ସ୍ବତନ୍ତ୍ର ପ୍ରସଙ୍ଗ

ନିଆରା ନିର୍ବାଚନ ପ୍ରଚାର: କୁକୁର ଷ୍ଟାର୍ ପ୍ରଚାରକ

ନିର୍ବାଚନ ସମୟରେ ଭୋଟରମାନଙ୍କୁ ନିଜ ଆଡ଼କୁ ଆକର୍ଷିତ କରିବା ପାଇଁ ପ୍ରାର୍ଥୀମାନେ ବିଭିନ୍ନ ପ୍ରକାର ଅଜବ କଳାକୌଶଳ ଆପଣାଇଥାନ୍ତି। ବିଭିନ୍ନ ଢଙ୍ଗରେ ପ୍ରଚାର କରି ଜନତାଙ୍କ ମନ ଜିଣିବାର ପ୍ରୟାସରେ ଲାଗିଥାନ୍ତି ନେତା। ପୂର୍ବରୁ ମଧ୍ୟ ଏଭଳି ଅଜବ ପ୍ରଚାର ଓ ପ୍ରତିଶ୍ରୁତି ଦେଉଥିବା ଦେଖିବାକୁ ଓ ଶୁଣିବାକୁ ମିଳିଛି। କୋକେଇରେ ବସି ପ୍ରଚାର କରିବା ହେଉ କିମ୍ବା ଭୋଟରଙ୍କ ଲୁଗା ସଫା କରିଦେବା ଭଳି ଘଟଣା ସାମ୍ନାକୁ ଆସିଛି। କିଏ ଜିତିଲେ ଚାକିରିର ଗ୍ୟାରେଣ୍ଟି ଦେଉଛି ତ କିଏ କୋଠାବାଡ଼ି କରିଦେବାର ପ୍ରତିଶ୍ରୁତି। କିଏ ଭତ୍ତା ବୃଦ୍ଧି କରିଦେବ ବୋଲି କହୁଛି ତ ଆଉ କିଏ ମାଗଣାରେ ମଦ ଯୋଗାଇ ଦେବ ବୋଲି ପ୍ରତିଶ୍ରୁତି ଦେଉଛି। ଏପରିକି ଗତ ବିଧାନସଭା ନିର୍ବାଚନରେ ଜଣେ ସ୍ବାର୍ଥୀନ ପ୍ରାର୍ଥୀ ଏସବୁରୁ ଉର୍ଦ୍ଧ୍ବରେ ଉଠି ଚନ୍ଦ୍ର ଭ୍ରମଣ କରାଇନେବାର ପ୍ରତିଶ୍ରୁତି ଦେବାକୁ ମଧ୍ୟ ପଛାଇ ନାହାନ୍ତି। ଏହି ପରିପ୍ରେକ୍ଷୀରେ ଉତ୍ତର ପ୍ରଦେଶ ପଞ୍ଚାୟତ ନିର୍ବାଚନରେ ଦୁଇ ଜଣ ପ୍ରାର୍ଥୀ ସେମାନଙ୍କର ପ୍ରଚାର କରିବା ପାଇଁ ଅଜବ କୌଶଳ ଅପଣାଇଛନ୍ତି। ଉଭୟ ପ୍ରାର୍ଥୀ ନିର୍ବାଚନ ପ୍ରଚାରରେ ବୁଲା କୁକୁରମାନଙ୍କୁ ବ୍ୟବହାର କରୁଥିବା ଦେଖିବାକୁ ମିଳିଛି। ଏହି ପ୍ରାର୍ଥୀମାନେ କୁକୁରମାନଙ୍କ ଉପରେ ସେମାନଙ୍କର ପୋଷ୍ଟର ଏବଂ ପାମ୍ପଲେଟ୍ ମାରି ଛାଡ଼ି ଦେଇଛନ୍ତି। ଉଭୟ ପ୍ରାର୍ଥୀଙ୍କ ପାଇଁ ଏହି ବୁଲା କୁକୁରମାନେ ଏବେ ଷ୍ଟାର୍‌ ପ୍ରଚାରକ ପାଲଟିଥିବା ବେଳେ ଲୋକଙ୍କ ଗହଣରେ ଏଭଳି ନିଆରା ପ୍ରଚାର ଶୈଳୀ ଆଗ୍ରହ ଜନ୍ମାଇଥିବା ଜାଣିବାକୁ ମିଳିଛି।

ବିଶ୍ବ ରେକର୍ଡଧାରୀ ମହିଳା ହରାଇଲେ ୩ ଦଶନ୍ଧିର ସମ୍ପତ୍ତି

ତାଙ୍କ ପାଇଁ ଦୁର୍ମୁଲ୍ୟ ଥିଲା ନଖ। ଏହା କୌଣସି ସଞ୍ଚିତ ସମ୍ପତି ଠାରୁ କମ ନ ଥିଲା। ଖାସ ଏଥିପାଇଁ ତାଙ୍କୁ ମିଳିଥିଲା ମାନସମ୍ମାନ। ଏହାରି ବଳରେ ସେ ହୋଇଥିଲେ ବିଶ୍ବ ରେକର୍ଡର ଅଧିକାରୀ। ଦୀର୍ଘ ବର୍ଷ ଧରି ଯେଉଁ ନଖକୁ ବଢ଼ାଇ ସେ ବିଶ୍ବ ରେକର୍ଡ ପ୍ରତିଷ୍ଠା କରିଥିଲେ, ଶେଷରେ ସେହି ନଖକୁ ତାଙ୍କୁ ହରାଇବାକୁ ପଡ଼ିଛି। ହେଲେ ଏଥିପାଇଁ ତାଙ୍କୁ ୩ ଦଶନ୍ଧି ଲାଗିଗଲା। ବିଶ୍ବର ସବୁଠୁ ଲମ୍ବା ନଖଧାରୀ ଏହି ମହିଳା ଜଣକ ହେଉଛନ୍ତି ଆମେରିକାର ହ୍ୟୁଷ୍ଟନ ବାସିନ୍ଦା ଆୟାନ୍ନା ୱିଲିୟମ୍ସ। ୨୦୧୭ରେ ସେ ପୂର୍ବର ସମସ୍ତ ରେକର୍ଡ ଭାଙ୍ଗି ନୂଆ ଗିନିଜ ବିଶ୍ବ ରେକର୍ଡ ପ୍ରତିଷ୍ଠା କରିଥିଲେ। ସେତେବେଳେ ତାଙ୍କ ନଖର ଲମ୍ବ ଥିଲା ୧୯ ଫୁଟ। ସିଏନଏନ ରିପୋର୍ଟ ଅନୁଯାୟୀ ସେ ତାଙ୍କ ନଖର ଯତ୍ନ ନେବା ପାଇଁ କରୁଥିବା ମାନିକ୍ୟୁର ୨ ଘଣ୍ଟା ସମୟ ଲାଗୁଥିବା ବେଳେ ଏଥିରେ ୨ ବୋତଲ ନେଲପଲିସ ସେ ବ୍ୟବହାର କରୁଥିଲେ।

ତୃଷାର୍ତ୍ତ ଭୂଗର୍ଭ: ବଢ଼ୁଛି ପାନୀୟଜଳ ସମସ୍ୟା

ଓଡ଼ିଶାରେ ଜଳସମ୍ପଦର ପ୍ରାଚୁର୍ଯ୍ୟ ରହିଛି। ନଦନଦୀ, ନାଳ, ଝରଣା, ବନ୍ଧ, ପୋଖରୀ, ଜଳାଶୟ ଗୁଡ଼ିକର ସଂଖ୍ୟା ବି କିଛି କମ ନାହିଁ। କିନ୍ତୁ ଖରାଦିନ ଆସିବା ମାତ୍ରେ ଗଣମାଧ୍ୟମର ପ୍‌ଷ୍ଠା ଗୁଡ଼ିକରେ ଜଳସଙ୍କଟର ଏକାଧିକ ବିବରଣୀ ଦେଖିବାକୁ ମିଳେ। ଜଳସେଚନ ତ ଦୂରକଥା ମୁନ୍ଦାଏ ସ୍ବଚ୍ଛ ପିଇବା ପାଣି ପାଇଁ ରାଜ୍ୟର ଅନେକ ଅଞ୍ଚଳରେ ଲୋକଙ୍କୁ ସଂଘର୍ଷ କରିବାକୁ ପଡ଼େ। ଜଳ ମୁଖ୍ୟତଃ ବର୍ଷାଜଳ, ଭୂତଳ ଜଳ ଓ ଭୂପୃଷ୍ଠରେ ଥିବା ଜଳ ଉତ୍ସରୁ ହିଁ ଆସିଥାଏ। ବୃଷ୍ଟିପାତ କ୍ଷେତ୍ରରେ ଅନେକ ରାଜ୍ୟ ଠାରୁ ଓଡ଼ିଶାର ସ୍ଥିତି ବେଶ ଭଲ। ନଦୀ, ନାଳ, ଜଳାଶୟ ସଂଖ୍ୟା ଦ୍‌ଷ୍ଟିରୁ ଓ ନଳକୂପ ବୋରିଂ ପଏଣ୍ଟ ଖନନ ଦୃଷ୍ଟିରୁ ମଧ୍ୟ ଓଡ଼ିଶା ଢେର ଆଗରେ। କିନ୍ତୁ ଓଡ଼ିଶାବାସୀ ଜଳସଙ୍କଟ ଭୋଗ କରନ୍ତି। ଏହା ହିଁ ବାସ୍ତବତା। ଏବେ ଭୂତଳ ଜଳ ସ୍ଥିତି ମଧ୍ୟ ଉଦବେଗଜନକ ସ୍ଥିତିରେ ପହଞ୍ଚିଲାଣି।

ନିର୍ବାଚନ ହେବନି ତ ସୁପରସ୍ପ୍ରେଡର୍‌!

କୋରୋନାର ଦ୍ବିତୀୟ ଲହରୀ ଦେଶରେ ଭୟଙ୍କର ହେବାରେ ଲାଗିଛି। ପ୍ରଥମ ଲହରୀ ତୁଳନାରେ ଦ୍ବିତୀୟ ଲହରୀରେ ଦୈନିକ ସଂକ୍ରମଣ ସଂଖ୍ୟା ଅତି ଦ୍ରୁତ ଗତିରେ ବଢ଼ି ଚାଲିଛି। ବେକାବୁ ହୋଇ ମାଡ଼ି ଚାଲିଛି କୋରୋନା ସଂକ୍ରମଣ। ଯେଉଁଭଳି ଦୈନିକ ସଂକ୍ରମଣ ବୃଦ୍ଧି ପାଇବାରେ ଲାଗିଛି ସାରା ଦେଶରେ ଭୟର ବାତାବରଣ ସୃଷ୍ଟି କରିଛି। ଗତବର୍ଷ କୋରୋନାର ପ୍ରଥମ ଲହରୀରେ ଦେଶ ଯେତିକି ପ୍ରଭାବିତ ହୋଇ ନ ଥିଲା, ଏବେ ତା’ଠରୁ ଅଧିକ ସଙ୍ଗୀନ ସ୍ଥିତି ସୃଷ୍ଟି ହୋଇଛି। ଦୈନିକ ସଂକ୍ରମଣ ସବୁ ରେକର୍ଡ ଭାଙ୍ଗି ୧ ଲକ୍ଷ ଟପିଛି। ଯାହା ଫଳରେ ଭାରତ ଗତକାଲି ବିଶ୍ବରେ ସର୍ବୋଚ୍ଚ ସ୍ତରରେ ପହଞ୍ଚିଥିଲା। ଭାରତର ସ୍ଥିତି ଏବେ ଆମେରିକା ଓ ବ୍ରାଜିଲ୍ ଠାରୁ ମଧ୍ୟ ଖରାପ। ମହାରାଷ୍ଟ୍ର, ଛତିଶଗଡ଼, ପଞ୍ଜାବ ଓ କେରଳ ଆଦି ରାଜ୍ୟରେ ପୁଣି ସଂକ୍ରମଣ ବିସ୍ଫୋରକ ସ୍ଥିତି ସୃଷ୍ଟି କରିଛି। ଓଡ଼ିଶାରେ ମଧ୍ୟ ଏବେ ସମାନ ଅବସ୍ଥା ଦେଖିବାକୁ ମିଳିଛି। ପ୍ରତିଦିନ ଦୈନିକ ସଂକ୍ରମଣ ମଧ୍ୟ ବୃଦ୍ଧି ପାଇବାରେ ଲାଗିଛି। ଯଦିଓ କୋରୋନାର ଏହି ଦ୍ବିତୀୟ ପର୍ଯ୍ୟାୟରେ ଏଯାଏ ଲକ୍‌ଡାଉନ୍‌ ଘୋଷଣା କରାଯାଇନାହିଁ, ତେବେ କୋରୋନା ନିୟମ ମାନିବା ସହ ଲୋକମାନେ ସଚେତନ ହେବାକୁ ବିଭିନ୍ନ ସ୍ତରରୁ ଅପିଲ୍‌ କରାଯାଉଛି।

ନିଆରା ଗାଁ: ଏଠି ନାହିଁ ନେତାଙ୍କ ନଖରା, ହୁଏନି ନିର୍ବାଚନ

ଏବେ ଦେଶର କେତେକ ରାଜ୍ୟରେ ନିର୍ବାଚନ ମାହୋଲ୍‌ ବେଶ୍‌ ସରଗରମର ରହିଛି। ପଶ୍ଚିମବଙ୍ଗ, ଆସାମ, ତାମିଲନାଡୁ, କେରଳ ଓ କେନ୍ଦ୍ରଶାସିତ ଅଞ୍ଚଳ ପୁଡ଼ୁଚେରୀରେ ଘମାଘୋଟ ନିର୍ବାଚନ ପ୍ରଚାର ଚାଲିଛି। ପ୍ରତିଟି ଦଳ ନିଜ ନିଜ ସପକ୍ଷରେ ଭୋଟର୍‌ଙ୍କୁ ଆକର୍ଷିତ କରିବା ସକାଶେ ଉଦ୍ୟମ ଚଳାଇଛନ୍ତି। ସହରଠାରୁ ଆରମ୍ଭ କରି ଗଳିକନ୍ଦିରେ ନିଜ ସପକ୍ଷରେ ପ୍ରଚାର କରୁଛନ୍ତି। ଅଭିନେତାରୁ ଆରମ୍ଭ କରି ଆଗଧାଡ଼ିର ରାଜନେତା ଲୋକଙ୍କ ନିକଟରେ ପହଞ୍ଚୁଛନ୍ତି। ଏହି କ୍ରମରେ ତାମିଲନାଡୁ ମଧ୍ୟ ପଛରେ ପଡ଼ିନାହିଁ। ତାମିଲନାଡୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କଠାରୁ ଆରମ୍ଭ କରି ବିଭିନ୍ନ ଦଳର ନେତାମାନେ ପ୍ରଚାର ଚଳାଇଛନ୍ତି। ମାତ୍ର ଏଠାରେ ଏମିତି ଏକ ଗାଁ ଅଛି, ଯେଉଁଠି ନିର୍ବାଚନ ପ୍ରଚାର କରିବା ସମ୍ପୂର୍ଣ୍ଣ ଭାବେ ମନା। କେବଳ ଯେ ଏହି ନିର୍ବାଚନ ପାଇଁ ପ୍ରଚାର ମନା ତାହା ନୁହେଁ, ଦେଶର ପ୍ରଥମ ନିର୍ବାଚନ ଠାରୁ ବର୍ତ୍ତମାନ ପର୍ଯ୍ୟନ୍ତ କୌଣସି ପ୍ରାର୍ଥୀ ଏହି ଗ୍ରାମକୁ ଆସି ପ୍ରଚାର କରି ନାହାନ୍ତି। ଏପରିକି ଏଠାରେ ଦଳୀୟ ପତାକା, ପୋଷ୍ଟର୍‌ ଓ ବ୍ୟାନ୍‌ର ମାରିବା ମଧ୍ୟ ମନା। ଏପରିକି ଏବେ ନିର୍ବାଚନ ପ୍ରଚାରର ଏକ ଅଂଶ ପାଲଟିଥିବା ‘କ୍ୟାଶ୍‌ ଫର୍‌ ଭୋଟ୍‌’ ପାଇଁ ମଧ୍ୟ ଏଠି କୌଣସି ଜାଗା ନାହିଁ। ଏଠାକୁ ଯେଉଁ ପ୍ରାର୍ଥୀ ପ୍ରଚାର କରିବାକୁ ଆସନ୍ତି, ସେ ଗାଁର ସୀମାଠାରୁ ହିଁ ଫେରିବାକୁ ବାଧ୍ୟ ହୁଅନ୍ତି।

ତାମିଲନାଡୁ, କେରଳ, ଆସାମ ଓ ପୁଡୁଚେରୀ ତାତି କମିଲା

୪୦ ଡିଗ୍ରୀରୁ ଊର୍ଦ୍ଧ୍ବ ତାପମାତ୍ରାରେ ସାରା ଦେଶ ଆଉଟୁପାଉଟୁ ହେଉଛି। ଲୋକେ ଘରୁ ବାହାରିବା ବେଳେ କିପରି ରୌଦ୍ରତାପରୁ ରକ୍ଷା ପାଇବେ, ତାହା ଉପରେ ବି ଧ୍ୟାନ ରଖୁଛନ୍ତି। ମାତ୍ର ଏହି ପ୍ରଚଣ୍ଡ ରୌଦ୍ର ତାପ ଭିତରେ ନିର୍ବାଚନ ପ୍ରଚାର ପାଇଁ ୪ଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳରେ ଯେପରି ଭାବେ ଗୃହଳି ଦେଖିବାକୁ ମିଳିଛି, ତାହା ଦେଖିଲେ ଆମ ଲୋକେ କେତେ ପ୍ରଚାର ପ୍ରେମୀ ତାହା ଅବୁଝା ରହିବ ନାହିଁ। ଆଉ ଏହି ମଉକାରେ ଭୋଟରଙ୍କୁ ପ୍ରଭାବିତ କରିବାକୁ ବି ଆମ ରାଜନେତାମାନେ ଶୀତତାପ ନିୟନ୍ତ୍ରିତ କୋଠରୀ ଛାଡ଼ି ପ୍ରଚାରରେ ଝାଳ ବୁହାଇବାରେ ବି ତ୍ରୁଟି କରି ନାହାନ୍ତି। କାରଣ ସମସ୍ତେ ଜାଣନ୍ତି ଚାଷୀ ହୁଡ଼ିଲେ ବରଷେ, ମାତ୍ର ନେତା ହୁଡ଼ିଲେ ୫ ବରଷ। ତେଣୁ ୫ ବର୍ଷ ଗାଦିରେ ରହିବାକୁ ହେଲେ ୪୦ ଡିଗ୍ରୀ ତାପମାତ୍ରାରେ ଲୋକଙ୍କ ସହ ୨ ମାସ ବୁଲି ଭୋଟି ମାଗିଲେ ଅସୁବିଧା ବା କେଉଁଠି ?। ଏହା ଭିତରେ କେବଳ ବେଙ୍ଗଲକୁ ଛାଡ଼ି କେରଳ, ତାମିଲନାଡୁ, ଆସାମ ଓ ପୁଡୁଚେରୀ ପାଇଁ ପ୍ରଚାର ଶେଷ ହୋଇଛି। ଆଉ ଦିନକ ପରେ ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ ହେବାକୁ ଯାଉଛି। କିଏ ୪୦ ଡିଗ୍ରୀ ତାପମାତ୍ରାରେ କେତେ ଝାଳ ବୁହାଇଛି, ତାହା ମେ‘ ତାରିଖ ଭୋଟ ଗଣତିରେ ହିଁ ଜଣାପଡ଼ିବ।

ପ୍ରେମ ମାନେନା ସୀମା ସରହଦ୍: ୫୦ ବର୍ଷ ପରେ ଆସିଲା ଲଭ୍

ପ୍ରେମ ଶାଶ୍ବତ, ପ୍ରେମ ଅଜୟ ଅମର। ପ୍ରେମ ମଣିଷ ଜୀବନକୁ ସମ୍ପୂର୍ଣ୍ଣ ଭାବେ ବଦଳାଇଦିଏ, ଏହା ତ୍ରିବାର ସତ୍ୟ ବୋଲି କହିପାରିବା। ବିଶେଷକରି ନିକଟରେ ରାଜସ୍ଥାନର ୮୨ ବର୍ଷୀୟ ବୃଦ୍ଧ ୫୦ ବର୍ଷ ତଳର ପ୍ରେମିକାଙ୍କଠାରୁ ଲଭ୍ ଲେଟର୍ ପାଇ ସେଇ ପୁରୁଣା ଦିନକୁ ଫେରିଯାଇଛନ୍ତି। କାରଣ ଦୀର୍ଘ ୫ ଦଶନ୍ଧି ପରେ ତାଙ୍କୁ ତାଙ୍କର ବିଦେଶିନୀ ପ୍ରେମିକା ଚିଠି ଲେଖି ଭଲମନ୍ଦ ବୁଝିବା ସହ ପ୍ରତିଦିନ ଟେଲିଫୋନ୍ ଯୋଗେ କଥାବାର୍ତ୍ତା କରୁଥିବା ଜଣାପଡ଼ିଛି। ନିଜ ଭାଗ୍ୟକୁ ଉକ୍ତ ୮୨ ବର୍ଷୀୟ ଗେଟ୍ କିପର୍ ଜଣକ ସହଜରେ ବିଶ୍ବାସ କରିପାରୁନାହାନ୍ତି। ଜୀବନରେ ପିଲାଛୁଆଙ୍କ ଭଲମନ୍ଦ ବୁଝିବା ସହ ସେମାନଙ୍କୁ ବିବାହ କରାଇବା ପରେ ପତ୍ନୀ ଦୁଇ ବର୍ଷ ତଳେ ତାଙ୍କୁ ଛାଡ଼ି ଚାଲିଯାଇଛନ୍ତି। ପିଲାଛୁଆ ନିଜ ଜୀବନରେ ବ୍ୟସ୍ତ ରହିଛନ୍ତି। ଫଳସ୍ବରୂପ ପତ୍ନୀଙ୍କ ଅବର୍ତ୍ତମାନରେ ବୃଦ୍ଧ ଜଣକ ସମ୍ପୂର୍ଣ୍ଣ ଭାବେ ଏକାକୀ ହୋଇଯାଇଥିବା ବେଳେ ଏବେ ତାଙ୍କ ଉଜୁଡ଼ା ଜୀବନରେ ବସନ୍ତ ସାଜି ଆସିଛନ୍ତି ତାଙ୍କର ପୁରୁଣା ଅଷ୍ଟ୍ରେଲୀୟ ପ୍ରେମିକା ମାରିନା। ଏପରି ଏକ ରୋଚକ ଖବର ଫେସବୁକ୍ ପୃଷ୍ଠା ‘ହ୍ୟୁମାନ୍ସ ଅଫ୍ ବମ୍ବେ’ରେ ଗତ ଗୁରୁବାର ସ୍ଥାନ ପାଇଛି ଓ ଫେସବୁକ୍ ୟୁଜରମାନେ ଏହାକୁ ବେଶ୍ ମନଧ୍ୟାନ ଦେଇ ଉପଭୋଗ କରିଛନ୍ତି।

କୋରୋନା କାଳରେ ବଦଳିଛି ଜୀବିକା, ରହିଛି ମାନବିକତା

ଗତ ବର୍ଷେ ହେଲା ମହାମାରୀର ଆତଙ୍କ ଥମିବାର ନାଁ ନେଉନାହିଁ। ଏଠୁ କମିଲେ ସେଠି ହେଉଛି କୋରୋନା ସଂକ୍ରମଣ। ଜୀବନ ଓ ଜୀବିକାକୁ ନେଇ ବିଶ୍ଵବ୍ୟାପୀ ଆଲୋଡ଼ନ ସୃଷ୍ଟି ହୋଇଥିବା ବେଳେ ଯଥାସ୍ଥିତି ବଜାୟ ରଖିବା ପାଇଁ ଚାଲିଛି ବିଭିନ୍ନ ପ୍ରକାର ପ୍ରୟାସ। ଏ ଭିତରେ ବିଶ୍ୱ ଦେଖିଛି ଲୋକଙ୍କ ପ୍ରତ୍ୟକ୍ଷ ସଂଘର୍ଷର ଛବି। କୋରୋନା କାଳରେ ଜୀବିକା ବଞ୍ଚାଇବା ପାଇଁ କେଉଁଠି ଜେଜେମା ନାତୁଣୀ ମିଶି ନୁଆଁ ବେପାରରେ ପାଦ ଦେଇଛନ୍ତି ତ କେଉଁଠି ନିଜ ଜୀବନ ବଞ୍ଚିଯାଇଥିବାରୁ କିଏ ଖୋଲି ଦେଇଛି ଅନ୍ନ ଛତ୍ର। ସୋନୁ ସୁଦ ଓ ସବ୍ୟସାଚୀଙ୍କ ଭଳି ରୁପେଲି ପରଦାର ହିରୋ ମାନେ ବାସ୍ତବ ଜୀବନରେ ହିରୋ ସାଜି ବହୁ ସାଧାରଣ ଲୋକଙ୍କ ଦୁଃଖକୁ ସୁଖରେ ବଦଳେଇ ଦେଇଛନ୍ତି। ରାଜ୍ୟ ତଥା ରାଜ୍ୟ ବାହାରର ଏଭଳି କିଛି ରୋଚକ କାହାଣୀକୁ ନେଇ ଆମର ଏ ଉପସ୍ଥାପନା।

ଭାରତରେ ଦୁନିଆର ସବୁଠୁ ମହଙ୍ଗା ପରିବା ଫଳାଇ ଅମରେଶ

ବର୍ତ୍ତମାନ ସମୟରେ ଅତ୍ୟାବଶ୍ୟକୀୟ ସାମଗ୍ରୀର ଅହେତୁକ ଦରଦାମ୍‌ ବୃଦ୍ଧି ସାଧାରଣ ଲୋକଙ୍କ ମୁଣ୍ଡରେ ଚଡ଼କ ପକାଇଛି। ପେଟ୍ରୋଲ୍‌, ଡିଜେଲ୍‌ଠାରୁ ଆରମ୍ଭ କରି ଆଳୁ, ପିଆଜ ଓ ତେଲ, ଲୁଣ ଦର ଆକାଶ ଛୁଇଁଛି। ଦରଦାମ୍‌ ବୃଦ୍ଧି କାରଣରୁ ବିଗିଡ଼ିବାରେ ଲାଗିଛି ହାଣ୍ଡିଶାଳର ବଜେଟ୍‌। କ’ଣ କିଣିବେ, କ’ଣ ନାହିଁ, ତାକୁ ନେଇ ଏକାଧିକ ଥର ଭାବିବାକୁ ପଡ଼ୁଛି। ଦରଦାମ ବୃଦ୍ଧିକୁ ନେଇ ସମସ୍ତେ ଚିନ୍ତିତ ଥିବା ବେଳେ ଏବେ ଏକ ପରିବାର ଦେଶବ୍ୟାପୀ ଚର୍ଚ୍ଚାରେ ରହିଛି। ଯାହାର ମୂଲ୍ୟ ଶୁଣିଲେ ଆପଣଙ୍କ ହୋଶ୍‌ ଉଡ଼ିଯିବ। ଏହାର ମୂଲ୍ୟ ସୁନାଠାରୁ ମଧ୍ୟ ଅଧିକ ବେଶୀ। ଏହି ପରିବାର ନାଁ ହେଉଛି ‘ହପ୍ ଶୁଟ୍‌ସ‌‌’। ଏହାର କିଲୋପିଛା ଦାମ୍‌ ୧ ଲକ୍ଷ ଟଙ୍କା ରହିଛି। ବିଶ୍ବାସ ହେଉ ନ ଥିଲେ ମଧ୍ୟ ସତ୍ୟ। ଏହାକୁ ବିଶ୍ୱର ସବୁଠାରୁ ମହଙ୍ଗା ପରିବା ବୋଲି ମଧ୍ୟ କୁହାଯାଉଛି। ଏହି ପରିବାକୁ ଚାଷ କରି ବିହାର ଔରଙ୍ଗାବାଦର ଅମରେଶ ସିଂ ନାମକ ଜଣେ ଚାଷୀ ଏବେ ଚର୍ଚ୍ଚାକୁ ଆସିଛନ୍ତି। ଏହାକୁ ସଫଳତାର ସହ ଫଳାଇ ସେ ତାଙ୍କ ଆର୍ଥିକ ଅବସ୍ଥାରେ ସ୍ବଚ୍ଛଳତା ଆଣିବା ସହ ଶତାଧିକ ଚାଷୀଙ୍କୁ ପ୍ରଶିକ୍ଷଣ ଦେଇ ଗେମ୍‌ ଚେଞ୍ଜର ପାଲଟିଛନ୍ତି। ତେବେ ଏହି ମହଙ୍ଗା ପରିବା ଯେ କେବଳ ଖାଇବା ଉପଯୋଗୀ ହୋଇଥାଏ, ତାହା ନୁହେଁ। ଏହାକୁ ବିୟର, ମେଡିସନ୍‌ ପ୍ରସ୍ତୁତ ପାଇଁ ମଧ୍ୟ ବ୍ୟବହାର କରାଯାଇଥାଏ। ଏହାର ଫଳର ଚାହିଦା ସର୍ବାଧିକ ଥିବାବେଳେ ଫୁଲ, ପତ୍ର ଏବଂ ଡାଳ ମଧ୍ୟ ବେଶ୍‌ ଉପଯୋଗୀ ହୋଇଥାଏ। ସବୁଠୁମହଙ୍ଗା ହେବା ସତ୍ତ୍ବେ ଏହି ପରିବାର ଚାହିଦା ଦିନକୁ ଦିନ ବଢ଼ିବାରେ ଲାଗିଛି।

ଘଣ୍ଟାର ରାଜା ଫ୍ରାଙ୍କ୍‌ ମୁଲର୍‌: ଯେମିତି ଦାମୀ, ସେମିତି ସ୍ବତନ୍ତ୍ର

ଦାମୀ ଘଣ୍ଟା ପିନ୍ଧିବା ଅନେକ ବ୍ୟକ୍ତିଙ୍କର ସଉକ ଥାଏ। ଏହାବାଦ୍‌ ଏପରି ଅନେକ ଲୋକ ଅଛନ୍ତି, ଯେଉଁମାନେ ବିଭିନ୍ନ ବ୍ରାଣ୍ଡ୍‌ର ଘଣ୍ଟା ସଂଗ୍ରହ କରିଥାନ୍ତି। ଆଜିକାଲିର ଯୁବପିଢ଼ି ନିଜର ଷ୍ଟାଟସ୍‌ ମେଣ୍ଟେନ୍‌ କରିବା ପାଇଁ ଦାମୀ ଘଣ୍ଟା ପିନ୍ଧିବାକୁ ପସନ୍ଦ କରୁଛନ୍ତି। ତେବେ ସାଧାରଣରେ ଦାମୀ ଘଣ୍ଟା କଥା ଉଠିଲେ ଆମେ ଲକ୍ଷେ କିମ୍ବା ଦୁଇ ଲକ୍ଷ ଟଙ୍କିଆ ଘଣ୍ଟା କଥା ଆଲୋଚନା କରିଥାଉ। ମାତ୍ର ଆମେ ଏଠି ଯେଉଁ ଘଣ୍ଟା ସମ୍ପର୍କରେ କହୁଛୁ, ତାକୁ ପାଇବା ସାଧାରଣ ଲୋକ ପକ୍ଷେ ସାତ ସପନ। ଏହି ଘଣ୍ଟାକୁ କେବଳ କୋଟିପତିମାନେ କିଣି ପିନ୍ଧିବାରେ ସକ୍ଷମ ହୋଇଥାନ୍ତି। ଆପଣଙ୍କ ମନରେ ନିଶ୍ଚୟ ପ୍ରଶ୍ନ ଆସିପାରେ, ଏହା କି ପ୍ରକାର ଘଣ୍ଟା ଯେ ତାକୁ କିଣିବା ଅସମ୍ଭବ। ପ୍ରକୃତରେ ଏହି ଫ୍ରାଙ୍କ୍‌ ମୁଲର୍‌ ବ୍ରାଣ୍ଡ୍‌ ଘଣ୍ଟାର ଦାମ୍‌ ୬ ଲକ୍ଷରୁ ଆରମ୍ଭ ହୋଇ ପାଖାପାଖି ୭୦ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି।

ଏପ୍ରିଲ ୨ର ଅଭୁଲା ସ୍ମୃତି ୧୦ ବର୍ଷ ପରେ ବି ଜୀବିତ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ