୪୨ରେ ବି ଏମିତି ନିଜକୁ ଫିଟ ରଖୁଛନ୍ତି ସୋହା


ସୋହା ଅଲୀ ଖାନ
୪୨ ବର୍ଷ ବୟସରେ ପଦାର୍ପଣ କରିବା ପରେ ବି ସୋହା ଅଲୀ ଖାନଙ୍କ ଫିଟନେସ ପ୍ରଶଂସାଯୋଗ୍ୟ। ନିଜ ଫିଟନେସକୁ ଅକ୍ଷୁଣ୍ଣ ରଖିବା ଲାଗି ସୋହା ବେଶ ପରିଶ୍ରମ କରୁଛନ୍ତି। ଫିଟନେସ ଭିଡ଼ିଓରେ ତାଙ୍କ ଇନଷ୍ଟାଗ୍ରାମ ଭରି ରହିଛି। ସେ ନିଜେ ଫିଟ ରହିବା ସହିତ ନିଜ ପ୍ରଶଂସକଙ୍କୁ ବି ଫିଟ ରହିବା ଲାଗି ଅନୁପ୍ରାଣିତ କରିଥାନ୍ତି। ସୋହା ନିଜ ପିଲାଙ୍କୁ ବି ପୂରା ଧ୍ୟାନ ଦେଇଥାନ୍ତି। ଏଥିସହିତ ନିଜର ବି ଯତ୍ନ ନେଇଥାନ୍ତି।

ବ୍ୟାୟାମ
ସୋହା ନିଜ ପେଟର ଚର୍ବି କମ କରିବା ଲାଗି କୋର ୱାର୍କଆଉଟ କରିଥାନ୍ତି। ଏହାଦ୍ବାରା ଶରୀରର ମିଡ ପାର୍ଟ ଷ୍ଟ୍ରଙ୍ଗ ରହିଥାଏ। ସେ ନିଜ ବ୍ୟାୟାମରେ ଯୋଗ ନିହାତି ସାମିଲ କରିଥାନ୍ତି। ମାନସିକ ଶାନ୍ତି ପାଇଁ ସେ ମେଡିଟେସନ ବି କରିଥାନ୍ତି। ଡମ୍ବଲ ସ୍କ୍ବାଟସ, ଡମ୍ବଲ ଲାସେ, କିକ ଏକ୍ସରସାଇଜ, ଲାଇଟ ୱେଟ ଲିଫ୍ଟିଙ୍ଗ ଆଦି ତାଙ୍କ ବ୍ୟାୟାମର ଅଂଶ ବିଶେଷ।

ଡାଏଟ
ସୋହା ସବୁବେଳେ ସ୍ବାସ୍ଥ୍ୟକର ଖାଦ୍ୟ ସେବନ କରିବାରେ ବିଶ୍ବାସ ରଖନ୍ତି। ସେ ଘର ତିଆରି ଖାଦ୍ୟ ଅଧିକ ସେବନ କରନ୍ତି। ଡାଲି, ଭାତ, ରୁଟି, ତରକାରୀ ସୋହା ଖାଇବାକୁ ପସନ୍ଦ କରନ୍ତି। ସେ ଦିନରେ ଛୋଟ ଛୋଟ ମିଲ ନେଇଥାନ୍ତି। ଫଳରେ ତାଙ୍କୁ ପୂରା ଦିନ ଆକ୍ଟିଭ ରହିବାରେ ସାହାଯ୍ୟ ମିଳିଥାଏ। ସେ ତାଙ୍କ ଡାଏଟରେ ରୋଷ୍ଟେଡ ନଟସ, ମୌସୁମୀ ଫଳ, ସବୁଜ ପନିପରିବା ସାମିଲ କରନ୍ତି। ସାରାଦିନ ନିଜକୁ ହାଇଡ୍ରେଟ ରଖିବା ଲାଗି ପ୍ରଚୁର ପାଣି ବି ସେବନ କରନ୍ତି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।