ଗରମରେ ପିଅନ୍ତୁ ୱାଟର ମିଲନ ସ୍ମୁଦି


ଗରମ ଦିନ ଆସିଲେ ସବୁବେଳେ ଗଳା ଶୁଖିଗଲା ଭଳି ଅନୁଭବ ହୁଏ। ଏହି ଦିନେ କିଛି ଖାଇବା ବଦଳରେ ଥଣ୍ଡା ଥଣ୍ଡା ପାନୀୟ ପିଇବାକୁ ଇଚ୍ଛା ହୋଇଥାଏ। ତେଣୁ ବଜାରରୁ କୋଲ୍ଡ ଡ୍ରିଙ୍କସ୍‌ କିମ୍ବା ପ୍ୟାକଡ୍‌ ଜୁସ୍‌ ପିଇବା ବଦଳରେ ଆପଣ ଘରେ ସ୍ବାଦିଷ୍ଟ ସ୍ମୁଦି ତିଆରି କରନ୍ତୁ, ତାହା ବି ତରଭୁଜରେ। ଗରମ ଦିନେ ଖାଇବା ଲାଗି ତରଭୁଜ ସବୁଠାରୁ ଲାଭଦାୟକ ଫଳ। ତେଣୁ ତରଭୁଜ ଖାଇବା ସହିତ ଏହାର ସ୍ମୁଦି ତିଆରି କରି ପିଇ ମଧ୍ୟ ପାରିବେ। ଏହାକୁ ଘରକୁ ଆସିଥିବା ଅତିଥିଙ୍କୁ ସ୍ନାକ୍‌ସ ସହିତ ମଧ୍ୟ ପରଷି ପାରିବେ।

କ’ଣ ଦରକାର
୨ କପ୍‌ କଟା ତରଭୁଜ, ୨ ଚାମଚ ମ୍ୟାଙ୍ଗୋ ଜାମ୍‌, ୧ ଚାମଚ ମହୁ, ୨ ପାଖୁଡ଼ା ପୁଦିନା ପତ୍ର, ୧ କପ୍‌ ଦହି, ୩ରୁ ୪ଟି ଖଣ୍ଡ ବରଫ।

ପ୍ରସ୍ତୁତ ପ୍ରଣାଳୀ

ଫୁଡ୍‌ ପ୍ରୋସେସରରେ ତରଭୁଜ ଖଣ୍ଡ, ମହୁ, ପୁଦିନା ପତ୍ର ପକାଇ ଭଲ ଭାବେ ମିକ୍ସ କରନ୍ତୁ। ଏବେ ଏଥିରେ ଦହି ପକାଇ ପୁଣିଥରେ ଭଲ ଭାବେ ବ୍ଲେଣ୍ଡରରେ ମିକ୍ସ କରନ୍ତୁ। ସର୍ଭ କରିବା ପୂର୍ବରୁ ମ୍ୟାଙ୍ଗୋ ଜାମ୍‌କୁ ଗ୍ଲାସ୍‌ରେ ଭଲ ଭାବେ ରଖନ୍ତୁ। ବରଫ ପକାନ୍ତୁ ଓ ତରଭୁଜ ସ୍ମୁଦିକୁ ଗ୍ଲାସ୍‌ରେ ଢାଳି ଥଣ୍ଡା ଥଣ୍ଡା ପରଷନ୍ତୁ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?