ଭୋଜନ ପୂର୍ବରୁ ସାଲାଡ଼ ଖାଆନ୍ତୁ, ରକ୍ତ ସଫା ରହିବ


ଅନେକ ସମୟରେ ଅସ୍ବାସ୍ଥ୍ୟକର ଖାଦ୍ୟ ଖାଇବା ଫଳରେ ରକ୍ତରେ ଏପରି କିଛି ତତ୍ତ୍ବ ମିଶିଯାଏ, ଯାହା ଶରୀରକୁ କ୍ଷତି ପହଞ୍ଚାଏ। ରୋଗରୁ ମୁକ୍ତି ପାଇବା ଲାଗି ଶରୀର ମଧ୍ୟରେ ଥିବା ଟକ୍ସିନ୍‌ ବାହାରକୁ ବାହାରିବା ନିହାତି ଦରକାର। ପବନ, ପାଣି ଏବଂ ଖାଦ୍ୟରେ ଥିବା ପ୍ରଦୂଷଣ ତଥା ଅନ୍ୟାନ୍ୟ ପ୍ରତିକୂଳ ତତ୍ତ୍ବ ଅନେକ ସମୟରେ ଆମ ଶରୀର ଭିତରକୁ ଚାଲିଯାଏ। ଯାହା ଟକ୍ସିନ୍‌ ଭାବେ ଜମିବାରେ ଲାଗେ। ଧିରେ ଧିରେ ଏହା ଅଧିକ ବିଷାକ୍ତ ହେବାରେ ଲାଗେ। ଡାକ୍ତରଙ୍କ କହିବାନୁସାରେ ରକ୍ତ ସଫା ନ ହେଲେ, ଘା’, ବ୍ରଣ ଏବଂ ଅନ୍ୟାନ୍ୟ ଚର୍ମରୋଗ ହୋଇପାରେ। ଚାଲନ୍ତୁ ଜାଣିବା ରକ୍ତ ସଫା ରଖିବା ଲାଗି କ’ଣ କରିବେ।

ଖାଇବା ପୂର୍ବରୁ ସାଲାଡ଼
ଖାଦ୍ୟ ସେବନ କରିବା ପୂର୍ବରୁ ଯଥେଷ୍ଟ ମାତ୍ରାରେ ସାଲାଡ଼ ଖାଆନ୍ତୁ। ସାଲାଡ଼ରେ ଆଣ୍ଟିଅକ୍ସିଡେଣ୍ଟସ୍‌ ଏବଂ ଏଞ୍ଜାଇମ୍‌ସ ଭରପୂର ମାତ୍ରାରେ ରହିଛି, ଯାହା ହଜମ କ୍ରିୟାକୁ ଠିକ୍‌ ରଖିଥାଏ। ଏଥିସହିତ ସାଲାଡ଼ ଆବଶ୍ୟକୀୟ ଭିଟାମିନ୍ସ, ମିନେରାଲ୍ସ ଏବଂ ଅନ୍ୟ ଫିଟୋକେମିକାଲ୍ସ ଯୋଗାଇଥାଏ। ତେଣୁ ପ୍ରତ୍ୟେକ ଥର ଖାଇବା ପୂର୍ବରୁ ଅତିକମରେ ଏକ ଗିନା ଗ୍ରୀନ୍‌ କିମ୍ବା କଲରଫୁଲ୍‌ ସାଲାଡ଼ ଜରୁର ଖାଆନ୍ତୁ।

ସବୁଠାରୁ ଦରକାରୀ ପାଣି

ଯଦି ଆପଣ ଶରୀରରେ ଥିବା ମଇଳାକୁ ବାହାର କରିବାକୁ ଚାହୁଛନ୍ତି, ତେବେ ସବୁଠାରୁ ଉତ୍ତମ ଉପାୟ ପ୍ରଚୁର ପାଣି ସେବନ। ଯଦି ଆପଣ ପର୍ଯ୍ୟାପ୍ତ ମାତ୍ରାରେ ପାଣି ପିଉ ନାହାନ୍ତି, ତେବେ ସ୍ବାସ୍ଥ୍ୟକର ଖାଦ୍ୟ ଖାଇବା ପରେ ମଧ୍ୟ କୌଣସି ଲାଭ ମିଳି ନ ଥାଏ। ଫଳରେ ଶରୀର ଭିତରୁ ସମ୍ପୂର୍ଣ୍ଣ ଭାବେ ମଇଳା ସଫା ହୁଏ ନାହିଁ। ତେଣୁ ଶରୀରକୁ ଭଲ ଭାବେ ଡିଟକ୍ସ କରିବା ଲାଗି ସାରା ଦିନରେ ଅତିକମରେ ୩ରୁ ୪ ଲିଟର ପାଣି ପିଅନ୍ତୁ।

ଲେମ୍ବୁ ଓ କମଳା ଖାଆନ୍ତୁ

ଆଣ୍ଟିଅକ୍ସିଡାଣ୍ଟ ବିଶେଷ ରୂପରେ ଭିଟାମିନ୍‌ ସି’ରେ ଭରପୂର କମଳା ଓ ଲେମ୍ବୁ ଗ୍ଲୁଟାଥିଓନ ଉତ୍ପାଦନକୁ ବଢ଼ାଇ ଲିଭରର କାର୍ଯ୍ୟରେ ସହାୟତା କରେ। ଗ୍ଲୁଟାଥିଓନ ଲିଭରକୁ ଡିଟକ୍ସ କରିବା ପାଇଁ ଆବଶ୍ୟକ। କିଛି ଦିନ ପର୍ଯ୍ୟନ୍ତ ସଲିଡ୍‌ ଫୁଡ୍‌ ନ ଖାଇ ଲେମ୍ବୁ ପାଣି ପିଇବା ଦ୍ବାରା ଆପଣଙ୍କ ଡିଟକ୍ସ ପ୍ରଣାଳୀକୁ ପ୍ରାକୃତିକ ରୂପରେ ପ୍ରୋତ୍ସାହନ ମିଳିଥାଏ। ଲେମ୍ବୁରେ ପ୍ରଚୁର ମାତ୍ରାରେ ଭିଟାମିନ୍‌ ସି ଏବଂ ଆଣ୍ଟିଅକ୍ସିଡାଣ୍ଟ, ଲିମୋନୋଇଡ୍‌ସ ରହିଛି। ଯାହା ଡିଟକ୍ସିଫାଇ ଏଞ୍ଜାଇମ୍‌କୁ ସକ୍ରିୟ କରିବାରେ ସାହାଯ୍ୟ କରେ।

ଫଳ ଆହାର ଜରୁରୀ

ପର୍ଯ୍ୟାପ୍ତ ମାତ୍ରାରେ ଫଳ ସେବନ କରିବା ଉଚିତ। ଫଳରେ ଥିବା ମିନେରାଲ୍ସ ଏବଂ ଆଣ୍ଟିଅକ୍ସିଡାଣ୍ଟସ୍‌ ରକ୍ତ ସଫା କରେ। ଆପଣଙ୍କ ଶରୀରରେ ଥିବା ବିଷାକ୍ତ ପଦାର୍ଥକୁ ବାହାର କରି କୋଲୋନ ଏବଂ ଲିମ୍ଫାଟିକ୍‌ ସିଷ୍ଟମକୁ ଠିକ୍‌ ଭାବେ କାମ କରିବାକୁ ସାହାଯ୍ୟ କରେ। ଯଦି ଆପଣ ଓଜନ କମ୍‌ କରିବାକୁ ଚେଷ୍ଟା କରୁଛନ୍ତି, ତେବେ ଫଳ ସେବନ କରନ୍ତୁ।

ନଟ୍‌ସ ଏବଂ ଶସ୍ୟ ସେବନ

ଶରୀରର ରକ୍ତ ଶର୍କରା ସ୍ଥିର ରଖିବା ଲାଗି ସ୍ବାସ୍ଥ୍ୟକର ସ୍ନାକ୍‌ସ ଖାଇବା ଉଚିତ। ଏହା ରକ୍ତ ଶର୍କରାରେ ଆସୁଥିବା ଉତ୍‌ଥାନ ପତନ ଆପଣଙ୍କ ଶକ୍ତିକୁ କମ୍‌ କରିପାରେ। ଏଥିସହିତ ଏହାର ପ୍ରଭାବ ରୋଗ ପ୍ରତିରୋଧ ଶକ୍ତି ଉପରେ ମଧ୍ୟ ପଡ଼େ। ଏହା ଓଜନ ମଧ୍ୟ ନିୟନ୍ତ୍ରଣ ରଖେ। ରକ୍ତ ଶର୍କରା ସ୍ତର ନିୟନ୍ତ୍ରିତ ରଖିବା ଲାଗି ପର୍ଯ୍ୟାପ୍ତ ମାତ୍ରାରେ ନଟ୍‌ସ, ଶସ୍ୟ, ଦଲିଆ ଆଦି ସେବନ କରିବା ଉଚିତ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

ଅଧାପୋଡ଼ା ସିଗାରେଟ୍ ଟାଣୁଥିବା
ହାଇଦ୍ରାବାଦର ଶେଷ ନିଜାମ୍ ସାର୍ ମୀର୍ ଓସମାନ ଅଲ୍ଲୀ ଖାନ୍ ବିଶ୍ୱର ସବୁ ସମୟର ସବୁଠାରୁ ଧନୀ। କିନ୍ତୁ ଧନାଢ଼୍ୟ ଶାସକ ଭାବରେ ଯେତିକି ସେ ଜଣାଶୁଣା ଥିଲେ, ସେତିକି ମଧ୍ୟ ଥିଲେ କୃପଣ। ସବୁ ଜମିଦାର ଏବଂ ଦରବାରୀ ସୁନାର ଅସରପି (ମୋହର) ନେଇ ନିଜାମଙ୍କ ଦରବାରକୁ ଆସୁଥିଲେ। ନିଜାମ ତାହା ଛୁଉଁଥିଲେ ଏବଂ ଫେରାଇ ଦେଉଥିଲେ, ଯାହା ଯେଉଁମାନଙ୍କର ପ୍ରାପ୍ୟ ଥିଲା। କିନ୍ତୁ ହାଇଦ୍ରାବାଦର ସପ୍ତମ ଏବଂ ଶେଷ ନିଜାମ୍ ଉଲ୍-ମୁଲ୍କ ଆସଫ୍ ଜାହା-୭ମ ବା ସାର୍ ମୀର୍ ଓସମାନ ଅଲ୍ଲୀ ଖାନ୍ ସିଦ୍ଦିକି ବାହାଦୂର ତାଙ୍କ ପୂର୍ବପୁରୁଷ ଅନ୍ୟ ଛଅଜଣ ନିଜାମଙ୍କ ଭଳି ତାହା ନ କରି ତାଙ୍କ ପାଖକୁ ଆସୁଥିବା ଅସରପିକୁ ସିଂହାସନ ତଳେ ଥିବା ଏକ କାଗଜ ଥଳୀରେ ରଖିଦେଉଥିଲେ। ଦରବାର ଶେଷ ହେବାପରେ ଏଇ ଅସରପି ଥଳିକୁ ନିଜାମଙ୍କ ଶୟନକକ୍ଷକୁ ନିଆଯାଉଥିଲା। ଧୀରେ ଧୀରେ ନିଜାମଙ୍କ ପାଖରେ ସୁନା ଅସରପିର ଏକ ପାହାଡ଼ ହୋଇଗଲା।