ନବୀନଙ୍କୁ ସ୍ବତନ୍ତ୍ର ନିମନ୍ତ୍ରଣ କରି ଦିଲ୍ଲୀ ଡାକିଲେ ସୋନିଆ


ଭୁବନେଶ୍ବର: ନିର୍ବାଚନ ପୂର୍ବରୁ ବିଭିନ୍ନ ପ୍ରସଙ୍ଗ ନେଇ ନବୀନଙ୍କୁ କଡ଼ା ସମାଲୋଚନା କରୁଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍‌ ଶାହ ଦିନ କେଇଟା ପରେ ନବୀନଙ୍କୁ ପ୍ରଶଂସାରେ ପୋତି ପକାଇଛନ୍ତି। ନବୀନଙ୍କୁ ହାତେଇବା ପାଇଁ ଏଭଳି କରାଯାଉଥିବା ଚର୍ଚ୍ଚା ଚାଲିଥିବା ବେଳେ ସମାନ ଥୋପ ପକାଇଛନ୍ତି କଂଗ୍ରେସର ହାଇକମାଣ୍ଡ ସୋନିଆ ଗାନ୍ଧି। ‘ଫୋନି’ ବାତ୍ୟା ପରେ ମୋଦି-ନବୀନ ପରସ୍ପରର ପିଠି ଥାପୁଡ଼ାଇବା ପରେ ଏବଂ କଂଗ୍ରେସ ନବୀନଙ୍କୁ କୋଳେଇବାକୁ ଭରପୂର ପ୍ରୟାସ କରୁଛି। ସୋନିଆ ଗାନ୍ଧି ନବୀନଙ୍କୁ ସ୍ବତନ୍ତ୍ର ଭାବେ ନିମନ୍ତ୍ରଣ କରି ଦିଲ୍ଲୀ ଡାକିଛନ୍ତି। ୨୩ ତାରିଖରେ ଦିଲ୍ଲୀରେ ହେବାକୁ ଥିବା ମହାମେଣ୍ଟ ବୈଠକରେ ଯୋଗଦେବାକୁ ନବୀନଙ୍କୁ ଚିଠି ଲେଖିଛନ୍ତି ସୋନିଆ। ଯାହାକୁ ନେଇ ଏବେ ରାଜ୍ୟ ରାଜନୀତି ଉଠୁଛି ପଡୁଛି।

କେବଳ ସେତିକି ନୁହେଁ, ନବୀନଙ୍କ ବନ୍ଧୁ ତଥା ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଳନାଥ ବି ଫୋନ୍ କରି ଅନୁରୋଧ କରିଛନ୍ତି ଦିଲ୍ଲୀ ବୈଠକରେ ଯୋଗଦେବାକୁ। କଂଗ୍ରେସ ଆଡୁ ନବୀନଙ୍କୁ ଏଭଳି ଘନଘନ ଅନୁରୋଧ ସାଙ୍ଗକୁ ଆଦର ସତ୍କାର ନେଇ ରାଜ୍ୟ ରାଜନୀତି ଏବେ ହୁଲ୍‌ସ୍ତୁଲ୍‌। କେତେବେଳେ ମୋଦି-ନବୀନ ପରସ୍ପରର ପ୍ରଶଂସାରେ ଗଦ୍‌ଗଦ୍‌ ହେଉଛନ୍ତି ତ ଆଉକେତେ ବେଳେ ସୋନିଆଙ୍କ ଚିଠିକୁ ନେଇ ପୂରା ରାଜନୈତିକ ପାଣିପାଗ ରୋଚକ ସ୍ଥିତିକୁ ଆସିଛି। ବିଜେଡି ସମେତ ଓାଇଏସ୍‌ଆରସି, ଟିଆରଏସ୍ ଏବଂ ଟିଡିପି ଆଦି ଦଳଙ୍କୁ ୟୁପିଏ ବୈଠକରେ ସାମିଲ୍‌ ହେବାକୁ ଅନୁରୋଧ କରିଛନ୍ତି ସୋନିଆ। ବିଜେଡି ସୁପ୍ରିମୋ କଂଗ୍ରେସ ଓ ବିଜେପିଠାରୁ ସବୁବେଳେ ସମଦୂରତା କଥା କହି ଆସୁଥିଲେ ମଧ୍ୟ ବିଜେପି ପ୍ରତି ଥିବା ସମର୍ଥନ ବିଭିନ୍ନ ସମୟରେ ପଦାକୁ ଆସିଛି। ତେବେ ଆଗାମୀ ୨୩ର ଭୋଟ୍ ଫଳ ଏ ସମୀକରଣର ଭବିଷ୍ୟତ ନିର୍ଦ୍ଧାରଣ କରିବ ବୋଲି ବୋଲି ଚର୍ଚ୍ଚା ହେଉଛି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?