ସ୍ବତନ୍ତ୍ର ପ୍ରସଙ୍ଗ

ମରୁଡ଼ି ମୁହାଁ ଓଡ଼ିଶା

ଶ୍ରାଵଣରେ ଜମି ଫାଟି ଆଁ କରିଛି। ଖରିଫ ଧାନ ଫସଲ ବର୍ଷା ପାଇଁ ଆକାଶକୁ ଚାହିଁ ରହିଥିବା ବେଳେ ମୌସୁମୀ ଠିକ ସମୟରେ ଆସି ଲୁଚିଯାଇଛି। ମୌସୁମୀ ଋତୁରେ ଯେତିକି ଲଘୁଚାପ ସୃଷ୍ଟି ହେବା କଥା, ସେତିକି ସଂଖ୍ୟକ ଲଘୁଚାପ ଚଳିତ ଥର ଦେଖାଯାଇ ନାହିଁ। ଫଳରେ ମୌସୁମୀ ଋତୁରେ ଆବଶ୍ୟକୀୟ ପାଣି ନ ପାଇ ନିଶ୍ଚିତ ମରୁଡ଼ି ଆଡ଼କୁ ମୁହାଁଇଛି ଓଡ଼ିଶା। ରାଜ୍ୟର ୩୦ ଜିଲ୍ଲା ମଧ୍ୟରୁ ୨୭ ଜିଲ୍ଲାରେ ଚାଷ କାର୍ଯ୍ୟ ପଛେଇ ଯାଇଛି। ନିଅଣ୍ଟିଆ ବର୍ଷାକୁ ନେଇ ଚାଷୀଙ୍କ ଆଶଙ୍କା ବଢିଥିବା ବେଳେ ରାଜ୍ୟ ସରକାରଙ୍କ ଜଳସେଚନ ମିଛ ପରିସଂଖ୍ୟାନ ପୁଣିଥରେ ଚର୍ଚ୍ଚାକୁ ଆସିଛି। ସୋମବାର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଜାରି ତଥ୍ୟ ଅନୁସାରେ ଓଡ଼ିଶାରେ ଅଗଷ୍ଟ ୨୩ ସୁଦ୍ଧା ମାତ୍ର ୫୮୪ ମିଲିମିଟର ବର୍ଷା ହୋଇଛି ଯାହାକି ସ୍ବାଭାବିକଠାରୁ ୩୧ ପ୍ରତିଶତ ନିଅଣ୍ଟ। ଓଡ଼ିଶାର ମୋଟ ୩୦ ଜିଲ୍ଲା ମଧ୍ୟରୁ ୨୭ଟି ଜିଲ୍ଲାରେ ବର୍ଷା ନିଅଣ୍ଟ ରହିଛି। ଏସବୁ ଜିଲ୍ଲାରେ ବର୍ଷା ନିଅଣ୍ଟ ପରିମାଣ ୨୦ ପ୍ରତିଶତରୁ ୫୯ ପ୍ରତିଶତ ମଧ୍ୟରେ ରହିଛି। କେବଳ ୩ଟି ଜିଲ୍ଲା ମାଲକାନଗିରି, କୋରାପୁଟ ଓ ନୂଆପଡ଼ାରେ ସ୍ବାଭାବିକ ବର୍ଷା ହୋଇଥିବା ଜଣାଯାଇଛି। ଶ୍ରାବଣ, ଭାଦ୍ରବରେ ଯଦି ଏଭଳି ନିଅଣ୍ଟିଆ ବର୍ଷା ହେବ ତେବେ ଆଗକୁ ଭଲ ବର୍ଷା ହେଲେ ମଧ୍ୟ ଧାନ ଫସଲ ପାଇଁ ଅନୁକୂଳ ହୋଇପାରିବ ନାହିଁ। ପୁଣି ଏଭଳି ସ୍ଥିତିରେ ଆଗକୁ ଯେ ଭଲ ବର୍ଷା ହେବ ସେ ନେଇ କୌଣସି ଭରସା ଦେଇପାରୁନି ପାଣିପାଗ ବିଭାଗ।

ନିଆରା ରାକ୍ଷୀ: ରୋଜଗାର ସହିତ ସାଜିଛି ପରିବର୍ତ୍ତନର

ରାଜଧାନୀର ଦୁଇଜଣ ନିଆରା ଶିଳ୍ପୀ ଚର୍ଚ୍ଚାକୁ ଆସିଛନ୍ତି। ଜଣେ ହେଉଛନ୍ତି ଶହୀଦନଗରର ଶାନ୍ତିଲତା ମିଶ୍ର ଓ ଅନ୍ୟଜଣକ ହେଉଛନ୍ତି ପୋଖରୀପୁଟ ଅଞ୍ଚଳର ଅନସୂୟା ସାହୁ। ଶାନ୍ତିଲତା ପିଲାଦିନୁ ନିଜେ ନିଜେ ଶିଖିଥିବା ଚିତ୍ରକଳାକୁ ପରବର୍ତ୍ତୀ ସମୟରେ ଉପହାର ସାମଗ୍ରୀ ତିଆରିରେ ଲଗାଇ ସ୍ୱାବଲମ୍ବୀ ହୋଇଥିବା ବେଳେ ଏବେ ବର୍ଜ୍ୟ ତଥା ଅଦରକାରୀ କାଗଜରୁ ରାକ୍ଷୀ ପ୍ରସ୍ତୁତ କରି ଆୟ କରିବାରେ ସକ୍ଷମ ହୋଇଛନ୍ତି। ଠିକ ସେହିପରି ଆର୍ଟ କଲେଜରୁ ଚିତ୍ରକଳା ଶିକ୍ଷା ପରେ ନିଜ ପରିବେଶବିତ ସ୍ବାମୀଙ୍କ ସହିତ ମିଶି ପୋଖରୀପୁଟ ଅଞ୍ଚଳର ଅନସୂୟା ବିହନରେ ରାକ୍ଷୀ ତିଆରି କରି ପର୍ବ ପାଳନ ଜରିଆରେ ବନୀକରଣର ବାର୍ତ୍ତା ଦେଇଛନ୍ତି। ବର୍ଜ୍ୟ କାଗଜରୁ ପ୍ରସ୍ତୁତ ହେଉଥିବା ରାକ୍ଷୀ ଖୁବ ଆକର୍ଷଣୀୟ ମଧ୍ୟ ଦେଖାଯାଉଛି। ନିଜ ହାତରେ ଏଭଳି ରାକ୍ଷୀ ତିଆରି କରି ଅନ୍‌ଲାଇନ୍‌ ବଜାରରେ ପହଞ୍ଚାଇ ବେଶ ଚର୍ଚ୍ଚାରେ ଅଛନ୍ତି ଶହୀଦନଗରର ଶାନ୍ତିଲତା ମିଶ୍ର। ଗତ କିଛି ବର୍ଷ ହେଲା ରାକ୍ଷୀ ପୂର୍ଣ୍ଣିମା ତାଙ୍କ ପାଇଁ ଏକ ରୋଜଗାରର ମାଧ୍ୟମ ପାଲଟିଛି।

ବର୍ବରତାର ସୀମା ଲଂଘିଲା ତାଲିବାନ: ସଂଖ୍ୟାଲଘୁ ହଜାରା

ମାନବିକ ଅଧିକାର ସଂଗଠନ ଆମନେଷ୍ଟି ଇଣ୍ଟରନ୍ୟାସନାଲ ଏକ ରିପୋର୍ଟରେ ଆଫଗାନିସ୍ତାନରେ ସିଆ ହଜାରା ସମ୍ପ୍ରଦାୟଙ୍କ ଉପରେ ତାଲିବାନ ଆତଙ୍କବାଦୀମାନେ ନରସଂହାର କରୁଥିବା ଦର୍ଶାଇଛି। ଆମନେଷ୍ଟିର ସୂଚନା ଅନୁଯାୟୀ ଗଜନୀ ଅଞ୍ଚଳରେ ହଜାରା ସମ୍ପ୍ରଦାୟର ଲୋକଙ୍କୁ ଖୋଜି ଖୋଜି ହତ୍ୟା କରାଯାଉଛି। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ଜୁଲାଇ ଆରମ୍ଭରୁ ଚାଲିଛି ଏଭଳି ନରସଂହାର। ରବିବାର କାବୁଲକୁ କବଜା କରିନେବା ପରେ ତାଲିବାନୀମାନେ ମୁଖା ପିନ୍ଧି ନିଜର ଦୁଇଟି ରୂପ ଦେଖାଇଛନ୍ତି। ରକ୍ତପିପାସୁ ତାଲିବାନୀମାନେ ଗୋଟିଏ ପଟେ ବୁର୍ଖା ପିନ୍ଧି ନ ଥିବା ମହିଳାଙ୍କୁ ହତ୍ୟା କରିବା ସହିତ ଅପରପକ୍ଷେ ନାରୀ ସ୍ବାଧୀନତା କଥା କହିଛି। ତେଣେ ଚୀନ କହୁଛି ଯେ ତାଲିବାନୀମାନଙ୍କର ନିର୍ଦ୍ଦିଷ୍ଟ ଏକ ସ୍ପଷ୍ଟ ବିଚାରଧାରା ଓ ଦୃଷ୍ଟିଭଙ୍ଗୀ ଅଛି। ସେମାନେ ନାରୀଙ୍କ ପାଇଁ ନ୍ୟାୟ କରିବେ। ଗଜନୀରେ ତାଲିବାନ ରକ୍ତର ହୋରି ଖେଳୁଥିବା ବେଳେ ଚୀନର ସ୍ବର ସହିତ ସ୍ବର ମିଳାଇ ପାକିସ୍ତାନ ମଧ୍ୟ ତାଲିବାନୀ ହିଂସା ଆଧାରରେ ଆଫଗାନିସ୍ତାନ ବିଜୟକୁ ସ୍ବାଧୀନତାର ଆଖ୍ୟା ଦେଇଛି। ହଜାରା ସିଆ ମୁସଲମାନଙ୍କୁ ମାନନ୍ତି। ସୁନ୍ନି ବହୁଳ ଆଫଗାନିସ୍ତାନ ଏବଂ ପାକିସ୍ତାନରେ ସିଆମାନେ ବର୍ଷ ବର୍ଷ ଧରି ଶୋଷଣର ଶିକାର ହୋଇଆସୁଛନ୍ତି। ଆମନେଷ୍ଟି କହିଛି ଯେ ଗଜନୀର ମାଲିସ୍ଥାନ ଅଞ୍ଚଳରେ ଏହି ସମ୍ପ୍ରଦାୟର ୯ ହଜାର ପୁରୁଷମାନଙ୍କୁ ତାଲିବାନୀମାନେ ହତ୍ୟା କରିଛନ୍ତି।

ବରଗଡ଼ର ପ୍ରସିଦ୍ଧ ହସ୍ତତନ୍ତ ହାଟକୁ କୋରୋନା ଛାଟ
ବନବାସୀଙ୍କ ହାତରୁ ଖସିଯାଉଛି ଜଙ୍ଗଲ

ଶାଳ ଗଛରେ ଫୁଲ ଫୁଟିଲେ ଆଦିବାସୀ ମନାଏ ଚଇତି ପର୍ବ। ଫୁଲ ପାଇଁ ପାଳିତ ହୁଏ ଫୁଲଭାଙ୍ଗୁଣି। ଗଛଲତା, ବଣ ଝରଣା ଆଉ ଡଙ୍ଗର ପର୍ବତରେ ଥିବା ଦେବତାଙ୍କ ଉପରେ ଆଦିବାସୀଙ୍କ ଅଧିକ ବିଶ୍ୱାସ। ଜଙ୍ଗଲ ହେଉଛି ତାର ଭାତହାଣ୍ଡି। ଏକଥା ସେ ଜନ୍ମରୁ ବୁଝି ଆସିଥିବାରୁ ପ୍ରକୃତି ପ୍ରତି ତାର ଭଲପାଇବା ସେହି ଭାବେ ପିଢ଼ି ପରେ ପିଢ଼ି ସଞ୍ଚରିତ ହୋଇ ଆଗକୁ ବଢେ। କିନ୍ତୁ ବିକାଶ ନାଁରେ ଆଦିବାସୀ ଆଉ ବନବାସୀ ଗୋଷ୍ଠୀଙ୍କ ହାତରୁ ଜଙ୍ଗଲ ଛଡାଇ ନେବାର ଧାରା ବ୍ରିଟିଶ କାଳରୁ ଆରମ୍ଭ ହୋଇଛି। ଆଦିବାସୀ ମାନଙ୍କ ବିକାଶ ପାଇଁ ସ୍ୱତନ୍ତ୍ର ଆଇନ ପ୍ରଣୟନ ସତ୍ତ୍ବେ ଜଙ୍ଗଲ ଆଉ ଜଙ୍ଗଲ ବାସିନ୍ଦାଙ୍କର ହୋଇ ରହିନାହିଁ। ଜଙ୍ଗଲ ଜମି ଓ ତା ତଳେ ଥିବା ପ୍ରାଚୁର୍ଯ୍ୟ କେବେ ବି ପୁଙ୍ଗୁଳା ଆଦିବାସୀଙ୍କୁ ଦେଇ ପାରି ନାହିଁ ନ୍ୟାୟ।

ଶତାଦ୍ଦୀର ମହାନାୟକ

ବିଗତ ଏକ ଶତାଦ୍ଦୀରେ ଭାରତ ଅନେକ ନାୟକ ସୃଷ୍ଟି କରିବା ପରେ ଜଣେ ମହାନାୟକଙ୍କୁ ଖୋଜି ପାଇଛି। ବିଭିନ୍ନ କ୍ଷେତ୍ରରେ ଭାରତକୁ ବିଶ୍ବ ଦରବାରରେ ପ୍ରଶଂସିତ କରିଛନ୍ତି ଅନେକ ନାୟକ। କିନ୍ତୁ ଏହି ନାୟକଙ୍କ ଭିତରେ କିଏ ମହାନାୟକ, ତାହା ଚୟନ କରିବା ପରେ ଏତେ ସହଜ ନ ଥିଲା ବେଳେ ୧୩୫ କୋଟି ଭାରତବାସୀ ଟୋକିଓରେ ଖୋଜି ପାଇଛନ୍ତି ସେମାନଙ୍କର ମହାନାୟକଙ୍କୁ। ସେ ଆଉ କେହି ନୁଅନ୍ତି, ଟୋକିଓ ଅଲିମ୍ପିକ୍ସର ଜାଭେଲିନ ଥ୍ରୋ’ରେ ସ୍ବର୍ଣ୍ଣ ଜିତିଥିବା ହରିୟାଣା ପାନୀପତର ପୁଅ ନୀରଜ ଚୋପ୍ରା। ୨୩ ବର୍ଷୀୟ ଏହି ଯୁବକ ଜଣକ ଭାରତର ନାଁକୁ ସ୍ବର୍ଣ୍ଣାକ୍ଷରରେ ଲିପିବଦ୍ଧ କରିଛନ୍ତି। ଅଲିମ୍ପିକ୍ସର ଟ୍ରାକ ଆଣ୍ଡ ଫିଲ୍ଡରେ ଭାରତ ପାଇଁ କେହି ଏଯାବତ ପଦକ ଜିତି ପାରି ନ ଥିଲା ବେଳେ ନୀରଜ ଏକାଥରକେ ସ୍ବର୍ଣ୍ଣ ପଦକ ଜିତି ଏପରି କୀର୍ତ୍ତିମାନ ପ୍ରତିଷ୍ଠା କରିପାରିଛନ୍ତି। କିମ୍ବଦନ୍ତୀ ହକି ଖେଳାଳି ଧ୍ୟାନ ଚାନ୍ଦଙ୍କ ପରେ ଭାରତକୁ ଯଦି କେହି ସ୍ବାଧୀନତା ପରେ ବେଶି ଗୌରବାନ୍ୱିତ କରିଥାନ୍ତି, ତାହେଲେ ଆମେ ନିଃସନ୍ଦେହରେ କହିପାରିବା ସେ ହେଉଛନ୍ତି ନୀରଜ।

କମ ପୁଞ୍ଜିରେ ବଡ଼ ବେପାର

ଅଭାବ ହିଁ ଉଦ୍ଭାବନର ଜନନୀ। ସମସ୍ୟାରେ ପଡିଲେ ଲୋକେ ନାନା କଥା ଚିନ୍ତା କରି ସମାଧାନର ରାସ୍ତା ବାହାର କରିଥାନ୍ତି। ଏଭଳି ଅସୁବିଧାରେ ପଡିଥିବା କେତେକ ମହିଳା ଏକାଠି ହୋଇ ଦଳଗତ ଭାବେ ଆରମ୍ଭ କରିଥିବା ବ୍ୟବସାୟ ଏବେ କେବଳ ସେମାନଙ୍କୁ ଆର୍ଥିକ ଦୃଷ୍ଟିରୁ ମଜଭୁତ କରିନାହିଁ, ବରଂ ସେମାନଙ୍କ ପାଇଁ ସାମାଜିକ ସମ୍ମାନ ଆଣିଦେଇଛି। ଏଭଳି ଘଟଣା ଦେଖିବାକୁ ମିଳିଛି ଶିମିଳିପାଳ ବନାଞ୍ଚଳର ଗୁଡୁଗୁଡ଼ିଆ ଗ୍ରାମରେ। ଗାଁରେ ଗଢାଯାଇଥିବା ଅଠର ଦେଉଳି ସ୍ୱୟଂ ସହାୟକ ଗୋଷ୍ଠୀର ସଦସ୍ୟ ମାନେ ଦଳଗତ ଭାବେ ବନଜାତ ସାମଗ୍ରୀର ବ୍ୟବସାୟ କରି ନିୟମିତ ଭାବେ ଆୟ ପାଇବାରେ ସକ୍ଷମ ହୋଇଛନ୍ତି। ଏହି ଗୋଷ୍ଠୀର ଜଣେ ପୁରୁଖା ନେତ୍ରୀ ଯୌବନୀ ଦେହୁରୀ କହିଛନ୍ତି ପ୍ରଥମେ ପ୍ରଥମେ ଯେତେବେଳେ ଗାଁ ଦାଣ୍ଡରେ ମହିଳାମାନଙ୍କ ସଭାର ଆୟୋଜନ ହୋଇ ବ୍ୟବସାୟ କରିବା କଥା ଆଲୋଚନା ହେଉଥିଲା, ସେତେବେଳେ ଗାଁର ପୁରୁଷମାନେ ଆମମାନଙ୍କୁ ପରିହାସ କରୁଥିଲେ। ଛେଳି ଗୋଡ଼ରେ କ’ଣ ଧାନ ଅମଳ ହେଲାଣି ନା ହେବ ବୋଲି ସେମାନେ କହୁଥିଲେ। କିନ୍ତୁ ଏବେ ସାମୂହିକ ଭାବେ ବିଭିନ୍ନ ବ୍ୟବସାୟ କରି ସଫଳତା ମିଳିବା ପରେ ପୂରା ପୁରୁଷ ସମାଜ ଏବେ ଆମକୁ ପ୍ରଶଂସା କରୁଛି ବୋଲି ସେ କହିଛନ୍ତି। ଶିମିଳିପାଳ ଜଙ୍ଗଲରୁ ସଂଗ୍ରହ ହେଉଥିବା ମହୁକୁ ଏହି ଦଳ ପ୍ରାଥମିକ ସଂଗ୍ରହକାରୀଙ୍କ ଠାରୁ କିଣି ତାକୁ ପ୍ୟାକିଂ କରି ବଜାରରେ ପହଞ୍ଚାଇ ବାର୍ଷିକ ଲକ୍ଷାଧିକ ଟଙ୍କାର ରୋଜଗାର କରିପାରୁଛନ୍ତି।

ଏମିତି ନେତାଙ୍କୁ ଲୋଡ଼ୁଛି ଦେଶ

ନିର୍ବାଚନରେ ବିପୁଳ ଟଙ୍କା ଖର୍ଚ୍ଚ କରୁଥିବା ରାଜନେତା ମାନେ ବିଜୟୀ ହେବା ପରେ ସାଧାରଣ ଲୋକଙ୍କ ଠାରୁ ଦୂରେଇ ଯାଆନ୍ତି। ବେକରେ ମୋଟା ଚେନ, ହାତରେ ଦାମୀ ୱାଚ, ବ୍ରାଣ୍ଡେଡ ପୋଷାକ ଆଉ ବିଳାସପୂର୍ଣ୍ଣ ଗାଡିରେ ଘୁରନ୍ତି। ଲୋକଙ୍କ ନିକଟକୁ ଆସିବା ତ ଦୂର କଥା, ଦେଖିଲେ ନ ଚିହ୍ନିବା ପରି ଅଭିନୟ କରନ୍ତି। ନିର୍ବାଚନ ବେଳେ ଅସାଧୁ ଉପାୟରେ ବିଜୟୀ ହେଉଥିବାରୁ ସାଧାରଣ ଜୀବନରେ ଲୋକଙ୍କ ସୁଖ ଦୁଃଖର ଧାର ଧରନ୍ତିନି ଏଭଳି ନେତା। କିନ୍ତୁ ଆମ ଗହଣରେ ଏଭଳି କେତେକ ରାଜନେତା ଅଛନ୍ତି, ଯେଉଁମାନେ ସାଧାରଣ ଜନଗଣଙ୍କ ଦୁଃଖସୁଖ ସହିତ ଯୋଡିହୋଇ ସେମାନଙ୍କ ହୃଦୟରେ ରାଜ କରନ୍ତି। ଏଭଳି ନେତା ଆମ ରାଜ୍ୟରେ ଅଛନ୍ତି ଓ ଦେଶ ସାରା ଅଛନ୍ତି। ରାଜନୀତିରେ ମୂଲ୍ୟବୋଧର ଅବକ୍ଷୟ ବ୍ୟାପକ ମାତ୍ରାରେ ଦେଖିବାକୁ ମିଳୁଥିବା ବେଳେ ମନେପଡ଼ନ୍ତି ଏଭଳି ଚରିତ୍ର। ଏମିତି କିଛି ନୀତିବାନ ରାଜନେତାଙ୍କୁ ନେଇ ଆମର ଏ ଆଲେଖ୍ୟ।

୧୬ କୋଟିର ଇଞ୍ଜେକ୍ସନ: କାହାକୁ ବଞ୍ଚାଇ ପାରୁନି ତ କାହା
ମଣିଷ ପାଲଟିଛି ପଶୁ: ନିଷ୍ଠୁର ଓ ଅମାନବିକତାର ଶିକାର

ଦିନକୁ ଦିନ ପଶୁପକ୍ଷୀ ମାନଙ୍କ ଉପରେ ମଣିଷର କ୍ରୁରତାର ଏକାଧିକ କାହାଣୀ ସାମ୍ନାକୁ ଆସିଛି। ବିନା କାରଣରେ ଜୀବଜନ୍ତୁଙ୍କୁ ହତ୍ୟା ମଣିଷର ଚରିତ୍ରକୁ ପୁଙ୍ଗୁଳା କରିବାରେ ଲାଗିଛି। ନିକଟରେ ଗଞ୍ଜାମ ଜିଲ୍ଲାରେ ରାସ୍ତା କଡ଼ରୁ ଗୁରୁତର ଅବସ୍ଥାରେ ଏକ ଓଟ ଉଦ୍ଧାର ହୋଇଥିଲା। ବର୍ଷ ବର୍ଷ ଧରି ବୋଝ ବୋହି ମାଲିକକୁ ଜୀବିକା ଦେଉଥିବା ଓଟ ବୁଢା ହେବା ପରେ ଅଲୋଡା ପାଲଟିଯାଇଥିଲା। ବୁଢା ଓଟକୁ ମାଲିକ ଆଉ ଖାଇବାକୁ ନ ଦେଇ ରାସ୍ତା କଡ଼ରେ ଛାଡି ଛୁ ମାରିଥିଲା। ଅସୁସ୍ଥ ଓ ରୋଗାକ୍ରାନ୍ତ ଓଟଟି କେବଳ ମଣିଷ ମାନଙ୍କୁ ବଲବଲ ହୋଇ ଚାହିଁ ରହିଥିଲା। ଗତ ଦୁଇବର୍ଷ ତଳେ କେରଳରେ ଏକ ଗର୍ଭବତୀ ହାତୀକୁ ବିସ୍ପୋଟକ ଭରା ସପୁରୀ ଖୁଆଇବାକୁ ଦିଆଯାଇଥିବା ଘଟଣା ଏବେ ବି ଅନେକଙ୍କ ମନରେ ଥିବ। ସେହି ମର୍ମନ୍ତୁଦ ଘଟଣାରେ ଗର୍ଭବତୀ ହାତୀଟିର ଫାଟି ଯାଇଥିଲା ପେଟ। ହାତୀଟି ଯନ୍ତ୍ରଣାରେ ଏକ ଜଳଭର୍ତ୍ତି ପୋଖରୀରେ ଠିଆ ରହି ରହି ମୃତ୍ୟୁବରଣ କରିଥିଲା। ଏହି ଘଟଣାର ଅଳ୍ପ କିଛି ଦିନ ପରେ ରାଜସ୍ଥାନରେ ଦେଖିବାକୁ ମିଳିଥିଲା ଆଉ ଏକ ଜଘନ୍ୟ ଦୃଶ୍ୟ। ନିଜର ପୈଶାଚିକ ଆନନ୍ଦକୁ ଉପଭୋଗ ପାଇଁ କେତେକ ଯୁବକ କୁରାଢ଼ିରେ ଏକ ଓଟର ଗୋଡ଼କୁ ହାଣିଦେଇ ରାସ୍ତାରେ ଛାଡି ଦେଇଥିଲେ। ଚୁରୁର ସାଜନସର ଗ୍ରାମରେ ଏକ ଓଟ ଜନୈକ ଚାଷୀଙ୍କ କ୍ଷେତରେ ପଶି ଫସଲ ଖାଇଦେଇଥିବାରୁ ରାଗରେ ମଣିଷପଣିଆ ହରାଇଥିଲେ ଏହି ପିଶାଚମାନେ।

ଚକ୍ ଦେ’ ଇଣ୍ଡିଆ

୧୯୮୦ ପରଠାରୁ ଭାରତ ପାଇଁ ଅଲିମ୍ପିକ୍ସରେ ପଦକ ମରୁଡ଼ି ପଡ଼ିଯାଇଛି। ଶେଷ ଥର ପାଇଁ ଭାରତୀୟ ପୁରୁଷ ଦଳ ଅଲିମ୍ପିକ୍ସର ମସ୍କୋ ସଂସ୍କରଣରେ ସ୍ବର୍ଣ୍ଣପଦକ ଜିତିଥିଲା। ଅନ୍ୟପକ୍ଷରେ ମହିଳା ଦଳ ମଧ୍ୟ ଶେଷ ଥର ପାଇଁ ୧୯୮୦ରେ ହିଁ ପ୍ରତିନିଧିତ୍ବ କରିବାର ସୁଯୋଗ ପାଇଥିଲା ଓ ସେଥିରେ ଚତୁର୍ଥ ସ୍ଥାନରେ ରହିଥିଲା। ତେଣୁ ଉଭୟ ମହିଳା ଓ ପୁରୁଷ ହକି ଦଳ ଗତ ୪୧ ବର୍ଷ ହେଲା ଦେଶବାସୀଙ୍କ ଅଲିମ୍ପିକ୍ସ ପଦକ ସ୍ବପ୍ନକୁ ସାକାର କରିବାରେ ଅସମର୍ଥ ହୋଇଆସିଛନ୍ତି। ଚଳିତ ଟୋକିଓ ଅଲିମ୍ପିକ୍ସରେ ଦୁଇ ଦଳର ପ୍ରଦର୍ଶନ ଅଦ୍ୟାବଧି ବେଶ୍ ପ୍ରଶଂସନୀୟ ରହିଆସିଛି। ତେଣୁ ପୁଣିଥରେ ଦେଶବାସୀଙ୍କ ହକି ପଦକ ଆଶା ପୂରଣ ହେବାର ଆଶା ଜାଗି ଉଠିଛି। କାରଣ ଉଭୟ ଦଳ ସେମାନଙ୍କ ଶକ୍ତିଶାଳୀ ପ୍ରତିପକ୍ଷକୁ ପରାସ୍ତ କରି ସେମିଫାଇନାଲ୍ ପର୍ଯ୍ୟନ୍ତ ରାସ୍ତା ପକ୍କା କରିସାରିଛନ୍ତି। ଅବଶ୍ୟ ପରବର୍ତ୍ତୀ ସମୟରେ ଭାରତ ପଦକ ଜିତିପାରୁଛି କି ନାହିଁ, ତାହା ଭିନ୍ନ କଥା। କିନ୍ତୁ ଗତ ୪୧ ବର୍ଷ ପରେ ଦୁଇ ଦଳର ପ୍ରଦର୍ଶନ ଯେ ପ୍ରଶଂସନୀୟ ରହିଛି, ଏହା କହିବା ବାହୁଲ୍ୟ ମାତ୍ର।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।