୍ରଚାର ରାଜନୀତିଜ୍ଞଙ୍କ ଚରିତ୍ର ଏବଂ ଆଜିର ଦୁନିଆରେ ଏହା ଦରକାର  ବୋଲି ଅସ୍ବୀକାର କରିହେବନି । ତେବେ ଆତ୍ମପ୍ରଚାରର ଏକ ସୀମା ଅଛି । ଦୃଷ୍ଟିଶକ୍ତି ବିବର୍ଜିତ ଦିବ୍ୟାଙ୍ଗ ନିଜକୁ ତ୍ରିଲୋଚନ ବୋଲାଇଲେ ତାହା ଅଲାଜୁକ ପିଠିରେ ବଥ ଉଠିବା ରକମ । ରାଜନେତା ମୋଦିଙ୍କ ପଇସାପତ୍ର, ଘରବାଡି ଲୋଭ ଅଛି କି ନାହିଁ, ତାହା ଏ ପର୍ଯ୍ୟନ୍ତ ଦ୍ୱନ୍ଦ୍ୱରେ । କିନ୍ତୁ ତାଙ୍କର ଦୁଇଟି ଚର୍ଚ୍ଚିତ  ସଉକ ହେଲା ପୋଷାକପତ୍ର ଓ ଅନ୍ୟଟି ହେଲା ହାତଘଣ୍ଟା । 

ମୋଦିଙ୍କ ସାର୍ଟୋରିଆଲ ଚଏସ୍ ଖ୍ୟାତନାମା ଫ୍ୟାଶନ ଡିଜାଇନରଙ୍କ ଆଖି ଟେରା କରିଦେବା ଭଳି । ପ୍ରଥମ ଥର ଆମେରିକା ଯିବା ବେଳେ ସେ ଯେଉଁ ସୁଟ୍ ପିନ୍ଧିଥିଲେ ସେଥିରେ ଅତି ସୂକ୍ଷ୍ମରେ ମୋଦି ମୋଦି ଲେଖା ଷ୍ଟ୍ରାଇପ୍ ଥିଲା ଏବଂ ତାହା ଅନେକ ଲକ୍ଷ ଟଙ୍କାର ଥିଲା । ସୌଖୀନ ପୋଷାକ ପ୍ରିୟ ନରେନ୍ଦ୍ର ମୋଦି ଚରଖା ଧରି ସୂତା କାଟିବାର ଫଟୋ, ଯାହା ତାଙ୍କୁ ଉପହାସର ପାତ୍ର ଭାବେ ଠିଆ କରିଛି । 
ତେବେ ଏ ସମଗ୍ର ପ୍ରକରଣରେ ସବୁଠାରୁ କୌତୁକିଆ ଅଂଶ ହେଲା ମୋଦିଙ୍କ ଫଟୋ ବିବାଦ ଉଠିବା ପରେ ପିଏମଓ (ପ୍ରଧାନମନ୍ତ୍ରୀ କାର୍ଯ୍ୟାଳୟ)ର ସଫେଇ । ପିଏମଓ କହିଲା ଆମକୁ ନ ପଚାରି ନ କହି କେଭିଆଇସି ଫଟୋ ଛାପି ଦେଇଛି । ମୋଦି ହେଉଛନ୍ତି ଏମିତି ଜଣେ ନେତା ଯାହାଙ୍କର ପ୍ରାଇଭେଟ୍ ଇଣ୍ଟେଲିଜେନ୍ସ ଏତେ ଦୃଢ  ଯେ ତାଙ୍କ ଦଳର ମନ୍ତ୍ରୀ ଓ ଏମପି କେବଳ ପାର୍ଲାମେଣ୍ଟ ବା ସରକାରୀ ଦପ୍ତରରେ ନୁହେଁ, ବାହାରେ  କି ପୋଷାକ ପିନ୍ଧୁଛନ୍ତି, କି ଖାଦ୍ୟ ଖାଉଛନ୍ତି,  କିଭଳି ଆଚରଣ ପ୍ରଦର୍ଶନ କରୁଛନ୍ତି, ତାହାର ଖବର ରଖି ସେ ତାଗିଦ୍ କରନ୍ତି । 

ଉଦାହରଣ ଭାବେ ୨୦୧୪ ମସିହାର ଘଟଣାଟିଏ ଏଠାରେ ଉଲ୍ଲେଖନୀୟ । ମୋଦି ସରକାର ସଜ ସଜ ଗଠନ ହୋଇଥାଏ । ଜଣେ ଟୋକା ମନ୍ତ୍ରୀ ତାଙ୍କର ପ୍ରଥମ ସରକାରୀ ବିଦେଶ ଗସ୍ତ ବେଳେ ଅତି କୁତୁ କୁତୁ ହୋଇ ଜିନ୍ସ ପିନ୍ଧି ବିମାନବନ୍ଦରକୁ ଯାଉଥିଲେ । ବାଟରେ ମୋଦିଙ୍କ କଲ୍ ପାଇଲେ । ମୋଦି ତାଙ୍କୁ ଭଦ୍ର ପୋଷାକ ସମ୍ପର୍କରେ ଉତ୍ତମ ମଧ୍ୟମ ଶୁଣାଇଲେ । ବିଚରା ଯୁବ ମନ୍ତ୍ରୀ ଅତର୍ଚ୍ଛାରେ ଅଧାବାଟରୁ ପୁଣି ଘରକୁ ଫେରିଲେ । ଜିନ୍ସକୁ ଫିଙ୍ଗି ଦେଇ ଦେଶୀ ପାରମ୍ପରିକ ପୋଷାକ ପିନ୍ଧି ବିମାନବନ୍ଦରକୁ ଫେରିଲେ । 

ଏଭଳି ସ୍ଥଳେ କେଭିଆଇସି ଜଣାଇ ନାହିଁ ବୋଲି ପିଏମଓ ସ୍ପଷ୍ଟୀକରଣ ଦେବା ଧର୍ମକୁ ଆଖିଠାର ମାତ୍ର । ଅସଲ କଥା ହେଲା, ଆତ୍ମରତି ପ୍ରିୟ (ନାର୍ସିସିଷ୍ଟ) ନରେନ୍ଦ୍ର ମୋଦିଙ୍କ ଇଚ୍ଛା ନିଜ ଛବି ସାଧାରଣ ଲୋକଙ୍କ ଡ୍ରଇଂ ରୁମ୍‌ରୁ ପେଟ୍ରୋଲ ପମ୍ପ ପର୍ଯ୍ୟନ୍ତ ସବୁଠି ଦେଖିବେ । ଲିଖିତ ଅନୁମତି ନ ଦେଇଥିଲେ ବି ତାଙ୍କ ମୁଣ୍ଡ ଟୁଙ୍ଗୁରାରେ ବିନା କେଭିଆଇସି ଅଧ୍ୟକ୍ଷ ଡାଏରୀରେ ତାଙ୍କ ଛବି ଛାପିବାକୁ ସାହସ କରିଥିବା ଅବିଶ୍ୱସନୀୟ । ଗାନ୍ଧିଜୀଙ୍କ ଛବି ବଦଳି ସେହି ଫଟୋ ସହିତ ଯଦି ମୋଦିଙ୍କ ଛବି ରହିଥାନ୍ତା ତା’ ହେଲେ ଏତେ ଘୁ..ଘା.. ହୋଇ ନଥାନ୍ତା । ମାତ୍ର ନାର୍ସିସିଷ୍ଟମାନେ ନିଜ ଛବି ପ୍ରେମରୁ ଊର୍ଦ୍ଧ୍ୱକୁ ଉଠି ପାରନ୍ତି ନାହିଁ ।


Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।