ଆକଟରୁ ଅଣନିଃଶ୍ବାସୀ: ଛାତ୍ରୀନିବାସରୁ ଶୁଭୁଛି ବିଦ୍ରୋହର ସ୍ବର

ସୁରକ୍ଷା ଆଳରେ ଛାତ୍ରୀମାନଙ୍କୁ ଲିଙ୍ଗଭିତ୍ତିକ କଟକଣାରେ ବାନ୍ଧି ରଖିବା କ’ଣ ନ୍ୟାୟସଙ୍ଗତ?

କ୍ୟା - ଦିଲ୍ଲୀ ବିଶ୍ବବିଦ୍ୟାଳୟ ଛାତ୍ରୀଙ୍କ ପିଞ୍ଜରା ତୋଡ୍‌ ଅଭିଯାନ
ପ୍ରାଚ୍ୟ ସଭ୍ୟତା ହେଉ ବା ପାଶ୍ଚାତ୍ୟ ସଭ୍ୟତା ସବୁ ସମୟରେ ନାରୀ ପ୍ରତି ଅନ୍ୟାୟ ହୋଇଆସୁଛି। ଏହା କିଛି ନୂଆ କଥା ନୁହେଁ। ସବୁଠି ନାରୀ ପରାଧୀନ ଓ ସୀମାବଦ୍ଧ। ପରାଧୀନତା ଓ ସୀମାବଦ୍ଧତାର ରୂପରେଖ ଅଲଗା ଅଲଗା ହୋଇପାରେ। ଆମ ଚଳଣି ଏତେ ମାତ୍ରାରେ ପୁରୁଷ ପ୍ରାଧାନ୍ୟ ସମାଜ ଦ୍ୱାରା ପ୍ରଭାବିତ ଯେ ଲିଙ୍ଗଭେଦର ପାର୍ଥକ୍ୟ ବୁଝିବା ସହଜସାଧ୍ୟ ନୁହେଁ। ଉଦାହରଣ ସ୍ବରୂପ ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟ ଭଳି ଅନୁଷ୍ଠାନଗୁଡ଼ିକ ଏମିତି ରୁଢ଼ିବାଦୀ ଏବଂ ପିତୃସତ୍ତାତ୍ମକ ଚିନ୍ତାଧାରା ପରିପନ୍ଥୀ ହେବା ସ୍ଥାନରେ ସେମାନେ ନାରୀ ଅର୍ଥାତ୍ ଛାତ୍ରୀମାନଙ୍କ ଉପରେ କଟକଣା ଜାରି ରଖିଛନ୍ତି। ମୁଖ୍ୟତଃ ହଷ୍ଟେଲ୍‌ରେ ରହୁଥିବା ଛାତ୍ରୀମାନଙ୍କୁ ସୁରକ୍ଷାର ଆଳ ଦେଖାଇ ନୂଆ ନୂଆ କଟକଣାମାନ ଲଗାଇ ଚାଲିଛନ୍ତି।

ଏଠାରେ ମୁଁ ଆପଣମାନଙ୍କୁ ଏକ ଛୋଟ ଉଦାହରଣ ଦେବାକୁ ଚାହିଁବି। ଏଇ କିଛି ଦିନ ତଳେ ମୋର ଜଣେ ସମ୍ପର୍କୀୟ ଭଉଣୀକୁ ଦେଖା କରିବାକୁ ତା’ର ହଷ୍ଟେଲକୁ ଯାଇଥିଲି। ତା’ ସହିତ କଥା ହେବା ପ୍ରସଙ୍ଗରେ, ତା’ର ହଷ୍ଟେଲ୍ ବିଷୟରେ କଥାହେଲି। ତା’ ମୁହଁରୁ ଶୁଣିଲା ପରେ ଲାଗିଲା ଯେ ଆଜିର ଦିନରେ କ’ଣ ଏମିତି କଟକଣା କେଉଁଠି ଲାଗୁ କରାଯାଇପାରେ କି? ଶୁଣି ଆଶ୍ଚର୍ଯ୍ୟ ହେଲି।

ତାଙ୍କ ହଷ୍ଟେଲ୍‌ରେ ରହୁଥିବା ଛାତ୍ରୀମାନଙ୍କ ଉପରେ କେବଳ ହଷ୍ଟେଲ୍‌ରୁ ବାହାରକୁ ଯିବା ଆସିବା କିମ୍ବା କାହା ସହିତ ଦେଖା କରିବା କଟକଣାରେ ସୀମିତ ନୁହେଁ, ବରଂ ସେମାନେ କ’ଣ ଖାଇବେ, ଖାଦ୍ୟ ଦ୍ରବ୍ୟ ନିଜ ରୁମ୍‌କୁ ନେବେ କି ନାହିଁ, ନିଜ ପାଖରେ ଫୋନ୍ ରଖିବା, ବିନା ଚୁନିରେ ଡ୍ରେସ୍ ପିନ୍ଧିବା ଉପରେ ସଂପୂର୍ଣ୍ଣ କଟକଣା ରହିଛି।  ଏପରିକି ଅଭିଭାବକଙ୍କ ଦ୍ୱାରା ଦିଆଯାଇଥିବା ଖାଦ୍ୟ ପଦାର୍ଥ ବିନା ଯାଞ୍ଚରେ ଛାତ୍ରୀମାନେ ନିଜ ରୁମ୍‌କୁ ନେବା କ୍ଷେତ୍ରରେ ମଧ୍ୟ କଟକଣା ଜାରି ରହିଛି। ମାତ୍ର ଛାତ୍ରମାନଙ୍କ ହଷ୍ଟେଲ୍‌ରେ ଏସବୁ କୌଣସି କଟକଣା ଲାଗୁ ନୁହେଁ।

ଏସବୁ କଟକଣା କିନ୍ତୁ ଗୋଟିଏ ଛାତ୍ରୀନିବାସ ବା ଓଡ଼ିଶା ଭିତରେ ସୀମିତ ନୁହେଁ, ଦେଶସାରା ପ୍ରାୟ ଛାତ୍ରୀନିବାସରେ ଆପଣ ଏପରି କଟକଣା ପାଇପାରିବେ। ଦିଲ୍ଲୀ ବିଶ୍ୱବିଦ୍ୟାଳୟର ଛାତ୍ରୀନିବାସରେ ରହୁଥିବା ଛାତ୍ରୀମାନେ ମଧ୍ୟ ଏମିତି ଲିଙ୍ଗଭିତ୍ତିକ କଟକଣା ବିରୋଧରେ ‘ପିଞ୍ଜରା ତୋଡ଼୍’ ନାମକ ଅଭିଯାନ ଚଳାଇ ଆସୁଛନ୍ତି। ସେମାନେ ନିଜର ଫେସ୍ ବୁକ୍ ଏବଂ ବିଭିନ୍ନ ସାମାଜିକ ଗଣମାଧ୍ୟମ ଜରିଆରେ ଏପରି କଟକଣା ବିରୋଧରେ ସ୍ବର ଉତ୍ତୋଳନ କରିଆସୁଛନ୍ତି। କିନ୍ତୁ ସଫଳତା ଏପର୍ଯ୍ୟନ୍ତ ମିଳିପାରିନାହିଁ।

ଏସବୁକୁ ଦେଖିଲେ ଲାଗେ, ଯେପରି ଜଣେ ସାଧାରଣ ଲୋକକୁ ଗୁଣ୍ଡା ଦାଉରୁ ରକ୍ଷା କରିବାକୁ ହେଲେ, ସେହି ସାଧାରଣ ଲୋକକୁ ହିଁ ଜେଲ୍‌ରେ ଭରିଦେବା ସଦୃଶ। କାରଣ ସୁରକ୍ଷା କେବଳ ଗୋଟିଏ ଆଳ। ଆମ୍ଭେ ଛାତ୍ରୀମାନଙ୍କୁ ବା ନାରୀମାନଙ୍କୁ ପୁରୁଷମାନଙ୍କ ସହିତ ସମକକ୍ଷ ହେବାକୁ ପ୍ରକାରାନ୍ତରେ ଚେଷ୍ଟା କରୁଛେ। ଆମର ପିତୃକୈନ୍ଦ୍ରିକ ଚିନ୍ତାଧାରା ଭୟକରୁଛି ଯେ ନାରୀମାନେ ନିଜର ମନଇଚ୍ଛା ସ୍ବଚ୍ଛନ୍ଦରେ ଅନ୍ୟମାନଙ୍କ ସହିତ ମିଶିପାରିବେ, ସହଜରେ ଚାକିରି କରିପାରିବେ ଏବଂ ବିଭିନ୍ନ କ୍ଷେତ୍ରରେ ନାରୀମାନେ ପୁରୁଷମାନଙ୍କ ଠାରୁ ବଳିଯିବେ।

ଯଦି ଆମେ ପ୍ରକୃତରେ ନାରୀମାନଙ୍କୁ ପୁରୁଷ ସହିତ ସମାନ ଓ ଭେଦଭାବହୀନ ଏକ ସମାଜ ଗଠନର ସ୍ବପ୍ନ ଦେଖୁଛୁ, ତେବେ ଏପରି ରୁଢ଼ିବାଦୀ କଟକଣାଗୁଡ଼ିକୁ ପ୍ରଥମେ ଶିକ୍ଷାନୁଷ୍ଠାନଗୁଡ଼ିକରୁ ହିଁ ହଟାଇବାକୁ ପଡ଼ିବ। ଏଥିପାଇଁ କେବଳ ଛାତ୍ରୀମାନେ ଅଣ୍ଟାଭିଡ଼ି ଆଗକୁ ଆସିଲେ ହେବ ନାହିଁ, ସେମାନଙ୍କୁ ନୈତିକ ସମର୍ଥନ ଦେଇ ଅଭିଭାବକ ଓ ଛାତ୍ର ସମାଜ ଆଗକୁ ଆସିବାକୁ ପଡ଼ିବ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।