Pratinidhi Odia

ମୁହଁର ସୌନ୍ଦର୍ଯ୍ୟ ପାଇଁ ପ୍ରାକୃତିକ ଉପାୟ

ବିନା ରାସାୟନିକ ପଦାର୍ଥରେ ଏହା ସମ୍ଭବ

ସୁନ୍ଦର ଦେଖାଯିବାକୁ କିଏ ବା ଇଚ୍ଛା ନ କରେ । ଏଣୁ ସୌନ୍ଦର୍ଯ୍ୟ ନିଶାରେ ମହିଳାମାନେ ବଜାରରେ ମିଳୁଥିବା ନାନା ରକମର ଉତ୍ପାଦକୁ ମୁହଁରେ ଲଗାଇଥାନ୍ତି । ଯଦିଓ ଏହା କିଛି ସମୟ ପାଇଁ ଆପଣଙ୍କ ମୁହଁଙ୍କୁ ସୁନ୍ଦର କରିଥାଏ, ପରବର୍ତ୍ତୀ ସମୟରେ ଏଥିରେ ଥିବା ରାସାୟନିକ ପଦାର୍ଥ ମୁହଁକୁ ଖରାପ ମଧ୍ୟ କରିପାରେ । ତେଣୁ ଯଥା ସମ୍ଭବ ବଜାରରେ ମିଳୁଥିବା ଉତ୍ପାଦଠାରୁ ଦୂରେଇ ରହନ୍ତୁ । ଘରେ ପ୍ରାକୃତିକ ଉପାୟରେ ମୁହଁର ସୌନ୍ଦର୍ଯ୍ୟକୁ ଚମକାନ୍ତୁ । 

  • ମୁହଁରୁ ଦାଗ ହଟାଇବା ପାଇଁ ନିୟମିତ ପଇଡ଼ ପାଣି ଲଗାନ୍ତୁ । କିଛି ମାସ ମଧ୍ୟରେ ଫରକ ଜାଣିପାରିବେ । 
  • କ୍ଷୀର ଭଲ କ୍ଲିନ୍‌ଜର କାମ କରିଥାଏ । ପ୍ରତ୍ୟେକ ଦିନ ରାତିରେ ଶୋଇବା ପୂର୍ବରୁ ଏକ ଛୋଟ ଗିନାରେ କ୍ଷୀର ନିଅନ୍ତୁ । ସେଥିରେ ତୁଳା ଭିଜାଇ ମୁହଁ, ବେକ ଓ ହାତକୁ ଭଲ ଭାବେ ସଫା କରନ୍ତୁ । ତା’ ପରେ ପାଣିରେ ଧୋଇ ଦିଅନ୍ତୁ ।
  • ଦୁଇ ଚାମଚ କ୍ଷୀରରେ କେସର ଏବଂ ଲିକୋରିସ୍‌ ପାଉଡର ମିଶାଇ ମୁହଁରେ ଲଗାନ୍ତୁ । ଏହାଦ୍ବାରା ମୁହଁର ରଙ୍ଗରେ ଚମକ ଆସିଯିବ ।
  • ନଡ଼ିଆ ପାଣିରେ ଚିନି ମିଶାଇ ହାଲୁକା ଭାବେ ଓଠକୁ ରଗଡ଼ନ୍ତୁ । ଏହାଦ୍ବାରା ଓଠର ସ୍ବାଭାବିକ ଚମକ ଅକ୍ଷୁର୍ଣ୍ଣ ରହେ।
  • ଏକ ଚାମଚ ମୁଲ୍‌ତାନି ମାଟି ପାଉଡରରେ ଅଧ ଟେବୁଲସ୍ପୁନ୍ ଚନ୍ଦନ ପାଉଡର, ଏକ ଚିମୁଟା ହଳଦୀ ଗୁଣ୍ଡ, ଗୋଲାପ ଜଳ ଓ ମହୁ ମିଶାଇ ମୁହଁ ଓ ବେକରେ ଲଗାନ୍ତୁ । ଏହା ଏକ ଭଲ ଫେସ୍‌ପ୍ୟାକ୍‌ର କାମ ଦେବ ।
  • ଘି କୁଆଁରି ଆପଣଙ୍କ ଚେହେରାର ମଏଶ୍ଚର ଅକ୍ଷୁର୍ଣ୍ଣ ରଖିବାରେ ସହାୟକ ହୋଇଥାଏ ।
  • ଆପଣଙ୍କ ତ୍ବଚା ତେଲିଆ ହୋଇଥିଲେ ସ୍ବାସ୍ଥ୍ୟକର ଡାଏଟ ନିଅନ୍ତୁ । ପ୍ରଚୁର ସବୁଜ ପନିପରିବା ଓ ଫଳ ଖାଆନ୍ତୁ । ତେଲଛଣା ଓ ଜଙ୍କ ଫୁଡ୍‌ଠାରୁ ଦୂରେଇ ରହନ୍ତୁ । ସବୁବେଳେ ମୁହଁ ସଫା ରଖନ୍ତୁ ।
  • ଆପଣଙ୍କ ତ୍ବଚା ଶୁଷ୍କ ହୋଇଥିଲେ ଗରମ ପାଣିରେ ଗାଧାନ୍ତୁ ନାହିଁ । ମଏଶ୍ଚରାଇଜର ଲଗାନ୍ତୁ । ଗାଧୋଇବା ପରେ ଏକ ନରମ ଟାୱଲରେ ମୁହଁ ପୋଛନ୍ତୁ ।
  • ଦିନକୁ ୮ରୁ ୧୦ ଗ୍ଲାସ୍‌ ପାଣି ପିଅନ୍ତୁ । ହାଇଡ୍ରେଟ୍‌ ଏବଂ ଟକ୍ସିନ୍‌ ମୁକ୍ତ ଶରୀର ପାଇଁ ଏହା ନିହାତି ଦରକାର ।
  • ନିୟମିତ ବ୍ୟାୟାମ କରନ୍ତୁ । 

 

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!