ମାନବିକତା ଭୁଲିଲା କ୍ଲିନିକ୍‌ ଆଟେଣ୍ଡାଣ୍ଟ୍‌: ଶିଶୁକୁ ଶିକୁଳିରେ ବାନ୍ଧିଲା


ଗାଜିଆବାଦ: ଉତ୍ତର ପ୍ରଦେଶର ଗାଜିଆବାଦରେ ଜନୈକ କ୍ଲିନିକ୍‌ ଆଟେଣ୍ଟାଣ୍ଟ୍‌ ଜଣେ କୋମଳମତି ଶିଶୁକୁ ଶିକୁଳିରେ ବାନ୍ଧି ସମସ୍ତ ମାନବିକତାର ସୀମାକୁ ଟପିଯାଇଛି। ଏହି କୁନି ପିଲାଟି ଚପଲ ଚୋରି କରିଥିବାରୁ ଉକ୍ତ କ୍ଲିନିକ୍‌ ଆଟେଣ୍ଟାଣ୍ଟ୍‌ ତାକୁ ଲୁହା ଶିକୁଳିରେ ବାନ୍ଧି ଦେଇଥିଲା। କେତେକ ସ୍ଥାନୀୟ ଗଣମାଧ୍ୟମ ପ୍ରତିନିଧିଙ୍କ ନଜରରେ ଏହା ପଡ଼ିବା ପରେ ସେମାନଙ୍କଠାରୁ ସୂଚନା ପାଇ ସ୍ଥାନୀୟ ପୋଲିସ୍‌ ଘଟଣାସ୍ଥଳରେ ପହଞ୍ଚିଥିଲା।  କିନ୍ତୁ ସାମ୍ବାଦିକଙ୍କ ଉପସ୍ଥିତି ବେଳେ ଉକ୍ତ ଆଟେଣ୍ଟାଣ୍ଡ୍‌ ଭୟରେ ଶିଶୁଟିକୁ ମୁକ୍ତ କରିଦେଇଥିଲା। ପରେ ପୋଲିସ୍‌ ଆଟେଣ୍ଡାଣ୍ଟ୍‌ ଆସିଫ୍‌କୁ ଗିରଫ କରିଥିବା ଜଣାପଡ଼ିଛି।

କବି ନଗର ପୋଲିସ୍‌ ଷ୍ଟେସନ୍‌ରେ ଆସିଫ୍ ବିରୋଧରେ ଜୁଭେନାଇଲ୍‌ ଜଷ୍ଟିସ୍‌ ଆକ୍ଟରେ ମାମଲା ରୁଜୁ ହୋଇଛି। ରାଜ ନଗରସ୍ଥିତ ଫୋନିକ୍ସ ସ୍ପିଚ୍‌ ଆଣ୍ଡ୍‌ ହିୟରିଂ କ୍ଲିନିକ୍‌ରେ ଉକ୍ତ ଶିଶୁଟିକୁ ବନ୍ଧାଯାଇଥିଲା। ପୋଲିସ୍‌ ଘଟଣାରେ ନିଜ ତରଫରୁ ଏକ ମାମଲା ରୁଜୁ କରିଛି। ପଚରାଉଚରା ବେଳେ ଆସିଫ୍ ପୋଲିସ୍‌କୁ ସୂଚନା ଦେଇଛି ଯେ ଉକ୍ତ ଶିଶୁଟି କ୍ଲିନିକ୍‌ ବାହାରେ ରହିଥିବା ଜୋତା ଚୋରି କରୁଥିବାରୁ ତାକୁ ଦଣ୍ଡ ଦେବା ସକାଶେ ସେ ଲୁହା ଚେନ୍‌ରେ ବାନ୍ଧିଦେଇଥିଲା। ଏହା ଜଣେ ସ୍ଥାନୀୟ ଖବରକାଗଜର ଫଟୋଗ୍ରାଫର୍‌ ନଜରରେ ପଡ଼ିବା ପରେ ସେ ଫଟୋ ଉତ୍ତୋଳନ କରିବା ସହ ପୋଲିସ୍‌ରେ ଖବର ଦେଇଥିଲେ। ଏଥିରେ ଭୟଭୀତ ହୋଇ ଆସିଫ୍‌ ତା’ ଗୋଡ଼ରୁ ଶିକୁଳି ଖୋଲିଦେବା ପରେ ପିଲାଟି ସେଠାରୁ ପଳାଇ ଯାଇଥିଲା। ତେବେ ପୋଲିସ୍‌ ତାକୁ ଖୋଜାଖୋଜି କରି ନିକଟସ୍ଥ ଏକ ବସ୍ତି ଅଞ୍ଚଳରୁ ଉଦ୍ଧାର କରିବା ସହ ତା’ର ମେଡିକାଲ୍‌ ଯାଞ୍ଚ୍‌ କରିଛି। କିନ୍ତୁ କ୍ଲିନିକ୍‌ର ଡାକ୍ତର ଲଭନିତ୍‌ ମାଲହୋତ୍ରା ଏପରି ଖବରକୁ ମିଛ ବୋଲି କହିଛନ୍ତି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?