ସ୍ବତନ୍ତ୍ର ପ୍ରସଙ୍ଗ

ଚମକିଲେ ଓଡ଼ିଆ ଇଞ୍ଜିନିୟର୍‌-ସେଫ୍‌: ‘ମାଷ୍ଟର୍‌ ସେଫ୍‌-୬’ର

ଚମକିଲେ ଓଡ଼ିଆ ଯୁବ ଇଞ୍ଜିନିୟର୍ ତଥା ସେଫ୍ ଅବିନାଶ ନାୟକ। ନିଜ ହାତର ଯାଦୁ ଦେଖାଇ ସେ ସାଉଁଟିଲେ ପ୍ରଶଂସା। ଜାତୀୟ ଟେଲିଭିଜନ୍‌ ସଂସ୍ଥା ‘ଷ୍ଟାର୍‌ ପ୍ଲସ୍‌’ରେ ପ୍ରସାରିତ ହେଉଥିବା ବହୁଚର୍ଚ୍ଚିତ ରୋଷେଇ ଭିତ୍ତିକ ରିଆଲିଟି ଶୋ’ ‘ମାଷ୍ଟର୍‌ ସେଫ୍‌’ର ସିଜନ୍‌ ୬ ସଂସ୍କରଣର ଅଡିସନ୍‌ରେ ଅବିନାଶ ବାଜିମାତ୍‌ କରିଛନ୍ତି। ପୂର୍ବରୁ ଅନେକ ରୋଷେଇ ପ୍ରତିଯୋଗିତାରେ ଅଂଶଗ୍ରହଣ କରି ପ୍ରଶଂସିତ ହୋଇଥିବା ଅବିନାଶ ଏବେ ଏହି ଲୋକପ୍ରିୟ ଶୋ’ର ଅଡିସନ୍‌ ରାଉଣ୍ଡ୍‌କୁ ମନୋନୀତ ହେବା ସହ ମାଷ୍ଟର୍‌ ସେଫ୍‌ର ଆପ୍ରନ୍‌ ପାଇ ଚର୍ଚ୍ଚାରେ ରହିଛନ୍ତି। ସାରା ଦେଶର ବିଭିନ୍ନ ପ୍ରାନ୍ତରୁ ଅଡିସନ୍‌ ମାଧ୍ୟମରେ ୩୦ ଜଣ ପ୍ରତିଯୋଗୀ ମନୋନୀତ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୫ ଜଣ ମୁଖ୍ୟ ପ୍ରତିଯୋଗିତା ପର୍ଯ୍ୟାୟକୁ ଯିବେ। ଏମାନଙ୍କ ମଧ୍ୟରେ ଟପ୍‌ ଟେନ୍‌ରେ ରହିଛନ୍ତି ଅବିନାଶ। ଏହି ଲୋକପ୍ରିୟ ଶୋ’ରେ ମନୋନୀତ ହେବାରେ ଅବିନାଶ ଓଡ଼ିଶାରୁ ପ୍ରଥମ ବ୍ୟକ୍ତି ହୋଇଥିବା ବେଳେ ଏପରି କରି ସେ ରାଜ୍ୟ ପାଇଁ ଗର୍ବ ଓ ଗୌରବର ବିଷୟ ପାଲଟିଛନ୍ତି।

ଓଡ଼ିଶାରେ ମାଗଣା ‘ତାମିଲ’ ଶିକ୍ଷା: ହେଲେ ଓଡ଼ିଆ ଭାଷା

ଉତ୍କଳ ସଂସ୍କୃତି ବିଶ୍ୱବିଦ୍ୟାଳୟରେ ମାଗଣା ‘ତାମିଲ’ ଭାଷା ଶିକ୍ଷା ପାଇଁ ସାର୍ଟିଫିକେଟ୍ କୋର୍ସ ନିମନ୍ତେ ଆବେଦନ ପତ୍ର ଆହ୍ୱାନ କରାଯାଇଛି। ତେବେ ୨୦୧୧ ମସିହାରୁ ସଂସ୍କୃତି ବିଶ୍ୱବିଦ୍ୟାଳୟ ମାଧ୍ୟମରେ ରାଜ୍ୟରେ ମାଗଣା ‘ତାମିଲ’ ଭାଷା ଶିକ୍ଷା ପ୍ରଦାନ କରାଯାଉଥିବାବେଳେ ୨୦୧୪ ଫେବ୍ରୁଆରୀରୁ ଶାସ୍ତ୍ରୀୟ ମାନ୍ୟତା ପାଇଥିବା ‘ଓଡ଼ିଆ’ ଭାଷା କିଭଳି ଅନ୍ୟ ରାଜ୍ୟରେ ଲୋକପ୍ରିୟ ଓ ବିକଶିତ ହେବ ସେଥିପ୍ରତି ରାଜ୍ୟ ସରକାର ଆଗ୍ରହ ନଦେଖାଇବା ଓଡ଼ିଆ ଭାଷାଭାଷୀ ଲୋକଙ୍କୁ ଆଶ୍ଚର୍ଯ୍ୟ କରିଛି। ପ୍ରାପ୍ତ ସୂଚନା ଅନୁସାରେ ତାମିଲନାଡୁ ସରକାର ୨୦୦୧ ମସିହାରୁ ସଂସ୍କୃତି ବିଶ୍ୱବିଦ୍ୟାଳୟରେ ‘ତାମିଲ’ ଭାଷା ଚେୟାର ସ୍ଥାପନ କରିଛନ୍ତି। ୨୦୧୧ ମସିହା ପରଠୁ ସଂସ୍କୃତି ବିଶ୍ୱବିଦ୍ୟାଳୟ ମାଧ୍ୟମରେ ଓଡ଼ିଶାରେ ମାଗଣା ତାମିଲ ଭାଷାର ସାର୍ଟିଫିକେଟ୍ କୋର୍ସ ପ୍ରଦାନ କରାଯାଉଛି। ସମ୍ପୂର୍ଣ୍ଣ ମାଗଣାରେ ଏହି ସାର୍ଟିଫିକେଟ୍ କୋର୍ସ ପ୍ରଦାନ କରାଯାଉଥିବାରୁ ଓଡ଼ିଶାରେ ଏହା ଅଧିକ ଲୋକପ୍ରିୟ ହେବାରେ ଲାଗିଛି ବୋଲି ସଂସ୍କୃତି ବିଶ୍ୱବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି।

ଓଡ଼ିଶା ସୁନ୍ଦରୀ ସୋନାଲିଙ୍କ ସ୍ବପ୍ନ ସାକାର: ଜିତିଲେ ମିସେସ

ସାଧାରଣତଃ ବିବାହ ଓ ମାତୃତ୍ବ ଲାଭ ପରେ ମହିଳାଙ୍କ ଦାୟିତ୍ବ ଓ କର୍ତ୍ତବ୍ୟବୋଧ ବଢ଼ିଯାଇଥାଏ। ଏହାସତ୍ତ୍ବେ କେତେକ ବିରଳ ପ୍ରତିଭାଧାରୀ ନାରୀ ସେମାନଙ୍କ ଚମତ୍କାରିତା ପ୍ରଦର୍ଶନ କରି ଅନେକଙ୍କ ପାଇଁ ପ୍ରେରଣାର ଉତ୍ସ ପାଲଟିଛନ୍ତି। ତେବେ ସୁନ୍ଦରୀ ପ୍ରତିଯୋଗିତା କ୍ଷେତ୍ରରେ ନିଜକୁ ପ୍ରମାଣିତ କରିବା କାଠିକର ପାଠ ହୋଇଥାଏ। ହେଲେ ଦୃଢ଼ ଇଚ୍ଛାଶକ୍ତି, କିଛି ହାସଲ କରିବାର ଭୋକ ଓ ନିଜସ୍ବ କ୍ଷେତ୍ର ପ୍ରତି ପ୍ରତିବଦ୍ଧତା ରହିଲେ ଅସମ୍ଭବକୁ ସମ୍ଭବ କରି ହୋଇଥାଏ। ଏପରି କିଛି କରି ଦେଖାଇଛନ୍ତି ଓଡ଼ିଶା ସୁନ୍ଦରୀ ଶ୍ରୀମତୀ ସୋନାଲି ରାଜ ମହାନ୍ତି। ଏହି ୩୭ ବର୍ଷୀୟା ବିବାହିତା ମହିଳା ଜଣକ ଜାତୀୟ ସ୍ତରୀୟ ସୁନ୍ଦରୀ ପ୍ରତିଯୋଗିତା ମିସେସ ଇଣ୍ଡିଆ ୟୁନିଭର୍ସ ୱାର୍ଲ୍ଡ ୨୦୧୯ର ପ୍ଲାଟିନମ ବର୍ଗରେ ବିଜୟିନୀ ହୋଇ ଓଡ଼ିଶା ପାଇଁ ଗର୍ବ ଓ ଗୌରବ ସାଉଁଟିଛନ୍ତି। ସେ ସଫଳତା ମାଧ୍ୟମରେ ନିଜ ସ୍ବପ୍ନକୁ ସାକାର କରିବାରେ ସମର୍ଥ ହୋଇଛନ୍ତି।

କର୍ଣ୍ଣାଟକ କିଙ୍ଗ୍‌ ୟେଦିୟୁରପ୍ପା: ପୁଣି ଦେଖାଇଲେ କରିସ୍ମା
ଡେଟିଂ ଫର୍ମୁଲା ଶିଖିବାକୁ ଆଗ୍ରହୀ? ତାଲିମ କେନ୍ଦ୍ର ଉପଲବ୍ଧ

ଡେଟିଂର କଳା କୌଶଳ କ’ଣ ଆପଣ ଜାଣନ୍ତି? ପ୍ରେମ ଆଉ ଭଲପାଇବାକୁ ଜାହିର କରିବାକୁ ଆପଣ ବ୍ୟବହାର କରୁଥିବା କଥୋପକଥନ ଓ ଭାବଭଙ୍ଗୀ ପ୍ରଦର୍ଶନ ଉପରେ ନିଜର କେତେଦୂର ଦଖଲ ରହିଛି? ଡେଟିଂରେ ଯାଉଥିବା ବେଳେ ଆପଣ ବ୍ୟବହାର କରୁଥିବା ଶବ୍ଦଗୁଡ଼ିକ ବହୁତ ସମ୍ବେଦନଶୀଳ। ଆଉ ଡେଟିଂରେ ମଧ୍ୟ ଆପଣଙ୍କୁ ନାଚିବା, ଗାଇବା ଭଳି ପ୍ରତିଭାର ଆବଶ୍ୟକତା ରହିଛି। ସଫଳ ଡେଟିଂ ପାଇଁ ଏହା ଜରୁରୀ। ଯଦି ଆପଣଙ୍କ ପାଖରେ ଏସବୁ ନାହିଁ, ତେବେ ବ୍ୟତିବ୍ୟସ୍ତ ହୁଅନ୍ତୁ ନାହିଁ। ଏହି ସମସ୍ୟାର ସମାଧାନ ଏବେ ଉପଲବ୍ଧ। ଆସନ୍ତୁ ଜାଣିବା ଚୀନରେ ଏବେ ଯୁବବର୍ଗ କିଭଳି ଡେଟିଂ ପୂର୍ବରୁ ପ୍ରସ୍ତୁତ ହେଉଛନ୍ତି ଏବଂ ଏହାକୁ ପ୍ରୟୋଗ କରି ସଫଳ ମଧ୍ୟ ହେଉଛନ୍ତି। ଚୀନରେ ଏବେ ଡେଟିଂ ସ୍କୁଲମାନ ଖୋଲାଯାଇଛି, ଯେଉଁଠି ଲୋକଙ୍କୁ ତାଲିମ ପ୍ରଦାନ କରାଯାଉଛି।

କେନ୍ଦ୍ର ଆଗରେ ନଇଁଲା ରାଜ୍ୟ ସରକାର: ୪ ଯୋଜନାର ମିଶ୍ରଣ

ରାଜ୍ୟରେ ଦୀର୍ଘ ୨ ଦଶନ୍ଧି ଧରି କ୍ଷମତାସୀନ ବିଜେଡି ସରକାର ନିଜସ୍ୱ ମହାତ୍ୱାକାଂକ୍ଷୀ ୪ଟି ଯୋଜନାକୁ ଏବେ କେନ୍ଦ୍ର ସରକାରଙ୍କ ଭରସାରେ ଛାଡ଼ିଦେଇଛି। ସାଧାରଣ ଭୋଟରଙ୍କୁ ଆକୃଷ୍ଟ କରିବା ପାଇଁ ଯେଉଁ ୪ଟି ମହାତ୍ୱାକାଂକ୍ଷୀ ଯୋଜନାକୁ ନବୀନ ସରକାର ‘ମୁଖ୍ୟ ଆୟୁଧ’ କରିଥିଲା ଏବେ ସେହିସବୁ ଯୋଜନାକୁ ଚଳାଇ ରଖିବା ଆର୍ଥିକ ଦୃଷ୍ଟିରୁ ସହଜ ହେଉ ନ ଥିବାରୁ କେନ୍ଦ୍ରର ମୋଦି ସରକାର ପାଖରେ ନିଜକୁ ଆତ୍ମସର୍ମପଣ କରିବାକୁ ବାଧ୍ୟ ହୋଇଛି। ଏପରିକି ପ୍ରଥମରୁ ନିଜର ଯୋଜନାକୁ ଉନ୍ନତ ଓ ଅଧିକ ଲୋକକଲ୍ୟାଣ ବୋଲି କହି ବାହାସ୍ଫୋଟ ମାରିବା ସହ କେନ୍ଦ୍ର ସରକାରଙ୍କ ଅୟୁଷ୍ମାନ ଭାରତ ଯୋଜନା, ପିଏମ-କିଷାନ, ପ୍ରଧାନମନ୍ତ୍ରୀ ମାତୃବନ୍ଦନା ଯୋଜନାକୁ ଗ୍ରହଣ କରିବାକୁ ଟାଳଟୂଳ ନୀତି ଅବଲମ୍ବନ କରୁଥିବା ବିଜେଡି ସରକାର ଏବେ ନିଜସ୍ୱ ମହାତ୍ୱାକାଂକ୍ଷୀ ଯୋଜନାକୁ ଏସବୁରେ ସମ୍ପୂର୍ଣ୍ଣ ବା ଆଂଶିକ ସାମିଲ କରି ରାଜ୍ୟ ରାଜକୋଷ ପାଣ୍ଠି ଉପରେ ଚାପକୁ ହ୍ରାସ କରିବାକୁ ପ୍ରୟାସ କରିଥିବା ଜଣାପଡ଼ିଛି।

ସମ୍ପର୍କକୁ ଅଡୁଆ ସେକ୍ସ: ପାକ୍‌ ଯୁବତୀ ଏବେ ଚୀନରେ ବେଶ୍ୟା

ଚାଞ୍ଚଲ୍ୟକର ଖବରକୁ ନେଇ ଚର୍ଚ୍ଚା ସରଗରମ। ଯେହେତୁ ଏହା ପାକିସ୍ତାନ ଓ ଚୀନ ସମ୍ପର୍କିତ, ଏଣୁ ସଭିଙ୍କ ଭ୍ରୁକୁଞ୍ଚନ ହେବା ସ୍ବାଭାବିକ। ଏଇ କେତେବର୍ଷ ମଧ୍ୟରେ ଚୀନ ସହ ସମ୍ପର୍କରେ ବାନ୍ଧି ହୋଇଥିବା ଦେବାଳିଆ ପାକିସ୍ତାନକୁ ଲାଗିଛି ଜବରଦସ୍ତ ଝଟ୍‌କା। ପାକିସ୍ତାନର ଗରିବ ଯୁବତୀମାନଙ୍କୁ ମାନବ ଚାଲାଣକାରୀ ଓ ଦଲାଲମାନେ ଚୀନରେ ବିକ୍ରି କରୁଥିବା ଜଣାପଡ଼ିଛି। ଆଉ ବିକ୍ରି କରାଯାଉଥିବା ଏହି ଯୁବତୀମାନଙ୍କୁ ଚୀନ ଯୁବକଙ୍କ ପତ୍ନୀ ଭାବେ ପ୍ରଥମେ ଦର୍ଶାଯାଇଥିଲେ ହେଁ ପରବର୍ତ୍ତୀ ସମୟରେ ସେମାନଙ୍କୁ ଦେହ ବ୍ୟବସାୟରେ ଲିପ୍ତ କରାଯାଉଛି। ତେବେ ଆତଙ୍କବାଦକୁ ନିଜ ମାଟିରେ ପ୍ରୋତ୍ସାହନ ଦେଉଥବବାରୁ ବିଶ୍ବର ଅଧିକାଂଶ ରାଷ୍ଟ୍ରଙ୍କ ଉତ୍ତମ ଦୃଷ୍ଟିରେ ନ ଥିବା ପାକିସ୍ତାନ ଘୋର ଆର୍ଥିକ ସଙ୍କଟ ମଧ୍ୟ ଦେଇ ଗତି କରୁଛି। ଏଣୁ ସାହା ଭରସା ପାଲଟିଥିବା ଚୀନ ସହ ସମ୍ପର୍କ ଖରାପ କରିବାକୁ ଚାହୁନି ପାକିସ୍ତାନ। ଯଦ୍ବାରା ଏ ସମ୍ପର୍କରେ ସବୁକିଛି ଜାଣି ମଧ୍ୟ ତଦନ୍ତ ରୋକିବାକୁ ପ୍ରୟାସ କରୁଛି ପାକିସ୍ତାନ। ଦେଶବାସୀଙ୍କ ସ୍ବାର୍ଥକୁ ଜଳାଞ୍ଜଳି ଦେଇ ଚୀନର ଘଣ୍ଟ ଘୋଡ଼ାଇବା ପାକିସ୍ତାନ ପାଇଁ ଲଜ୍ଜାଜନକ ପରିସ୍ଥିତି ସୃଷ୍ଟି କରିଛି।

ବେଧଡ଼କ୍‌ ଚାଲିଛି ଲାଞ୍ଚ କାରବାର: କବଳରେ ଅଧା ଭାରତ

ଭୁବନେଶ୍ବର: ଦୁର୍ନୀତି ରୋକିବାକୁ କେନ୍ଦ୍ର ଓ ରାଜ୍ୟ ସରକାର କଠୋର ନିୟମ ଆଣୁଛନ୍ତି। ସରକାରୀ ବାବୁମାନଙ୍କୁ ବାରମ୍ବାର ତାଗିଦ୍‌ କରୁଛନ୍ତି। ଦୁର୍ନୀତିରେ ଲିପ୍ତ ପୁଳା ପୁଳା ଅଧିକାରୀଙ୍କୁ ବିଦା ମଧ୍ୟ କରାଯାଉଛି। ତଥାପି ଦୁର୍ନୀତି ଥମୁନାହିଁ। ସରକାରୀ କଳକୁ ଏହା ଯେମିତି ବ୍ୟାଧି ଭଳି ଗ୍ରାସ କରିଛି। ଏବେ ଦୁର୍ନୀତି ପାଲଟିଛି ଆମ ଜୀବନର ଅଭିନ୍ନ ଅଙ୍ଗ। ପରିସ୍ଥିତି ଏପରି ହୋଇଛି ଯେ ଅନିଚ୍ଛା ସତ୍ତ୍ବେ ମଧ୍ୟ ଲୋକେ ସାମାଜିକ ବ୍ୟବସ୍ଥାରେ ଏହାର ଶିକାର ହୋଇ ଚାଲିଛନ୍ତି। ବିଭିନ୍ନ ସର୍ବେକ୍ଷଣରେ ଓଡ଼ିଶାରେ ସର୍ବାଧିକ ଦୁର୍ନୀତି ହେଉଥିବା ଦର୍ଶାଯାଇଛି। ସରକାରୀ ଅଫିସ୍‌ରେ ହେଉଥିବା ଦୁର୍ନୀତିରେ ଓଡ଼ିଶା ଦ୍ୱିତୀୟ ସ୍ଥାନ ଅଧିକାର କରିଛି। ସରକାର ‘ଫାଇଭ-ଟି’ ଠାରୁ ଆରମ୍ଭ କରି ଯାବତୀୟ ନୂଆ ନୂଆ ଯୋଜନାମାନ ଘୋଷଣା କରିଥିଲେ ମଧ୍ୟ ଦୁର୍ନୀତିକୁ ରୋକିବାରେ ତାହା ସହାୟକ ହୋଇ ପାରିନାହିଁ। ତେବେ ଟ୍ରାନ୍ସପରେନ୍ସିଂ ଇଣ୍ଟରନ୍ୟାସ୍‌ନାଲ୍‌ ଇଣ୍ଡିଆ ଦ୍ୱାରା କରାଯାଇଥିବା ଇଣ୍ଡିଆନ୍‌ କରପ୍‌ସନ୍‌ ସର୍ଭେ ୨୦୧୯ରେ ଓଡ଼ିଶାକୁ ସାନ୍ବନ୍ତା ଦେବା ଭଳି ତଥ୍ୟ ପ୍ରକାଶ ପାଇଛି। ଓଡ଼ିଶାରେ ଦୁର୍ନୀତି ହେଉଥିଲେ ମଧ୍ୟ ପୂର୍ବ ବର୍ଷ ତୁଳନାରେ ଅପେକ୍ଷାକୃତ କମ୍‌ ଦୁର୍ନୀତି ହୋଇଥିବା ରିପୋର୍ଟରେ କୁହାଯାଇଛି। ଦୁର୍ନୀତି ମାମଲାରେ ଓଡ଼ିଶାରେ ତୁଳନାରେ ବିଜେପି ଶାସିତ ରାଜ୍ୟ ଉତ୍ତର ପ୍ରଦେଶ, କର୍ଣ୍ଣାଟକ, ଝାଡ଼ଖଣ୍ଡ ଓ କଂଗ୍ରେସ ଶାସିତ ରାଜ୍ୟ ରାଜସ୍ଥାନ, ପଞ୍ଜାବ ଆଦି ଆଗରେ ରହିଛନ୍ତି। ଜେଡିୟୁ ଏବଂ ବିଜେପି ମେଣ୍ଟର ଶାସନ ଥିବା ବିହାର ମଧ୍ୟ ପଛରେ ପଡ଼ିନାହିଁ। ଏହାଛଡ଼ା ତେଲେଙ୍ଗାନା ଓ ତାମିଲନାଡ଼ୁ ମଧ୍ୟ ଦୁର୍ନୀତିରେ ବେଶ୍‌ ଆଗରେ ରହିଛନ୍ତି। ଏପରିସ୍ଥଳେ ଦିଲ୍ଲୀ, ହରିୟାଣା, ଗୁଜରାଟ, ପଶ୍ଚିମବଙ୍ଗ‌, କେରଳ, ଗୋଆ ଏବଂ ଓଡ଼ିଶାରେ ଲାଞ୍ଚ କାରବାର ପୂର୍ବାପେକ୍ଷା କମିଥିବା ଜଣାପଡ଼ିଛି। ଏଠାକାର ଜନତା ସରକାରୀ ବାବୁମାନଙ୍କୁ କମ୍‌ ଲାଞ୍ଚ ଦେଇଥିବା ଜଣାପଡ଼ିଛି।

କେବେ ବଦଳିବ ମାନସିକତା, କେମିତି ସୁଧୁରିବ ବ୍ୟବସ୍ଥା?

ସଭ୍ୟ ସମାଜରେ ମହିଳାଙ୍କୁ ଗାଳିଗୁଲଜ, ମାରପିଟ କଥା ଶୁଣିଲେ ଭ୍ରୁକୁଞ୍ଚନ ହୁଏ, ମନରେ ତିରସ୍କାର ଭାବ ଆସେ। ଆଉ ଦୁଷ୍କର୍ମ ଖବର ସାମ୍ନାକୁ ଆସିଲେ ଘୃଣାଭାବ ଜାଗ୍ରତ ହୁଏ। ଯୁଗ ଯେତେ ଆଧୁନିକ ହେଉ ନା କାହିଁକି, ସ୍ବାଧୀନତା ଯେତେ ପରିବ୍ୟାପ୍ତ ଭାବେ ମିଳୁ ପଛେ, ଜଣେ ନାରୀର ଅନିଚ୍ଛା ସତ୍ତ୍ବେ ବଳପୂର୍ବକ ତା’ ସହ ଶାରୀରିକ ସମ୍ପର୍କ ସ୍ଥାପନ କରିବା ପାଶବିକ ଅତ୍ୟାଚାର, ଅପରାଧ। ନିର୍ଭୟା ଭଳି ହୃଦୟବିଦାରକ ଘଟଣା ସାମ୍ନାକୁ ଆସିବା ପରେ ଦେଶବ୍ୟାପୀ ତୀବ୍ର ପ୍ରତିକ୍ରିୟା ପ୍ରକାଶ ପାଇଲା। ଆଇନରେ ସଂଶୋଧନ ବି ଅଣାଗଲା। ହେଲେ ଆଜି ବି ସାମାଜିକ ସ୍ଥିତି ଯଥା ପୂର୍ବଂ ତଥା ପରଂ। ଖାଲି ଦୁଷ୍କର୍ମ କାହିଁକି, ଗଣଦୁଷ୍କର୍ମର ଅନେକ ଘଟଣାମାନ ଘଟିଚାଲିଛି। ଏଭଳି ଏକ ଘଟଣା ଘଟିଯିବା ପରେ ଜୋର୍‌ ଚର୍ଚ୍ଚା, ପ୍ରତିବାଦ, ସଭା ଶୋଭାଯାତ୍ରା ଦେଖିବାକୁ ମିଳୁଛି। ମାତ୍ର କେବେ ଆମ ମାନସିକତା ବଦଳିବ? କେମିତି ଆମ ସାମାଜିକ ବ୍ୟବସ୍ଥାରେ ସୁଧାର ଅଣାଯିବ, ତାକୁ ନେଇ ପୁଳା ପୁଳା ପ୍ରଶ୍ନ।

ଓଡ଼ିଆ ବୈଞାନିକଙ୍କ କମାଲ: ଖୋଜି ପାଇଛନ୍ତି ସର୍କେଡିଅନ

ନିଦ୍ରା ଯିବା, ଶଯ୍ୟା ତ୍ୟାଗ କରିବା, ହୃଦ୍‌ସ୍ପନ୍ଦନ ଓ ରକ୍ତଚାପ ଆଦି ଦୈନିକ କାର୍ଯ୍ୟଧାରା ଆମ ଶରୀରରେ ଥିବା ସର୍କେଡିଅନ କ୍ଲକ୍‌ ବା ବଡ଼ି କ୍ଲକ୍‌ ଦ୍ବାରା ଉତ୍ପନ୍ନ ହୋଇଥାଏ। କିଛି ଦଶକ ତଳେ ଏହା ବିଶ୍ବାସ କରାଯାଉଥିଲା ଯେ ଏହା କରିବା ପାଇଁ ଏକ ମାଷ୍ଟର ରହିଛି। ଅଧିକାଂଶ ଲୋକଙ୍କ ପରି ଆପଣଙ୍କର ମଧ୍ୟ ସକାଳ ହେବା ମାତ୍ରେ ନିଦ ଭାଙ୍ଗେ, ଠିକ୍‌ ସମୟରେ ଭୋକ ହୁଏ ଏବଂ ନିର୍ଦ୍ଧାରିତ ଏକ ସମୟ ହେବା ମାତ୍ରେ ନିଦ ଲାଗେ। ଏହାକୁ ଶରୀର ଭିତରେ ଥିବା ଏକ ଘଡ଼ି ପରିଚାଳନା କରେ। କିଛି ଲୋକଙ୍କ କ୍ଷେତ୍ରରେ କିନ୍ତୁ ଏପରି ହୋଇ ନ ଥାଏ। ସେମାନଙ୍କର ଖାଇବା, ଶୋଇବା, ଉଠିବାରେ ବ୍ୟତିକ୍ରମ ଦେଖାଯାଏ। ଶୋଇବାରେ ଅସହଜ ବୋଧ ହୁଏ। ଅବେଳରେ ଭୋକ ହୁଏ। ଖରାବେଳେ ଅଚାନକ ହାଲିଆ ଲାଗେ। ଏପରି କାହିଁକି ହୁଏ? କିଏ ଏହାକୁ ନିୟନ୍ତ୍ରଣ କରେ? ଏଭଳି ଅନିୟମିତତା ସହ କାହାର ସମ୍ପର୍କ ରହିଛି? ଏସବୁ ପ୍ରଶ୍ନର ଉତ୍ତର ଖୋଜି ବାହାର କରିଛନ୍ତି ଜଣେ ଓଡ଼ିଆ ବୈଞାନିକ ଡ.ସଚିନ ପଣ୍ଡା। ତାଙ୍କ ପୂରାନାମ ସଚ୍ଚିଦାନନ୍ଦ ପଣ୍ଡା।

ବଢ଼ୁଛି ଷ୍ଟାର୍ଟଅପ୍‌ କ୍ରେଜ: ୩ ବର୍ଷରେ ଖୋଲିଲାଣି ୨୫ ହଜାର

ଯୁଗ ବଦଳିଛି। ଆଧୁନିକତାର ସ୍ପର୍ଶରେ ଜ୍ଞାନକୌଶଳ ମଧ୍ୟ ବିକଶିତ ହୋଇଛି। ଶିକ୍ଷା ଓ ପ୍ରଶିକ୍ଷଣ କ୍ଷେତ୍ରରେ ଅନୁରୂପଭାବେ ବହୁବିଧ ପରିବର୍ତ୍ତନ ହୋଇଛି। ଏହାସତ୍ତ୍ବେ ନିଯୁକ୍ତି କ୍ଷେତ୍ରରେ ଘୋର ସଂକଟର ସମ୍ମୁଖୀନ ହୋଇଛି ଦେଶ। କଥାରେ ଅଛି, ଇଚ୍ଛାଶକ୍ତି ଥିଲେ ଉପାୟ ବଳେ ବଳେ ଆସେ। ଏହାକୁ ପାଥେୟ କରି ଯୁବପିଢ଼ି ଅଗ୍ରସର ହେଉଛନ୍ତି। ଏବେ ଯୁବପିଢ଼ି ସ୍ବାବଲମ୍ବୀ ହେବାକୁ ମନ ବଳାଇଛନ୍ତି, ଯାହାକି ଏକ ସକାରାତ୍ମକ ଲକ୍ଷଣ। ସରକାରଙ୍କ ପକ୍ଷରୁ ଆର୍ଥିକ ସହାୟତା ଓ ପ୍ରୋତ୍ସାହନ ମିଳିବା ଫଳରେ ଯୁବାବର୍ଗଙ୍କ ମଧ୍ୟରେ ନୂଆ ଉତ୍ସାହ ଓ ଉଦ୍ଦୀପନା ପ୍ରକାଶ ପାଇଛି। ସେମାନେ ଚାକିରି ପାଇବା ପାଇଁ ଲମ୍ବା କସରତ କରିବା ପରିବର୍ତ୍ତେ ଅନ୍ୟମାନଙ୍କୁ ନିଯୁକ୍ତି ପ୍ରଦାନ ପାଇଁ ଉଦ୍ୟମ କରୁଛନ୍ତି। ଏହି ପରିପ୍ରେକ୍ଷୀରେ ବିଗତ ଗୋଟିଏ ବର୍ଷ ମଧ୍ୟରେ ୧୦ ହଜାର ନୂଆ ଷ୍ଟାର୍ଟଅପ୍‌ ଖୋଲିଥିବା ଜଣାଯାଇଛି। ଏହିକ୍ରମରେ ବିଗତ ୩ ବର୍ଷରେ ପାଖାପାଖି ୨୫ ହଜାର ଷ୍ଟାର୍ଟଅପ୍‌ ଖୋଲାଯାଇଛି। ଏଥିରୁ ସବୁଠୁ ଅଧିକ ଷ୍ଟାର୍ଟଅପ୍‌ ଆଇଟି କ୍ଷେତ୍ରକୁ ନେଇ ହୋଇଛି। ଅଧାରୁ ଅଧିକ ଷ୍ଟାର୍ଟଅପ୍‌ ସ୍ବାସ୍ଥ୍ୟସେବା ଓ ଆଇଟି ଭିତ୍ତିକ ଥିବା ଜଣାପଡ଼ିଛି। ଆଇଟି ପରେ ଦ୍ବିତୀୟ ସର୍ବାଧିକ ସ୍ବାସ୍ଥ୍ୟସେବା ଷ୍ଟାର୍ଟଅପ୍‌ ଖୋଲାଯାଇଥିବା ସୂଚନା ମିଳିଛି।

ମାଇଣ୍ଡବ୍ଲୋଇଂ ଓଡ଼ିଆ ଫୁଡ୍‌ ବ୍ଲଗର ସଲୋନି: ଖାଦ୍ୟ ମାଧ୍ୟମରେ

ବହୁବିଧ ପ୍ରତିଭାର ଅଧିକାରିଣୀ ସେ। ପେସା ବାଦ ତାଙ୍କ ନିଶାକୁ ମଧ୍ୟ ସେ ବେଶ୍‌ ଗୁରୁତ୍ବର ସହ ଗ୍ରହଣ କରନ୍ତି। ଭାରତୀୟ ଖାଦ୍ୟ ହେଉ କି ଶାସ୍ତ୍ରୀୟ ଓଡ଼ିଶୀ ନୃତ୍ୟ ହେଉ ଏଥିପ୍ରତି ରହିଥିବା ତାଙ୍କର ପ୍ରେମ ଓ ଶ୍ରଦ୍ଧା ସ୍ପଷ୍ଟ ବାରିହୋଇ ପଡ଼େ। ଖାଦ୍ୟ ପ୍ରତି ରହିଥିବା ତାଙ୍କର ଅହେତୁକ ରୁଚି ତାଙ୍କୁ ଦେଶରେ ଜଣେ ସମ୍ବେଦନଶୀଳ ଫୁଡ ବ୍ଲଗରର ଆଖ୍ୟା ଦେଇଛି। ଏହି ଓଡ଼ିଆ ଯୁବା ଫୁଡ ବ୍ଲଗର ଜଣକ ହେଉଛନ୍ତି ସଲୋନି ପଣ୍ଡା। ସେ ତାଙ୍କ ବ୍ଲଗ ମାଧ୍ୟମରେ ଅନେକଙ୍କୁ ଇନଷ୍ଟାଗ୍ରାମ ଓ ଫେସବୁକ ଭଳି ସୋସାଲ ମିଡିଆ ମାଧ୍ୟମରେ ପ୍ରଭାବିତ କରିପାରିଛନ୍ତି। ଦିନକୁ ଦିନ ବ୍ୟବହାରକାରୀଙ୍କ ସଂଖ୍ୟା ଆହୁରି ବଢ଼ିବାରେ ଲାଗିଛି। ଏହି ପ୍ରତିଭାସମ୍ପନ୍ନ ଫୁଡ ବ୍ଲଗର ସଲୋନିଙ୍କ ସହ ହୋଇଥିବା ଆମ ସାକ୍ଷାତକାରର କିୟଦଂଶ...

ପିଲାଙ୍କ ବୁଦ୍ଧିମତ୍ତା କମାଏ ଘରୋଇ ହିଂସା

ଘରୋଇ ହିଂସାର ଶିକାର ହେଉଥିବା ମହିଳାଙ୍କ ସନ୍ତାନମାନେ କମ୍‌ ବୁଦ୍ଧିମାନ ହୋଇଥାନ୍ତି। ସେମାନଙ୍କର ବୁଦ୍ଧିମତ୍ତା ନଷ୍ଟ ହୋଇଥାଏ। ଶିଶୁଟି ମାତୃଗର୍ଭରେ ଥିବାବେଳେ ଯଦି ମା’ଟି ଘରୋଇ ହିଂସାର ଶିକାର ହୁଏ, କିମ୍ବା ଜନ୍ମରୁ ୬ ବର୍ଷ ବୟସ ପର୍ଯ୍ୟନ୍ତ ଏଭଳି ସ୍ଥିତି ଦେଇ ଗତିକରେ ତେବେ ଏଥିରେ ତା’ର ବୁଦ୍ଧିମତ୍ତା ନଷ୍ଟ ହୋଇଥାଏ। ଏହା ଏକ ଅଧ୍ୟୟନରୁ ଜଣାପଡ଼ିଛି। ଗବେଷକମାନେ ୩୯୯୭ ଜଣ ମା’ ଏବଂ ସେମାନଙ୍କର ଶିଶୁମାନଙ୍କ (ଗର୍ଭାବସ୍ଥାରୁ ୮ ବର୍ଷ ବୟସର ହେବା ପର୍ଯ୍ୟନ୍ତ) ଉପରେ ଅଧ୍ୟୟନ କରିଥିଲେ। ଏଥିରେ ଘରୋଇ ହିଂସା ଏବଂ ଏହାର ପ୍ରକାରକୁ ମୂଲ୍ୟାଙ୍କନ କରାଯିବା ସହିତ ପିଲାର ଆଇକ୍ୟୁର ସ୍ତରକୁ ମପାଯାଇଥିଲା। ପ୍ରତ୍ୟେକ ମା’ ଏବଂ ତାଙ୍କ ଶିଶୁମାନଙ୍କୁ ନେଇ ଲଗାତର ଅଧ୍ୟୟନ କରାଯିବା ପରେ ଗବେଷକମାନେ ଏକ ନିଷ୍କର୍ଷ ହାସଲ କରିଥିଲେ। ଅଧ୍ୟୟନରୁ ୧୭.୬ ପ୍ରତିଶତ ମା’ ମାନସିକ ଆବେଗିକ ହିଂସା ଏବଂ ୬.୮ ପ୍ରତିଶତ ଶାରୀରିକ ହିଂସାର ସୂଚନା ଦେଇଥିଲେ। କ୍ୟାଥରିନ ଏବେଲ ନାମକ ଜଣେ ଗବେଷକ କହନ୍ତି ଯେ ବାଲ୍ୟକାଳର ବୁଦ୍ଧିମତ୍ତା ବଡ଼ ହେବା ପରେ ସବୁଠୁ ଭଲ କରିବାର ଦୃଢ଼ତା ସହିତ ଯୋଡ଼ିହୁଏ। ସେ ଏହା ମଧ୍ୟ ସୂଚାଇଛନ୍ତି କି ମାତୃଗର୍ଭରେ ଥିବାବେଳେ ମା’ମାନେ ଶାରୀରିକ ଓ ମାନସିକ ହିଂସାର ଶିକାର ହେଉଥିଲେ ପିଲାଟି କ୍ରମଶଃ ନିଜର ମାନସିକ ପ୍ରଗତି ଯେଭଳି ଭାବରେ କରିପାରିବା କଥା ତାହା କରି ନ ଥାଏ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ