Pratinidhi Odia

ମୁଖ୍ୟ ଖବର

ଗଣଦୁଷ୍କର୍ମକୁ ନେଇ ରାଜନୀତି
ଜମ୍ମୁ-କାଶ୍ମୀରର କଠୁଆ ଓ ଉତ୍ତର ପ୍ରଦେଶର ଉନାଓ ଗଣଦୁଷ୍କର୍ମରେ ରାଜନୀତି କଡ଼ ଲେଉଟାଇଛି। ଉଭୟ ଘଟଣାରେ ବିଜେପିକୁ ଘେରିଛନ୍ତି ବିରୋଧୀ। କଠୁଆରେ ପୀଡ଼ିତାର ସପକ୍ଷରେ ବିଜେପି କାହିଁକି ବାହାରୁ ନାହିଁ ବୋଲି ପ୍ରଶ୍ନ କରିଛନ୍ତି ବିରୋଧୀ। କଂଗ୍ରେସର ଅଧ୍ୟକ୍ଷ ରାହୁଲ ଗାନ୍ଧି ଗୁରୁବାର ରାତି ଏହି ଘଟଣାର ପ୍ରତିବାଦ କରି କ୍ୟାଣ୍ଡଲ ଶୋଭାଯାତ୍ରା କରିଥିବା ବେଳେ ପ୍ରଧାନମନ୍ତ୍ରୀ ମୋଦିଙ୍କୁ ନିରବତା ଭାଙ୍ଗିବାକୁ ଆହ୍ବାନ କରିଛନ୍ତି। କଂଗ୍ରେସ ନେତା ତଥା ବରିଷ୍ଠ ଓକିଲ କପିଳ ସିବଲ ଝିଅମାନଙ୍କୁ ପଢ଼ାଇବା ନା ଲୁଚାଇ ରଖିବା ବୋଲି କଟାକ୍ଷ କରିଛନ୍ତି। କନ୍ୟା ଶିଶୁମାନଙ୍କ ଦୁଷ୍କର୍ମକାରୀଙ୍କୁ ଫାଶୀ ଦଣ୍ଡ ଦିଆଯିବା ଉଚିତ ବୋଲି କେନ୍ଦ୍ରମନ୍ତ୍ରୀ ମେନକା ଗାନ୍ଧି ବୟାନ ଦେଇଛନ୍ତି। କଠୁଆ ଏବଂ ଉନାଓ ଘଟଣାକୁ ନେଇ ସାରା ଦେଶରେ କଂଗ୍ରେସ ମହମବତି ଶୋଭାଯାତ୍ରା ବାହାର କରିବ ବୋଲି ଘୋଷଣା କରିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି। ରାହୁଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦୁଇଟି ପ୍ରଶ୍ନ ପଚାରି ଦୁଷ୍କର୍ମ ରାଜନୀତିକୁ ତେଜିଛନ୍ତି। ସେ ମୋଦିଙ୍କୁ ପଚାରିଛନ୍ତି ଆପଣ ମହିଳା ଓ ଶିଶୁଙ୍କ ବିରୋଧରେ ବଢ଼ୁଥିବା ହିଂସାକୁ ନେଇ କ’ଣ ଚିନ୍ତା କରୁଛନ୍ତି ଏବଂ କାହିଁକି ଦୁଷ୍କର୍ମ ଓ ହତ୍ୟା ଅଭିଯୁକ୍ତମାନଙ୍କୁ ସୁରକ୍ଷା ପ୍ରଦାନ କରାଯାଉଛି? ପରେ ହାତରେ ମହମବତି ନେଇ କଂଗ୍ରେସ କର୍ମୀମାନେ ଇଣ୍ଡିଆ ଗେଟ୍‌ଠାରେ ମୋଦି ହଟାଓ, ବେଟୀ ବଚାଓ ନାରା ଦେଇଥିଲେ।
ରୋହିତଙ୍କ ବିସ୍ଫୋରକ ବ୍ୟାଟିଂ
ମଙ୍ଗଳବାର ମୁମ୍ବାଇର ୱାଙ୍ଖେଡ଼େ ଷ୍ଟାଡିୟମ୍‌ରେ ଖେଳାଯାଇଥିବା ଏକ ଆଇପିଏଲ୍‌ ମ୍ୟାଚ୍‌ରେ ଗତ ବର୍ଷର ଡିଫେଣ୍ଡିଂ ଚାମ୍ପିଅନ୍‌ ମୁମ୍ବାଇ ଇଣ୍ଡିଆନ୍ସ ୪୬ ରନ୍‌ରେ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍‌ସିବି) କୁ ହରାଇ ଚଳିତ ସଂସ୍କରଣରେ ଏହାର ପ୍ରଥମ ବିଜୟ ହାସଲ କରିଛି। ବିରାଟ କୋହଲି ଆଇପିଏଲ୍‌ ଇତିହାସରେ ସୁରେଶ ରୈନାଙ୍କୁ ଟପି ସର୍ବାଧିକ ରନ୍‌ ସଂଗ୍ରହକାରୀ ଏବଂ ପ୍ରଥମ ଦୁଇଟି ବଲ୍‌ରେ ୨ ୱିକେଟ୍‌ ନେଇ ଉମେଶ ଯାଦବ ଆଇପିଏଲ୍‌ରେ ଦ୍ବିତୀୟ ଥର ପାଇଁ ଏଭଳି କୀର୍ତ୍ତିମାନ କରିଥିବା ସତ୍ତ୍ବେ ବାଙ୍ଗାଲୋରକୁ ପରାଜୟ ବରଣ କରିବାକୁ ପଡ଼ିଛି। ଫଳରେ ପ୍ରଥମ ୪ଟି ମ୍ୟାଚ୍‌ରୁ ୩ଟିରେ ବାଙ୍ଗାଲୋର ହାରିଛି। ମୁମ୍ବାଇ ଅଧିନାୟକ ରୋହିତ ଶର୍ମାଙ୍କ ଧୂଆଁଧାର ବ୍ୟାଟିଂ ଏବଂ ମୁମ୍ବାଇ ସ୍ପିନରଙ୍କ ଚମ୍ପତ୍କାର ବୋଲିଂ ଯୋଗୁ ମୁମ୍ବାଇ ଏହି ବିଜୟ ହାସଲ କରିପାରିଛି।

ସ୍ବତନ୍ତ୍ର ପ୍ରସଙ୍ଗ

  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
  • page_22_128
ଜାଗୀ ମଙ୍ଗତ କ’ଣ ମୁଖ୍ୟମନ୍ତ୍ରୀଙ୍କ
ଆସନ୍ତା ନଭେମ୍ବର ମାସରେ ହେବାକୁ ଥିବା ମେକ୍‌ ଇନ୍‌ ଓଡ଼ିଶା କନ୍‌କ୍ଲେଭର ଦ୍ବିତୀୟ ସଂସ୍କରଣରେ ଭାରତୀୟ ଶିଳ୍ପ ମହାସଂଘ ସହଯୋଗ କରିବ ନାହିଁ ବୋଲି ଘୋଷଣା କରିବା ପରେ ବିଗତ ତିନିଦିନ ଧରି ରାଜ୍ୟ ସରକାର ବନାମ ବୈଜୟନ୍ତ ପଣ୍ଡା ପରିବାର ମଧ୍ୟରେ ବିବାଦ ଘନେଇଛି। ଗତ ଫେବ୍ରୁଆରୀ ମାସ ପର୍ଯ୍ୟନ୍ତ ଶିଳ୍ପ ମହାସଂଘ କନ୍‌କ୍ଲେଭ ବାବଦରେ ରାଜ୍ୟ ସରକାରଙ୍କୁ ସହଯୋଗ କରିଆସୁଥିବା ବେଳେ ହଠାତ୍‌ ଏଭଳି ନିଷ୍ପତ୍ତି ନେବା ପଛରେ ଓଡ଼ିଶା ବିରୋଧୀ ଷଡ଼ଯନ୍ତ୍ର ନିହିତ ଥିବା ବିଜେଡି ଅଭିଯୋଗ କରିଛି। ବିଜେଡି ସାଂସଦ ପ୍ରତାପ ଦେବ ଦଳୀୟ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ଡାକି ବିଜେଡିରୁ ନିଲମ୍ବିତ କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡାଙ୍କ ସହଧର୍ମିଣୀ ଜାଗୀ ମଙ୍ଗତ ପଣ୍ଡା ଗତ ମାର୍ଚ୍ଚ ମାସରେ ମହାସଂଘର ପୂର୍ବାଞ୍ଚଳ ଅଧ୍ୟକ୍ଷା ଭାବେ ନିର୍ବାଚିତ ହେବା ପରେ ମହାସଂଘ ଏଭଳି ଓଡ଼ିଶା ବିରୋଧୀ ମନୋଭାବ ପୋଷଣ କରିଥିବା ନେଇ ସିଧାସଳଖ ଅଭିଯୋଗ କରିଛନ୍ତି।
ପୁଣି ଲେଉଟିଲା ମହାନଦୀ ଜଳ
ଗତକାଲି ସୋମବାର ବିଜେଡି ତା’ର ପାର୍ଟି କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀ ଡାକିଥିଲା। ଦଳର ସାଂସଦ ପ୍ରସନ୍ନ ଆଚାର୍ଯ୍ୟ, ବିଧାୟକ ଅତନୁ ସବ୍ୟସାଚୀ ନାୟକ, ଦେବୀ ମିଶ୍ର ଓ ସଞ୍ଜୟ ଦାସବର୍ମା ଉପସ୍ଥିତ ରହି ମହାନଦୀର ଜଳସ୍ତର କମିଯିବା ନେଇ ଛତିଶଗଡ଼ ଉପରେ ବର୍ଷିଥିଲେ। ଦିନକୁ ଦିନ ମହାନଦୀ ଜଳସ୍ତର କମିବାରେ ଲାଗିଛି। ତଳ ମୁଣ୍ଡରେ ଜଳ ପ୍ରବାହ ସାଂଘାତିକ ପ୍ରଭାବିତ ହୋଇଛି। ଜଳବିଦ୍ୟୁତ ଉତ୍ପାଦନ ମଧ୍ୟ କମି ଆସିଲାଣି। ଆସନ୍ତା ୧୫ ଏପ୍ରିଲରେ ମହାନଦୀ ପାଇଁ ମହାସଂଗ୍ରାମର ରଣନୀତି ପ୍ରସ୍ତୁତ ହେବ। ମହାନଦୀ ଦ୍ବାରା ପ୍ରଭାବିତ ହେବାକୁ ଥିବା ଜିଲାର ମନ୍ତ୍ରୀ, ବିଧାୟକ ଓ ସାଂସଦ, ଜିଲା ସଭାପତି, ଜିଲା ପରିଷଦ ଅଧ୍ୟକ୍ଷ, ବ୍ଲକ ଓ ନଗର ସଭାପତି, ଯୁବଛାତ୍ର ଓ ମହିଳା ରାଜ୍ୟ ସଭାପତି ଏବଂ ବିଜୁ ଜନତା ଦଳର ରାଜ୍ୟ କର୍ମକର୍ତ୍ତାଙ୍କୁ ଏକାଠି ନେଇ ଲଢ଼େଇର ରଣନୀତି ପ୍ରସ୍ତୁତ ହେବ ବୋଲି ସେମାନେ ସୂଚାଇଥିଲେ।
ବ୍ୟାଙ୍କ ସୁରକ୍ଷାରେ ପ୍ରଶ୍ନବାଚୀ!
ଗ୍ରାହକଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ହଡ଼ପ ହେବା ଏବେ ଏକ ନିତିଦିନିଆ ଘଟଣା ହେଲାଣି। ପ୍ରଯୁକ୍ତି ବିଦ୍ୟାର ବିକାଶ ବଢ଼ିବା ସହିତ ବ୍ୟାଙ୍କ ଆକାଉଣ୍ଟରୁ ଗ୍ରାହକଙ୍କ ଅଜାଣତରେ ଟଙ୍କା ହଡ଼ପ ଘଟଣା ବର୍ତ୍ତମାନ ସମୟରେ ସବୁଠୁ ବଡ଼ ଚର୍ଚ୍ଚିତ ଘଟଣା ହେବାକୁ ଯାଉଛି। ଜନଧନ ଆକାଉଣ୍ଟରେ ବ୍ୟାଙ୍କରେ ସଞ୍ଚୟ ଖାତା ବଢ଼ିଛି। ଉଭୟ ନଗରାଞ୍ଚଳ ଓ ଗ୍ରାମାଞ୍ଚଳରେ ବ୍ୟାଙ୍କରେ ଖାତା ଖୋଲାଯିବା ସହ ନେଣଦେଣ ବଢ଼ିବା ଦେଖି ଅତୀତର ସିନ୍ଧି ଚୋର ଏବେ ସଫ୍ଟୱେୟାର ଡକାଏତିରେ ପାରଙ୍ଗମ ହେଲେଣି। ଗ୍ରାହକଙ୍କୁ ସୁରକ୍ଷା ଦେବାକୁ ଭାରତୀୟ ରିଜର୍ଭ ବ୍ୟାଙ୍କ ଗୋଟିଏ ପରେ ଗୋଟିଏ ନିର୍ଦେଶାବଳୀ ଜାରି କରୁଥିବା ବେଳେ ବ୍ୟାଙ୍କ କର୍ତ୍ତୃପକ୍ଷ ସେସବୁକୁ ପାଳନ କରୁ ନ ଥିବା ଦେଖାଯାଇଛି। ଏଭଳି ଏକ ଘଟଣାକୁ ନେଇ ରାଜ୍ୟ କ୍ରାଇମବ୍ରାଞ୍ଚ ଓଡ଼ିଶାର ବ୍ୟାଙ୍କମାନଙ୍କୁ ତାଗିଦ କରିଥିବା ଜଣାଯାଇଛି।
ଦୋଳପୂର୍ଣ୍ଣିମା ପାଇଁ ଶ୍ରୀମନ୍ଦିରରେ
ଦୋଳପୂର୍ଣ୍ଣିମା ଲାଗି ଶ୍ରୀମନ୍ଦିର ନୀତିନିର୍ଘଣ୍ଟ ଚୂଡ଼ାନ୍ତ ହୋଇଛି। ଗୁରୁବାର ଦୋଳ ପୂର୍ଣ୍ଣିମା ନୀତି କିଭଳି ଶୃଙ୍ଖଳିତ ଭାବେ ହୋଇପାରିବ, ସେନେଇ ଶ୍ରୀମନ୍ଦିର ଛତିଶା ନିଯୋଗ ବୈଠକରେ ଚୂଡ଼ାନ୍ତ ନିଷ୍ପତ୍ତି ଗ୍ରହଣ କରାଯାଇଛି। ଦୋଳପୂର୍ଣ୍ଣିମା ଉପଲକ୍ଷେ ବୁଧବାର ରାତି ୩ ଟାରୁ ଦ୍ୱାର ଫିଟିବ। ଗୁରୁବାର ଦିନ ୧୦ଟାରୁ ୧୧ଟା ମଧ୍ୟରେ ଦୋଳବେଦୀକୁ ବିଜେ ହେବେ ଦିଅ। ସେହିଦିନ ରାତି ୯ଟାରେ ବାହୁଡ଼ା ଏବଂ ୯ଟା ୩୦ରେ ଶ୍ରୀଜିଉଙ୍କ ରାଜାଧିରାଜ ବେଶ ଅନୁଷ୍ଠିତ ହେବ। ଠାକୁରଙ୍କ ଏହି ବେଶକୁ ଶ୍ରଦ୍ଧାଳୁମାନେ ରାତି ୧୧ଟା ପର୍ଯ୍ୟନ୍ତ ଦର୍ଶନ କରି ପାରିବେ। ସବୁ ନୀତିକାନ୍ତ ଯେଭଳି ଠିକ୍‌ ଭାବେ ସମ୍ପନ୍ନ ହେବ ସେ ନେଇ ବୈଠକରେ ଗୁରୁତ୍ୱାରୋପ କରାଯାଇଥିଲା।
ଶୋ’ ଅଫ୍‌ ପାଇଁ ୬୪ ପ୍ରତିଶତ
ଭାରତରେ ସୋସାଲ ମିଡିଆରେ ସକ୍ରିୟ ଅଧିକାଂଶ ଯୁବପିଢ଼ି ଶୋ’ ଅଫ୍‌ ବା ଦେଖେଇ ହେବା ଲାଗି କିମ୍ବା ନିଜ ଫଲୋଅର୍ସଙ୍କ ପ୍ରଶଂସା ପାଇବା ପାଇଁ ନିଜ ଫଟୋ କିମ୍ବା ଭିଡ଼ିଓ ପୋଷ୍ଟ କରୁଛନ୍ତି। ହୋଟେଲ ବୁକିଂ ବ୍ୟବସାୟ କରୁଥିବା ଅନ୍‌ଲାଇନ୍‌ କମ୍ପାନୀର ମୋବାଇଲ ଟ୍ରାଭେଲ ଟ୍ରାକରର ସର୍ଭେରୁ ଏହା ସାମ୍ନାକୁ ଆସିଛି। ଏହି ସର୍ଭେରେ ସାମିଲ ଥିବା ୬୪ ପ୍ରତିଶତ ଲୋକ ମାନିଥିଲେ ଯେ ଭ୍ରମଣ ସମୟରେ ସେମାନେ ଖାଦ୍ୟ ସହିତ ଜଡ଼ିତ ଫଟୋ ଅଧିକ ସୋସାଲ ମିଡିଆରେ ପୋଷ୍ଟ କରନ୍ତି। ସେମାନଙ୍କର ଯେଉଁ ବନ୍ଧୁ ଘରେ ରହି ସାଧାରଣ ଖାଦ୍ୟ ଖାଉଛନ୍ତି ସେମାନଙ୍କୁ ଚିଡ଼ାଇବା ଲାଗି ସେମାନେ ଏପରି କରିଥାନ୍ତି ବୋଲି ସର୍ଭେରେ ସେମାନେ କହିଥିଲେ। ଏହି ସର୍ଭେରେ ୩୦ଟି ଦେଶରୁ ପାଖାପାଖି ୯୦୦୦ ଲୋକ ସାମିଲ ହୋଇଥିଲେ।

ଫଟୋ ଗ୍ୟାଲେରୀ

ୟୁଟିଆଇ ସମୟରେ ମହିଳାମାନେ
ୟୁରିନାରୀ ଟ୍ରାକ୍ଟ ଇମ୍ଫେକ୍ସନ (ୟୁଟିଆଇ) ମହିଳାଙ୍କଠାରେ ଏକ ସାଧାରଣ ସମସ୍ୟା ଅଟେ। କେତେକ ମହିଳାଙ୍କଠାରେ ଏହି ସମସ୍ୟା ୨୦ରୁ ୪୦ ବର୍ଷ ବୟସ ମଧ୍ୟରେ ଅଧିକ ହୋଇଥାଏ। ସମ୍ବେଦନଶୀଳ ଅଙ୍ଗକୁ ଭଲ ଭାବେ ପରିଷ୍କାର ନ କରିବା ଫଳରେ କମ୍‌ ବୟସର ଝିଅଙ୍କଠାରେ ମଧ୍ୟ ଲଗାତର ଏହି ସମସ୍ୟା ଦେଖାଯାଏ। ମୂତ୍ର ମାର୍ଗରେ ହେଉଥିବା ସଂକ୍ରମଣକୁ ୟୁଟିଆଇ କୁହାଯାଏ। କିଡ୍‌ନୀ, ୟୁରିନାରୀ ବ୍ଲାଡର ଏବଂ ଅନ୍ୟ କୌଣସି ଅଙ୍ଗରେ ସଂକ୍ରମିତ ହେଲେ ମଧ୍ୟ ୟୁଟିଆଇ ହୋଇପାରେ। ବ୍ୟାକ୍ଟେରିଆ ପାଇଁ ୟୁଟିଆଇ ସମସ୍ୟା ହୋଇଥାଏ। ଏହି ବ୍ୟାକ୍ଟେରିଆ ୟୁରିନାରୀ ଟ୍ରାକ୍ଟ ଦେଇ ବ୍ଲାଡର ପର୍ଯ୍ୟନ୍ତ ପହଞ୍ଚି ସଂକ୍ରମଣ କରିଥାନ୍ତି। ଏଥିପାଇଁ ଅନେକ ସମୟରେ ବ୍ଲାଡର ଫୁଲି ମଧ୍ୟ ଯାଇଥାଏ। ଠିକ୍‌ ସମୟରେ ଚିକିତ୍ସା ନ କଲେ ଏହା ବ୍ଲାଡର ଓ କିଡ୍‌ନୀକୁ ମଧ୍ୟ କ୍ଷତି ପହଞ୍ଚାଇ ପାରେ। କେତେକ ମହିଳା ନିଜ ଜୀବନଶୈଳୀରେ ଏଭଳି କିଛି ଭୁଲ୍‌ କରିଥାନ୍ତି, ଯାହାଫଳରେ ୟୁଟିଆଇ ସମୟରେ ଅଧିକ ସମସ୍ୟା ଭୋଗିବାକୁ ପଡ଼ିପାରେ। ଚାଲନ୍ତୁ ଜାଣିବା ୟୁଟିଆ ସମୟରେ କ’ଣ କରିବା ଉଚିତ।
କେଉଁ ସହର ଦେବ ବଡ଼ ଚାକିରି,
ଦେଶରେ ସବୁଠୁ ଅଧିକ ଦରମା ଦେଉଥିବା ବଡ଼ ସହରମାନଙ୍କ ମଧ୍ୟରେ ଟପ୍‌ ୱାନରେ ରହିଛି କର୍ଣ୍ଣାଟକର ରାଜଧାନୀ ବେଙ୍ଗାଳୁରୁ। ଏଠାରେ ପେସାଦାରମାନଙ୍କ ହାରାହାରି ବାର୍ଷିକ ଦରମା ୧୦.୮ ଲକ୍ଷ ଟଙ୍କା। ଏହା ସହିତ ମେଡିସିନ ଏବଂ ହେଲ୍‌ଥ ସର୍ଭିସ କମ୍ପାନୀଗୁଡ଼ିକରେ ଅନ୍ୟ ସେକ୍ଟର ତୁଳନାରେ ସବୁଠୁ ଅଧିକ ଦରମା ମିଳିଥାଏ । ରେଡଷ୍ଟାଣ୍ଡ ଇଣ୍ଡିଆର ରିସର୍ଚ୍ଚ ଏବଂ ଆନାଲିସିସ ଡିପାର୍ଟମେଣ୍ଟର ସୂଚନା ଅନୁଯାୟୀ ବିଭିନ୍ନ ସହରରେ ପେସାଦାରମାନଙ୍କ ହାରାହାରି ବାର୍ଷିକ ଦରମା ସମ୍ପର୍କିତ ତଥ୍ୟ ଦିଆଯାଇଛି। ଏହିକ୍ରମରେ ବେଙ୍ଗାଳୁରୁରେ ବାର୍ଷିକ ୧୦.୮ ଲକ୍ଷ ଟଙ୍କାର ଦରମା ପାଉଥିବା କର୍ମଚାରୀଙ୍କ ସଂଖ୍ୟା ଦେଶର ଅନ୍ୟ ସହର ତୁଳନାରେ ଆଗରେ ଓ ପ୍ରଥମ ସ୍ଥାନରେ ରହିଛି। ବେଙ୍ଗାଳୁରୁ ପରେ ରୋଜଗାର ପରିମାଣ ଦୃଷ୍ଟିରୁ ଦ୍ବିତୀୟ ସ୍ଥାନରେ ରହିଛି ପୁଣେ (୧୦.୩ ଲକ୍ଷ)। ତୃତୀୟ ସ୍ଥାନରେ ଏନ୍‌ସିଆର (୯.୯ ଲକ୍ଷ) ଏବଂ ମୁମ୍ବାଇ ଚତୁର୍ଥ ସ୍ଥାନରେ (୯.୨ ଲକ୍ଷ) ରହିଛି। ବେଙ୍ଗାଳୁରୁରେ ପେସାଦାରମାନେ ବାର୍ଷିକ ହାରାହାରି ୧୦.୮ ଲକ୍ଷ ଦରମା ପାଉଥିବା ବେଳେ ଚେନ୍ନାଇର ପେସାଦାରମାନେ ବାର୍ଷିକ ୮ ଲକ୍ଷ ରୋଜଗାର କରିଥାନ୍ତି। ହାଇଦ୍ରାବାଦରେ ପେସାଦାରମାନଙ୍କ ବାର୍ଷିକ ରୋଜଗାର ୭ ଲକ୍ଷରୁ ଅଧିକ ଥିବା ବେଳେ କୋଲକାତାରେ ଏହି ପରିମାଣ ୭.୨ ଲକ୍ଷ ରହିଛି। ଦେଶର ସବୁଠୁ ଅଧିକ ଦରମା ପାଉଥିବା ପେସାଦାରଙ୍କ ସଂଖ୍ୟା ଦୃଷ୍ଟିରୁ ଓଡ଼ିଶାର ଭୁବନେଶ୍ବର ୨୫ଟି ସହର ତଳକୁ ଖସିଆସିଥିବା ଜଣାଯାଇଛି।
ସ୍ବାଧୀନତା ପରଠାରୁ ୪୭ ଗୁଣା
ବଦଳୁଛି ସମୟ। ତାଳ ଦେଇ ବଦଳୁଛି ବିକାଶର ଚିତ୍ର। ବିଗତ କିଛି ବର୍ଷ ମଧ୍ୟରେ ଦେଶର ଶିକ୍ଷା, ସ୍ବାସ୍ଥ୍ୟ, ପରିବହନ ଓ ଯୋଗାଯୋଗ କ୍ଷେତ୍ରରେ ଯଥେଷ୍ଟ ପରିବର୍ତ୍ତନ ଘଟିଛି। ଦେଶ ସ୍ବାଧୀନତା ପରଠାରୁ ଉଚ୍ଚଶିକ୍ଷା କ୍ଷେତ୍ରରେ ଅନେକ ବିକାଶ ହେବା ସହିତ କଲେଜ ସଂଖ୍ୟା ୪୭ ଗୁଣା ବୃଦ୍ଧି ପାଇଛି। ଦେଶରେ ସମ୍ପ୍ରତି ୩୯,୩୩୫ଟି କଲେଜ ରହିଛି। ମୋଟ କଲେଜ ସଂଖ୍ୟା ମଧ୍ୟରୁ ୬୦ ପ୍ରତିଶତ କଲେଜ ଗ୍ରାମାଞ୍ଚଳରେ ରହିଥିବା ଜଣାପଡ଼ିଛି। ଉତ୍ତର ପ୍ରଦେଶରେ ଦେଶର ସର୍ବାଧିକ କଲେଜ ରହିଛି। ଉତ୍ତର ପ୍ରଦେଶରେ ୬,୩୪୯ଟି କଲେଜ ଥିବା ବେଳେ ମହାରାଷ୍ଟ୍ରରେ ୪,୪୩୧ଟି କଲେଜ ରହିଛି। ସେହିପରି କର୍ଣ୍ଣାଟକରେ ୩,୭୯୧ କଲେଜ ଥିବା ବେଳେ ଆନ୍ଧ୍ରପ୍ରଦେଶରେ ୩,୨୬୦ଟି କଲେଜ ରହିଛି। ସେଥିମଧ୍ୟରୁ ୫୯ ପ୍ରତିଶତ କଲେଜ ଗ୍ରାମାଞ୍ଚଳରେ ଏବଂ ୪୧ ପ୍ରତିଶତ କଲେଜ ସହରାଞ୍ଚଳରେ ରହିଛି। ୨୦୧୦ ରୁ ୨୦୧୮ ମଧ୍ୟରେ ଦେଶରେ ୭୦ ପ୍ରତିଶତ ନୂଆ କଲେଜ ସ୍ଥାପିତ ହୋଇଛି। ୧୯୪୭ ମସିହା ପରଠାରୁ ଦୀର୍ଘ ଅର୍ଦ୍ଧଶତାବ୍ଦୀ ବ୍ୟାପୀ ଦେଶରେ ମାତ୍ର ୩୦ ପ୍ରତିଶତ କଲେଜ ପ୍ରତିଷ୍ଠା ହୋଇଥିବା ବେଳେ ଗତ ୧୦ ବର୍ଷରେ ୭୦ ପ୍ରତିଶତ କଲେଜ ପ୍ରତିଷ୍ଠା ହେବା ନିଶ୍ଚିତ ଭାବେ ଏକ ଉଲ୍ଲେଖନୀୟ ପ୍ରସଙ୍ଗ।

ଫେସ୍‌ବୁକ୍‌ରେ ପ୍ରତିନିଧି

ଟ୍ବୀଟରରେ ପ୍ରତିନିଧି

ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ଜନମତ

କୁଳଭୂଷଣ ଯାଦବଙ୍କୁ ନିର୍ଯାତନା ଦେବା ସହ ପାକିସ୍ତାନ ଅମାନବୀୟ ଆଚରଣ ପ୍ରଦର୍ଶନ କରୁଛି ଏବଂ ଏହାକୁ ଘୋଡ଼ାଇବା ପାଇଁ କୁଟନୈତିକ ଚାଲ୍‌ ଖେଳି ଚାଲିଛି। ଏଥିରେ ଆପଣ ଏକ ମତ ତ!