ଲଙ୍କାରେ ହରି ଶବ୍ଦ: ପୋଡ଼ା ଟ୍ରାନ୍ସଫର୍ମର୍‌ଙ୍କୁ ପ୍ରଶଂସାରେ ପୋତିଲେ ଶାହ


ଭୁବନେଶ୍ବର: ଓଡ଼ିଶାରେ ନିର୍ବାଚନ ପ୍ରଚାର ପାଇଁ ଆସିଥିବା ବିଜେପି ଅଧ୍ୟକ୍ଷ ଅମିତ୍‌ ଶାହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି ସ୍ବର ଶାଣିତ କରିଥିଲେ। ନବୀନଙ୍କୁ ପୋଡ଼ା ଟ୍ରାନ୍ସଫର୍ମର୍‌ କହିବା ସହ ତାଙ୍କୁ ଉପାଡ଼ି ଫିଙ୍ଗିଦେବା ପାଇଁ ମଧ୍ୟ ଆହ୍ବାନ ଦେଇଥିଲେ ଶାହ। ମାତ୍ର ଏବେ ବଦଳି ଯାଇଛି ପାଣିପାଗ। ଲଙ୍କାରେ ହରି ଶବ୍ଦ ଶୁଭିବା ପରି ଶାହଙ୍କ ମୁହଁରୁ ଶୁଣିବାକୁ ମିଳିଛି ନବୀନଙ୍କ ପ୍ରଶଂସା। ବାତ୍ୟା ‘ଫୋନି’ ମୁକାବିଲା ନେଇ ପ୍ରଧାନମନ୍ତ୍ରୀ ମୋଦି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରିବା ପରେ ଏବେ ରାଜ୍ୟର ଶାନ୍ତିଶୃଙ୍ଖଳା ରକ୍ଷା କରିବା ପ୍ରସଙ୍ଗରେ ନବୀନଙ୍କୁ ପ୍ରଶଂସା କରିଛନ୍ତି ଶାହ।

ପଶ୍ଚିମବଙ୍ଗରେ ରୋଡ୍ ଶୋ ବେଳେ ଘଟିଥିବା ହିଂସାକୁ ନେଇ ମମତା ବାନାର୍ଜୀଙ୍କ ବିରୋଧରେ ବର୍ଷୁଥିଲେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶାହ। ହେଲେ ହଠାତ୍ ଆରମ୍ଭ ହୋଇଥିଲା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ପ୍ରଶଂସା। ପଶ୍ଚିମବଙ୍ଗରେ ହିଂସା ହେଉଛି, ହେଲେ ପଡ଼ୋଶୀ ଓଡ଼ିଶାରେ, ବିଜେଡି ଶାସନରେ ତ ଏମିତି ହେଉନି ବୋଲି ଶାହ କହିଥିଲେ। ଯେଉଁ ତୁଣ୍ଡରୁ ବିଜେଡି ସରକାର ଲାଗି ପୋଡ଼ା ଟ୍ରାନ୍ସଫର୍ମର, ବଙ୍ଗୋପସାଗରକୁ ଫିଙ୍ଗିବା ଭଳି କଥା ବାହାରୁଥିଲା, ସେଇଠି ଏବେ ନବୀନଙ୍କ ପ୍ରଶଂସା ଦଳୀୟ କର୍ମୀଙ୍କୁ ଅଡ଼ୁଆରେ ପକାଇ ଦେଇଛି।

ସୂଚନାଯୋଗ୍ୟ, ମଙ୍ଗଳବାର ଅମିତ୍‌ ଶାହ କୋଲକାତାରେ ରୋଡ୍ ଶୋ’ କରୁଥିବା ବେଳେ ହିଂସାକାଣ୍ଡ ଘଟିଥିଲା। ଟିଏମ୍‌ସି କର୍ମୀମାନେ ଆକ୍ରମଣ କରିଥିବା ଅଭିଯୋଗ ହୋଇଛି। ପ୍ରଥମେ ରୋଡ୍ ଶୋ’ ଉପରକୁ ଢେଲା ମାଡ଼ ହୋଇଥିଲା। ତା’ପରେ ବିଜେପି ଓ ଟିଏମ୍‌ସି କର୍ମୀଙ୍କ ମଧ୍ୟରେ ତୁମୂଳ କାଣ୍ଡ ଦେଖିବାକୁ ମିଳିଥିଲା।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ


କରେନ୍ସି କନଭର୍ଟର

ନୋବେଲ ଡିନର୍
ନୋବେଲ ପୁରସ୍କାର ଭଳି ନୋବେଲ ଡିନରର ମର୍ଯ୍ୟାଦା ଅତି ଗୁରୁତ୍ୱପୂର୍ଣ୍ଣ। ନୋବେଲ ପୁରସ୍କାର ପ୍ରଦାନ ପରେ ପ୍ରତି ବର୍ଷ ଡିସେମ୍ବର ୧୦ ତାରିଖରେ ଷ୍ଟକହୋମ୍ ସିଟିର ବ୍ଳୁ ହଲ୍‌ରେ ଏହି ରାତ୍ରିଭୋଜନର ଆୟୋଜନ କରାଯାଏ। ଏଥିରେ ସ୍ବିଡେନର ରାଜ ପରିବାର, ପ୍ରଧାନମନ୍ତ୍ରୀ, ପଦସ୍ଥ ସରକାରୀ ବ୍ୟକ୍ତି, ନୋବେଲ ବିଜେତା ଏବଂ ଅତିଥି ଉପସ୍ଥିତ ରହନ୍ତି। ପ୍ରତ୍ୟେକ ନୋବେଲ ବିଜେତା ଏଠାକୁ ୧୬ ଜଣ ଅତିଥିଙ୍କୁ ସାଥିରେ ଆଣି ପାରିବେ। ଏହି ଭୋଜନର ସମୟ ସୀମା ୪ ଘଣ୍ଟା। ଏଥିରେ ନୋବେଲ ବିଜେତାମାନେ ସଂକ୍ଷିପ୍ତ ବକ୍ତବ୍ୟ ପ୍ରଦାନ କରନ୍ତି। ଚାରି ଦିନ ଆଗରୁ ୪୦ ଜଣ ରୋଷେୟା ୨୦୦ ବ୍ୟକ୍ତିଙ୍କ ସହାୟତାରେ ଭୋଜନ ପ୍ରସ୍ତୁତିରେ ଲାଗିଯାଆନ୍ତି। ୬୦ଟି ଟେବୁଲରେ ଥିବା ୭୦୦୦ ଥାଳି, ୫୦୦୦ ଗ୍ଳାସ୍ ଏବଂ ୧୦,୦୦୦ ରୁପା ବାସନରେ ଖାଦ୍ୟ ପରଷା ଯାଏ। ଏହି ଡିନରର ମୂଲ୍ୟ ୪ କୋଟି ଟଙ୍କା। ୧୯୭୯ ମସିହାର ନୋବେଲ ଶାନ୍ତି ବିଜେତା ମଦର ଟେରେସାଙ୍କ ଅନୁରୋଧ କ୍ରମେ ସେହି ବର୍ଷ ଏହି ଭୋଜନ ବାତିଲ୍‌ କରାଯାଇ ସେହି ଅର୍ଥ ତାଙ୍କୁ ପ୍ରଦାନ କରାଯାଇଥିଲା।

ଜନମତ

ଶ୍ରୀମନ୍ଦିରରେ ଭକ୍ତଙ୍କ ଦର୍ଶନକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ନିମନ୍ତେ ସୁପ୍ରିମ୍‌କୋର୍ଟଙ୍କ ନିର୍ଦେଶ କ୍ରମେ ଆରମ୍ଭ ହୋଇଥିବା ଧାଡ଼ି ଦର୍ଶନ ବ୍ୟବସ୍ଥା ସହ ଆପଣ ଏକମତ ତ ?