ଆରେଞ୍ଜଡ ମ୍ୟାରେଜ କରିବାକୁ ଚାହୁଥିଲେ, ଧ୍ୟାନରେ ରଖନ୍ତୁ ଏସବୁ


ପ୍ରତୀକାତ୍ମକ ଫଟୋ
ଆରେଞ୍ଜଡ ମ୍ୟାରେଜ କରିବାକୁ ଚାହୁଥିଲେ ଉପଯୁକ୍ତ ଜୀବନସାଥୀ ଚୟନ କରିବା ବହୁତ ଜରୁରୀ ହୋଇଥାଏ। ଏପରିସ୍ଥଳେ କିଛି କଥା ଧ୍ୟାନରେ ରଖିଲେ ଆରେଞ୍ଜଡ ମ୍ୟାରେଜରେ ଉପଯୁକ୍ତ ଜୀବନସାଥୀ ମିଳିବାର ସମ୍ଭାବନା ବହୁତ ବଢ଼ିଯାଏ।

ଯାହା ସହିତ ବାହାଘର ସ୍ଥିର ହୋଇଛି, ତାଙ୍କୁ ପ୍ରଥମ ଥର ଭେଟିବାକୁ ଗଲାବେଳେ ବାହାଘର ପାଇଁ ତାଙ୍କ ଇଚ୍ଛା ସମ୍ପର୍କରେ ପଚାରନ୍ତୁ। ଆପଣଙ୍କୁ ବିବାହ କରିବାକୁ ସେ ପ୍ରସ୍ତୁତ ଅଛନ୍ତି କି ନାହିଁ ପଚାରନ୍ତୁ। କେବଳ ପ୍ରଥମ ଥର ଦେଖାରେ ନୁହେଁ, ଏହା ପରେ ବି ଯେତେବେଳେ ଦେଖା ହେଉଛନ୍ତି ଏ ସମ୍ପର୍କରେ ତାଙ୍କ ସହିତ କଥା ହୁଅନ୍ତୁ। ସମସ୍ତେ ଚାହାନ୍ତି, ତାଙ୍କ ପାର୍ଟନର ତାଙ୍କ ପ୍ରତି ବିଶ୍ବସ୍ତ ହୁଅନ୍ତୁ। କିନ୍ତୁ ବାସ୍ତବରେ ପାର୍ଟନରଙ୍କ ବିଶ୍ବସନୀୟତା ଶୀଘ୍ର ଆକଳନ କରାଯାଇ ପାରି ନ ଥାଏ। ଏଥିସହିତ ତାଙ୍କ ପସନ୍ଦ ନାପସନ୍ଦ, ଆର୍ଥିକ ସ୍ଥିତି ତଥା ଅତୀତ ସମ୍ପର୍କରେ ଜାଣିବାକୁ ଚେଷ୍ଟା କରନ୍ତୁ।

ପାର୍ଟନରଙ୍କ ସହିତ ପ୍ରଥମ ଥର ଦେଖା ହେବା ସମୟରେ ଆପଣ ଦୁହେଁ ପରସ୍ପର ସହିତ ସହଜ ଅନୁଭବ କରୁଛନ୍ତି କି ନାହିଁ ଧ୍ୟାନ ଦିଅନ୍ତୁ। ପରସ୍ପର ସହ ସହଜ ଅନୁଭବ କଲେ ହିଁ ଭବିଷ୍ୟତରେ ସମ୍ପର୍କର ଡୋରି ମଜବୁତ ହୋଇପାରିବ। ଆପଣ ଯାହାଙ୍କୁ ବିବାହ କରିବାକୁ ଯାଉଛନ୍ତି, ସେ ଅନ୍ୟମାନଙ୍କ ଭାବନାକୁ ସମ୍ମାନ ଦେଉଛନ୍ତି କି ନାହିଁ, ତାହା ମଧ୍ୟ ଜାଣିବାକୁ ଚେଷ୍ଟା କରନ୍ତୁ। ଅନ୍ୟମାନଙ୍କ ପ୍ରତି ତାଙ୍କର ବ୍ୟବହାର କିପରି ରହିଛି, ତାହା ଦେଖନ୍ତୁ। କାରଣ ଯେଉଁ ବ୍ୟକ୍ତି ଅନ୍ୟମାନଙ୍କ ଭାବନାକୁ ସମ୍ମାନ ଦେଇ ଜାଣିଛନ୍ତି, ସେ ଆପଣଙ୍କ ପାଇଁ ଜଣେ ଉପଯୁକ୍ତ ଜୀବନସାଥୀ ହୋଇପାରିବେ।

Post Comment




  
Captcha
Cannot Read? Click Here to generate a new one.


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।