ପ୍ରଜ୍ଞାଙ୍କୁ ରୋକି ପାରିଲାନି ପ୍ରତିବନ୍ଧକ, ହେଲେ ଆଇପିଏସ


ଆଇପିଏସ ପ୍ରଜ୍ଞା ଜୈନ
ଥରେ ମହିଳା କିଛି କରିବାକୁ ଦୃଢ଼ ନିଶ୍ଚିତ ହୋଇଗଲେ ସମସ୍ତ ଅସମ୍ଭବ କାମକୁ ସମ୍ଭବ କରି ଦେଖାଇଥାନ୍ତି। ଏପରି କିଛି କରି ଦେଖାଇଛନ୍ତି ଉତ୍ତର ପ୍ରଦେଶର ଏକ ଛୋଟ ଗାଁ ବଡ଼ୌତର ଡା.ପ୍ରଜ୍ଞା ଜୈନ। ବାହାଘର ପରେ ବି ସେ କ୍ୟାରିଅରକୁ ପଛକୁ ଛାଡ଼ି ନ ଥିଲେ। ଏପରିକି ଗର୍ଭାବସ୍ଥା ସମୟରେ ବେଡରେଷ୍ଟରେ ଥାଇ ସେ ୟୁପିଏସସି ପରୀକ୍ଷା ପାଇଁ ପ୍ରସ୍ତୁତି କରିଥିଲେ ଓ ନିଜ ସ୍ବପ୍ନକୁ ସତ କରି ଦେଖାଇଛନ୍ତି।

ଜୀବନରେ ଏତେସବୁ ଅସୁବିଧା ଆସିବା ସତ୍ତ୍ବେ ପ୍ରଜ୍ଞା ନିଜ କ୍ୟାରିଅର ଛାଡ଼ି ନ ଥିଲେ। ୟୁପିଏସସି ପରୀକ୍ଷା ପାସ କରିବା ପରେ ସେ ପୋଲିସ ସେବାରେ ତାଲିମ ନେଇଥିଲେ। ଏହା ତାଙ୍କ ପାଇଁ ଏତେ ସହଜ ନ ଥିଲା। ତଥାପି ପ୍ରଜ୍ଞା ସାହସ ହରାଇ ନ ଥିଲେ। ସେ ସଫଳତାପୂର୍ବକ ତାଲିମ ଶେଷ କରି ପଞ୍ଜାବର ଆଇପିଏସ ଅଧିକାରୀ ଭାବେ ନିଯୁକ୍ତ ହୋଇଛନ୍ତି।

ହୋମିଓପାଥିକ ଡାକ୍ତରରୁ ଆଇପିଏସ ଅଧିକାରୀ
ପ୍ରଜ୍ଞା ପ୍ରଥମେ ଜଣେ ହୋମିଓପାଥିକ ଡାକ୍ତର ଥିଲେ ଓ ଦିନରେ ଅନେକ ଘଣ୍ଟା ନିଜ କ୍ଲିନିକରେ ରହୁଥିଲେ। ଘର ଓ ପରିବାରର ଦାୟିତ୍ବ ସମେତ ସେ ୟୁପିଏସସି ପରୀକ୍ଷା ଦେବା ଲାଗି ପ୍ରସ୍ତୁତି ଆରମ୍ଭ କରିଥିଲେ। ପ୍ରଥମ ଦୁଇଟି ପ୍ରଚେଷ୍ଟାରେ ସେ ଅସଫଳ ହୋଇଥିଲେ, କିନ୍ତୁ ତୃତୀୟ ପ୍ରୟାସରେ ସେ ସଫଳ ହେବା ସହିତ ପରୀକ୍ଷା କ୍ଲିଅର କରିଥିଲେ। ତେବେ ପ୍ରଜ୍ଞା ଏଥିପାଇଁ କୌଣସି କୋଚିଂ ନେଇ ନ ଥିଲେ। ନିଜ ଦମରେ ସେ ପରୀକ୍ଷା ପାଇଁ ପ୍ରସ୍ତୁତି କରୁଥିଲେ। କ୍ଲିନିକ ଓ ଘର କାମ ଶେଷ ହେବା ପରେ ଯେଉଁ ସମୟ ମିଳୁଥିଲା, ସେହି ସମୟରେ ସେ ୟୁପିଏସସି ପାଇଁ ପଢ଼ୁଥିଲେ।

ପରୀକ୍ଷା ପାସ କରିବା ପାଇଁ କୌଣସି ନିର୍ଦ୍ଦିୀଷ୍ଟ ନିୟମ ନ ଥାଏ
ପ୍ରଜ୍ଞା କହିଛନ୍ତି ଯେ ୟୁପିଏସସି ପାଇଁ ଯେତେ ଶୀଘ୍ର ପ୍ରସ୍ତୁତି ଆରମ୍ଭ କରିବ, ସେତେ ଭଲ ବୋଲି ଅନେକ କହନ୍ତି। କିନ୍ତୁ ତାଙ୍କ କ୍ଷେତ୍ରରେ ଏହା ହୋଇ ନ ଥିଲା। କାରଣ ବହୁତ ପଛରେ ସେ ୟୁପିଏସସି ପାଇଁ ମନ ସ୍ଥିର କରିଥିଲେ। ମୋଟାମୋଟି ଭାବେ ପରୀକ୍ଷା ପାସ କରିବା ପାଇଁ କୌଣସି ନିର୍ଦ୍ଦିୀଷ୍ଟ ନିୟମ ନ ଥାଏ। ଆପଣ ଯେମିତି ଚାହିବେ, ସେମିତି ସବୁକିଛି କରିପାରିବେ ବୋଲି ପ୍ରଜ୍ଞା କହିଛନ୍ତି।

ୟୁପିଏସସି ଆଶାୟୀଙ୍କୁ ପରାମର୍ଶ
ୟୁପିଏସସି ପରୀକ୍ଷା ସମ୍ପର୍କରେ ପରାମର୍ଶ ଦେଇ ପ୍ରଜ୍ଞା କହନ୍ତି ଯେ କୋଚିଂ ନିଅନ୍ତୁ ବା ନ ନିଅନ୍ତୁ କିନ୍ତୁ ଟେଷ୍ଟ ସିରିଜ ନିହାତି ଭାବେ ଜଏନ କରନ୍ତୁ। ପେପରର ଅଭ୍ୟାସ ନ କରିବା ଯାଏ ମୁଖ୍ୟ ପରୀକ୍ଷା ଦେବା ସମୟରେ ପ୍ରଦର୍ଶନ ଭଲ ହେବ ନାହିଁ। ଏଥିସହିତ ସାକ୍ଷାତକାର ପାଇଁ ବେଶୀ କିଛି ନୁହେଁ, କିନ୍ତୁ କେତେକ ମକ ଟେଷ୍ଟ ନିହାତି ଦିଅନ୍ତୁ। ଏହାଦ୍ବାରା ମାହୋଲ ସହିତ ଆପଣ ପରିଚିତ ହୋଇପାରିବେ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।