ରାଜନୀତି

ପୁଣି ଇରାନ ଟାର୍ଗେଟ୍‌ରେ ଆମେରିକା: ବାଗଦାଦରେ କ୍ଷେପଣାସ୍ତ୍ର

ଆମେରିକା ସେନା ଆକ୍ରମଣରେ ଇରାନ ସେନାଧ୍ୟକ୍ଷ କାସିମ ସୁଲେମାନିଙ୍କ ମୃତ୍ୟୁ ପରେ ଦୁଇ ଦେଶ ମଧ୍ୟରେ ସୃଷ୍ଟି ହୋଇଥିବା ତିକ୍ତତା ପୁଣି ଉଗ୍ରରୂପ ଧାରଣ କରିଛି। ସୁଲେମାନିଙ୍କ ମୃତ୍ୟୁ ପରେ ତତ୍‌କ୍ଷଣାତ୍‌ ଇରାନ ପକ୍ଷରୁ ବାଗଦାଦକୁ ଟାର୍ଗେଟ୍‌ କରାଯାଇ ସେଠାରେ ଥିବା ଆମେରିକା ଦୂତାବାସ ନିକଟରେ ଏକାଧିକ ଥର ଏୟାରଷ୍ଟ୍ରାଇକ କରାଯାଇଥିଲା। ତେବେ ଏହାପରେ ବେଶ୍‌ କିଛିଦିନ ଚୁପ୍‌ ରହିଥିବା ଇରାନ ପୁଣିଥରେ ଇରାକର ରାଜଧାନୀ ବାଗଦାଦ ଉପରେ ଇରାନ କ୍ଷେପଣାସ୍ତ୍ର ମାଡ଼ କରିଛି। ପ୍ରତିଶୋଧ ନେବା ପାଇଁ ଇରାନ ଏଭଳି କରିଥିବା କୁହାଯାଉଛି। ଆମେରିକା ସୈନ୍ୟ ଶିବିର ଉପରେ ଇରାନ କ୍ଷେପଣାସ୍ତ୍ର ମାଡ଼ କରିଥିବା କୁହାଯାଉଛି। କିଛି କ୍ଷେପଣାସ୍ତ୍ର ଇରାକରେ ଥିବା ଆମେରିକା ଦୂତାବାସ ନିକଟରେ ପଡ଼ିଛି। ତେବେ ଆମେରିକା କିମ୍ବା ଇରାନ ଏନେଇ କୌଣସି ମନ୍ତବ୍ୟ ଦେଇ ନାହାନ୍ତି।

ଏପ୍ରିଲ ୧ରୁ ହେବ ଏନ୍‌ପିଆର ଅପଡେଟ୍‌: ନଂ ୧ରେ ରହିବେ

ନ୍ୟାସନନାଲ ପପୁଲେସନ ରେଜିଷ୍ଟର (ଏନ୍‌ପିଆର) ପ୍ରସ୍ତୁତ ନେଇ କେନ୍ଦ୍ର ସରକାର ଏକ ଟାଇମ୍‌ଲାଇନ୍‌ ଧାର୍ଯ୍ୟ କରିଥିବା ସୂଚନା ମିଳିଛି। ଆସନ୍ତା ଏପ୍ରିଲ୍‌ ୧ ତାରିଖରୁ ଏହା ପ୍ରଥମ କରି ଦିଲ୍ଲୀ ମ୍ୟୁନିସପାଲ କର୍ପୋରେସନ୍‌ ଏରିଆରୁ ଆରମ୍ଭ କରିବା ସରକାର ନିଷ୍ପତ୍ତି ନେଇଛନ୍ତି। ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଏନ୍‌ପିଆର ତାଲିକାର ପ୍ରଥମ ସ୍ଥାନରେ ରଖି କାର୍ଯ୍ୟକ୍ରମକୁ ଆଗକୁ ବଢ଼ିବା ପାଇଁ ନିଷ୍ପତ୍ତି ହୋଇଛି। ସେହି ପ୍ରଥମ ଦିନରେ ଉପରାଷ୍ଟ୍ରପତି ଭେଙ୍କୈୟା ନାଇଡୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନାମ ମଧ୍ୟ ଏନ୍‌ପିଆରରେ ସାମିଲ କରିବା ପାଇଁ ନିଷ୍ପତ୍ତି ହୋଇଛି। ଏହି କାର୍ଯ୍ୟକ୍ରମରେ ସ୍ବରାଷ୍ଟ୍ର ମନ୍ତ୍ରୀ, ଏନ୍‌ପିଆର ପ୍ରସ୍ତୁତ ପାଇଁ ନିଯୁକ୍ତି ରେଜିଷ୍ଟ୍ରାର ଜେନେରାଲ ଓ ସେନ୍‌ସସ୍‌ କମିଶନର ବ୍ୟକ୍ତିଗତ ଭାବେ ଉପସ୍ଥିତ ରହିବେ ବୋଲି ଜଣା ପଡ଼ିଛି।

ଲାଗୁହେଲା ଆୟୁଷ୍ମାନ ଭାରତର ଏଚ୍‌ବିପି ୨.୦

କେନ୍ଦ୍ର ସରକାରଙ୍କ ମହତ୍ତ୍ବାକାଂକ୍ଷୀ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାର ସଂଶୋଧିତ ସଂସ୍କରଣ ସ୍ବାସ୍ଥ୍ୟ ଲାଭ ପ୍ୟାକେଜ (ଏଚ୍‌ବିପି ୨.୦) ଦେଶରେ ପ୍ରଥମ ଥର ପାଇଁ ଲାଗୁ କରାଯାଇଛି। ଖୁବ୍ ଶୀଘ୍ର ଦେଶର ବିଭିନ୍ନ ରାଜ୍ୟରେ ମଧ୍ୟ ଏହା ଲାଗୁ କରାଯିବ। ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନଆରୋଗ୍ୟ ଯୋଜନାର ନୋଡାଲ ଏଜେନ୍ସି ଭାବେ କାର୍ଯ୍ୟ କରୁଥିବା ରାଷ୍ଟ୍ରୀୟ ସ୍ବାସ୍ଥ୍ୟ ପ୍ରାଧିକରଣ (ଏନ୍‌ଏଚ୍‌ଏ) ପକ୍ଷରୁ କୁହାଯାଇଛି ଯେ ନାଗାଲାଣ୍ଡରେ ସଫଳତା ସହ ଏହି ଏଚ୍‌ବିପି ୨.୦ ଯୋଜନା କାର୍ଯ୍ୟକାରୀ କରାଯାଇଛି। ଏଥିସହ ଅନ୍ୟ କେତେକ ରାଜ୍ୟରେ ମଧ୍ୟ ଏହି ସଂଶୋଧିତ ପ୍ୟାକେଜ ଲାଗୁ କରାଯିବାକୁ ରାଜ୍ୟ ଗୁଡ଼ିକ ପକ୍ଷରୁ ଆଗ୍ରହ ପ୍ରକାଶ ପାଇଛି। ଏଚ୍‌ବିପି ୧.୦ରୁ ଖୁବ୍ ସୁବିଧାଜନକ ଭାବେ ଅନେକ ଲୋକ ଏଚ୍‌ବିପି ୨.୦କୁ ଆସି ପାରିଛନ୍ତି। ଅନ୍ୟ ରାଜ୍ୟର ଲୋକମାନେ ସେହିପରି ଏଚ୍‌ବିପି ୨.୦କୁ ସହଜରେ ଆସିପାରିବେ ବୋଲି ଆଜି ଏନ୍‌ଏଚଏ ପକ୍ଷରୁ କୁହାଯାଇଛି।

ଭାରତ ଗସ୍ତ ନେଇ ମୁଁ ଉତ୍ସାହିତ: ଡୋନାଲ୍ଡ ଟ୍ରମ୍ପ

ଆମେରିକା ରାଷ୍ଟପତି ଡୋନାଲ୍ଡ ଟ୍ରମ୍ପ ଦୁଇ ଦିନଆ ଭାରତ ଗସ୍ତରେ ଆସିବା କାର୍ଯ୍ୟକ୍ରମ ରହିଛି। ଭାରତ ଗସ୍ତ କରିବା ଏକ ସମ୍ମାନର କଥା। ଭାରତ ଗସ୍ତ ପାଇଁ ବହୁତ ଉତ୍ସାହିତ ଥିବା ଟ୍ରମ୍ପ କହିଛନ୍ତି। ଆସନ୍ତା ଫେବ୍ରୁଆରୀ ୨୪ ଓ ୨୫ରେ ଟ୍ରମ୍ପ ଭାରତ ଗସ୍ତରେ ଆସିବେ। ଏହି ଅବସରରେ ସେ ଗୁଜୁରାଟ ଗସ୍ତ କରିବେ। ଟ୍ରମ୍ପ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ଦ୍ଵିପାକ୍ଷିକ ଆଲୋଚନା ହେବ। ସେଠାରେ ସେ ହ୍ୟୁଷ୍ଟନର ହାଉଡି ମୋଦି କାର୍ଯ୍ୟକ୍ରମ ଭଳି ‘କେମ୍‌ଛୋ ଟ୍ରମ୍ପ’ ନାମକ ଏକ ଇଭେଣ୍ଟରେ ଯୋଗଦେଇ ଲୋକଙ୍କୁ ସମ୍ବୋଧିତ କରିବେ। ଟ୍ରମ୍ପଙ୍କ ଗସ୍ତକାଳରେ ଦୁଇ ଦେଶ ମଧ୍ୟରେ ଅନେକ ଦ୍ବିପାକ୍ଷିକ ବାଣିଜ୍ୟ ଚୁକ୍ତି ସ୍ୱାକ୍ଷରିତ ହେବାର ସମ୍ଭାବନା ରହିଛି। ଦୁହିଁଙ୍କ ଏହି ସାକ୍ଷାତକାର ଅତି ମହତ୍ତ୍ବପୂର୍ଣ୍ଣ, କାରଣ ଏହା ଦୁଇ ଦେଶର ସମ୍ବନ୍ଧକୁ ସୁଦୃଢ କରିବ। ତେବେ ଭାରତ ଗସ୍ତକୁ ନେଇ ରାଷ୍ଟ୍ରପତି ଟ୍ରମ୍ପ ବେଶ୍ ଉତ୍ସାହିତ ଅଛନ୍ତି ଏବଂ ଭାରତ ଆସିବା ଏକ ଗୌରବର କଥା ବୋଲି ରାଷ୍ଟ୍ରପତି ଡ଼ୋନାଲ୍ଡ ଟ୍ରମ୍ପ କହିଛନ୍ତି।

କେଜରିୱାଲ୍‌ଙ୍କ ତୃତୀୟ ଇନିଂସ ଆରମ୍ଭ, ୬ ମନ୍ତ୍ରୀଙ୍କ ସହ

ଗତ ୧୧ ତାରିଖରେ ଦିଲ୍ଲୀ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇବା ପରେ ରାଜଧାନୀବାସୀ ପୁଣିଥରେ ଆପ୍‌ ମୁଖ୍ୟ ଅରବିନ୍ଦ କେଜରିୱାଲ୍‌ଙ୍କ ଉପରେ ଭରସା ପ୍ରକଟ କରିବା ସହ ତାଙ୍କୁ ତୃତୀୟ ଥର ପାଇଁ କ୍ଷମତା ହାସଲ କରିବାର ସୁଯୋଗ ଦେଇଥିଲେ। କେଜରିୱାଲ୍‌ ରବିବାର ପୂର୍ବାହ୍ନରେ ଏଠାକାର ରାମଲୀଲା ମୈଦାନଠାରେ ହଜାର ହଜାର ସଂଖ୍ୟାରେ ସମର୍ଥକଙ୍କ ଗହଣରେ ତାଙ୍କର ତୃତୀୟ ଇନିଂସ ଆରମ୍ଭ କରିଛନ୍ତି। କେଜରିୱାଲ୍‌ କ୍ୟାବିନେଟ୍‌ର ୬ ଜଣ ମନ୍ତ୍ରୀଙ୍କ ସହ ପଦ ଓ ଗୋପନୀୟତାର ଶପଥ ପାଠ କରିଛନ୍ତି। ତାଙ୍କ ବ୍ୟତୀତ କେଜରିୱାଲ୍‌ଙ୍କ ଡାହାଣହାତ କୁହାଯାଉଥିବା ମନୀଷ ସିସୋଦିଆ ମଧ୍ୟ ଶପଥ ଗ୍ରହଣ କରିଛନ୍ତି। ଲେଫ୍ଟନାଣ୍ଟ୍‌ ଗଭର୍ଣ୍ଣର ଅନୀଲ ବୈଜଲ୍‌ ମୁଖ୍ୟମନ୍ତ୍ରୀ ଓ ଅନ୍ୟାନ୍ୟ ମନ୍ତ୍ରୀମାନଙ୍କୁ ଶପଥ ପାଠ କରାଇଥିଲେ।

ମୋଦିଙ୍କଠାରୁ ନିମନ୍ତ୍ରଣ ପତ୍ରର ଉତ୍ତର ପାଇ ରିକ୍ସା ଚାଳକ

ଉତ୍ତର ପ୍ରଦେଶର ଜଣେ ରିକ୍ସା ଚାଳକ ତାଙ୍କ ଝିଅର ବିବାହ ଉତ୍ସବରେ ଯୋଗଦେବା ସକାଶେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ କରିଥିଲେ। ଗତ ଫେବ୍ରୁଆରୀ ୧୨ ତାରିଖରେ ରିକ୍ସ ଚାଳକ ମଙ୍ଗଲ କେୱତ୍‌ଙ୍କ ଝିଅର ବିବାହ ଉତ୍ସବ ଅନୁଷ୍ଠିତ ହୋଇଥିଲା। ଏଠାକାର ଡୋମ୍‌ରି ଗ୍ରାମରେ ଏହି ବିବାହ ଉତ୍ସବ ସମ୍ପନ୍ନ ହୋଇଥିବା ବେଳେ ଏଥିରେ ଯୋଗଦେବା ସକାଶେ କେୱତ୍‌ ପ୍ରଧାନମନ୍ତ୍ରୀ ମୋଦିଙ୍କୁ ନିମନ୍ତ୍ରଣ କରିଥିଲେ। ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମ୍ଓ‌)ରେ ଏହି ଚିଠି ପହଞ୍ଚିବା ପରେ ଉତ୍ତରରେ ମୋଦି କେୱତ୍‌ଙ୍କୁ ଝିଅର ବିବାହ ଉତ୍ସବ ପାଇଁ ବଧେଇ ଜଣାଇବା ସହ ତାଙ୍କ ପରିବାରର ସୁଖସମୃଦ୍ଧି କାମନା କରିଥିଲେ। ନିମନ୍ତ୍ରଣ ପତ୍ରର ଉତ୍ତର କେୱତ୍‌ଙ୍କୁ ମିଳିବା ପରେ ସେ ଏହାକୁ ତାଙ୍କ ଝିଅର ବିବାହ ଉତ୍ସବରେ ଯୋଗଦେଇଥିବା ଅତିଥିମାନଙ୍କୁ ଦେଖାଇଥିଲେ ବୋଲି କହିଛନ୍ତି।

କମଲନାଥ-ଜ୍ୟୋତିରାଦିତ୍ୟ କଳି: କିଛି ବି ଘଟିପାରେ

ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ କମଲନାଥ ଓ ବରିଷ୍ଠ ନେତା ଜ୍ୟୋତିରାଦିତ୍ୟ ସିନ୍ଦିଆଙ୍କ ମଧ୍ୟରେ କଳି ରାଜ୍ୟ ରାଜନୀତିକୁ ସରଗରମ କରିଛି। ବିଜେପି-କଂଗ୍ରେସ ମୁକାବିଲା ଅପେକ୍ଷା ଏହି ଦୁଇ ନେତାଙ୍କ ମଧ୍ୟରେ ମନୋମାଳିନ୍ୟ ଓ ଏହାକୁ ନେଇ ବୟାନବାଜି ଗଣମାଧ୍ୟମର ଶୀର୍ଷ ମଣ୍ଡନ କରିଛି। ଏହି ଦୁଇ ନେତା ପରସ୍ପରକୁ ଟାର୍ଗେଟ୍‌ କରି ମନ୍ତବ୍ୟ ରଖିବା ଆରମ୍ଭ କରିଛନ୍ତି। ମାତ୍ର ବର୍ଷକ ତଳେ ମଧ୍ୟ ପ୍ରଦେଶରେ କଂଗ୍ରେସ ବହୁକଷ୍ଟରେ ସରକାର ଗଠନ କରିଥିଲା ବେଳେ କମଲନାଥଙ୍କୁ ଦଳ ମୁଖ୍ୟମନ୍ତ୍ରୀ କରିଥିଲା। ଫଳରେ ମୁଖ୍ୟମନ୍ତ୍ରୀ ପଦ ପାଇଁ ଆଶାୟୀ ଥିବା ଜ୍ୟୋତିରାଦିତ୍ୟ ସେତେବେଳେ ନିରାଶ ହୋଇଥିଲେ। ଏହା ପରବର୍ତ୍ତୀ ପର୍ଯ୍ୟାୟରେ ଅନୁଷ୍ଠିତ ଲୋକସଭା ନିର୍ବାଚନରେ କଂଗ୍ରେସ ରାଜ୍ୟରେ ଶୋଚନୀୟ ପ୍ରଦର୍ଶନ କରି କେବଳ ଗୋଟିଏ ଆସନ ଜିତିଥିଲା ବେଳେ ନିଜେ ଜ୍ୟୋତିରାଦିତ୍ୟ ମଧ୍ୟ ପରାଜିତ ହୋଇଥିଲେ।

ଓଡ଼ିଆ ଶିଳ୍ପୀଙ୍କ ପ୍ରସ୍ତୁତ ସ୍ମାରକୀକୁ ଉଦ୍‌ଘାଟନ କରିବେ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଫେବ୍ରୁଆରୀ ୧୬ ତାରିଖରେ ତାଙ୍କର ସଂସଦୀୟ କ୍ଷେତ୍ର ବାରାଣସୀକୁ ଦିନିକିଆ ଗସ୍ତରେ ଯିବେ। ଏହି ଅବସରରେ ସେ ଓଡ଼ିଆ ଶିଳ୍ପୀଙ୍କ ଦ୍ୱାରା ନିର୍ମିତ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଏକ ସ୍ମାରକୀ କେନ୍ଦ୍ରର ଉଦଘାଟନ କରିବେ। ସ୍ମାରକୀ କେନ୍ଦ୍ରରେ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଜୀବନକାଳ ଦର୍ଶାଉଥିବା ଖୋଦେଇ କଳାକୃତି ରହିଛି। ପାଖାପାଖି ୩୦ ଜଣ ଓଡ଼ିଆ କାରିଗର ଓ ଶିଳ୍ପୀ ୧ ବର୍ଷ ଧରି ଏହି ପ୍ରକଳ୍ପ ନିର୍ମାଣ ଲାଗି କାର୍ଯ୍ୟ କରିଛନ୍ତି। ମୋଦି ମଧ୍ୟ ଏହି ଅବସରରେ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ୬୩ ଫୁଟ ଉଚ୍ଚତା ବିଶିଷ୍ଟ ଲୌହ ପ୍ରତିମାର ଅନାବରଣ କରିବେ। ଏହା ହେବ ଦେଶରେ ପଣ୍ଡିତ ଦୀନଦୟାଲଙ୍କର ସର୍ବୋଚ୍ଚ ପ୍ରତିମୂର୍ତ୍ତି। ଗତ ଏକ ବର୍ଷ ଧରି ୨୦୦ରୁ ଅଧିକ କାରିଗର ଦିନରାତି କାମ କରି ଏହି ପ୍ରତିମୂର୍ତ୍ତିଟି ନିର୍ମାଣ କରିଛନ୍ତି।

‘ମୋଦି-ଶାହ ସେ ଆଜାଦୀ’ରେ କମ୍ପିଲା ଆଜାଦ ମୈଦାନ
ଭାରତକୁ ବିକାଶୋନ୍ମୁଖୀ ଦେଶ ସୂଚୀରୁ ହଟାଇ ଗୁଗ୍‌ଲି ଫିଙ୍ଗିଛନ୍ତି

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ ଓ ତାଙ୍କ ପତ୍ନୀ ମେଲାନିଆ ଟ୍ରମ୍ପ୍‌ ଭାରତ ଗସ୍ତରେ ଆସିବା ପାଇଁ ବେଶ୍‌ ବ୍ୟଗ୍ର ବୋଲି କହିଥିଲେ। ଏହା ସେମାନଙ୍କର ପ୍ରଥମ ଭାରତ ଗସ୍ତ ହୋଇଥିବାରୁ ଏହି ଅବସରରେ ଉଭୟ ଦେଶ ମଧ୍ୟରେ ଦ୍ବିପାକ୍ଷିକ ସମ୍ପର୍କ ଏକ ନୂଆ ସ୍ତରରେ ପହଞ୍ଚିପାରିବ ବୋଲି ଉଭୟ ମତ ବ୍ୟକ୍ତ କରିଥିଲେ। କିନ୍ତୁ ଏହି ଐତିହାସିକ ଗସ୍ତକୁ ଆଉ ଦେଢ଼ ସପ୍ତାହରୁ ବି କମ୍‌ ସମୟ ଥିବା ବେଳେ ଶନିବାର ଆମେରିକା ଭାରତକୁ ଜବରଦସ୍ତ ଝଟ୍‌କା ଦେଇଛି। ଆମେରିକୀୟ ପ୍ରଶାସନ ପକ୍ଷରୁ ଭାରତକୁ ବିକାଶୋନ୍ମୁଖୀ ଦେଶମାନଙ୍କ ସୂଚୀରୁ ବାଦ୍‌ ଦିଆଯାଇଛି। ଭାରତ ଏକ ବିକାଶଶୀଳ ଦେଶ ବୋଲି ୟୁନାଇଟେଡ୍‌ ଷ୍ଟେଟ୍‌ସ ଟ୍ରେଡ୍‌ ରିପ୍ରେଜେଣ୍ଟେଟିଭ୍‌ (ୟୁଏସ୍‌ଟିଆର୍‌) ଘୋଷଣା କରିବା ଫଳରେ ଭାରତ ଆମେରିକାଠାରୁ ପାଉଥିବା ଆର୍ଥିକ ସହଯୋଗ ଆଉ ପାଇପାରିବ ନାହିଁ। ତେବେ ଭାରତ ଗସ୍ତର ଅବ୍ୟବହିତ ପୂର୍ବରୁ ଟ୍ରମ୍ପ୍‌ଙ୍କ ଏପରି ନିଷ୍ପତ୍ତି ଭାରତ ପାଇଁ ସଙ୍କଟ ସୃଷ୍ଟି କରିଛି ବୋଲି ଶିବସେନା ପକ୍ଷରୁ କୁହାଯାଇଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ