ରାଜ୍ୟ

ଆଜି ଓଡ଼ିଶା ଆସୁଛନ୍ତି ଅମିତ ଶାହ

ପୁରୀ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ସୋମବାର ଦିନିକିଆ ପୁରୀ ଗସ୍ତରେ ଆସୁଛନ୍ତି। ରାଜ୍ୟର ପ୍ରାୟ ୧୫ହଜାର ମହିଳାଙ୍କୁ ସେ ମୋଦିମନ୍ତ୍ର ଦେବାର କାର୍ଯ୍ୟକ୍ରମ ରହିଛି। ଏହାଛଡ଼ା ବିଜେପି ମହିଳା ମୋର୍ଚ୍ଚା ଜାତୀୟ କାର୍ଯ୍ୟକାରିଣୀ ତାଙ୍କଦ୍ୱାରା ଉଦ୍‍ଘାଟନ କରାଯିବ। ଏଥିପାଇଁ ସମଗ୍ର ପୁରୀ ସହର ବିଜେପି ପତାକାରେ ପୋତି ହୋଇପଡ଼ିଛି। ଅମିତ ଶାହଙ୍କୁ ସ୍ୱାଗତ କରିବା ପାଇଁ ବିଭିନ୍ନ ସ୍ଥାନରେ ଆକର୍ଷଣୀୟ ତୋରଣ ନିର୍ମାଣ କରାଯିବା ସହ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ଶାହ ଆସିବା ପୂର୍ବରୁ ଟ୍ଵିଟର୍‌ ଯୋଗେ ରାଜ୍ୟ ସରକାରଙ୍କ ବିରୋଧରେ ଗର୍ଜନ କରିଛନ୍ତି। ‘ଆୟୁଷ୍ମାନ ଭାରତ-ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା’କୁ ଓଡ଼ିଶା ସରକାର ଲାଗୁ କରୁ ନ ଥିବାରୁ ତାହାକୁ କଡ଼ା ଭାଷାରେ ସମାଲୋଚନା କରିଛନ୍ତି।

ରାତିରେ ଅବଦୁଲ କଲାମ ଦ୍ୱୀପରୁ ‘ପୃଥ୍ୱୀ’ର ସଫଳ ପରୀକ୍ଷଣ

ଧାମରା: ଭଦ୍ରକ ଜିଲ୍ଲା ଧାମରା ନିକଟସ୍ଥ ଅବଦୁଲ କଲାମ ଦ୍ୱୀପର ୪ନଂ ଲଞ୍ଚ୍‌ ପ୍ୟାଡ୍‌ରୁ ରବିବାର ରାତି ୮ଟା ୪ମିନିଟ୍‌ରେ ସ୍ୱଦେଶୀ ଜ୍ଞାନ କୌଶଳରେ ନିର୍ମିତ ଭାରତର ପ୍ରତିରକ୍ଷା ଗବେଷଣା ପ୍ରତିଷ୍ଠାନର ଆଡ୍‌ଭାନ୍ସ ଏୟାର ଡିଫେନ୍ସ ଇଣ୍ଟରସେପ୍ଟର ମିସାଇଲ ‘ପୃଥ୍ୱୀ’ର ସଫଳ ପରୀକ୍ଷଣ ସମ୍ପନ୍ନ ହୋଇଛି। ରବିବାର ରାତି ୮ଟା ସମୟରେ ସମୁଦ୍ର ମଧ୍ୟରୁ ଜାହାଜରୁ ଏକ ମିସାଇଲ ଆକାଶମାର୍ଗକୁ ଛଡ଼ା ଯାଇଥିଲା। ଏହି ମିଶାଇଲ ଛଡ଼ାଯିବାର ୪ମିନିଟ ଅର୍ଥାତ ରାତି ୮ଟା ୪ ମିନିଟ ସମୟରେ ଧାମରାରେ ଥିବା କଲାମ ଦ୍ୱୀପର ୪ ନଂ ଲଞ୍ଚ୍‌ ପ୍ୟାଡ୍‌ରୁରୁ ଏକ ଆଡ(ଆଡଭାନ୍ସ ଏୟାର ଡିଫେନ୍ସ ଇଣ୍ଟରସେପ୍ଟର ମିସାଇଲ) ‘ପୃଥ୍ୱୀ’ଜାହଜରୁ ଛଡ଼ା ହୋଇଥିବା ମିସାଇଲକୁ ଲକ୍ଷ୍ୟ କରି ଛଡ଼ା ଯାଇଥିଲା। ‘ପୃଥ୍ୱୀ’ ଆକାଶମାର୍ଗରେ ୩୦ କିମି ଉଚ୍ଚ ଏକ ଟାର୍ଗେଟ ପଏଣ୍ଟରେ ଆଡଭାନ୍ସ ଏୟାର ଡିଫେନ୍ସ ମିସାଇଲକୁ ଲକ୍ଷ୍ୟ ଭେଦ କରି ବିଧ୍ୱଂସ କରିଥିଲା। ଫଳରେ ଏହା ପ୍ରଥମ ମିସାଇଲ ଲକ୍ଷ୍ୟଭେଦ କରିଥିଲା ବୋଲି ପ୍ରତିରକ୍ଷା ବିଭାଗ ନିକଟରୁ ପ୍ରକାଶ ପାଇଛି। ପରୀକ୍ଷଣ ସମୟରେ ଭାରତର ପ୍ରତିରକ୍ଷା ବିଭାଗର ସମସ୍ତ ଉଚ୍ଚ ପଦାଧିକାରୀ, ବୈଜ୍ଞାନିକ, ନିର୍ଦେଶକ, ପ୍ରତିରକ୍ଷା ବିଭାଗର ମିସାଇଲ ମହାନିର୍ଦ୍ଦେଶକ, ଇଣ୍ଟରସେପ୍ଟର ବୈଜ୍ଞାନିକ ଉପସ୍ଥିତ ଥିଲେ।

ବିଜେଡି ଗଢ଼ିଲା ଅଙ୍ଗନବାଡ଼ି କର୍ମୀ ଓ ସହାୟିକା ସାମ୍ମୁଖ୍ୟ
ଡାହାଣୀ ସନ୍ଦେହରେ ଦୁଇ ମହିଳାଙ୍କୁ ନିର୍ମମ ହତ୍ୟା: ଅନ୍ୟ ଜଣେ

ମୟୁରଭଞ୍ଜ: ସରକାର ଯେତେ ଆଇନ୍‌ କାନୁନ୍‌, ସଚେତନତା ସୃଷ୍ଟି କଲେ ମଧ୍ୟ ଲୋକଙ୍କ ମନରୁ କିନ୍ତୁ ଅନ୍ଧବିଶ୍ୱାସ ଓ କୁସଂସ୍କାର ଦୂର ହେଉନାହିଁ। ଅନ୍ଧବିଶ୍ବାସର ବଶବର୍ତ୍ତି ହୋଇ ଲୋକେ ଅପରାଧ ଘଟାଉଥିବା ଭଳି ଖବର ବାରମ୍ବାର ହସ୍ତଗତ ହେଉଛି। ଏହାର ଆଉ ଏକ ନିଚ୍ଛକ ନମୂନା ଦେଖିବାକୁ ମିଳିଛି ରବିବାର ମୟୁରଭଞ୍ଜ ଜିଲ୍ଲାର ରାଇରଙ୍ଗପୁର ମଧୁପୁର ଗାଁରେ। ଡାହାଣୀ ସନ୍ଦେହରେ ଦୁଇ ଜଣ ମହିଳାଙ୍କୁ ନିର୍ମମ ଭାବେ ହତ୍ୟା କରାଯାଇଛି। ସେହିପରି ଅନ୍ୟ ଜଣେ ମହିଳାଙ୍କୁ ତୀରମାଡ଼ ମଧ୍ୟ କରାଯାଇଛି। ଗୁରୁତର ଅବସ୍ଥାରେ ତାଙ୍କୁ ଜାମଦା ହସ୍ପିଟାଲରେ ଭର୍ତ୍ତି କରାଯାଇଛି। ଦୁଇ ଜଣଙ୍କୁ ହତ୍ୟା ଓ ଜଣଙ୍କୁ ହତ୍ୟା ଉଦ୍ୟମ କରିବା ପରେ ଅଭିଯୁକ୍ତ ଜଣଙ୍କ ଥାନାରେ ଆତ୍ମସମର୍ପଣ କରିଛି। ଅଭିଯୁକ୍ତ ଜଣଙ୍କ ଶ୍ୟାମ ବାସ୍କେର ବୋଲି ଜଣାପଡ଼ିଛି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

ଶ୍ରୀମନ୍ଦିରରେ ସେବାୟତଙ୍କ ମନମୁଖୀ କାର୍ଯ୍ୟକଳାପ ଓ ପ୍ରଶାସନର ପରିଚାଳନାଗତ ତ୍ରୁଟିକୁ ରୋକିବା ଲାଗି ସୁପ୍ରିମକୋର୍ଟ ଯେଉଁ ପଦକ୍ଷେପ ନେଇଛନ୍ତି, ସେଥିରେ ଆପଣ ଏକମତ ତ ?