ରାଜନୀତି

ନୀଳାଚଳ ଇସ୍ପାତ ବିକ୍ରିପାଇଁ ବିଜେପି-ବିଜେଡି ମିଶି କରିଛନ୍ତି ମସୁଧା: କଂଗ୍ରେସ

ଓଡ଼ିଶା ଶିଳ୍ପ ଜଗତର ଏକ ମାଇଲଖୁଣ୍ଟ ରୂପେ ପରିଚିତ ନୀଳାଚଳ ଇସ୍ପାତ ନିଗମକୁ ଘରୋଇ କମ୍ପାନୀକୁ ବିକ୍ରି କରିବା ପାଇଁ ବିଜେଡ଼ି ଓ ବିଜେପି କରିଥିବା ମସୁଧାକୁ ଘୋର ନିନ୍ଦା ଓ ସମାଲୋଚନା କରିଛି କଂଗ୍ରେସ। ଗୁରୁବାର ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପଞ୍ଚାନନ କାନୁନଗୋ, ବରିଷ୍ଠ ନେତା ଜ୍ଞାନଦେବ ବେଉରା ଓ ମୁଖପାତ୍ର ପ୍ରଶାନ୍ତ ଶତପଥିଙ୍କ ଉପସ୍ଥିତିରେ ନୀଳାଚଳ ଇସ୍ପାତ ନିଗମର ବିକ୍ରି ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଆଭିମୁଖ୍ୟକୁ କଡ଼ା ସମାଲୋଚନା କରିଥିଲେ। ସେ କହିଥିଲେ, ତଳସ୍ତରରେ ଯଦିଓ ଲୋକ ଦେଖାଣିଆ ଭାବରେ ବିଜେଡ଼ି-ବିଜେପି ନିଜ ନିଜ ଭିତରେ ବେଶ୍ କଳିର ନାଟକ ଦେଖାଉଛନ୍ତି, ତେବେ ରାଜ୍ୟର ଖଣି, ଜମି, ପାଣି, କଳ କାରଖାନା ବିକ୍ରିପାଇଁ ଦୁହେଁ ଏକାଠି ଓ ସହମତ। ରାଜ୍ୟ ବିଜେଡ଼ି କେନ୍ଦ୍ର ବିଜେପି ପାଖରେ କେଉଁ ଉଦ୍ଦେଶ୍ୟରେ ଆତ୍ମ ସମର୍ପଣ କରିଛି ତାହା ଆଦୌ ବୁଝା ପଡ଼ୁନାହିଁ। ରାଜ୍ୟର ସ୍ୱାର୍ଥକୁ ବଳିଦେଇ, ନିଜ ନିଜ ସ୍ୱାର୍ଥରକ୍ଷା ଉଦ୍ଦେଶ୍ୟରେ ଉଭୟ ବିଜେପି ଓ ବିଜେଡ଼ି ଲାଗିଛନ୍ତି। ରାଜ୍ୟର ଏକ ଲାଭଦାୟକ କାରଖାନା- ନୀଳାଚଳ ଇସ୍ପାତ ସମ୍ପର୍କୀୟ ଚୁକ୍ତିପତ୍ରରୁ ଏକଥା ସ୍ପଷ୍ଟ ଅନୁମେୟ ବୋଲି କାନୁନ୍‌ଗୋ କହିଛନ୍ତି।

ବିଜେଡି ବିରୋଧରେ କେନ୍ଦ୍ରୀୟ ନିର୍ବାଚନ ପର୍ଯ୍ୟବେକ୍ଷକଙ୍କୁ ଫେରାଦ ହେଲା ବିଜେପି

ବାଲେଶ୍ୱର ଉପନିର୍ବାଚନରେ ଭୋଟରଙ୍କୁ ପ୍ରଭାବିତ କରିବା ପାଇଁ ଶାସକ ବିଜେଡି ବାରମ୍ବାର ନିର୍ବାଚନ ଆଚରଣ ବିଧି ଉଲ୍ଲଘଂନ କରୁଛି। ଏହା ସହ ଶାସକ ଦଳ ସରକାରୀ କଳ ଏବଂ ପୋଷ୍ଟାଲ ବାଲାଟ ଭୋଟିଂରେ ଜାଲିଆତି କରି ଭୋଟ ନିଜ ସପକ୍ଷକୁ ନେବାକୁ ଉଦ୍ୟମ ଚଲାଇଛି। ଭୋଟରଙ୍କୁ ପ୍ରଭାବିତ କରିବା ପାଇଁ ବେଆଇନ ଭାବେ ବିଭିନ୍ନ ପ୍ରକାର ଉନ୍ନୟନମୂଳକ କାର୍ଯ୍ୟ ବିଜେଡି ନିର୍ଦେଶରେ ଚାଲିଛି। ସରକାରୀ କଳକୁ ଅପବ୍ୟବହାର କରିବା ବିରୋଧରେ ବିଜେପିର ଏକ ପ୍ରତିନିଧୀ ଦଳ କେନ୍ଦ୍ରୀୟ ନିର୍ବାଚନ ପର୍ଯ୍ୟବେକ୍ଷକ ବି. ଅମୃତାଭଲ୍ଲୀଙ୍କୁ ଭେଟି ଫେରାଦ ହୋଇଛି। ବିଜେପି ସାଂସଦ ବିଶେଶ୍ୱର ଟୁଡୁ, ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର ଓ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ମିଳିତ ଭାବେ ଯାଇ କେନ୍ଦ୍ରୀୟ ନିର୍ବାଚନ ପର୍ଯ୍ୟବେକ୍ଷକଙ୍କୁ ଭେଟି ଆଗାମୀ ନିର୍ବାଚନକୁ ମୁକ୍ତ, ଅବାଧ ଓ ନିରପେକ୍ଷ କରିବା ନିମନ୍ତେ ଦାବି ଜଣାଇଛନ୍ତି।

ବିଜେଡିକୁ ଭୋଟ୍‌ ଦିଅନ୍ତୁ, ବାଲେଶ୍ବର କଥା ମୁଁ ବୁଝିବି: ନବୀନ

ଆଉ ୪ ଦିନ ପରେ ଭୋଟ୍। ବାଲେଶ୍ବର ସଦର ଓ ତିର୍ତ୍ତୋଲ ବିଧାନସଭା ଆସନ ପାଇଁ ଆସନ୍ତା ୩ ତାରିଖରେ ହେବ ଉପନିର୍ବାଚନ। ଏଥିପାଇଁ ଜୋରଦାର୍‌ ହୋଇଛି ପ୍ରଚାର। ତିନି ପ୍ରମୁଖ ରାଜନୈତିକ ଦଳ ପ୍ରଚାରକୁ ଜୋର୍‌ଦାର କରିଛନ୍ତି। ଏହି ପରିପ୍ରେକ୍ଷୀରେ ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ୍‌ ମାଧ୍ୟମରେ ତିର୍ତ୍ତୋଲରେ ପ୍ରଚାର କରିଥିବା ବେଳେ ଗୁରୁବାର ବାଲେଶ୍ବରରେ ପ୍ରଚାର କରିଛନ୍ତି। ଭର୍ଚୁଆଲ୍ କ୍ୟାମ୍ପେନ୍‌ ମାଧ୍ୟମରେ ବିଜେଡି ସୁପ୍ରମୋ ନବୀନ ପଟ୍ଟନାୟକ ଦଳୀୟ ପ୍ରାର୍ଥୀ ସ୍ୱରୁପ ଦାସଙ୍କ ଲାଗି ପ୍ରଚାର କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତ, ଆପଣମାନେ ବିଜେଡିକୁ ଭୋଟ୍‌ ଦିଅନ୍ତୁ। ବାଲେଶ୍ବର ବିକାଶ ମୋ ଦାୟିତ୍ବ। ବିଜେପୁର ପରି ବାଲେଶ୍ୱର ଦାୟିତ୍ୱ ମୁଁ ବ୍ୟକ୍ତିଗତ ଭାବେ ନେବି। ବାଲେଶ୍ବର ବିକାଶକୁ ପରବର୍ତ୍ତୀ ସ୍ତରକୁ ନିଆଯିବ, ବାଲେଶ୍ବର ପ୍ରତି ସ୍ବତନ୍ତ୍ର ଧ୍ୟାନ ଦିଆଯିବ ବୋଲି କହି ଏଭଳି ଢଙ୍ଗରେ ଭୋଟ ଭିକ୍ଷା କରିଛନ୍ତି ନବୀନ।

କଂଗ୍ରେସ ଅମଳରେ ବିହାରର ତିଳେମାତ୍ର ବିକାଶ ହୋଇନି: ଧର୍ମେନ୍ଦ୍ର
ଜମ୍ମୁ-କଶ୍ମୀରକୁ ଏକ ବଡ଼ ଜେଲରେ ପରିଣତ କରିଛନ୍ତି କେନ୍ଦ୍ର ସରକାର: ମେହବୁବା

ଜମ୍ମୁ-କଶ୍ମୀର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତି ଗୁରୁବାର କେନ୍ଦ୍ର ସରକାରଙ୍କୁ କଡ଼ା ସମାଲୋଚନା କରିଛନ୍ତି। କେନ୍ଦ୍ର ସରକାର ଚୀନ ବିରୋଧରେ ଲଢ଼େଇ କରିବାକୁ ଅକ୍ଷମ ହୋଇଥିଲା ବେଳେ କଶ୍ମୀରବାସୀଙ୍କ ଉପରେ ଦମନଲୀଳା ଚଳାଇ ଏହାକୁ ଏକ ବଡ଼ ଜେଲରେ ପରିଣତ କରିଛନ୍ତି। ଲଦାଖରେ ଏକ ବଡ଼ ଅଂଶ ଚୀନ ମାଡ଼ି ବସିଥିଲା ବେଳେ ବିଜେପି ସରକାର ଏହାକୁ ଫେରାଇ ଆଣିବାକୁ ସମର୍ଥ ହେଉ ନାହାନ୍ତି ବୋଲି ମେହବୁବା କହି ସମାଲୋଚନା କରିଛନ୍ତି। କେନ୍ଦ୍ର ସରକାରଙ୍କ ନୂଆ ଆଇନ ଜରିଆରେ ଏବେ ଭାରତର ଯେ କୌଣସି ନାଗରିକ ଜମ୍ମୁ-କଶ୍ମୀରରେ ଜମି କିଣି ପାରିବେ। ଯାହାକୁ ନେଇ ଜମ୍ମୁ-କଶ୍ମୀରର ବିଭିନ୍ନ ରାଜନୈତିକ ଦଳ ପକ୍ଷରୁ ଏହାର ପ୍ରତିବାଦ ଆରମ୍ଭ ହୋଇଥିଲା ବେଳେ ଦଳର କର୍ମୀମାନେ ରାଜରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି।

ଖୋଲିଲା ପାକିସ୍ତାନ ପେଡ଼ି: ପୁଲୱାମା ଆକ୍ରମଣକୁ ବଡ଼ ସଫଳତା କହି ମାନିଲା

ଜମ୍ମୁ-କଶ୍ମୀର ପୁଲୱାମା ଆକ୍ରମଣକୁ ପାକିସ୍ତାନର ଏକ ବଡ଼ ସଫଳତା କହି ମାନିଛନ୍ତି ଦେଶର ମନ୍ତ୍ରୀ ଫୱାଦ ଚୌଧୁରୀ। ଇମ୍ରାନ ଖାନଙ୍କ ମନ୍ତ୍ରିମଣ୍ଡଳରେ କ୍ୟାବିନେଟ ମନ୍ତ୍ରୀ ଭାବେ କାମ କରୁଥିବା ଫୱାଦ ଚୌଧୁରୀ ଏହା ପୁଣି ଦେଶର ନ୍ୟାସନାଲ ଆସେମ୍ବଲିରେ କହିଛନ୍ତି। ଦେଶର ତମାମ ବିରୋଧୀଦଳ ଇମ୍ରାନ ହଟାଓ ଅଭିଯାନକୁ ଜୋରଦାର କରିଥିଲା ବେଳେ ସରକାରଙ୍କ ବାହାବା କଥା କହିବାକୁ ଯାଇ ଫୱାଦ ପୁଲୱାମା ସଫଳତା କଥା କହି ନିଜ ଗୋଡ଼ରେ କୁରାଢ଼ି ମାରିଛନ୍ତି। କାରଣ ଭାରତ ସରକାର ପୁଲୱାମା ଆକ୍ରମଣ ପଛରେ ପାକିସ୍ତାନର ହାତ ରହିଛି ବୋଲି ଅନ୍ତର୍ଜାତୀୟ ରାଷ୍ଟ୍ର ସମୂହକୁ ଅବଗତ କରାଇ ଆସୁଥିଲା ବେଳେ ପାକିସ୍ତାନ ସରକାର ଏହାର ପ୍ରମାଣ ଦେବାକୁ କହି ଭାରତୀୟ ଆରୋପକୁ ପ୍ରତ୍ୟାଖ୍ୟାନ କରି ଆସୁଥିଲେ। ହେଲେ ଦେଶର ଜଣେ କ୍ୟାବିନେଟ ନ୍ୟାସନାଲ ଆସେମ୍ବଲିରେ ଏହା କହିବା ପରେ ପାକିସ୍ତାନର ଅସଲ ଚେହେରା ପଦାକୁ ଆସିଛି।

ମିଳିତ ଜାତିସଂଘ ଘୋଷିତ ଆତଙ୍କବାଦୀଙ୍କ ଆଶ୍ରୟସ୍ଥଳ ପାକିସ୍ତାନ: ବୈଦେଶିକ ମନ୍ତ୍ରାଳୟ
ଭାରତର ଆକ୍ରମଣ ଆଶଙ୍କାରେ ଭୟରେ ଥରୁଥିଲେ ବାଜୱା: ପାକିସ୍ତାନ ସାଂସଦ

ଭାରତର ବାଲାକୋଟ ଆକ୍ରମଣ ଓ ୱିଙ୍ଗ କମାଣ୍ଡର ଅଭିନନ୍ଦନ ବର୍ତମାନ ପାକିସ୍ତାନ ସେନାବାହିନୀ ହାତରେ ଧରାପଡ଼ିବାର ଘଟଣାବଳୀର ଦିନର କଥାକୁ ନେଇ ଗର୍ଜିଛନ୍ତି ପିଏମଏଲ-ଏନ୍ ସାଂସଦ ଅୟେଜ ସିଦ୍ଦିକି। ତାହା ପୁଣି ପାକିସ୍ତାନ ନ୍ୟାସନାଲ ଆସେମ୍ବଲିରେ। ଯାହାକୁ ନେଇ ପୁଣି ଥରେ ସେହିଦିନର ତିକ୍ତ ଅନୁଭୂତିକୁ ମନେ ପାକାଇଇ ଦୁଇ ଦେଶରେ ଚର୍ଚ୍ଚା ଆରମ୍ଭ ହୋଇଛି। ପାକିସ୍ତାନରେ ଇମ୍ରାନ ହଟାଓ ଅଭିଯାନ ଜୋର ଧରିଥିଲା ବେଳେ ଇମ୍ରାନ ସରକାରର ଦୋଷ ଦୁର୍ବଳତା ବଖାଣିବା ବେଳେ ନ୍ୟାସନାଲ ଅସେମ୍ବଲିରେ ବିରୋଧୀ ସାଂସଦ ସିଦ୍ଦିକି କହିଥିଲେ ଯେ ୨୦୧୯ ଫେବ୍ରୁଆରୀର ସେହି ଘଡ଼ିସନ୍ଧି ମୁହୂର୍ତ୍ତରେ ଯଦି ଭାରତୀୟ ୱିଙ୍ଗ କମାଣ୍ଡର ଅଭିନନ୍ଦନ ବର୍ତମାନଙ୍କୁ ମୁକ୍ତ କରିବାରେ ବିଳମ୍ବ କରାଯାଇଥାନ୍ତା, ତାହେଲେ ହିନ୍ଦୁସ୍ତାନ ସେହିଦିନ ରାତି ୯ଟାରେ ପାକିସ୍ତାନ ଆକ୍ରମଣ କରିଥାନ୍ତା। ସେ ଏହା କହୁ ନାହାନ୍ତି, ଏହା ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମେହମୁଦ କୁରେଶୀ କହିଥିଲେ ବୋଲି କହିଛନ୍ତି। ସେହିଦିନର ଘଟଣାବଳୀ ବର୍ଣ୍ଣନା କରି ସିଦ୍ଦିକି ନ୍ୟାସନାଲ ଆସେମ୍ବଲିରେ କହିଥିଲେ ଯେ ଭାରତୀୟ ୱିଙ୍ଗ କମାଣ୍ଡର ଡଗଫାଇଟରେ ତାଙ୍କ ମିଗ ବିମାନ ହରାଇବା ପରେ ପାକିସ୍ତାନ ହାତରେ ଧରା ପଡ଼ିଥିଲେ।

ମୁଖ୍ୟମନ୍ତ୍ରୀଙ୍କୁ ନିରଞ୍ଜନଙ୍କ ପ୍ରଶ୍ନ: ସାଧାରଣ ଲୋକଙ୍କ ଜୀବନ କ’ଣ ମୂଲ୍ୟହୀନ

ଆସନ୍ତା ୩ ତାରିଖରେ ହେବାକୁ ଥିବା ବାଲେଶ୍ବର ଓ ତିର୍ତ୍ତୋଲ ଉପନିର୍ବାଚନ ପାଇଁ ପ୍ରଚାର ସରଗମର ହୋଇଛି। ବିଜେପି ଓ କଂଗ୍ରେସ ନିଜ ନିଜର ପ୍ରଚାର ଅଭିଯାନକୁ ଜୋର୍‌ଦାର କରିଥିବା ବେଳେ ବୁଧବାର ମୁଖ୍ୟମନ୍ତ୍ରୀ ମଧ୍ୟ ଭର୍ଚୁଆଲ୍‌ ପ୍ରଚାର କରିଛନ୍ତି। ତେବେ ମୁଖ୍ୟମନ୍ତ୍ରୀଙ୍କ ଏହି ଭର୍ଚୁଆଲ୍‌ ପ୍ରଚାରକୁ ସମାଲୋଚନା କରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ। ଏନେଇ ନିରଞ୍ଜନ ମୁଖ୍ୟମନ୍ତ୍ରୀଙ୍କୁ କେତେକ ପ୍ରଶ୍ନ ପଚାରିଛନ୍ତି। ନିରଞ୍ଜନ କହିଛନ୍ତି କୋରୋନା ଡରରେ ମୁଖ୍ୟମନ୍ତ୍ରୀ ପ୍ରଚାର ମଇଦାନକୁ ନ ଯାଇ ଘରେ ସୁରକ୍ଷିତ ରହି ପ୍ରଚାର କଲେ। ମାତ୍ର ସାଧାରଣ ଲୋକଙ୍କୁ ଏକାଠି କଲେ। ନିଜେ ମୂଖ୍ୟମନ୍ତ୍ରୀ ଲୋକଙ୍କ ପାଖକୁ ନ ଯାଇ ଘରେ ସୁରକ୍ଷିତ ରହି ସହ ସହ ଲୋକଙ୍କୁ ଏକାଠି କରି ଭର୍ଟୁଆଲ୍‌ ରାଲିରେ ବକ୍ତବ୍ୟ ଦେଇ ସେମାନଙ୍କୁ ବିପଦ ମୁଖକୁ ଠେଲିଦେଉଛନ୍ତି କାହିଁକି ? ଜନସାଧାରଣଙ୍କ ଜୀବନ କ’ଣ ମୂଲ୍ୟବାନ ନୁହେଁ କି ବୋଲି ସେ ପ୍ରଶ୍ନ କରିଛନ୍ତି।

ତିର୍ତ୍ତୋଲ ଉପନିର୍ବାଚନ ପାଇଁ ଭର୍ଚୁଆଲ୍‌ ପ୍ରଚାର କଲେ ନବୀନ

ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାର କରିବା ପାଇଁ ମଇଦାନକୁ ଓହ୍ଲାଇଛନ୍ତି ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ଦଳ ପାଇଁ ଭର୍ଚୁଆଲ୍‌ ପ୍ରଚାର କରିଛନ୍ତି। ଦଳୀୟ ପ୍ରାର୍ଥୀ ବିଜୟ ଶଙ୍କର ଦାସଙ୍କ ସପକ୍ଷରେ ପ୍ରଚାର କରିଛନ୍ତି ମୁଖ୍ୟମନ୍ତ୍ରୀ। ମୁଖ୍ୟମନ୍ତ୍ରୀ କହିଛନ୍ତି, ମୋ ପ୍ରତି ଆପଣମାନଙ୍କ ଭଲପାଇବା ମୁଁ ଭଲଭାବେ ଜାଣିଛି। ଆସିବାକୁ ଚାହିଁ ବି କୋରୋନା ଯୋଗୁ ଆପଣମାନେ ଆସିପାରିନାହାନ୍ତି। ମୁଁ ଆପଣଙ୍କ ସ୍ୱାସ୍ଥ୍ୟକୁ ଗୁରୁତ୍ୱ ଦେଇ ଆପଣଙ୍କ ପାଖକୁ ଯାଇପାରିଲିନି। ମାତ୍ର କୋରୋନା ଗଲା ପରେ ମୁଁ ତିର୍ତ୍ତୋଲ ଯିବି ଓ ବିକାଶ କାମ ବୁଲି ବୁଲି ଦେଖିବି। ବିଜେଡି ସହ ତିର୍ତ୍ତୋଲବାସୀ ସବୁବେଳେ ରହି ଆସିଛନ୍ତି। ଏଥର ବି ବିକାଶମୂଳକ କାମ ଆଗେଇ ନେବାକୁ ବିଜୁ ଜନତା ଦଳ ପ୍ରତି ନିଜର ସମର୍ଥନ ରଖିବେ। ତିର୍ତ୍ତୋଲର ବିକାଶ ପାଇଁ ଶଙ୍ଖ ଚିହ୍ନରେ ଭୋଟ ଦିଅନ୍ତୁ ବୋଲି ମୁଖ୍ୟମନ୍ତ୍ରୀ କହିଛନ୍ତି।

ଦରଭଙ୍ଗା ରାଲିରେ ମୋଦିଙ୍କ ସୂଚନା: ଏନଡିଏରେ ନାହିଁ ଏଲଜେପି

ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ମତଦାନ ଶେଷ ହୋଇଥିଲା ବେଳେ ଦ୍ବିତୀୟ ପର୍ଯ୍ୟାୟରେ ହେବାକୁ ଥିବା ମତଦାନ ପାଇଁ ପ୍ରଚାର ଜୋର ଧରିଛି। ପ୍ରଧାନମନ୍ତ୍ରୀ ମୋଦି ନିଜେ ଘନ ଘନ ଗସ୍ତ କରି ଭୋଟରଙ୍କ ମନ ଜିଣିବାକୁ ପାଇଁ ପ୍ରୟାସ ଜାରି ରଖିଛନ୍ତି। ବୁଧବାର ଦରଭଙ୍ଗା ରାଲିରେ ପ୍ରଧାନମନ୍ତ୍ରୀ ମୋଦି ବିରୋଧୀଙ୍କୁ ଟାର୍ଗେଟ କରିବା ସହ ଚିରାଗ ପାଶୱାନଙ୍କ ନେତତ୍ବାଧୀନ ଏଲଜେପି ଏନଡିଏରେ ନାହିଁ ବୋଲି ସୂଚାଇ ଦେଇଛନ୍ତି। ଯଦି ମୋଦି ସିଧାସଳଖ ଏଲଜେପିର ନାଁ ନେଇ ନାହାନ୍ତି, ତଥାପି ସେ ତାଙ୍କ ବକ୍ତବ୍ୟରେ ଏହା ସ୍ପଷ୍ଟ କରିଛନ୍ତି। ବିହାରରେ ଏନଡିଏ ପାଇଁ ବିଜେପି, ଜେଡି(ୟୁ), ଭିଆଇପି, ଏଚଏଏମ ନିର୍ବାଚନ ଲଢ଼ୁଛନ୍ତି ବୋଲି ମୋଦି ଜନସାଧାରଣଙ୍କୁ ଉଦବୋଧନ ଦେବା ଅବସରରେ ସ୍ପଷ୍ଟ କରିଛନ୍ତି। ଏଠାରେ ସୂଚନାଯୋଗ୍ୟ ଯେ ଚିରାଗ ପାଶ୍ବୱାନ ନୀତିଶ କୁମାରଙ୍କ ନେତୃତ୍ବକୁ ବିରୋଧ କରି ଏନଡିଏରୁ ଓହରିବା ନେଇ ପୂର୍ବରୁ ଘୋଷଣା କରିବା ସହ ନୀତିଶଙ୍କ ଜେଡି(ୟୁ) ବିରୋଧରେ ପ୍ରାର୍ଥୀ ଛିଡ଼ା କରାଇଛନ୍ତି।

ଭାରତ-ଆମେରିକା ଚୁକ୍ତିକୁ ସମାଲୋଚନା, ସୀମା ବିବାଦ ଦ୍ବିପାକ୍ଷିକ ସମସ୍ୟା: ଚୀନ

ନୂଆଦିଲ୍ଲୀରେ ଭାରତ ଓ ଆମେରିକା ମଧ୍ୟରେ ପ୍ରଶାନ୍ତ ମହାସାଗରୀୟ ଅଞ୍ଚଳ ନେଇ କଥାବାର୍ତ୍ତାକୁ ଚୀନ ସମାଲୋଚନା କରିବା ସହ ପୂର୍ବ ଲଦାଖରେ ଦେଖା ଦେଇଥିବା ସୀମା ବିବାଦ ସମ୍ପୂର୍ଣ୍ଣ ଦ୍ବିପାକ୍ଷିକ ବୋଲି କହିଛି। ବୁଧବାର ଚୀନ ବୈଦେଶିକ ମନ୍ତ୍ରାଳୟ ପକ୍ଷରୁ ଜାରି ହୋଇଥିବା ବିବୃତିରେ ପ୍ରଶାନ୍ତ ମହାସାଗୀୟ ବ୍ୟାପାରରେ ଆମେରିକାର ହସ୍ତକ୍ଷେପକୁ ଚୀନ ଘୋର ବିରୋଧ କରିଛି। ଏଠାରେ ସୂଚନାଯୋଗ୍ୟ ଯେ ଆମେରିକା ବୈଦେଶିକ ସଚିବ ମାଇକ ପମ୍ପିଓ ଦିନକ ପୂର୍ବରୁ କହିଥିଲେ ଯେ ଭାରତର ସାର୍ବଭୌମତ୍ବ ରକ୍ଷା କରିବା ପାଇଁ ଆମେରିକା ସମସ୍ତ ପ୍ରକାର ସାହାଯ୍ୟ ସହଯୋଗ ଯୋଗାଇବାକୁ ପ୍ରସ୍ତୁତ। ନୂଅଦିଲ୍ଲୀରେ ଦୁଇ ଦେଶର ବୈଦେଶିକ ଓ ପ୍ରତିରକ୍ଷା ବିଭାଗ ପକ୍ଷରୁ ହୋଇଥିବା ଟୁ ପ୍ଲସ ଟୁ ଆଲୋଚନାରେ ବିଶେଷକରି ସୀମା ବିବାଦ ଓ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳରେ ନିୟନ୍ତ୍ରଣକୁ ନେଇ ଆଲୋଚନା ହୋଇଛି। ଯାହାକୁ ନେଇ ଚୀନ ସବୁଠାରୁ ବେଶି କ୍ଷୁବ୍ଧ ହୋଇଥିବା ସୂଚନା ମିଳିଛି।

ପୋଷ୍ଟାଲ୍‌ ଭୋଟ୍‌ ଜାଲିଆତି ଅଭିଯୋଗ ଆଣିଲା ବିଜେପି
ସରକାରୀ ଅର୍ଥକୁ ହଡ଼ପ କରୁଛନ୍ତି ବିଜେଡି ନେତା: ବିଜେପି


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ