ସ୍ବାଧୀନ ଭାରତର ପ୍ରଥମ ଭୋଟ୍‌ଦାତା ଶ୍ୟାମ ସରନ ନେଗି ଦେଲେ ଭୋଟ୍‌


ସିମଳା: ସ୍ବାଧୀନ ଭାରତର ପ୍ରଥମ ଭୋଟ୍‌ଦାତା ୧୦୨ ବର୍ଷ ବୟଷ୍କ ଶ୍ୟାମ ସରନ ନେଗି ଅନ୍ତିମ ପର୍ଯ୍ୟାୟ ନିର୍ବାଚନ ଅବସରରେ ମତଦାନ ସାବ୍ୟସ୍ତ କରିଛନ୍ତି। ଦେଶ ସ୍ବାଧୀନ ହେବା ପରେ ପ୍ରଥମ ସାଧାରଣ ନିର୍ବାଚନ ୧୯୫୨ ଫେବ୍ରୁଆରୀରେ ଅନୁଷ୍ଠିତ ହୋଇଥିଲା। ମାତ୍ର ପ୍ରତିକୂଳ ପାଗ ଆଶଙ୍କାରେ ହିମାଚଳ ପ୍ରଦେଶର ଆଦିବାସୀ ଅଧ୍ୟୁଷିତ ଅଞ୍ଚଳରେ ୫ ମାସ ପୂର୍ବରୁ ଅର୍ଥାତ୍‌ ୧୯୫୧ ଅକ୍ଟୋବର ୨୩ରେ ମତଦାନ ହୋଇଥିଲା। ଜଣେ ସ୍କୁଲ ଶିକ୍ଷକ ଭାବେ କାର୍ଯ୍ୟ କରୁଥିବା ନେଗିଙ୍କର ପୋଲିଂ ଡ୍ୟୁଟି ଥିବାରୁ ସେ କିନୌରରେ ଥିବା ତାଙ୍କ ଗାଁ କଳ୍ପାରେ ସକାଳ ୭ଟାରେ ପ୍ରଥମ ଭୋଟର ଭାବେ ଭୋଟ୍‌ ଦେଇ ତାଙ୍କ ଡ୍ୟୁଟି ପଡ଼ିଥିବା ପୋଲିଂ ଷ୍ଟେସନକୁ ଚାଲିଯାଇଥିଲେ। ଏହା ପରେ ପରେ ତାଙ୍କୁ ଜଣାଇ ଦିଆଯାଇଥିଲା ଯେ ନେଗି ହେଉଛନ୍ତି ସ୍ବାଧୀନ ଭାରତର ଭୋଟର ଯିଏକି ପ୍ରଥମ ଭୋଟର ଭାବେ ମତଦାନ କରିବାରେ ଗୌରବ ହାସଲ କରିଛନ୍ତି।

ଇତିମଧ୍ୟରେ ଶତାୟୁ ପୂରଣ କରିଥିବା ନେଗି ସମସ୍ତ ୧୬ଟି ଲୋକସଭା ନିର୍ବାଚନରେ ମତଦାନ ସାବ୍ୟସ୍ତ କରିବା ସହ ରାଜ୍ୟ ପାଇଁ ଅନୁଷ୍ଠିତ ୧୩ଟି ବିଧାନସଭା ନିର୍ବାଚନରେ ଭୋଟ୍‌ ଦେଇଛନ୍ତି। ଅବସରପ୍ରାପ୍ତ ସ୍କୁଲ ଶିକ୍ଷକ ନେଗିଙ୍କ ସାର୍ଟିଫିକେଟ୍‌ ଅନୁସାରେ ସେ ୧୯୧୭ ଜୁଲାଇ ୧ରେ ଜନ୍ମ ଗ୍ରହଣ କରିଛନ୍ତି। ତେଣୁ ଅନ୍ତିମ ପର୍ଯ୍ୟାୟରେ ଅନୁଷ୍ଠିତ ହେଉଥିବା ନିର୍ବାଚନରେ ନେଗିଙ୍କ ଗାଁ ବୁଥ୍‌ ପ୍ରଥମ ପ୍ରାଥମିକ ବିଦ୍ୟାଳୟରେ ମତଦାନ ପାଇଁ ସ୍ବତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଥିଲା। ନେଗିଙ୍କୁ ଭୋଟଦାନ କେନ୍ଦ୍ରକୁ ଆଣିବା ପାଇଁ ସ୍ବତନ୍ତ୍ର ବ୍ୟବସ୍ଥା ହେବା ସହ ଡାକ୍ତରୀ ଟିମ୍‌କୁ ମଧ୍ୟ ପ୍ରସ୍ତୁତ କରି ରଖାଯାଇଥିଲା।

ଶତାୟୁ ନେଗିଙ୍କୁ ବୁଥ୍‌ରେ ରେଡ୍‌ କାର୍ପେଟ ବିଛାଇ ସ୍ବାଗତ ମଧ୍ୟ କରାଯାଇଥିଲା। ବୁଥ୍‌ ଭିତରକୁ ପ୍ରବେଶ କରିବା ପୂର୍ବରୁ ନେଗି ଭୋଟରମାନଙ୍କୁ ପରାମର୍ଶ ଦେଇ କହିଥିଲେ ଯେ ସମସ୍ତ ଭୋଟର ଜଣେ ଜଣେ ସଚ୍ଚୋଟ ପ୍ରାର୍ଥୀଙ୍କୁ ଭୋଟ୍‌ ଦେବା ପାଇଁ ଚୟନ କରନ୍ତୁ। କୌଣସି ନିର୍ଦ୍ଦିଷ୍ଟ ଦଳର ପ୍ରାର୍ଥୀଙ୍କ ପଛରେ ପଡ଼ନ୍ତୁ ନାହିଁ। ଏଠାରେ ସୂଚନାଯୋଗ୍ୟ ଯେ ହିମାଚଳ ପ୍ରଦେଶରେ ୯୯୯ ଜଣ ଭୋଟର ଅଛନ୍ତି ଯେଉଁମାନଙ୍କର ବୟସ ୧୦୦ରୁ ଅଧିକ। ଏମାନଙ୍କ ଭିତରେ ଶ୍ୟାମ ସରନ ନେଗି ଅନ୍ୟତମ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?