ଉତ୍ତମ ସ୍ବାସ୍ଥ୍ୟ

ମାନରେ କିଛି କମ୍‌ ନୁହେଁ ଦେଶୀ ଷ୍ଟେଣ୍ଟ

ଭାରତରେ ନିର୍ମାଣ କରାଯାଉଥିବା ଷ୍ଟେଣ୍ଟର କ୍ବାଲିଟିକୁ ନେଇ ଦୀର୍ଘ ଦିନ ଧରି ବିବାଦ ଚାଲିଥିଲା। କିନ୍ତୁ ଏବେ ଏକ ନୂଆ ଗବେଷଣାରେ ସ୍ପଷ୍ଟ ହୋଇଛି ଯେ ଭାରତରେ ତିଆରି କରାଯାଉଥିବା ଷ୍ଟେଣ୍ଟସ୍‌ ବିଶ୍ବର ଉତ୍ତମ ଷ୍ଟେଣ୍ଟ ମଧ୍ୟରେଅନ୍ୟତମ। ପାଖାପାଖି ୧୦ ବର୍ଷ ପର୍ଯ୍ୟନ୍ତ ଏହାକୁ ନେଇ ଏକ ଗବେଷଣା କରାଯାଇଥିଲା। ଏହାର ଫଳାଫଳ ସୋମବାର ଘୋଷଣା କରାଯାଇଛି। ଏଥିରେ କୁହାଯାଇଛି ଭାରତୀୟ ଷ୍ଟେଣ୍ଟ ୟୁକୋନ ଚଏସ୍‌ ପିସିର କ୍ଲିନିକାଲ ଫଳାଫଳ ଷ୍ଟେଣ୍ଟ ମାର୍କେଟର ଲିଡର କୁହାଯାଉଥିବା ଆମେରିକୀୟ କମ୍ପାନୀ ଏବୋଟ୍ଟର ଜିଏନ୍ସ ଷ୍ଟେଣ୍ଟ ଭଳି ଉତ୍ତମମାନର। ଦୁଇ ମାସ ପୂର୍ବରୁ ଏଭଳି ଏକ ଗବେଷଣା କରାଯାଇଥିଲା, ଯାହାର ଫଳାଫଳରୁ ଜଣାପଡ଼ିଥିଲା ଯେ ଭାରତୀୟ ଷ୍ଟେଣ୍ଟ ସୁପ୍ରା ଫ୍ଲେକ୍ସ ଜିଏନ୍ସେ ଭଳି ଉତ୍ତମ।

ନିମୋନିଆ ନେବ ୧୭ ଲକ୍ଷରୁ ଊର୍ଦ୍ଧ୍ବ ପିଲାଙ୍କ ଜୀବନ!

ନିମୋନିଆ ଭଳି ରୋଗର ଉପଯୁକ୍ତ ଚିକିତ୍ସା ପଦ୍ଧତି ଉପଲବ୍ଧ ଥିବା ସତ୍ତ୍ବେ ଆଗାମୀ ଦିନରେ ଏହା ଯେ ଲକ୍ଷାଧିକ ପିଲାଙ୍କ ଜୀବନ ନେଇପାରେ, ଶୁଣିଲେ ଆଶ୍ଚର୍ଯ୍ୟ ଲାଗେ। ବିଶ୍ବସ୍ତରୀୟ ଏକ ଗବେଷଣାରୁ ଜଣାପଡ଼ିଛି ଯେ ସହଜରେ ଚିକିତ୍ସାଯୋଗ୍ୟ ରୋଗ ନିମୋନିଆ ଭାରତରେ ୨୦୩୦ ସୁଦ୍ଧା ୧୭ ଲକ୍ଷରୁ ଊର୍ଦ୍ଧ୍ବ ପିଲାଙ୍କ ଜୀବନ ନେବାର ଆଶଙ୍କା ରହିଥିବା ଜଣାଯାଇଛି। ସୋମବାର ବିଶ୍ବ ନିମୋନିଆ ଦିବସ ଅବସରରେ ଜାରି କରାଯାଇଥିବା ଏହି ଗବେଷଣା ଫଳାଫଳ ରିପୋର୍ଟ ଅନୁସାରେ ଏହି ସଂକ୍ରାମକ ରୋଗ କାରଣରୁ ବିଶ୍ବରେ ୨୦୩୦ ଭିତରେ ୫ ବର୍ଷରୁ କମ୍ ବୟସର ୧.୧ କୋଟି ପିଲାଙ୍କ ମୃତ୍ୟୁ ଆଶଙ୍କା ରହିଛି। ବ୍ରିଟେନ୍‌ସ୍ଥିତ ଅଣ ସରକାରୀ ସଂସ୍ଥା ‘ସେଭ୍‌ ଦ ଚିଲ୍ଡ୍ରେନ୍‌’ର ଏହି ରିପୋର୍ଟ ଅନୁସାରେ ଏହି ରୋଗ କାରଣରୁ ସବୁଠାରୁ ଅଧିକ ମୃତ୍ୟୁ ନାଇଜେରିଆ, ଭାରତ, ପାକିସ୍ତାନ ଏବଂ କଙ୍ଗୋରେ ହୋଇପାରେ।

ହସିବା ଦ୍ବାରା ଦୂର ହୁଏ ଗୁରୁତର ରୋଗ, ବଢ଼େ ଆୟୁ

ଅକ୍ଟୋବର ୫ ଅର୍ଥାତ୍‌ ଗତକାଲି ସାରା ବିଶ୍ବରେ ୱାର୍ଲ୍ଡ ସ୍ମାଇଲ୍‌ ଡେ’ ଭାବେ ପାଳନ କରାଯାଉଛି। ପ୍ରତ୍ୟେକ ବର୍ଷ ଅକ୍ଟୋବର ମାସର ପ୍ରଥମ ଗୁରୁବାରକୁ ୱାର୍ଲ୍ଡ ସ୍ମାଇଲ୍‌ ଡେ’ ଭାବେ ପାଳନ କରାଯାଇଛି। ନିଜେ ସବୁବେଳେ ପ୍ରସନ୍ନ ରହିବା ସହ ଅନ୍ୟମାନଙ୍କ ହସିବାର କାରଣ ମଧ୍ୟ ପାଲଟନ୍ତୁ। ହସିବା ଦ୍ବାରା ଅନେକ ଲାଭ ମିଳିଥାଏ, ଏହାକୁ ଚିକିତ୍ସା ବିଜ୍ଞାନ ମଧ୍ୟ ସ୍ବୀକାର କରିଛି। ସ୍ବାସ୍ଥ୍ୟ ବିଶେଷଜ୍ଞଙ୍କ କହିବାନୁସାରେ ମନଖୋଲି ହସିବା ଫଳରେ ମସ୍ତିଷ୍କରେ ଡୋପାମାଇନ୍‌ ହର୍ମୋନ୍‌ ସୃଷ୍ଟି ହୋଇଥାଏ। ଏହା ରୋଗ ପ୍ରତିରୋଧକ କ୍ଷମତାକୁ ବଢ଼ାଏ। ହସିବା ଫଳରେ ହୃଦ୍‌ରୋଗ, ଅବସାଦ, ରକ୍ତଚାପ ଭଳି ଗୁରୁତର ରୋଗ ହେବା ଆଶଙ୍କା କମିଯାଏ। ଏହା ଏକ ପ୍ରକାରର ବ୍ୟାୟାମ ଅଟେ। ଯାହା ଆମ ବୟସ ମଧ୍ୟ ବଢ଼ାଇଥାଏ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ