କିଚେନ୍‌ କାମକୁ ସହଜ କରିବ ଏହି ଟିପ୍ସ


ରୋଷେଇ ଘର କାମକୁ ସମସ୍ତେ ସହଜ ଓ ସୁନ୍ଦର ଭାବେ କରିବାକୁ ଚାହିଥାନ୍ତି, ଯାହାଫଳରେ ସେମାନେ ରୋଷେଇ ଘର କାମ ଶୀଘ୍ର ଶେଷ କରି ଘରର ଅନ୍ୟ କାମ କରିପାରିବେ। ତେଣୁ ଏଠାରେ କେତେକ ସହଜ ଟିପ୍ସ ଦିଆଯାଇଛି, ଯାହାକୁ ଆପଣାଇ ଆପଣ କିଚେନ୍‌ କାମକୁ ଶୀଘ୍ର ଶେଷ କରି ନିଜ ପାଇଁ କିଛି ସମୟ ବାହାର କରିପାରିବେ। ତେବେ ଚାଲନ୍ତୁ ଜାଣିବା ଏହି ଟିପ୍ସ ସମ୍ପର୍କରେ।

ହ୍ୟାଣ୍ଡଲ ଷ୍ଟ୍ରେନର
ଲେମ୍ବୁ ରସ ସବୁବେଳେ ଷ୍ଟ୍ରେନର ସାହାଯ୍ୟରେ ବାହାର କରନ୍ତୁ। ଯାହାଫଳରେ ପରେ ସେଥିରୁ ମଞ୍ଜି ଅଲଗା କରିବା ଲାଗି ସମୟ ନଷ୍ଟ ହେବ ନାହିଁ। ଲେମ୍ବୁ ଚୋପାକୁ ଶୁଖାଇ ବ୍ଲେଣ୍ଡରରେ ଶୁଖିଲା ପାଉଡର ପ୍ରସ୍ତୁତ କରିପାରିବେ। ଏହି ପାଉଡରକୁ ଆପଣ ଯେ କୌଣସି ତରକାରୀରେ ବ୍ୟବହାର କରିପାରିବେ। ଏହାଫଳରେ ତରକାରୀରେ ସ୍ବାଦ ଦୁଇଗୁଣା ହୋଇଯିବ।

ଟମାଟୋ ପ୍ୟୁରି

ଯଦି ତରକାରୀ ରାନ୍ଧିବା ସମୟରେ ଟମାଟୋ ପ୍ୟୁରି ବଳକା ହୋଇଯାଉଛି, ତେବେ ଏହାକୁ ପ୍ଲାଷ୍ଟିକ୍‌ ପଲିଥିନ୍‌ରେ ପ୍ୟାକ୍‌ କରନ୍ତୁ। ଏପରି କରିବା ଦ୍ବାରା ଟମାଟୋ ପ୍ୟୁରିର ତାଜାପଣ ଅକ୍ଷୂଣ୍ଣ ରହିବ। ଆପଣ ଚାହିଲେ ଟମାଟୋ ପ୍ୟୁରିର ଆଇସ୍‌ କ୍ୟୁବ୍‌ ତିଆରି କରି ଫ୍ରିଜ୍‌ରରେ ରଖିପାରିବେ।

ଅଦା

ଅଦା ଚୋପାକୁ ସବୁବେଳେ ଚାମଚ ସହାୟତାରେ ଛଡ଼ାନ୍ତୁ। ଏହାଦ୍ବାରା ଅଦା ଛଡ଼ାଇବା ସହଜ ହେବ। ଅଦା ଚୋପାକୁ ଆପଣ ଚା’ରେ ପକାଇ ଅଦା ଚା’ ତିଆରି କରି ପିଇ ପାରିବେ।

ମାଇକ୍ରୋୱେଭ୍‌
ମାଇକ୍ରୋୱେଭ୍‌କୁ ସଫା କରିବା ପାଇଁ ଏକ ପାତ୍ରରେ ୨ କପ୍‌ ପାଣି, ୧ଟି ଲେମ୍ବୁ ଚିପୁଡ଼ି ୨ରୁ ୩ ମିନିଟ୍‌ ପର୍ଯ୍ୟନ୍ତ ଓଭାନକୁ ଅନ୍‌ ରଖନ୍ତୁ। ଲେମ୍ବୁର ଥିବା ସାଇଟ୍ରିକ୍‌ସିଟରିକ୍‌ ଏସିଡ୍‌ ଦ୍ବାରା ମାଇକ୍ରୋୱେଭ୍‌ରେ ଜମିଥିବା ସମସ୍ତ ଚିକ୍କଣ ଓ ଅପରିଷ୍କାର ସଫା ହୋଇଯିବ।

ମୋଜରେଲା ଚିଜ୍‌

ମୋଜରେଲା ଚିଜ୍‌କୁ ସହଜରେ କାଟିବା ଲାଗି ଚିଜ୍‌କୁ ୧୫ରୁ ୨୦ ମିନିଟ୍‌ ପାଇଁ ଫ୍ରିଜ୍‌ରେ ରଖନ୍ତୁ। ଏପରି କରିବା ଦ୍ବାରା ଚିଜ୍‌ ଠିକ୍‌ ଭାବେ କଟାଯାଇପାରିବ।

ଅଣ୍ଡା
ଅଣ୍ଡାକୁ ସିଝାଇବା ସହିତ ଏହାର ଚୋପା ଛଡ଼ାଇ ଦିଅନ୍ତୁ। ଯଦି ଆପଣ ଏହି ଚୋପା ଛଡ଼ାଇବାରେ ଡେରି କରନ୍ତି, ତେବେ ଏହା ଶକ୍ତ ହୋଇଯାଏ। ତେଣୁ ଚୋପା ଛଡ଼ାଇବାରେ ସମସ୍ୟା ଆସେ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?