ବାଦ ବିବାଦ

ଷ୍ଟାଲିନ୍ ଓ ତାଙ୍କ ପୁତ୍ରଙ୍କୁ ଅଯୋଗ୍ୟ ଘୋଷଣା ପାଇଁ ଇସିରେ ପହଞ୍ଚିଲା ଏଆଇଏଡିଏମକେ

ଆଉ କିଛି ଦିନ ପରେ ତାମିଲନାଡ଼ୁରେ ବିଧାନସଭା ନିର୍ବାଚନ ହେବାକୁ ଥିବା ବେଳେ ଏବେ ଡିଏମକେ ମୁଖ୍ୟ ଏମକେ ଷ୍ଟାଲିନ୍ ଓ ତାଙ୍କ ପୁତ୍ର ଉଦୟନିଧି ଷ୍ଟାଲିନ୍‌ଙ୍କୁ ଅଯୋଗ୍ୟ ଘୋଷଣା କରିବା ସକାଶେ ବିରୋଧୀ ଏଆଇଏଡିଏମକେ ପକ୍ଷରୁ ଦାବି କରାଯାଇଛି। ଏହି ମାମଲାରେ ଏଆଇଏଡିଏମକେ ପକ୍ଷରୁ ନିର୍ବାଚନ କମିଶନ୍ (ଇସି)ଙ୍କଠାରେ ଆବେଦନ କରିଛି। ଶୁକ୍ରବାର ନିର୍ବାଚନ କମିଶନ୍‌ରେ ଏଆଇଏଡିଏମକେ ପକ୍ଷରୁ ଆବେଦନ କରାଯାଇଥିବା ବେଳେ ଷ୍ଟାଲିନ୍ ଓ ତାଙ୍କ ପୁତ୍ର ଉଦୟନିଧି ଭୋଟରମାନଙ୍କୁ ପ୍ରଭାବିତ କରିବା ସକାଶେ ଟଙ୍କା ଯାଚୁଥିବା ଅଭିଯୋଗ ଆସିବା ପରେ ଏହାକୁ ନେଇ ରାଜ୍ୟରେ ଚର୍ଚ୍ଚା ଜୋର୍ ଧରିଛି। ଷ୍ଟାଲିନ୍ ଓ ତାଙ୍କ ପୁତ୍ର ଉଦୟନିଧିଙ୍କ ବ୍ୟତୀତ ଅନ୍ୟାନ୍ୟ ଡିଏମକେ ନେତାଙ୍କ ପ୍ରାର୍ଥିପତ୍ର ମଧ୍ୟ ଖାରଜ କରିବାକୁ ଏଆଇଏଡିଏମକେ ପକ୍ଷରୁ ଦାବି କରାଯାଇଛି। ଏଥିରେ ଡିଏମକେର ସାଧାରଣ ସମ୍ପଦାକ ଦୁରାଇ ମୁରୁଗାନଙ୍କ ପ୍ରାର୍ଥିପତ୍ର ମଧ୍ୟ ରହିଛି।

ବିଧାନସଭାରେ ଅଶୋଭନୀୟ ପରିସ୍ଥିତି ପାଇଁ ବାଚସ୍ପତି ଦାୟୀ: ବିଜେପି

ବିଧାନସଭା ପରିସରରେ ଗାନ୍ଧି ମୂର୍ତ୍ତି ତଳେ ପାଖାପାଖି ୧୨ ଘଣ୍ଟାରୁ ଅଧିକ ସମୟ ଧରି ଧାରଣାରେ ବସି ଉଠିବା ପରେ ବିଜେପି ପକ୍ଷରୁ ସାମ୍ବାଦିକ ସମ୍ମିଳନୀ କରାଯାଇଛି। ଆଉ ଏହି ସାମ୍ବାଦିକ ସମ୍ମିଳନୀରେ ବିରୋଧୀ ଦଳ ନେତା ପ୍ରଦୀପ୍ତ ନାଏକ କହିଛନ୍ତି ଯେ ବିଧେୟକ ପାରିତ ହେବା ସମୟରେ ଜଣେ ନିର୍ବାଚିତ ପ୍ରତିନିଧି ଭାବେ ଗୃହରେ ମୋର କହିବାର ଅଧିକାର ରହିଛି। କିନ୍ତୁ ଯେତେବେଳେ ଗତକାଲି ବିନା ଆଲୋଚନାରେ ବିଲ୍ ପାରିତ କରାଗଲା, ସେତେବେଳେ ବିରୋଧୀ ଦଳ ନେତା ଭାବେ କହିବାକୁ ଛିଡା ହେଲେ ମଧ୍ୟ ବାଚସ୍ପତି ଆମ ଆଡକୁ ଅନାଇଲେ ନାହିଁ। ବିଜେପି ସଦସ୍ୟ ବାରମ୍ବାର କହିବା ପରେ ମଧ୍ୟ ବାଚସ୍ପତି ଶୁଣିଲେନି। ତେଣୁ ବାଚସ୍ପତିଙ୍କ ଦୃ୍ଷ୍ଟି ଆକର୍ଷଣ କରିବାକୁ ହେଡଫୋନ, କଲମ ଫୋପାଡା ଯାଇଛି। କିନ୍ତୁ ଏହି ପ୍ରସଙ୍ଗରେ ଆମକୁ ପକ୍ଷ ରଖିବାକୁ ସୁଯୋଗ ନ ଦେଇ ୩ ଜଣ ବିଧାୟକଙ୍କୁ ସସପେଣ୍ଡ କରିଦିଆଗଲା । ବିନା ଦୋଷରେ ଆମେ ଦଣ୍ଡିତ ହେଇଛୁ।

ହେଲମେଟ୍‌ ଚେକିଂ ବେଳେ ପୋଲିସ୍‌ର ଦାଦାଗିରି: ୩ ନିଲମ୍ବିତ

ମୟୁରଭଞ୍ଜ ଜିଲ୍ଲାରେ ଦୁଇ ଦୁଇଟି ଅଭାବନୀୟ ଘଟଣା ଘଟିଛି। ହେଲ୍‌ମେଟ୍‌ ଚେକିଂ ବେଳେ ମାନବିକତା ଭୁଲି ଯାଇଛି ପୋଲିସ୍। ହେଲମେଟ୍‌ ଚେକିଂ ଆଳରେ ଜଣେ ଗର୍ଭବତୀ ମହିଳାଙ୍କ ୩ କିଲୋମିଟର ବାଟ ଚାଲିବାକୁ ବାଧ୍ୟ କରି ମୟୂରଭଞ୍ଜ ସଦର ଥାନାର ମହିଳା ପୋଲିସ୍‌ ଅଧିକାରୀ ରୀନା ବକ୍ସଲା ନିଲମ୍ବିତ ହେବାର ୨୪ ଘଣ୍ଟା ନ ପୁରୁଣୁ ପୋଲିସ୍‌ର ଆଉ ଏକ ମାତ୍ରାଧିକ କାର୍ଯ୍ୟାନୁଷ୍ଠାନକୁ ନେଇ ଉତ୍ତେଜନା ସୃଷ୍ଟି ହୋଇଛି। ହେଲ୍‌ମେଟ୍‌ ଚେକିଂ ବେଳେ ପୋଲିସ୍‌ର ଲାଠି ମାଡ଼ରେ ଜଣେ ଯୁବକ ଲହୁଲୁହାଣ ହୋଇଥିବା ଜଣାପଡ଼ିଛି। ଏହି ଘଟଣାରେ ଆଉ ୨ ଜଣ ପୋଲିସ୍‌ କର୍ମଚାରୀଙ୍କୁ ନିଲମ୍ବନ କରାଯାଇଛି। ସେମାନେ ହେଲେ ୪୭୪ ବାଟାଲିୟନର ସିପାହୀ ଆର୍‌କେ ସିଂହ ଏବଂ କରଞ୍ଜିଆ ପୋଲିସ୍‌ ଡ୍ରାଇଭର୍‌ ତଥା ହୋମ୍‌ଗାର୍ଡ ମାନସ ରଞ୍ଜନ ସ୍ୱାଇଁ।

ଟିକା ବଣ୍ଟନରେ ପାତରଅନ୍ତର ଅଭିଯୋଗକୁ ଖଣ୍ଡନ କଲେ

କୋରୋନା ଟିକାକୁ ନେଇ ରାଜ୍ୟ ଓ କେନ୍ଦ୍ର ସରକାରଙ୍କ ମଧ୍ୟରେ ମତଭେଦ ଦେଖିବାକୁ ମିଳିଛି। ଟିକା ବଣ୍ଟନରେ ପାତରଅନ୍ତର କରାଯାଉଥିବା ନେଇ କେନ୍ଦ୍ର ସ୍ବାସ୍ଥ୍ୟ ସଚିବଙ୍କୁ ଚିଠି ଲେଖି ଅବଗତ କରିଥିଲେ ରାଜ୍ୟ ସ୍ବାସ୍ଥ୍ୟ ସଚିବ। ତେବେ ଏହି ଚିଠିର ଉତ୍ତର ରଖିଛନ୍ତି କେନ୍ଦ୍ର ସ୍ବାସ୍ଥ୍ୟ ସଚିବ ରାଜେଶ ଭୂଷଣ। କେନ୍ଦ୍ର ସ୍ବାସ୍ଥ୍ୟ ସଚିବ ଏ ସମ୍ପର୍କରେ ରାଜ୍ୟ ସ୍ବାସ୍ଥ୍ୟ ଏସିଏସ୍ ପ୍ରଦୀପ୍ତ ମହାପାତ୍ରଙ୍କୁ ଚିଠି ଲେଖି ପାତରଅନ୍ତର ଅଭିଯୋଗକୁ ଖଣ୍ଡନ କରିବା ସହ ରୋକ୍ ଠୋକ୍ ଜବାବ ରଖିଛନ୍ତି। ଅନ୍ୟପକ୍ଷରେ ଟିକା ଅଭାବ ନେଇ ରାଜ୍ୟ ସରକାରଙ୍କ କେନ୍ଦ୍ରକୁ ଚିଠି ପ୍ରସଙ୍ଗରେ କେନ୍ଦ୍ର ପେଟ୍ରୋଲିୟମ୍‌ ଓ ପ୍ରାକୃତିକ ବାଷ୍ପ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଓଡ଼ିଶାରେ ଓଡ଼ିଶାରେ ପର୍ଯ୍ୟାପ୍ତ ପରିମାଣରେ ଭ୍ୟାକସିନ୍‌ ମହଜୁଦ ରହିଛି। ଏଥିସହ ଖୁବ୍‌ଶୀଘ୍ର ଓଡ଼ିଶାକୁ ଆଉ ୫.୫ ଲକ୍ଷ ଡୋଜ୍‌ ଟିକା ମିଳିବ ବୋଲି ଧର୍ମେନ୍ଦ୍ର କହିଛନ୍ତି।

ବିଜୁଳି ଦର ବୃଦ୍ଧି ବୋଝ ଉପରେ ନଳିତା ବିଡ଼ା: ବିଜେପି
ମୋଦୀଙ୍କ ବାଂଲାଦେଶ ଗସ୍ତ ଆଚରଣ ସଂହିତାର ଉଲ୍ଲଙ୍ଘନ: ମମତା

ଗତ ଶୁକ୍ରବାର ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବାଂଲାଦେଶ ଗସ୍ତ କରିଛନ୍ତି। ଏହି ଦୁଇଦିନିଆ ଗସ୍ତ ଅବସରରେ ପ୍ରଧାନମନ୍ତ୍ରୀ ଏକାଧିକ କାର୍ଯ୍ୟକ୍ରମରେ ଯୋଗ ଦେଇଛନ୍ତି। ତେବେ ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ଭୋଟ୍ ଗ୍ରହଣ ଶନିବାର ଆରମ୍ଭ ହୋଇଥିବା ବେଳେ ଏହାର ଦିନକ ପୂର୍ବରୁ ପ୍ରଧାନମନ୍ତ୍ରୀ ମୋଦୀଙ୍କ ବାଂଲାଦେଶ ଗସ୍ତ ଆଦର୍ଶ ଆଚରଣ ବିଧିର ଉଲ୍ଲଙ୍ଘନ ବୋଲି ଅଭିଯୋଗ କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ମମତା ବାନାର୍ଜୀ। ଶନିବାର ମମତା ଖଡ଼ଗପୁରଠାରେ ଆୟୋଜିତ ଏକ ନିର୍ବାଚନୀ ରାଲିକୁ ସମ୍ବୋଧନ କରିବା ଅବସରରେ କହିଛନ୍ତି ଯେ ଏଠାରେ ନିର୍ବାଚନ ଆରମ୍ଭ ହୋଇଥିବା ବେଳେ ମୋଦୀ ବାଂଲାଦେଶ ଗସ୍ତ କରି ସେଠାରେ ପଶ୍ଚିମବଙ୍ଗ ବିଷୟରେ ନାନାଦି ମତ ଦେଉଛନ୍ତି। ତାଙ୍କର ଏପରି ଆଚରଣ ସମ୍ପୂର୍ଣ୍ଣ ଭାବେ ନିର୍ବାଚନ ପାଇଁ ଧାର୍ଯ୍ୟ ହୋଇଥିବା ଆଦର୍ଶ ଆଚରଣ ବିଧିର ଖୋଲାଖୋଲି ଉଲ୍ଲଙ୍ଘନ ବୋଲି ମମତା କହିଛନ୍ତି।

ସୌମେନ୍ଦୁ ଅଧିକାରୀଙ୍କ ଗାଡ଼ିକୁ ଆକ୍ରମଣ, ଟିଏମସି ଉପରେ ଦୋଷ ଲଦିଲା ବିଜେପି

ନନ୍ଦିଗ୍ରାମ ନିର୍ବାଚନମଣ୍ଡଳୀରୁ ଚଳିତ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ପ୍ରାର୍ଥୀ ହୋଇଥିବା ପୂର୍ବତନ ଟିଏମସି ବିଧାୟକ ଶୁଭେନ୍ଦୁ ଅଧିକାରୀ ନିର୍ବାଚନର କେଇ ଦିନ ପୂର୍ବରୁ ବିଜେପିରେ ସାମିଲ୍ ହୋଇଥିଲେ। ସେ ଏହି ନିର୍ବାଚନମଣ୍ଡଳୀର ଜଣେ ପୁରୁଣା ନେତା ହୋଇଥିବା ବେଳେ ତାଙ୍କୁ ଟକ୍କର ଦେବା ସକାଶେ ଟିଏମସି ମୁଖ୍ୟ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ତାଙ୍କ ପାରମ୍ପରିକ ସିଟ୍ ଭବାନୀପୁର ନିର୍ବାଚନମଣ୍ଡଳୀରୁ ଓହରିଯାଇ ନନ୍ଦିଗ୍ରାମରୁ ପ୍ରାର୍ଥୀ ହୋଇଛନ୍ତି। ତେବେ ଶନିବାର ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ରାଉଣ୍ଡ୍ ଭୋଟ୍ ଗ୍ରହଣ ହୋଇଥିବା ବେଳେ ବିଭିନ୍ନ ସ୍ଥାନରେ ବିଜେପି ଓ ଟିଏମସି କର୍ମୀଙ୍କ ମଧ୍ୟରେ ଗଣ୍ଡଗୋଳ, ଗୁଳିମାଡ଼ ଆଦି ଘଟଣା ଦେଖିବାକୁ ମିଳିଛି। ଏହି କ୍ରମରେ ଶନିବାର ଶୁଭେନ୍ଦୁଙ୍କ ଭାଇ ସୌମେନ୍ଦୁ ଅଧିକାରୀଙ୍କ ଗାଡ଼ି ଉପରେ ଆକ୍ରମଣ ହୋଇଛି। କୋଣ୍ଟାଇର ସବଜପୁତ୍ ଅଞ୍ଚଳରେ କେତେକ ଅଜଣା ଦୁର୍ବ୍‌ତ୍ତ ତାଙ୍କ ଗାଡ଼ିକୁ ଆକ୍ରମଣ କରିଥିବା ବେଳେ ଗାଡ଼ିର ଡ୍ରାଇଭରଙ୍କୁ ମଧ୍ୟ ଭୀଷଣ ମାଡ଼ ମାରିଛନ୍ତି। ଏହି ଆକ୍ରମଣ ପଛରେ ନିଶ୍ଚିତ ଭାବେ ଟିଏମସି କର୍ମୀ ଅଛନ୍ତି ବୋଲି ବିଜେପି ଅଭିଯୋଗ କରିଛି। ସୌମେନ୍ଦୁ ଓ ତାଙ୍କ ଭାଇ ଦିବ୍ୟେନ୍ଦୁ ଅଭିଯୋଗ କରିଛନ୍ତି ଯେ ଟିଏମସି ବ୍ଲକ୍ ସଭାପତି ରାମ ଗୋବିନ୍ଦ ଦାସ ଏହି ଆକ୍ରମଣର ସୂତ୍ରଧର ହୋଇଥିବା ବେଳେ ସେ ତିନିଟି ବୁଥରେ ରିଗିଙ୍ଗ୍ ମଧ୍ୟ କରିଛନ୍ତି। ତେବେ ଏହି ଆକ୍ରମଣ ଘଟଣାରୁ ସୌମେନ୍ଦୁ ସୌଭାଗ୍ୟ କ୍ରମେ ବର୍ତ୍ତିଯାଇଥିବା କହିଛନ୍ତି।

ଆଉ କେତେ ପିଢ଼ି ଧରି ସଂରକ୍ଷଣ ଚାଲିବ: ସୁପ୍ରିମକୋର୍ଟ
ବିଧାନସଭାରେ ଅଚଳାବସ୍ଥା ଜାରି: ଧାରଣା ଦେଲା କଂଗ୍ରେସ, ମୁଖ୍ୟମନ୍ତ୍ରୀଙ୍କୁ ଅନୁରୋଧ କଲା ବିଜେଡି

ଲଗାତାର ୬ଷ୍ଠ ଦିନ ପାଇଁ ବିଧାନସଭାରେ ଲାଗି ରହିଛି ଅଚଳାବସ୍ଥା। ଉଭୟ ଶାସକ-ବିରୋଧିଙ୍କ ପ୍ରବଳ ହଟ୍ଟଗୋଳ ଯୋଗୁ ଗୃହକୁ ବାରମ୍ବାର ମୁଲତବୀ କରିବାକୁ ପଡ଼ିଛି। ଗୋଟିଏ ପଟେ ଧାନ କିଣା ଅବ୍ୟବସ୍ଥାକୁ ନେଇ ବିରୋଧୀ ବିଜେପି ଏବଂ କଂଗ୍ରେସ ସରକାରଙ୍କୁ ଆକ୍ରମଣ ଜାରି ରଖିଥିବା ବେଳେ ବିଧାନସଭାରେ ଆତ୍ମହତ୍ୟା ଉଦ୍ୟମକୁ ନେଇ ବିଜେପି ବିଧାୟକ କ୍ଷମା ମାଗନ୍ତୁ ବୋଲି ଅଡ଼ି ବସିଛି ବିଜେଡି। ଏପରିସ୍ଥିତିରେ ଗୃହ ସ୍ବାଭାବିକ ସ୍ଥିତିକୁ ଫେରିପାରୁନାହିଁ। ତେବେ ଗୁରୁବାର ବିଧାନସଭା ପରିସରରେ ଥିବା ଗାନ୍ଧିମୂର୍ତ୍ତି ତଳେ କଂଗ୍ରେସ ବିଧାୟକମାନେ ଧାରଣାରେ ବସିଥିବା ବେଳେ ଭିଡିଓ କନଫରେନ୍ସିଂ ଜରିଆରେ ଗୃହ ଚଳାଇବାକୁ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି ବିଜେଡି ବିଧାୟକମାନେ। ଗୃହରେ ଅଚଳାବସ୍ଥା ଦୂର ପାଇଁ ହସ୍ତକ୍ଷେପ କରିବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ