ଏଡସ ଭଳି ପ୍ରାଣଘାତୀ ରୋଗ ଏବେ କୁକୁରଙ୍କୁ ମଧ୍ୟ ବ୍ୟାପୁଛି। ତିନି ଦିନ ଭିତରେ ଚିକିତ୍ସା ନ ହେଲେ କୁକୁରଙ୍କ ମୃତ୍ୟୁ ସୁନିଶ୍ଚିତ। ହିସାରର ଲାଲା ଲାଜପତ ୟୁନିଭରସିଟିର ଲୁଭାସର ଜୀବ ବିଜ୍ଞାନ ବିଭାଗର ବୈଜ୍ଞାନିକ ତଥା ଗବେଷକ କୁକୁରଙ୍କୁ ମଧ୍ୟ ଏଡସ ହେଉଥିବା କଥା କହିଛନ୍ତି। ବିଭାଗର ଅଧ୍ୟକ୍ଷ ଡା.ସୁଖଦୀପ ବୋହରା ଓ ଡା.ଅନିଲ ନେହରା କହିଛନ୍ତି ଯେ ଦୀର୍ଘ ଦିନର ଗବେଷଣା ପରେ ଏଡସ ଏଲିର୍ଚିଆ ନାମକ ଏକ ବ୍ୟାକ୍ଟେରିଆ କାରଣରୁ ହୋଇଥାଏ ବୋଲି ଜଣାପଡ଼ିଛି। ଏହା ଟିଙ୍କ ମାଧ୍ୟମରେ ରକ୍ତରେ ବ୍ୟାପିଥାଏ।
କୋରୋନା ଭାଇରସ ମହାମାରୀ କାରଣରୁ ସ୍କୁଲ କଲେଜ ସବୁ ବନ୍ଦ ଅଛି। ଏପରିସ୍ଥଳେ ପାଠପଢ଼ା ପାଇଁ ପିଲାମାନେ ଅନଲାଇନ କ୍ଲାସର ସାହାରା ନେଉଛନ୍ତି। ବାହାରକୁ ଅଧିକ ନ ବାହାରିବାର କଟକଣା ରହିଥିବାରୁ ପିଲାମାନେ ଏବେ ଗେମିଂରେ ନିଜର ଅଧିକାଂଶ ସମୟ ବିତାଉଛନ୍ତି। ଏସବୁର ପ୍ରଭାବ ପିଲାଙ୍କ ଆଖି ଉପରେ ଅଧିକ ପଡ଼ୁଛି। କିଛି ସପ୍ତାହ ମଧ୍ୟରେ ପାଖାପାଖି ୪୦ ପ୍ରତିଶତ ପିଲାଙ୍କୁ ଚକ୍ଷୁ ସମସ୍ୟାର ସାମ୍ନା କରିବାକୁ ପଡ଼ିଛି।
ହଂକଂର ସେଉଙ୍ଗ ୱାନ ଅଞ୍ଚଳରେ ପ୍ରାଚୀନ ବସ୍ତୁର ଦୋକାନ ଭିତରେ ପ୍ରଥମ ସିବିଡି କାଫେ ଖୋଲାଯାଇଛି। ସିବିଡିର ଅର୍ଥ ହେଉଛି କ୍ୟାନୋବିଡିଆଲ ଅର୍ଥାତ ଗଞ୍ଜେଇରେ ତିଆରି ହୋଇଥିବା ତେଲ, ପାଉଡର ଓ ଅନ୍ୟାନ୍ୟ ଉତ୍ପାଦ। ଆପଣ ଜାଣି ଆଶ୍ଚର୍ଯ୍ୟ ହେବେ ଗଞ୍ଜେଇ ଭଳି ଏକ ନିଷିଦ୍ଧ ପଦାର୍ଥର କାଫେ କେହି କିପରି ଖୋଲିପାରିବେ? କେବଳ ଏତିକି ନୁହେଁ ହଂକଂରେ ଗଞ୍ଜେଇ ବ୍ୟବହାର ମଧ୍ୟ ବେଆଇନ। ଏପରିସ୍ଥଳେ ସିବିଡି କାଫେରେ ବିଭିନ୍ନ ରୋଗର ଉପଚାର ପାଇଁ ଗଞ୍ଜେଇରେ ନିର୍ମିତ ଉତ୍ପାଦ ଖୋଲାଖୋଲି କିପରି ବିକ୍ରି ହୋଇପାରୁଛି, ଏହା ଆପଣଙ୍କୁ ନିଶ୍ଚିତ ଭାବେ ଚକିତ କରୁଥିବ।
ଦେଶରେ କୋରୋନା ଭାଇରସ ସଂକ୍ରମଣ ବଢ଼ି ଚାଲିଥିବାବେଳେ ଏଥିରେ ପ୍ରତିଦିନ ଅନେକ ଲୋକ ସୁସ୍ଥ ମଧ୍ୟ ହେଉଛନ୍ତି। ଏହି ଭାଇରସ କବଳରୁ ଇତିମଧ୍ୟରେ ୩୭ ଲକ୍ଷରୁ ଅଧିକ ଲୋକ ଭଲ ହୋଇଗଲେଣି। ଏମାନଙ୍କ ମଧ୍ୟରେ ଏମିତି ମଧ୍ୟ ଅନେକ ଲୋକ ଅଛନ୍ତି, ଯେଉଁମାନେ କୋରୋନା ସଂକ୍ରମଣରୁ ଭଲ ହୋଇଯାଇଥିଲେ ମଧ୍ୟ ଅନେକ ପ୍ରକାରର ସ୍ବାସ୍ଥ୍ୟ ସମସ୍ୟାର ସମ୍ମୁଖୀନ ହେଉଛନ୍ତି। ନିଶ୍ବାସ ପ୍ରଶ୍ବାସ ନେବାରେ ସମସ୍ୟା, ଶରୀର ଯନ୍ତ୍ରଣା, କାଶ, ଖାଦ୍ୟ ଗିଳିବାରେ ସମସ୍ୟା ଭଳି ଅନେକ କଠିନ ପରିସ୍ଥିତିର ସମ୍ମୁଖୀନ ହେଉଥିବା ଶୁଣିବାକୁ ମିଳୁଛି। ଏପରିସ୍ଥଳେ ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ କେତେକ ପରାମର୍ଶ ଦିଆଯାଇଛି, ଯାହାର ପାଳନ କରିବାକୁ ଲୋକଙ୍କୁ କୁହାଯାଇଛି।
କୌଣସି ପରିଶ୍ରମ ନ କରି ବି ପାଦରେ ଯନ୍ତ୍ରଣା କିମ୍ବା ଫୁଲିବା ସମସ୍ୟା ହେଉଛି କି? ଏହାର କାରଣ ମଧୁମେହ, ୟୁରିକ ଏସିଡ ବଢ଼ିବା ହୋଇପାରେ। ଅନେକ ସମୟରେ ଅଧିକ ଚାଲିଲେ ମଧ୍ୟ ଏହି ସମସ୍ୟା ହୋଇଥାଏ। ତେବେ ଚାଲନ୍ତୁ ଜାଣିବା ପାଦ ଫୁଲା ଦୂର କରିବା ପାଇଁ କେତେକ ଘରୋଇ ଉପାୟ ସମ୍ପର୍କରେ।
କୋରୋନା କାଳରେ ଲୋକଙ୍କ ଦିନଚର୍ଯ୍ୟା ପୂରାପୂରି ବଦଳି ଯାଇଛି। ଏହି ପରିବର୍ତ୍ତନର ପ୍ରଭାବ ନିଦ ଉପରେ ମଧ୍ୟ ପଡ଼ୁଛି। ଲୋକେ ଏବେ ଅନିଦ୍ରା ସମସ୍ୟା ସମ୍ପର୍କରେ ଅଭିଯୋଗ କରୁଥିବା ଦେଖିବାକୁ ମିଳୁଛି। ଘରୁ କାମ କରିବା ଆଳରେ ପୂରା ସମୟ ଏଭଳି ବିଗିଡ଼ି ଯାଇଛି ଯେ ଏହା ନିଦକୁ ପ୍ରଭାବିତ କରୁଛି। କାମ କରିବା ପରେ ଯେତେବେଳେ ଆପଣ ଆଖି ବନ୍ଦ କରିବାକୁ ଚେଷ୍ଟା କରୁଛନ୍ତି, ସେତେବେଳେ କୋରୋନା ସହିତ ଜଡ଼ିତ ଭୟ, ଏହାର ଖବର, ନିଜ ଲୋକଙ୍କ ସୁରକ୍ଷା ଭଳି ନାନା କଥା ମସ୍ତିଷ୍କରେ ଆନ୍ଦୋଳିତ ହେବାରେ ଲାଗିଛି, ଯାହା ନିଦକୁ ବାଧାପ୍ରାପ୍ତ କରୁଛି।
ଶରୀରରେ ପାଣିର ଅଭାବ ହେବା ମାତ୍ରେ ପ୍ରବଳ ଜୋରରେ ମୁଣ୍ଡବିନ୍ଧା ହୋଇଥାଏ। ଅନେକ ଲୋକ ସବୁବେଳେ ମୁଣ୍ଡବିନ୍ଧା ସମସ୍ୟା ସମ୍ପର୍କରେ ଅଭିଯୋଗ କରନ୍ତି। ଯାହାଫଳରେ ପେନକିଲର ଉପରେ ଭରସା କରିଥାନ୍ତି। ଯଦି ଆପଣ ମଧ୍ୟ ଏଭଳି ସମସ୍ୟା ଭୋଗୁଛନ୍ତି, ତେବେ ଜାଣି ରଖନ୍ତୁ ଏହାର କାରଣ ଆପଣଙ୍କ ଶରୀରରେ ମଧ୍ୟ ପାଣିର ଅଭାବ ହୋଇପାରେ।
ଫିଟନେସକୁ ନେଇ ସଜାଗ ରହୁଥିବା ଲୋକେ ପ୍ରତ୍ୟେକ ଦିନ ଭିନ୍ନ ଭିନ୍ନ ଯୋଗ କରିଥାନ୍ତି। ଯାହାଫଳରେ ସେମାନଙ୍କ ଶରୀର ଓ ରୋଗପ୍ରତିରୋଧକ ଶକ୍ତି ମଜବୁତ ରହିବ। ବର୍ତ୍ତମାନ ସମୟରେ ବିକ୍ରମ ଯୋଗ ଶରୀରକୁ ଫିଟ ରଖିବା ଓ ଚାପ ଦୂର କରିବା ପାଇଁ ଲୋକପ୍ରିୟ ହେବାରେ ଲାଗିଛି। ଗରମ କୋଠରିରେ କରାଯାଉଥିବା ଏହି ଯୋଗକୁ ହଟ ଯୋଗ ବୋଲି ମଧ୍ୟ କୁହାଯାଏ। ଚାଲନ୍ତୁ ଜାଣିବା ଏହି ଯୋଗକୁ ନେଇ କେତେକ ଗୁରୁତ୍ବପୂର୍ଣ୍ଣ କଥା।
ପୂର୍ବତନ ବିଶ୍ବ ସୁନ୍ଦରୀ ତଥା ବଲିଉଡରେ ଡେବ୍ୟୁ କରିବାକୁ ଯାଉଥିବା ମାନୁଷୀ ଛିଲ୍ଲର ସୋସାଲ ମିଡିଆରେ ପୋଷଣକୁ ନେଇ ଏକ ଅଭିଯାନ ଆରମ୍ଭ କରିଛନ୍ତି। ଉପଯୁକ୍ତ ଖାଦ୍ୟ ସେବନ କରିବାର ଉପକାରିତା ସମ୍ପର୍କରେ ସେ ଲୋକଙ୍କୁ ସଚେତନ କରାଇବାକୁ ଚାହୁଛନ୍ତି। ମାନୁଷୀ କହିଛନ୍ତି, ମୁଁ ବାରମ୍ବାର କହି ଆସୁଛି ଯେ ଆମେ ହେଉଛୁ ତାହା, ଯାହା ଖାଇଥାଉ। ଆମେ ଯାହା କିଛି ସେବନ କରୁଛୁ ତାହା ବିଷୟରେ ଉପଯୁକ୍ତ ଜ୍ଞାନ ରହିବା ଉଚିତ ବୋଲି ମଙ୍ଗଳବାରରୁ ଆରମ୍ଭ ହୋଇଥିବା ନ୍ୟାସନାଲ ନ୍ୟୁଟ୍ରିସନ ୱିକ ଅବସରରେ ମାନୁଷୀ କହିଛନ୍ତି।
ଆମ ଶରୀରରେ କୋଭିଡ-୧୯ ଆଣ୍ଟିବଡି ଦୁଇ ମାସରୁ ଅଧିକ ସମୟ ରହୁନାହିଁ ବୋଲି ଏକ ଗବେଷଣାରୁ ଜଣାପଡ଼ିଛି। ଜେଜେ ଗ୍ରୁପ ଅଫ ହସ୍ପିଟାଲର କୋରୋନା ସଂକ୍ରମିତ ସ୍ବାସ୍ଥ୍ୟକର୍ମୀଙ୍କ ଉପରେ କରାଯାଇଥିବା ଏକ ଗବେଷଣାରୁ ଏହା ଜଣାପଡ଼ିଛି।
କୋରୋନା ମହାମାରୀରୁ ମୁକୁଳିବା ଲାଗି ଟିକା ତିଆରି କରିବା ଦିଗରେ ଲଗାତର କାମ ଚାଲିଛି। ଇତିମଧ୍ୟରେ ଦେଶରେ ନୂଆ ନୂଆ ଗବେଷଣା ଓ ଔଷଧ ମଧ୍ୟ ସାମ୍ନାକୁ ଆସିବାରେ ଲାଗିଛି। ଏବେ କୋରୋନାର ଚିକିତ୍ସା ପାଇଁ ଏକ ନୂଆ ଗବେଷଣା ସାମ୍ନାକୁ ଆସିଛି। ଏହି ଗବେଷଣା ମୁତାବକ ଏକେ କୋରୋନା ଚିକତ୍ସା ପାଇଁ କୌଣସି ଔଷଧ ନୁହେଁ, ବରଂ ମା’ କ୍ଷୀର ବା ମା’ କ୍ଷୀରର ବ୍ୟବହାର କରାଯିବ। ରିପୋର୍ଟ ମୁତାବକ ବୈଜ୍ଞାନିକମାନେ କୋରୋନା ରୋଗୀଙ୍କ ଚିକିତ୍ସା କରିବା ଲାଗି ମା’ କ୍ଷୀରର ସାହାରା ନେବାକୁ ଚିନ୍ତା କରୁଛନ୍ତି। ସୂଚନାଯୋଗ୍ୟ ଯେ କୋରୋନାରୁ ଆରୋଗ୍ୟ ହୋଇସାରିଥିବା ୩୦ ଜଣ ମହିଳାଙ୍କ କ୍ଷୀରରେ ଏଭଳି ଆଣ୍ଟିବଡି ମିଳିଛି, ଯାହା ଭାଇରସ ସହିତ ଲଢ଼ିବା ପାଇଁ ବହୁତ ପ୍ରଭାବୀ ଅଟେ।
ବିଶ୍ବ ସ୍ବାସ୍ଥ୍ୟ ସଙ୍ଗଠନ (ହୁ) କହିବାନୁସାରେ କୋରୋନା ଭାଇରସ ମହାମାରୀରୁ ରକ୍ଷା ପାଇବା ଲାଗି ୧୨ ବର୍ଷ ବା ତାହା ଠାରୁ ଅଧିକ ବର୍ଷର ପିଲାଙ୍କୁ ବୟସ୍କଙ୍କ ଭଳି ମାସ୍କ ପିନ୍ଧିବାକୁ ନେଇ ନୂଆ ନିୟମ ଜାରି କରିଛି। ‘ହୁ’ ମୁତାବକ ବିଭିନ୍ନ ଦେଶରେ ବୟସ୍କ ଲୋକଙ୍କୁ ମାସ୍କ ପିନ୍ଧିବା ଲାଗି ନିୟମ ରହିଛି। ସେହି ନିୟମ ପିଲାଙ୍କ ଉପରେ ମଧ୍ୟ ଲାଗୁ ହେବା ଉଚିତ। ‘ହୁ’ ମୁତାବକ ପିଲାଙ୍କ ଜରିଆରେ କୋରୋନା ସଂକ୍ରମଣ କିପରି ବ୍ୟାପୁଛି ଏହା ଏ ପର୍ଯ୍ୟନ୍ତ ଜଣାପଡ଼ି ନାହିଁ। କିନ୍ତୁ ଏକଥା ସତ ଯେ କିଶୋରଙ୍କ ଜରିଆରେ ବୟସ୍କଙ୍କ ଭଳି କୋରୋନା ଭାଇରସ ସଂକ୍ରମଣ ବ୍ୟାପି ପାରେ।
କୋରୋନା ଭାଇରସରୁ ରକ୍ଷା କରିବା ଲାଗି ଆଜି ପର୍ଯ୍ୟନ୍ତ କୌଣସି ଭ୍ୟାକସିନ କିମ୍ବା ଔଷଧ ବାହାରି ନାହିଁ। ଏପରିସ୍ଥଳେ ଆମ ରୋଗପ୍ରତିରୋଧକ ଶକ୍ତି ହିଁ ଏହା ସହିତ ଲଢ଼ିବାରେ ମୁଖ୍ୟ ଭୂମିକା ଗ୍ରହଣ କରୁଛି। ରୋଗ ପ୍ରତିରୋଧକ ଶକ୍ତି ଦୁର୍ବଳ ଥିବା ଲୋକେ ଶୀଘ୍ର କୋରୋନା ଭାଇରସ ଦ୍ବାରା ସଂକ୍ରମଣ ହୋଇଯାଇଥାନ୍ତି। ରୋଗପ୍ରତିରୋଧକ ଶକ୍ତି ଦୁର୍ବଳ ହେବାର ଅନେକ କାରଣ ରହିଛି। ପୂର୍ବରୁ କୌଣସି ରୋଗର ଶିକାର ହୋଇଥିଲେ କିମ୍ବା ମାତ୍ରାଧିକ ମଦ ଓ ସିଗାରେଟ ସେବନ କରିବା ଦ୍ବାରା ମଧ୍ୟ ରୋଗ ପ୍ରତିରୋଧକ ଶକ୍ତି ଦୁର୍ବଳ ହୋଇଥାଏ। ତେବେ ଏହି ଲକ୍ଷଣରୁ ଜାଣନ୍ତୁ ଆପଣଙ୍କ ରୋଗ ପ୍ରତିରୋଧକ ଶକ୍ତି କେତେ ଦୁର୍ବଳ।
କୋରୋନା ଭାଇରସରୁ ରକ୍ଷା ପାଇବା ପାଇଁ ପ୍ରଥମେ ସମସ୍ତଙ୍କୁ ନିଜ ରୋଗ ପ୍ରତିରୋଧକ ଶକ୍ତି ମଜବୁତ କରିବାକୁ ପଡ଼ିବ। ଏକ ଆମେରିକୀୟ ଗବେଷଣା ଅନୁସାରେ ଭାଇରସ ସହିତ ଲଢ଼ିବା ପାଇଁ ଯେ କୌଣସି ଚେଷ୍ଟା ଭିଟାମିନ ଇ ବିନା ଅଧୁରା। ଟି-ଲିସାଇଟ ନାମକ ପ୍ରତିରୋଧକ କୋଷିକାର ଉତ୍ପାଦନ ପାଇଁ ସବୁଠାରୁ ଦରକାରୀ। ଏହି ଭିଟାମିନ ଟ୍ରାଉଟ ଫିଶ, ଲାଲ କ୍ୟାପସିକମ ଓ ବାଦାମରେ ଭରପୂର ମାତ୍ରାରେ ରହିଛି। ଅନେକ ପ୍ରକାରର ରୋଗ ସହିତ ଲଢ଼ିବା ପାଇଁ ଭିଟାମିନ ଇ’ର ଆବଶ୍ୟକତା ରହିଛି। ଏହା କେଶ ସହିତ ଚର୍ମର ରିଙ୍କଲ୍ସ ଦୂର କରିବାରେ ମଧ୍ୟ ଲାଭଦାୟକ। ଭିଟାମିନ ଇ’ର ଆବଶ୍ୟକତା ଉପରେ ଗବେଷଣା କରିଥିବା ମୁଖ୍ୟ ଗବେଷକ ଏଲିଜାବେଥ ସୋମରଙ୍କ କହିବାନୁସାରେ ଟି-ଲିସାଇଟ ଦୁଇ ପ୍ରକାରର ହୋଇଥାଏ ଗୋଟିଏ ହେଉଛି ରେଗୁଲେଟୋରି ଓ ଅନ୍ୟଟି ହେଉଛି ସାଇଟକ୍ସିକ। ରେଗୁଲେଟୋରି ବାହାର ତତ୍ତ୍ବକୁ ଶରୀରରେ ପ୍ରବେଶ କରିବା ପରେ ଆଣ୍ଟିବଡିର ଉତ୍ପାଦନ କରିଥାଏ। ସେହିପରି ସାଇଟକ୍ସିକ ବ୍ୟାକ୍ଟେରିଆ ଓ ଭାଇରସରୁ ସଂକ୍ରମିତ କୋଷିକାକୁ ନଷ୍ଟ କରିଦିଏ। ବୟସ୍କ ଓ ମଧ୍ୟବୟସ୍କ ଲୋକ ଭିଟାମିନ ଇ’ଯୁକ୍ତ ଆହାର ସେବନ କରି ରୋଗ ପ୍ରତିରୋଧକ ତନ୍ତ୍ରକୁ ପୁଣି ଥରେ ଅଧିକ ମାତ୍ରାରେ କୋଷିକାଗୁଡ଼ିକୁ ଉତ୍ପାଦନ କରିବା ପାଇଁ ପ୍ରେରିତ କରିଥାଏ।
ବାରମ୍ବାର ଖବରରେ ଶୁଣିବାକୁ ମିଳୁଛି ଯେ ସୁଶାନ୍ତ ସିଂ ରାଜପୁତ ବାଇପୋଲାର ଡିଜଅର୍ଡରର ଶିକାର ଥିଲେ। କିନ୍ତୁ ଆଜି ପର୍ଯ୍ୟନ୍ତ ସୁଶାନ୍ତଙ୍କ ସହିତ ଜଡ଼ିତ ଯେତେ ସବୁ ସୂଚନା ସାମ୍ନାକୁ ଆସିଛି, ତାହା ଆଧାରରେ କହିବା ମୁସ୍କିଲ ଯେ ସୁଶାନ୍ତ ଏହି ବାଇପୋଲାର ଡିଜଅର୍ଡରର ଶିକାର ଥିଲେ ବୋଲି। ତେବେ ଚାଲନ୍ତୁ ଜାଣିବା ଏହି ବାଇପୋଲାର ଡିଜଅର୍ଡରର ଲକ୍ଷଣ ସମ୍ପର୍କରେ।
ଅଧିକ ଦେଖନ୍ତୁ
