ଆମେରିକାକୁ ଚୀନର ଚେତାବନୀ: ଶେଷ ପର୍ଯ୍ୟନ୍ତ ଲଢ଼ିବୁ ବାଣିଜ୍ୟ ଲଢ଼େଇ


ବାଣିଜ୍ୟ ଲଢ଼େଇରେ ଆମେରିକାକୁ ଚେତାବନୀ ଦେଇଛି ଚୀନ। ଚୀନ ପକ୍ଷରୁ କୁହାଯାଇଛି ଯେ ବାଣିଜ୍ୟ ଲଢ଼େଇରେ ଚୀନକୁ କେହି ଦୁର୍ବଳ ମନେକରନ୍ତୁନି। କାରଣ ଆମେରିକା ସହିତ ଶେଷ ପର୍ଯ୍ୟନ୍ତ ବାଣିଜ୍ୟ ଯୁଦ୍ଧ ଲଢ଼ିବାକୁ ଚୀନ ସକ୍ଷମ। ଚୀନରୁ ଆସୁଥିବା ୨୦୦ ବିଲିଅନ ଡଲାରର ସାମଗ୍ରୀ ଉପରେ ବସାଯାଉଥିବା ଶୁଳ୍‌କ ୧୦ ପ୍ରତିଶତରୁ ବଢ଼ାଇ ୨୫ ପ୍ରତିଶତ କରିଛି ଆମେରିକା। ଏହି ପରିପ୍ରେକ୍ଷୀରେ ଚୀନ ଆମେରିକାକୁ ସତର୍କ କରାଇ ଏପରି ବୟାନ ଦେଇଛି। ଚୀନରୁ ଆମଦାନୀ ହେଉଥିବା ଅବଶିଷ୍ଟ ସାମଗ୍ରୀ ଉପରେ ମଧ୍ୟ ଟ୍ରମ୍ପ ଶୁଳ୍‌କ ବଢ଼ାଇବେ ବୋଲି ଧମକ ଦେଇଛନ୍ତି।

ଏହାର ଜବାବରେ ୫୦ ବିଲିଅନ ଡଲାରର ଆମେରିକୀୟ ସାମଗ୍ରୀ ଉପରେ ଚୀନ ମଧ୍ୟ ଶୁଳ୍‌କ ବଢ଼ାଇଛି। ଗତବର୍ଷ ଆମେରିକା ଚୀନରୁ ୫୩୯ ବିଲିଅନ ଡଲାର ମୂଲ୍ୟର ସାମଗ୍ରୀ ଆମଦାନି କରିଥିବା ବେଳେ ଚୀନ ଆମେରିକାରୁ ୧୨୦ ବିଲିଅନ ଡଲାର ସାମଗ୍ରୀ ଆମଦାନି କରିଥିଲା। ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଧମକ ପରେ ଚୀନର ବୈଦେଶିକ ମନ୍ତ୍ରାଳୟ ପ୍ରବକ୍ତା ଜେଙ୍ଗ ସୁଆଙ୍ଗ ମଙ୍ଗଳବାର କହିଛନ୍ତି ଯେ ଚୀନ ବାରମ୍ବାର କହିଆସୁଛି ଯେ ଶୁଳ୍‌କ ବଢ଼ାଇଦେଲେ ସମସ୍ୟା ସମାଧାନ ହେବ ନାହିଁ। ବରଂ ବାଣିଜ୍ୟ ଯୁଦ୍ଧ ଆରମ୍ଭ କଲେ ଦୁଇ ଦେଶର କ୍ଷତି ହିଁ ହେବା ସାର ହେବ। ସେ କହିଛନ୍ତି ଯେ ଶେଷ ପର୍ଯ୍ୟନ୍ତ ଚୀନ ଡରିଯିବ ନାହିଁ, ବରଂ ଆମେରିକା ସହିତ ବାଣିଜ୍ୟ ଲଢ଼େଇ ଜାରି ରଖିବ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ