ଖେଳକୁଦ

ପିଏସ୍‌ଏଲ୍‌ରେ ଲାଞ୍ଚ ଯାଚିବା ମାମଲାରେ ନାସିର୍‌ଙ୍କୁ ୧୭ ମାସ

ପୂର୍ବରୁ ଇଂଲଣ୍ଡରେ ମ୍ୟାଚ୍‌ ଫିକ୍ସିଂ ମାମଲାରେ ଦୋଷୀ ସାବ୍ୟସ୍ତ ହୋଇ ପାକିସ୍ତାନର ପୂର୍ବତନ ଅଧିନାୟକ ସଲମାନ୍‌ ବଟ୍ଟ୍‌, ପେସର୍‌ ମହମ୍ମଦ ଆସିଫ୍‌ ଓ ମହମ୍ମଦ ଆମୀର୍‌ ଜେଲ୍‌ ଦଣ୍ଡ ଭୋଗିବା ସହ ବାସନ୍ଦ ହୋଇଥିଲେ। ଏମାନଙ୍କ ମଧ୍ୟରୁ ଆମୀର୍‌ ସଫଳତା ପୂର୍ବକ ଅନ୍ତର୍ଜାତୀୟ କ୍ରିକେଟ୍‌କୁ ଫେରିପାରିଥିବା ବେଳେ ଅନ୍ୟ ଦୁଇ ଜଣଙ୍କ କ୍ରିକେଟ୍‌ ଜୀବନରେ ଗ୍ରହଣ ଲାଗିଯାଇଥିଲା। ଏବେ ଆଉ ଜଣେ ପାକିସ୍ତାନୀ କ୍ରିକେଟର୍‌ଙ୍କୁ ଅନୈତିକ କାର୍ଯ୍ୟକଳାପ ପାଇଁ ଜେଲ୍‌ ଦଣ୍ଡାଦେଶ ହୋଇଛି। ସେ ହେଉଛନ୍ତି ଓପନର ନାସିର୍‌ ଜାମସେଦ। ତାଙ୍କୁ ପାକିସ୍ତାନ ସୁପର୍‌ ଲିଗ୍ (ପିଏସ୍‌ଏଲ୍‌)ରେ ସାଥୀ ଖେଳାଳିଙ୍କୁ ଲାଞ୍ଚ ଯାଚିବା ମାମଲାରେ ଦୋଷୀ ସାବ୍ୟସ୍ତ କରିବା ସହ ମାଞ୍ଚେଷ୍ଟର୍‌ କ୍ରାଉନ୍‌ କୋର୍ଟ ଉପରୋକ୍ତ ଦଣ୍ଡାଦେଶ ଦେଇଛନ୍ତି। ଏହି ମାମଲାରେ ପୂର୍ବରୁ ନାସିର୍‌ଙ୍କୁ ଗତ ୨୦୧୮ରେ ପାକିସ୍ତାନ କ୍ରିକେଟ୍‌ ବୋର୍ଡ (ପିସିବି) ୧୦ ବର୍ଷ ପାଇଁ ବାସନ୍ଦ କରିସାରିଛି।

କାମ ଦେଲାନି ସୈନୀ ଓ ଜାଡେଜାଙ୍କ ଲଢ଼ୁଆ ବ୍ୟାଟିଂ: ଦିନିକିଆ

ଅକ୍‌ଲାଣ୍ଡ୍‌: ଚଳିତ ଦିନିକିଆ ସିରିଜ୍‌ରେ ପରାଜୟ ବରଣ କରିଛି ଭାରତ। ଭ୍ରମଣକାରୀ ଦଳ ପ୍ରଥମେ ଟି-୨୦ ସିରିଜ୍‌ରେ ଜବରଦସ୍ତ ପ୍ରଦର୍ଶନ ପୂର୍ବକ ୫-୦ରେ କ୍ଲିନ୍‌ସୁଇପ୍‌ କରି ଐତିହାସିକ ସଫଳତା ହାସଲ କରିଥିଲା। କିନ୍ତୁ ପରିବର୍ତ୍ତିତ ଫର୍ମାଟ୍‌ରେ ବିରାଟ କୋହଲି ବାହିନୀ ଆଶାନୁପାତ ପ୍ରଦର୍ଶନ କରି ନ ପାରି ୨-୦ରେ ସିରିଜ୍‌ ହାରିଯାଇଛି। ପ୍ରଥମ ମ୍ୟାଚ୍‌ରେ ଦଳ ୩୪୭ ରନ୍‌ର ବିଶାଳ ସ୍କୋର୍‌ କରିଥିଲେ ମଧ୍ୟ ନ୍ୟୁଜିଲାଣ୍ଡ୍‌ ଏହାକୁ ହାସଲ କରି ୧-୦ରେ ଅଗ୍ରଣୀ ଲାଭ କରିଥିଲା। ତେଣୁ ସିରିଜ୍‌ ବଞ୍ଚାଇବା ସକାଶେ ଶନିବାରର ମୁକାବିଲା ଭାରତ ପାଇଁ ଗୁରୁତ୍ବପୂର୍ଣ୍ଣ ଥିଲା। ତେବେ ଏହି ମ୍ୟାଚ୍‌ରେ ଭାରତର ନିମ୍ନକ୍ରମ ବ୍ୟାଟ୍ସମ୍ୟାନ୍‌ ରବୀନ୍ଦ୍ର ଜାଡେଜା ଓ ନବଦୀପ ସୈନୀଙ୍କ ଲଢ଼ୁଆ ବ୍ୟାଟିଂ ସତ୍ତ୍ବେ ନ୍ୟୁଜିଲାଣ୍ଡ୍‌ ୨୨ ରନ୍‌ରେ ବିଜୟୀ ହୋଇଛି। ବ୍ୟାଟିଂରେ ଚମତ୍କାର ୭୬ ରନ୍‌ର ଅବିଭାଜିତ ଭାଗିଦାରୀ କରିବା ସହ ବୋଲିଂରେ ୨ଟି ୱିକେଟ୍‌ ନେଇଥିବା ଡେବ୍ୟୁଟାଣ୍ଟ୍‌ କାଇଲ୍‌ ଜେମିସନ୍‌ ମ୍ୟାନ୍‌ ଅଫ୍ ଦ ମ୍ୟାଚ୍‌ ବିବେଚିତ ହୋଇଛନ୍ତି। ସିରିଜ୍‌ର ତୃତୀୟ ତଥା ଅନ୍ତିମ ଦିନିକିଆ ଆସନ୍ତା ୧୧ ତାରିଖରେ ମାଉଣ୍ଟ୍‌ ମାଉଙ୍ଗାନୁଇଠାରେ ଖେଳାଯିବ।

ଆଜି ନ୍ୟୁଜିଲାଣ୍ଡ୍‌ ବିପକ୍ଷ ଦ୍ବିତୀୟ ଦିନିକିଆ: ସିରିଜ୍‌ ବଞ୍ଚାଇବା

ଚଳିତ ନ୍ୟୁଜିଲାଣ୍ଡ ଗସ୍ତରେ ବୁଧବାର ଭାରତ ପ୍ରଥମ ପରାଜୟ ବରଣ କରିବା ସହ ଦିନିକିଆ ସିରିଜ୍‌ରେ ୦-୧ରେ ପଛୁଆ ରହିଛି। ଭାରତ ବିପକ୍ଷରେ ଦିନିକିଆରେ ସର୍ବାଧିକ ରନ୍‌ ଚେଜ୍‌ କରି ନ୍ୟୁଜିଲାଣ୍ଡ୍‌ ଷଷ୍ଠ ମ୍ୟାଚ୍‌ରେ ପ୍ରଥମ ବିଜୟ ହାସଲ କରିବା ସହ ସିରିଜ୍‌ ବିଜୟ ଦ୍ବାରରେ ପହଞ୍ଚିଯାଇଛି। ତେଣୁ ସିରିଜ୍‌ ବଞ୍ଚାଇବାକୁ ହେଲେ ଭାରତକୁ ଶନିବାର ଏଠାରେ ଖେଳାଯିବାକୁ ଥିବା ଦ୍ବିତୀୟ ମ୍ୟାଚ୍‌ରେ ବିଜୟୀ ହେବାକୁ ପଡ଼ିବ। ନଚେତ୍ ଟି-୨୦ ସିରିଜ୍‌ରେ ଐତିହାସିକ ୫-୦ର କ୍ଲିନସୁଇପ୍‌ ସଫଳତା ପାଇଥିବା ବିରାଟ କୋହଲି ବାହିନୀକୁ ୩ ମ୍ୟାଚ୍‌ ବିଶିଷ୍ଟ ଦିନିକିଆ ସିରିଜ୍‌ରେ ନିରାଶ ହେବାକୁ ପଡ଼ିବ। ପ୍ରଥମ ମ୍ୟାଚ୍‌ରେ ଭାରତୀୟ ବ୍ୟାଟ୍ସମ୍ୟାନ୍‌ମାନେ ସେମାନଙ୍କ ଦାୟିତ୍ବ ସଠିକ୍‌ ରୂପେ ସମ୍ପାଦନ କରିଥିଲେ ହେଁ ବୋଲର୍‌ ଓ ଫିଲ୍‌ଡର୍‌ ଘରୋଇ ଦଳକୁ ବିଜୟୀ ହେବାର ସୁଯୋଗ ଦେଇଥିଲେ। ତେଣୁ ଦ୍ବିତୀୟ ମ୍ୟାଚ୍‌ରେ ଭାରତ ପ୍ରଥମ ମ୍ୟାଚ୍‌ର ଭୁଲ୍‌କୁ ସୁଧାରି ସିରିଜ୍‌କୁ ପ୍ରତ୍ୟାବର୍ତ୍ତନ କରିବା ନେଇ ଆଶା ରହିଛି।

ବିଗ୍‌ ବ୍ୟାଶ୍‌ରେ ଷ୍ଟୋଇନିସ୍‌ଙ୍କ ଆଉ ଏକ ରେକର୍ଡ: ଏଥର

ବିଗ୍‌ ବ୍ୟାଶ୍‌ ଲିଗ୍ (ବିବିଏଲ୍‌)ର ଚଳିତ ସଂସ୍କରଣରେ ପ୍ରଥମାର୍ଦ୍ଧରେ ଅଷ୍ଟ୍ରେଲୀୟ ଅଲ୍‌ରାଉଣ୍ଡର୍‌ ମାର୍କସ୍‌ ଷ୍ଟୋଇନିସ୍‌ ଗୋଟିଏ ଇନିଂସରେ ସର୍ବାଧିକ ବ୍ୟକ୍ତିଗତ ରନ୍‌ର ରେକର୍ଡ କରିଥିଲେ। ଏବେ ସେ ଆଉ ଏକ ରେକର୍ଡ ପ୍ରତିଷ୍ଠା କରିଛନ୍ତି। ଏହି ଡାହାଣହାତୀ ବ୍ୟାଟ୍ସମ୍ୟାନ୍‌ ଜଣକ ବିବିଏଲ୍‌ର ଗୋଟିଏ ସିଜନ୍‌ରେ ସର୍ବାଧିକ ରନ୍‌ କରିବାର ଗୌରବ ପାଇଛନ୍ତି। ପୂର୍ବରୁ ୬୩୭ ରନ୍‌ କରି ଅଷ୍ଟ୍ରେଲୀୟ ଓପନର ଡି’ଆର୍ସି ଶର୍ଟ ଏହି ରେକର୍ଡ ନିଜ ନାମରେ କରିଥିଲେ। ସେ ୨୦୧୮ ସଂସ୍କରଣରେ ଏହି ଗୌରବ ହାସଲ କରିଥିଲେ। ମେଲ୍‌ବର୍ଣ୍ଣ ଷ୍ଟାର୍ସ ପକ୍ଷରୁ ଖେଳୁଥିବା ଷ୍ଟୋଇନିସ୍‌ ଚଳିତ ସଂସ୍କରଣରେ ୧୬ଟି ଇନିଂସରେ ୬୯୫ ରନ୍‌ କରିସାରିଛନ୍ତି ଓ ତାଙ୍କର ଆଭରେଜ୍‌ ୫୭.୯୧ ରହିଛି। ଚଳିତ ବର୍ଷ ସେ ୬ଟି ଅର୍ଦ୍ଧଶତକ ସହ ଗୋଟିଏ ବିଶାଳ ଶତକ ମଧ୍ୟ ହାସଲ କରିଛନ୍ତି। ଅଦ୍ୟାବଧି ସେ ବିବିଏଲ୍‌ର ଚଳିତ ସଂସ୍କରଣରେ ୨୭ଟି ଛକା ଓ ୬୧ଟି ଚୌକା ମାରିସାରିଛନ୍ତି।

ନ୍ୟୁଜିଲାଣ୍ଡ୍‌ ଗସ୍ତର ଶେଷ ମ୍ୟାଚ୍‌ରେ ଭାରତୀୟ ମହିଳା ହକି
ମନ୍ଥର ବୋଲିଂରେ ଭାରତର ହ୍ୟାଟ୍ରିକ୍‌, ହାମିଲଟନ୍‌ରେ

ବୁଧବାର ଚଳିତ ନ୍ୟୁଜିଲାଣ୍ଡ୍‌ ବିପକ୍ଷ ଦିନିକିଆ ସିରିଜ୍‌ର ପ୍ରଥମ ମ୍ୟାଚ୍‌ରେ ଭ୍ରମଣକାରୀ ଭାରତ ୪ ୱିକେଟ୍‌ରେ ପରାସ୍ତ ହୋଇଛି। ଅଭିଜ୍ଞ ମଧ୍ୟମକ୍ରମ ବ୍ୟାଟ୍ସମ୍ୟାନ୍‌ ରସ୍‌ ଟେଲର୍‌ଙ୍କ ଅପରାଜିତ ଶତକକୁ ଆଧାର କରି ଟି-୨୦ ସିରିଜ୍‌ରେ ଭାରତର କ୍ଲିନ୍‌ସୁଇପ୍‌ ପରେ ନ୍ୟୁଜିଲାଣ୍ଡ୍‌ ବିଜୟ ଧାରାକୁ ପ୍ରତ୍ୟାବର୍ତ୍ତନ କରିଛି। ମ୍ୟାଚ୍‌ରେ ଭାରତର ବ୍ୟାଟିଂ ଲାଇନ୍‌ ଜବରଦସ୍ତ ପ୍ରଦର୍ଶନ କରିଥିଲେ ମଧ୍ୟ ବୋଲର୍‌ମାନେ ସିରିଜ୍‌ରେ ଦଳକୁ ୦-୧ରେ ପଛୁଆ କରାଇ ଦେଇଛନ୍ତି। ଏହି ମ୍ୟାଚ୍‌ରେ ମଧ୍ୟ ଭାରତ ମନ୍ଥର ବୋଲିଂ ପାଇଁ ଦଣ୍ଡିତ ହୋଇଛି। ନିର୍ଦ୍ଧାରିତ ସମୟ ଶେଷ ସୁଦ୍ଧା ଭାରତ ୪ ଓଭର୍‌ କମ୍‌ ବୋଲିଂ କରିବାରୁ ମ୍ୟାଚ୍‌ ରେଫରୀ କ୍ରିସ୍‌ ବ୍ରଡ୍‌ ଦଳର ସମସ୍ତଙ୍କ ଖେଳାଳିଙ୍କ ପାଉଣାରୁ ୮୦ ପ୍ରତିଶତ ପର୍ଯ୍ୟନ୍ତ କାଟିବା ସକାଶେ ନିର୍ଦେଶ ଦେଇଛନ୍ତି। ଏଥିସହ ଭାରତ ମନ୍ଥର ଓଭର୍‌ରେ ହ୍ୟାଟ୍ରିକ୍ କରିଛି। ଗତ ଟି-୨୦ ସିରିଜ୍‌ର ଶେଷ ଦୁଇ ମ୍ୟାଚ୍‌ରେ ମଧ୍ୟ ଭାରତୀୟ ବୋଲର୍‌ମାନେ ଠିକ୍‌ ସମୟରେ ସେମାନଙ୍କ କୋଟା ଶେଷ କରିପାରି ନ ଥିଲେ। ବିରାଟ କୋହଲିଙ୍କ ଟିମ୍‌କୁ ଗତ ଚତୁର୍ଥ ଟି-୨୦ ପାଇଁ ୨୦ ପ୍ରତିଶତ ଓ ପଞ୍ଚମ ଟି-୨୦ ପାଇଁ ୪୦ ପ୍ରତିଶତ ପର୍ଯ୍ୟନ୍ତ ମ୍ୟାଚ୍‌ ଫି’ ହରାଇବାକୁ ପଡ଼ିଛି।

ଟେଲରଙ୍କ ସୁପର ଶୋ’: ବିଜୟ ଧାରାକୁ ଫେରିଲା ନ୍ୟୁଜିଲାଣ୍ଡ

ହାମିଲଟନ: ଅଭିଜ୍ଞ ରସ୍‌ ଟେଲରଙ୍କ ଏକ ଜବାବୀ ଶତକ ବଳରେ ନ୍ୟୁଜିଲାଣ୍ଡ ଚଳିତ ଭାରତ ବିପକ୍ଷ ଘରୋଇ ସିରିଜ୍‌ରେ ବିଜୟ ଧାରାକୁ ପ୍ରତ୍ୟାବର୍ତ୍ତନ କରିଛି। ଟି-୨୦ ସିରିଜ୍‌ରେ ଘରୋଇ ଦଳ ଲଜ୍ଜାଜନକ ୦-୫ରେ ପରାସ୍ତ ହେବା ପରେ ବୁଧବାର ଖେଳାଯାଇଥିବା ଦିନିକିଆ ସିରିଜ୍‌ର ପ୍ରଥମ ମ୍ୟାଚ୍‌ରେ ଭାରତକୁ ୪ ୱିକେଟ୍‌ରେ ପରାସ୍ତ କରିଛି। ଏଥିସହ ୩ ମ୍ୟାଚ୍‌ ବିଶିଷ୍ଟସିରିଜ୍‌ରେ ଦଳ ୧-୦ରେ ଆଗୁଆ ହୋଇଛି। ଅନ୍ୟପକ୍ଷରେ କ୍ୟାରିଅର୍‌ର ଷୋଡ଼ଶ ଦିନିକିଆରେ ପ୍ରଥମ ଶତକ କରିବାର ସୌଭାଗ୍ୟ ଲାଭ କରିଥିବା ଶ୍ରେୟଶ ଆୟରଙ୍କୁ ନିରାଶ ହେବାକୁ ପଡ଼ିଛି। ଲୋକେଶ ରାହୁଲଙ୍କ ଧୂଆଁଧାର ବ୍ୟାଟିଂ ବଳରେ ଭାରତ ୩୪୭/୬ର ବଡ଼ ସ୍କୋର କରି ବି ଶେଷରେ ପରାସ୍ତ ହୋଇଛି। ଦୁର୍ବଳ ଫିଲ୍ଡିଂ ଓ ମାତ୍ରାଧିକ ଅତିରକ୍ତ ରନ୍‌ ବ୍ୟୟ ମଧ୍ୟ ଦଳ ପାଇଁ ପରାଜୟର ଅନ୍ୟତମ କାରଣ ହୋଇଛି।

୧୯ ବର୍ଷରୁ କମ୍‌ ବିଶ୍ବକପ୍‌ କ୍ରିକେଟ୍‌ ଫାଇନାଲ୍‌ରେ ଭାରତ

୧୯ ବର୍ଷରୁ କମ୍‌ ବିଶ୍ବକପ୍‌ କ୍ରିକେଟ ସେମିଫାଇନାଲ୍‌ରେ ଭାରତ ୧୦ ୱିକେଟ୍‌ରେ ପାକିସ୍ତାନକୁ ପରାସ୍ତ କରି ଫାଇନାଲ୍‌କୁ ଉନ୍ନୀତ ହୋଇଛି। ଆସନ୍ତା ରବିବାର ଭାରତ ଟାଇଟଲ ମୁକାବିଲାରେ ବାଂଲାଦେଶ-ନ୍ୟୁଜିଲାଣ୍ଡ ଦ୍ବିତୀୟ ସେମିଫାଇନାଲ ବିଜେତାଙ୍କୁ ଭେଟିବ। ମଙ୍ଗଳବାର ଖେଳାଯାଇଥିବା ମ୍ୟାଚ୍‌ରେ ଭାରତୀୟ ଦଳ ଅନାୟାସରେ ପାରମ୍ପରିକ ପ୍ରତିଦ୍ବନ୍ଦ୍ବୀ ପାକିସ୍ତାନକୁ ହରାଇବାରେ ସକ୍ଷମ ହୋଇଥିଲା। ପ୍ରଥମେ ଭାରତୀୟ ବୋଲରଙ୍କୁ ସାମ୍ନା କରିବାରେ ବିଫଳ ହୋଇଥିବା ପାକିସ୍ତାନ ୪୩.୧ ଓଭରରେ ୧୭୨ ରନ୍‌ କରି ଅଲଆଉଟ୍‌ ହୋଇଥିଲା। ଏହାର ଜବାବରେ ଭାରତୀୟ ଓପ୍ନର ୟଶସ୍ବୀ ଜୟସ୍ବାଲ ଓ ଦିବ୍ୟାଂଶୁ ସକ୍‌ସେନା ପାକିସ୍ତାନ ବୋଲରଙ୍କୁ କୌଣସି ସୁଯୋଗ ନଦେଇ ଦଳକୁ ୩୫.୨ ଓଭର ସୁଦ୍ଧା ବିଜୟ ଲକ୍ଷ୍ୟରେ ପହଞ୍ଚାଇବାରେ ସଫଳ ହୋଇଥିଲେ। ଜୟସ୍ବାଲ ପାକିସ୍ତାନ ବିପକ୍ଷରେ ତାଙ୍କ କ୍ୟାରିଅରର ଏହି ଗୁରୁତ୍ବପୂର୍ଣ୍ଣ ମୁକାବିଲାରେ ଅପରାଜିତ ଶତକ ହାସଲ କରିଥିଲା ବେଳେ ଦିବ୍ୟାଂଶୁ ଅର୍ଦ୍ଧଶତକ ପୂରଣ କରି ଅପରାଜିତ ରହିଥିଲେ।

ଜୋକୋଭିଚ୍‌ ଅଷ୍ଟ୍ରେଲିଆନ ଓପନ ଚାମ୍ପିଅନ, ପୁଣି ବିଶ୍ବ ନମ୍ବର

ବିଶ୍ବର ନମ୍ବର ୨ ଟେନିସ ଖେଳାଳି ତଥା ଚଳିତ ଅଷ୍ଟ୍ରେଲିଆନ ଓପନ ଗ୍ରାଣ୍ଡସ୍ଲାମ ଟୁର୍ଣ୍ଣାମେଣ୍ଟର ନମ୍ବର ୨ ସିଡ୍‌ ସର୍ବିଆର ନୋଭାକ ଜୋକୋଭିଚ୍‌ ପୁଣିଥରେ ଅଷ୍ଟ୍ରେଲିଆ ଓପନରେ ଜଣେ ଅପରାଜେୟ ଖେଳାଳି ଭାବେ ନିଜକୁ ପ୍ରମାଣିତ କରିପାରିଛନ୍ତି। ରବିବାର ଅଷ୍ଟ୍ରେଲିଆର ମେଲବର୍ଣ୍ଣ ପାର୍କ ଠାରେ ଥିବା ରଡ ଲାଭର ଏରେନାରେ ଖେଳାଯାଇଥିବା ଅଷ୍ଟ୍ରେଲିଆନ ଓପନ ପୁରୁଷ ସିଙ୍ଗଲ୍‌ସ ଫାଇନାଲରେ ଜୋକୋଭିଚ୍‌ ବିଶ୍ବର ନମ୍ବର ୫ ଖେଳାଳି ଅଷ୍ଟ୍ରିଆର ଡୋମିନିକ ଥିମଙ୍କୁ ପରାସ୍ତ କରି ତାଙ୍କ ରେକର୍ଡ ଅଷ୍ଟମ ଅଷ୍ଟ୍ରେଲିଆନ ଓପନ ଗ୍ରାଣ୍ଡସ୍ଲାମ ଟାଇଟଲ ହାସଲ କରିଛନ୍ତି। ଏହା ଜୋକୋଭିଚ୍‌ଙ୍କ ୧୭ତମ ଗ୍ରାଣ୍ଡସ୍ଲାମ ଟାଇଟଲ। ଏହି ସଫଳତା ପରେ ସେ ପୁଣିଥରେ ବିଶ୍ବର ନମ୍ବର ୧ ଖେଳାଳି ହୋଇପାରିଛନ୍ତି। ଖୁବ୍‌ଶୀଘ୍ର ପ୍ରକାଶିତ ହେବାକୁ ଥିବା ଏଟିପି ରାଙ୍କିଙ୍ଗରେ ଏହା ଜଣାପଡ଼ିବ।

ପୁଣି ହାରିଲା ନ୍ୟୁଜିଲାଣ୍ଡ୍‌: ଟି-୨୦ ସିରିଜ୍‌ ପୋଛିନେଲା ଭାରତ

ନ୍ୟୁଜିଲାଣ୍ଡ୍‌ ମାଟିରେ ବିନା କୌଣସି ଅଭ୍ୟାସ ମ୍ୟାଚ୍‌ ଖେଳି ସିଧାସଳଖ ଟି-୨୦ ସିରିଜ୍‌କୁ ଓହ୍ଲାଇଥିବା ଭାରତ ପ୍ରଥମେ ଐତିହାସିକ ସିରିଜ୍‌ ବିଜୟ ହାସଲ କରି ପ୍ରଶଂସକଙ୍କ ମନ କିଣିପାରିଥିଲା। ଏବେ ଦଳ ସମଗ୍ର ଟି-୨୦ ସିରିଜ୍‌ରେ ଅପରାଜେୟ ରହି ୫-୦ରେ ସିରିଜ୍‌ ପୋଛିନେଇଛି। ରବିବାର ଏଠାରେ ସିରିଜ୍‌ର ଶେଷ ମ୍ୟାଚ୍‌ ଖେଳାଯାଇଥିବା ବେଳେ ଏଥିରେ ଭାରତ ୭ ରନ୍‌ରେ ବିଜୟୀ ହୋଇଛି। ପ୍ରଥମେ ବ୍ୟାଟିଂ କରି ଭାରତ ୩ ୱିକେଟ୍‌ରେ ୧୬୩ ରନ୍‌ କରିଥିଲା। ଜବାବରେ ନ୍ୟୁଜିଲାଣ୍ଡ୍‌ ୯ ୱିକେଟ୍‌ ହରାଇ ୧୫୬ ରନ୍‌ କରିବା ଫଳରେ ଭାରତ ବିଦେଶ ମାଟିରେ ତୃତୀୟ ଥର ପାଇଁ ଟି-୨୦ ସିରିଜ୍‌ ପୋଛିନେବାର ସଫଳତା ପାଇଛି। ପୂର୍ବରୁ ଦଳ ଅଷ୍ଟ୍ରେଲିଆରେ ୨୦୧୫-୧୬ରେ ୩-୦ରେ, ୨୦୧୯ରେ ଆମେରିକା ଓ ୱେଷ୍ଟ୍‌ଇଣ୍ଡିଜ୍‌ରେ ୩-୦ରେ ଟି-୨୦ ସିରିଜ୍‌ କ୍ଲିନ୍‌ସୁଇପ୍‌ର ସଫଳତା ପାଇସାରିଛି। ୪ ଓଭର୍‌ରେ ମାତ୍ର ୧୨ ରନ୍‌ ଦେଇ ୩ଟି ୱିକେଟ୍‌ ନେଇଥିବା ବୁମ୍‌ରା ମ୍ୟାନ୍‌ ଅଫ୍ ଦ ମ୍ୟାଚ୍‌ ଓ ଲୋକେଶ ରାହୁଲ୍‌ ମ୍ୟାନ୍‌ ଅଫ୍ ଦ ସିରିଜ୍‌ ବିବେଚିତ ହୋଇଛନ୍ତି।

ଅଷ୍ଟ୍ରେଲିଆନ୍‌ ଓପନ୍‌ରେ କେନିନ୍‌ଙ୍କୁ ପ୍ରଥମ ଗ୍ରାଣ୍ଡ୍‌ସ୍ଲାମ୍‌ ଟାଇଟଲ୍‌

ଆମେରିକାର ସୋଫିଆ କେନିନ୍‌ ଚଳିତ ବର୍ଷର ପ୍ରଥମ ଗ୍ରାଣ୍ଡ୍‌ସ୍ଲାମ୍‌ ଟୁର୍ଣ୍ଣାମେଣ୍ଟ୍‌ ଅଷ୍ଟ୍ରେଲିଆନ୍‌ ଓପନ୍‌ରେ ମହିଳା ସିଙ୍ଗଲ୍ସ ଚାମ୍ପିଅନ୍‌ ହୋଇଛନ୍ତି। ସେ ଶନିବାର ଖେଳାଯାଇଥିବା ଫାଇନାଲ୍‌ରେ ଅଣସିଡେଡ୍‌ ଗାର୍ବାଇନ୍‌ ମୁଗୁରୁଜାଙ୍କୁ ୪-୬, ୬-୨, ୬-୨ ସେଟ୍‌ରେ ପରାସ୍ତ କରି ନିଜ କ୍ୟାରିଅର୍‌ର ପ୍ରଥମ ଗ୍ରାଣ୍ଡ୍‌ସ୍ଲାମ୍‌ ଟାଇଟଲ୍‌ ହାସଲ କରିଛନ୍ତି। ଏଥିସହ ଗତ ୧୨ଟି ଗ୍ରାଣ୍ଡ୍‌ସ୍ଲାମ୍‌ ମୁକାବିଲାରେ କେନିନ୍‌ ଅଷ୍ଟମ ଖେଳାଳି ଭାବେ ପ୍ରଥମ ଥର ପାଇଁ ମହିଳା ସିଙ୍ଗଲ୍ସରେ ଚାମ୍ପିଅନ୍‌ ହୋଇପାରିଛନ୍ତି। ୨୧ ବର୍ଷୀୟା କେନିନ୍‌ ବିଜୟ ହାସଲ କରିବା ପରେ ତାଙ୍କର ସ୍ବପ୍ନ ସାକାର ହୋଇଛି ବୋଲି ମତ ଦେଇଛନ୍ତି। ଗତ ନଭେମ୍ବରରେ ୨୧ ବର୍ଷରେ ପଦାର୍ପଣ କରିଥିବା କେନିନ୍‌ ଏଥିସହ ଅଷ୍ଟ୍ରେଲିଆନ୍‌ ଓପନ୍‌ରେ ୧୨ ବର୍ଷ ପରେ ସର୍ବକନିଷ୍ଠା ଚାମ୍ପିଅନ୍‌ ହୋଇଛନ୍ତି। ୨୦୦୮ରେ ରୁଷିଆର ମାରିଆ ସାରାପୋଭା ଏବେ ବି ଅଷ୍ଟ୍ରେଲିଆନ୍‌ ଓପନ୍‌ର ସର୍ବକନିଷ୍ଠା ଚାମ୍ପିଅନ୍‌ ରହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ