ଆଜି ବିବାହ ବନ୍ଧନରେ ବାନ୍ଧି ହେବେ ଓଲିଉଡ଼ର ଚର୍ଚ୍ଚିତ ଯୋଡ଼ି ସବ୍ୟସାଚୀ-ଅର୍ଚ୍ଚିତା। ଆଉ ବିବାହ ପରେ ଦୁହେଁ ହୋଇଯିବେ ସବ୍ୟର୍ଚ୍ଚିତା। ଏନେଇ ଉଭୟ ସବ୍ୟସାଚୀ ଏବଂ ଅର୍ଚ୍ଚିତା ସୋସାଲ ମିଡିଆରେ ପୋଷ୍ଟ କରି ସୂଚନା ଦେଇଛନ୍ତି ଓ ପ୍ରଶଂସକଙ୍କ ଶୁଭେଚ୍ଛା କାମନା କରିଛନ୍ତି। ପୂର୍ବରୁ ସେମାନଙ୍କ ନିର୍ବନ୍ଧ ସରିଛି। ଆଜି ରାଜସ୍ଥାନର ଏକ ବିଳାସପୂର୍ଣ୍ଣ ସ୍ଥାନରେ ସବ୍ୟସାଚୀ ମିଶ୍ର ଓ ଅର୍ଚ୍ଚିତା ସାହୁଙ୍କ ବାହାଘର ହେବ ବୋଲି ସୂଚନା ମିଳିଛି। ନୂଆ ସମ୍ପର୍କ ଆରମ୍ଭ କରୁଥିବାରୁ ପ୍ରଭୁ ଜଗନ୍ନାଥଙ୍କ ସହ ଓଡ଼ିଶାବାସୀଙ୍କ ଆଶୀର୍ବାଦ ଲୋଡ଼ିଛନ୍ତି ସବ୍ୟର୍ଚ୍ଚିତା।
ଜୀବନରେ ସଭିଙ୍କୁ ନିଜ ପ୍ରେମ ମିଳି ନ ଥାଏ। ହେଲେ ପ୍ରଥମ ପ୍ରେମ ଚିରଦିନ ପାଇଁ ଅଭୁଲା ହୋଇ ରହିଯାଏ। ହୁଏତ କେହି କେହି ଏହାକୁ ସ୍ବୀକାର କରନ୍ତିତ ଆଉ କେହି ଏନେଇ ନିରବ ରହିଥାନ୍ତି। ଏମିତି କିଛି କଥାକୁ ନେଇ ବଲିଉଡ ଅଭିନେତ୍ରୀ ପରିଣୀତି ଚୋପ୍ରାଙ୍କ ଏକ ଭିଡିଓ ଏବେ ଭାଇରାଲ ହୋଇଛି। ଯେଉଁଥିରେ ସେ ତାଙ୍କର ଅନେକ ପ୍ରଥମ କଥା ବଖାଣିଛନ୍ତି। ଯଥା ଯାହାକୁ ପ୍ରଥମେ ଚିଠି ଲେଖିଥିଲେ, ଯିଏ ତାଙ୍କ ପ୍ରଥମ କ୍ରଶ ଥିଲା ଓ କେବେ ସେ ପ୍ରଥମେ କିସ ଦେଇଥିଲେ ଆଦି।
ଭାରତୀୟ ଫିଲ୍ମ ଜଗତରେ ଆଜି ବି ମହାନାୟକ ଅମିତାଭ ବଚ୍ଚନଙ୍କ ଲୋକପ୍ରିୟତା କାଏମ ରହିଛି। ତାଙ୍କର ଢେର ପ୍ରଶଂସକ ଓ ସୋସାଲ ମିଡିଆରେ ବହୁ ଫଲୋଅର୍ସ ରହିଛନ୍ତି। ତାଙ୍କର ସ୍ବାସ୍ଥ୍ୟ ସମସ୍ୟା ହେଲେ ପ୍ରଶଂସକଙ୍କ ଉଦବେଗ ତାଙ୍କ ଲୋକପ୍ରିୟତାକୁ ବୟାନ କରୁଛି। ଏହି ପରିପ୍ରେକ୍ଷୀରେ ଦିନକ ପୂର୍ବରୁ ବିଗ ବି ଲେଜର ଆଇ ସର୍ଜରୀ କରାଇଥିବା ରବିବାର ସୂଚନା ଦେଇଛନ୍ତି। ତେବେ ଏଥିରେ ବ୍ୟସ୍ତ ହେବାର କିଛି ନାହିଁ ବୋଲି ସେ ପ୍ରଶଂସକଙ୍କ ଉଦ୍ଦେଶ୍ୟରେ କହିଛନ୍ତି। ସୋମବାର ସେ ହସ୍ପିଟାଲରୁ ଘରକୁ ଫେରିବେ ବୋଲି ମଧ୍ୟ ଜଣାଇଛନ୍ତି।
ବର୍ଷ ଆରମ୍ଭରୁ ବାହୁବଲୀ ଫେମ ରାଣା ଦଗୁବତୀ ତାଙ୍କ ନୂଆ ତ୍ରିଭାଷୀ ଫିଲ୍ମକୁ ନେଇ ବେଶ ଚର୍ଚ୍ଚାରେ ରହିଛନ୍ତି। ହାତୀ-ମଣିଷ ଲଢ଼େଇର ପ୍ଷ୍ଠଭୂମିରେ ପରିକଳ୍ପିତ ଏହି ଫିଲ୍ମଟି ହିନ୍ଦୀ, ତାମିଲ ଓ ତେଲୁଗୁ ଭାଷାରେ ପ୍ରସ୍ତୁତ ହେଉଛି। ହିନ୍ଦୀରେ ଏହାର ନାମ ‘ହାତୀ ମେରେ ସାଥୀ’ ଥିବା ବେଳେ ତାମିଲରେ ‘କାଦାନ’ ଓ ତେଲୁଗୁରେ ‘ଅରନ୍ୟ’ ରଖାଯାଇଛି। ଆସନ୍ତା ମାର୍ଚ୍ଚ ୪ରେ ଏହାର ହିନ୍ଦୀ ସଂସ୍କରଣର ଟ୍ରେଲର ରିଲିଜ ହେବାକୁ ଥିବା ବେଳେ ଏହାର ଦିନକ ପୂର୍ବରୁ ଅର୍ଥାତ ହିଂସ୍ର ବନ୍ୟଜନ୍ତୁ ଦିବସ ଅବସରରେ ତାମିଲ ଓ ହିନ୍ଦୀ ସଂସ୍କରଣର ଟ୍ରେଲର ରିଲିଜ ହେବାକୁ ଧାର୍ଯ୍ୟ ହୋଇଛି।
ବଲିଉଡର ଯୁବ ଅଭିନେତ୍ରୀ ପରିଣୀତି ଚୋପ୍ରା ବେଶ କିଛିଦିନ ହେବ ଭାରତର ଟପ ବ୍ୟାଡମିଣ୍ଟନ ପ୍ଲେୟାର ସାଇନା ନେହୱାଲଙ୍କ ବାୟୋପିକ ଉପରେ କାମ କରୁଥିବା ସଭିଏଁ ଜାଣନ୍ତି। ଅମୋଲ ଗୁପ୍ତେଙ୍କ ନିର୍ଦେଶନାରେ ପ୍ରସ୍ତୁତ ଏହି ଫିଲ୍ମଟିକୁ ଆମାଜନ ପ୍ରାଇମ ଭିଡିଓ ଓଟିଟି ପ୍ଲାଟଫର୍ମରେ ରିଲିଜ କରାଯିବାକୁ ପୂର୍ବରୁ ଧାର୍ଯ୍ୟ ହୋଇଥିବା ବେଳେ ଏବେ ଏହାକୁ ସିନେମା ହଲରେ ରିଲିଜ କରାଯିବା ନେଇ ନିଷ୍ପତ୍ତି ହୋଇଛି। କେନ୍ଦ୍ର ସରକାରଙ୍କ ସଦ୍ୟ ନିଷ୍ପତ୍ତିକ୍ରମେ ୧୦୦ ପ୍ରତିଶତ କ୍ଷମତା ସହ ସିନେମାହଲ ଗୁଡ଼ିକ ଖୋଲିଥିବାରୁ ନିର୍ମାତାଙ୍କ ପକ୍ଷରୁ ଏଦାଦୃଶ ନିଷ୍ପତ୍ତି ନିଆଯାଇଛି। ତଦନୁଯାୟୀ ଆସନ୍ତା ମାର୍ଚ୍ଚ ୨୬ ତାରିଖରେ ଏହି ଫିଲ୍ମଟି ମୁକ୍ତିଲାଭ କରିବାକୁ ଯାଉଛି।
ମହାମାରୀ କୋରୋନା କାରଣରୁ ପ୍ରାୟ ବର୍ଷେ କାଳ ସିନେମାହଲ ବନ୍ଦ ରହିଥିବା ବେଳେ କେନ୍ଦ୍ର ସରକାରଙ୍କ ନୂଆ କଟକଣା କୋହଳ ନୀତି ଅନୁଯାୟୀ ଏବେ ସିନେମାହଲ ଗୁଡ଼ିକ ୧୦୦ ପ୍ରତିଶତ କ୍ଷମତା ସହ ଖୋଲୁଛି। ଏପରିସ୍ଥଳେ ଧୀରେ ଧୀରେ ଫିଲ୍ମ ଗୁଡ଼ିକର ରିଲିଜ ଆରମ୍ଭ ହୋଇଥିବା ବେଳେ ତନ୍ମଧ୍ୟରେ ଟକ୍କର ହେବାକୁ ମଧ୍ୟ ଯାଉଛି। ଏହିକ୍ରମରେ ଆସନ୍ତା ସେପ୍ଟେମ୍ବର ୧୭ରେ ଅର୍ଜୁନ ରାମପାଲଙ୍କ ଅଭିନୀତ ‘ଦ ବ୍ୟାଟଲ ଅଫ ଭୀମା କୋରେଗାଓଁ’ ଓ ଆୟୁଷ୍ମାନ ଖୁରାନାଙ୍କ ଅଭିନୀତ ‘ଅନେକ’ ବକ୍ସ ଅଫିସରେ ମୁହାଁମୁହିଁ ହେବାକୁ ଯାଉଛନ୍ତି। ଏହି ଦୁଇଟି ଫିଲ୍ମ ଜାତିପ୍ରଥା ଉପରେ ଆଧାରିତ ବୋଲି ଜଣାପଡ଼ିଛି। ସମୟକ୍ରମେ ଆୟୁଷ୍ମାନଙ୍କ ଲୋକପ୍ରିୟତା ବଲିଉଡରେ ବଢ଼ିଥିବାରୁ ଅର୍ଜୁନ ଓ ଆୟୁଷ୍ମାନଙ୍କ ଏହି ଟକ୍କର ବେଶ ମଜାଦାର ହେବ ବୋଲି ଆଶା କରାଯାଉଛି।
ବଲିଉଡରେ ବଡି ଶେମିଂ ବହୁତ ସାଧାରଣ କଥା। ଅନେକ ବଡ଼ ବଡ଼ ସେଲିବ୍ରିଟି ଏହାର ଶିକାର ହୋଇଛନ୍ତି। ଏଥିପାଇଁ ଅନେକ ସମୟରେ ସେମାନଙ୍କ ଆତ୍ମବିଶ୍ବାସ ମଧ୍ୟ ଭାଙ୍ଗିଯାଇଥିବା ଦେଖିବାକୁ ମିଳିଛି। ଏମିତି କିଛି ହୋଇଛି ଅଭିନେତ୍ରୀ ଜରୀନ ଖାନଙ୍କ ସହିତ। ବଲିଉଡରେ ଜରୀନ ସେମିତି କିଛି ସଫଳତା ପାଇନାହାନ୍ତି। କିନ୍ତୁ ସବୁବେଳେ ଚର୍ଚ୍ଚାରେ ରହିବା ସହିତ ତାଙ୍କୁ କିଛି ନା କିଛି କମେଣ୍ଟ ଶୁଣିବାକୁ ମିଳିଥାଏ। କେତେବେଳେ ତାଙ୍କୁ କେହି ମୋଟୀ କହିଥାନ୍ତି ତ ଆଉ କେତେବେଳେ ତାଙ୍କୁ କ୍ୟାଟ୍ରିନା କୈଫଙ୍କ ସହିତ ତୁଳନା କରିଥାନ୍ତି।
ସୋସାଲ ମିଡିଆରେ ବୋଲ୍ଡ ଫଟୋଶୁଟ ଉପରେ ଲୋକଙ୍କ ଅଲଗା ଅଲଗା ପ୍ରତିକ୍ରିୟାମାନ ଦେଖିବାକୁ ମିଳିଥାଏ। କେତେକ ଅଭିନେତ୍ରୀଙ୍କୁ ନିଜର ବୋଲ୍ଡ ଫଟୋ ଶେୟାର କରିବା ପରେ ଟ୍ରୋଲର ସାମ୍ନା କରିବାକୁ ପଡ଼ିଥାଏ। ଟିଭି ଅଭିନେତ୍ରୀ ଦିବ୍ୟା ଅଗ୍ରୱାଲଙ୍କ ସହିତ ଏଭଳି କିଛି ଦେଖିବାକୁ ମିଳିଛି। ଦିବ୍ୟା ନିଜ ସୋସାଲ ମିଡିଆ ପାଇଁ ଏକ କନସେପ୍ଟ ଫଟୋଶୁଟ କରାଇଥିଲେ।
ବଲିଉଡ ଅଭିନେତା ତଥା ନିର୍ଦେଶକ ଅନୁରାଗ କଶ୍ୟପଙ୍କ ଝିଅ ଆଲିଆ କଶ୍ୟପ ଏବେ ଚର୍ଚ୍ଚାରେ ଅଛନ୍ତି। କିଛି ଦିନ ପୂର୍ବରୁ ସେ ଇନଷ୍ଟାଗ୍ରାମରେ ନିଜର କିଛି ବୋଲ୍ଡ ଫଟୋ ଶେୟାର କରିଥିଲେ। ଏହାକୁ ନେଇ ତାଙ୍କୁ ଜୋରଦାର ଟ୍ରୋଲ କରାଯାଉଛି। ଏହାକୁ ନେଇ ସେ ବହୁତ ଡରି ଯାଇଛନ୍ତି। ତାଙ୍କ କହିବାନୁସାରେ ସେ ତାଙ୍କ ଜୀବନରେ ଏମିତି କେବେ ଡରି ନ ଥିଲେ, ଗତ କିଛି ସପ୍ତାହ ହେଲାଣି ନିଜ ଫଟୋ ଉପରେ କମେଣ୍ଟ ପଢ଼ି ଯେତିକି ଡରି ଯାଇଛନ୍ତି। ଟ୍ରୋଲର୍ସମାନେ ଅଶ୍ଳୀଳ କମେଣ୍ଟ ସୋସାଲ ମିଡିଆରେ ଶେୟାର କରିଛନ୍ତି। ଏଥିସହିତ ସେ ପୁରୁଣା ଦିନକୁ ମନେପକାଇଛନ୍ତି। ତାଙ୍କର ଯୌନ ନିର୍ଯାତନା ହୋଇଥିବା କହିଛନ୍ତି। ଆଲିଆ ରେପିଷ୍ଟ ମାନସିକତା ଥିବା ଲୋକଙ୍କୁ ଟାର୍ଗେଟ କରିଛନ୍ତି ଓ ନିଜ ଭାବନା ବ୍ୟକ୍ତ କରିଛନ୍ତି।
ଶାହରୁଖ ଖାନଙ୍କ ‘ପଠାନ’ ସିନେମାରେ ନଜର ଆସିବେ ବୋଲି ବଲିଉଡର ଭାଇଜାନ ସଲମାନ ଖାନ ବିଗବସ ୧୪ ମଞ୍ଚରେ ଘୋଷଣା କରିଥିଲେ। ଏବେ ଶୁଣିବାକୁ ମିଳୁଛି ସଲମାନ ‘ପଠାନ’ ସିନେମାର ଶୁଟିଂ ଆରମ୍ଭ କରି ଦେଇଛନ୍ତି। ସଲମାନଙ୍କୁ ୟଶରାଜ ଷ୍ଟୁଡିଓ ବାହାରେ ଦେଖିବାକୁ ମିଳିଥିଲା। ଭାଇଜାନ ଇନଷ୍ଟାଗ୍ରାମ ହ୍ୟାଣ୍ଡଲରେ ଏକ ପୋଷ୍ଟ କରିଥିଲେ। ଏହି ଟ୍ବିଟରେ କୁହାଯାଇଛି ଯେ ଶାହରୁଖ ଖାନ ଓ ସଲମାନ ଖାନ ଗୁରୁବାର ୪ଟାରେ ଦୀର୍ଘ ଦିନ ପରେ ଶୁଟିଂ କରିବାକୁ ପହଞ୍ଚି ଥିଲେ। କ୍ୟାଟ୍ରିନା କୈଫ ମଧ୍ୟ ଶୁଟିଂ ସେଟରେ ପହଞ୍ଚି ଥିଲେ ବୋଲି କୁହାଯାଉଛି।
ଦଙ୍ଗଲ ଅଭିନେତ୍ରୀ ସାନ୍ୟା ମାଲହୋତ୍ରାଙ୍କ ଆଗାମୀ ସିନେମା ‘ପଗଲେଟ’ର ଟିଜର ନିର୍ମାତା ଜାରି କରିଛନ୍ତି। ଫିଲ୍ମରେ ସାନ୍ୟା ଜଣେ ଚୁଲବୁଲି ଝିଅ ଭୂମିକାରେ ଅଭିନୟ କରୁଛନ୍ତି। ଟିଜର ଦେଖିବା ପରେ ଆପଣଙ୍କ ଚେହେରାରେ ଏକ ସୁନ୍ଦର ସ୍ମାଇଲ ନିହାତି ଭାବେ ଆସିଯିବ। ଫିଲ୍ମକୁ ଉମେଶ ବିଷ୍ଟ ନିର୍ଦେଶନା ଦେଉଛନ୍ତି।
ପ୍ରିୟଙ୍କା ଚୋପ୍ରା ଫିଲ୍ମ ସହିତ ନିଜ ଡ୍ରେସିଙ୍ଗ ସେନ୍ସକୁ ନେଇ ସବୁବେଳେ ଚର୍ଚ୍ଚାରେ। ସୋସାଲ ମିଡିଆରେ ତାଙ୍କର ଅଲଗା ଅଲଗା ଲୁକ ଖୁବ ଭାଇରାଲ ହେବାରେ ଲାଗିଥାଏ। ପ୍ରିୟଙ୍କା ଅଲଗା ଅଲଗା ସମୟରେ ଏଭଳି ଅନେକ ଡ୍ରେସ ପିନ୍ଧିଥାନ୍ତି, ଯାହାକୁ ନେଇ ପରିହାସ କରିବା ସହିତ ଲୋକେ ମିମ ମଧ୍ୟ କରିଥାନ୍ତି। ଏଥର ମଧ୍ୟ ଏମିତି କିଛି ହୋଇଛି।
ଛୋଟ ପରଦାରେ ନିଜ କ୍ୟାରିଅର ଆରମ୍ଭ କରିଥିବା ବଲିଉଡ ଅଭିନେତ୍ରୀ ପ୍ରାଚୀ ଦେଶାଇ ବହୁତ ଦିନ ହେଲାଣି କୌଣସି ସିନେମାରେ ନଜର ଆସି ନାହାନ୍ତି। ତାଙ୍କ ପ୍ରଶଂସକମାନେ ପୁଣିଥରେ ତାଙ୍କୁ ବଡ଼ ପରଦାରେ ଦେଖିବା ଲାଗି ଉତ୍କଣ୍ଠାର ସହ ଅପେକ୍ଷା କରିଛନ୍ତି। ପ୍ରାଚୀଙ୍କ ପ୍ରଶଂସକଙ୍କ ପାଇଁ ବଡ଼ ଖବର। ପ୍ରାଚୀ କମବ୍ୟାକ ଥ୍ରିଲର ସିନେମା ‘ସାଇଲେନ୍ସ: କ୍ୟାନ ୟୁ ହିଅର ଇଟ’ ସହିତ ପୁଣି ଫେରୁଛନ୍ତି। ଏଥିରେ ସେ ଜଣେ ଇନସପେକ୍ଟର ଚରିତ୍ରରେ ଅଭିନୟ କରିବାକୁ ଯାଉଛନ୍ତି।
ମାଧୁରୀ ଦୀକ୍ଷିତ ଓ ସଲମାନ ଖାନଙ୍କ ଅଏଲ ପେଣ୍ଟିଂ ୨୪ କ୍ୟାରେଟ ଗୋଲ୍ଡ ପ୍ଲେଟିଙ୍ଗରେ ସଜାଇଛନ୍ତି ଧନରାଜ ସାଗର ଶେଲକେ। ଧନରାଜ ହେଉଛନ୍ତି ପ୍ରଖ୍ୟାତ ଇନଭେଣ୍ଟର ତଥା ଆର୍ଟିଷ୍ଟ ମହାଦେବ ରାଓ ମିସ୍ତ୍ରୀ ଶେଲକେଙ୍କ ଅଣନାତି। ସେ ଦ୍ବିତୀୟ ବିଶ୍ବଯୁଦ୍ଧ ସମୟରେ କୋଇଲାରେ ଚାଳିତ କାର ଓ ଟ୍ରକ ତିଆରି କରିଥିଲେ। ଧନରାଜ ପୁନେସ୍ଥିତ ଭାରତୀ ବିଦ୍ୟାପୀଠରେ ଫାଇନାନ୍ସ ଏଣ୍ଡ ଏଚଆର ଟପ୍ପର ଥିଲେ। ଏବେ ଧନରାଜ ତାଙ୍କ ନିଆରା ସ୍ଜନଶୀଳତା ଉପଯୋଗ କରି ୧୮ ଓ ୨୪ କ୍ୟାରେଟ ଗୋଲ୍ଡରେ ଅଏଲ ପୋଟ୍ରେଟ ତିଆରି କରୁଛନ୍ତି।
ଅଭିନେତା ପ୍ରଭାସଙ୍କ ଆଗାମୀ ଫିଲ୍ମ ‘ଆଦିପୁରୁଷ’କୁ ନେଇ ପ୍ରତିଦିନ କିଛି ନୂଆ ଖବର ଆସୁଛି। ଏହା ବଲିଉଡ ନିର୍ଦେଶକ ଓମ ରାଉତଙ୍କ ଏହି ଡ୍ରିମ ପ୍ରୋଜେକ୍ଟର ପ୍ରସ୍ତୁତି ଜୋରସୋରରେ ଚାଲିଛି। ଏହି ଫିଲ୍ମର ନିର୍ମାଣ ଟି-ସିରିଜ କରୁଛି। ଫିଲ୍ମର ବଜେଟ୍ ୩୫୦ରୁ ୪୦୦ କୋଟି ମଧ୍ୟରେ ରହିବ ବୋଲି କୁହାଯାଉଛି। ଭିଏଫଏକ୍ସ ଓ ଟେକ୍ନିକାଲ ଦୃଷ୍ଟିକୋଣରୁ ଏହି ଫିଲ୍ମ ଏକ ପରୀକ୍ଷଣ ବୋଲି କୁହାଯାଉଛି। ଆଦିପୁରୁଷରେ ‘ବାହୁବଲୀ’ ଠାରୁ ଅଧିକ ଭିଏଫଏକ୍ସ ସଟ୍ସ ରହିବ। ବାହୁବଲୀରେ ମୋଟ ୨୫୦୦ ଭିଏଫଏକ୍ସ ସଟ୍ସ ଥିବାବେଳେ ଆଦିପୁରୁଷରେ ୮୦୦୦ ଭିଏଫଏକ୍ସ ସଟ୍ସ ରହିବ। ଏଥିରୁ ‘ଆଦିପୁରୁଷ’ କେତେ ଭବ୍ୟ ହେବ, ତାହା ସହଜରେ ଅନୁମାନ କରିହେବ। ଫିଲ୍ମର ମୋଟ୍ ବଜେଟର ଅଧା ଭିଏଫଏକ୍ସ ଓ ସିଜିଆଇରେ ଖର୍ଚ୍ଚ ହେବ।
ଅଧିକ ଦେଖନ୍ତୁ
