ବାଳିକାଙ୍କ ସର୍ବାଙ୍ଗୀନ ଉନ୍ନତି ଓ ଭାରତର ଜୈବ ବିବିଧତା

ମୋଦିଙ୍କ ସହ ଭାରତ-ପାକ୍‌ ଓ ଟ୍ରେଡ୍‌ ପ୍ରସଙ୍ଗରେ ଆଲୋଚନା କରିବେ ଟ୍ରମ୍ପ୍‌
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ଙ୍କ ଭାରତ ଗସ୍ତକୁ ନେଇ ପ୍ରସ୍ତୁତି ସୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ଟ୍ରମ୍ପ୍‌ ତାଙ୍କ ୩୪ ଘଣ୍ଟାର ଭାରତ ରହଣି କାଳରେ ଗୁଜରାଟର ଅହମଦାବାଦରୁ ଯାତ୍ରା ଆରମ୍ଭ କରିବେ। ଏହି ସମୟରେ ଦୁଇ ଦେଶର ରାଷ୍ଟ୍ରମୁଖ୍ୟଙ୍କ ମଧ୍ୟରେ କେଉଁ ପ୍ରସଙ୍ଗରେ ଆଲୋଚନା ହେବ ତାହାକୁ ନେଇ ଚର୍ଚ୍ଚା ଜୋର୍‌ ଧରିଛି। ଏହି ଅବସରରେ ଟ୍ରମ୍ପ୍‌ଙ୍କ ସହ ଗସ୍ତ କରିବକୁ ଥିବା ଜଣେ ପ୍ରମୁଖ ଅଧିକାରୀ କହିଛନ୍ତି ଯେ ଭାରତ-ପାକିସ୍ତାନ ସମ୍ପର୍କ ସ୍ଥାନ ପାଇବ। ଭାରତ ଓ ପାକିସ୍ତାନ ମଧ୍ୟରେ ଉତ୍ତର ସମ୍ପର୍କ ବଜାୟ ରହୁ ଟ୍ରମ୍ପ୍‌ ଚାହାନ୍ତି। ତେଣୁ ରାଷ୍ଟ୍ରପତି ଟ୍ରମ୍ପ୍‌ ତାଙ୍କ ଭାରତ ଗସ୍ତ କାଳରେ ଏନେଇ ତାଙ୍କର ବକ୍ତବ୍ୟ ରଖିବେ ବୋଲି କହିଛନ୍ତି।
ବାଳିକାଙ୍କ ସର୍ବାଙ୍ଗୀନ ଉନ୍ନତି ଓ ଭାରତର ଜୈବ ବିବିଧତା ଉପରେ ମୋଦିଙ୍କ ଗୁରୁତ୍ୱାରୋପ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ୬୨ ତମ ମନ୍‌ କୀ ବାତ୍‌ କାର୍ଯ୍ୟକ୍ରମରେ ଯୋଗଦେଇ ଦେଶରେ ବାଳିକାଙ୍କ ସର୍ବାଙ୍ଗୀନ ଉନ୍ନତି ଓ ଭାରତର ଜୈବ ବିବିଧତା ଉପରେ ଗୁରୁତ୍ୱାରୋପ କରିଛନ୍ତି। ମୋଦି କହିଛନ୍ତି, ଦେଶରେ ବାଳିକାଙ୍କ ସର୍ବାଙ୍ଗୀନ ଉନ୍ନତି ହେବାରେ ଲାଗିଛି। ସାମାଜିକ ବାଧାବିଘ୍ନକୁ ଅତିକ୍ରମ କହି ବାଳିକା ପ୍ରତିଟି କ୍ଷେତ୍ରରେ ଶିଖର ଛୁଇଁବାରେ ଲାଗିଛନ୍ତି। ଏହା ଭାରତ ପାଇଁ ଏକ ଗୌରବର ବିଷୟ। ଏହା ଭାରତ ଲାଗି ଏକ ନୂଆ ପରିବେଶ ସୃଷ୍ଟି କରୁଥିବା ସେ କହିଛନ୍ତି। ନୂଆ ଭାରତ ପଛକୁ ଫେରି ଚାହିଁବାକୁ ଇଛା ପ୍ରକାଶ କରୁନାହିଁ। ସେହିଭଳି ଯୁବବର୍ଗଙ୍କ ମଧ୍ୟରେ ବିଜ୍ଞାନ ଏବଂ ମହାକାଶକୁ ଦେଇ ଆଗ୍ରହ ପରିଲକ୍ଷିତ ହେଉଛି।
୨୦୨୦-୨୧ ଆର୍ଥିକ ବର୍ଷ ପାଇଁ
ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ମଙ୍ଗଳବାର ବିଧାନସଭାରେ ୨୦୨୦-୨୧ ଆର୍ଥିକ ବର୍ଷ ପାଇଁ ୧ ଲକ୍ଷ ୫୦ ହଜାର କୋଟି ଟଙ୍କାର ବଜେଟ୍‍ ଆଗତ କରିଛନ୍ତି। ଏଥି ମଧ୍ୟରେ ସ୍ୱତନ୍ତ୍ର ଭାବେ ଉପସ୍ଥାପିତ କୃଷି ବିଭାଗର ବଜେଟ୍‍ ଲାଗି ୧୯ ହଜାର ୪୦୮ କୋଟି ଟଙ୍କାର ବ୍ୟବସ୍ଥା ରହିଛି। ତେବେ ଚଳିତବର୍ଷ ଆଉ ପାରମ୍ପରିକ ଭାବେ ଅର୍ଥମନ୍ତ୍ରୀ ବଜେଟ୍‍ ପୁସ୍ତିକା ଥିବା ଆଟାଚ ଧରି ମୁଖ୍ୟମନ୍ତ୍ରୀଙ୍କ ପ୍ରକୋଷ୍ଠକୁ ଯାଇ ନ ଥିଲେ କିମ୍ବା ବିଧାନସଭାରେ ଆଟାଚ ଖୋଲାଯାଇ ନ ଥିଲା। ଏଥିର ବଜେଟ୍‍ ଉପସ୍ଥାପନ ପୂର୍ବରୁ ମୁଖ୍ୟମନ୍ତ୍ରୀଙ୍କୁ ବଜେଟ୍‍ ଥିବା ପେ ନ୍‍ଡ୍ରାଇଭ ଦେଇଥିଲେ ଅର୍ଥମନ୍ତ୍ରୀ। ସେହିଭଳି ଗୃହରେ ଆଇପାଡ୍‍ ଦେଖି ଅର୍ଥମନ୍ତ୍ରୀ ବଜେଟ୍‍ ଭାଷଣ ପଢିଥିବାବେଳେ ପ୍ରତ୍ୟେକ ସଦସ୍ୟଙ୍କୁ ମଧ୍ୟ ନୂଆ ଆଇପାଡ୍‍ ଦିଆଯାଇଥିଲା। ତେବେ ଗ୍ରୀନ୍‌ ବଜେଟ୍‌ ପାଇଁ ଇ-ବଜେଟ୍‌ କରିବାରେ ଓଡ଼ିଶା ହେଉଛି ଦେଶରେ ୨ୟ ରାଜ୍ୟ। ବଜେଟ୍‌ରେ ପୁଞ୍ଜିନିବେଶ, ପର୍ଯ୍ୟଟନର ବିକାଶ, ଭିତ୍ତିଭୂମି ଉନ୍ନୟନ ଓ ରୂପାନ୍ତରଣ ଉପରେ ଗୁରୁତ୍ୱ ଦିଆଯାଇଛି। ଦେଶରେ ଓଡ଼ିଶା ପ୍ରଥମ ରାଜ୍ୟ ଭାବେ ୫୫୪୩ କୋଟି ଟଙ୍କାର ‘ନ୍ୟୁଟ୍ରିସନ୍ ବଜେଟ୍‌’ ଆଗତ କରିବା ସହ ଚାଇଲ୍ଡ ବଜେଟ୍ ଓ ଜେଣ୍ଡର ବଜେଟ୍ ଆଗତ କରିଛି।
କୃଷକଙ୍କ ପାଇଁ ୧୯ ହଜାର ୪୦୮
ମଙ୍ଗଳବାର ବିଧାନସଭାରେ ଆଗତ ହୋଇଛି ୨୦୨୦-୨୧ ଆର୍ଥିକ ବର୍ଷପାଇଁ ସାଧାରଣ ବଜେଟ୍‌। ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଏହି ବଜେଟ୍‌ ଉପସ୍ଥାପନ କରିଛନ୍ତି। ପୂର୍ବବର୍ଷ ପରି ଏଥର ମଧ୍ୟ ସ୍ବତନ୍ତ୍ର ଭାବେ କୃଷି ବଜେଟ୍‌ ଉପସ୍ଥାପିତ ହୋଇଛି। ଚଳିତ ବଜେଟ୍‌ରେ କୃଷି ଓ କୃଷକଙ୍କ ଉପରେ ଫୋକସ୍ କରାଯାଇଛି। ଚଳିତ ୨୦୨୦-୨୧ ଆର୍ଥିକ ବର୍ଷ ପାଇଁ ବିଧାନସଭାରେ ବଜେଟ୍‌ ଉପସ୍ଥାପନା କଲାବେଳେ କୃଷକଙ୍କ ପାଇଁ ବଡ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ। ତେବେ କୃଷି ପାଇଁ ଚଳିତ ବର୍ଷ ୧୯, ୪୦୮ କୋଟି ଟଙ୍କା ବ୍ୟୟ ବରାଦ ହୋଇଛି। କୃଷକଙ୍କ ଆୟକୁ ଆହୁରି ଦ୍ୱିଗୁଣିତ କରିବା ପାଇଁ ‘ସମୃଦ୍ଧି କୃଷିନୀତି ୨୦୨୦’ ଘୋଷଣା କରାଯାଇଛି। ଏହା ଦ୍ୱାରା ଚାଷୀଙ୍କ ଆୟ ସ୍ଥିର ହେବା ସହ ଆୟ ବୃଦ୍ଧି ହୋଇପାରିବ ବୋଲି ଆଶା ରଖିଛନ୍ତି ରାଜ୍ୟ ସରକାର। ରାଜ୍ୟରେ ଖାଦ୍ୟ ଉତ୍ପାଦନ ବହୁଗୁଣିତ ହୋଇ ପୋଷଣୀୟ ସ୍ତରରେ ପହଞ୍ଚି ସାରିଛି। କୃଷକମାନଙ୍କ କଠିନ ପରିଶ୍ରମ ଯୋଗୁ ରାଜ୍ୟ ୨୦୧୩-୧୪ ଠାରୁ ୫ ଥର ପାଇଁ କୃଷି କର୍ମଣ ପୁରସ୍କାର ପାଇ ଆସୁଛି।
ଦିନିକିଆରେ ପୁଣି ହାରିଲା ଭାରତ
ଚଳିତ ଦିନିକିଆ ସିରିଜ୍‌ରେ ଭାରତର ପରାଜୟ ଧାରା ଜାରି ରହିବା ଫଳରେ ଘରୋଇ ନ୍ୟୁଜିଲାଣ୍ଡ୍‌ ଟି-୨୦ ସିରିଜ୍‌ର ବଦ୍‌ଲା ନେଇପାରିଛି। ପୂର୍ବରୁ ୨ଟି ମ୍ୟାଚ୍‌ ଜିତି ନ୍ୟୁଜିଲାଣ୍ଡ୍‌ ଦିନିକିଆ ସିରିଜ୍‌ ଉପରେ କବ୍‌ଜା କରିସାରିଥିବା ବେଳେ ମଙ୍ଗଳବାର ଖେଳାଯାଇଥିବା ସିରିଜ୍‌ର ତୃତୀୟ ତଥା ଚୂଡ଼ାନ୍ତ ମ୍ୟାଚ୍‌କୁ ୫ ୱିକେଟ୍‌ରେ ଜିତିନେଇଛି। ଫଳରେ ଦଳ ୩-୦ରେ ସିରିଜ୍‌ ପୋଛିନେଇଛି। ପ୍ରଥମେ ବ୍ୟାଟିଂ ପାଇ ଭାରତ ୭ ୱିକେଟ୍‌ ବିନିମୟରେ ୨୯୬ ରନ୍‌ କରିଥିବା ବେଳେ ଜବାବରେ ନ୍ୟୁଜିଲାଣ୍ଡ୍‌ ହାତରେ ୫ଟି ୱିକେଟ୍‌ ଓ ୧୭ଟି ବଲ୍‌ ବାକି ଥିବା ବେଳେ ଲକ୍ଷ୍ୟସ୍ଥଳରେ ପହଞ୍ଚିଯାଇଥିଲା। ଓପନର ହେନ୍‌ରୀ ନିକୋଲ୍ସ ମ୍ୟାନ୍‌ ଅଫ୍ ଦ ମ୍ୟାଚ୍‌ ଓ ଭେଟେରାନ୍‌ ବ୍ୟାଟ୍ସମ୍ୟାନ୍‌ ରସ୍‌ ଟେଲର୍‌ ମ୍ୟାନ୍‌ ଅଫ୍ ଦ ସିରିଜ୍ ବିବେଚିତ ହୋଇଛନ୍ତି। ଉଭୟ ଦଳ ମଧ୍ୟରେ ଆସନ୍ତା ୨୧ରୁ ଦୁଇ ମ୍ୟାଚ୍‌ ବିଶିଷ୍ଟ ଟେଷ୍ଟ୍‌ ସିରିଜ୍‌ ୱେଲିଂଟନ୍‌ଠାରେ ଆରମ୍ଭ ହେବ।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ତାଲିବାନ-ଆମେରିକାର ଶାନ୍ତି ଚୁକ୍ତି ବଢ଼ାଇବ ଭାରତର ସମସ୍ୟା!
ଆଫଗାନିସ୍ତାନର ଆତଙ୍କବାଦୀ ସଂଗଠନ ତାଲିବାନ ସହିତ ଆମେରିକା ଶାନ୍ତି ଚୁକ୍ତି କରିବା ଲାଗି ଯୋଜନା କରିଛି। ଫେବ୍ରୁୟାରୀ ୨୯ରେ ଏହି ଚୁକ୍ତି ହେବ ବୋଲି କୁହାଯାଉଛି। ଇତିମଧ୍ୟରେ ଫେବ୍ରୁୟାରୀ ୨୨ଠାରୁ ଯୁଦ୍ଧ ବିରତି ଆରମ୍ଭ ହୋଇଥିବା ଆଫଗାନିସ୍ତାନ ରାଷ୍ଟ୍ରୀୟ ସୁରକ୍ଷା ସମିତି ପ୍ରବକ୍ତା ଜାବେଦ୍‌ ଫୈସଲ ସୂଚନା ଦେଇଛନ୍ତି। ଆମେରିକା ସୈନ୍ୟ ଏବଂ ତାଲିବାନ ମଧ୍ୟରେ କ୍ରମାଗତ ହିଂସା କମିବାରେ ଲାଗିଥିବା ସେ କହିଛନ୍ତି। ତେବେ ଏହି ଶାନ୍ତି ଚୁକ୍ତି ଦ୍ୱାରା ଭାରତର ସମସ୍ୟା ବଢ଼ିବ ବୋଲି ଆନୁମାନ କରାଯାଉଛି। ତାଲିବାନ ଯୋଗୁ ଆଫଗାନିସ୍ତାନର ନବନିର୍ବାଚିତ ସରକାରଙ୍କ ପାଇଁ ସଙ୍କଟ ସୃଷ୍ଟି ହେବାର ଆଶଙ୍କା ରହିଛି। ଏଭଳି ହେଲେ ଭାରତର କେତେକ ପରିଯୋଜନା ପ୍ରଭାବିତ ହେବ। ଫଳରେ ପଶ୍ଚିମ ଏସିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ କାର୍ଯ୍ୟଧାରାରେ ବାଧା ଉପୁଜିବା ଆଶଙ୍କା ରହିବ।

ଫଟୋ ଗ୍ୟାଲେରୀ

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ