ରାଜନୀତି

କୋରୋନା ପାଇଁ ବଦଳୁଛି ଭାରତ-ଚୀନ-ପାକିସ୍ତାନ ସମୀକରଣ

ମହାମାରୀ କୋରୋନା ପାଇଁ ଭାରତ-ଚୀନ-ପାକିସ୍ତାନ ସମୀକରଣ ବଦଳିଛି। ଚୀନ-ପାକିସ୍ତାନ ମଧୁଚନ୍ଦ୍ରିକାରେ ଭଟ୍ଟା ପଡ଼ିଛି। ଗତ ମାର୍ଚ୍ଚ ୯ ତାରିଖରେ ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମେହମ୍ମୁଦ କୁରେଶୀ ଚୀନ ବୈଦେଶିକ ମନ୍ତ୍ରୀ ଝାଙ୍ଗ ଜୁନଙ୍କୁ ଚିଠି ଲେଖି କଶ୍ମୀରରେ ମାନବିକ ଅଧକାର ଉଲ୍ଲଙ୍ଘନ ହେଉଥିବା ଜଣାଇ ଏନେଇ ମିଳିତ ଜାତିସଂଘରେ ଉତଥାପନ କରିବାକୁ ପ୍ରସ୍ତାବ ଦେଇଥଲା। କାରଣ ପୂର୍ବରୁ ଚୀନ ମଧ୍ୟ ଏହି ପ୍ରସଙ୍ଗ ମିଳିତ ଜାତିସଂଘରେ ଉଠାଇ ପାକିସ୍ତାନ ପାଇଁ ଆାଶା ଉଜ୍ଜୀବିତ ରଖିଥଲା। ଯଦିଓ ମିଳିତ ଜାତିସଂଘର ଅନ୍ୟ ରାଷ୍ଟ୍ର ଏହାକୁ ଗୁରୁତ୍ବ ଦେଉ ନ ଥିଲେ ତଥାପି ଚୀନ ଭାରତ ବିରୋଧୀ ଚିନ୍ତାଧାରା ବଜାୟ ରଖିଥଲା। ମାତ୍ର କୋରୋନା ଭୂତାଣୁକୁ ନେଇ ଚୀନ ଉପରେ ସାରା ବିଶ୍ବର ନଜର ରହିଥିଲା ବେଳେ ଚୀନ ତାହାର ଭାରତ ବିରୋଧୀ ଆଭିମୁଖ୍ୟରେ ପରିବର୍ତ୍ତନ ଆଣିଛି।

ଚୀନର କୋରୋନା ତଥ୍ୟ ମିଥ୍ୟା, ବିଶ୍ବ ପାଇଁ ବିଭ୍ରାନ୍ତିକର: ଟ୍ରମ୍ପ

କୋରୋନା ଭୂତାଣୁ ପାଇଁ ଚୀନ ଓ ଆମେରିକା ମୁହାଁମୁହିଁ ସ୍ଥିତିକୁ ଆସି ଯାଇଛନ୍ତି। ଚୀନରୁ କରୋନ ଭୂତାଣୁ ଆରମ୍ଭ ହୋଇଥିବା ସାରା ବିଶ୍ବବାସୀ ଜାଣିଛନ୍ତି। ଚୀନରେ ହୁବେଇ ପ୍ରୋଭିନ୍ସର ଉହାନ ସହର ଏହି କୋରୋନା ଭୂତାଣୁର ଏପିକ୍ ସେଣ୍ଟର ବୋଲି ସମସ୍ତେ ଜାଣିଛନ୍ତି। ମାତ୍ର ଚୀନ ପରି ଜନସଂଖ୍ୟା ବହୁଳ ରାଷ୍ଟ୍ରର ଅନ୍ୟ ପ୍ରାନ୍ତକୁ କିପରି ଏହା ବ୍ୟାପିଲା ନାହିଁ, ତାହାକୁ ନେଇ ଆମେରିକା ସନ୍ଦେହ ପ୍ରକାଶ କରିଛି। ନିଜେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ବୁଧବାର ପ୍ରେସ୍ କନଫରେନ୍ସ କରି କହିଛନ୍ତି ଯେ ଚୀନର ତଥ୍ୟକୁ ନେଇ ତାଙ୍କର ସନ୍ଦେହ ରହିଛି। ଚୀନ କୋରୋନା ମହାମାରୀ ମୁକାବିଲା ନେଇ ସାରା ବିଶ୍ବକୁ ବିଭ୍ରାନ୍ତିକର ତଥ୍ୟ ଦେଉଛି। ଆମର ଚୀନ ସହ ସମ୍ପର୍କ ଭଲ ରହିଛି। ସେ ନିଜେ କୋରୋନା ମୁକାବିଲା ନେଇ ଚୀନ ରାଷ୍ଟ୍ରପତି ଜିନପିଙ୍ଗଙ୍କ ସହ କଥା ହୋଇଛନ୍ତି।

ଓଡ଼ିଆଙ୍କ ସୁରକ୍ଷା ନେଇ ୫ ମୁଖ୍ୟମନ୍ତ୍ରୀଙ୍କ ସହ କଥାହେଲେ ଧର୍ମେନ୍ଦ୍ର

ଲକ୍‌ଡାଉନ୍‌ ଯୋଗୁଁ ଅଟକି ଯାଇଥିବା ଓଡ଼ିଆ ଲୋକଙ୍କ ଯତ୍ନ ନେବାପାଇଁ ୫ଟି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କଥା ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ୫ଟି ରାଜ୍ୟର ମୁଖ୍ୟମନ୍ତ୍ରୀ ଗୁରୁତ୍ୱର ସହ ଓଡ଼ିଆଙ୍କ ଆବଶ୍ୟକ ଯତ୍ନ ନେବାକୁ ପ୍ରତିଶୃତି ଦେଇଛନ୍ତି ବୋଲି କହିଛନ୍ତି କେନ୍ଦ୍ର ପେଟ୍ରୋଲିୟମ୍‌ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କୋରୋନା ଲକ୍‌ଡାଉନ୍ କାରଣରୁ ଓଡ଼ିଶାର ଅନେକ ଲୋକମାନେ କେରଳ, ହରିୟାଣା, ତାମିଲନାଡୁ, ତେଲେଙ୍ଗାନା ଓ ଆନ୍ଧ୍ର ପ୍ରଦେଶ ରାଜ୍ୟର ବିଭିନ୍ନ ସ୍ଥାନରେ ଅଟକି ରହିଥିବା ପରିପ୍ରେକ୍ଷୀରେ କେରଳର ମୁଖ୍ୟମନ୍ତ୍ରୀ ପିନାରାୟୀ ବିଜୟନ, ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର, ତାମିଲନାଡୁର ମୁଖ୍ୟମନ୍ତ୍ରୀ କେ. ପଲାନିସ୍ୱାମୀ, ତେଲେଙ୍ଗାନାର ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ଓ ଆନ୍ଧ୍ର ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଜୀଙ୍କ ସହ ଫୋନ୍ ଯୋଗେ କଥାବାର୍ତ୍ତା ହୋଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

କୋରୋନାରୁ ବଞ୍ଚାଇବ ଭୋଡ୍‌କା: ବେଲାରୁସ୍‌ ରାଷ୍ଟ୍ରପତି

ରୁଷ ରାଷ୍ଟ୍ରପତି ଭ୍ଲାଦିମର ପୁଟିନଙ୍କ ଆଦେଶ କ୍ରମେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ସୋମବାରଠାରୁ ରାଜଧାନୀ ମସ୍କୋରେ ଲକ୍‌ଡାଉନ୍‌ ପାଳନ କରାଯାଇଛି। ହେଲେ ରୁଷକୁ ଲାଗିଥିବା ଏକ ଦେଶ ବେଲାରୁସ୍‌ କିନ୍ତୁ କୋରୋନା ସଂକ୍ରମଣକୁ ଖୁବ୍‌ ହାଲ୍‌କା ଭାବେ ନେଇଛି। ବେଲାରୁସ୍‌ ରାଷ୍ଟ୍ରପତି ଆଲେକଜାଣ୍ଡର ଲୁକାସେନକୋ ଲକ୍‌ଡାଉନ୍‌ ପାଳନ ନ କରିବା ସହ କହିଛନ୍ତି ଭୋଡ୍‌କା ପିଇଲେ ଓ ହକି ଖେଳିଲେ କୋରୋନା ହେବ ନାହିଁ। ସିଏନ୍‌ଏନ୍‌ର ରିପୋର୍ଟ ଅନୁଯାୟୀ, ସୋମବାର ରାଷ୍ଟ୍ରପତି ଏକ ଜନସଭାକୁ ଉଦ୍‌ବୋଧନ ଦେବା ସମୟରେ କହିଛନ୍ତି କୋରୋନାକୁ ନେଇ ଭୟଭୀତ ହେବାର କୌଣସି କାରଣ ନାହିଁ। ଭୋଡ୍‌କା ପିଅନ୍ତୁ ଓ ହକି ଖେଳନ୍ତୁ ଅର୍ଥାତ୍‌ ଦେହରୁ ଝାଳ ବୁହାନ୍ତୁ ଓ ପାରମ୍ପରିକ ସୋନା ବାଥ୍‌ ନିଅନ୍ତୁ ତେବେ ଯାଇ କୋରୋନା ଦୂରେଇ ଯିବ।

ଉତ୍କଳ ଦିବସରେ ଓଡ଼ିଶାବାସୀଙ୍କୁ ରାଷ୍ଟ୍ରପତି, ପ୍ରଧାନମନ୍ତ୍ରୀ,
୭ ଦିନରେ ବ୍ରିଟେନର ଯୁବରାଜ ପ୍ରିନ୍ସ ଚାର୍ଲସ କୋରୋନାରୁ ସୁସ୍ଥ
ନିଃସଙ୍ଗବାସରେ ନେତନ୍ୟାହୁ, ସନ୍ଦିଗ୍ଧ ତାଲିକାରେ ବ୍ରିଟିଶ୍

ସାମ୍ପ୍ରତିକ ସମୟରେ ସମଗ୍ର ବିଶ୍ବକୁ ଘାତକ କୋରୋନା ଭୂତାଣୁ ବ୍ୟାପିଯାଇଛି। ସମଗ୍ର ବିଶ୍ବରେ ଆଜି ଯାଏଁ ୭ ଲକ୍ଷରୁ ଊର୍ଦ୍ଧ୍ବ ଆକ୍ରାନ୍ତ ହୋଇସାରିଥିବା ବେଳେ ୩୫ ହଜାରୁ ଊର୍ଦ୍ଧ୍ବ ମ୍‌ତୁବରଣ କରିସାରିଛନ୍ତି। ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ସୋମବାର ନିଃସଙ୍ଗବାସରେ ରହିଥିବା ଘୋଷଣା କରିଛନ୍ତି। ତାଙ୍କର ଜଣେ ସଂସଦୀୟ ସହଯୋଗୀଙ୍କଠାରେ କୋରୋନା ଭୂତାଣୁ ଠାବ କରାଯିବା ପରେ ପ୍ରତିଷେଧକମୂଳକ ପଦକ୍ଷେପ ଭାବେ ନେତନ୍ୟାହୁ ସମସ୍ତଙ୍କଠାରୁ ଦୂରେଇ ରହିବେ ବୋଲି କହିଛନ୍ତି। ପୂର୍ବରୁ ଗତ ମାର୍ଚ୍ଚ ୧୫ ତାରିଖରେ ତାଙ୍କର ନମୁନା ଯାଞ୍ଚ୍ ହୋଇଥିବା ବେଳେ ସେ ନେଗେଟିଭ୍ ରହିଥିଲେ ହେଁ ଏହି ୭୦ ବର୍ଷୀୟ ରାଜନେତାଙ୍କ ସ୍ବାସ୍ଥ୍ୟାବସ୍ଥାର ବ୍ୟାପକ ଯାଞ୍ଚ୍ ମଙ୍ଗଳବାର ହେବ ବୋଲି ସରକାରୀ ସୂତ୍ରରୁ ଜଣାପଡ଼ିଛି। ଇସ୍ରାଏଲୀ ଗଣମାଧ୍ୟମ ଦେଇଥିବା ସୂଚନାନୁସାରେ, କୋରୋନା ପଜିଟିଭ୍ ବାହାରିଥିବା ସଂସଦୀୟ ସହଯୋଗୀ ଗତ ସପ୍ତାହରେ ଅନୁଷ୍ଠିତ ସଂସଦୀୟ ଅଧିବେଶନରେ ଉପସ୍ଥିତ ଥିଲେ। ବିରୋଧୀଙ୍କ ସହ ମିଶି ଦେଶରେ ଆରମ୍ଭ ହୋଇଥିବା କୋରୋନାର ଭୟାବହତାର ମୁକାବିଲା ସକାଶେ ନେତନ୍ୟାହୁ ଏହି ବୈଠକ ଆହୂତ କରିଥିଲେ। ତେବେ ନେତନ୍ୟାହୁ ସିଧାସଳଖ ଉକ୍ତ ସଂସଦୀୟ ସହଯୋଗୀଙ୍କ ସଂସ୍ପର୍ଶରେ ଆସି ନ ଥିବାରୁ ତାଙ୍କୁ ୧୪ ଦିନ ପାଇଁ ନିଃସଙ୍ଗବାସରେ ରହିବାର ଆବଶ୍ୟକତା ନାହିଁ ବୋଲି ଜନୈକ ଅଧିକାରୀ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ