କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅରର ଲକ୍ଷଣ


କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅରରେ ହୃତ୍‌ପିଣ୍ଡକୁ ଆବଶ୍ୟକ ମୁତାବକ ରକ୍ତ ମିଳିପାରି ନ ଥାଏ। ଯାହାଫଳରେ ଶରୀରକୁ ମିଳୁଥିବା ରକ୍ତକୁ ହୃତ୍‌ପିଣ୍ଡ ଆବଶ୍ୟକତା ଅନୁସାରେ ପମ୍ପ କରିପାରି ନ ଥାଏ। କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅର ହୃତ୍‌ପିଣ୍ଡ ସମ୍ପୂର୍ଣ୍ଣ ଭାବେ କାମ କରିବା ବନ୍ଦ କରି ନ ଥାଏ। କିନ୍ତୁ ହୃତ୍‌ପିଣ୍ଡ ନିଜ କ୍ଷମତା ଅନୁସାରେ କାମ କରି ପାରି ନ ଥାଏ। ଏହାର ସବୁଠାରୁ ଅଧିକ ପ୍ରଭାବ ଫୁସ୍‌ଫୁସ୍‌, ଗୋଡ଼ ଓ ପେଟ ଉପରେ ପଡ଼ିଥାଏ। ସୂଚନାଯୋଗ୍ୟ ଯେ ହାର୍ଟ ଆଟାକ୍‌ ଓ ହାର୍ଟ ଫେଲ୍ୟୁଅର ମଧ୍ୟରେ ଅନ୍ତର ରହିଛି। ମାତ୍ର ଅଧିକାଂଶ ଲୋକେ ଏହାକୁ ସମାନ ବୋଲି ଭାବିଥାନ୍ତି।

ଲକ୍ଷଣ
କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅର ହେଲେ ଅଳ୍ପ କାମ କରିଲେ ମଧ୍ୟ ନିଶ୍ବାସ ପ୍ରଶ୍ବାସ ନେବାରେ ସମସ୍ୟା ହୋଇଥାଏ। ଏପରି ସ୍ଥିତିରେ ପୀଡ଼ିତ ବ୍ୟକ୍ତି ପ୍ରତ୍ୟେକ ସମୟରେ ଥକା ଅନୁଭବ ହୋଇଥାଏ। ମାଂସପେଶୀରେ ଲଗାତର ଯନ୍ତ୍ରଣା ଅନୁଭବ ହେବା ମଧ୍ୟ କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅରର ଲକ୍ଷଣ ଅଟେ। ଏହା ହେବା ଫଳରେ ଗୋଇଠି, ଗୋଡ଼ ଓ ପେଟ ଫୁଲି ଯାଇଥାଏ। ସେହିପରି ଏଥିଯୋଗୁ ଗଳାରେ ସମସ୍ୟା ହେବା ସହିତ କାଶ ହୋଇଥାଏ।

କାରଣ
ମୋଟାପଣ, ଉଚ୍ଚ ରକ୍ତଚାପ, ମଧୁମେହ, ଧୁମପାନ, ହାଇକୋଲେଷ୍ଟ୍ରଲ ଡାଏଟ୍‌ ନେବା ସହିତ ଶାରିରୀକ ନିଷ୍କ୍ରିୟତା କାରଣରୁ ମଧ୍ୟ କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅର ସମସ୍ୟା ଦେଖାଯାଇଥାଏ।

ଉପଚାର
କଞ୍ଜେଷ୍ଟିଭ୍‌ ହାର୍ଟ ଫେଲ୍ୟୁଅରର ଉପଚାର ଔଷଧ ମାଧ୍ୟମରେ କରାଯାଇପାରିବ। ଏଥିପାଇଁ ଡାକ୍ତରଙ୍କ ପରାମର୍ଶ ନେଇ ଔଷଧ ସେବନ କରିବା ଉଚିତ। ଏହାବ୍ୟତୀତ ଉପଯୁକ୍ତ ଜୀବନଶୈଳୀ ଓ ଖାଦ୍ୟପେୟ ଗ୍ରହଣ କରି ମଧ୍ୟ ଏହି ସମସ୍ୟାରୁ ମୁକ୍ତି ପାଇପାରିବେ। ଏଥିସହିତ ନିୟମିତ ବ୍ୟାୟାମ କରିବା, ଧୁମପାନଠାରୁ ଦୂରେଇ ରହିବା, ନିୟମିତ ଭାବେ ଡାଏଟ୍‌ ନେବା ଉଚିତ। ଏହାବ୍ୟତୀତ ଏହି ସମସ୍ୟାରୁ ମୁକ୍ତି ପାଇଁ ଆବଶ୍ୟକ ପଡ଼ିଲେ ଅପରେସନ୍‌ ମଧ୍ୟ କରିବାକୁ ପଡ଼ିଥାଏ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ