ବାତିଲ୍‌ ହେଲା ବାଂଲା-ଶ୍ରୀଲଙ୍କା ମ୍ୟାଚ୍‌: ବିଶ୍ବକପ୍‌ରେ ବର୍ଷାବାଧା ରେକର୍ଡ


ବ୍ରିଷ୍ଟଲ୍‌: ଚଳିତ ବିଶ୍ବକପ୍‌କୁ ଦୁଇ ସପ୍ତାହ ବି ପୂରି ନ ଥିଲେ ମଧ୍ୟ ଇତିମଧ୍ୟରେ ୩ଟି ମ୍ୟାଚ୍‌ ବର୍ଷା କାରଣରୁ ବାତିଲ୍‌ ହୋଇଯାଇଛି। ଏହି ତିନିଟିଯାକ ମ୍ୟାଚ୍‌ ଗୋଟିଏ ସପ୍ତାହ ମଧ୍ୟରେ ବାତିଲ୍‌ ହୋଇଛି ଓ ଫଳସ୍ବରୂପ ଉଭୟ ଦଳ ପଏଣ୍ଟ୍‌ ବାଣ୍ଟିବାକୁ ବାଧ୍ୟ ହୋଇଛନ୍ତି। ପ୍ରଥମେ ପାକିସ୍ତାନ ଓ ଶ୍ରୀଲଙ୍କା ମଧ୍ୟରେ ଖେଳାଯିବାକୁ ଥିବା ମ୍ୟାଚ୍‌ ବାତିଲ୍‌ ହୋଇଥିଲା। ପରେ ୱେଷ୍ଟ୍‌ଇଣ୍ଡିଜ୍‌ ଓ ସାଉଥ୍ ଆଫ୍ରିକା ମଧ୍ୟରେ ମ୍ୟାଚ୍‌ଟି ମାତ୍ର ୭.୩ ଓଭର୍‌ ଖେଳାଯାଇଥିଲା ଓ ଏହାପରେ ବର୍ଷା କାରଣରୁ ଦଳ ମଧ୍ୟରେ ପଏଣ୍ଟ୍‌ ବାଣ୍ଟିଦିଆଯାଇଥିଲା। ପୁଣି ମଙ୍ଗଳବାର ଏଠାରେ ଖେଳାଯିବାକୁ ଥିବା ମ୍ୟାଚ୍‌ରେ ଟସ୍‌ ବି ପଡ଼ିପାରି ନ ଥିଲା ଓ ସମ୍ପୂର୍ଣ୍ଣ ମ୍ୟାଚ୍‌କୁ ବର୍ଷା ଧୋଇନେଇଥିଲା। ଏଥିସହ ବିଶ୍ବକପ୍‌ ଇତିହାସରେ ପ୍ରଥମ ଥର ପାଇଁ ଗୋଟିଏ ସଂସ୍କରଣରେ ତିନିଟି ମ୍ୟାଚ୍‌ ବାତିଲ୍‌ ହୋଇଯାଇଛି।

ଚଳିତ ସଂସ୍କରଣରେ ଦୁଇଟି ମ୍ୟାଚ୍‌ ଟସ୍‌ ପଡ଼ିବା ପୂର୍ବରୁ ବାତିଲ୍‌ ହୋଇଯାଇଛି। ପୂର୍ବରୁ ୧୯୯୨, ୧୯୯୯ ଓ ୨୦୦୩ ସଂସ୍କରଣରେ ଗୋଟିଏ ଲେଖାଏଁ ମ୍ୟାଚ୍‌ ଟସ୍‌ ପଡ଼ିବା ପୂର୍ବରୁ ବାତିଲ୍‌ ହୋଇଯାଇଥିଲା। ମଙ୍ଗଳବାର ଏଠାରେ ବର୍ଷା ଜାରି ରହିବା ଫଳରେ ଅମ୍ପାୟାର୍‌ଙ୍କ ପାଖରେ ପଡ଼ିଆ ତଦାରଖର ସୁଯୋଗ ମଧ୍ୟ ସୃଷ୍ଟି ହୋଇପାରି ନ ଥିଲା। ଟୁର୍ଣ୍ଣାମେଣ୍ଟ୍‌ର ଷୋଡ଼ଶ ମ୍ୟାଚ୍‌ରେ ଦୁଇ ଦଳ ପଏଣ୍ଟ୍‌ ବାଣ୍ଟିବା ପରେ ଶ୍ରୀଲଙ୍କା ୪ ପଏଣ୍ଟ୍‌ ସହ ପଞ୍ଚମ ସ୍ଥାନରେ ରହିଥିବା ବେଳେ ବାଂଲାଦେଶ ୩ ପଏଣ୍ଟ୍‌ ସହ ସପ୍ତମ ସ୍ଥାନରେ ରହିଛି। ଶ୍ରୀଲଙ୍କା ତା’ର ପଞ୍ଚମ ମ୍ୟାଚ୍‌ରେ ଆସନ୍ତା ଶନିବାର ଓଭାଲ୍‌ଠାାରେ ଅଷ୍ଟ୍ରେଲିଆକୁ ଭେଟିବ। ସେହିପରି ବାଂଲାଦେଶ ପାଖାପାଖି ଗୋଟିଏ ସପ୍ତାହ ପରେ ଅର୍ଥାତ୍‌ ସୋମବାର ଟଣ୍ଟନ୍‌ଠାରେ ୱେଷ୍ଟ୍‌ଇଣ୍ଡିଜ୍‌ ବିପକ୍ଷରେ ମ୍ୟାଚ୍‌ ଖେଳିବ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?