ଆମେରିକୀୟ ନାବିକଙ୍କ ଉନ୍ମତ୍ତ କାଣ୍ଡ: ୨ ଜଣଙ୍କ ଜୀବନ

ନ୍ୟୁୟର୍କ: ଆମେରିକାର ହାୱାଇ ସହରସ୍ଥିତ ଜଏଣ୍ଟ୍‌ ବେସ୍‌ ପର୍ଲ ହାର୍ବର୍‌-ହିକମ୍‌ଠାରେ ଏକ କନ୍‌ଫରେନ୍ସ ଚାଲିଥିବା ବେଳେ ସେଠାରେ ଜଣେ ଆମେରିକୀୟ ନୌସେନା ନାବିକ ଅଘଟଣ ଘଟାଇଛନ୍ତି। ସେ ଗୁଳି କରି ୨ ଜଣଙ୍କ ଜୀବନ ନେବା ସହ ଶେଷରେ ନିଜକୁ ମଧ୍ୟ ଗୁଳି କରିଦେଇଛନ୍ତି। ତେବେ ଏହି କନ୍‌ଫରେନ୍ସରେ ଯୋଗଦେବା ସକାଶେ ଆମେରିକା ଯାଇଥିବା ଭାରତୀୟ ବାୟୁସେନା (ଆଇଏଏଫ୍‌) ମୁଖ୍ୟ ମାର୍ଶଲ୍‌ ରାକେଶ କୁମାର ସିଂହ ଭଦୌରିଆ ଓ ତାଙ୍କ ଟିମ୍‌ ସମ୍ପୂର୍ଣ୍ଣ ଭାବେ ସୁରକ୍ଷିତ ଅଛନ୍ତି ବୋଲି ମୁଖପାତ୍ର ଗ୍ରୁପ୍‌ କ୍ୟାପ୍‌ଟେନ୍‌ ଅନୁପମ ବାନାର୍ଜୀ କହିଛନ୍ତି। ଏ ସଂକ୍ରାନ୍ତରେ ବାନାର୍ଜୀ କହିଛନ୍ତି ଯେ ଭଦୌରିଆ ଓ ତାଙ୍କ ଯିମ୍‌ ପର୍ଲ ହାର୍ବରସ୍ଥିତ ଆମେରିକା ବାୟୁସେନା ଘାଟିରେ ରହୁଥିବା ବେଳେ ଶୁଟିଂ ଘଟଣାଟି ଜଏଣ୍ଟ୍‌ ବେସ୍‌ର ନୌସେନା ବିଭାଗରେ ହୋଇଛି। ଉଭୟ ସ୍ଥାନ ମଧ୍ୟରେ ଯଥେଷ୍ଟ ଦୂରତା ରହିଛି ବୋଲି ବାନାର୍ଜୀ କହିଛନ୍ତି।
ଆମେରିକା ରାଷ୍ଟ୍ରପତି ଦୌଡ଼ରୁ
ଆସନ୍ତା ବର୍ଷ ହେବାକୁ ଥିବା ଆମେରିକା ରାଷ୍ଟ୍ରପତି ନିର୍ବାଚନ ଦୌଡ଼ରୁ ଓହରିଯାଇଛନ୍ତି ଡେମୋକ୍ରାଟିକ୍‌ ପାର୍ଟିର ସାଂସଦ କମଲା ହ୍ୟାରିସ୍‌। ପ୍ରଥମ ଥର ପାଇଁ ଆମେରିକାର ସିନେଟ୍‌କୁ ନିର୍ବାଚିତ ହୋଇଥିବା ହ୍ୟାରିସ୍‌ ନିଜର ଖୋଲାଖୋଲି ମନ୍ତବ୍ୟ ପାଇଁ ବେଶ୍‌ ଚର୍ଚ୍ଚିତ ରହିଆସିଥିବା ବେଳେ ରାଷ୍ଟ୍ରପତି ଡୋନାଲ୍‌ଡ ଟ୍ରମ୍ପ୍‌ଙ୍କର ସେ ଜଣେ ବଡ଼ ସମାଲୋଚକ ଭାବେ ସାମ୍ନାକୁ ଆସିଛନ୍ତି। ୫୫ ବର୍ଷୀୟା ହ୍ୟାରିସ୍‌ ଡେମୋକ୍ରାଟିକ୍‌ ପାର୍ଟି ପାଇଁ ଯୁବପିଢ଼ିକୁ ପ୍ରଭାବିତ କରିବା ସହ ପାରମ୍ପରିକ ଭୋଟର୍‌ମାନଙ୍କୁ ଆପଣାଇବାରେ ସକ୍ଷମ ହେବେ ବୋଲି ଆଶା କରାଯାଉଥିଲା। ଗତ ଜୁନ୍‌ରେ ଅନୁଷ୍ଠିତ ଓପିନିଅନ୍‌ ପୋଲ୍‌ରେ ସେ ମଧ୍ୟ ବେଶ୍‌ ପ୍ରଭାବିତ କରିଥିଲେ। କିନ୍ତୁ ଏହାପରଠାରୁ ସେ ଅନ୍ୟାନ୍ୟ ପ୍ରାର୍ଥୀଙ୍କ ସହ ତାଳ ଦେଇ ପ୍ରଚାର କରିବାରେ ପଛରେ ପଡ଼ିଯାଇଥିଲେ ଓ ପ୍ରଚାର ପାଇଁ ଆବଶ୍ୟକ ଅର୍ଥ ସଂଗ୍ରହ କରିପାରି ନ ଥିଲେ।
ରୁଷ-ଭାରତ ଭାଗିଦାରୀରେ ଇସ୍ପାତ
ଭାରତୀୟ ଇସ୍ପାତ୍ ଏବଂ କୋଇଲା କ୍ଷେତ୍ରର ଏକ ବ୍ୟବସାୟିକ ପ୍ରତିନିଧିମଣ୍ଡଳୀଙ୍କ ସହ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ରୁଷର ନିବେଶ ଏବଂ ରପ୍ତାନୀ ଏଜେନ୍ସିର ସିଇଓ ଲିଓନିଡ୍ ପେତୁକୋଭ ଓ ପ୍ରତିନିଧିମଣ୍ଡଳୀ ମଧ୍ୟରେ ଗୁରୁତ୍ୱପୂର୍ଣ୍ଣ ବୈଠକ ନୂଆଦିଲ୍ଲୀରେ ଅନୁଷ୍ଠିତ ହୋଇଯାଇଛି । ଆଗାମୀ ଦିନରେ ରୁଷ ଏବଂ ଭାରତୀୟ ଇସ୍ପାତ ଶିଳ୍ପର ଭାଗିଦାରୀରେ ଉଲ୍ଲେଖନୀୟ ବୃଦ୍ଧି ଘଟିବ ବୋଲି ବୈଠକ ପରେ କହିଛନ୍ତି କେନ୍ଦ୍ର ପେଟ୍ରୋଲିୟମ୍‌ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଅନ୍ତର୍ଦେଶୀୟ ଏବଂ ବନ୍ଦରକୁ ବିକଶିତ କରିବା ପାଇଁ ଏହି କ୍ଷେତ୍ରରେ ପୁଞ୍ଜିନିବେଶ କରିବାକୁ ରୁଷ ସରକାରଙ୍କୁ ଅନୁରୋଧ କରିଥିଲେ ଧର୍ମେନ୍ଦ୍ର। ଏହାଦ୍ୱାରା ପରିବହନ ଖର୍ଚ୍ଚ ହ୍ରାସ ପାଇବ। ଏଥିପାଇଁ ଭାରତ ମଧ୍ୟ ପୂର୍ଣ୍ଣ ସମର୍ଥନ ଦେବ। ଯାହା ଫଳରେ ଦୁଇ ଦେଶ ଲାଭବାନ ହୋଇପାରିବ ବୋଲି ଧର୍ମେନ୍ଦ୍ର କହିଛନ୍ତି।
ଦ ମେଡିସିନ୍ସ କୋ.କୁ ୯.୭
ସ୍ବିଜରଲାଣ୍ଡ୍‌ ଭିତ୍ତିକ ହେଲ୍‌ଥକେୟାର୍‌ କମ୍ପାନୀ ନୋଭାର୍ଟିସ୍‌ ଏଜି ଆମେରିକାର ପ୍ରମୁଖ ବାୟୋଟେକ୍‌ନୋଲୋଜି କମ୍ପାନୀ ଦ ମେଡିସିନ୍ସ କୋ.ର ଅଧିଗ୍ରହଣ କରିବ। ଏ ବାବଦରେ ନୋଭାର୍ଟିସ୍‌କୁ ୯.୭ ବିଲିୟନ୍‌ ଡଲାର୍‌ ଅର୍ଥ ପଇଠ କରିବାକୁ ପଡ଼ିବ। ରବିବାର ଏ ନେଇ ନୋଭାର୍ଟିସ୍‌ ପକ୍ଷରୁ ସୂଚନା ଦିଆଯାଇଛି। କମ୍ପାନୀ ହୃଦ୍‌ରୋଗର ଚିକିତ୍ସା ପାଇଁ ଔଷଧ ପ୍ରସ୍ତୁତି ଦିଗରେ ନିଜର କ୍ଷେତ୍ରକୁ ପରିବ୍ୟାପ୍ତ କରିବା ଲକ୍ଷ୍ୟରେ ଥିବାରୁ ଆମେରିକୀୟ କମ୍ପାନୀକୁ ଅଧିଗ୍ରହଣ କରିଥିବା କହିଛି। ଏହି ଅଧିଗ୍ରହଣ ଫଳରେ ନୋଭାର୍ଟିସ୍‌ ଏହାର ପ୍ରତିଦ୍ବନ୍ଦ୍ବୀ କମ୍ପାନୀ ଆମ୍‌ଗେନ୍‌ ଇଙ୍କ୍‌ର ରେପାଥା ଓ ସାନୋଫିସ୍‌ ଓ ରେଗିନେରୋନ୍‌ ଫାମାସ୍ୟୁଟିକାଲ୍ସ ଇଙ୍କ୍‌ ପ୍ରାଲୁଣ୍ଟ୍‌ ଆଦିକୁ ଚ୍ୟାଲେଞ୍ଜ୍‌ ଦେଇପାରିବ ବୋଲି ଆଶା କରିଛି।
ସଞ୍ଜୁବାବାଙ୍କ ଗାର୍ଲଫ୍ରେଣ୍ଡ ନମ୍ବର ୩୦୯
ବଲିଉଡ୍‌ ଅଭିନେତା ସଞ୍ଜୟ ଦତ୍ତ ଆଜିକାଲି ନିଜ ଫିଲ୍ମ ‘ପାନୀପତ’ର ପ୍ରମୋସନରେ ବ୍ୟସ୍ତ ଅଛନ୍ତି। ଏଥିପାଇଁ ସେ କପିଲ ଶର୍ମାଙ୍କ ଶୋ’ରେ ପହଞ୍ଚିଥିଲେ। ଏଠାରେ କପିଲଙ୍କ କେତେକ ମଜାଦାର ପ୍ରଶ୍ନର ସଞ୍ଜୟ ଉତ୍ତର ଦେଇଥିଲେ। ସଞ୍ଜୟଙ୍କୁ କପିଲ ପଚାରିଥିଲେ ଯେ ସେ ପାନିପତ ଯୁଦ୍ଧ ସମ୍ପର୍କରେ ଜାଣିଥିଲେ କି? ଏହାର ଉତ୍ତରରେ ସଞ୍ଜୟ କହିଥିଲେ ଯେ ସେ ଇତିହାସ ପଢ଼ିଥିଲେ। କିନ୍ତୁ ନମ୍ବର ବହୁତ କମ୍‌ ଆସୁଥିଲା। କେବଳ ଇତିହାସ ନୁହେଁ, ସବୁ ବିଷୟରେ ତାଙ୍କର କମ୍‌ ନମ୍ବର ଆସୁଥିଲା ବୋଲି ସଞ୍ଜୟ କହିଥିଲେ। ଏହାପରେ କପିଲ ପଚାରିଥିଲେ ଯେ ସେ କେବେ ତାଙ୍କ ମାର୍କଶିଟ୍‌ରେ ପିତା ସୁନୀଲ ଦତ୍ତ ସାହେବଙ୍କ ଦସ୍ତଖତ କରିଛନ୍ତି କି? ଏହାର ଉତ୍ତରରେ ସଞ୍ଜୟ କହିଥିଲେ ଯେ ସେ ବହୁତ ଥର ତାଙ୍କ ବାପାଙ୍କ ଦସ୍ତଖତ ନକଲ କରିଛନ୍ତି। ଏପରିକି ମା’ ଓ ଟିଚରମାନଙ୍କ ଦସ୍ତଖତ ମଧ୍ୟ ନକଲ କରିଥିବା ସଞ୍ଜୟ କହିଥିଲେ।
ଭାରତ-ୱେଷ୍ଟଇଣ୍ଡିଜ୍ ଦିନିକିଆ: ବନ୍ଦ
ଆସନ୍ତା ୨୨ରେ କଟକ ବାରବାଟୀରେ ହେବାକୁ ଥିବା ଇଣ୍ଡିଆ-ଓ୍ବେଷ୍ଟଇଣ୍ଡିଜ୍ ମ୍ୟାଚ୍ ପରିଚାଳନା ନେଇ ସମୀକ୍ଷା କରିଛନ୍ତି କେନ୍ଦ୍ରାଞ୍ଚଳ ଆରଡିସି। ଏହି ବୈଠକରେ ଜିଲ୍ଲା ପ୍ରଶାସନ, କଟକ ମହାନଗର ନିଗମ, ଅଗ୍ନିଶମ ବିଭାଗ ସମେତ ବିଭିନ୍ନ ବିଭାଗୀୟ ଅଧିକାରୀମାନେ ଉପସ୍ଥିତ ରହିଥିଲେ। ତେବେ ଆସନ୍ତା ମ୍ୟାଚରେ ୭ ନମ୍ବର ଗ୍ୟାଲେରୀ ଅସୁରକ୍ଷିତ ଥିବାରୁ ସମ୍ପୂର୍ଣ୍ଣ ବନ୍ଦ କରାଯିବ ବୋଲି ନିଷ୍ପତ୍ତି ହୋଇଛି। ମ୍ୟାଚ‌୍‌ ସମୟରେ ବାରବାଟୀ ଷ୍ଟାଡିୟମ୍‌କୁ ପଲିଥିନ୍ ନେବା ଉପରେ ମଧ୍ୟ କଟକଣା ଜାରି କରାଯାଇଛି। ଷ୍ଟାଡିୟମକୁ ଯିବା ପୂର୍ବରୁ ଦର୍ଶକମାନଙ୍କୁ ପଲିଥିନ ଯାଞ୍ଚ କରାଯାଇ ଛଡ଼ାଯିବ ବୋଲି ପ୍ରଶାସନ ଓ ଓସିଏର ମିଳିତ ବୈଠକରେ ଏଭଳି ନିଷ୍ପତ୍ତି ହୋଇଛି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ମୁଖ୍ୟମନ୍ତ୍ରୀଙ୍କୁ ଅଣ୍ଡା ମାଡ଼ ଚେତାବନୀ
ପୁରୀ ନାବାଳିକା ଗଣଦୁଷ୍କର୍ମ ଘଟଣାକୁ ନେଇ ରାଜ୍ୟ ରାଜନୀତି ଉଠୁଛି ପଡ଼ୁଛି। ଏ ପ୍ରସଙ୍ଗରେ ସରକାରଙ୍କୁ ଘେରିଛନ୍ତି ଉଭୟ ବିରୋଧ କଂଗ୍ରେସ ଓ ବିଜେପି। ଗତ ଦୁଇ ଦିନ ଧରି ଆନ୍ଦୋଳନ ଜାରି ରଖିଛି କଂଗ୍ରେସ। ଘଟଣା ଦିନ ରାତି ଅଧରେ କଂଗ୍ରେସ କର୍ମୀମାନେ ନବୀନ ନିବାସ ଘେରାଉ କରିବାକୁ ଉଦ୍ୟମ କରିଥିବା ବେଳେ ବୁଧବାର ମଧ୍ୟ ଆନ୍ଦୋଳନକୁ ଜୋର୍‌ଦାର କରିଛନ୍ତି। ଛାତ୍ର କଂଗ୍ରେସ ପକ୍ଷରୁ ଘଟଣାର ଦୃଢ଼ ପ୍ରତିବାଦ କରାଯାଇଛି। ବୁଧବାର ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଭୁବନେଶ୍ୱର ସରକାରୀ ବାସଭବନ ଉପରକୁ ଟମାଟୋ ମାଡ଼ କରିଛି ଛାତ୍ର କଂଗ୍ରେସ। ଏହି ଘଟଣାରେ ମନ୍ତ୍ରୀଙ୍କ ଇସ୍ତଫା ଦାବି କରିବା ସହ ମୁଖ୍ୟମନ୍ତ୍ରୀଙ୍କ ଉପରକୁ ଅଣ୍ଡାମାଡ଼ କରିବାକୁ ଚେତାବନୀ ଦେଇଛି। ସାରା ରାଜ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଗୃହରାଷ୍ଟ୍ରମନ୍ତ୍ରୀ କ୍ୟାପ୍‌ଟେନ୍‌ ଦିବ୍ୟଶଙ୍କର ମିଶ୍ରଙ୍କୁ ଅଣ୍ଡାମାଡ଼ କରାଯିବ ବୋଲି ଚେତାବନୀ ଦେଇଛି ଯୁବ କଂଗ୍ରେସ। ଏଥିସହ ଭୁବନେଶ୍ୱରରେ ଦିବ୍ୟଶଙ୍କର ମିଶ୍ରଙ୍କୁ କାଳିମାଡ଼ କରାଯିବ ବୋଲି ଚେତାବନୀ ଦେଇଛି ଯୁବ କଂଗ୍ରେସ।
ବିଜେପି ମହିଳା ମୋର୍ଚ୍ଚାର ନବୀନ
ପୋଲିସ୍‌ କ୍ବାର୍ଟର୍ସରେ ଜଣେ ନାବାଳିକଙ୍କୁ ପୋଲିସ୍‌ କର୍ମଚାରୀ ଦୁଷ୍କର୍ମ କରିବା ଘଟଣାକୁ ୩ ଦିନ ବିତିଗଲାଣି। ଏହି ଘଟଣାରେ ପୋଲିସ୍‌ ୨ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ଏବେ ବି ୨ ଅଭିଯୁକ୍ତ ଫେରାର୍‌ ଅଛନ୍ତି। ଦୁଇ ଅଭିଯୁକ୍ତଙ୍କୁ ରିମାଣ୍ଡ ଏବଂ ପୀଡ଼ିତାଙ୍କୁ ପଚରାଉଚରା କରିବ ବୋଲି ପୁରୀ ଏସ୍‌ପି ଉମାଶଙ୍କର ଦାସ କହିଛନ୍ତି। ତେବେ ଏହି ଘଟଣାକୁ ନେଇ ଏବ ରାଜନୀତି ଜୋର୍‌ ଧରିଛି। ରାଜ୍ୟରେ ବଢ଼ୁଥିବା ନାରୀ ନିର୍ଯାତନାକୁ ନେଇ ରାଜରାସ୍ତାକୁ ଓହ୍ଲାଇଛି ବିଜେପି। ନାରୀଙ୍କ ସୁରକ୍ଷା ଦାବି କରି ନବୀନ ନିବାସ ଘେରାଉ କରିଛି ବିଜେପି ମହିଳା ମୋର୍ଚ୍ଚା। ପୁରୀରେ ଯୁବତୀଙ୍କୁ ଗଣ ଦୁଷ୍କର୍ମ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ ପଚାରିବାକୁ ନବୀନ ନିବାସ ଅଭିମୁଖେ ବାହାରିଥିବା ବିଜେପି ମହିଳା ମୋର୍ଚ୍ଚା ସହ ପୋଲିସ୍‌ର ଧସ୍ତାଧସ୍ତି ହୋଇଛି।
ଉନ୍ନାଓ ଦୁଷ୍କର୍ମ ପୀଡ଼ିତାଙ୍କୁ ଅଭିଯୁକ୍ତ
ଗତବର୍ଷ ବିଜେପି ସାଂସଦ କୁଲଦୀପ ସେନଗାର ଓ ତାଙ୍କର କେତେକ ସହଯୋଗୀ ଉନ୍ନାଓର ଜଣେ ଯୁବତୀଙ୍କୁ ଗଣଦୁଷ୍କର୍ମ କରି ଏବେ ଜେଲ୍‌ରେ ରହିଛନ୍ତି। ଏହି ମାମଲାର ଶୁଣାଣି ଆସନ୍ତା ୧୫ ତାରିଖରେ ସ୍ବତନ୍ତ୍ର କୋର୍ଟ ଦ୍ବାରା କରାଯିବାର ସମ୍ଭାବନା ରହିଛି। ତେବେ ଏହି ଘଟଣା ଲୋକଙ୍କ ମନରୁ ନ ଲିଭୁଣୁ ଉତ୍ତର ପ୍ରଦେଶର ଉନ୍ନାଓରେ ପୁଣି ଏକ ଜଘନ୍ୟ ଗଣଦୁଷ୍କର୍ମ ଓ ହତ୍ୟା ଉଦ୍ୟମ ଘଟଣା ସାମ୍ନାକୁ ଆସିଛି। ହାଇଦ୍ରାବାଦର ପ୍ରିୟଙ୍କା ରେଡ୍ଡୀଙ୍କୁ ୪ ଅଭିଯୁକ୍ତ ପୋଡ଼ି ମାରିଦେବା ଭଳି ଏହି ଘଟଣାରେ ଅଭିଯୁକ୍ତମାନେ ସମ୍ପୃକ୍ତ ଦୁଷ୍କର୍ମ ପୀଡ଼ିତାଙ୍କୁ ପୋଡ଼ି ହତ୍ୟା କରିବାକୁ ଉଦ୍ୟମ କରିଛନ୍ତି। ତେବେ ଦୁଷ୍କର୍ମ ପୀଡ଼ିତା ଜଣକ ବଞ୍ଚିଯାଇଛନ୍ତି ଓ ତାଙ୍କୁ ସମସ୍ତ ପ୍ରକାର ଚିକିତ୍ସା ସୁବିଧା ମାଗଣାରେ ଯୋଗାଇଦେବା ସକାଶେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିର୍ଦେଶ ଦେଇଛନ୍ତି। ଏଥିସହ ଏହି ମାମଲାର ତଦନ୍ତ ଉଚ୍ଚସ୍ତରୀୟ କମିଟି ଦ୍ବାରା କରାଇ ତୁରନ୍ତ ତଦନ୍ତ ରିପୋର୍ଟ ଦାଖଲ କରିବାକୁ ମଧ୍ୟ ମୁଖ୍ୟମନ୍ତ୍ରୀ ରାଜ୍ୟ ପୋଲିସ୍‌କୁ ନିର୍ଦେଶ ଦେଇଛନ୍ତି। ଗିରଫ ହୋଇସାରିଥିବା ୫ ଜଣଯାକ ଅଭିଯୁକ୍ତଙ୍କୁ କଠୋର ଦଣ୍ଡ ବିଧାନ କରାଯିବ ବୋଲି ମଧ୍ୟ ଯୋଗୀ ଭରସା ଦେଇଛନ୍ତି। ସମ୍ପୃକ୍ତ ପୀଡ଼ିତା ଜଣକ ଏବେ ଲକ୍ଷ୍ନୌର ଏକ ହସ୍ପିଟାଲ୍‌ରେ ଚିକିତ୍ସାଧୀନ ଅଛନ୍ତି।
ହାଇଦ୍ରାବାଦ ଗଣଦୁଷ୍କର୍ମର ବିଚାର
ଗତ ସପ୍ତାହରେ ହାଇଦ୍ରାବାଦରେ ଘଟିଥିବା ଲୋମହର୍ଷଣକାରୀ ପଶୁ ଡାକ୍ତରଙ୍କ ଗଣଦୁଷ୍କର୍ମ ଓ ହତ୍ୟା ଘଟଣାର ତଦନ୍ତ ଫାଷ୍ଟଟ୍ରାକ୍‌ କୋର୍ଟରେ କରାଯିବ। ଏଥିପାଇଁ ବୁଧବାର ତେଲେଙ୍ଗାନା ସରକାର ଫାଷ୍ଟଟ୍ରାକ୍‌ କୋର୍ଟ ଗଠନ କରିବା ସକାଶେ ନିର୍ଦେଶ ଦେଇଛନ୍ତି। ୨୬ ବର୍ଷୀୟା ପ୍ରିୟଙ୍କା ରେଡ୍ଡୀଙ୍କୁ ୪ ଜଣ ଦୁର୍ବୃତ୍ତ ଗତ ବୁଧବାର ରାତିରେ ଗଣଦୁଷ୍କର୍ମ କରିବା ସହ ସହର ଉପକଣ୍ଠସ୍ଥ ଏକ ନିର୍ଜନ ସ୍ଥାନରେ ତାଙ୍କୁ ପୋଡ଼ି ହତ୍ୟା କରିଥିଲେ। ମେହବୁବନଗରସ୍ଥିତ ପ୍ରଥମ ଅତିରିକ୍ତ ଜିଲ୍ଲା ଦୌରାଜଜ୍‌ କୋର୍ଟଙ୍କୁ ସ୍ବତନ୍ତ୍ର କୋର୍ଟ ଭାବେ ଏହି ମାମଲାର ତ୍ବରିତ ବିଚାର କରିବା ସକାଶେ ଦାୟିତ୍ବ ଦିଆଯାଇଛି ବୋଲି ବୁଧବାର ତେଲେଙ୍ଗାନା ଆଇନ ସଚିବ ଏସ. ସନ୍ତୋଷ ରେଡ୍ଡୀଙ୍କ ପକ୍ଷରୁ ପ୍ରକାଶିତ ନିର୍ଦେଶନାମାରୁ ଜଣାପଡ଼ିଛି। ଗତ ସୋମବାର ରାଜ୍ୟ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ମାମଲାର ବିଚାର ଫାଷ୍ଟ ଟ୍ରାକ୍‌ କୋର୍ଟରେ କରିବା ସକାଶେ ନିର୍ଦେଶ ଦେଇଥିଲେ। ଏହାପରେ ଆଇନ ବିଭାଗ ପକ୍ଷରୁ ରାଜ୍ୟ ହାଇକୋର୍ଟର ରେଜିଷ୍ଟ୍ରାର୍‌ଙ୍କୁ ଚିଠି ଲେଖାଯାଇଥିଲା। ୨୪ ଘଣ୍ଟା ଭିତରେ ହାଇକୋର୍ଟ ସ୍ବତନ୍ତ୍ର କୋର୍ଟ ଗଠନ କରିବା ସକାଶେ ଅନୁମତି ଦେଇଥିଲେ।

ଫଟୋ ଗ୍ୟାଲେରୀ

ସାହସୀ କର୍ମବୀର ସୁଧା ମୂର୍ତ୍ତି
ସାଧାରଣରୁ ଅସାଧାରଣ ପାଲଟିବା ପରେ ବି ସାଧାରଣ ଜୀବନଶୈଳୀ ଆପଣାଇବା ବେଶ୍‌ କାଠିକର ପାଠ। ଏହା କୌଣସି ବାହ୍ୟ ପରିସ୍ଥିତି ଦ୍ବାରା ପ୍ରଭାବିତ ହୋଇ ନ ଥିବାକୁ ବୁଝାଏ। ଏହାର ଜ୍ବଳନ୍ତ ନମୂନା ହେଉଛନ୍ତି ଇନ୍‌ଫୋସିସ୍‌ ଫାଉଣ୍ଡେସନ୍‌ର ଅଧ୍ୟକ୍ଷା ସୁଧା ମୂର୍ତ୍ତି। ପିତା ମାତାଙ୍କ ଅନିଚ୍ଛା ସତ୍ତ୍ବେ ଇଞ୍ଜିନିୟର ହେବା ପରେ ବି ତାଙ୍କ ଜୀବନ ଯାତ୍ରାର ପଥ ସହଜ ନ ଥିଲା। ତେବେ ନିଜ ଲକ୍ଷ୍ୟସ୍ଥଳୀରେ ପହଞ୍ଚିବା ପାଇଁ ଅଧ୍ୟବସାୟ, ଏକାଗ୍ର ଚିତ୍ତ ଓ ଦୃଢ଼ ମନୋଭାବ ତାଙ୍କୁ ବେଶ୍‌ ସାହାଯ୍ୟ କରିଥିଲା। ଇନ୍‌ଫୋସିସ୍‌ର ସହପ୍ରତିଷ୍ଠାତା ଏନ୍‌ଆର୍‌ ନାରାୟଣ ମୂର୍ତ୍ତିଙ୍କୁ ବିବାହ କରିବା ପରେ ବି ସୁଧା ନିଜର ସ୍ବତନ୍ତ୍ର ପରିଚୟ ରଖିପାରିଛନ୍ତି। ବିଶେଷକରି ମହିଳାଙ୍କୁ ସେମାନଙ୍କ ସମସ୍ୟା ପ୍ରତି ସଚେତନ କରାଇବା ଏବଂ ଅସହାୟଙ୍କୁ ଅକୁଣ୍ଠିତ ସାହାଯ୍ୟର ହାତ ବଢ଼ାଇବା ତାଙ୍କୁ ଅସାଧାରଣ ବ୍ୟକ୍ତିତ୍ବର ପରିଚୟ ଦେଇଛି। ଖାସ୍‌ ଏଥିପାଇଁ ସେ ଅନେକଙ୍କ ଲାଗି ପ୍ରେରଣାର ଉତ୍ସ ପାଲଟିଛନ୍ତି।
ସପ୍ତାହରେ ଥରେ ଜଙ୍କଫୁଡ୍‌ ଖାଇବା ଦରକାର
ଆପଣ ଯେମିତି ଶରୀର ଚାହୁଛନ୍ତି, ସେମିତି ଶରୀର ପାଇବା ସହଜ କଥା ନୁହେଁ। ଏଥିପାଇଁ ଅନେକ ପରିଶ୍ରମ କରିବାକୁ ପଡ଼ିଥାଏ। ଏଥିସହିତ ନିଜ ପସନ୍ଦର ଖାଦ୍ୟକୁ ତ୍ୟାଗ କରିବାକୁ ମଧ୍ୟ ପଡ଼ିଥାଏ। କାରଣ ପିଜ୍ଜା, ବର୍ଗର, ଫ୍ରାଏଜ୍‌, ଆଇସ୍‌କ୍ରିମ୍‌, ଚକୋଲେଟ୍‌ ଆଦି ଖାଇବା ଯେତିକି ସ୍ବାଦିଷ୍ଟ ହୋଇଥାଏ, ସେତିକି ଅସ୍ବାସ୍ଥ୍ୟକର ମଧ୍ୟ ହୋଇଥାଏ। ଏଥିସହିତ ଏସବୁ ଖାଦ୍ୟଠାରୁ ଦୂରେଇ ରହିବା ମଧ୍ୟ କଷ୍ଟକର ହୋଇଥାଏ। କିନ୍ତୁ କେତେକ ଜିନିଷ ପ୍ରତି ଧ୍ୟାନ ରଖି ଆପଣ ନିଜ ଫିଟ୍‌ନେସ୍‌ ଗୋଲ୍‌କୁ ମଧ୍ୟ ମେଣ୍ଟେନ୍‌ ରଖିପାରିବେ। ଏଥିସହିତ ଆପଣ ସ୍ବାଦିଷ୍ଟ ଜିନିଷକୁ ମଧ୍ୟ ଏନ୍‌ଜୟ କରିପାରିବେ। ଏହି କ୍ରମରେ ସପ୍ତାହରେ ଥରେ ଜଙ୍କ୍‌ଫୁଡ୍‌ ଖାଇବା ଦରକାର ବୋଲି କୁହାଯାଉଛି।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ