ଏକ୍‌ଜିଟ୍‌ ପୋଲ୍‌ ତୁଚ୍ଛା କଥା, ବିଶ୍ବାସ କରନ୍ତୁ ନାହିଁ: ମମତା


କୋଲକାତା: ନରେନ୍ଦ୍ର ମୋଦିଙ୍କ ନେତୃତ୍ବାଧୀନ ଏନ୍‌ଡିଏ ପୂର୍ଣ୍ଣ ବହୁମତ ସହ ପୁଣି ଥରେ ସରକାର ଗଢ଼ିବ ବୋଲି ଏକାଧିକ ଏକଜିଟ୍‌ ପୋଲ୍‌ ସର୍ଭେକୁ ନାପସନ୍ଦ କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ଏକ୍‌ଜିଟ୍‌ ପୋଲ୍‌କୁ ଚୁଚ୍ଛା କଥା ଗୁଲିଗପ ବୋଲି ମମତା କହିବା ସହ ଏହାକୁ ବିଶ୍ବାସ ନ କରିବା ପାଇଁ କହିଛନ୍ତି। ଅତୀତରେ ଅନେକ ଏକଜିଟ୍‌ ପୋଲ୍‌ ତଥ୍ୟ ଭୁଲ୍‌ ସାବ୍ୟସ୍ତ ହୋଇଛି।

ଅନ୍ୟପକ୍ଷରେ ମମତା ବିରୋଧୀଦଳଗୁଡ଼ିକୁ ସତର୍କ କରାଇ ଦେଇ କହିଛନ୍ତି ଯେ ଏକଜିଟ୍‌ ପୋଲ୍‌ ଆଳରେ କେନ୍ଦ୍ର ସରକାର ଇଭିଏମ୍‌ ଜାଲିଆତି କରିବାର ଯଥେଷ୍ଟ ସମ୍ଭାବନା ରହିଛି। ହଜାର ହଜାର ଇଭିଏମ୍‌କୁ ଟାମ୍ପରିଂ କରିବା ସମ୍ଭାବନାକୁ ଏଡ଼ାଇ ଦିଆଯାଇ ନ ପାରେ। ତେଣୁ ସମସ୍ତ ବିରୋଧୀଦଳ ଇଭିଏମ୍‌ ରହୁଥିବା ସ୍ଥାନ ଉପରେ କଡ଼ା ନଜର ରଖନ୍ତୁ। କାରଣ ବର୍ତ୍ତମାନର କେନ୍ଦ୍ର ସରକାର କିଛି ବିକରିବାକୁ ପଛାଇବେ ନାହିଁ। ଏଠାରେ ସୂଚନାଯୋଗ୍ୟ ଯେ କେତେକ ଏକଜିଟ୍‌ ପୋଲ ପଶ୍ଚିମବଙ୍ଗରେ ଟିଏମ୍‌ସି ୨୮, ବିଜେପି ୧୬ ଓ ବାମପନ୍ଥୀ ଦଳ ଖାତା ଖୋଲିବେ ନାହିଁ ବୋଲି ସେମାନଙ୍କ ରିପୋର୍ଟରେ ଦର୍ଶାଇଛନ୍ତି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

ଅଧାପୋଡ଼ା ସିଗାରେଟ୍ ଟାଣୁଥିବା
ହାଇଦ୍ରାବାଦର ଶେଷ ନିଜାମ୍ ସାର୍ ମୀର୍ ଓସମାନ ଅଲ୍ଲୀ ଖାନ୍ ବିଶ୍ୱର ସବୁ ସମୟର ସବୁଠାରୁ ଧନୀ। କିନ୍ତୁ ଧନାଢ଼୍ୟ ଶାସକ ଭାବରେ ଯେତିକି ସେ ଜଣାଶୁଣା ଥିଲେ, ସେତିକି ମଧ୍ୟ ଥିଲେ କୃପଣ। ସବୁ ଜମିଦାର ଏବଂ ଦରବାରୀ ସୁନାର ଅସରପି (ମୋହର) ନେଇ ନିଜାମଙ୍କ ଦରବାରକୁ ଆସୁଥିଲେ। ନିଜାମ ତାହା ଛୁଉଁଥିଲେ ଏବଂ ଫେରାଇ ଦେଉଥିଲେ, ଯାହା ଯେଉଁମାନଙ୍କର ପ୍ରାପ୍ୟ ଥିଲା। କିନ୍ତୁ ହାଇଦ୍ରାବାଦର ସପ୍ତମ ଏବଂ ଶେଷ ନିଜାମ୍ ଉଲ୍-ମୁଲ୍କ ଆସଫ୍ ଜାହା-୭ମ ବା ସାର୍ ମୀର୍ ଓସମାନ ଅଲ୍ଲୀ ଖାନ୍ ସିଦ୍ଦିକି ବାହାଦୂର ତାଙ୍କ ପୂର୍ବପୁରୁଷ ଅନ୍ୟ ଛଅଜଣ ନିଜାମଙ୍କ ଭଳି ତାହା ନ କରି ତାଙ୍କ ପାଖକୁ ଆସୁଥିବା ଅସରପିକୁ ସିଂହାସନ ତଳେ ଥିବା ଏକ କାଗଜ ଥଳୀରେ ରଖିଦେଉଥିଲେ। ଦରବାର ଶେଷ ହେବାପରେ ଏଇ ଅସରପି ଥଳିକୁ ନିଜାମଙ୍କ ଶୟନକକ୍ଷକୁ ନିଆଯାଉଥିଲା। ଧୀରେ ଧୀରେ ନିଜାମଙ୍କ ପାଖରେ ସୁନା ଅସରପିର ଏକ ପାହାଡ଼ ହୋଇଗଲା।