ସ୍ବତନ୍ତ୍ର ପ୍ରସଙ୍ଗ

ଆଜି ପବିତ୍ର ମକର ସଂକ୍ରାନ୍ତି: ନୂଆ ଫସଲର ଖୁସି ଓ ଗୁଡ଼ିଉଡ଼ା

ଭୁବନେଶ୍ବର: ଭାରତୀୟ ସଂସ୍କୃତିରେ ପ୍ରତ୍ୟେକ ପର୍ବର ବିଶେଷ ମହତ୍ତ୍ୱ ଓ ଗରିମା ରହିଆସିଛି। ବିଭିନ୍ନତା ମଧ୍ୟରେ ଏକତାର ସର୍ବଶ୍ରେଷ୍ଠ ଉଦାହରଣ ପ୍ରସ୍ତୁତ କରୁଥିବା ଭାରତ ଧର୍ମୀୟ ଭାବନାକୁ ସବୁବେଳେ ପ୍ରାଧାନ୍ୟତା ଦେଇଆସିଛି। ଏଠି ବାରମାସରେ ତେର ପର୍ବ- ଉକ୍ତିକୁ ଯଥାର୍ଥରେ ପ୍ରମାଣିତ କରି ଆସିଛି ମକର ସଂକ୍ରାନ୍ତି। ଆଜି ହେଉଛି ପବିତ୍ର ମକର ସଂକ୍ରାନ୍ତି। ଆଜିଠାରୁ ଆରମ୍ଭ ହୋଇଛି ସୂର୍ଯ୍ୟଙ୍କର ଉତ୍ତରାୟଣ ଗତି। ଶ୍ରଦ୍ଧାଳୁମାନେ ବୁଡ଼ ପକାଇ ସୂର୍ଯ୍ୟ ଦେବତାଙ୍କୁ ଅର୍ଘ୍ୟ ଦାନ କରିଛନ୍ତି। ଏହି ପର୍ବକୁ ସମସ୍ତେ ବେଶ୍‌ ଉତ୍ସାହର ସହିତ ପାଳନ କରନ୍ତି। ମକର ସଂକ୍ରାନ୍ତି ଦିନ ସୂର୍ଯ୍ୟ ମକର ରାଶିରେ ପ୍ରବେଶ କରିଥାନ୍ତି। ସୌର ଗଣନା ଅନୁସାରେ ମକର ସଂକ୍ରାନ୍ତିକୁ ମକର ମାସର ପ୍ରଥମ ଦିନ ହିସାବରେ ଗ୍ରହଣ କରାଯାଏ। ସଂକ୍ରାନ୍ତି ହେଉଛି ସୂର୍ଯ୍ୟଙ୍କର ଗୋଟିଏ ରାଶିରୁ ଅନ୍ୟ ରାଶିକୁ ଚଳନ କରିବାର ଦିନ। ମକର ସଂକ୍ରାନ୍ତି ଦିନ ସୂର୍ଯ୍ୟ ଧନୁ ରାଶିରୁ ମକର ରାଶିକୁ କ୍ରମଶଃ ଗମନ କରନ୍ତି। ଏହି ଦିନଠାରୁ ସୂର୍ଯଙ୍କର ଉତ୍ତରାୟଣ ଗତି ଆରମ୍ଭ ହୋଇଥାଏ। ତେଣୁ ମକର ସଂକ୍ରାନ୍ତିରେ ଅନ୍ନବସ୍ତ୍ର ଓ ତିଳ ଦାନ ଦ୍ୱାରା ବିଶେଷ ପୁଣ୍ୟଫଳ ପ୍ରାପ୍ତ ହୋଇଥାଏ ବୋଲି ବିଶ୍ୱାସ ରହିଛି। ଭାରତର ବିଭିନ୍ନ ସ୍ଥାନରେ ମକର ସଂକ୍ରାନ୍ତିର ଭିନ୍ନ ଭିନ୍ନ ନାମ ରହିଛି। ସ୍ଥାନ ଅନୁଯାୟୀ ଏହି ପର୍ବ ପାଳନ କ୍ଷେତ୍ରରେ ବିଭିନ୍ନ ରୀତିନୀତି ମଧ୍ୟ ପରିଲକ୍ଷିତ ହୋଇଥାଏ। ମକରରେ ଜଳାଶ୍ରୟରେ ଭୋର୍‌ରୁ ବୁଡ଼ ପକାଇ ଦେବଦର୍ଶନ କଲେ ଅପାର ପୂଣ୍ୟ ମିଳେ ବୋଲି ବିଶ୍ବାସ ରହିଛି। ସେଥିପାଇଁ ମକରରେ ଲୋକମାନେ ନଦୀ, ସମୁଦ୍ରରେ ବୁଡ଼ ପକାଇଥାନ୍ତି।

ବିକାଶ ବାଟବଣା: ପଛରେ ପଡ଼ିଛି ଓଡ଼ିଶାର ଛୋଟ ସହର

କଟକ, ଭୁବନେଶ୍ବର, ରାଉରକେଲା, ପୁରୀ, ସମ୍ବଲପୁର ଓ ବ୍ରହ୍ମପୁରକୁ ବାଦ୍‌ ଦେଲେ ରାଜ୍ୟର ଅନ୍ୟ କୌଣସି ସହରରେ ଆଶା କରାଯାଉଥିବା ଭିତ୍ତିଭୂମିର ବିକାଶ ଘଟିନି। ରାଜ୍ୟର ଗାଁଗଣ୍ଡାରୁ ଲୋକେ ଶିକ୍ଷା, ଜୀବିକା ଓ ସ୍ବାଚ୍ଛନ୍ଦ୍ୟ ପାଇଁ ବଡ଼ ସହରକୁ ଯେଭଳି ପସନ୍ଦ କରୁଛନ୍ତି, ଆଖପାଖରେ ଥିବା ଛୋଟ ଛୋଟ ସହରରେ ସେଭଳି ରହିବା ପାଇଁ ପସନ୍ଦ କରୁନାହାନ୍ତି। ବିକାଶ ପ୍ରକ୍ରିୟାରେ ବିକେନ୍ଦ୍ରୀକରଣ କଥା ଯେଭଳି କୁହାଯାଉଛି, ବାସ୍ତବରେ ତାର ଓଲଟା ଚିତ୍ର ଦେଖିବାକୁ ମିଳୁଛି। ରାଜଧାନୀ ଭୁବନେଶ୍ବରର ରାସ୍ତାଘାଟ, ଜଳ, ବିଜୁଳି ଓ ପରିମଳ, ବ୍ୟବସାୟ ସ୍ଥାନୀୟ ଶାସନ, ଟ୍ରାଫିକ, ଆଇନଶୃଙ୍ଖଳା, ଉନ୍ନତ ଜୀବନଯାତ୍ରାର ସ୍ଥିତି ଯେଭଳି ଅଛି, ତାହା ରାଜ୍ୟର ଆଉ କୌଣସି ସହରରେ ନାହିଁ। ସରକାର ରାଜଧାନୀ ପାଇଁ ଯେତିକି ଅର୍ଥ ଖର୍ଚ୍ଚ କରୁଛନ୍ତି, ରାଜ୍ୟର ଅନ୍ୟ ସହର ଗୁଡ଼ିକର ସ୍ଥିତି ସଜାଡ଼ିବାରେ ସେହି ଅନୁସାରେ ଖର୍ଚ୍ଚ କରୁନାହାନ୍ତି। ଜନସଂଖ୍ୟା ବଢ଼ିଛି। ଲୋକେ ସୁବିଧା ପାଇଁ ସହରାଭିମୁଖୀ ହୋଇଛନ୍ତି। କିନ୍ତୁ ଛୋଟ ଛୋଟ ସହର ଗୁଡ଼ିକରେ ବିକାଶ ସଙ୍କୁଚିତ ହୋଇଯାଉଥିବାରୁ କଟକ, ଭୁବନେଶ୍ବର, ବ୍ରହ୍ମପୁର ସହରରେ ଘର କରି ରହିବା ପାଇଁ ଆଗ୍ରହ ବଢ଼ିଚାଲିଛି। ସ୍ମାର୍ଟ ସିଟି ମିଶନରେ ଭୁବନେଶ୍ବର, ରାଉରକେଲା, କଟକ, ବ୍ରହ୍ମପୁର ଏବଂ ସମ୍ବଲପୁରକୁ ଯୋଡ଼ିବାର ଆଭିମୁଖ୍ୟ ନେଇ ସମ୍ପୂର୍ଣ୍ଣ ସଫଳ ହୋଇ ନ ଥିବା ସରକାରଙ୍କ ଆନ୍ତରିକତାକୁ ପଦାରେ ପକାଇଦେଇଛି। ସହର ଗୁଡ଼ିକର ସମାନ ଯୋଗ୍ୟତା ନ ଥିବାରୁ ଭୁବନେଶ୍ବର ସହିତ କଟକ, ସମ୍ବଲପୁର ଓ ବ୍ରହ୍ମପୁର ବି ସମାନ ହୋଇପାରି ନାହାନ୍ତି। ଭୁବନେଶ୍ବରକୁ ୭୦ ମାର୍କ ମିଳିଥିବା ବେଳେ କଟକ, ସମ୍ବଲପୁର ଏବଂ ବ୍ରହ୍ମପୁରକୁ ୬୦ ଲେଖାଏଁ ମାର୍କ ମିଳିଛି। ସ୍ମାର୍ଟସିଟି ଗାଇଡଲାଇନ ସ୍କୋର ଅନୁଯାୟୀ ସମ୍ବଲପୁର ପାଇଛି ୫୫ ମାର୍କ।

ଚାଷୀଙ୍କୁ ବଳିଗଲେ ବେକାରୀ: ପ୍ରତି ୨ ଘଣ୍ଟାରେ ୩ ଜଣଙ୍କ

ଦେଶରେ ଚାଷୀ ଆତ୍ମହତ୍ୟାକୁ ନେଇ ସଡ଼କରୁ ସଂସଦ ଯାଏ ହୋହଲ୍ଲା ଚାଲିଥିବା ବେଳେ ଏନ୍‌ସିଆର୍‌ବି ରିପୋର୍ଟରେ ଚାଷୀଙ୍କ ତୁଳନାରେ ବେରୋଜଗାରୀ ମାନଙ୍କ ଆତ୍ମହତ୍ୟା ହାର ଅଧିକ ବୋଲି ଏକ ଚମକପ୍ରଦ ତଥ୍ୟ ସାମ୍ନାକୁ ଆସିଛି। ଚାଷୀଙ୍କ ତୁଳନାରେ ବେକାରୀ ଓ ବେରୋଜଗାରୀମାନେ ଅଧିକ ସଂଖ୍ୟାରେ ଆତ୍ମହତ୍ୟା କରୁଥିବା ଜାତୀୟ ଅପରାଧିକ ପରିସଂଖ୍ୟାନ ବ୍ୟୁରୋ (ଏନ୍‌ସିଆରବି) ପକ୍ଷରୁ କୁହାଯାଇଛି। ଏହି ରିପୋର୍ଟ ଅନୁଯାୟୀ ଦେଶରେ ୨୦୧୮ରେ ପ୍ରତି ୨ ଘଣ୍ଟାରେ ପ୍ରାୟ ୩ ଜଣ ବେରୋଜଗାରୀ ଆତ୍ମହତ୍ୟାର ରାସ୍ତା ବାଛି ନେଇଥିଲେ। ଅର୍ଥାତ୍‌ ଦିନକୁ ୩୬ ଜଣ ଆତ୍ମହତ୍ୟା କରିଥିବା ଘଟଣା ଘଟିଛି ଆମ ଦେଶରେ। ଯାହାକି ଚାଷୀଙ୍କ ଆତ୍ମହତ୍ୟା ଠାରୁ ଢେର ଅଧିକ। ବୃତ୍ତି ଆଧାରରେ ସର୍ବାଧିକ ଆତ୍ମହତ୍ୟା ଦିନ ମଜୁରିଆଙ୍କ ମଧ୍ୟରେ ଥିବା ଜଣାଯାଇଛି। କେନ୍ଦ୍ର ଗୃହ ମନ୍ତ୍ରାଳୟ ଅଧୀନସ୍ଥ ଏନ୍‌ସିଆରବି ଦେଶର ଅପରାଧ ସହିତ ଜଡ଼ିତ ପରିସଂଖ୍ୟାନ ଏବଂ ଟ୍ରେଣ୍ଡ୍‌ର ରିପୋର୍ଟ ଜାରି କରିଥାଏ।

ଜୀବନ ଜୀବିକାର ବାଟ ଦେଖାଇଛି ନାରୀ ଶକ୍ତି

ଗ୍ରାମୀଣ ମହିଳାଙ୍କ ଆର୍ଥିକ ଉନ୍ନତି ଆଭିମୁଖ୍ୟ ନେଇ ଆମରାଜ୍ୟରେ ଗଠିତ ମହିଳା ସ୍ୱୟଂ ସହାୟକ ଗୋଷ୍ଠୀ ଗୁଡିକ ଏବେ ଧୀରେ ଧୀରେ ସଶକ୍ତ ହେବାରେ ଲାଗିଛନ୍ତି। ଯେଉଁମାନେ ପରିବାରର ଚାରିକାନ୍ଥର ଚୌହଦି ଭିତରେ ନିଜକୁ ସୀମିତ ରଖୁଥିଲେ, ସେମାନେ ବିଭିନ୍ନ ରୋଜଗାର ଭିତ୍ତିକ କାର୍ଯ୍ୟରେ ନିଜକୁ ନିୟୋଜିତ କରି ବେଶ୍‌ ଦୁଇ ପଇସା ରୋଜଗାର କରିପାରୁଛନ୍ତି। ଆର୍ଥିକ ଦୃଷ୍ଟିରୁ ସ୍ୱାବଲମ୍ବୀ ହେଉଥିବାରୁ ସାମାଜିକ ଓ ରାଜନୈତିକ କ୍ଷେତ୍ରରେ ସେମାନଙ୍କ ପତିଆରା ବୃଦ୍ଧି ପାଇଛି। ଦିନେ ଯେଉଁ ମହିଳାମାନେ ଗାଁ ଦାଣ୍ଡରେ ପରସ୍ପରକୁ ଭେଟିଲେ ମୁହଁ ପୋତି ଚାଲିଯାଉଥିଲେ, ସେହି ମହିଳାମାନେ ଏବେ ଗାଁ ଦାଣ୍ଡରେ ବସି ସଞ୍ଚୟ, ଋଣ ଓ ଅନ୍ୟାନ୍ୟ ବିକାଶ ଦିଗରେ ନିଷ୍ପତ୍ତି ନେଇପାରୁଛନ୍ତି। ବିଗତ ଦୁଇ ଦଶନ୍ଧି ଧରି ଓଡ଼ିଶାର ଗ୍ରାମୀଣ ମହିଳାମାନେ ୬ ଲକ୍ଷରୁ ଅଧିକ ଦଳ ଗଢି କୋଟି କୋଟି ଟଙ୍କାର ପୁଞ୍ଜି ସଂଗ୍ରହ କରିପାରିଛନ୍ତି ଓ ତାଲିମ ନେଇ ନିଜ ଉତ୍ପାଦିତ ଦ୍ରବ୍ୟକୁ ଦେଶର ବିଭିନ୍ନ ବଜାରରେ ପହଞ୍ଚାଇ ଦେଇଛନ୍ତି। ଏହି ଦଳଗୁଡିକୁ ମାର୍ଗଦର୍ଶନ ଦେବା ପାଇଁ ରାଜ୍ୟରେ ମିଶନ ଶକ୍ତି ବିଭାଗ ଖୋଲାଯାଇଛି। ପାରମ୍ପରିକ ଲୁଙ୍ଗି ଗାମୁଛା ବୁଣି ଦିନେ ଯେଉଁ ଗ୍ରାମୀଣ କାରିଗର ଦିନକୁ ୨୦୦ ଟଙ୍କା ରୋଜଗାର ପାଇଁ ଅକ୍ଷମ ଥିଲା, ସେଠି ସ୍ୱୟଂ ସହାୟକ ଦଳ ଗଢ଼ାଯିବ ପରେ ଆଧୁନିକ ତଥା ବଜାର ଚାହିଦାକୁ ଦୃଷ୍ଟିରେ ରଖି ନୁଆ ନୁଆ ଉତ୍ପାଦ ତିଆରି ହେବା ଆରମ୍ଭ ହୋଇଛି। ଉଦ୍ୟୋଗୀ ମନୋବୃତ୍ତି ନେଇ ଦଳଗୁଡିକ ବ୍ୟବସାୟର ଏକ ସ୍ୱର୍ଣ୍ଣିମ ଯାତ୍ରା ଆରମ୍ଭ କରିଛନ୍ତି। ହ୍ୟାଣ୍ଡଲୁମ, ହ୍ୟାଣ୍ଡ କ୍ରାଫ୍ଟ , ଅଣ କାଷ୍ଠ ବନଜାତ ଦ୍ରବ୍ୟ, ଖାଦ୍ୟ ପ୍ରକ୍ରିୟାକରଣ ଓ ପ୍ୟାକେଜିଙ୍ଗ, ବିଭିନ୍ନ ପ୍ରକାର ମସଲା, ଗୋପାଳନ, ଫୁଲଚାଷ, ମାଛ ଚାଷ, ବାଉଁଶର ତିଆରି ବିଭିନ୍ନ ଦ୍ରବ୍ୟ ତିଆରି କରି ବ୍ୟବସାୟର ନୂଆ ଧାରା ତିଆରି କରିଛନ୍ତି ସେମାନେ।

ଓଡ଼ିଶାରେ ପ୍ରକୃତି କୋଳରେ ପର୍ଯ୍ୟଟନ ରୋମାଞ୍ଚକର ଓ

ରାଜ୍ୟରେ ରହିଛି ଅମାପ ପ୍ରାକୃତିକ ବିଭବ। ପର୍ଯ୍ୟଟକଙ୍କ ପାଇଁ ଏ ସ୍ଥାନ ଗୁଡ଼ିକ ଆକର୍ଷଣର କେନ୍ଦ୍ରବିନ୍ଦୁ ହୋଇ ରହିଛି। ଓଡ଼ିଶାର ଶିମିଳିପାଳ, ଚିଲିକା, ଭିତର କନିକା ଭଳି ସ୍ଥାନ ଗୁଡ଼ିକ ଯେତିକି ଆକର୍ଷଣୀୟ ସେତିକି ମନୋମୁଗ୍ଧକର ସାବ୍ୟସ୍ତ ହୋଇଛି। ପର୍ଯ୍ୟଟନ ମାନଚିତ୍ରରେ ରାଜ୍ୟର ଅନେକ ମନ୍ଦିର, ଜଳପ୍ରପାତ, ଗିରିଶୃଙ୍ଗ, ବେଳାଭୂମି, ଶପିଂ ସେଣ୍ଟର, ହସ୍ତକଳା, ନୃତ୍ୟ ଓ ଯାନିଯାତ୍ରା ଯୋଡ଼ିହୋଇ ରହିଥିବା ବେଳେ ନିକଟରେ ରାଜ୍ୟର ୩୦ଟି ଇକୋ ଟୁରିଜମ୍‌ ସ୍ପଟକୁ ଅଧିକ ଆକର୍ଷଣୀୟ କରାଯାଇଛି। ଓଡ଼ିଶା ପର୍ଯ୍ୟଟନ ବିକାଶ ନିଗମ (ଓଟିଡିସି) ଏସବୁ ସ୍ଥାନ ଗୁଡ଼ିକର ପ୍ରସାର, ବିପଣନ ଓ ଲୋକାଭିମୁଖୀ ତଥା ପର୍ଯ୍ୟଟକଙ୍କ ପାଇଁ ପ୍ରିୟ ଗନ୍ତବ୍ୟ ସ୍ଥାନରେ ପରିଣତ କରାଯିବା ଦିଗରେ ପ୍ରମୁଖ ଭୂମିକା ନେଇଛି।

ମଦ ପିଇ ମାତାଲ: ପ୍ରତି ୪ ଜଣରେ ଜଣେ ଭାରତୀୟ ମଦୁଆ
ଭାରତ କ୍ରୀଡ଼ା ଇତିହାସରେ ପ୍ରଥମ: ପଦ୍ମ ପୁରସ୍କାର ଦୌଡ଼ରେ

ଭାରତରେ କ୍ରୀଡ଼ାର ବିକାଶ ପାଇଁ କେନ୍ଦ୍ର ସରକାରଙ୍କଠାରୁ ଆରମ୍ଭ କରି ରାଜ୍ୟ ସରକାରମାନେ ନିୟମିତ ଭାବେ ପ୍ରୋତ୍ସାହିତ କରିଆସିଛନ୍ତି। ଜାତୀୟ ଓ ଅନ୍ତର୍ଜାତୀୟ କ୍ଷେତ୍ରରେ ସଫଳତା ଅର୍ଜନ କରିଥିବା କ୍ରୀଡ଼ାବିତ୍‌ମାନଙ୍କୁ ଆର୍ଥିକ ପ୍ରୋତ୍ସାହନ ସହ ସରକାରୀ ଚାକିରି କ୍ଷେତ୍ରରେ ସଂରକ୍ଷଣ ଓ ଅନ୍ୟାନ୍ୟ ସୁବିଧାସୁଯୋଗ ଯୋଗାଇ ଦିଆଯାଉଛି। ଏହାଛଡ଼ା ପ୍ରତିଭାଧାରୀମାନଙ୍କୁ ଚିହ୍ନଟ କରିବା ସକାଶେ ତୃଣମୂଳ ସ୍ତରରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି। ବିଶେଷକରି ମହିଳା କ୍ରୀଡ଼ାବିତ୍‌ମାନଙ୍କୁ ଅନ୍ୟ ଦେଶର କ୍ରୀଡ଼ାବିତ୍‌ମାନଙ୍କ ସହ ଟକ୍କର ଦେବା ସକାଶେ ଯୋଗ୍ୟ କରିବାକୁ ନିୟମିତ ଭାବେ ପ୍ରୋତ୍ସାହନ ଯୋଗାଇ ଦିଆଯାଉଛି। ମହିଳାମାନେ ମଧ୍ୟ ଦେଶକୁ ଅନ୍ତର୍ଜାତୀୟ ସ୍ତରରେ ବେଶ୍‌ ଗୌରବାନ୍ବିତ କରିପାରିଛନ୍ତି। ବକ୍ସିଂରେ ଏମ୍‌ସି ମେରୀ କମ୍‌ ହୁଅନ୍ତୁ ଅବା ବ୍ୟାଡ୍‌ମିଣ୍ଟନ୍‌ରେ ସାଇନା ନେହ୍ବାଲ୍‌ ଓ ପିଭି ସିନ୍ଧୁ, ଅବା ଟେନିସ୍‌ରେ ସାନିଆ ମିର୍ଜା, ସମସ୍ତେ ସଫଳତାର ଚରମ ସୀମାରେ ପହଞ୍ଚି ଭାରତର ମହିଳା କ୍ରୀଡ଼ାବିତ୍‌ମାନେ ଯେ ଅନ୍ୟ ଦେଶର କ୍ରୀଡ଼ାବିତ୍‌ମାନଙ୍କ ସହ ଟକ୍କର ଦେଇପାରିବେ, ତାହା ପ୍ରମାଣିତ କରିପାରିଛନ୍ତି। ବିଗତ ବର୍ଷରେ ଦେଶର ମହିଳା କ୍ରୀଡ଼ାବିତ୍‌ମାନେ କିପରି ଅନନ୍ୟ ସଫଳତା ପାଇଛନ୍ତି, ତାହା ସମ୍ମାନଜନକ ପଦ୍ମ ପୁରସ୍କାର ପାଇଁ କ୍ରୀଡ଼ା ମନ୍ତ୍ରାଳୟ କରିଥିବା ସୁପାରିସ୍‌ରୁ ସ୍ପଷ୍ଟ ହୋଇଛି।

ଗନ୍‌ କଲ୍ଚର୍ କାଳ: ୨୦୧୯ରେ ଆମେରିକାରେ ସର୍ବାଧିକ

ଯେ କୌଣସି ବର୍ଷ ତୁଳନାରେ ୨୦୧୯ରେ ଆମେରିକାରେ ସର୍ବାଧିକ ଗଣହତ୍ୟା ଦେଖିବାକୁ ମିଳିଛି। ଏକ ଅଧ୍ୟୟନରୁ ଏଭଳି ତଥ୍ୟ ହସ୍ତଗତ ହୋଇଛି। ଆସୋସିଏଟେଡ୍‌ ପ୍ରେସ୍‌ (ଏପି) ୟୁଏସ୍‌ଟୁଡେ ଏବଂ ନର୍ଥ ଇଷ୍ଟର୍ଣ୍ଣ ୟୁନିୟଭରସିଟି ଦ୍ବାରା ପ୍ରସ୍ତୁତ ଏକ ତଥ୍ୟାବଳୀ ଅନୁଯାୟୀ ୨୦୧୯ରେ ଆମେରିକାରେ ସାମୟିକ ବା ଗଣହତ୍ୟା ଭଳି ୪୧ଟି ବିଭତ୍ସ ଘଟଣା ଦେଖିବାକୁ ମିଳିଛି। ଯେଉଁଥିରେ କି ୨୧୧ ଜଣ ବ୍ୟକ୍ତିଙ୍କର ମୃତ୍ୟୁ ଘଟିଛି। ଏସବୁ ଘଟଣାରେ ଅପରାଧୀମାନଙ୍କ ବ୍ୟତୀତ ୪ରୁ ଉର୍ଦ୍ଧ୍ବ ଲୋକଙ୍କ ଜୀବନ ଯାଇଛି। ସବୁଠୁ ଅଧିକ ଲୋମହର୍ଷଣକାରୀ ଘଟଣା ଉର୍ଜିନିମା ନିକଟରେ ଘଟିଥିଲା। ଯେଉଁଠି ଘଟଣାସ୍ଥଳରେ ୧୯ ଜଣଙ୍କର ଜୀବନ ଯାଇଥିଲା। ଗବେଷକଙ୍କ ଅନୁଯାୟୀ, ୨୦୧୯ରେ ଘଟିଥିବା ୪୧ଟି ଗଣହତ୍ୟା ମାମଲା ଗୁଡ଼ିକ ମଧ୍ୟରୁ ୩୩ଟି ମାମଲାରେ ବନ୍ଧୁକର ବ୍ୟବହାର କରାଯାଇଥିଲା।

କିଙ୍ଗ୍‌ କୋହଲିଙ୍କ କରିସ୍ମା: ବଲିଉଡ୍‌ ବଡ଼ବଡ଼ିଆଙ୍କୁ ବି ବଳିଗଲେ

ପାଖାପାଖି ଗୋଟିଏ ଦଶନ୍ଧି ଧରି ଅନ୍ତର୍ଜାତୀୟ କ୍ରିକେଟ୍‌ରେ ନିଜର ଦବ୍‌ଦବା କାଏମ ରଖିଥିବା ଭାରତୀୟ କ୍ରିକେଟ୍‌ ଦଳର ଅଧିନାୟକ ତଥା ବିଶ୍ବର ଅନ୍ୟତମ ଶ୍ରେଷ୍ଠ କ୍ରିକେଟର୍‌ ବିରାଟ କୋହଲି କ୍ରମଶଃ ଗୋଟିଏ ପରେ ଗୋଟିଏ ସଫଳତାର ପାହାଚ ଚଢ଼ିଚାଲିଛନ୍ତି। ଏକଦା ଭାରତର ମହାନ୍‌ କ୍ରିକେଟର୍‌ ସଚିନ୍‌ ତେନ୍ଦୁଲକରଙ୍କ ନଭଶ୍ଚୁମ୍ଭୀ ରେକର୍ଡକୁ କେହି ଛୁଇଁପାରିବେ ନାହିଁ ବୋଲି ଏକ ଧାରଣା ସୃଷ୍ଟି ହୋଇଥିଲେ ହେଁ ନିଜର ପରିପକ୍ବ ପ୍ରଦର୍ଶନ ଓ ସ୍ଥିରତା ବଜାୟ ରଖି କୋହଲି ଏହାକୁ ଭୁଲ୍‌ ପ୍ରମାଣିତ କରିଚାଲିଛନ୍ତି। ସଚିନ୍‌ଙ୍କର ଅନେକ ରେକର୍ଡ ଭାଙ୍ଗିବା ସହ କୋହଲି ବିଶ୍ବ କ୍ରିକେଟ୍‌ର ସମସ୍ତ ଦିଗ୍‌ଗଜ କ୍ରିକେଟର୍‌ଙ୍କୁ ପଛରେ ପକାଇବାରେ ସକ୍ଷମ ହୋଇପାରିଛନ୍ତି। ସେ ମଧ୍ୟ ଆଇସିସି ପକ୍ଷରୁ ତିନିଟିଯାକ ଫର୍ମାଟ୍‌ରେ ବିଗତ ଦିନରେ ଶ୍ରେଷ୍ଠ ଖେଳାଳି ବିବେଚିତ ହୋଇସାରିଛନ୍ତି। ଅଧିକନ୍ତୁ ଚଳିତ ବର୍ଷ ତିନିଟିଯାକ ଫର୍ମାଟ୍‌ରେ ସେ ସର୍ବାଧିକ ସ୍କୋରର୍‌ ହେବା ସହ ଏକାଧିକ ରେକର୍ଡ ମଧ୍ୟ ନିଜ ନାମରେ କରିଛନ୍ତି। ତେବେ ଏହି ଡାହାଣହାତୀ ବ୍ୟାଟ୍ସମ୍ୟାନ୍‌ ଜଣକ କେବଳ ପଡ଼ିଆରେ ଯେ ନିଜର କରିସ୍ମା ଦେଖାଉଛନ୍ତି ତା’ ନୁହେଁ। ପଡ଼ିଆ ବାହାରେ ବି ତାଙ୍କର ଚର୍ଚ୍ଚା କାହିଁରେ କ’ଣ। ସୋସାଲ୍‌ ମିଡିଆରେ ଫଲୋଅର୍ସଙ୍କ ସଂଖ୍ୟା ଆଶାତୀତ ଭାବେ ବଢ଼ିଚାଲିବା ଫଳରେ ସେ ଏ କ୍ଷେତ୍ରରେ ବି ବେଶ୍‌ ଆଗକୁ ଯାଇପାରିଛନ୍ତି। ଏବେ କୋହଲି ବଲିଉଡ୍‌ ତାରକାଙ୍କୁ ମଧ୍ୟ ଟପିବା ପ୍ରକ୍ରିୟା ଆରମ୍ଭ କରିଦେଇଛନ୍ତି। ବିଶେଷକରି ବଲିଉଡ୍‌ରେ ଖାନ୍‌ଙ୍କ ଦବ୍‌ଦବାକୁ ସେ କିଛି ମାତ୍ରାରେ କମାଇପାରିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ