କଥାଟା ନିରାଟ ସତ୍ୟ। ଆଉ ଆଗ ଭଳିଆ ଆଣ୍ଟ ନାହିଁ। କିଛି ମାସ ହେଲା ମଣିମା ତାଙ୍କର କାର୍ଯ୍ୟକଳାପ ଚାଲିଚଳଣରେ ବେଶ୍‌ ପରିବର୍ତ୍ତନ ଆଣି ସାରିଛନ୍ତି। ଦିନବେଳା ବାହାର ଛାଇ ବି ପଡ଼ିପାରୁ ନ ଥିଲା। କିନ୍ତୁ ସମୟ ବଦଳିଛି। ‘ମୁକୁ’ ଭୂତ ଗୋଡ଼େଇଲା ପରଠୁ ଚାପ ଏତେ ବଢ଼ିଯାଇଛି ଯେ ମଣିମା ଏବେ ନିଇତି ଲୋକଙ୍କ ଭିତରକୁ ପଶୁଛନ୍ତି। ନବୀନ ନିବାସ ସମସ୍ତଙ୍କ ପାଇଁ ସାହାଣମେଲା। ହସ ହସ ମୁହଁରେ ହାତ ହଲେଇ ଫୁଲତୋଡ଼ାକୁ ସାଦରେ ଗ୍ରହଣ କରୁଛନ୍ତି। ମନରେ ଯାହା ଥାଉ ନା କାହିଁକି, ଫଟୋ ପାଇଁ ମାନ୍ୟବରଙ୍କୁ ଏକଥା କରିବାକୁ ହିଁ ପଡ଼ୁଛି। ୨୦୧୯ ପୂର୍ବରୁ ନିଜକୁ ସେଇ ଅନୁସାରେ ପ୍ରସ୍ତୁତ ନ କଲେ, ଆଗକୁ ଘାଟା ହୋଇଯିବାର ଆଶଙ୍କାକୁ ଦୂରେଇବାକୁ କୁଆଡ଼େ ଏ ବିଧିବଦ୍ଧ ବ୍ୟବସ୍ଥା ବୋଲି ଲୋକେ ଟୁପୁଟାପ ହେଉଛନ୍ତି।