Pratinidhi Odia

ମ୍ୟାଲେରିଆରେ ଘାଣ୍ଟି ହେଉଥିବା କୋରାପୁଟରେ ବାଜିବ ଘଣ୍ଟ


କୋରାପୁଟ: ଜିଲ୍ଲାରେ ମ୍ୟାଲେରିଆ କାୟା ବିସ୍ତାର କରିଛି । ପ୍ରତି ହଜାରେ ଜନସଂଖ୍ୟାରେ ୨୯ଜଣ ଏହି ରୋଗରେ ପ୍ରାଣପୀଡ଼ା ଭୋଗୁଛନ୍ତି । ରାଜ୍ୟରେ ଏହି ସଂଖ୍ୟା ୧୦ ଥିବାବେଳେ କୋରାପୁଟରେ ଏହା ୨୯ । ଜିଲ୍ଲା ପ୍ରଶାସନ ମ୍ୟାଲେରିଆ ନିରାକରଣ ପାଇଁ ନୂଆ ଏକ ଯୋଜନା ହାତକୁ ନେଇଛି । ଏପିଆଇ-୧୦ ନାମକ ଏହି ଯୋଜନାରେ ଗାଁ ଗାଁରେ ଘଣ୍ଟ ପିଟି ଲୋକଙ୍କୁ ମ୍ୟାଲେରିଆ ବାବଦରେ ସତର୍କ କରାଯିବ ବୋଲି ପ୍ରଶାସନ ସୂଚନା ଦେଇଛି ।

ଦିନକୁ ଦିନ ମ୍ୟାଲେରିଆ ଆକ୍ରାନ୍ତଙ୍କ ସଂଖ୍ୟା ଜିଲ୍ଲାରେ ବଢିବାରେ ଲାଗିଛି । ୨୦୧୦ ମସିହାରେ ପ୍ରତି ହଜାରେ ଲୋକଙ୍କ ମଧ୍ୟରୁ ମ୍ୟାଲେରିଆ ପୀଡ଼ିତଙ୍କ ସଂଖ୍ୟା ୩୬୭ ଥିବାବେଳେ ଏବେ ଏହା କମିବା ପରିବର୍ତ୍ତେ ୨୯.୩ରେ ପହଞ୍ଚିଛି । ଗତ ୩ ବର୍ଷ ହେଲା ସରକାର ‘ଦମନ’ କାର୍ୟ୍ୟକ୍ରମରେ ମଶାରୀ ବାନ୍ଧିବା ସହିତ ବ୍ୟାପକ ସଚେତନତା ଜରିଆରେ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ବିଗତ ତିନିବର୍ଷ ହେଲା ଜିଲ୍ଲାରେ ମ୍ୟାଲେରିଆ ପୀଡ଼ିତଙ୍କ ହାର ବଢି ବଢି ଚାଲିଛି ।

ଜିଲ୍ଲାରେ ୮ଲକ୍ଷ ମଶାରୀ ବଣ୍ଟା ସରିଛି । ମଶାରୀ ବାନ୍ଧିବା ପାଇଁ ଜିଲ୍ଲାର ପ୍ରତି ଗାଁରେ ସନ୍ଧ୍ୟାରେ ଘଣ୍ଟ ପିଟାଯିବ । ମଶାରୀ ବନ୍ଧାଗଲା କି ନାହିଁ ତାହା ଯାଞ୍ଚ କରିବେ ଅଙ୍ଗନବାଡ଼ି କର୍ମୀ ଆଉ ସ୍ୱୟଂସହାୟକ ଦଳର ସଦସ୍ୟ । ନାରାୟଣପାଟଣା, ବନ୍ଧୁଗାଁ, ଲମତାପୁଟ, ଲକ୍ଷ୍ମୀପୁର ଓ ଦଶମନ୍ତପୁର ବ୍ଲକରେ ପୀଡ଼ିତଙ୍କ ସଂଖ୍ୟା ଉଦ୍‌ବେଗଜନକ ଭାବେ ବଢୁଥିବାବେଳେ ଘଣ୍ଟପିଟା ଯୋଜନା କିଭଳି ସୁଫଳ ଆଣିଦେଉଛି ଦେଖିବାକୁ ବାକି ରହିଲା ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!