ବ୍ରେଡ୍‌ ଇଡ୍‌ଲିର ମଜା ନିଅନ୍ତୁ


ବ୍ରେଡ୍‌ ଇଡ୍‌ଲି ଏକ ଦକ୍ଷିଣ ଭାରତୀୟ ରେସିପି ଅଟେ, ଯାହାକୁ ବ୍ରେଡ୍‌, ଆଳୁ, ଦହି ଓ ବିଭିନ୍ନ ପ୍ରକାରର ମସଲା ବ୍ୟବହାର କରି ପ୍ରସ୍ତୁତ କରାଯାଏ। ସ୍ବାସ୍ଥ୍ୟକର ଓ ପୋଷକତତ୍ତ୍ବରେ ଭରପୂର ଏହି ଡିଶ୍‌କୁ ଆପଣ ନଡ଼ିଆ ଚଟଣୀ କିମ୍ବା ସାମ୍ବର ସହିତ ଖାଇପାରିବେ। ଏହାକୁ ଆପଣ ସକାଳ ଜଳଖିଆ କିମ୍ବା ସନ୍ଧ୍ୟା ସ୍ନାକ୍‌ସ ଭାବେ ମଧ୍ୟ ଖାଇପାରିବେ। ଚାଲନ୍ତୁ ଜାଣିବା ଏହି ବ୍ରେଡ୍‌ ଇଡ୍‌ଲିର ପ୍ରସ୍ତୁତି ପ୍ରଣାଳୀ ସମ୍ପର୍କରେ।

କ’ଣ ଦରକାର
୪ ଖଣ୍ଡ ବ୍ରେଡ୍‌, ୨ଟି ବଡ଼ ଆଳୁ, ୨ ଚିମୁଟା ଲଙ୍କା ଗୁଣ୍ଡ, ଏକ ଚତୁର୍ଥାଂଶ ଚାମଚ ଖଟା ପାଉଡର, ଅଧ ଚାମଚ ଛେଚା ଅଦା, ୨ଟି କଟା କଞ୍ଚାଲଙ୍କା, ଏକ ଚିମୁଟା ଗରମ ମସଲା ଗୁଣ୍ଡ, ଏକ ଚିମୁଟା ଜିରା ଗୁଣ୍ଡ, ୨ଟେବଲସ୍ପୁନ୍‌ କଟା ଧନିଆ ପତ୍ର, ଦରକାର ଅନୁସାରେ ଲୁଣ, ଦେଢ଼ ଚାମଚ ରିଫାଇନ୍‌ ତେଲ, ଅଧ ଚାମଚ ସୋରିଷ, ଭୃସଙ୍ଗ ପତ୍ର, ୧ କପ୍‌ ଦହି।

ପ୍ରସ୍ତୁତି ପ୍ରଣାଳୀ

ପ୍ରଥମେ ଆଳୁ ମିଶ୍ରଣକୁ ପ୍ରସ୍ତୁତ କରନ୍ତୁ। ଏଥିପାଇଁ ସିଝା ଆଳୁକୁ ଏକ ପାତ୍ରରେ ଭଲ ଭାବେ ଚକଟନ୍ତୁ। ଖଟା ମସଲା ଗୁଣ୍ଡ, ଲଙ୍କା ଗୁଣ୍ଡ, କଞ୍ଚା ଲଙ୍କା, ଅଦା, ଲୁଣ, ଗରମ ମସଲା, ଜିରା ଗୁଣ୍ଡ, କଟା ଧନିଆ ପତ୍ର ପକାଇ ଭଲ ଭାବେ ମିଶାନ୍ତୁ। ଏବେ ଦହି ମିଶ୍ରଣ ତିଆରି କରିବା ଲାଗି ଦହିକୁ ଛାଣି ସ୍ମୁଦ୍‌ ମିକ୍ସର ତିଆରି କରନ୍ତୁ। ଯଦି ଦହି ଅଧିକ ଗାଢ଼ା ଥାଏ, ତେବେ ଏଥିରେ ଅଳ୍ପ ପାଣି ମିଶାଇ ପାରିବେ। ଏଥିରେ ଲୁଣ ଓ ଲଙ୍କା ଗୁଣ୍ଡ ପକାଇ ଭଲ ଭାବେ ମିଶାନ୍ତୁ।

ବ୍ରେଡ୍‌କୁ ଗୋଲାକାର ଭାବେ କାଟନ୍ତୁ। ଏଥିପାଇଁ ଗିନାର ସହାୟତା ନେଇ ପାରିବେ। ଆଳୁ ମିଶ୍ରଣକୁ ନେଇ ବ୍ରେଡ୍‌ର ଗୋଟିଏ ପାର୍ଶ୍ବରେ ଚାରିଆଡ଼କୁ ବିସ୍ତାର କରି ରଖନ୍ତୁ। ନନ୍‌ଷ୍ଟିକ୍‌ ତାୱାକୁ ମଧ୍ୟମ ଆଞ୍ଚରେ ଗରମ କରି ତେଲ ପକାନ୍ତୁ। ତେଲ ଗରମ ହୋଇଗଲା ପରେ ବ୍ରେଡ୍‌ରେ ଆଳୁ ଲାଗିଥିବା ପାର୍ଶ୍ବକୁ ତଳକୁ ରଖନ୍ତୁ ଓ ଅପରପାର୍ଶ୍ବରେ ଦହି ମିଶ୍ରଣ ଢାଳନ୍ତୁ। ବ୍ରେଡ୍‌କୁ ଘୋଡ଼ାଇ ଦେଇ ଧିମା ଆଞ୍ଚରେ ଆଳୁ ଲାଲ ହେବା ଯାଏ ଓ ଦହିକୁ ବ୍ରେଡ୍‌ ଶୋଷିଲା ଯାଏ ରଖନ୍ତୁ। ଏପରି ହେବା ଲାଗି ୭ରୁ ୮ ମିନିଟ୍‌ ସମୟ ଲାଗିଥାଏ। ଏହି ସମୟରେ ଛୁଙ୍କ ପ୍ରସ୍ତୁତ କରନ୍ତୁ। ଏଥିପାଇଁ ଅନ୍ୟ ଏକ ପ୍ୟାନ୍‌ରେ ତେଲ ଗରମ କରି ସୋରିଷ ପକାନ୍ତୁ। ସୋରିଷ ଫୁଟିଲା ପରେ ଏଥିରେ ଭୃସଙ୍ଗ ପତ୍ର ଓ ଧନିଆ ପତ୍ର ପକାନ୍ତୁ। ଇଡ୍‌ଲିକୁ ପ୍ଲେଟ୍‌କୁ ବାହାର କରି ଏହା ଉପରେ ଛୁଙ୍କ ଢାଳନ୍ତୁ। ଏବେ ପ୍ରସ୍ତୁତ ହୋଇଗଲା ବ୍ରେଡ୍‌ ଇଡ୍‌ଲି। ଏହା ତିଆରି କରିବା ଯେତିକି ସହଜ, ସେତିକି ସ୍ବାଦିଷ୍ଟ ଓ ସ୍ବାସ୍ଥ୍ୟକର ମଧ୍ୟ। ଖୁବ୍‌ କମ୍‌ ସମୟରେ ପ୍ରସ୍ତୁତ ହୋଇପାରୁଥିବା ଏହି ଡିଶ୍‌ ଆପଣ ପିଲାଙ୍କ ଟିଫିନ୍‌ ବକ୍ସରେ ମଧ୍ୟ ଦେଇପାରିବେ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?