ଚର୍ଚ୍ଚିତ ଖବର

ମମତା ସରକାରଙ୍କ ଘୋଷଣା ପରେ ବି ଖୋଲି ନ ପାରେ

କୋଲକାତା: ପଶ୍ଚିମବଙ୍ଗରେ ଆସନ୍ତା ଜୁନ୍ ୧ ତାରିଖଠାରୁ ଧର୍ମାନୁଷ୍ଠାନ ଖୋଲାଯିବ ବୋଲି ଗତ ଶୁକ୍ରବାର ମୁଖ୍ୟମନ୍ତ୍ରୀ ମମତା ବାନାର୍ଜୀ ଘୋଷଣା କରିଥିଲେ। କିନ୍ତୁ ରାଜ୍ୟର ବିଭିନ୍ନ ଧର୍ମର ଗୁରୁମାନେ ମମତାଙ୍କୁ ଏପରି ନିଷ୍ପତ୍ତି ପ୍ରତ୍ୟାହାର କରିବାକୁ ନିବେଦନ କରିଛନ୍ତି। ତେବେ ସେମାନେ ସରକାରଙ୍କ ନିଷ୍ପତ୍ତି ନେଇ ଦ୍ବନ୍ଦ୍ବରେ ମଧ୍ୟ ଥିବା କହିଛନ୍ତି। କାରଣ ସରକାର ଧର୍ମାନୁଷ୍ଠାନର କାର୍ଯ୍ୟକ୍ରମ ସ୍ବାଭାବିକ କରିବା ସକାଶେ ଘୋଷଣା କରିଥିଲେ ହେଁ ରବିବାର ରାତି ସୁଦ୍ଧା ସେମାନଙ୍କ ନିକଟରେ ଲିଖିତ ଭାବେ ଏପରି କୌଣସି ସୂଚନା ପହଞ୍ଚି ନ ଥିବା ଧର୍ମଗୁରୁମାନେ କହିଛନ୍ତି। ସାମାଜିକ ଦୂରତା ଓ ଅନ୍ୟାନ୍ୟ ପ୍ରତିଷେଧକମୂଳକ ବ୍ୟବସ୍ଥା ଗ୍ରହଣ ସହ ସର୍ବାଧିକ ୧୦ ଜଣ କୌଣସି ଧର୍ମାନୁଷ୍ଠାନରେ ଉପସ୍ଥିତ ରହିବେ ବୋଲି ସରକାର ଘୋଷଣା କରିଥିଲେ। କିନ୍ତୁ ଧର୍ମଗୁରୁମାନେ ବର୍ତ୍ତମାନ ସମୟରେ ଏପରି ନିଷ୍ପତ୍ତି କୋରୋନା ଭୂତାଣୁ ସଂକ୍ରମଣ ରୋକିବା ସକାଶେ ହେଉଥିବା ଉଦ୍ୟମକୁ ପଣ୍ଡ କରିଦେବ ବୋଲି ଆଶଙ୍କା ପ୍ରକାଶ କରିଛନ୍ତି। ତେଣୁ ସୋମବାର ରାଜ୍ୟରେ ଧର୍ମାନୁଷ୍ଠାନ ଖୋଲାଯିବା ନେଇ ଯଥେଷ୍ଟ ସନ୍ଦେହ ରହିଛି।

ଏସିଆନ୍ ଗେମ୍ସ ଗୋଲ୍ଡ ମେଡାଲିଷ୍ଟ୍ ଡିଙ୍ଗ୍‌କୋଙ୍କୁ କୋରୋନା,

ନୂଆଦିଲ୍ଲୀ: ୧୯୯୮ରେ ବ୍ୟାଙ୍କକ୍ ଏସିଆନ୍ ଗେମ୍ସର ଗୋଲ୍ଡ ମେଡାଲିଷ୍ଟ୍ ବକ୍ସର୍ ଡିଙ୍ଗ୍‌କୋ ସିଂହ ଏବେ ଯକୃତ କର୍କଟରେ ପୀଡ଼ିତ ଥିବା ବେଳେ ମଣିପୁରଠାରେ ଚିକିତ୍ସାଧୀନ ଅଛନ୍ତି। ଲକଡାଉନ୍ କାରଣରୁ ଦିଲ୍ଲୀରୁ ତାଙ୍କୁ ପାଖାପାଖି ୨୪ ଶହ କିମି ଦୂରବର୍ତ୍ତୀ ମଣିପୁରରେ ପହଞ୍ଚାଯାଇଥିଲା। ଏହା ପୂର୍ବରୁ ଗୁରୁତର ଡିଙ୍ଗକୋଙ୍କୁ ଏୟାରଲିଫ୍ଟ ମାଧ୍ୟମରେ ଦିଲ୍ଲୀକୁ ଚିକିତ୍ସା ପାଇଁ ମଧ୍ୟ ନିଆଯାଇଥିଲା। ତେବେ ରବିବାର ଏହି ଖ୍ୟାତନାମା ବକ୍ସରଙ୍କ ନମୁନାରେ କୋରୋନା ଭୂତାଣୁ ଠାବ କରାଯାଇଥିବା କୁହାଯାଇଛି। ଫଳସ୍ବରୂପ ଦେଶରେ ପ୍ରଥମ ଥର ପାଇଁ କୌଣସି ନାମକରା ଖେଳାଳି କୋରୋନା ଭୂତାଣୁ ସଂକ୍ରମିତ ହୋଇଛନ୍ତି। ପୂର୍ବରୁ ଦିଲ୍ଲୀରେ ଡିଙ୍ଗକୋଙ୍କର ରେଡିଓଥେରାପି ହେବାର ଥିଲେ ହେଁ ଲକଡାଉନ୍ କାରଣରୁ ତାହା ବିଳମ୍ବିତ ହୋଇଥିଲା। ବର୍ତ୍ତମାନ ଡିଙ୍ଗକୋଙ୍କଠାରେ କୋରୋନା ଭୂତାଣୁ ଠାବ କରାଯିବା ପରେ କେନ୍ଦ୍ର କ୍ରୀଡ଼ା ମନ୍ତ୍ରୀ କିରେନ୍ ରିଜିଜୁ ମଣିପୁର ସରକାରଙ୍କୁ ତାଙ୍କୁ ଯଥାସମ୍ଭବ ଉନ୍ନତ ମାସର ଚିକିତ୍ସା ସୁବିଧା ଯୋଗାଇଦେବାକୁ ନିବେଦନ କରିଛନ୍ତି।

କୋରୋନାକୁ ପତ୍ନୀଙ୍କ ସମକକ୍ଷ କରି ଫସିଲେ ଇଣ୍ଡୋନେସିଆର
ଜୁନ ୧ରେ କେରଳ ଛୁଇଁବ ମୌସୁମୀ


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ