ଆମେ ତୁମେ ଜାଣିବାକୁ ସେମାନେ ଶତ୍ରୁ। ଆଉ ସେଇ କଥାକୁ ଆମେ ମନ ଭିତରେ ଜାବୁଡ଼ି ଧରି କର୍ମୀ କର୍ମୀ ଭିତରେ ଚିମୁଟା ଚିମୁଟି ହଉଛୁ। ଖାଲି ସେତିକି ନୁହେଁ, ଦରକାର ପଡ଼ିଲେ ବାଡ଼ିଆବାଡ଼ି ହେଇ ଜୀବନ ବି ନେଇଯାଉଛୁ। କିନ୍ତୁ ସେମାନେ ତାଙ୍କ ଭିତରେ ଠିକ୍‌ ଅଛନ୍ତି। ତାଙ୍କ ଭିତରେ ସବୁକିଛି ଠିକ୍‌ ଠାକ୍‌ ଚାଲିଛି। ଏକଥା କେତେବେଳେ ଜଣାପଡ଼ିବ ଜାଣିଛନ୍ତି? ଯେତେବେଳେ ଏମାନେ କୌଣସି ମଞ୍ଚରେ ପାଖାପାଖି ବସିଥାଆନ୍ତି। ଏଇ ଦେଖୁନାହାନ୍ତି, ନିଇତି କାଦୁଅ ଫିଙ୍ଗାଫିଙ୍ଗି ହଉଥିବା କଂଗ୍ରେସ ଓ ବିଜେଡିର ଏଇ ଦୁଇ ତୁଙ୍ଗ ନେତା କେମିତି ଏକ କାର୍ଯ୍ୟକ୍ରମରେ ମୁହଁକୁ ମୁହଁ ଯୋଡ଼ି ଟୁପୁଟାପ ହଉଛନ୍ତି। ଏକଥା କର୍ମୀମାନେ ବୁଝିଲେ ହେଲା।