ଜୁଲାଇ ୧ରୁ ବିମାନ ଯାତ୍ରୀଙ୍କୁ ପଡ଼ିବ ଅଧିକ ଦେୟ


ଆସନ୍ତା ଜୁଲାଇ ୧ ତାରିଖଠାରୁ ଦେଶର ବିମାନ ଯାତ୍ରୀମାନଙ୍କୁ ଅଧିକ ଦେୟ ଦେବାକୁ ପଡ଼ିବ। କାରଣ ଭାରତ ସରକାର ଯାତ୍ରୀ ନିରାପତ୍ତା ବାବଦ ଦେୟ (ପିଏସ୍‌ଏଫ୍‌)ରେ ବୃଦ୍ଧି କରିଛନ୍ତି। ଏହା ଘରୋଇ ଯାତ୍ରୀଙ୍କ ସକାଶେ ୧୩୦ରୁ ୧୫୦ ଟଙ୍କା ପର୍ଯ୍ୟନ୍ତ ଅଧିକ ହୋଇଥିବା ବେଳେ ବିଦେଶକୁ ଯାତ୍ରା କରୁଥିବା ଯାତ୍ରୀମାନଙ୍କ ସକାଶେ ପିଏସ୍‌ଏଫ୍‌ ୩.୨୫ରୁ ୮.୪୫ ଡଲାର୍‌ ପର୍ଯ୍ୟନ୍ତ ଅଧିକ ରହିଛି। ଅର୍ଥାତ୍‌ ବିଦେଶ ଯାତ୍ରା କରୁଥିବା ଭାରତୀୟ ଯାତ୍ରୀମାନଙ୍କୁ ହାରାହାରି ୧୧୨ ଟଙ୍କା ଅଧିକ ଦେବାକୁ ପଡ଼ିବ। ନୂତନ ଦର ଆଭିଏସନ୍‌ ସିକ୍ୟୁରିଟି ଫି’ (ଏଏସ୍‌ଏଫ୍‌) ବାବଦରେ ଆଦାୟ ହେବ ବୋଲି ବେସାମରିକ ଜାହାଜ ଚଳାଚଳ ମନ୍ତ୍ରାଳୟ ପକ୍ଷରୁ ଯୁଗ୍ମ ସଚିବ ଉଷା ପାଢ଼ୀଙ୍କ ଦ୍ବାରା ଜାରି ବିଜ୍ଞପ୍ତିରେ କୁହାଯାଇଛି।

ପିଏସ୍‌ଏଫ୍‌ରେ ବୃଦ୍ଧି କରିବା ସକାଶେ ପ୍ରସ୍ତାବ ଗତ କିଛି ମାସ ହେଲା ବିଚାରାଧୀନ ରହିଥିଲା। ଦେଶର ୬୧ଟି ବିମାନ ବନ୍ଦରରେ ଯାତ୍ରୀଙ୍କୁ ସୁରକ୍ଷା ଯୋଗାଇ ଦେଉଥିବା କେନ୍ଦ୍ରୀୟ ଶିଳ୍ପ ନିରାପତ୍ତା ବଳ (ସିଆଇଏସ୍‌ଏଫ୍‌) ଏ ବାବଦରେ ବେଶ୍‌ କିଛି ବିମାନ ବନ୍ଦରରୁ ଅଦ୍ୟାବଧି ପାଉଣା ସଠିକ୍‌ ଭାବେ ପାଉନାହିଁ। ବିମାନ ବନ୍ଦରଗୁଡ଼ିକ ମଧ୍ୟ ବେଶ୍‌ କିଛି ବର୍ଷ ତଳେ ହୋଇଥିବା ୧୩୦ ଟଙ୍କାର ବୃଦ୍ଧି ସିଆଇଏସ୍‌ଏଫ୍‌ ବାବଦ ଖର୍ଚ୍ଚ ତୁଲାଇବା ସକାଶେ ଯଥେଷ୍ଟ ନୁହେଁ ବୋଲି ମତ ଦେଇଥିଲେ। ଗତ ବର୍ଷ ଜୁଲାଇ ମାସରେ ସିଆଇଏସ୍‌ଏଫ୍‌କୁ ଦରମା ବାବଦରେ ୧ ହଜାର କୋଟି ଟଙ୍କା ପଇଠ କରାଯାଇଛି। ଏଥି ମଧ୍ୟରୁ ଦିଲ୍ଲୀ ବିମାନ ବନ୍ଦର ପକ୍ଷରୁ ସର୍ବାଧିକ ପାଉଣା ପଇଠ କରାଯାଇଛି। ନରେନ୍ଦ୍ର ମୋଦି ତାଙ୍କ ପ୍ରଥମ ଇନିଂସରେ ପିଏସ୍‌ଏଫ୍‌ ବୃଦ୍ଧି ନେଇ ବିମାନବନ୍ଦରଗୁଡ଼ିକ କରିଆସୁଥିବା ଦାବିର ତର୍ଜମା କରିବା ସକାଶେ ଏକ ପ୍ୟାନେଲ୍‌ ଗଠନ କରିଥିଲେ। ଏହି ପ୍ୟାନେଲ୍‌ ଏବେ ନିରାପତ୍ତା ସଂକ୍ରାନ୍ତ ଦେୟ ବୃଦ୍ଧି କରିବା ସକାଶେ ନିଷ୍ପତ୍ତି ନେଇଛି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

ଅଧାପୋଡ଼ା ସିଗାରେଟ୍ ଟାଣୁଥିବା
ହାଇଦ୍ରାବାଦର ଶେଷ ନିଜାମ୍ ସାର୍ ମୀର୍ ଓସମାନ ଅଲ୍ଲୀ ଖାନ୍ ବିଶ୍ୱର ସବୁ ସମୟର ସବୁଠାରୁ ଧନୀ। କିନ୍ତୁ ଧନାଢ଼୍ୟ ଶାସକ ଭାବରେ ଯେତିକି ସେ ଜଣାଶୁଣା ଥିଲେ, ସେତିକି ମଧ୍ୟ ଥିଲେ କୃପଣ। ସବୁ ଜମିଦାର ଏବଂ ଦରବାରୀ ସୁନାର ଅସରପି (ମୋହର) ନେଇ ନିଜାମଙ୍କ ଦରବାରକୁ ଆସୁଥିଲେ। ନିଜାମ ତାହା ଛୁଉଁଥିଲେ ଏବଂ ଫେରାଇ ଦେଉଥିଲେ, ଯାହା ଯେଉଁମାନଙ୍କର ପ୍ରାପ୍ୟ ଥିଲା। କିନ୍ତୁ ହାଇଦ୍ରାବାଦର ସପ୍ତମ ଏବଂ ଶେଷ ନିଜାମ୍ ଉଲ୍-ମୁଲ୍କ ଆସଫ୍ ଜାହା-୭ମ ବା ସାର୍ ମୀର୍ ଓସମାନ ଅଲ୍ଲୀ ଖାନ୍ ସିଦ୍ଦିକି ବାହାଦୂର ତାଙ୍କ ପୂର୍ବପୁରୁଷ ଅନ୍ୟ ଛଅଜଣ ନିଜାମଙ୍କ ଭଳି ତାହା ନ କରି ତାଙ୍କ ପାଖକୁ ଆସୁଥିବା ଅସରପିକୁ ସିଂହାସନ ତଳେ ଥିବା ଏକ କାଗଜ ଥଳୀରେ ରଖିଦେଉଥିଲେ। ଦରବାର ଶେଷ ହେବାପରେ ଏଇ ଅସରପି ଥଳିକୁ ନିଜାମଙ୍କ ଶୟନକକ୍ଷକୁ ନିଆଯାଉଥିଲା। ଧୀରେ ଧୀରେ ନିଜାମଙ୍କ ପାଖରେ ସୁନା ଅସରପିର ଏକ ପାହାଡ଼ ହୋଇଗଲା।