୨୦୦ କୋଟିର ବାହାଘର ପାଇଁ ଚର୍ଚ୍ଚାରେ ଅଉଲି, ପର୍ଯ୍ୟଟନର ମଜା ନିଅନ୍ତୁ


ଉତ୍ତରାଖଣ୍ଡର ସହର ଅଉଲି ଭାରତର ସବୁଠାରୁ ମହଙ୍ଗା ବାହାଘରର ଆୟୋଜନ କରିବାକୁ ସଜବାଜ ହୋଇସାରିଛି। ଉଦ୍ୟୋଗପତି ଗୁପ୍ତା ବନ୍ଧୁ ଅଜୟ ଓ ଅତୁଲ ନିଜର ଦୁଇ ପୁଅଙ୍କ ବାହାଘର ଅଉଲିରେ କରିବାକୁ ଯାଉଛନ୍ତି। ୧୮ରୁ ୨୨ ଜୁନ୍‌ ମଧ୍ୟରେ ହେବାକୁ ଥିବା ଏହି ବାହାଘରରେ ୨୦୦ କୋଟି ଟଙ୍କା ଖର୍ଚ୍ଚ ହେବ ବୋଲି କୁହାଯାଉଛି। ଯଦି ଆପଣ ମଧ୍ୟ ପ୍ରଚଣ୍ଡ ଗରମ ଓ ଲୁ’ରୁ ରକ୍ଷା ପାଇବାକୁ ଚାହୁଛନ୍ତି, ତେବେ ଅଉଲିର ମନମୋହକ ପରିବେଶରେ ଶାନ୍ତିରେ କିଛି ସମୟ ବିତାଇପାରିବେ। ଏଠାରେ ବୁଲିବା ପାଇଁ ଅନେକ ଗୁଡ଼ିଏ ସୁନ୍ଦର ସୁନ୍ଦର ପର୍ଯ୍ୟଟନସ୍ଥଳୀ ରହିଛି।

ଅଉଲି ରୋପ୍‌ୱେ
ପ୍ରକୃତି କୋଳରେ ରହିଥିବା ଅଉଲିରେ ବୁଲିବା ପାଇଁ ଅନେକ ସ୍ପତନ୍ତ୍ର ସ୍ଥାନ ରହିଛି। ଏଠାରେ ଏସିଆର ସବୁଠାରୁ ଲମ୍ବା ରୋପ୍‌ୱେ ରହିଛି। ଏହି ରୋପ୍‌ୱେରେ ବସି ଆପଣ ବରଫରେ ଘୋଡ଼ାଇ ହୋଇ ରହିଥିବା ପାହାଡ଼କୁ ପାଖରୁ ଦେଖିବା ଓ ପ୍ରକୃତିର ବାସ୍ତବିକ ସୌନ୍ଦର୍ଯ୍ୟକୁ ଉପଭୋଗ କରିପାରିବେ।

ଅଉଲି ଆର୍ଟିଫିସିଆଲ ଲେକ୍‌

ଅଉଲି ଆସିବା ପରେ ଆପଣ ଏଠାରେ କୁତ୍ରିମ ହ୍ରଦ ବୁଲି ଦେଖିବାକୁ ଆଦୌ ଭୁଲନ୍ତୁ ନାହିଁ। ଭାରତର ସବୁଠାରୁ ପ୍ରାଚୀନ ହ୍ରଦ ମଧ୍ୟରେ ଏହା ଅନ୍ୟତମ। ମନୁଷ୍ୟଙ୍କ ଦ୍ବାରା ନିର୍ମିତ ହେଇଥିବା ଏହା ସବୁଠାରୁ ବଡ଼ ହ୍ରଦ ବୋଲି କୁହାଯାଉଛି।

ଗୁରୁସନ ବୁଗ୍ୟାଲ

ବରଫ ପରିପୂର୍ଣ୍ଣ ପରିବେଶ ପାଇଁ ଅଉଲି ଜଣାଶୁଣା। କିନ୍ତୁ ଯଦି ଆପଣ କ୍ଷେତ, ଜଙ୍ଗଲ ବୁଲିବାକୁ ଚାହୁଛନ୍ତି, ତେବେ ଏଠାରୁ ୪ କିମି ଦୂରରେ ଅବସ୍ଥିତ ଗୁରୁସନ୍‌ ବୁଗ୍ୟାଲ ବୁଲିପାରିବେ। ଏଠାରେ ଆପଣ ପ୍ରାକୃତିକ ପରିବେଶ ମଧ୍ୟରେ କିଛି ସମୟ ବିତାଇପାରିବେ।

କ୍ବୀନ୍‌ ବୁଗ୍ୟାଲ

ଗୁରସନ ବୁଗ୍ୟାଲଠାରୁ ପାଖାପାଖି ୧୨ କିମି ଦୂରରେ କ୍ବୀନ୍‌ ବୁଗ୍ୟାଲ ନାମକ ଏକ ଲୋକପ୍ରିୟ ସ୍ଥାନ ରହିଛି। ଟ୍ରେକିଂ କରିବାକୁ ପସନ୍ଦ କରୁଥିବା ଲୋକଙ୍କ ପାଇଁ ଏହି ସ୍ଥାନ କୌଣସି ସ୍ବର୍ଗଠାରୁ କମ୍ ନୁହେଁ।

ଛତ୍ରକୁଣ୍ଡ
ପର୍ଯ୍ୟଟକଙ୍କ ପାଇଁ ଏହି ଛତ୍ରକୁଣ୍ଡ ନାମକ ଏକ ହ୍ରଦ ରହିଛି। ଏଠାରେ ତାପମାତ୍ରା ବହୁତ କମ୍ ଥାଏ। ତେଣୁ ଏଠାକୁ ବୁଲିଯିବା ପୂର୍ବରୁ ଉଲ୍‌ରେ ନିର୍ମିତ ପୋଷାକ ନେଇଯିବାକୁ ଭୁଲନ୍ତୁ ନାହିଁ। ଦିଲ୍ଲୀ ଓ ଏନ୍‌ସିଆର୍‌ର ଲୋକେ ପାଖାପାଖି ୫ ହଜାର ଟଙ୍କା ଖର୍ଚ୍ଚ କରି ଅଉଲି ବୁଲିପାରିବେ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?