ଭାରତ-ବାଂଲାଦେଶ ସୀମାରୁ ଧରାପଡ଼ିଲା ଚୀନ ଅନୁପ୍ରବେଶକାରୀ


ଧରାପଡ଼ିଥିବା ଚୀନ ଅନୁପ୍ରବେଶକାରୀ
ଢାକା: ସୀମା ସୁରକ୍ଷା ବାହିନୀ (ବିଏସ୍ଏଫ୍) ବାଂଲାଦେଶର ସୀମାନ୍ତ ଓ ପଶ୍ଚିମବଙ୍ଗର ମାଲଦା ଜିଲ୍ଲାରୁ ଜଣେ ସନ୍ଦିଗ୍ଧ ଚୀନ୍ ନାଗରିକଙ୍କୁ ଅଟକ ରଖିଥିଲେ। ଅଭିଯୋଗ ହୋଇଛି ଯେ ଏହି ଚୀନ ନାଗରିକ ଅନ୍ତର୍ଜାତୀୟ ସୀମା ପାର କରି ଭାରତରେ ବେଆଇନ ଭାବେ ପ୍ରବେଶ କରିଛି। ଅଧିକାରୀମାନେ କହିଛନ୍ତି ଯେ ଗୁରୁବାର ସକାଳେ ଚୀନ ନାଗରିକ ଜଣକ ମାଲଦାର ମାଣିକଚକକୁ ଲାଗିଥିବା ଭାରତ-ବାଂଲାଦେଶ ସୀମାବର୍ତ୍ତୀ ଅଞ୍ଚଳରେ ପ୍ରବେଶ କରୁଥିବାବେଳେ ସେଠାରେ ଡ୍ୟୁଟିରେ ଥିବା ବିଏସଏଫର ଯବାନ ତାଙ୍କ ସନ୍ଦେହଜନକ ଗତିବିଧି ଦେଖିବା ପରେ ତାଙ୍କୁ ଅଟକ ରଖିଥିଲେ।

ତାଙ୍କ ପାଖରୁ ଏକ ଲାପଟପ୍ ସହ ବାଂଲାଦେଶ ଭିସା ସହିତ ଚାଇନାର ପାସପୋର୍ଟ ମଧ୍ୟ ଜବତ କରାଯାଇଛି। ପ୍ରାଥମିକ ପଚରାଉଚରା ପରେ ବିଏସଏଫ ତାଙ୍କୁ ମାଣିକଚକ ପୁଲିସ ଷ୍ଟେସନକୁ ହସ୍ତାନ୍ତର କରିଛି। ପୁଲିସଠାରୁ ମିଳିଥିବା ସୂଚନା ଅନୁଯାୟୀ, ଗିରଫ ହୋଇଥିବା ଚୀନର ନାଗରିକଙ୍କ ନାମ ହୋନ ଜୁନ (୩୬)। ସେ ବର୍ତ୍ତମାନ ମାଣିକଚକ ପୁଲିସ ଷ୍ଟେସନରେ ଅଛନ୍ତି ଏବଂ ତାଙ୍କୁ ପଚରାଉଚରା କରାଯାଉଛି।

ସେ କାହିଁକି ଏବଂ କେଉଁ ଉଦ୍ଦେଶ୍ୟରେ ଭାରତ ଆସିବାକୁ ଚେଷ୍ଟା କରୁଥିଲେ ସେନେଇ ବିଭିନ୍ନ କେନ୍ଦ୍ରୀୟ ଏଜେନ୍ସି ମଧ୍ୟ ତାଙ୍କୁ ପଚରାଉଚରା କରୁଛନ୍ତି। ଉଲ୍ଲେଖନୀୟ ଯେ ବର୍ତ୍ତମାନ ସୀମା ବିବାଦକୁ ନେଇ ଭାରତ ଏବଂ ଚୀନ୍ ମଧ୍ୟରେ ତିକ୍ତତା ଚାଲିଛି। ଏଭଳି ପରିସ୍ଥିତିରେ ଚୀନ ନାଗରିକଙ୍କୁ ବାଂଲାଦେଶ ସୀମାରୁ ଗିରଫ କରାଯିବା ପରେ ଅନେକ ପ୍ରଶ୍ନ ଉଠିଛି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ