ମୁଖ୍ୟ ଖବର

ଅଟଳଙ୍କୁ ଅଶ୍ରୁଳ ବିଦାୟ: ପଞ୍ଚଭୂତରେ ବିଲୀନ ହେଲା

ନୂଆଦିଲ୍ଲୀ: ଗୁରୁବାର ଅପରାହ୍ନରେ ୯୩ ବର୍ଷ ବୟସରେ ପରଲୋକ ଗମନ କରିଥିବା ଅଟଳ ବିହାରୀ ବାଜପେୟୀଙ୍କର ଶେଷକୃତ୍ୟ ଶୁକ୍ରବାର ଅପରାହ୍ନରେ ସମ୍ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦା ସହ ସମ୍ପନ୍ନ ହୋଇଯାଇଛି। ନୂଆଦିଲ୍ଲୀର ଯମୁନା ନଦୀ କୂଳବର୍ତ୍ତୀ ସ୍ମୃତିସ୍ଥଳଠାରେ ସେନାର ଯବାନମାନେ ତୋପ ସଲାମୀ ଦେବା ପରେ ଏହି ପୂର୍ବତନ ପ୍ରଧାନମନ୍ତ୍ରୀଙ୍କ ମରଶରୀରରେ ସୁପୁତ୍ରୀ ନମିତା ଭଟ୍ଟାଚାର୍ଯ୍ୟ ମୁଖାଗ୍ନି ଦେଇଥିଲେ। ଏଥିସହ ଲୋକପ୍ରିୟ ଜନନାୟକ ଅଟଳ ବିହାରୀ ବାଜପେୟୀଙ୍କ ପାର୍ଥିବ ଶରୀର ପଞ୍ଚଭୂତରେ ବିଲୀନ ହୋଇଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ ସହ ବାଜପେୟୀଙ୍କ ମରଶରୀର ଶୋଭାଯାତ୍ରାରେ ବିଭିନ୍ନ ରାଜନୈତିକ ଦଳର ବ୍ୟକ୍ତିବିଶେଷ ଓ ବହୁ ମାନ୍ୟଗଣ୍ୟ ବ୍ୟକ୍ତି ସ୍ମୃତିସ୍ଥଳରେ ପହଞ୍ଚିଥିଲେ। ଦେଶ ବ୍ୟତୀତ ସାର୍କ ଦେଶର ମଧ୍ୟ କେତେକ ପ୍ରତିନିଧି ଏହି ମହାନ୍‌ ଜନନାୟକଙ୍କ ଅନ୍ତ୍ୟେଷ୍ଟି କ୍ରିୟାରେ ସାମିଲ୍‌ ହୋଇଛନ୍ତି।

ମରିସସ୍‌ରେ ବାଜପେୟୀଙ୍କୁ ଶ୍ରଦ୍ଧାଞ୍ଜଳି: ଅର୍ଦ୍ଧନମିତ ରହିଲା

କରୁଣାନିଧିଙ୍କ ମୃତ୍ୟୁର ସପ୍ତାହକ
ଡିଏମ୍‌କେ ମୁଖ୍ୟ ଏମ୍‌.କରୁଣାନିଧିଙ୍କ ବିୟୋଗର ମାତ୍ର କିଛିଦିନ ପରେ ପରିବାରରେ ଭାଇ ଭାଇ ମଧ୍ୟରେ କ୍ଷମତାକୁ ନେଇ ସଂଘର୍ଷ ଆରମ୍ଭ ହୋଇଯାଇଛି। ସୋମବାର କରୁଣାନିଧିଙ୍କ ସମାଧିସ୍ଥଳରେ ପହଞ୍ଚି ତାଙ୍କ ବଡ଼ପୁଅ ଏମ୍‌.କେ.ଆଲାଗିରି ସାନଭାଇ ଷ୍ଟାଲିନଙ୍କୁ ଖୋଲା ଚାଲେଞ୍ଜ ଦେଇଛନ୍ତି। ମରୀନା ବିଚ୍‌ର ସମାଧିସ୍ଥଳରେ ଆଲାଗିରି ଷ୍ଟାଲିନଙ୍କ ଉଦ୍ଦେଶ୍ୟରେ କହିଛନ୍ତି ଯେ ତାଙ୍କ ପଛରେ ଡିଏମ୍‌କେ ସଦସ୍ୟମାନଙ୍କର ଅକୁଣ୍ଠ ସମର୍ଥନ ରହିଛି। ଠିକ୍‌ ସମୟରେ ଏହାର ଜବାବ ମିଳିବ ବୋଲି ଚେତାଇ ଦେଇଛନ୍ତି ଆଲାଗିରି। ଆସନ୍ତାକାଲି ଡିଏମ୍‌କେର କାର୍ଯ୍ୟକାରିଣୀ ବୈଠକ ବସୁଛି। ବୈଠକର ଅବ୍ୟବହିତ ପୂର୍ବରୁ ଆଲାଗିରିଙ୍କ ଏଭଳି ମନ୍ତବ୍ୟ ଦେବା ରାଜନୈତିକ ଗୁରୁତ୍ବ ବହନ କରୁଥିବା ସମୀକ୍ଷକମାନେ ଦର୍ଶାଇଛନ୍ତି।
ପ୍ରତ୍ୟର୍ପଣ ମାମଲାରେ ସେପ୍ଟେମ୍ବର
୯ ହଜାର କୋଟି ଟଙ୍କାର ୠଣ ଠକେଇ କରି ଭାରତରୁ ପଳାୟନ କରି ସଂପ୍ରତି ଲଣ୍ଡନରେ ବସବାସ କରୁଥିବା ବିଶିଷ୍ଟ ମଦ୍ୟ ବ୍ୟବସାୟୀ ବିଜୟ ମାଲ୍ୟାଙ୍କୁ ପ୍ରତ୍ୟର୍ପଣ ମାମଲାରେ ମଙ୍ଗଳବାର ଆଶ୍ବସ୍ତି ମିଳିଛି। କାରଣ ଏଠାକାର ୱେଷ୍ଟ୍‌ମିନିଷ୍ଟର୍‌ ମାଜିଷ୍ଟ୍ରେଟ୍‌ କୋର୍ଟ ତାଙ୍କୁ ପୂର୍ବରୁ ପ୍ରଦାନ କରିଥିବା ଜାମିନ୍‌ର ଅବଧିକୁ ଆସନ୍ତା ସେପ୍ଟେମ୍ବର ୧୨ ତାରିଖ ପର୍ଯ୍ୟନ୍ତ ବଢ଼ାଇ ଦେଇଛନ୍ତି। ମଙ୍ଗଳବାର ମାମଲାର ଶୁଣାଣି ବେଳେ ମାଲ୍ୟା ତାଙ୍କ ପୁଅ ସିଦ୍ଧାର୍ଥଙ୍କ ସହ ଉପସ୍ଥିତ ଥିଲେ। ଏହି ହାଇପ୍ରୋଫାଇଲ୍‌ ମାମଲାର ପରବର୍ତ୍ତୀ ଶୁଣାଣି ଆସନ୍ତା ସେପ୍ଟେମ୍ବର ୧୨ ତାରିଖରେ ହେବ ବୋଲି କୋର୍ଟ କହିଛନ୍ତି। ଏଥିସହ କୋର୍ଟ ସମ୍ଭାବ୍ୟ ପ୍ରତ୍ୟର୍ପଣ ପରେ ମାଲ୍ୟାଙ୍କୁ ରଖାଯିବାକୁ ଥିବା ମୁମ୍ବାଇର ଆର୍ଥର୍‌ ରୋଡ୍‌ ଜେଲ୍‌ର ଏକ ଭିଡିଓ ଦୃଶ୍ୟ ଦାଖଲ କରିବା ସକାଶେ ଭାରତ ସରକାରଙ୍କୁ କହିଛନ୍ତି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ଟିଟୋ ଆତଙ୍କବାଦୀ ଲିଙ୍କ୍‌!
ସରକାରୀ କଳର ପ୍ରୋତ୍ସାହନ ଥିଲା। ବଡ଼ ବଡ଼ ଅଧିକାରୀମାନଙ୍କ ଆଶୀର୍ବାଦରୁ ଗଢ଼ି ଉଠିଥିଲା ୧୦ ହଜାର କୋଟି ଟଙ୍କାର ଟିଟୋ ସାମ୍ରାଜ୍ୟ। ୧୯ ବର୍ଷ ଧରି ଶାସକ ବିଜେଡି ଦଳର ବିଧାୟକ ଓ ମନ୍ତ୍ରୀ କେନ୍ଦ୍ରାପଡ଼ାର ଦୁର୍ଦ୍ଦାନ୍ତ ଅପରାଧୀ ଟିଟୋକୁ ସାହାଯ୍ୟ ସମର୍ଥନ କରୁଥିବା ନେଇ ଆଜି ରାଜ୍ୟ ସାରା ଚର୍ଚ୍ଚା ହେଉଛି। ଏପରି ଏକ ସମ୍ବେଦନଶୀଳ ମାମଲାରେ ଟିଟୋକୁ ଖସାଇ ଦେବା ପାଇଁ ସାକ୍ଷୀ ପ୍ରମାଣ ନଷ୍ଟ କରିବାକୁ ଷଡ଼ଯନ୍ତ୍ର ହୋଇଛି ବୋଲି ଶୁକ୍ରବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି ବିଜେପି ରାଜ୍ୟ ସମ୍ପାଦିକା ଲେଖାଶ୍ରୀ ସାମନ୍ତସିଂହାର। ଟିଟୋ ଭାରତ ବିରୋଧୀ ଆତଙ୍କବାଦୀ ସଂଗଠନ ସହିତ ସମ୍ପର୍କ ରଖିଛି। ଚଢ଼ାଉ ବେଳେ ପାକିସ୍ତାନର କାଗଜପତ୍ର, ଆତଙ୍କବାଦ ସମ୍ପର୍କିତ ପୁସ୍ତକ, ଫୋନ ନମ୍ବର ଆଦି ସ୍ବତନ୍ତ ତଦନ୍ତ୍ରକାରୀ ଦଳକୁ ମିଳିଥିଲା। ଏଥିରୁ ଟିଟୋ ସହ ଆତଙ୍କବାଦୀ ସଂଗଠନର ସମ୍ପର୍କ ଥିବା ବାରି ହୋଇ ପଡ଼ୁଛି ବୋଲି ଲେଖାଶ୍ରୀ ଅଭିଯୋଗ କରିଛନ୍ତି।
ପାଗଳ କରୁଛି କିକି ଚ୍ୟାଲେଞ୍ଜ,
ଏବେ ସୋସାଲ ମିଡ଼ିଆରେ ପରସ୍ପରକୁ ଚ୍ୟାଲେଞ୍ଜ ଦେବାର ଟ୍ରେଣ୍ଡ ଚାଲିଛି। ଏହା ପୂର୍ବରୁ ସୋସାଲ ମିଡିଆରେ ଆଇସ୍‌ ବକେଟ୍‌ ଚ୍ୟାଲେଞ୍ଜ ଚାଲିଥିଲା। ଯେଉଁଥିରେ ବାଲ୍ଟିରେ ବରଫ ଭର୍ତ୍ତି କରି ନିଜ ମୁଣ୍ଡ ଉପରେ ଢାଳିବାର ଥିଲା। ଏହା ପରେ ଆରମ୍ଭ ହୋଇଯାଇଥିଲା ବ୍ଲୁ ୱେଲ୍‌ ଚ୍ୟାଲେଞ୍ଜ। ଏହି ଚ୍ୟାଲେଞ୍ଜ ଭାରତ ସମେତ ସାରା ଦୁନିଆର ଅନେକ ପିଲାଙ୍କ ଜୀବନ ନେଇ ଯାଇଥିଲା। ଏବେ ସୋସାଲ ମିଡିଆରେ କିକି ଚ୍ୟାଲେଞ୍ଜ ଟ୍ରେଣ୍ଡ କରୁଛି। କାନାଡିଆନ ହିପ୍‌ ହପ୍‌ ସୁପରଷ୍ଟାର୍ ଡ୍ରେକ୍‌ଙ୍କ ଲାଟେଷ୍ଟ ଆଲ୍‌ବମ୍‌ ସ୍କର୍ପିୟନର ହିଟ୍‌ ଗୀତ ‘ଇନ୍‌ ମାଇ ଫିଲିଂ’ ଉପରେ ଆରମ୍ଭ ହୋଇଥିବା ଏହି କିକି ଚ୍ୟାଲେଞ୍ଜ ଏବେ ସାରା ବିଶ୍ବରେ ଭାଇରାଲ ହେବାରେ ଲାଗିଛି। ସେଲିବ୍ରିଟିଙ୍କଠାରୁ ଆରମ୍ଭ କରି ସାଧାରଣ ଲୋକଙ୍କ ପର୍ଯ୍ୟନ୍ତ ଏହି ଚ୍ୟାଲେଞ୍ଜ ପୂରା କରିବାକୁ ଚେଷ୍ଟା କରୁଛନ୍ତି। ସାଧାରଣତଃ ଯୁବପିଢ଼ି ଏହି ଚ୍ୟାଲେଞ୍ଜ ପୂରା କରିବାକୁ ଅଧିକ ଚେଷ୍ଟା କରୁଥିବା ଦେଖିବାକୁ ମିଳୁଛି।

ଫଟୋ ଗ୍ୟାଲେରୀ

ରାଜରାସ୍ତାରେ ରାହଗିରି
ରାଜରାସ୍ତାରେ ରାହଗିରି ଆମ ଦେଶରେ କୌଣସି ନୂଆକଥା ନୁହେଁ। ଏଠି ନେତାଏ ରାସ୍ତା ଓଗାଳି ସାଧାରଣ ଲୋକଙ୍କୁ ହଇରାଣ କରିବାକୁ ସେମାନଙ୍କ ପତିଆରା ବୋଲି ଭାବନ୍ତି। ପ୍ରାୟୋଜିତ ବ୍ୟବସ୍ଥାରେ ସମର୍ଥକଙ୍କୁ ଯୋଗାଡ଼ କରି ରାଜରାସ୍ତା ଉପରେ ଜିନ୍ଦାବାଦ କରାଇବା ଏମାନଙ୍କ ପରମ୍ପରାଗତ ପ୍ରକୃତି। ଏମିତିକି ଏମାନେ ସମ୍ବେଦନଶୀଳ ଅଞ୍ଚଳ ବିମାନବନ୍ଦରକୁ ବି ଛାଡ଼ନ୍ତି ନାହିଁ। ନିକଟରେ ସରକାରୀ ଦଳର ଜଣେ ବିଧାୟକ ଚିଟ୍‌ଫଣ୍ଡ ଘଟଣା ଅଭିଯୋଗରେ ଜେଲ୍‌ ଯାଇ ଅସୁସ୍ଥ ହେବାରୁ ତାଙ୍କୁ ଅଧିକ ଚିକିତ୍ସା ପାଇଁ ଦିଲ୍ଲୀ ପଠାଯାଇଥିଲା। ଆଉ ଦିଲ୍ଲୀରୁ ଭଲ ହୋଇ ଫେରିଲା ବେଳକୁ ସେ ବିମାନବନ୍ଦରରେ କର୍ମୀଙ୍କୁ ଛାଉଣୀ କରିପକେଇଲେ। ପତିଆରା, କ’ଣ ନା ସମର୍ଥକ ଆପେ ଆପେ ଆସିଛନ୍ତି। ହଇଏ ଆଜିକାଲି ସମର୍ଥକ ପୁଣି ନିଜେ ଖର୍ଚ୍ଚ କରି କଟକରୁ ଆସିଛନ୍ତି! ଏ କଥା କାହାର ବି ହଜମ ହେବନି।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ପର ପତ୍ନୀ ଅପହରଣ ପାଇଁ
ନାଇଜେରିଆରେ ୱେଡେବ ନାମରେ ଗୋଟିଏ ଉପଜାତି ଅଛନ୍ତି। ବାଲ୍ୟକାଳରୁ ସେମାନଙ୍କ ବିବାହ ସମ୍ପନ୍ନ ହୋଇଥାଏ। କିନ୍ତୁ ସେପ୍ଟେମ୍ବର ମାସରେ ଗେରେଓ୍ୱଲ ପର୍ବରେ ବାସ୍ତବ ବିବାହ ଅନୁଷ୍ଠିତ ହୁଏ। ସମ୍ପ୍ରଦାୟର ସମସ୍ତ ଯୁବକ ଓ ଯୁବତୀ ସାତ ଦିନ ବ୍ୟାପୀ ଏହି ମେଳାରେ ଉପସ୍ଥିତ ହୁଅନ୍ତି। ପୁରୁଷମାନେ ଭଳିକି ଭଳି ରଙ୍ଗବେରଙ୍ଗର ପୋଷାକ ପିନ୍ଧି ନୃତ୍ୟ ପ୍ରତିଯୋଗିତାରେ ଭାଗନିଅନ୍ତି। ମହିଳାମାନେ ବିଚାରକ ରହନ୍ତି। ଏହି ପର୍ବରେ ମହିଳାମାନେ ପ୍ରାୟ ଉଲଗ୍ନ ରହିଥାନ୍ତି। କୌଶଳକ୍ରମେ ଯଦି କେହି ପୁରୁଷ କୌଣସି ମହିଳାକୁ ସଫଳତାର ସହିତ ଅପହରଣ କରିନିଏ, ସେମାନଙ୍କୁ ପତି ପତ୍ନୀ ଭାବେ ସ୍ବୀକୃତି ମିଳିଯାଏ। ଏହି ଉପଜାତିରେ ଆଉ ଏକ ପରମ୍ପରା ଅଛି। କୌଣସି ବି ମହିଳା ମନଇଛା ସ୍ବାମୀ ଗ୍ରହଣ କରିପାରିବେ। କିନ୍ତୁ କୌଣସି ପୁରୁଷଙ୍କ ନିମନ୍ତେ ଏ ନିୟମ ଲାଗୁ ହୁଏ ନାହିଁ।

ଜନମତ

ଶ୍ରୀମନ୍ଦିରରେ ସେବାୟତଙ୍କ ମନମୁଖୀ କାର୍ଯ୍ୟକଳାପ ଓ ପ୍ରଶାସନର ପରିଚାଳନାଗତ ତ୍ରୁଟିକୁ ରୋକିବା ଲାଗି ସୁପ୍ରିମକୋର୍ଟ ଯେଉଁ ପଦକ୍ଷେପ ନେଇଛନ୍ତି, ସେଥିରେ ଆପଣ ଏକମତ ତ ?