ସ୍ବତନ୍ତ୍ର ପ୍ରସଙ୍ଗ

ସ୍ଥିତି ସଙ୍ଗୀନ: ୫୩ ପ୍ରତିଶତ ମହିଳା ରକ୍ତହୀନତାର ଶିକାର

ଶୀତକାଳୀନ ଅଧିବେଶନରେ ସରକାର ଗୃହକୁ କହିଥିଲେ ଯେ ଦେଶର ୫୩ ପ୍ରତିଶତ ମହିଳା ରକ୍ତହୀନତା ଭୋଗନ୍ତି। ଜାତୀୟ ସ୍ବାସ୍ଥ୍ୟ ସର୍ଭେରେ ମହିଳାଙ୍କ ଖାଦ୍ୟପେୟ ଓ ଜୀବନଶୈଳୀରେ ସମସ୍ୟା ଥିବାରୁ ରକ୍ତହୀନତାରେ ସଂଖ୍ୟାଧିକ ମହିଳା ପୀଡ଼ିତ ଥିବା କୁହାଯାଇଛି। ରକ୍ତହୀନତା ବା ରକ୍ତ ଅଭାବ କାରଣରୁ ମହିଳାଟିଏ କାମ କରୁଥିବା ବେଳେ ଥକିପଡ଼େ ଏବଂ ଅନ୍ୟ ରୋଗ ଦ୍ବାରା କବଳିତ ହୋଇଥାଏ। ଏହା ସହିତ ପ୍ରସବ ସମୟରେ ଅଧିକ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ। ଅନେକ ଘଟଣାରେ ଗର୍ଭବତୀ ମହିଳାଟିର ପ୍ରସବ ପୂର୍ବରୁ, ସମୟରେ ଓ ପରେ ମୃତ୍ୟୁ ଘଟିଥାଏ। ରକ୍ତହୀନତାର ଅର୍ଥ ରକ୍ତରେ ପର୍ଯ୍ୟାପ୍ତ ରେଡ୍‌ ବ୍ଲଡ ସେଲ୍‌ (ଲୋହିତ ରକ୍ତକଣିକା) ନ ଥାଏ। ଲୋହିତ ରକ୍ତକଣିକାରେ ହିମୋଗ୍ଲୋବିନ ଥାଏ। ଯାହାର କାମ ଅମ୍ଳଜାନକୁ ଶରୀରର ବିଭିନ୍ନ ଭାଗକୁ ନେଇ ଯାଇଥାଏ।

ସାବଧାନ! ଖେଳଣା ଶିଶୁଙ୍କ ଜୀବନକୁ କରୁଛି ବାଟବଣା

ଖେଳଣା ଏମିତି ଏକ ଜିନିଷ, ଯାହାକି ପ୍ରତ୍ୟେକଙ୍କ ଘରେ ଦେଖିବାକୁ ମିଳିଥାଏ। ସାଧାରଣତଃ ଶିଶୁଙ୍କ ପ୍ରିୟ ଏହି ସାମଗ୍ରୀ ଶୈଶବରେ ପିଲାଙ୍କ ଏକୁଟିଆପଣ ଦୂର କରିବାରେ ପ୍ରମୁଖ ଭୂମିକା ଗ୍ରହଣ କରିଥାଏ। ଏହାଛଡ଼ା ପିଲାଙ୍କ ଯତ୍ନ ନେବା ସହ ଘରର ଅନ୍ୟାନ୍ୟ କାମରେ ବ୍ୟସ୍ତ ରହୁଥିବା ମା’ବାପାଙ୍କୁ ମଧ୍ୟ ଏହା ଅନେକାଂଶରେ ସାହାଯ୍ୟ କରିଥାଏ। ତେବେ ଖେଳଣା ଯେ କୋମଳମତି ଶିଶୁଙ୍କ ଜୀବନ ପ୍ରତି ବିପଜ୍ଜନକ ହୋଇପାରେ, ଏହା କେବେ କେହି ଆଗରୁ ଚିନ୍ତା କରି ନ ଥିଲେ। ନିକଟରେ କ୍ବାଲିଟି କଣ୍ଟ୍ରୋଲ ଇନଷ୍ଟିଚ୍ୟୁଟ (କ୍ୟୁସିଆଇ)ର ରିପୋର୍ଟ ଅନୁଯାୟୀ ଭାରତକୁ ଆସୁଥିବା ୬୬.୯ ପ୍ରତିଶତ ଖେଳଣା ବିଷାକ୍ତ ରାସାୟନିକ ପ୍ରଲେପ ରହୁଥିବା ଜାଣିବାକୁ ମିଳିଛି। ଏହା ଶିଶୁଙ୍କ ଜୀବନ ପ୍ରତି ବିପଦ ଆଣିପାରେ ବୋଲି ସତର୍କ କରାଇ ଦିଆଯାଇଛି। ଫଳରେ ବିଦେଶରୁ ଆମଦାନି ହେଉଥିବା ଏହି ଖେଳଣାଗୁଡ଼ିକୁ ଯାଞ୍ଚ ପରେ ହିଁ ବିକ୍ରିଯୋଗ୍ୟ କରାଯିବାକୁ ପ୍ରକ୍ରିୟା ଆରମ୍ଭ ହୋଇଯାଇଛି।

ନୂଆବର୍ଷ ପାଇଁ ଆମେରିକାରେ ଆଉଟିଂ କ୍ରେଜ୍‌

ଆମ ଦେଶରେ ପର୍ବପର୍ବାଣୀ ସମୟରେ ଟ୍ରେନ ଓ ବସ୍‌ ଆଦିରେ ପ୍ରବଳ ଭିଡ଼ ଦେଖିବାକୁ ମିଳେ। ବିମାନ ଟିକେଟ୍‌ ଦାମ୍‌ ଅଚାନକ ଚଢ଼ା ହୋଇଯାଏ। ନିକଟରେ ବିହାରର ଛଟପର୍ବ ପୂର୍ବରୁ ଦିଲ୍ଲୀ ରେଲୱେ ଷ୍ଟେସନରେ ନାହିଁ ନ ଥିବା ଭିଡ଼ ଦେଖିବାକୁ ମିଳିଥିଲା। ଦଶହରା ପୂଜା ସମୟରେ ପଶ୍ଚିମବଙ୍ଗର ଟ୍ରେନଗୁଡ଼ିକ ସମେତ ମୁମ୍ବାଇର ଲୋକାଲ ଟ୍ରେନର ଭିଡ଼ ଅସମ୍ଭବ ବଢ଼ିଯାଇଥାଏ। ଟ୍ରେନ, ବସ ଆଉ ଅଟୋରିକ୍ସା ତଥା କ୍ୟାବ ଗୁଡ଼ିକରେ ଲୋକଙ୍କ ଭିଡ଼କୁ ଅନେକ ପର୍ବପର୍ବାଣୀ ସମୟରେ ଦେଖିବାକୁ ମିଳିଥାଏ। କିନ୍ତୁ ଏବେ ଖ୍ରୀଷ୍ଟମାସ ପାଳନ ସମୟରେ ଏଭଳି ଦୃଶ୍ୟ ଦେଖିବାକୁ ମିଳିଛି ଆମେରିକାରେ। ଡିସେମ୍ବର ୨୧ ଠାରୁ ଜାନୁଆରୀ ୧ ତାରିଖ ପର୍ଯ୍ୟନ୍ତ ଆମେରିକା ପାଳୁଛି ବଡ଼ଦିନ ଛୁଟି। ଏହି ଅବସରରେ ଲକ୍ଷ ଲକ୍ଷ ଲୋକ ଗୋଟିଏ ଜାଗାରୁ ଆଉ ଗୋଟିଏ ଜାଗାକୁ ଛୁଟି କାଟିବା ପାଇଁ ଯାଇଥାନ୍ତି। ଆମେରିକାରେ ୧୬ ବର୍ଷ ପରେ ଚଳିତ ବର୍ଷ ଏଭଳି ପରିସ୍ଥିତି ଦେଖିବାକୁ ମିଳିଛି, ଯେଉଁଠିକି ୨୪ ଡିସେମ୍ବରରୁ ୨୬ ଡିସେମ୍ବର ମଧ୍ୟରେ ମୋଟ ୭୦ ଲକ୍ଷ ଲୋକ ବିମାନ ଯାତ୍ରା କରିଛନ୍ତି। ୩ ଦିନ ମଧ୍ୟରେ ୭୦ ଲକ୍ଷ ଲୋକଙ୍କ ବିମାନ ଯାତ୍ରା ଆମେରିକା ଇତିହାସରେ ୧୬ ବର୍ଷ ପରେ ଦେଖିବାକୁ ମିଳିଛି।

ଆଗ ଓଡ଼ିଶା ନା ବିଜେଡି: ବିକାଶ ପ୍ରସଙ୍ଗରେ ଘେରିଲା ବିଜେପି

ରାଜ୍ୟ ସରକାରଙ୍କୁ ପୁଣି ଟାର୍ଗେଟ୍‌ କରିଛି ବିଜେପି। ଶାସକ ବିଜେଡି ରାଜ୍ୟର ବିକାଶ ପାଇଁ କରିଥିବା ସଂକଳ୍ପକୁ ଭୁଲିଯାଇଛି ବୋଲି ଉଠାଇଛି ପ୍ରଶ୍ନ। ଶୁକ୍ରବାର ବିଜେଡି ତାର ୨୩ ତମ ପ୍ରତିଷ୍ଠା ଦିବସ ପାଳନ କରୁଥିବା ବେଳେ ପ୍ରମୁଖ ବିରୋଧୀ ଦଳ ବିଜେପି ବିଜେଡିର ଓଡ଼ିଶା ବିକାଶର ଆନ୍ତରିକତାକୁ ନେଇ ପ୍ରଶ୍ନ ଉଠାଇଛି। ବିଗତ ଦୁଇ ଦଶନ୍ଧିରୁ ଅଧିକ ବର୍ଷ ଧରି ନିରଙ୍କୁଶ ଶାସନ କ୍ଷମତାରେ ରହିଆସିଥିବା ବିଜେଡି ଓଡ଼ିଶା ବିକାଶ ପ୍ରସଙ୍ଗ ଠାରୁ ଦୁରେଇ ଯାଇଛି ବୋଲି ସିଧାସଳଖ ଆକ୍ଷେପ କରିଛି ବିଜେପି। ଦଳର ରାଜ୍ୟ ଉପସଭାପତି ସମୀର ମହାନ୍ତି କହିଛନ୍ତି ଯେ ଦୀର୍ଘ ବର୍ଷ ଧରି ରାଜ୍ୟର କ୍ଷମତାରେ ବସିଥିବା ବିଜେଡି ନିଜର ଓ ନିଜ ଦଳୀୟ କର୍ମୀଙ୍କ ବିକାଶ କରିଥିଲେ ହେଁ ରାଜ୍ୟ ବିକାଶର ପକ୍ଷଭୁକ୍ତତାରୁ ଓହରି ଆସିଛି। ଶିକ୍ଷା, ସ୍ୱାସ୍ଥ୍ୟ, ଜୀବିକା, ନିଯୁକ୍ତି, ମହିଳା ସଶକ୍ତିକରଣ ଆଦି ବିଭିନ୍ନ କ୍ଷେତ୍ରରେ ଯେଉଁଭଳି ପ୍ରଚାର ଚାଲିଛି, ବିକାଶ ସେ ଅନୁସାରେ ହେଉନି।

ମୁରବି ମୋଦି ସ୍ପଷ୍ଟ କଲେ ସିଏଏ ଓ ଏନଆର୍‌ସି ଚିତ୍ର

ଏବେ ସାରା ଦେଶରେ ନାଗରିକତା ସଂଶୋଧନ ଆଇନ (ସିଏଏ) ଓ ଜାତୀୟ ନାଗରିକ ପଞ୍ଜିକା (ଏନଆର୍‌ସି)କୁ ନେଇ ଅସନ୍ତୋଷର ବହ୍ନି ଜଳିବାରେ ଲାଗିଛି। ପରିସ୍ଥିତି ଏପରି ହୋଇଛି ଯେ ଏନଆର୍‌ସି କ’ଣ ତାହା ବୁଝୁ ନ ଥିବା ମଣିଷ ଆନ୍ଦୋଳନରେ ସାମିଲ ହୋଇ ପୋଲିସ ଉପରକୁ ପଥର ମାଡ଼ କରିବାରେ ଲାଗିଛି। ଲୋକଙ୍କୁ ପ୍ରକୃତ ତଥ୍ୟ ଦେବାକୁ ବିରୋଧୀ ରାଜନୈତିକ ଦଳଗୁଡିକ ବୁଝାଇବେ କ’ଣ ଓଲଟି ଉପଦ୍ରଵକାରୀଙ୍କ ସହ ଯୋଡିହୋଇ ଯାଉଥିବା କୁହାଯାଉଛି। ଏଭଳି ସଙ୍କଟ ସମୟରେ ପ୍ରଧାନମନ୍ତ୍ରୀ ମୋଦି ଆଗକୁ ଆସିଛନ୍ତି। ଦିଲ୍ଲୀର ରାମଲୀଳା ମଇଦାନରେ ରବିବାର ଆୟୋଜିତ ଏକ ଧନ୍ୟବାଦ ସମାବେଶରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୯୭ ମିନିଟ ଲମ୍ବା ସମୟର ବକ୍ତୃତା ଦେଇ ବିରୋଧୀ ଦଳ ପକ୍ଷରୁ ସିଏଏ ଓ ଏନଆର୍‌ସିକୁ ନେଇ ବିଭ୍ରାନ୍ତିକର ପ୍ରଚାର ପ୍ରସାର ଓ ତଜ୍ଜନିତ ହିଂସାତ୍ମକ କାର୍ଯ୍ୟାକଳାପ ଉପରେ କଡା ପ୍ରତିକ୍ରିୟା ରଖିଛନ୍ତି। ସାଧାରଣ ସମାବେଶରେ ପ୍ରଧାନମନ୍ତ୍ରୀଙ୍କ ଏତେ ଲମ୍ବା ସମୟ କହିବାର ଇଏ ଏକ ରେକର୍ଡ। ନାଗରିକତା ସଂଶୋଧନ ଆଇନକୁ ପ୍ରତିବାଦ କରି ମୁଣ୍ଡ ଟେକିଥିବା ଦେଶବ୍ୟାପୀ ଆନ୍ଦୋଳନରେ ପ୍ରାୟ ୨୨ ଜଣ ସାଧାରଣ ଲୋକ ପ୍ରାଣ ହରାଇବା ଓ ୬୦ରୁ ଊର୍ଦ୍ଧ୍ବ ସୁରକ୍ଷାକର୍ମୀ ଆହତ ହେବା ପରିପ୍ରେକ୍ଷୀରେ ପ୍ରଧାନମନ୍ତ୍ରୀଙ୍କ ସାଧାରଣ ସଭାରେ ଏହାର କଡା ନିନ୍ଦାକୁ ବିଭିନ୍ନ ମହଲରେ ସ୍ୱାଗତ କରାଯାଉଛି।

ବାରବାଟୀ ବିଜୟକୁ ସ୍ମରଣୀୟ କଲା ଦର୍ଶକଙ୍କ ଉତ୍ସାହ ଓ ଉତ୍କଣ୍ଠା

ଆଉ ଦିନ କେଇଟାରେ ବିଦାୟ ନେବ ବର୍ଷ ୨୦୧୯। ଏହି ଅବସରରେ ରବିବାର ବାରବାଟୀରେ ବର୍ଷର ଶେଷ ମୁକାବିଲା ଦେଖିବା ପାଇଁ ଉପସ୍ଥିତ ଥିବା ୪୦ ହଜାର ଦର୍ଶକଙ୍କୁ ଦୁଇ ଦଳର ଖେଳାଳି ମ୍ୟାଚର ଭରପୁର ଆନନ୍ଦ ଭରି ଦେଇଥିଲେ। ପୂର୍ବ ଭାରତରେ ଅନ୍ୟତମ ଲୋକପ୍ରିୟ କ୍ରିକେଟ୍‌ ଷ୍ଟାଡିୟମ୍‌ ଭାବେ ପରିଚିତ କଟକସ୍ଥିତ ବାରବାଟୀ ଷ୍ଟାଡିୟମ୍‌ରେ ଦୀର୍ଘ ୨ ବର୍ଷର ବ୍ୟବଧାନ ପରେ ଖେଳାଯାଇଥିଲା ଭାରତ-ୱେଷ୍ଟ୍‌ଇଣ୍ଡିଜ୍‌ ଦିନିକିଆ ସିରିଜ୍‌ର ଅନ୍ତିମ ମ୍ୟାଚ୍‌। ଖାସ୍‌ ଏଥିପାଇଁ ଦର୍ଶକଙ୍କ ନାହିଁ ନ ଥିବା ଉତ୍ସାହ ଓ ଉତ୍କଣ୍ଠା ଦେଖିବାକୁ ମିଳିଥିଲା। ଟିକେଟ୍‌ ବୁକିଂ ଠାରୁ ଆରମ୍ଭ କରି ମ୍ୟାଚ୍‌ ସରିବା ପର୍ଯ୍ୟନ୍ତ ଘରୋଇ ଦଳକୁ ଭରପୁର ସମର୍ଥନ କରିଥିଲେ ଦର୍ଶକ। ତେବେ ୱେଷ୍ଟ୍‌ଇଣ୍ଡିଜ୍‌ର ଆକର୍ଷଣୀୟ ବ୍ୟାଟିଂକୁ ମଧ୍ୟ ଦର୍ଶକେ ପ୍ରଶଂସା କରିବାକୁ ଭୁଲି ନ ଥିଲେ। ଫଳରେ ଏଠାରେ ଖେଳାଯାଇଥିବା ମ୍ୟାଚ୍‌ଟି ସିରିଜ୍‌ ନିର୍ଣ୍ଣାୟକ ହୋଇଥିବାବେଳେ ଏଥିରେ ଆଶାନୁରୂପ ରୋମାଞ୍ଚ ମଧ୍ୟ ଦେଖିବାକୁ ମିଳିଥିଲା। ପ୍ରଥମେ ଭାରତ, ତା’ପରେ ୱେଷ୍ଟ୍‌ଇଣ୍ଡିଜ୍‌ ଏବଂ ପୁଣିଥରେ ଭାରତ ନିଜନିଜ ଆଡ଼କୁ ମ୍ୟାଚ୍‌କୁ ଢ଼ଳାଇବାକୁ ଚେଷ୍ଟା କରିଥିବା ବେଳେ ଶେଷରେ ଭାରତ ହିଁ ବିଜୟୀ ହେବା ସହ ସିରିଜ୍‌ ହାତେଇଥିଲା। ଆଉ ବର୍ଷ ୨୦୧୯କୁ ଦେଇଛି ବିଦାୟ। ଏଥିସହ ବାରବାଟୀରେ ଭାରତ ତା’ର ଅପରାଜେୟ ରେକର୍ଡକୁ ମଧ୍ୟ କାଏମ ରଖିବାରେ ସଫଳ ହୋଇଛି। ତେବେ ଉପସ୍ଥିତ ଦର୍ଶକଙ୍କ ଉତ୍ସାହ ଓ ଉତ୍କଣ୍ଠା ଟିମ୍‌ ଇଣ୍ଡିଆ ପାଇଁ ଯେ ସ୍ମରଣୀୟ ହୋଇ ରହିବ ଏହାକୁ ପ୍ରମାଣିତ କରିଛନ୍ତି ବାରବାଟୀର ଦର୍ଶକ। ପୁଣିଥରେ ହଜାରେ ବର୍ଷର ପୁରୁଣା କଟକ ସହର କ୍ରିକେଟ୍‌ ପାଇଁ ଯେ ବେଶ୍‌ ଉପଯୋଗୀ ଓ ଏଠାକର ଦର୍ଶକଙ୍କ ମଧ୍ୟରେ କ୍ରିକେଟ୍‌ ନେଇ ସ୍ବତନ୍ତ୍ର କ୍ରେଜ୍‌ ରହିଛି, ତାହା ଏହି ଭାରତ-ୱେଷ୍ଟ୍‌ଇଣ୍ଡିଜ୍‌ ଦିନିକିଆ ମ୍ୟାଚ୍‌ ପ୍ରମାଣିତ କରିଛି।

ଜଳବାୟୁ ପରିବର୍ତ୍ତନ ଉଦ୍‌ଗାରୁଛି ବିଷ: ୫୦ ପ୍ରତିଶତ କମିବ

ଜଳବାୟୁ ପରିବର୍ତ୍ତନ ଜନିତ କୁପ୍ରଭାବ ଏବେ ପାଣିପାଗ, କୃଷି, ଜୀବଜନ୍ତୁ ଓ ସ୍ବାସ୍ଥ୍ୟ ଉପରେ ସିଧାସଳଖ ପଡ଼ୁଥିବା ବିଭିନ୍ନ ଗବେଷଣାରୁ ଜଣାପଡ଼ିଛି। ଶୀତୠତୁରେ ଶୀତ ନିଖୋଜ ହୋଇଯାଇଥିବା ବେଳେ ଖରାଦିନ ଲମ୍ବା ହେବାରେ ଲାଗିଛି ଓ ବର୍ଷାର ପ୍ରକାର ଓ ପରିମାଣ ଆଉ ପୂର୍ବସ୍ଥିତିରେ ନାହିଁ। ଯେଉଁ ସମୟରେ ଯେଭଳି ପାଣିପାଗ ରହିବା କଥା ତାହା ନ ରହିବାରୁ ଏହାର ପ୍ରଭାବ କୃଷି ଓ ଜୀବଜନ୍ତୁଙ୍କ ଉପରେ ପଡ଼ିଛି। ଗଜପତି ଜିଲାରେ ପଣସ କଷି ଅବସ୍ଥାରୁ ଖସିପଡ଼ୁଛି ଆଉ କଳାପଡ଼ି ଯାଉଥିବାବେଳେ ମହୁଲରେ ଯେଭଳି ଆର୍ଦ୍ରତା ରହିବା କଥା ଓ ଆକାର ଯେଭଳି ହେବାକଥା ତାହା ହେଉ ନାହିଁ। ଖରା, ବର୍ଷା, ଶୀତ ଆଦି ୠତୁଗୁଡ଼ିକ ବଦଳି ଯାଇଥିବାରୁ ୠତୁକାଳୀନ ଅନେକ ଫଳ, ଫୁଲ, ପନିପରିବା ଆଉ ଦେଖିବାକୁ ମିଳୁ ନାହିଁ। କେବଳ ଯେ ଫସଲର ବିବିଧତା ନଷ୍ଟ ହୋଇଛି ତାହା ନୁହେଁ, ଅତ୍ୟଧିକ ଉତ୍ତାପ ବୃଦ୍ଧି ଓ ଥଣ୍ଡାର ପ୍ରକୋପ ତଥା ଅନିୟନ୍ତ୍ରିତ ବୃଷ୍ଟିପାତ କାରଣରୁ ଗୋଟିଏ ପରେ ଗୋଟିଏ କରି ବହୁ ପ୍ରଜାତିର କୀଟ ପତଙ୍ଗ ଓ ଉପକାରୀ ସରୀସୃପ ଓ ବୃକ୍ଷଲତା ମଧ୍ୟ ବିଦାୟ ନେବାରେ ଲାଗିଛନ୍ତି। ଏବେ ଆଉ ଏକ ଚମକପ୍ରଦ ତଥ୍ୟ ଆମ ସାମ୍ନାକୁ ଆସିଛି। ମଣିଷର ଚିନ୍ତା କରିବାର ଶକ୍ତି ଓ ସାମର୍ଥ୍ୟ ମଧ୍ୟ ଜଳବାୟୁ ପରିବର୍ତ୍ତନର ଶିକାର ହେବାକୁ ଯାଉଛି। ଆମେରିକାର ଭୂ-ଭୌତିକୀୟ ସଂଗଠନର ବିଶେଷଞମାନଙ୍କ ଦ୍ବାରା କରାଯାଇଥିବା ଏକ ଗବେଷଣାରୁ ଏ ତଥ୍ୟ ଜଣାପଡ଼ିଛି। ପୃଥିବୀ ଉପରେ କାର୍ବନ ଡାଇଅକ୍ସାଇଡ ପରିମାଣ ବୃଦ୍ଧି ପାଇଥିବାରୁ ମଣିଷର ଚିନ୍ତା କରିବା କ୍ଷମତା ଉପରେ ନକାରାତ୍ମକ ପ୍ରଭାବ ସୃଷ୍ଟି ହେବାରେ ଲାଗିଛି।

ମଧ୍ୟବିତ୍ତଙ୍କୁ ଡବଲ୍‌ ଝଟ୍‌କା: ପିଆଜ ପରେ ଏବେ ଡାଟା ପ୍ୟାକ୍‌

ବର୍ତ୍ତମାନ ସମୟରେ ପିଆଜର ଅହେତୁକ ଦରବୃଦ୍ଧି ଦେଶର ମଧ୍ୟବିତ୍ତ ଓ ନିମ୍ନ ମଧ୍ୟବିତ୍ତ ପରିବାରର ବଜେଟ୍‌କୁ ଏକରକମ ଦୋହଲାଇ ଦେଇଛି। ପାଖାପାଖି ଦେଢ଼ ଶହ ଟଙ୍କା ମୂଲ୍ୟରେ ପିଆଜ କିଣିବାକୁ ପଡ଼ୁଥିବାରୁ ଏହା ସାଧାରଣ ଲୋକଙ୍କ ପାଇଁ ଏକରକମ ଅପହଞ୍ଚ ହୋଇଯାଇଛି। ଦୈନନ୍ଦିନ ଜୀବନର ପିଆଜ ଏକ ଗୁରୁତ୍ବପୂର୍ଣ୍ଣ ଅଂଶବିଶେଷ ହୋଇଥିବାରୁ ଏହାର ଅନୁପସ୍ଥିତି ଗୃହିଣୀମାନଙ୍କ ପାଇଁ ବେଶ୍‌ କଷ୍ଟସାଧ୍ୟ ସାବ୍ୟସ୍ତ ହୋଇଛି। ଏବେ ମଧ୍ୟବିତ୍ତ ଓ ନିମ୍ନ ମଧ୍ୟବିତ୍ତ ପରିବାର ଉପରେ ପଡ଼ିଛି ଆଉ ଏକ ଅତିରିକ୍ତ ବୋଝ। ସାମ୍ପ୍ରତିକ ସମୟରେ ଦେଶରେ ପ୍ରାୟତଃ ସମସ୍ତଙ୍କ ପାଖରେ ସ୍ମାର୍ଟଫୋନ୍‌ ରହିଥିବାରୁ ଡାଟା ପ୍ୟାକ୍‌ ଉପରେ ଅଧିକାଂଶ ନିର୍ଭରଶୀଳ। ପେସାଦାର ବ୍ୟକ୍ତିବିଶେଷଙ୍କ ବ୍ୟତୀତ କଲେଜ ପଢ଼ୁଆ ଛାତ୍ରଛାତ୍ରୀଙ୍କଠାରୁ ଆରମ୍ଭ କରି ଗୃହିଣୀମାନଙ୍କ ପାଖରେ ବର୍ତ୍ତମାନ ଇଣ୍ଟରନେଟ୍‌ ଉପଲବ୍ଧ। ଏହାର ଉପଯୋଗ କରି ସେମାନେ ଅନେକ କିଛି କରିପାରୁଛନ୍ତି। କିଏ ଅନ୍‌ଲାଇନ୍‌ରେ ଆଳତି କରି ଠାକୁରଙ୍କ ପୂଜା କରୁଛି ତ ଆଉ କିଏ ନିଜ ପସନ୍ଦର ଖାଦ୍ୟଦ୍ରବ୍ୟ ପ୍ରସ୍ତୁତ କରୁଛି। ସେହିପରି ଖେଳପ୍ରେମୀ ଗୃହିଣୀମାନେ କ୍ରିକେଟ୍‌ର ମଜା ମଧ୍ୟ ଉଠାଉଛନ୍ତି। କିନ୍ତୁ ପିଆଜ ପରେ ଡାଟା ପ୍ୟାକ୍‌ର ଦାମ୍‌ ପାଖାପାଖି ୪୦ ପ୍ରତିଶତ ବୃଦ୍ଧି ହେବା ଫଳରେ ଏହାର ପ୍ରଭାବ ପୁଣିଥରେ ଘରର ବଜେଟ୍‌କୁ ପ୍ରଭାବିତ କରିଛି।

ଦେହର ଭୋକ ଆଗରେ ହାର ମାନିଛି ସବୁକିଛି
ଈଶାନ୍ତ ଓ ଉମେଶଙ୍କ ଉତ୍‌ଥାନ: କରିଛି ଭାରତୀୟ

ନୂଆଦିଲ୍ଲୀ: ସମୟ ବଦଳିବା ସାଙ୍ଗକୁ ଭାରତୀୟ କ୍ରିକେଟ୍‌ରେ ମଧ୍ୟ ପରିବର୍ତ୍ତନ ଲକ୍ଷ୍ୟ କରାଯାଇଛି। ବିଶେଷକରି ଭାରତୀୟ ବୋଲିଂ ବିଭାଗରେ ହୋଇଥିବା ଆଖିଦୃଶିଆ ପରିବର୍ତ୍ତନ ସାରା ବିଶ୍ବର ଦୃଷ୍ଟି ଆକର୍ଷଣ କରିଛି। ପୂର୍ବରୁ ଅଧିକାଂଶ ସମୟରେ ଭାରତୀୟ ବିଜୟର ଶ୍ରେୟ ସ୍ପିନର୍‌ଙ୍କୁ ମିଳିଆସିଥିବା ବେଳେ ଏବେ ପେସର୍‌ମାନେ ଏଥିରେ ଭାଗ ବସାଇଛନ୍ତି, ଯାହାକି ଏକ ଶୁଭ ଲକ୍ଷଣ। ଜସପ୍ରୀତ୍‌ ବୁମ୍‌ରା, ମହମ୍ମଦ ଶମୀ, ଭୁବନେଶ୍ବର କୁମାର, ଈଶାନ୍ତ ଶର୍ମା ଓ ଉମେଶ ଯାଦବ ଏବେ ଭାରତୀୟ ପେସ୍‌ ବାହିନୀର ପ୍ରମୁଖ ସଦସ୍ୟ ପାଲଟିଛନ୍ତି। ତେବେ ନିଜ ନିଜ ଟେଷ୍ଟ୍‌ କ୍ୟାରିଅର୍‌ରେ ଉତ୍‌ଥାନ ଓ ପତନର ସମ୍ମୁଖୀନ ହୋଇଥିବା ଈଶାନ୍ତ ଓ ଉମେଶ ନିକଟରେ ବୁମ୍‌ରାଙ୍କ ଭଳି ଉଦୀୟମାନ ପେସର୍‌ଙ୍କ ଅନୁପସ୍ଥିତିରେ ଦେଖାଇଥିବା ପ୍ରଭାବୀ ପ୍ରଦର୍ଶନ ପୁଣିଥରେ ସେମାନଙ୍କର ଉତ୍‌ଥାନକୁ ଦର୍ଶାଉଛି। ଏହା ନିଶ୍ଚିତ ରୂପେ ଭାରତୀୟ ପେସ୍‌ ବାହିନୀକୁ ଅଧିକ ଶାଣିତ କରିଛି, ଏଥିରେ ସନ୍ଦେହ ନାହିଁ।

ଜୟ ହୋ ଭାରତ: ଖୁସିରେ ଫାଟିପଡ଼ୁଛନ୍ତି ହିନ୍ଦୁ ଶରଣାର୍ଥୀ

ନାଗରିକତା ସଂଶୋଧନ ବିଲ୍‌ (ସିଏବି)କୁ ନେଇ ପଡ଼ୁଛି ଉଠୁଛି ଭାରତ। ସଂସଦର ଉଭୟ ସଦନରେ ଏହି ବିଲ୍‌କୁ ମଞ୍ଜୁରୀ ମିଳିବା ପରେ ଏହା ରାଷ୍ଟ୍ରପତିଙ୍କ ଅନୁମୋଦନ ପାଇ ଏବେ ଆଇନରେ ପରିଣତ ହୋଇଛି। ଏହାକୁ ନେଇ ଦେଶର କିଛି ପ୍ରାନ୍ତରେ ତୀବ୍ର ଅସନ୍ତୋଷର ନିଆଁ କୁହୁଳୁଥିବା ବେଳେ ଆଉ କେତେକ ପ୍ରାନ୍ତରେ ନାହିଁ ନ ଥିବା ଖୁସିର ବାତାବରଣ। ବିଶେଷକରି ନାଗରିକତା ହରାଇବା ଭୟରେ ଉତ୍ତର-ପୂର୍ବାଞ୍ଚଳର ଲୋକେ ବିଦ୍ରୋହର ମନୋଭାବ ପୋଷଣ କରି ଆନ୍ଦୋଳନକୁ ଓହ୍ଲାଇଛି। ଏପରିସ୍ଥଳେ ହିନ୍ଦୁ ଶରଣାର୍ଥୀଙ୍କ ଶିବିରରେ ଉତ୍ସବର ମାହୋଲ ଦେଖିବାକୁ ମିଳିଛି। ଯେଉଁ ସୁନେଲି ସ୍ବପ୍ନ ନେଇ ହିନ୍ଦୁ ଶରଣାର୍ଥୀମାନେ ଅନ୍ୟ ଦେଶରୁ ଏଠାକୁ ଆସିଥିଲେ, ଏବେ ସେମାନଙ୍କ ଆକାଂକ୍ଷା ସାକାର ହେବାକୁ ଯାଉଛି। ଏହି କ୍ରମରେ ପାକିସ୍ତାନରୁ ଆସିଥିବା ହିନ୍ଦୁ ଶରଣାର୍ଥୀଙ୍କୁ ଆହ୍ଲାଦିତ ହୋଇଥିବା ଦେଖିବାକୁ ମିଳିଛି। ଖୁସିରେ ଆତ୍ମହରା ହେବା ସହ ସେମାନେ ଭାବବିହ୍ବଳ ହୋଇ ବଖାଣିଛନ୍ତି ସେମାନଙ୍କ ଅତୀତ। ବର୍ତ୍ତମାନ ଓ ଭବିଷ୍ୟତ ସମ୍ପର୍କିତ ମନର କଥା।

ଧରାପଡ଼ିଲା ରାଜ୍ୟ ସରକାରଙ୍କ ମିଛ: ଜାଗା ମିଶନ ପୁରସ୍କାର

ଓ୍ୱାର୍ଲ୍ଡ ହାବିଟାଟ୍‌ ଆୱାର୍ଡ଼ ୨୦୧୯ ଘୋଷିତ ହୋଇଛି। ଓଡ଼ିଶାର ଜାଗା ମିଶନକୁ ମିଳିଛି ବ୍ରୋଞ୍ଜ ପୁରସ୍କାର। ନବୀନ ସରକାରଙ୍କ ପାଇଁ ପ୍ରଓ୍ୱାର୍ଲ୍ଡଟି ପୁରସ୍କାରର ଏକ ରାଜନୀତିକ ଏବଂ ପ୍ରଚାରଭିତ୍ତିକ ମୂଲ୍ୟ ଅଛି। ପ୍ରତି ପୁରସ୍କାର ସେଥିଲାଗି ପ୍ରଚାରର ବିରାଟ ବିନ୍ଦୁ ପାଲଟିଯାଏ ସରକାରଙ୍କ ଦ୍ୱାରା। ଦ୍ୱିତୀୟ ଶ୍ରେଣୀର ରାଜ୍ୟ ଭିତରେ ଓଡ଼ିଶା କୃଷି କର୍ମଣ ପୁରସ୍କାର ପାଇଲେ ଜିଲାରୁ ଚାଷୀମାନଙ୍କୁ ଡକାଯାଇ ମୁଖ୍ୟମନ୍ତ୍ରୀଙ୍କୁ ସମ୍ବର୍ଦ୍ଧନା ଦିଆଯାଏ। ମୁଖ୍ୟମନ୍ତ୍ରୀ କୌଣସି ଇଂରାଜୀ ପତ୍ରିକା ଦ୍ୱାରା ଶ୍ରେଷ୍ଠ ମୁଖ୍ୟମନ୍ତ୍ରୀ ଭାବେ ସମ୍ମାନିତ ହେଲେ, ଏଥିପାଇଁ ରାଜ୍ୟରେ ଉତ୍ସବ ଆୟୋଜିତ ହୁଏ। ଏକ ଘରୋଇ ଶିକ୍ଷାନୁଷ୍ଠାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଆଦର୍ଶ ମୁଖ୍ୟମନ୍ତ୍ରୀ ଭାବେ ପୁରସ୍କାର ଦେଲେ, ଏଥିଲାଗି ଜିଲାୱାରୀ ସମ୍ବର୍ଦ୍ଧନା ସଭା ମଧ୍ୟ କରାଯାଏ।



ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ