ଡା.ହର୍ଷବର୍ଦ୍ଧନ ଡବ୍ଲ୍ୟୁଏଚଓ କାର୍ଯ୍ୟନିର୍ବାହୀ ପରିଷଦର ଅଧ୍ୟକ୍ଷ ନିର୍ବାଚିତ


ନୂଆଦିଲ୍ଲୀ: କୋରୋନା ଯୁଦ୍ଧରେ ପ୍ରମୁଖ ଭୂମିକା ଗ୍ରହଣ କରିଥିବା ସ୍ୱାସ୍ଥ୍ୟ ମନ୍ତ୍ରୀ ଡାକ୍ତର ହର୍ଷ ବର୍ଦ୍ଧନ ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲ୍ୟୁଏଚଓ)ର କାର୍ଯ୍ୟନିର୍ବାହୀ ପରିଷଦର ଅଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି । ମେ ୨୨ ରେ ହର୍ଷବର୍ଦ୍ଧନ ଏହି ୩୪ ସଦସ୍ୟ ବିଶିଷ୍ଟ ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି। ଜାପାନର ଡାକ୍ତର ହିରୋକି ନାକାଟାନୀଙ୍କ ସ୍ଥାନରେ ଡାକ୍ତର ହର୍ଷ ବର୍ଦ୍ଧନ ଦାୟିତ୍ୱ ଗ୍ରହଣ କରିବେ। ୧୯୪ଟି ଦେଶର ସଦସ୍ୟତା ଥିବା ବିଶ୍ୱ ସ୍ୱାସ୍ଥ୍ୟ ସଂଗଠନରେ ହର୍ଷବର୍ଦ୍ଧନ ମଙ୍ଗଳବାର ଦିନ ଭାରତରୁ ନିର୍ବାଚିତ ହୋଇଛନ୍ତି। ଡବ୍ଲ୍ୟୁଏଚଓର ଦକ୍ଷିଣ ପୂର୍ବ ଏସିଆ ସମୂହ ଗତ ବର୍ଷ ସର୍ବସମ୍ମତି କ୍ରମେ ନିଷ୍ପତ୍ତି ନେଇଥିଲା ଯେ ଭାରତ ତିନି ବର୍ଷ ପାଇଁ କାର୍ଯ୍ୟନିର୍ବାହୀ ବୋର୍ଡକୁ ନିର୍ବାଚିତ ହେବ।

ବୋର୍ଡର ଚେୟାରମ୍ୟାନ୍ ପଦ ଏକ ବର୍ଷ ଭିତ୍ତିରେ ଅନେକ ଦେଶର ବିଭିନ୍ନ ଗୋଷ୍ଠୀରେ ଦିଆଯାଉଛି। ଗତ ବର୍ଷ ନିଷ୍ପତ୍ତି ନିଆଯାଇଥିଲା ଯେ ଭାରତ ଆସନ୍ତା ଏକ ବର୍ଷ ପାଇଁ ଏହି ପଦବୀରେ ରହିବ। ବୋର୍ଡ ବର୍ଷକୁ ଦୁଇଥର ବୈଠକ କରେ ଏବଂ ମୁଖ୍ୟ ବୈଠକ ଜାନୁଆରିରେ ହୋଇଥାଏ। ଦ୍ୱିତୀୟ ବୈଠକ ମେ ମାସରେ ଅନୁଷ୍ଠିତ ହୋଇଥାଏ।

କାର୍ଯ୍ୟନିର୍ବାହୀ ପରିଷଦର ମୁଖ୍ୟ କାର୍ଯ୍ୟ ହେଉଛି ସ୍ୱାସ୍ଥ୍ୟ ସଭାକୁ ଉପଯୁକ୍ତ ନିଷ୍ପତ୍ତି ଏବଂ ଉପଯୁକ୍ତ ପରାମର୍ଶ ଦେବା। ଡବ୍ଲ୍ୟୁଏଚଓର କାର୍ଯ୍ୟନିର୍ବାହୀ ବୋର୍ଡର ୩୪ ଜଣ ସଦସ୍ୟ ସ୍ୱାସ୍ଥ୍ୟ କ୍ଷେତ୍ରରେ ବିଶେଷଜ୍ଞ ହୋଇଥାନ୍ତି। ଯାହାଙ୍କୁ ୧୯୪ ଟି ଦେଶର ବିଶ୍ୱ ସ୍ୱାସ୍ଥ୍ୟ ସଭାରୁ ୩ ବର୍ଷ ପାଇଁ ବୋର୍ଡକୁ ନିର୍ବାଚିତ କରାଯାଏ। ତା’ପରେ ଏହି ସଦସ୍ୟମାନଙ୍କ ମଧ୍ୟରୁ ଜଣେ ଗୋଟିଏ ବର୍ଷ ପାଇଁ ଅଧ୍ୟକ୍ଷ ହୁଅନ୍ତି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ