ହ୍ବାଟସ୍‌ଆପ୍‌ ବ୍ୟବହାର କରୁଥିବା ବ୍ୟକ୍ତି ଅଧିକ ଫିଟ୍‌!


ସୋସାଲ ମିଡିଆରେ ଅଧିକ ସମୟ ବିତାଉଥିବା ଲୋକଙ୍କ ପାଇଁ ଖୁସି ଖବର। ଗବେଷକଙ୍କ କହିବାନୁସାରେ ହ୍ବାଟସ୍‌ଆପ୍‌ ଭଳି ଡିଜିଟାଲ ପ୍ଲାଟଫର୍ମରେ ସମୟ ବିତାଇବା ଆମ ପାଇଁ ଲାଭଦାୟକ ହୋଇପାରେ। ଏହାକୁ ବ୍ୟବହାର କରୁଥିବା ଲୋକେ ମାନସିକ ଭାବେ ସୁସ୍ଥ ରହିଥାନ୍ତି। ହ୍ୟୁମାନ୍‌ କମ୍ପ୍ୟୁଟର ଷ୍ଟଡି ସମ୍ପର୍କିତ ଅନ୍ତରାଷ୍ଟ୍ରୀୟ ପତ୍ରିକାରେ ପ୍ରକାଶିତ ଏକ ଗବେଷଣା ଅନୁସାରେ ଟେକ୍ସଟ୍‌ ଆଧାରିତ ମେସେଜିଂ ଆପ୍ଲିକେସନ୍‌, ଯାହା ୟୁଜର୍ସଙ୍କୁ ଗ୍ରୁପ୍‌ ଚାଟ୍‌ କରିବା ସୁବିଧା ପ୍ରଦାନ କରୁଛି, ତାହା ମାନସିକ ସ୍ତରରେ ସକାରାତ୍ମକ ପ୍ରଭାବ ପକାଇଥାଏ।

ଗବେଷଣାରୁ ଜଣାପଡ଼ିଛି ଯେ ଲୋକେ ଯେତେ ଅଧିକ ସମୟ ହ୍ବାଟସ୍‌ଆପ୍‌ରେ ବିତାନ୍ତି, ସେତିକି ଅଧିକ ସେମାନଙ୍କର ଏକୁଟିଆପଣ ଦୂର ହୋଇଥାଏ। ସେମାନଙ୍କର ଆତ୍ମବିଶ୍ବାସ ମଧ୍ୟ ବୃଦ୍ଧି ହୋଇଥାଏ। ଫଳରେ ସେମାନେ ସମ୍ପର୍କୀୟ ଓ ବନ୍ଧୁଙ୍କ ଅଧିକ ନିକଟରେ ଥିବା ଭଳି ଅନୁଭବ କରନ୍ତି। ଏଜ୍‌ ହିଲ୍‌ ୟୁନିଭର୍ସିଟିର ପ୍ରଫେସର ଲିଣ୍ଡା କାୟେ କହିଛନ୍ତି ଯେ ଏ ସମ୍ପର୍କରେ ଅନେକ ସମୟରେ ଆଲୋଚନା ହୋଇସାରିଛି। ସୋସାଲ ମିଡିଆରେ ସମୟ ବିତାଇବା ବ୍ୟକ୍ତି ପାଇଁ ଖରାପ ବୋଲି ଅନେକ ସମୟରେ କୁହାଯାଏ। କିନ୍ତୁ ସେମାନେ ଗବେଷଣାରୁ ଜାଣିବାକୁ ପାଇଛନ୍ତି ଯେ ସୋସାଲ ମିଡିଆ ଏତେ ବି ଖରାପ ନୁହେଁ, ଯେତିକି ଲୋକେ ଭାବୁଛନ୍ତି ବୋଲି କାୟେ କହିଛନ୍ତି। ହ୍ବାଟ୍‌ସଆପରେ ଅଧିକ ସମୟ ବିତାଉଥିବା ଲୋକେ ସେମାନେ ସମ୍ପର୍କକୁ ଆହୁରି ଦୃଢ଼ କରିପାରନ୍ତି ବୋଲି କାୟେ କହିଛନ୍ତି। 

ଗବେଷଣା ପାଇଁ ଗବେଷକମାନେ ୨୦୦ ଜଣଙ୍କୁ ଚୟନ କରିଥିଲେ। ଯେଉଁଥିରେ ୧୫୮ ଜଣ ମହିଳା ଓ ୪୨ ଜଣ ପୁରୁଷ ସାମିଲ୍‌ ଥିଲେ। ସମସ୍ତଙ୍କ ବୟସ ହାରାହାରି ୨୪ ବର୍ଷ ଥିଲା। ଗବେଷଣାରୁ ଜଣାପଡ଼ିଛି ଯେ ଏହାର ଲୋକପ୍ରିୟତା ଓ ଗ୍ରୁପ୍‌ ଚାଟ୍‌ କାରଣରୁ ପ୍ରତ୍ୟେକ ଦିନ ଲୋକେ ହାରାହାରି ୫୫ ମିନିଟ୍‌ ହ୍ବାଟ୍‌ସଆପ୍‌ ବ୍ୟବହାର କରିଥାନ୍ତି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।