ଭାରତରେ ୨୪ ଘଣ୍ଟାରେ ୭୯୬୪ ଆକ୍ରାନ୍ତ: ୧.୭୩

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟାରେ ସର୍ବାଧିକ ସଂଖ୍ୟାରେ ଲୋକ କୋରୋନା ଆକ୍ରାନ୍ତ ହୋଇଛନ୍ତି। ଯଦିଓ ଏହି ଧାରା ଗତ କେଇ ଦିନ ହେଲା ଦେଖିବାକୁ ମିଳିଛି, ତଥାପି ସ୍ବାସ୍ଥ୍ୟ ମନ୍ତ୍ରାଳୟ ତଥ୍ୟ ଅନୁସାରେ ଦିନକ ମଧ୍ୟରେ ୭୯୬୪ ଜଣ କୋରୋନା ଆକ୍ରାନ୍ତ ହୋଇଛନ୍ତି। ସେହିପରି ଭାବେ ଦିନକରେ ମଧ୍ୟ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୨୬୫କୁ ବଢ଼ିଛି। ଏହା ମଧ୍ୟ ଗୋଟିଏ ଦିନରେ ସର୍ବାଧିକ ବୋଲି ରେକର୍ଡ ହୋଇଛି। ଶନିବାର ସକାଳ ସୁଦ୍ଧା ଦେଶରେ କୋରୋନା ସଂକ୍ରମିତଙ୍କ ସଂଖ୍ୟା ୧ ଲକ୍ଷ ୭୩ ହଜାର ୭୬୩ ହୋଇଥିଲା ବେଳେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୪ ହଜାର ୯୭୧ ହୋଇଛି। ୮୨ ହଜାର ୩୭୦ ଜଣ ଆକ୍ରାନ୍ତ ସୁସ୍ଥ ହୋଇଥିଲା ବେଳେ ୮୬ ହଜାର ୪୨୨ ଜଣ ଆକ୍ରାନ୍ତ ବିଭିନ୍ନ ହସ୍ବିଟାଲରେ ଚିକିତ୍ସିତ ହେଉଛନ୍ତି।

ପାକିସ୍ତାନରେ ହିଜବୁଲ୍ ମୁଖ୍ୟ ଉପରେ ଆକ୍ରମଣ,

ଇସଲାମାବାଦ: ପାକିସ୍ତାନ ଭିତ୍ତିକ ଆତଙ୍କୀ ସଂଗଠନ ହିଜବୁଲ୍ ମୁଜାହିଦ୍ଦିନ୍ ମୁଖ୍ୟ ସୟଦ୍ ସଲାହୁଦ୍ଦିନ୍ ଗତ ୨୫ ତାରିଖରେ ପାକିସ୍ତାନ ରାଜଧାନୀ ଇସଲାମାବାଦଠାରେ ଆକ୍ରମଣର ଶିକାର ହୋଇଛି। ଏହି ଆତଙ୍କୀ ପ୍ରମୁଖ ଉପରେ କୌଣସି ଅଜଣା ଦୁର୍ବ୍‌ତ୍ତ ଆକ୍ରମଣ କରିଥିବା ବେଳେ ସେ ଗୁରୁତର ଭାବେ ଆହତ ହୋଇଥିବା ଜଣାପଡ଼ିଛି। ଏହି ଆକ୍ରମଣ ପାଇଁ କୌଣସି ସଂଗଠନ ନିଜକୁ ଦାୟୀ କରି ନ ଥିଲେ ହେଁ ପାକିସ୍ତାନର ଗୁଇନ୍ଦା ସଂସ୍ଥା ଆଇଏସ୍ଆଇ ସଲାହୁଦ୍ଦିନ୍ ଉପରେ ହୋଇଥିବା ଆକ୍ରମଣର ମୁଖ୍ୟ କାର୍ପଟଦାର ବୋଲି ସନ୍ଦେହ କରାଯାଉଛି। ଏହି ଆକ୍ରମଣ ସଲାହୁଦ୍ଦିନକୁ ଜୀବନରେ ମାରିଦେବାକୁ ହୋଇ ନ ଥିଲା। କେବଳ ତାକୁ ବୁଦ୍ଧି ଶିଖାଇବାକୁ କରାଯାଇଥିବା ଏକ ନିର୍ଦ୍ଦିଷ୍ଟ ସୂତ୍ରରୁ ସୂଚନା ଦିଆଯାଇଛି। ଏହି ଆକ୍ରମଣ ଘଟଣା ପରେ ସଲାହୁଦ୍ଦିନକୁ ଏକ ନିରାପଦ ସ୍ଥାନକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି।
କଥାବାର୍ତ୍ତା ପାଇଁ ନେପାଳର ପ୍ରୟାସ, ବିଶ୍ବାସଭାଜନ ହେବା ଦରକାର କହିଲା ଭାରତ
ସୀମାନ୍ତରେ ନେପାଳ ସହ ଦେଖାଦେଇଥିବା ବିବାଦକୁ ନେଇ ଦ୍ବିପାକ୍ଷିକ ଆଲୋଚନା କରିବା ସକାଶେ ପ୍ରଥମେ ବିଶ୍ବାସଭାଜନ ହେବା ଦରକାର ବୋଲି ବୈଦେଶିକ ବିଭାଗ ପକ୍ଷରୁ କୁହାଯାଇଛି। ନେପାଳ ସଚିବ ସ୍ତରୀୟ ଆଲୋଚନା ପାଇଁ ଉଦ୍ୟମ ଆରମ୍ଭ କରିଥିଲେ ବି ଭାରତ ଏନେଇ ସହମତି ଜଣାଇ ନାହିଁ। ସୀମାନ୍ତ କଳାପାଣିକୁ ନେଇ ନେପାଳ ବିବାଦୀୟ ପରିସ୍ଥିତି ସୃଷ୍ଟି କରିଥିଲା ବେଳେ ଭାରତ ସରକାର ଏନେଇ ମାପିଚୁପି ମନ୍ତବ୍ୟ ରଖୁଛନ୍ତି। ନେପାଳର କେପି ଶର୍ମା ଓଲି ସରକାର କଳାପାଣିକୁ ନେଇ ସଂସଦରେ ପ୍ରସ୍ତାବ ଆଗତ କରିବେ ବୋଲି କହିଥିଲେ ବି ଶେଷ ପର୍ଯ୍ୟାୟରେ ଏହି ନିଷ୍ପତ୍ତିରୁ ଦୂରେଇ ରହି ଭାରତ ସହ ଆଲୋଚନା କରିବା ପାଇଁ ଉଦ୍ୟମ ଆରମ୍ଭ କରିଛନ୍ତି। ଦେଶର ପ୍ରମୁଖ ବିରୋଧୀ ନେପାଳୀ କଂଗ୍ରେସ ମଧ୍ୟ ସେଠାକାର ସରକାରଙ୍କ ନିଷ୍ପତ୍ତିକୁ ସମର୍ଥନ କରିବ ବୋଲି କହିଥିଲେ ବି ପ୍ରସ୍ତାବକୁ ସମର୍ଥନ କରିବା ନିଷ୍ପତ୍ତି ପାଇଁ ଅଧିକ ସମୟ ଚାହିଁଛି।
ପୁଣି ସୋନୁଙ୍କ କମାଲ: ୧୭୭ ଓଡ଼ିଆ ଝିଅଙ୍କୁ କଲେ ଏୟାରଲିଫ୍ଟ
କୋରୋନା ଭାଇରସକୁ ବ୍ୟାପିବାରେ ରୋକିବା ପାଇଁ ଦେଶବ୍ୟାପୀ ଲକଡାଉନ ଚାଲିଥିବାବେଳେ ଜୀବିକା ହରାଇ ନିଜ ନିଜ ଘରକୁ ଫେରି ଯିବାକୁ ବ୍ୟାକୁଳ ହେଉଛନ୍ତି ପ୍ରବାସୀ ଶ୍ରମିକ। କିଏ ଚାଲିଚାଲି ତ ଆଉ କିଏ ସାଇକେଲରେ। ଯିଏ ଯେମିତି ପାରୁଛି ଭିଟାମାଟିକୁ ଫେରିଯିବାକୁ ଉଦ୍ୟମ ଜାରି ରଖିଛି। କିଏ ଏଥିରେ ସଫଳ ହେଉଛି ତ ଆଉ କିଏ ଘରକୁ ଫେରିବା ପାଇଁ ସ୍ଥାନୀୟ ପ୍ରଶାସନଙ୍କଠାରୁ ଆରମ୍ଭ କରି ସରକାରଙ୍କ ପର୍ଯ୍ୟନ୍ତ ଗୁହାରି କରୁଛନ୍ତି। ଏଭଳି ଏକ ବିପଦ ସମୟରେ ସେମାନଙ୍କ ପାଇଁ ଦେବଦୂତ ପାଲଟିଛନ୍ତି ଅଭିନେତା ସୋନୁ ସୁଦ। ମୁମ୍ବାଇର ଶେଷ ଶ୍ରମିକ ଘରେ ନ ପହଞ୍ଚିବା ଯାଏ ସେ ତାଙ୍କର ଏହି କାମ ଜାରି ରଖିବେ ବୋଲି ସୋନୁ ପଣ କରିଛନ୍ତି। ତେବେ କେବଳ ମୁମ୍ବାଇରୁ ନୁହେଁ, ଯିଏ ଯେଉଁଠୁ ତାଙ୍କୁ ଅନୁରୋଧ କରୁଛନ୍ତି ସେମାନଙ୍କୁ ମଧ୍ୟ ଘରେ ପହଞ୍ଚାଇବାରେ ସେ ସାହାଯ୍ୟ କରୁଛନ୍ତି। ସୋନୁ ପରଦାରେ ସିନା ଖଳନାୟକ ଚରିତ୍ରରେ ଅଭିନୟ କରନ୍ତି, କିନ୍ତୁ ପ୍ରତ୍ୟେକକ ହୃଦୟରେ ଏବେ ସେ ପ୍ରକୃତ ହିରୋ ପାଲଟିଛନ୍ତି। ଗରିବ ତଥା ଶ୍ରମିକଙ୍କୁ କେବଳ ଘରେ ପହଞ୍ଚାଇବା କାମ ନୁହେଁ, ଏଥିସହିତ ସେ ସେମାନଙ୍କ ପାଇଁ ଖାଦ୍ୟ ବ୍ୟବସ୍ଥା କରୁଥିବା ମଧ୍ୟ ଦେଖିବାକୁ ମିଳୁଛି।
କୋହଲିଙ୍କଠୁ ସଚିନ ଶ୍ରେଷ୍ଠ: ଗୌତମ ଗମ୍ଭୀର
କ୍ରିକେଟରେ କିଏ ଶ୍ରେଷ୍ଠ, ତାହାର ତୁଳନାତ୍ମକ ବିଶ୍ଲେଷଣ ଏତେ ସହଜ କଥା ନୁହେଁ। କିଏ ଶ୍ରେଷ୍ଠ ଚୟନ କରିବା ଏକ କଷ୍ଟକର ଓ ବିବାଦୀୟ ପ୍ରସଙ୍ଗ। ତଥାପି ଏହାରି ଭିତରେ କେହି କେହି ଏପରି ତୁଳନାତ୍ମକ ମନ୍ତବ୍ୟ ଦେବା ନଜରକୁ ଆସିଥାଏ। ଠିକ ଏହିପରି ଭାବେ କ୍ରିକେଟରରୁ ସାଂସଦ ହୋଇଥିବା ଗୌତମ ଗାମ୍ଭୀର ଏକ ତୁଳନାତ୍ମକ ବିଶ୍ଲେଷଣ ଜରିଆରେ ସଚିନ ତେନ୍ଦୁଲକରଙ୍କୁ ବିରାଟ କୋହଲିଙ୍କ ଠାରୁ ଆଗରେ ରଖିଛନ୍ତି। ତାଙ୍କ କହିବା କଥା ହେଲା ସଚିନ ଯେଉଁପରି ଦୀର୍ଘ ବର୍ଷ ଧରି କ୍ରିକେଟ ପଡ଼ିଆରେ ତିଷ୍ଠି ରହିଲେ ଓ ତାଙ୍କ ସମୟର କ୍ରିକେଟ ନିୟମରେ ସଫଳତା ପାଇଲେ ତାହା ବର୍ତ୍ତମାନର ସ୍ଥିତି ଠାରୁ ନିଆରା। ତେଣୁ ତାଙ୍କ ବିଚାରରେ ବର୍ତ୍ତମାନର ଶ୍ରେଷ୍ଠ ବ୍ୟାଟ୍ସମାନ କୋହଲିଙ୍କ ଠାରୁ ସଚିନ ଆଗରେ।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ଚୀନ ବିବାଦ ପ୍ରସଙ୍ଗ: ଟ୍ରମ୍ପଙ୍କ ମଧ୍ୟସ୍ଥତା ପ୍ରସ୍ତାବକୁ ଭାରତର ପ୍ରତ୍ୟାଖାନ
ଚୀନ୍ ସହ ବିବାଦର ସମାଧାନ ଲାଗି ମଧ୍ୟସ୍ଥତା କରିବାକୁ ଆମେରିକାର ରାଷ୍ଟ୍ରପତି ଡୋନାଲଡ୍ ଟ୍ରମ୍ପ ଦେଇଥିବା ପ୍ରସ୍ତାବକୁ ଭାରତ ପ୍ରତ୍ୟାଖ୍ୟାନ କରିଛି। ଭାରତ ନିଜେ ଏହାର ସମାଧାନ କରିବାକୁ ସକ୍ଷମ ଏବଂ ଦ୍ୱିପାକ୍ଷିକ ପ୍ରସଙ୍ଗରେ କୌଣସି ୩ୟ ପକ୍ଷର ହସ୍ତକ୍ଷେପ ଆବଶ୍ୟକ ନ ଥିବା କହିଛି। ଏନେଇ ଗଣମାଧ୍ୟମକୁ ସୂଚନା ଦେଇ ବୈଦେଶିକ ବ୍ୟାପାର ମନ୍ତ୍ରାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ କୂଟନୈତିକ ସ୍ତରରେ ସମସ୍ୟାର ସମାଧାନ ଲାଗି ନୂଆଦିଲ୍ଲୀ ଏବଂ ବେଜିଂ ଉଦ୍ୟମ ଜାରି ରଖିଛନ୍ତି। ଉପୁଜିଥିବା ସ୍ଥିତିର ଶାନ୍ତିପୂର୍ଣ୍ଣ ସମାଧାନ ପାଇଁ ଦୁଇ ରାଷ୍ଟ୍ର ନିୟୋଜିତ। ଭାରତୀୟ ସେନା କର୍ତ୍ତବ୍ୟନିଷ୍ଠ ଭାବେ ଦେଶର ସାର୍ବଭୌମତ୍ୱ ବଜାୟ ରଖିବା ନେଇ କାର୍ଯ୍ୟ କରୁଛି।
ୱାର୍କ ଫ୍ରମ୍ ହୋମର ସବୁଠାରୁ ବଡ଼ ସମସ୍ୟା କମ୍ପ୍ୟୁଟର ଭିଜନ ସିଣ୍ଡ୍ରୋମ
କୋରୋନା ଭାଇରସ କାରଣରୁ ୬୦ ପ୍ରତିଶତ କମ୍ପାନୀର କର୍ମଚାରୀ ଘରୁ ନିଜ କାମ କରୁଛନ୍ତି। ଏମିତିରେ ଦେଖିବାକୁ ଗଲେ, ଅଫିସ ଯାଇ କାମ କରିବା ତୁଳନାରେ ଘରେ ରହି କାମ କଲେ ଅଧିକ ସମୟ କାମ କରିବାକୁ ପଡ଼ିଥାଏ। ଏବେ ଯେତେବେଳେ କାମ ଅଧିକ କରିବାକୁ ପଡ଼ିଥାଏ, ସେତେବେଳେ କମ୍ପ୍ୟୁଟର ସମ୍ମୁଖରେ ଅଧିକ ସମୟ ବସିବାକୁ ପଡ଼ିଥାଏ। ଏହି କାରଣରୁ ଅନେକ ଲୋକଙ୍କୁ ମୁଣ୍ଡବିନ୍ଧା, ମୁଣ୍ଡ ବୁଲାଇବା, ଆଖି ସମ୍ବନ୍ଧୀୟ ସମସ୍ୟାର ସାମ୍ନା କରିବାକୁ ପଡ଼ିଥାଏ। ଏହାକୁ ଇଂରାଜୀ ଭାଷାରେ କମ୍ପ୍ୟୁଟର ଭିଜନ ସିଣ୍ଡ୍ରୋମ କୁହାଯାଏ। ଏହି ସମସ୍ୟା ୭ରୁ ୮ ଘଣ୍ଟା ପର୍ଯ୍ୟନ୍ତ କମ୍ପ୍ୟୁଟର ସାମ୍ନାରେ ବସି କାମ କରିବା ଦ୍ବାରା ହୋଇଥାଏ। ଚାଲନ୍ତୁ ଜାଣିବା ଏ ସମ୍ପର୍କରେ।

ଫଟୋ ଗ୍ୟାଲେରୀ

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

ଘରୋଇ ଉପାୟ ଆପଣାଇ ଚମକାନ୍ତୁ ହଳଦିଆ ପଡ଼ିଯାଇଥିବା ଦାନ୍ତ
କେବଳ ଖାଦ୍ୟ ଚୋବାଇବାରେ ନୁହେଁ , ସୌନ୍ଦର୍ଯ୍ୟ ବଢ଼ାଇବାରେ ମଧ୍ୟ ଦାନ୍ତ ସାହାଯ୍ୟ କରିଥାଏ କିନ୍ତୁ ସିଗାରେଟ୍, ମଦ, ଅଧିକ ମିଠା ଖାଦ୍ୟ, ବ୍ରଶ୍ ନ କରି ଖାଦ୍ୟ ଖାଇବା, ଦାନ୍ତକୁ ଠିକ ଭାବେ ସଫା ନ କରିବା ଓ ଖରାପ ଖାଦ୍ୟପେୟ ପାଇଁ ଏହା ହଳଦିଆ ପଡ଼ି ଯାଇଥାଏ। ଫଳରେ ହସିବା ବେଳେ ଆପଣ ଲଜ୍ଜା ଅନୁଭବ କରିଥାନ୍ତି। ଏଥିରୁ ମୁକ୍ତି ପାଇବା ଲାଗି ଲୋକେ ରସାୟନିକ ଜିନିଷ ବ୍ୟବହାର କରିଥାନ୍ତି। ଫଳରେ ଦାନ୍ତ ଦୁର୍ବଳ ହୋଇଯାଇଥାଏ। କେତେକ ଲୋକ ଏଥିପାଇଁ କେବଳ ଟୁଥପେଷ୍ଟ ପରିବର୍ତ୍ତନ କରିଥାନ୍ତି। କିନ୍ତୁ ଏହା କୌଣସି ପ୍ରଭାବ ପକାଏ ନାହିଁ। ଯଦି ଆପଣ ମଧ୍ୟ ଦାନ୍ତର ହଳଦିଆ ପଣ ଦୂର କରିବାକୁ ଚାହୁଛନ୍ତି ତେବେ କେତେକ ଘରୋଇ ଉପାୟ ଅବଲମ୍ବନ କରିପାରିବେ। ଯାହାଫଳରେ ଆପଣଙ୍କ ଦାନ୍ତ ମୋତି ଭଳି ଚମକି ଉଠିବ।