ସ୍ବତନ୍ତ୍ର ପ୍ରସଙ୍ଗ

ଇଣ୍ଡିଗୋକୁ ଚେତାବନୀ: ତୁରନ୍ତ ବଦଳାଅ ତ୍ରୁଟିଯୁକ୍ତ ଇଞ୍ଜିନ

ବିଗତ କିଛିଦିନ ଧରି ଇଣ୍ଡିଗୋ ବିମାନର ଇଞ୍ଜିନକୁ ନେଇ ସାରା ବିଶ୍ବରେ ଚର୍ଚ୍ଚା ଲାଗିରହିଛି। ଏହା ତ୍ରୁଟିପୂର୍ଣ୍ଣ ହୋଇଥିବାରୁ ଆକାଶ ମଝିରେ ଇଞ୍ଜିନ ଫେଲ ହୋଇଯିବା ଭଳି ଘଟଣାର ପୁନରାବୃତ୍ତି ଘଟି ଯାତ୍ରୀମାନଙ୍କ ଚିନ୍ତା ଆଉ ବ୍ୟଥାର କାରଣ ସାଜିଛି। ଇଣ୍ଡିଗୋ ତା’ର ତେଲ ସଞ୍ଚୟ ପାଇଁ ଇଞ୍ଜିନ ବଦଳାଇ ଟାଇଟାନିୟମରେ ତିଆରି ଟରବାଇନ ବ୍ଲେଡ ଖଞ୍ଜିଥିବା ନେଇ ଉଦ୍‌ବେଗ ପ୍ରକାଶ କରିଛି ଡିଜିସିଏ। ବେସାମରିକ ବିମାନ ଚଳାଚଳ ମହାନିର୍ଦେଶାଳୟ (ଡିଜିସିଏ) ସୋମବାର ଦେଶର ସବୁଠୁ ବଡ଼ ଯାତ୍ରୀ ଓ ପଣ୍ୟ ପରିବହନକାରୀ ବିମାନ ଇଣ୍ଡିଗୋର ଏୟାରବସ ଏ-୩୨୦ ଏବଂ ୩୨୧ ନିଓ ବିମାନରେ ଟାଇଟାନିୟମରେ ନିର୍ମିତ ଟରବାଇନ ବ୍ଲେଡରେ ସଞ୍ଚାଳିତ କରିବା ଉପରେ ରୋକ ଲଗାଇ ଦିଆଯାଇଛି। ଯାହା ଫଳରେ ମଝି ଆକାଶରେ ଇଞ୍ଜିନ ଅଚଳର ଭୟ ସୃଷ୍ଟି କରାଯାଇଛି।

ଛେଚୁଛି ପିଆଜ: ସରକାର ଅସହାୟ କାହିଁକି?

ଭୁବନେଶ୍ବର: ଲୋକଙ୍କ ଉପରେ ବିପତ୍ତି ପଡ଼ିଲେ ଆରମ୍ଭ ହୋଇଯାଏ ସରକାରଙ୍କ ବାହାନାବାଜି। ସବୁ କିଛି କରାଯାଉଛି ଓ ଆଗକୁ ପଦକ୍ଷେପ ନିଆଯିବ ବୋଲି ସରକାରଙ୍କ ମୁହଁରୁ ବାହାରୁଥିବା ଏହି ସଂଳାପ ପୁରୁଣା ହେଲାଣି, ଲୋକଙ୍କ ଦେହସୁହା ହୋଇଗଲାଣି। ହେଲେ ଏହା ନିରର୍ଥକ। ଏବେ ଓଡ଼ିଶା ସମେତ ସାରା ଦେଶରେ ଲୋକଙ୍କୁ ଛେଚୁଛି ପିଆଜ। କିଲୋପ୍ରତି ଏହାର ଦର ୧୦୦ ଟଙ୍କା ଛୁଇଁଥିବା ବେଳେ ଏହା ଲୋକଙ୍କ ଅଣ୍ଟା ଭାଙ୍ଗିଦେଇଛି। ରୋଷେଇଶାଳରେ ଅତ୍ୟାବଶ୍ୟକୀୟ ପରିବାର ମାନ୍ୟତା ପାଇଥିବା ପିଆଜ ଦାଉରେ ଏବେ ଲୋକେ ଅତିଷ୍ଠ। ହେଲେ ସରକାର ଫସଲ ନଷ୍ଟ ଓ କମ୍‌ ଆମଦାନିର ଚିଠା ଦେଖାଇ ଚୁପ୍‌ ହୋଇ ବସିଯାଇଛନ୍ତି। ତେବେ ପୂର୍ବରୁ ପଦକ୍ଷେପ ନିଆଯାଉନି କାହିଁକି? କୋଟି କୋଟି ଟଙ୍କା ବ୍ୟୟରେ ଆଳୁ ଓ ପିଆଜ ମିଶନ ଗଠନ ସତ୍ତ୍ବେ ଯୋଜନା ଫେଲ୍‌ ମାରିଛି। ପିଆଜ ସଂରଣକ୍ଷ ପାଇଁ ଠୋକ୍‌ ପଦକ୍ଷେପ ନେଇ ପାରିଲେନି ସରକାର। ବର୍ଷ ପରେ ବର୍ଷ ସେଇ ଏକା ସମସ୍ୟା, ସେଇ ଏକା ଯୁକ୍ତି। କେବେ ସରକାରଙ୍କ ନିଦ ଭାଙ୍ଗିବ? ସରକାର ଏତେ ଅସହାୟ କାହିଁକି ବୋଲି ଚାରିଆଡ଼େ ଚର୍ଚ୍ଚା ହେଉଛି।

କାରୁକାର୍ଯ୍ୟକୁ କୋଣଠେସା: କଟକ ବଦଳରେ ଏବେ

ଉତ୍କଳ ବା ଓଡ଼ିଶା ଉତ୍କୃଷ୍ଟ କଳାର ଦେଶ ଭାବେ ସର୍ବତ୍ର ଖ୍ୟାତିଲାଭ କରିଛି। ହସ୍ତକଳା ହେଉ କି କାରୁକାର୍ଯ୍ୟ, ଭାସ୍କର୍ଯ୍ୟ ହେଉ କି କାରିଗରୀ ସବୁ କ୍ଷେତ୍ରରେ ଓଡ଼ିଶା ନିଜର ସ୍ବତନ୍ତ୍ର ପରିଚୟ ହାସଲ କରିପାରିଛି। କିନ୍ତୁ ପରିତାପର ବିଷୟ ହେଉଛି ଆମର ଐତିହ୍ୟ, ସଂସ୍କୃତି ଓ ପରମ୍ପରାର ପ୍ରତୀକ ସାଜିଥିବା ଏହି କଳା ଓ କାରୁକାର୍ଯ୍ୟକୁ ଏବେ କୋଣଠେସା କରାଯାଉଛି। ଯେଉଁଥିପାଇଁ ଦିନେ ଏହି ମାଟି ଅନ୍ୟମାନଙ୍କର ଆକର୍ଷଣର କେନ୍ଦ୍ରବିନ୍ଦୁ ଥିଲା। ତାହା ଉପରୁ ଏବେ ନଜର ହଟିବାରେ ଲାଗିଛି। ଏହିକ୍ରମରେ ବିଶ୍ବ ପ୍ରସିଦ୍ଧ କଟକର ତରାକସିକୁ ବିଚାରକୁ ନିଆଯାଇପାରେ। ଏହି ବିରଳ କଳା ଓ କାରୁକାର୍ଯ୍ୟର କଷ୍ଟସାଧ୍ୟ କାରିଗରୀ ଶିଖିବାକୁ ଏକଦା ଶିଳ୍ପୀ ସିଲଭର ସିଟି ମୁହାଁ ହେଉଥିବାବେଳେ ଏବେ ପଡ଼ୋଶୀ ରାଜ୍ୟ ପଶ୍ଚିମବଙ୍ଗର ରାଜଧାନୀରେ ତାରକସି ପାଇଁ ପ୍ରକୃଷ୍ଟ ବଜାର ସୃଷ୍ଟି ହୋଇପାରିଥିବା କୁହାଯାଉଛି। କଟକ ବଦଳରେ ଏବେ କୋଲକାତା ପାଲଟିଛି ତାରକସିର ନୂଆ ହବ୍‌। କଟକରେ ରହୁଥିବା ଏହାର ପୁରୁଖା ଓ ନିପୁଣ ଶିଳ୍ପୀମାନେ କାମ ଅଭାବରୁ ସଙ୍କଟରେ ପଡ଼ିଛନ୍ତି। ଏପରିସ୍ଥଳେ ଯୁବପିଢ଼ି ସେମାନଙ୍କ ଭବିଷ୍ୟତକୁ ଦୃଷ୍ଟିରେ ରଖି କୋଲକାତା ମୁହାଁ ହେଲେଣି। ତେବେ ଏହା ଆମ ପାଇଁ ଲଜ୍ଜାଜନକ ଘଟଣା ନୁହେଁ କି? ପାଖାପାଖି ୫୦୦ ବର୍ଷର ଏହି କଳା ଓ କାରୁକାର୍ଯ୍ୟ ପାଇଁ କାହିଁକି ପ୍ରକୃଷ୍ଟ ବଜାରଟିଏ ସୃଷ୍ଟି କରାଯାଇ ପାରିଲା ନାହିଁ? ରସଗୋଲା ପାଇଁ ଏତେ ବାକ୍‌ବିତଣ୍ଡା ହୋଇଥିବା ବେଳେ ତାରକସିକୁ କାହିଁକି ପାଶୋରି ଦିଆଗଲା? ଏଥିପାଇଁ ସରକାର ଉଥ୍ତରଦାୟୀ ନୁହେଁ କି? ଆଜି ବି ଏସବୁ ପ୍ରଶ୍ନ ଅସମାହିତ ହୋଇରହିଛି। ଆଉ ଏହାର ଫାଇଦା ଅନ୍ୟ ରାଜ୍ୟକୁ ମିଳୁଛି। ଆମେ ହାତ ଉପରେ ହାତ ଧରି ବସି ରହିବା ସାର ହେଉଛି।

ଏନ୍‌ଆର୍‌ସିର ଦ୍ବନ୍ଦ୍ବ: ପୁଳା ପୁଳା ପ୍ରଶ୍ନ

ସୂଚନାର ଯୁଗ, ସମସ୍ତଙ୍କୁ ସୂଚନା ଆବଶ୍ୟକ। ଯାହା ନିକଟରେ ସୂଚନା ତା’ ନିକଟରେ ସବୁକିଛି। ସରକାରଙ୍କୁ ଏବେ ନାଗରିକଙ୍କ ସୂଚନା ଆବଶ୍ୟକ। ନାଗରିକତାର ସୂଚନା, ବର୍ତ୍ତମାନ ସୁଦ୍ଧା ସାରା ଦେଶର ଲୋକେ ଆସାମରେ ନାଗରିକତାର ସୂଚନା ପାଇଁ ଆରମ୍ଭ ହୋଇଥିବା ନ୍ୟାସନାଲ ରେଜିଷ୍ଟର ଅଫ ସିଟିଜେନ (ଏନ୍‌ଆର୍‌ସି) ଓ ଏହାକୁ ନେଇ ଉଠିଥିବା ବିବାଦ କଥା ଜାଣନ୍ତି। ଏହାକୁ କିଏ ଗୁରୁତ୍ବ ଦେଉ ଅବା ନ ଦେଉ ଏବେ ଏନ୍‌ଆରସି ପ୍ରତ୍ୟେକଙ୍କ ପାଇଁ ଆବଶ୍ୟକୀୟ ହୋଇପଡ଼ିଛି। କେନ୍ଦ୍ର ଗୃହମନ୍ତ୍ରୀ ଅମିତ ଶାହ ନିକଟରେ ରାଜ୍ୟସଭାରେ ଘୋଷଣା କରିଛନ୍ତି ଯେ ଏବେ ସାରା ଦେଶରେ ଏନ୍‌ଆରସି ଲାଗୁ ହେବ। ଆସାମରେ ମଧ୍ୟ ପୁଣି ଏ ପ୍ରକ୍ରିୟା ଆରମ୍ଭ ହେବ। ଶାହ ଏହା ଗୃହରେ କେବଳ ଘୋଷଣା କରିଛନ୍ତି। କୌଣସି ରୂପରେଖ ପ୍ରସ୍ତୁତ କରିନାହାନ୍ତି।

ସକାରାତ୍ମକ ଲକ୍ଷଣ: କମିଛି ସଡ଼କ ଦୁର୍ଘଟଣା ହାର

ନୂଆଦିଲ୍ଲୀ: ଦିନକୁ ଦିନ ବଢ଼ି ଚାଲିଛି ସଡ଼କ ଦୁର୍ଘଟଣା। ଭାରତରେ ଏହା ଉଦ୍‌ବେଗଜନକ ସ୍ଥିତିରେ ରହି ଆସିଥିବା ବେଳେ ଏବେ ଏଥିରେ ସୁଧାର ପରିଲକ୍ଷିତ ହୋଇଛି। ସମୟକ୍ରମେ ଲୋକସଂଖ୍ୟା ଓ ଗାଡ଼ି ସଂଖ୍ୟା ବଢ଼ି ଚାଲିଥିବାରୁ ଦୁର୍ଘଟଣା ମଧ୍ୟ ସେହି ଅନୁପାତରେ ବଢ଼ିବାରେ ଲାଗିଛି। ତେବେ ସଡ଼କ ସୁରକ୍ଷା ସଚେତନତାର ଅଭାବ ଓ ଉପଯୁକ୍ତ ମୋଟରଯାନ ଆଇନର କାର୍ଯ୍ୟକାରିତା ଅଭାବରୁ ଏହି ସମସ୍ୟା ଆହୁରି ବଢ଼ିଛି। ଏପରିସ୍ଥଳେ ୨୦୧୦ରୁ ୨୦୧୮ ମଧ୍ୟରେ ଭାରତରେ ଘଟିଥିବା ସଡ଼କ ଦୁର୍ଘଟଣାର ବାର୍ଷିକ ହାର ପୂର୍ବ ଦଶନ୍ଧି ତୁଳନାରେ ହ୍ରାସ ପାଇଛି, ଯାହାକି ଏକ ସକାରାତ୍ମକ ଲକ୍ଷଣ। ବିଶେଷ କରି ଏହି ଅବଧିରେ ନୀତିନ୍‌ ଗଡ଼କରୀଙ୍କ ନେତୃତ୍ବରେ କେନ୍ଦ୍ର ସଡ଼କ ପରିବହନ ଏବଂ ରାଜପଥ ମନ୍ତ୍ରାଳୟ ଦ୍ବାରା ନିଆଯାଇଥିବା କେତେକ ବରିଷ୍ଠ ପଦକ୍ଷେପ ଯୋଗୁ ଏହା ସମ୍ଭବ ହୋଇ ପାରିଛି। ଲୋକସଂଖ୍ୟା ଓ ଗାଡ଼ି ସଂଖ୍ୟା ଅନୁପାତରେ ଦୁର୍ଘଟଣା ସଂଖ୍ୟା ମଧ୍ୟ ପୂର୍ବ ବର୍ଷ ଭଳି ବଢ଼ିବା କଥା। କିନ୍ତୁ କେତେକ ଠୋସ୍‌ ପଦକ୍ଷେପ ଯୋଗୁ ଏଥିରେ ରୋକ୍‌ ଲଗାଯାଇ ପାରିଛି। ଏଥିସହ ପାଖାପାଖି ୩୦ ବର୍ଷ ପରେ ମୋଟରଯାନ ଆଇନରେ ସଂଶୋଧନ ମଧ୍ୟ କରାଯାଇଛି। ଆଗାମୀଦିନରେ ଯଦି ଏହି ଆଇନକୁ ସଠିକ୍‌ ଭାବେ କାର୍ଯ୍ୟକାରୀ କରାଯିବା ସହ ସଡ଼କ ସୁରକ୍ଷା ସଚେତନତା ସୃଷ୍ଟି କରାଯାଇ ପାରିବ ତେବେ ନିଶ୍ଚିତଭାବେ ଏଥିରେ ଅଧିକ ସୁଧାର ଅଣାଯାଇପାରିବ। ସଡ଼କ ପରିବହନ ଏବଂ ରାଜପଥ ମନ୍ତ୍ରାଳୟ ପକ୍ଷରୁ ‘ଭାରତରେ ସଡ଼କ ଦୁର୍ଘଟଣା-୨୦୧୮’ ରିପୋର୍ଟ’ ପ୍ରକାଶ ପାଇଛି। ଏହା ହେଉଛି ମନ୍ତ୍ରାଳୟ ଅଧୀନ ପରିବହନ ଗବେଷଣା ଶାଖାର ବାର୍ଷିକ ପ୍ରକାଶନୀ। ଯେଉଁଥିରେ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ପୋଲିସ୍‌ ଠାରୁ ମିଳିଥିବା ତଥ୍ୟ ଆଧାରରେ ଦୁର୍ଘଟଣା, ତଦ୍‌ଜ୍ଜନିତ ମୃତକ ଏବଂ ଆହତଙ୍କ ସଂଖ୍ୟାର ବର୍ଷୱାରୀ ବିବରଣୀ ଉପଲବ୍ଧ କରାଯାଇଥାଏ।

ବ୍ରାଣ୍ଡ ବେନୋରିଟା: ସୁନ୍ଦର ସୃଜନଶୀଳତା ଓ ନିଆରା

ଭିନ୍ନ ତାଙ୍କ ବ୍ୟକ୍ତିତ୍ବ, ନିଆରା ତାଙ୍କ ଚିନ୍ତାଧାରା। ଉଚ୍ଚଶିକ୍ଷିତା ହେବା ସତ୍ତ୍ବେ ପିଲାଟି ଦିନରୁ ସେ ରୁଚି ରଖି ଆସିଥିବା କ୍ଷେତ୍ରକୁ ନା ତ ସେ ଛାଡ଼ିଛନ୍ତି, ନା ତାଙ୍କ ଲକ୍ଷ୍ୟରୁ ବିଚ୍ୟୁତ ହୋଇଛନ୍ତି। ଅନ୍ୟର କଷ୍ଟ ପାଇଁ ତାଙ୍କର ହୃଦୟ ବ୍ୟଥିତ ହେଉଥିବାରୁ ସେ ଏଥିଲାଗି କର୍ପୋରେଟ୍‌ ଚାକିରିକୁ ମଧ୍ୟ ତ୍ୟାଗି ଦେଇଥିଲେ। ଜୀବନରେ ସୁନ୍ଦର ସୃଜନଶୀଳତା ମାଧ୍ୟମରେ ନିଜ କଳା ନୈପୁଣ୍ୟକୁ ଉପଯୋଗ କରି କିଛି ନିଆରା ସୃଷ୍ଟି କରିବାରେ ସବୁବେଳେ ବ୍ରତୀ ସେ। ଅନେକଙ୍କ ପାଇଁ ପ୍ରେରଣାର ଉତ୍ସ ପାଲଟିଥିବା ଏହି ଯୁବା ଫ୍ୟାଶନ୍‌ ଡିଜାଇନର ଜଣକ ହେଉଛନ୍ତି ବେନୋରିଟା ଦାଶ। ସୃଜନଶୀଳତା ମାଧ୍ୟମରେ ବର୍ଜ୍ୟବସ୍ତୁରୁ ମଧ୍ୟ ସୁନ୍ଦର ସୁନ୍ଦର ଜିନିଷ ତିଆରି କରାଯାଇପାରେ। ଅଦରକାରୀ ଭାବି ଫିଙ୍ଗି ଦିଆଯାଉଥିବା ଜିନିଷକୁ କିପରି ଭାବେ କ୍ରିଏଟିଭିଟି ଜରିଆରେ ଭିନ୍ନ ଏକ ରୂପ ଦିଆଯାଇପାରେ, ତାହା ପ୍ରମାଣ କରିପାରିଛନ୍ତି ବେନୋରିଟା। ବର୍ତ୍ତମାନ ସମୟରେ ପରିବେଶ ସୁରକ୍ଷା ଏକ ବଡ଼ ଚ୍ୟାଲେଞ୍ଜ ହୋଇଛି। ତେବେ ପରିବେଶକୁ ନିଜ ସାଧ୍ୟମତେ ସୁରକ୍ଷା ଦେବା ପାଇଁ ଅଣ୍ଟା ଭିଡ଼ିଛନ୍ତି ୨୮ ବର୍ଷୀୟା ବେନୋରିଟା। ଏଥିପାଇଁ ସେ ଭୁବନେଶ୍ବର ସ୍ଥିତ ଓଲ୍ଡଟାଉନ୍‌ରେ ଲେଡିବେନ୍‌ ନାମକ ଏକ ଷ୍ଟୋର୍‌ ମଧ୍ୟ ଖୋଲିଛନ୍ତି। ଏହି ଷ୍ଟୋର୍‌ରେ ସେ ଅଦରକାରୀ ଜିନିଷରୁ ତିଆରି କରିଥିବା ସାମଗ୍ରୀଗୁଡ଼ିକ ରଖିଛନ୍ତି। ତାଙ୍କର ଏହି ଚିନ୍ତାଧାରା ଯେତିକି ନିଆରା, ଅନ୍ୟ ଯୁବପିଢ଼ିଙ୍କୁ ମଧ୍ୟ ଅନୁପ୍ରାଣିତ କରିବା ପାଇଁ ଯଥେଷ୍ଟ।

ବାଲିରେ ରେକର୍ଡ ବେପାର: ୭ ଦିନରେ ୪୦ କୋଟି ପାର

ଦୁଲୁକୁଛି କଟକ। କମ୍ପୁଛି ବାଲିଯାତ୍ରା ପଡ଼ିଆ। ପ୍ରତିଦିନ ଏଠି ଲକ୍ଷାଧିକ ଲୋକଙ୍କ ସମାଗମ। ପବିତ୍ର କାର୍ତ୍ତିକ ପୂର୍ଣ୍ଣମୀ ଠାରୁ ଆରମ୍ଭ ହୋଇଥିବା ଐତିହାସିକ ବାଲିଯାତ୍ରା ପୂର୍ବବତ୍‌ ଏହାର ପତିଆରା ବଜାୟ ରଖିଛି। ଚଳିତ ଥର ବାଲିଯାତ୍ରାର ନବକଳେବର ହୋଇଥିବା ବେଳେ ଏଥିରେ ସ୍ଥାନିତ ମନୋରଞ୍ଜନଧର୍ମୀ ଖେଳ ଓ କାର୍ଯ୍ୟକ୍ରମ ଆବାଳ ବୃଦ୍ଧବନିତାଙ୍କୁ ଆକର୍ଷିତ କରିବାରେ ସମର୍ଥ ହୋଇଛି। ଅନୁରୂପ ଭାବେ ବେପାର ମଧ୍ୟ ଜୋର୍‌ଦାର ହେଉଛି। ଭଳିକି ଭଳି ଷ୍ଟଲରେ ବିଭିନ୍ନ ରକମର ସାମଗ୍ରୀ ଲୋକଙ୍କୁ ପ୍ରଲୁବ୍ଧ କରାଇପାରିଛି। ବିଶେଷକରି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଠାରୁ ଆରମ୍ଭ କରି ହସ୍ତତନ୍ତ, ହସ୍ତକଳା ପର୍ଯ୍ୟନ୍ତ, ସୁନା ରୁପା ଅଳଙ୍କାର ଠାରୁ ଯାନ୍ତ୍ରିକ ଉପକରଣ ଯାଏ ଏବଂ ତତ୍‌ ସହିତ ଖାଦ୍ୟପେୟ ଠାରୁ ପିଲାଙ୍କ ଖେଳନା ଯାଏ, ସବୁକିଛି ମିଳୁଛି ଏଠି। ପ୍ରଥମ ୭ ଦିନରେ ପଲ୍ଲୀଶ୍ରୀ ମେଳାର ସାଢ଼େ ୧୩ କୋଟିର ବେପାରକୁ ମିଶାଇ ମୋଟ ବେପାର ୪୦ କୋଟିରୁ ଊର୍ଦ୍ଧ୍ବ ହୋଇଥିବା ଅନୁମାନ କରାଯାଉଛି, ଯଦିଓ ଏ ନେଇ ସ୍ପଷ୍ଟ ପରିସଂଖ୍ୟାନ ମିଳିନାହିଁ। ତେବେ ଏହା ପୂର୍ବ ରେକର୍ଡକୁ ଭାଙ୍ଗିବ ବୋଲି ବାରିହୋଇ ପଡ଼ୁଛି। ବାଲିରେ ଏହି କୋଟି କୋଟି ଟଙ୍କାର ବେପାରରେ ଗ୍ରାମୀଣ କ୍ଷୁଦ୍ର ବ୍ୟବସାୟୀ ଓ କାରିଗରଙ୍କ ପ୍ରଚ୍ଛନ୍ନ ହାତ ରହିଥିବା ଜଣାଯାଇଛି।

ବ୍ୟାଙ୍କ୍ ଜମାକାରୀଙ୍କୁ ପେନ୍‌ ବାମ୍‌: ବଢ଼ିବ ବୀମା ଗ୍ୟାରେଣ୍ଟି

ପ୍ରଚଳିତ ଆଇନ ସଂଶୋଧନର ସୂଚନା ଦେଇଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ଦେଶର ସାଧାରଣ ନିରୀହ ଜମାକାରୀଟିଏ ନିଜ କଷ୍ଟୋପାର୍ଜିତ ରାଶିକୁ ଏଥିପାଇଁ ବ୍ୟାଙ୍କ୍‌ରେ ଜମା କରିଥାଏ, ଯାହାକି ତା’ର ଆତ୍ୟାବଶ୍ୟକ ସମୟରେ ଏହା କାମରେ ଲାଗି ପାରିବ। କିନ୍ତୁ କୌଣସି କାରଣରୁ ବ୍ୟାଙ୍କ୍ ବନ୍ଦ ହୋଇଗଲେ ବା ଡୁବିଗଲେ ଜମାକାରୀଙ୍କୁ ଏକ ଲକ୍ଷ ଟଙ୍କା ପର୍ଯ୍ୟନ୍ତ ବୀମା ଗ୍ୟାରେଣ୍ଟି ଦିଆଯିବାର ଆଇନ ରହିଛି। ତେବେ ଲକ୍ଷାଧିକ ଟଙ୍କା ଜମା କରୁଥିବା ଜମାକାରୀଙ୍କ ପାଇଁ ଏହା ଆଦୌ ପର୍ଯ୍ୟାପ୍ତ ନୁହେଁ। ଏପରିସ୍ଥଳେ ବ୍ୟାଙ୍କ୍‌ଗୁଡ଼ିକରେ ଲଗାତର ହେଉଥିବା ଘୋଟାଲା କାରଣରୁ ସାଧାରଣ ଜନତାଙ୍କ ବହୁସଞ୍ଚିତ ଅର୍ଥ ଡୁବୁଥିବାର ଘଟଣାକୁ ଦେଖି ସରକାର ଏବେ ଜମା କରାଯାଇଥିବା ଅର୍ଥ ଉପରେ ବୀମା ଗ୍ୟାରେଣ୍ଟିର ସୀମା ବୃଦ୍ଧି ପାଇଁ ପ୍ରୟାସ ଆରମ୍ଭ କରିଛନ୍ତି। ସାମ୍ପ୍ରତିକ ସମୟରେ ଏହା ଜମାକାରୀଙ୍କ ପାଇଁ ପେନ୍‌ବାମ୍‌ ସଦୃଶ ହେବ ବୋଲି ଆଶା କରାଯାଉଛି।

ବର୍ଜ୍ୟକୁ ନେଇ ଭାରତ ଉପରେ ବର୍ଷିଲେ ଟ୍ରମ୍ପ୍‌: ସତ୍ୟତା କେତେ

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ନ୍ୟୁୟର୍କର ଇକୋନମୀ କ୍ଲବ୍‌ରେ ନଭେମ୍ବର ୧୨ରେ ଜଳବାୟୁ ପରିବର୍ତ୍ତନ ସମ୍ପର୍କରେ ବକ୍ତୃତା ଦେଇ ଭାରତ, ରୁଷିଆ ଓ ଚୀନ୍‌କୁ ର୍ଟାର୍ଗେଟ୍‌ କରିଥିଷଲ। ସେ ତାଙ୍କ ସମ୍ବୋଧନରେ କହିଥିଲେ ଯେ ମୁଁ ପୂରା ବିଶ୍ବରେ ଶୁଦ୍ଧ ବାୟୁ ଚାହୁଁଛି। ଶୁଦ୍ଧ ପବନ ସହିତ ବିଶୁଦ୍ଧ ପାଣି ମଧ୍ୟ ଚାହୁଁଛି। ଲୋକେ ମୋତେ ପ୍ରଶ୍ନ କରୁଛନ୍ତି ଯେ ଆପଣ ଏଥିପାଇଁ ଆପଣଙ୍କ ଦେଶରେ କ’ଣ କରିଛନ୍ତି। ଏଥିରେ ମୋ ପାଇଁ ଏକ ସମସ୍ୟା ରହିଛି। ଚୀନ, ରୁଷିଆ, ଭାରତର ବିସ୍ତୃତ ଅଞ୍ଚଳରେ ଟନ୍‌ ଟନ୍‌ ବର୍ଜ୍ୟ ଜମା ହୋଇ ସାରା ବିଶ୍ବର ପବନକୁ ବିଷାକ୍ତ କରାଇବାରେ ଲାଗିଛି। ଟ୍ରମ୍ପ୍‌ ନିଜ ସମ୍ବୋଧନରେ ଭାରତ, ଚୀନ ଓ ରୁଷିଆକୁ ସିଧାସଳଖ ଟାର୍ଗେଟ୍‌ କରି କହିଥିଲେ ଯେ ଏହି ଦେଶଗୁଡ଼ିକ ନିଜର ବର୍ଜ୍ୟ ପରିଚାଳନା ପାଇଁ କିଛି ବ କରୁ ନାହାନ୍ତି। ସେମାନେ ନିଜର ବର୍ଜ୍ୟକୁ ସିଧାସଳଖ ସମୁଦ୍ରରେ ଭସାଇ ଦେଉଛନ୍ତି। ଆଉ ଏହି ବର୍ଜ୍ୟ ସମୁଦ୍ରରେ ସିଧା ଭାସି ଆସି ଲସ୍‌ ଏଞ୍ଜେଲସ୍‌ରେ ପହଞ୍ଚି ଯାଉଛି। ସମସ୍ତେ ଏହା ଦେଖୁଛନ୍ତି କିନ୍ତୁ କେହି କିଛି କହୁ ନାହାନ୍ତି।

୭୫ ପ୍ରତିଶତ ଭାରତୀୟ ଚାକିରିରେ ସନ୍ତୁଷ୍ଟ, ଦରମାରେ

ଦେଶର ଅଗ୍ରଣୀ ଅନ୍‌ଲାଇନ୍‌ ରିକ୍ର୍ୟୁଟ୍‌ମେଣ୍ଟ୍‌ ତଥା କ୍ୟାରିୟର୍‌ ସଲ୍ୟୁସନ୍‌ ୱିଜ୍‌ଡମ୍‌ ଜବ୍‌ସ ଡଟ୍‌କମ୍‌ର ଏକ ସର୍ଭେ ଅନୁଯାୟୀ ଦେଶର ଘରୋଇ କ୍ଷେତ୍ରର ଅଧିକାଂଶ କର୍ମଚାରୀ ନିଜର ଦରମାକୁ ନେଇ ଅସନ୍ତୁଷ୍ଟ। ୱିଜ୍‌ଡମ୍‌ ଜବ୍‌ସ ପକ୍ଷରୁ କର୍ମଚାରୀଙ୍କ ଦରମା ହାରକୁ ନେଇ ସେମାନଙ୍କର ସନ୍ତୁଷ୍ଟି କେତେ ଜାଣିବା ପାଇଁ ହାଇଦ୍ରାବାଦ, ମୁମ୍ବାଇ, ଦିଲ୍ଲୀ, ଚେନ୍ନାଇ, ବେଙ୍ଗାଲୁରୁ ତଥା ପୁନେରେ ଏକ ସର୍ଭେ କରାଯାଇଥିଲା। ଏହି ସର୍ଭେରେ ଆଇଟି, ଟେଲିକମ୍‌, ରିଟେଲ୍‌, ଶିକ୍ଷା, ମିଡିଆ ତଥା ଏଣ୍ଟରଟେନ୍‌ମେଣ୍ଟ୍‌, ଇନ୍‌ଫ୍ରାଷ୍ଟ୍ରକ୍ଚର୍‌, ହେଲ୍‌ଥ କେୟାର ତଥା ଲଜିଷ୍ଟିକ୍‌ ଆଦି ୧୦ଟି କ୍ଷେତ୍ରକୁ ସଂଶ୍ଲିଷ୍ଟ କରାଯାଇଥିଲା। ସର୍ଭେରେ ସାମିଲ୍‌ ହୋଇଥିବା ୭୦ ପ୍ରତିଶତ ଉତ୍ତରଦାତା ନିଜର ଆୟ ବଜାରମାନଙ୍କ ସହ ଅନୁରୂପ ହେଉ ନ ଥିବା ଦର୍ଶାଇଥିଲେ। ସର୍ଭେରେ ଭାଗ ନେଇଥିବା ୫୩ ପ୍ରତିଶତ କର୍ମଚାରୀ କହିଥିଲେ ଯେ ମହଙ୍ଗା ଅନୁଯାୟୀ ଦରମା ହାର ତ୍ରୟମାସିକ ନ ହେଲେ ବି ବର୍ଷକୁ ଥରେ ବଢ଼ିବା ଆବଶ୍ୟକ ବୋଲି ସୂଚିତ କରାଇଥିଲେ। ସେହିପରି ନିକଟରେ ଆୟୋଜିତ ଅନ୍ୟ ଏକ ସର୍ଭେରେ ୭୫ ପ୍ରତିଶତ ଲୋକ ନିଜ ଚାକିରିରେ ସନ୍ତୁଷ୍ଟ, କିନ୍ତୁ ଦରମାରେ ସନ୍ତୁଷ୍ଟ ନ ଥିବା ସାମ୍ନାକୁ ଆସିଛି। ମନ୍‌ଷ୍ଟର ସାଲାରୀ ଇଣ୍ଡେକ୍ସ ରିପୋର୍ଟରେ ଏଭଳି ସୂଚନା ଦିଆଯାଇଛି।

ବଢ଼ୁଛି ଯୌନାକାଂକ୍ଷା: ଅଫିସ୍‌ରେ ସେକ୍ସ! ଦିଲ୍ଲୀରେ ସର୍ବାଧିକ

ସେକ୍ସକୁ ନେଇ ଭାରତୀୟମାନେ କ’ଣ ଚିନ୍ତା କରନ୍ତି? ଭାରତୀୟଙ୍କ ଯୌନ ବ୍ୟବହାରରେ କେତେ ପରିବର୍ତ୍ତନ ଆସିଛି? ଏହାକୁ ଜାଣିବା ପାଇଁ ଇଣ୍ଡିଆ ଟୁଡେ ପକ୍ଷରୁ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ସେକ୍ସ ସମ୍ପର୍କିତ ଏକ ମେଗା ସର୍ଭେର ଆୟୋଜନ କରାଯାଇଥିଲା। ଇଣ୍ଡିଆ ଟୁଡେର ଏହି ୨୦୧୯ ସର୍ଭେରେ ବିଭିନ୍ନ ପ୍ରଶ୍ନମାନ ପଚରାଯାଇଥିଲା। ସେଥିରେ ଗୋଟିଏ ପ୍ରଶ୍ନ ଥିଲା, ଅଫିସ୍‌ରେ ତୁମେ କେବେ ସେକ୍ସ କରିଛ କି? ରାଜଧାନୀ ଦିଲ୍ଲୀରେ ସବୁଠୁ ଅଧିକ ଲୋକ ୨୭.୬ ପ୍ରତିଶତ କହିଥିଲେ କି ହଁ ସେମାନେ ଅଫିସ୍‌ ପରିସରରେ ଶାରୀରିକ ସମ୍ପର୍କ ରଖିଛନ୍ତି, ଯାହାକି ଦେଶରେ ସର୍ବାଧିକ ବୋଲି ଜଣାପଡ଼ିଛି। ଦିଲ୍ଲୀ ପରେ ଏଭଳି ସମ୍ପର୍କ ସ୍ଥାପନା କରିଥିବା ଲୋକଙ୍କ ଭିତରେ ରାଞ୍ଚି ଦ୍ବିତୀୟ ସ୍ଥାନରେ ରହିଛି। ୧୯.୫ ପ୍ରତିଶତ ରାଞ୍ଚିବାସୀ ଅଫିସ୍‌ ପରିସରରେ ଯୌନ ସମ୍ବନ୍ଧ ରଖିଥିବା କହିଛନ୍ତି। ସମୟ କ୍ରମେ ଦିଲ୍ଲୀ ଏବଂ ଏହାର ଉପକଣ୍ଠସ୍ଥ ଗୁରୁଗ୍ରାମ୍‌ ଓ ନୋଏଡାରେ ବିଭିନ୍ନ ଅଫିସ୍‌ ଏବଂ କର୍ମଚାରୀ ସଂଖ୍ୟା ବୃଦ୍ଧି ପାଉଛି। ଚାକିରି ଅନ୍ବେଷଣରେ ସାରା ଦେଶର ଯୁବକଯୁବତୀମାନେ ଏଠାରେ ପହଞ୍ଚୁଛନ୍ତି। ଏଠାରେ କାମ କରୁଥିବା ଅନେକ ନବଯୁବକ ଏହି ପ୍ରଶ୍ନର ଉତ୍ତର ‘ହଁ’ରେ ଦେଇଛନ୍ତି। କିନ୍ତୁ ଏଠାରେ କାମ କରୁଥିବା ଯୁବତୀମାନେ ଏହି ପ୍ରଶ୍ନର ଉତ୍ତରକୁ ଏଡ଼ାଇ ଯାଇଛନ୍ତି। ଏଭଳି ସମ୍ପର୍କ ଅଫିସ୍‌ରେ ହେବା ଅସମ୍ଭବ ବୋଲି ଅନେକ କହିଛନ୍ତି।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ