ସ୍ବପ୍ନରେ ଡେଣା ଲଗାଇଛି କନକ୍ଲେଭ: ସୁମେଧ


ଭୁବନେଶ୍ବରରେ ଆୟୋଜିତ ପେଟ୍ରୋକେମିକାଲ ଇନଭେଷ୍ଟରର୍ସ କନକ୍ଲେଭରେ ଯୋଗଦେବାକୁ ମୁମ୍ବାଇରୁ ଆସିଛନ୍ତି ସୁମେଧ ହାବୁ। ମୁମ୍ବାଇର ଅନ୍ଧେରୀ ଇଷ୍ଟରେ ଥିବା ଇମାଜିନାରିଅମ କମ୍ପାନୀକୁ ପ୍ରତିନିଧିତ୍ବ କରୁଥିବା ସୁମେଧ ଏଭଳି ଏକ କନକ୍ଲେଭ ତାଙ୍କୁ ବଡ଼ ସ୍ବପ୍ନ ଦେଖାଇବା ସହ ସ୍ବପ୍ନଗୁଡ଼ିକୁ ସାକାର କରାଇବା ଦିଗରେ ପ୍ରେରଣା ଯୋଗାଇଛି ବୋଲି ପ୍ରତିନିଧିର ଭ୍ରାମ୍ୟମାଣ ପ୍ରତିନିଧି ଦିଲୀପ ସୁବୁଦ୍ଧିଙ୍କୁ କହିଥିଲେ।

ପ୍ରତିନିଧି: କନକ୍ଲେଭ ଆପଣଙ୍କୁ କିଭଳି ସହାୟକ ହେଲା?
ସୁମେଧ: ଇମାଜିନାରିଅମ ଯେଉଁ କମ୍ପାନୀରେ ମୁଁ କାମ କରେ, ତାର ବାର୍ତ୍ତାକୁ ଏହି କନକ୍ଲେଭରେ ପହଞ୍ଚାଇ ପାରିଛି। କମ୍ପାନୀ ଉତ୍ପାଦନ କରୁଥିବା
ଥ୍ରୀଡି ଡିଜିଟାଲ ପ୍ରିଣ୍ଟିଙ୍ଗ ମେସିନଗୁଡ଼ିକ ବାବଦରେ ବହୁ ବିଶିଷ୍ଟ ବ୍ୟକ୍ତିଙ୍କୁ କହିପାରିଛି। ଭବିଷ୍ୟତ ବିପଣନ ଦିଗରେ ସଫଳତା ମିଳିବ।

ପ୍ରତିନିଧି: ଓଡ଼ିଶାକୁ ନେଇ ଆପଣଙ୍କ ମତ, ଏଠାରେ ବ୍ୟବସାୟ ସମ୍ଭାବନା!
ସୁମେଧ: ସୁଯୋଗ ମିଳିଲେ ରାଜ୍ୟରେ ଇଜାମିନାରିଅମ ତା’ର ବିପଣନ ନେଟୱର୍କ ବଢ଼ାଇବା ପାଇଁ ଚିନ୍ତା କରିବ। ଏଠାକାର କିଛି ଉଦ୍ୟୋଗୀ ଓ ଡିଲରଙ୍କ ସହ ଆମର ସମ୍ପର୍କ ଅଛି।

ପ୍ରତିନିଧି: କର୍ମଶାଳାକୁ ସଫଳତାର ଶ୍ରେୟ ଦେବେ କାହିଁକି?
ସୁମେଧ: ଦେଶ ତଥା ଦେଶବାହାରୁ ୫୦୦ରୁ ଅଧିକ ଉଦ୍ୟୋଗୀ, ଶିଳ୍ପପତି, ବରିଷ୍ଠ ଅଧିକାରୀ, ନୀତି ନିର୍ଦ୍ଧାରକ ଏଥିରେ ଯୋଗଦେଇଥିଲେ। ପଲିଷ୍ଟର ପଲିମର ଚାହିଦା ଓ ବଜାର ତଥା କୌଶଳଗୁଡ଼ିକ ବାବଦରେ ଗୋଟିଏ ମଞ୍ଚରୁ ଜାଣିହେଲା। ମତ ବିନିମୟ ହେଲା। ନୂଆ ଉଦ୍ୟୋଗୀ ଓ ପ୍ରବୀଣ ଶିଳ୍ପପତିଙ୍କ ଠାରୁ ସମସ୍ୟାଗୁଡ଼ିକ ଜାଣିହେଲା, ଯାହା ବର୍ଷ ବର୍ଷ ଧରି ପୁସ୍ତକ ଅଧ୍ୟୟନରୁ ଜାଣି ହୋଇ ନ ଥାନ୍ତା। ସେ ଦୃଷ୍ଟିରୁ ଏ ସମ୍ମିଳନୀ ସଫଳ ହୋଇଥିବା କହିବି।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।