ମୁଖ୍ୟ ଖବର

ଠକେଇ ଅଭିଯୋଗରେ ଯୁକ୍ତରାଜ୍ୟରେ ମୂଳ

ଲିସେଷ୍ଟର୍‌: ଏଠାକାର ଜଣେ ମୂଳ ଭାରତୀୟଙ୍କୁ ଠକେଇ ଅଭିଯୋଗରେ ଦୋଷୀ ସାବ୍ୟସ୍ତ କରାଯିବା ସହ ତିନି ବର୍ଷ ୯ ମାସ ଜେଲ୍‌ ଦଣ୍ଡାଦେଶ ଦିଆଯାଇଛି। ଏଠାକାର ଏକ କମ୍ପାନୀରେ ଭାରତ ସୂଚକ ନାମକ ଏହି ୬୫ ବର୍ଷୀୟ ଆକାଉଣ୍ଟାଣ୍ଟ୍‌ ଜଣକ ୬୬୨,୦୦୦ ପାଉଣ୍ଡ୍‌ ଚୋରି କରିଥିବା ଅଭିଯୋଗ ରହିଥିଲା। ଏହି କମ୍ପାନୀରେ ୩୦ ବର୍ଷ ଧରି କାମ କରିବା ସମୟରେ ସୂଚକ୍‌ ଏହି ଅର୍ଥ ଚୋରି କରିଥିଲେ ବୋଲି ସ୍ଥାନୀୟ ପୋଲିସ୍‌ ପକ୍ଷରୁ ଶୁକ୍ରବାର କୁହାଯାଇଥିଲା। ତାଙ୍କ ବିରୋଧରେ ଆସିଥିବା ୩ଟି ଅଭିଯୋଗକୁ ସୂଚକ୍‌ ସ୍ବୀକାର କରିବା ପରେ ତାଙ୍କୁ ଲିସେଷ୍ଟର୍‌ କ୍ରାଉନ୍‌ କୋର୍ଟ ଗତ ଗୁରୁବାର ଉପରୋକ୍ତ ଦଣ୍ଡାଦେଶ ଶୁଣାଇଛନ୍ତି। ସୂଚକ କମ୍ପାନୀର ବ୍ୟାଙ୍କ୍‌ ଆକାଉଣ୍ଟ୍‌ରୁ ତାଙ୍କ ବ୍ୟକ୍ତିଗତ ଆକାଉଣ୍ଟ୍‌କୁ ବିପୁଳ ପରିମାଣର ଅର୍ଥ ଟ୍ରାନ୍ସଫର୍‌ କରିଥିଲେ ବୋଲି ମାମଲାର ବିଚାର ବେଳେ ସ୍ପଷ୍ଟ ହୋଇଥିଲା।
ମୋଦିଙ୍କୁ ମନ୍ତ୍ରୀ ଦେବେ ୧୦୦
କେନ୍ଦ୍ର କ୍ୟାବିନେଟ ବୈଠକରେ ପ୍ରଧାନମନ୍ତ୍ରୀ ମୋଦି ନିଜ କାମ କରିବା କୌଶଳକୁ ସ୍ପଷ୍ଟ କରିଦେବା ସହିତ ସମସ୍ତ ମନ୍ତ୍ରୀଙ୍କୁ ଠିକ୍‌ ସମୟରେ ଅଫିସ ଆସିବା ପାଇଁ ପରାମର୍ଶ ଦେଇଛନ୍ତି। ସକାଳ ୯ଟା ୩୦ ସୁଦ୍ଧା ଅଫିସ୍‌ରେ ପହଞ୍ଚିବା ପାଇଁ ଚେଷ୍ଟା କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ମନ୍ତ୍ରୀମାନଙ୍କୁ କହିଛନ୍ତି। ଅନ୍ୟମାନଙ୍କ ପାଇଁ ଉଦାହଣ ସୃଷ୍ଟି କରିବା ପାଇଁ ଘରୁ ଥାଇ ଅଫିସ କାମ ନ କରନ୍ତୁ ବୋଲି ପ୍ରଧାନମନ୍ତ୍ରୀ ସେମାନଙ୍କୁ ପରାମର୍ଶ ଦେଇଛନ୍ତି। ମୋଦୀ ତାଙ୍କ ସହଯୋଗୀମାନଙ୍କୁ ପ୍ରସ୍ତାବ ଦେଇଛନ୍ତି ଯେ ସଂସଦରେ ଅଧିବେଶନ ଚାଲିଥିବା ୪୦ ଦିନ ସେମାନେ ବାହାରକୁ ଗସ୍ତ କରିବା ନିମନ୍ତେ କୌଣସି ଯୋଜନା କରନ୍ତୁ ନାହିଁ। ନିଜେ ଗୁଜରାଟର ମୁଖ୍ୟମନ୍ତ୍ରୀ ଥିବା ସମୟର ଉଦାହରଣ ଦେଇ ମୋଦୀ କହିଲେ ଅଫିସର୍‌ମାନେ ଆସିବା ସମୟରେ ସେ ମଧ୍ୟ ଅଫିସ୍‌ରେ ପହଞ୍ଚି ଯାଉଥିଲେ ଏବଂ ସେ ଦିନର କାର୍ଯ୍ୟକଳାପ ଧାର୍ଯ୍ୟ କରିବାରେ ସହାୟକ ହେଉଥିଲେ। ନୂତନ ମନ୍ତ୍ରୀମାନଙ୍କୁ ସହାୟତା କରିବାକୁ ସେ ବରିଷ୍ଠ ମନ୍ତ୍ରୀମାନଙ୍କୁ କହିଛନ୍ତି। ଜଣେ ମନ୍ତ୍ରୀ ଓ ଜଣେ ସାଂସଦଙ୍କ ମଧ୍ୟରେ ଅଧିକ ପାର୍ଥକ୍ୟ ନ ଥିବାରୁ ବରିଷ୍ଠ ମନ୍ତ୍ରୀମାନେ ନିର୍ବାଚିତ ସାଂସଦମାନଙ୍କୁ ଭେଟିବା ପାଇଁ ସମୟ ଦେବା ଉଚିତ ବୋଲି ସେ କହିଛନ୍ତି। ସଦ୍ୟତମ କାର୍ଯ୍ୟକଳାପ ସଂକ୍ରାନ୍ତରେ ମନ୍ତ୍ରାଳୟର କର୍ମଚାରୀମାନଙ୍କ ସହ ନିୟମିତ କିଛି ସମୟ ଆଲୋଚନା କରିବାକୁ ମଧ୍ୟ ସେ ସମସ୍ତ ମନ୍ତ୍ରୀଙ୍କୁ କହିଛନ୍ତି। ଦଳୀୟ କର୍ମକର୍ତ୍ତାଙ୍କ ପାଇଁ ସମୟ ଦେବାକୁ ସେ ମନ୍ତ୍ରୀମାନଙ୍କୁ ପରାମର୍ଶ ଦେଇଛନ୍ତି। ଦଳୀୟ କର୍ମକର୍ତ୍ତାଙ୍କୁ ଭେଟିବା ପାଇଁ ମନ୍ତ୍ରୀମାନେ ସମୟ ଓ ତାରିଖ ବାହାର କରିବା ଆବଶ୍ୟକ ବୋଲି ପ୍ରଧାନମନ୍ତ୍ରୀ ସୂଚାଇଥିଲେ।
ଉପନିର୍ବାଚନ ପାଇଁ ଚାପରେ ୩ ଦଳ
କେନ୍ଦ୍ରାପଡ଼ା ଜିଲାର ପାଟକୁରା ଓ ବରଗଡ଼ ଜିଲା ବିଜେପୁରରେ ହେବାକୁ ଥିବା ବିଧାନସଭା ଉପନିର୍ବାଚନ ପାଇଁ ଏବେ ଉଭୟ ବିଜେଡି ଓ ବିଜେପି ପ୍ରବଳ ଚାପରେ ଅଛନ୍ତି। ନିର୍ବାଚନରେ ସାଂଘାତିକ ପରାଜୟ ବରଣ କରିଥିବା କଂଗ୍ରେସ ପାଇଁ ବି ଏହି ନିର୍ବାଚନ ଆଉ ଏକ ସଙ୍କଟ ଭାବେ ଉଭା ହୋଇଛି। ଦୁଇବର୍ଷ ମଧ୍ୟରେ ବିଜେପୁର ବିଧାନସଭା ଆସନ ପାଇଁ ତୃତୀୟ ଥର ଲାଗି ନିର୍ବାଚନ ହେବାକୁ ଯାଉଛି। ଗତ ବିଧାନସଭାରେ ଥିବା ଏଠାକାର କଂଗ୍ରେସ ବିଧାୟକ ସୁବଳ ସାହୁଙ୍କ ମୃତ୍ୟୁ ପରେ ବିଜେପୁରରେ ବିଧାନସଭା ଉପନିର୍ବାଚନ ହୋଇଥିଲା। ଉକ୍ତ ଉପନିର୍ବାଚନରେ ବିଜେପି ଏହାର ନିଜ କାର୍ଯ୍ୟକର୍ତ୍ତାଙ୍କୁ ପ୍ରାର୍ଥୀ ନ କରି ବିଜେଡିର ପୂର୍ବତନ ବିଧାୟକଙ୍କୁ ପ୍ରାର୍ଥୀ କରିବାରୁ ଦଳ ଭିତରେ ପ୍ରବଳ ବିଦ୍ରୋହ ସୃଷ୍ଟି ହୋଇଥିଲା। ଏଥିରୁ ଫାଇଦା ନେଇ ବିଜେଡି ସ୍ବର୍ଗତ କଂଗ୍ରେସ ବିଧାୟକଙ୍କ ପତ୍ନୀରିତା ସାହୁଙ୍କୁ ଉପନିର୍ବାଚନରେ ପ୍ରାର୍ଥୀ କରାଇଥିଲା। ବହୁ ଟଣା ଓଟରା ପରେ କଂଗ୍ରେସ ତାହାର ପ୍ରାର୍ଥୀ ଦେଇଥିଲେ ବି ଏଠାରେ ଉପନିର୍ବାଚନ ଲଢେଇ ମୁଖ୍ୟତଃ ବିଜେଡି ଓ ବିଜେପି ମଧ୍ୟରେ ହୋଇଥିଲା ଏବଂ ବିଜେପିକୁ ବହୁ ପଛରେ ପକାଇ ବିଜେଡି ପ୍ରାର୍ଥୀରିତା ସାହୁ ଜିଣିଥିଲେ।
ଅର୍ଥନୈତିକ କଟକଣା ନେଇ
ଇରାନ୍‌ ଉପରେ ଆମେରିକା ପକ୍ଷରୁ ଲଗାଯାଇଥିବା ବିଭିନ୍ନ ଆର୍ଥିକ କଟକଣା ପାଇଁ ତେହରାନ୍‌ ୟୁରୋପୀୟ ସମୂହକୁ ଦାୟୀ କରିବା ସହ ଏନେଇ ତୁରନ୍ତ ପଦକ୍ଷେପ ପାଇଁ ଚେତାବନୀ ଦେଇଛି। ତୁରନ୍ତ ଏହି ଆର୍ଥିକ କଟକଣା ଦୂର କରିବା ଦିଗରେ ପଦକ୍ଷେପ ନ ନେଲେ ଇରାନ୍‌ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଛି। ଗତବର୍ଷ ଆମେରିକା ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ ଆଣବିକ ନିରସ୍ତ୍ରୀକରଣ ଚୁକ୍ତିରୁ ଓହରିଯିବା ସହ ଇରାନ୍‌ ଉପରେ କଟକଣା ଲାଗୁ କରିଥିଲେ। ଇରାନ୍‌ ଉଦ୍ୟମରେ ସ୍ବାକ୍ଷରିତ ହୋଇଥିବା ଉକ୍ତ ଆଣବିକ ନିରସ୍ତ୍ରୀକରଣ ଚୁକ୍ତିରେ ଗତ ୨୦୧୫ରେ ଆମେରିକା ସ୍ବାକ୍ଷର କରିଥିଲା। ସେଥିପାଇଁ ଟ୍ରମ୍ପ୍‌ ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍‌ ଓବାମାଙ୍କୁ ସମାଲୋଚନା କରିଥିଲେ।
ଜୁଲାଇ ୧ରୁ ବିମାନ ଯାତ୍ରୀଙ୍କୁ ପଡ଼ିବ
ଆସନ୍ତା ଜୁଲାଇ ୧ ତାରିଖଠାରୁ ଦେଶର ବିମାନ ଯାତ୍ରୀମାନଙ୍କୁ ଅଧିକ ଦେୟ ଦେବାକୁ ପଡ଼ିବ। କାରଣ ଭାରତ ସରକାର ଯାତ୍ରୀ ନିରାପତ୍ତା ବାବଦ ଦେୟ (ପିଏସ୍‌ଏଫ୍‌)ରେ ବୃଦ୍ଧି କରିଛନ୍ତି। ଏହା ଘରୋଇ ଯାତ୍ରୀଙ୍କ ସକାଶେ ୧୩୦ରୁ ୧୫୦ ଟଙ୍କା ପର୍ଯ୍ୟନ୍ତ ଅଧିକ ହୋଇଥିବା ବେଳେ ବିଦେଶକୁ ଯାତ୍ରା କରୁଥିବା ଯାତ୍ରୀମାନଙ୍କ ସକାଶେ ପିଏସ୍‌ଏଫ୍‌ ୩.୨୫ରୁ ୮.୪୫ ଡଲାର୍‌ ପର୍ଯ୍ୟନ୍ତ ଅଧିକ ରହିଛି। ଅର୍ଥାତ୍‌ ବିଦେଶ ଯାତ୍ରା କରୁଥିବା ଭାରତୀୟ ଯାତ୍ରୀମାନଙ୍କୁ ହାରାହାରି ୧୧୨ ଟଙ୍କା ଅଧିକ ଦେବାକୁ ପଡ଼ିବ। ନୂତନ ଦର ଆଭିଏସନ୍‌ ସିକ୍ୟୁରିଟି ଫି’ (ଏଏସ୍‌ଏଫ୍‌) ବାବଦରେ ଆଦାୟ ହେବ ବୋଲି ବେସାମରିକ ଜାହାଜ ଚଳାଚଳ ମନ୍ତ୍ରାଳୟ ପକ୍ଷରୁ ଯୁଗ୍ମ ସଚିବ ଉଷା ପାଢ଼ୀଙ୍କ ଦ୍ବାରା ଜାରି ବିଜ୍ଞପ୍ତିରେ କୁହାଯାଇଛି।
ଧୱନଙ୍କ ଧୂଆଁଧାର ଶତକ
ସୁପର ସଣ୍ଡେର ବିଗଫାଇଟ ଭାରତ ପାଇଁ ସୁପର ଡୁପର ବିଜୟ ଆଣିଦେଇଛି। ଲଣ୍ଡନର କେନିଂଟନ ଓଭାଲ ଠାରେ ରବିବାର ଖେଳାଯାଇଥିବା ଭାରତ-ଅଷ୍ଟ୍ରେଲିଆ ମ୍ୟାଚରେ ମେନ ଇନ ବ୍ଲ୍ୟୁ କଙ୍ଗାରୁ ଦଳକୁ ଧୂଳି ଚଟାଇ ଲଗାତର ଦ୍ବିତୀୟ ବିଜୟ ହାସଲ କରିଛି। ଭାରତ ତା’ର ପ୍ରଥମ ମ୍ୟାଚରେ ଶକ୍ତିଶାଳୀ ଦକ୍ଷିଣ ଆଫ୍ରିକାକୁ ଧରାଶାୟୀ କରିଥିବା ବେଳେ ଦ୍ବିତୀୟ ମ୍ୟାଚରେ ଡିଫେଣ୍ଡିଂ ଚାମ୍ପିଅନ ଅଷ୍ଟ୍ରେଲିଆକୁ ଧୂଳି ଚଟାଇଛି। ଏହି ମ୍ୟାଚରେ ଉଭୟ ବ୍ୟାଟିଂ ଓ ବୋଲିଂରେ ଭାରତ ଅଷ୍ଟ୍ରେଲିଆକୁ ପଛରେ ପକାଇ ୩୬ ରନରେ ବିଜୟୀ ହୋଇଛି। କେବଳ ଏତିକି ନୁହେଁ, ଏହି ମ୍ୟାଚରେ ଓପ୍‌ନର ଶିଖର ଧୱନଙ୍କ ଧୂଆଁଧାର ଶତକ, ରୋହିତ ଶର୍ମା ଓ ଅଧିନାୟକ ବିରାଟ କୋହଲିଙ୍କ ଆକ୍ରମଣାତ୍ମକ ଅର୍ଦ୍ଧଶତକ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଉପଯୋଗୀ ସ୍କୋର ବଳରେ ଭାରତ ପ୍ରଥମେ ବ୍ୟାଟିଂ କରି ୩୫୨ ରନ ସ୍କୋର କରିବା ଫଳରେ ଏହା ବିଶ୍ବକପରେ ଅଷ୍ଟ୍ରେଲିଆ ବିପକ୍ଷରେ ସର୍ବବୃହତ୍‌ ସ୍କୋର ହୋଇଛି। ଏହାକୁ ମିଶାଇ ଚତୁର୍ଥ ଥର ପାଇଁ ଭାରତ ଅଷ୍ଟ୍ରେଲିଆକୁ ବିଶ୍ବକପରେ ପରାଜିତ କରିଛି। ଦମ୍‌ଦାର ବ୍ୟାଟିଂ ପାଇଁ ଶିଖର ଧୱନଙ୍କୁ ପ୍ଲେୟର ଅଫ ଦ ମ୍ୟାଚ ବିବେଚିତ କରାଯାଇଛି।
ରାଫେଲ୍ ରାଜ୍: ନାଡାଲ୍ ଦ୍ୱାଦଶ ଥର
ରୋଲାଣ୍ଡ ଗ୍ୟାରସରେ ପୁଣି ରାଫେଲ୍ ରାଜ୍। ସ୍ପେନୀୟ ଟେନିସ୍ ତାରକା ତଥା ଦ୍ବିତୀୟ ସିଡ୍‌ ରାଫେଲ୍ ନାଡାଲ୍ ନିଜର ପ୍ରିୟ କ୍ଲେ’କୋର୍ଟରେ ପୁଣି ରାଜ୍ କରିଛନ୍ତି । ରବିବାର ନାଡାଲ୍ ଫ୍ରେଞ୍ଚ୍ ଓପନ୍ ପୁରୁଷ ସିଙ୍ଗଲ୍ସ ଫାଇନାଲରେ ଅଷ୍ଟ୍ରିଆର ଡୋମିନିକ୍ ଥିମଙ୍କୁ ହରାଇ ରେକର୍ଡ ଦ୍ୱାଦଶ ଟାଇଟଲ୍ ଜିତିଛନ୍ତି। ଦ୍ୱିତୀୟ ସିଡ୍ ନାଡାଲ୍ ଟାଇଟଲ୍ ଲଢ଼େଇରେ ଚତୁର୍ଥ ସିଡ୍ ଥିମଙ୍କୁ ୬-୩, ୫-୭, ୬-୧, ୬-୧ ସେଟ୍‌ରେ ପରାସ୍ତ କରିଛନ୍ତି। ୩୩ ବର୍ଷୀୟ ନାଡାଲ୍ ପ୍ରଥମ (ମହିଳା ଓ ପୁରୁଷ) ଖେଳାଳି ଭାବେ କୌଣସି ଗ୍ରାଣ୍ଡସ୍ଲାମ ଟାଇଟଲ୍ ଏକକ ବର୍ଗରେ ସର୍ବାଧିକ ଦ୍ୱାଦଶ ଥର ଜିତିବାର ରେକର୍ଡ କରିଛନ୍ତି। ଏ କ୍ଷେତ୍ରରେ ସେ ମାର୍ଗାରେଟ୍‌ କୋର୍ଟ (୧୧ ଥର ଅଷ୍ଟ୍ରେଲିଆ ଓପନ୍‌ ମହିଳା ସିଙ୍ଗଲ୍ସ ବିଜେତା)ଙ୍କ କୀର୍ତ୍ତିମାନକୁ ପଛକୁ ଠେଲି ଦେଇଛନ୍ତି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ବିଜେଡି ବିଧାୟକଙ୍କ କଙ୍ଗାରୁ କୋର୍ଟ
ବଲାଙ୍ଗିର ଜିଲ୍ଲା ପାଟଣାଗଡ଼ ବିଜେଡି ବିଧାୟକ ସରୋଜ ମେହେର କୋଟିପତି ନେତା ଭାବେ ରାଜ୍ୟରେ ପରିଚିତ। ହେଲେ ଏବେ ତାଙ୍କ ପରିଚୟ ସହ ଯୋଡ଼ିହୋଇ ଯାଇଛି ଆଉ ଏକ ପରିଚୟ। ସମାନ୍ତରାଳ ଭାବେ ସେ କଙ୍ଗାରୁ କୋର୍ଟ ଚଳାଇ ସରକାରୀ ବାବୁମାନଙ୍କୁ ବି ସର୍ବସାଧାରଣ ସ୍ଥାନରେ ମଧ୍ୟ ଦଣ୍ଡ ଦେଇପାରନ୍ତି, ତା’ର ଏକ ଉଦାହରଣ ସୃଷ୍ଟି କରିଛନ୍ତି ଏହି କୋଟିପତି ବିଧାୟକ। ବିଧାୟକଙ୍କ ଏପରି ନିଜସ୍ୱ ଆଇନକୁ ନେଇ ଏବେ ସାରା ରାଜ୍ୟରେ ଚର୍ଚ୍ଚା। ପାଟଣାଗଡ଼ରେ ସରକାରୀ ଆଇନ କାନୁନ କି ସାମ୍ବିଧାନିକ ବିଧି ବ୍ୟବସ୍ଥା ଏଣିକି ଆଉ କାର୍ଯ୍ୟ କରିବ ନାହିଁ। ଏଣିକି ତାଙ୍କ ନିର୍ବାଚନମଣ୍ଡଳୀରେ ତାଙ୍କ ଆଇନ ହିଁ ଚାଲିବ। କେହି କିଛି ଭୁଲ୍‌ କାମ କଲେ, ମାଓବାଦୀଙ୍କ ଭଳି ପ୍ରଜାକୋର୍ଟ ବା କଙ୍ଗାରୁ କୋର୍ଟ କରି ଜନତାଙ୍କ ସମ୍ମୁଖରେ ସେ ଦଣ୍ଡ ଦେବେ। ବିଧାୟକ ଜଣେ ସରକାରୀ ଅଧିକାରୀଙ୍କୁ ଦଣ୍ଡିତ କରିବାର ଭିଡିଓ ଭାଇରାଲ ହେବା ପରେ ଏହା ଚର୍ଚ୍ଚାର ବିଷୟ ହୋଇଛି।
ମତଦାନ ଠାରୁ ଇଭିଏମ୍‌ରେ ଅଧିକ
ଯେତିକି ମତଦାନ ହେଲା, ତା’ଠାରୁ ଢେର ଅଧିକ ସଂଖ୍ୟା ଇଭିଏମ୍‌ରେ ଥିବା ଜଣା ପଡିଲା। ଆଉ ଇଭିଏମ୍‌ରୁ ଅଧିକ ଭୋଟ୍ ବାହାରିବାକୁ ନେଇ ଏବେ ମାମଲା ରୁଜୁ ହୋଇଛି ହାଇକୋର୍ଟରେ। ଘଟଣାଟି ଘଟିଛି ବଲାଙ୍ଗିର ଜିଲ୍ଲା କଣ୍ଟାବାଞ୍ଝି ବିଧାନସଭା ନିର୍ବାଚନମଣ୍ଡଳୀରେ। ନିର୍ବାଚନକୁ ଅସିଦ୍ଧ କରିବାକୁ ନେଇ କଣ୍ଟାବାଞ୍ଝିର ଦୁଇଜଣ ବ୍ୟକ୍ତି ଓଡିଶା ଉଚ୍ଚ ନ୍ୟାୟାଳୟରେ ମାମଲା ରୁଜୁ କରିବା ପରେ ଏହାକୁ ନେଇ ବିବାଦ ସୃଷ୍ଟି ହୋଇଛି। ଏହି ମାମଲାରେ ଭାରତର ନିର୍ବାଚନ ଆୟୋଗ, ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ, କଣ୍ଟାବାଞ୍ଝିର ରିଟର୍ଣ୍ଣିଂ ଅଫିସରଙ୍କୁ ପକ୍ଷଭୁକ୍ତ କରାଯାଇଛି। ଆବେଦନକାରୀ ମତଦାନ ଦିନ ହୋଇଥିବା ମୋଟ ଭୋଟ୍‌ ସଂଖ୍ୟା ଓ ପରେ ଇଭିଏମ୍‌ ତଥ୍ୟରେ ତାଳମେଳ ନ ଥିବା ନେଇ ସଙ୍ଗିନ ଅଭିଯୋଗ ଉଠାଇଛନ୍ତି। ମତଦାନ ପରେ ରିଟର୍ଣ୍ଣିଂ ଅଫିସରଙ୍କ ପ୍ରଦତ୍ତ ସୂଚନା ଏବଂ ଇଭିଏମ୍‌ରେ ଥିବା ମତଦାନ ସଂଖ୍ୟା ମଧ୍ୟରେ ତାଳମେଳ ନାହିଁ। ରୂପେସ କୁମାର ବେହେରା ଓ ଭୁବନାନନ୍ଦ ମହାନ୍ତି ଏହି ଅସଙ୍ଗତି ଓ ଅନିୟମିତତାକୁ ନେଇ କଣ୍ଟାବାଞ୍ଜି ବିଧାନସଭା ନିର୍ବାଚନ ବାତିଲ ପାଇଁ ହାଇକୋର୍ଟରେ ମାମଲା ରୁଜୁ କରିଛନ୍ତି। ଘଟଣାଟିର ସିବିଆଇ ତଦନ୍ତ ଦାବି କରାଯାଇଛି।
‘ମୁଁ ବିଜୟାନନ୍ଦ କହୁଛି’ ନାଟକ ମଞ୍ଚସ୍ଥ
ସ୍ବର୍ଗତ ଅମୀୟ ପଟ୍ଟନାୟକଙ୍କ ସ୍ମୃତିରେ ଭୁବନେଶ୍ବର ରବୀନ୍ଦ୍ର ମଣ୍ଡପଠାରେ ଚାଲିଥିବା ପଞ୍ଚମବେଦ ରାଜ୍ୟସ୍ତରୀୟ ନାଟକ ମହୋତ୍ସବର ଗୁରୁବାର ଥିଲା ଦ୍ବିତୀୟ ସନ୍ଧ୍ୟା। ଏହି ସମୟରେ ରାଉରକେଲାର ସମ୍ପର୍କ ପକ୍ଷରୁ ନାଟକ ‘ମୁଁ ବିଜୟାନନ୍ଦ କହୁଛି...’ ମଞ୍ଚସ୍ଥ ହୋଇଥିଲା। ଏହି ନାଟକର ରଚନା ଓ ନିର୍ଦେଶନା ଭାସ୍କରଚନ୍ଦ୍ର ମହାପାତ୍ର ଦେଇଥିବା ବେଳେ ସଙ୍ଗୀତରେ ଭାସ୍କର ପୁହାଣ, ଅଜୟ ପାଣି, ବିବେକ ପଣ୍ଡା ଓ ପ୍ରଦୀପ ଗୁରୁୱାରା ସହଯୋଗ କରିଥିଲେ। ଏହି ସନ୍ଧ୍ୟାରେ ଅତିଥି ଭାବେ ପ୍ରଶାସକ ଭରତ ଚନ୍ଦ୍ର ବେହେରା, ଗଗନ ବିହାରୀ ଦାସ ଓ ବିଶିଷ୍ଟ ନାଟ୍ୟକାର ଧୀରେନ୍ଦ୍ର ମଲ୍ଲିକ ପ୍ରମୁଖ ଯୋଗ ଦେଇଥିଲେ। ପଞ୍ଚମବେଦର କାର୍ଯ୍ୟକାରୀ ସଭାପତି ହରେନ୍‌ ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ।

ଫଟୋ ଗ୍ୟାଲେରୀ

ନୀଟ୍‌ରେ ବାଜି ମାରିନେଲା
ଚଳିତ ବର୍ଷର ନୀଟ୍‌ ପରୀକ୍ଷାଫଳ ପ୍ରକାଶ ପାଇସାରିଛି। ଏଥିରେ ସଫଳତାର ଶୀର୍ଷରେ ରହିଛି ରାଜସ୍ଥାନ। ରାଜସ୍ଥାନର ପରୀକ୍ଷା ଫଳକୁ ନେଇ ସାରା ଦେଶରେ ଆଲୋଚନା ଆରମ୍ଭ ହୋଇଛି। ଟପ୍‌ ୫୦ ପରୀକ୍ଷାର୍ଥୀଙ୍କ ତାଲିକାରେ ଏଥର ରାଜସ୍ଥାନର ୬ ଜଣ ପରୀକ୍ଷାର୍ଥୀ ସ୍ଥାନ ପାଇଛନ୍ତି। ଉତ୍କୃଷ୍ଟ ଫଳ ଦେବାରେ ରାଜସ୍ଥାନ ଆଗରେ ରହିଛି। ଏଠାରୁ ମୋଟ ୭୪.୩୦ ପ୍ରତିଶତ ପରୀକ୍ଷାର୍ଥୀ ସଫଳତାର ଶ୍ରେୟ ସାଉଁଣ୍ଟିଛନ୍ତି। ଦ୍ୱିତୀୟ ସ୍ଥାନରେ ଅଛି ଜାତୀୟ ରାଜଧାନୀ ଦିଲ୍ଲୀ। ଦିଳ୍ଲୀର ମୋଟ ୭୩.୭୩ ପ୍ରତିଶତ ଛାତ୍ରଛାତ୍ରୀଙ୍କୁ ସଫଳତା ମିଳିଛି। ସେହିପରି ହରିୟାଣାର ମୋଟ ୭୨.୫୯ ପ୍ରତିଶତ ବିଦ୍ୟାର୍ଥୀ ସଫଳତା ହାସଲ କରି ନୀଟ୍‌ରେ ଦେଶରେ ତୃତୀୟ ସ୍ଥାନରେ ଅଛନ୍ତି। ରାଜସ୍ଥାନର ବାସିନ୍ଦା ନଳିନ ଖଣ୍ଡେଲୱାଲ ୨୦୧୯ ନୀଟ୍‌ ପରୀକ୍ଷାରେ ଟପ୍ପର ହୋଇଛନ୍ତି। ନଳିନ ୭୨୦ରୁ ୭୦୨ ନମ୍ବର ରଖି ସାରା ଦେଶରେ ପ୍ରଥମ ସ୍ଥାନ ହାସଲ କରି ନିଜ ରାଜ୍ୟକୁ ଗୌରବାନ୍ୱିତ କରାଇଛନ୍ତି। ସର୍ବଭାରତୀୟ ସ୍ତରରେ ଦ୍ୱିତୀୟ ସ୍ଥାନରେ ଅଛନ୍ତି ଦିଳ୍ଲୀର ଭାବିକ ବଂଶଲ। ତୃତୀୟ ଟପ୍ପର ହେଉଛନ୍ତି ସେହି ଦିଳ୍ଲୀର ଅକ୍ଷତ କୌଶିକ। ଉଭୟ ଭାବିକ ଓ ଅକ୍ଷତ ୭୨୦ ମାର୍କରୁ ୭୦୦ ନମ୍ବର ହାସଲ କରିଥିବା ଜଣାଯାଇଛି। ଛାତ୍ରୀମାନଙ୍କ ମଧ୍ୟରେ ମାଧୁରୀ ରେଡ୍ଡୀ ଆଗରେ ଅଛନ୍ତି। ସେ ସପ୍ତମ ସ୍ଥାନରେ ଅଛନ୍ତି। ମୋଟ ୭୨୦ ମାର୍କ ମଧ୍ୟରୁ ମାଧୁରୀ ୬୯୫ ଅଙ୍କ ହାସଲ କରିଛନ୍ତି। ଉତ୍କୃଷ୍ଟ ପ୍ରଦର୍ଶନ କରିଥିବା ଟପ୍‌ ୧୦୦ ଜଣଙ୍କ ମଧ୍ୟରୁ ୨୦ ଜଣ ହେଉଛନ୍ତି ଛାତ୍ରୀ। ତେଲେଙ୍ଗାନାର ବାସିନ୍ଦା ମାଧୁରୀ ମୋଟ ୭୨୦ ନମ୍ବର ମଧ୍ୟରୁ ୬୯୫ ରଖିଛନ୍ତି। ଚଳିତ ବର୍ଷ ୧୫.୧୯ ଲକ୍ଷ ବିଦ୍ୟାର୍ଥୀ ଏହି ପରୀକ୍ଷା ପାଇଁ ନିଜକୁ ପଞ୍ଜୀକୃତ କରାଇଥିଲେ। ଏମାନଙ୍କ ମଧ୍ୟରୁ ପ୍ରାୟ ୧୪.୧୦ ଲକ୍ଷ ପରୀକ୍ଷାରେ ସାମିଲ ହୋଇଥିଲେ।
ପଦ୍ମଟୋପି ମୁଣ୍ଡେଇଲେ ଦାମ
ବଡ଼ବୋଲା ଦାମବାବୁ ଜଣେ ବରିଷ୍ଠ ଓ ତୁଣ୍ଡ ହୁଡିଲାବାଲା ନେତା ଭାବେ ରାଜ୍ୟ ରାଜନୀତିରେ ବେଶ୍‌ ଜଣାଶୁଣା। ତାଙ୍କ ମୁହଁରୁ ପଦୁଟିଏ କଥା ଖସାଇବାକୁ ଆମ ମିଡିଆବାଲେ ତାଙ୍କ ଦୁଆରେ ଗୁହାରିଆ ଭାବେ ପଡ଼ିଥାନ୍ତି। ଦାମ ତୁଣ୍ଡ ଖୋଲିଲା ମାନେ ସେଥିରୁ କେହି ବାଦ୍‌ ପଡ଼ନ୍ତିନି। ଅତୀତରେ ବିଜେପିକୁ ବହୁବାର ବଜ୍ରାଘାତ କରିଥିବା ବିଜୁବାବୁଙ୍କ ପଟ୍ଟଶିଷ୍ୟ ଦାମବାବୁ ଆଜି କିନ୍ତୁ ପଦ୍ମ ପ୍ରେମରେ ଉବୁଟୁବୁ। ଏଇ ନିକଟ ଅତୀତରେ ଦିଲ୍ଲୀକୁ ଯାଇ ଗେରୁଆ ଗାମୁଛାକୁ ବେକରେ ପକେଇ ଏବେ ବିଜେପିକି କାନ୍ଧ ନଗେଇକି ଟେକି ଚାଲିଛନନ୍ତି। ବିମାନବନ୍ଦରରୁ ବିରାଟ ପଟୁଆରରେ ହଜାର ହଜାର ସମର୍ଥକଙ୍କୁ ଦେଖି ବାବୁ ପୂରା ଗଦ୍‌ଗଦ୍‌। ଶେଷରେ ରାଜ୍ୟ ପଦ୍ମଦଳିଆଙ୍କ କାର୍ଯ୍ୟାଳୟରେ ମୁକୁବାବୁ ଦାମବାବୁଙ୍କୁ ଟୋପି ପିନ୍ଧାଉଥିବା ବେଳେ ମଞ୍ଚତଳେ ଗଣମାଧ୍ୟମ ପ୍ରତିନିଧିମାନେ ଟୁପୁଟାପ ହଉଥେଲେ, ଯାହା ହଉ ପଧାନପୁଅ ବୁଢ଼ାକୁ ପଦ୍ମଟୋପି ପିନ୍ଧେଇଦେଲେ।
ଏ ଦଳରୁ ସେ ଦଳ
ଆପଣମାନେ ଡାଳିମାଙ୍କୁଡ଼ି ଖେଳ କଥା ତ ଶୁଣିଥିବେ। ଗୋଟିଏ ଡାଳରୁ ଆଉ ଗୋଟିଏ ଡାଳକୁ ଡେଇଁ ଡେଇଁ ମାଙ୍କଡ଼ମାନେ ଖେଳରେ ମାତିଯାଆନ୍ତି। ଆଉ ସେମାନଙ୍କୁ ଦେଖି ଛୋଟପିଲା ଖୁସିରେ ଟେକା ମାରନ୍ତି। ଠିକ୍‌ ସେଇମିତି ଏବେକା ରାଜନୀତିର ବାତାବରଣ ହେଇଯାଇଛି। ସହଜେ ପୁଣି ନିର୍ବାଚନର ୠତୁ ଆସି ପହଞ୍ଚିଯାଇଛି। ସେଥିପାଇଁ ଏହି ପ୍ରକ୍ରିୟା ଆଶାତୀତ ବୃଦ୍ଧି ପାଇଛି। ସୁବିଧା ସୁଯୋଗ ଦେଖି ବ୍ୟକ୍ତିଗତ ସ୍ବାର୍ଥକୁ ଅସୁଲ କରିବାକୁ ନେତାମାନେ ଦଳ ବଦଳ କରିବାରେ ଲାଗି ପଡ଼ିଛନ୍ତି। ସକାଳେ ଗୋଟେ ଦଳ ପୁଣି ସନ୍ଧ୍ୟାରେ ଆଉ ଗୋଟିଏ ଦଳ। ନେତାଙ୍କ ଓଜନକୁ ତଉଲେଇ ଦଳ ସୁପ୍ରିମୋମାନେ ମଧ୍ୟ ଦଳର ଫାଇଦା ଚିନ୍ତା କରି ସେମାନଙ୍କୁ କୋଳେଇ ନେବାକୁ କ୍ଷେତ୍ର ପ୍ରସ୍ତୁତ କରି ରଖିଛନ୍ତି। ଦେଖାଯାଉ ୨୦୧୯ ନିର୍ବାଚନ ବୈତରଣୀକୁ କିଏ କେମିତି ପାର ହଉଛି।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?