ଆଗ୍ରା: ମହାମାରୀ କୋରୋନାକୁ ଦ୍ଷ୍ଟିରେ ରଖି ଦୀର୍ଘ ୬ ମାସ କାଳ ବନ୍ଦ ରହିବା ପରେ ପର୍ଯ୍ୟଟକଙ୍କ ପାଇଁ ସୋମବାରଠାରୁ ଖୋଲିଲା ଭାରତର ବିଶ୍ୱ ପ୍ରସିଦ୍ଧ ପର୍ଯ୍ୟଟନ ସ୍ଥଳ ତାଜମହଲ ଓ ଆଗ୍ରା ଦୁର୍ଗ। ପର୍ଯ୍ୟଟକଙ୍କ ନିମନ୍ତେ ତାଜମହଲକୁ ଖୋଲିବା ପାଇଁ ଭାରତୀୟ ପ୍ରତ୍ନତାତ୍ତ୍ୱିକ ସର୍ବେକ୍ଷଣ ସଂସ୍ଥା (ଏଏସ୍ଆଇ) ଅଧିକାରୀମାନେ ସମସ୍ତ ଆବଶ୍ୟକୀୟ ବ୍ୟବସ୍ଥା ଗ୍ରହଣ କରିଛନ୍ତି।
ନୂଆଦିଲ୍ଲୀ/ଭୁବନେଶ୍ୱର: ସେପ୍ଟେମ୍ବର ୨୭ରେ ଭୁବନେଶ୍ବର ସମେତ ଦେଶର ୨୩ଟି ଆଇଆଇଟିରେ ନାମଲେଖା ଲାଗି ଜେଇଇ ଆଡଭାନ୍ସଡ୍ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ। ସର୍ବଭାରତୀୟସ୍ତରରେ ଅନୁଷ୍ଠିତ ହେଉଥିବା ଏହି ପ୍ରବେଶିକା ପରୀକ୍ଷା ଲାଗି ୧ ଲକ୍ଷ ୬୦ ହଜାର ୮୬୪ ଜଣ ଛାତ୍ରଛାତ୍ରୀ ନାମ ପଞ୍ଜୀକରଣ କରିଛନ୍ତି, ଯାହାକି ଗତ ୩ ବର୍ଷ ମଧ୍ୟରେ ସର୍ବନିମ୍ନ। ୨୦୧୯ରେ ୧ ଲକ୍ଷ ୭୩ ହଜାର ଓ ୨୦୧୮ରେ ୧ ଲକ୍ଷ ୬୫ ହଜାର ଛାତ୍ରଛାତ୍ରୀ ନାମ ପଞ୍ଜୀକରଣ କରିଥିବା ପରୀକ୍ଷା ପରିଚାଳନା କରୁଥିବା ଦିଲ୍ଲୀ ଆଇଆଇଟି ପକ୍ଷରୁ ସୂଚନା ମିଳିଛି।
ନୂଆଦିଲ୍ଲୀ: ରବିବାର ରାଜ୍ୟସଭାରେ କୃଷି ସଂଶୋଧନ ବିଲ୍ ଆଗତ ହେବା ପରେ ବିରୋଧୀ ଦଳର ସାଂସଦମାନେ ଏହାକୁ ବିରୋଧ କରିବା ସହ କେତେକ ସଦସ୍ୟ ସ୍ଲୋଗାନ୍ ଦେଇଥିଲେ। ଏହାଛଡ଼ା ଟିଏମସି ସାଂସଦ ଡେରିକ୍ ଓ’ବ୍ରାଏନ୍ ରାଜ୍ୟସଭା ଉପାଧ୍ୟକ୍ଷ ହରିବଂଶଙ୍କ ମାଇକ୍ ଭାଙ୍ଗିବାକୁ ଉଦ୍ୟମ କରିବା ସହ ରୁଲ୍ ବୁକ୍ ମଧ୍ୟ ଚିରିଦେଇଥିଲେ। ବିରୋଧୀ ଦଳର ସାଂସଦମାନଙ୍କ ଏପରି ଆଚରଣ ସତ୍ତ୍ବେ ରାଜ୍ୟସଭାରେ ଏହି ବିଲ୍ ପାରିତ ହୋଇସାରିଛି। ତେବେ ସାଂସଦମାନଙ୍କ ଏପରି ଆଚରଣକୁ ଲଜ୍ଜାଜନକ ଓ ଦୁଃଖଦାୟକ ବୋଲି ମତ ଦେଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ। ସଂସଦ ଇତିହାସରେ ଏହା ସବୁଠାରୁ ଦୁଃଖଦ ଅଧ୍ୟାୟ ବୋଲି ରାଜନାଥ କହିବା ସହ ଏପରି ଆଚରଣ କଦାପି ଆଶା କରାଯାଉ ନ ଥିଲା ବୋଲି ରବିବାର ସନ୍ଧ୍ୟାରେ ଏଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି। ଏହି ସାମ୍ବାଦିକ ସମ୍ମିଳନୀରେ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର, ପ୍ରହଲ୍ଲାଦ ଯୋଶୀ, ପୀୟୂଷ ଗୋଏଲ୍, ଥୱରଚନ୍ଦ ଗେହଲୋଟ୍ ଓ ମୁଖତାର ଅବ୍ବାସ୍ ନକଭୀ ମଧ୍ୟ ଉପସ୍ଥିତ ଥିଲେ। ସାମ୍ବାଦିକ ସମ୍ମିଳନୀରେ ରାଜନାଥ କହିଛନ୍ତି ଯେ ରବିବାର ସଂସଦରେ ସାଂସଦମାନଙ୍କଠାରୁ ଦାୟିତ୍ବବାନ ଆଚରଣ ଆଶା କରାଯାଉଥିଲେ ହେଁ ସେମାନଙ୍କ ଆଚରଣ ସଂସଦ ଇତିହାସରେ ଦୁଃଖଦ ଅଧ୍ୟାୟ ସୃଷ୍ଟି କରିଛି। ପୂର୍ବରୁ ଲୋକସଭା ହେଉ କି ରାଜ୍ୟସଭା, କୌଣସି ସଦନରେ ସାଂସଦମାନେ କଦାପି ଏପରି ଆଚରଣ ପ୍ରଦର୍ଶନ କରି ନ ଥିଲେ ବୋଲି ରାଜନାଥ କହିଛନ୍ତି।
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ଦ୍ବାରା ଲୋକସଭାରେ ଆଗତ କୃଷି ସଂଶୋଧନ ବିଲ୍ ପାରିତ ହେବା ପରେ ଏହାକୁ ରାଜ୍ୟସଭାରେ ମଧ୍ୟ ବହୁମତ ମିଳିଛି। ରବିବାର ଏହି ବିଲକୁ ରାଜ୍ୟସଭାରେ ଆଗତ କରାଯିବା ପରେ ବିରୋଧୀ କଂଗ୍ରେସ ଓ ଅନ୍ୟାନ୍ୟ ବିରୋଧୀ ଦଳର ସାଂସଦମାନେ ପ୍ରବଳ ବିରୋଧ କରିବା ସହ ଏହା ବିରୋଧରେ ସ୍ଲୋଗାନମାନ ଦେଇଥିଲେ। ଶିବସେନା, ଏନସିପି, ଆପ୍, ବିଜେଡି, ଏସଏଡି ଆଦି ବିରୋଧୀ ଦଳ ଏହି ବିଲକୁ ତର୍ଜମା ପାଇଁ ସିଲେକ୍ସନ୍ କମିଟି ନିକଟକୁ ପଠାଇବା ପାଇଁ ଦାବି କରିଥିଲେ। ତେବେ ବ୍ୟାପକ ବିରୋଧ ସତ୍ତ୍ବେ ଶେଷରେ ଏହି ବିଲ୍ ରାଜ୍ୟସଭାରେ ମଧ୍ୟ ପାରିତ ହୋଇଛି। କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମାର୍ ଏହି ବିଲଟିକୁ ଆଗତ କରିବା ସହ ଏଥିରେ କୃଷକମାନଙ୍କ ସ୍ବାର୍ଥରକ୍ଷା ଉପରେ ସର୍ବାଦୌ ଗୁରୁତ୍ବ ଦିଆଯାଇଛି ବୋଲି କହିଥିଲେ। ଅପରାହ୍ନ ୧ଟା ପର୍ଯ୍ୟନ୍ତ ଏହି ବିଲ୍ ଉପରେ ଚର୍ଚ୍ଚା ହେବା ସକାଶେ ସମୟ ଧାର୍ଯ୍ୟ ହୋଇଥିଲେ ମଧ୍ୟ ପରେ ରାଜ୍ୟସଭା ଉପାଧ୍ୟକ୍ଷ ହରିବଂଶ ସମୟ ବଢ଼ାଇଥିଲେ। ପରେ ଅପରାହ୍ନ ୧ଟା ୪୧ ମିନିଟରେ ରାଜ୍ୟସଭାର ଅଧିବେଶନ ପୁନର୍ବାର ଆରମ୍ଭ ହେବା ପରେ ଏହି ବିଲଟି ସର୍ବସମ୍ମତି କ୍ରମେ ପାରିତ ହୋଇଥିଲା। ଏହି ବିଲ୍ ପାରିତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହା ଦେଶର କୃଷକମାନଙ୍କ ଆୟକୁ ଦ୍ବିଗୁଣିତ କରିବାରେ ଯଥେଷ୍ଟ ସହାୟକ ହେବ ଓ ଏହା ଦେଶର କୃଷକମାନଙ୍କ ଆର୍ଥିକ ସ୍ଥିତିକୁ ଅଧିକ ସୁଦୃଢ଼ କରିବ ବୋଲି ଟ୍ବିଟ୍ କରି ମତ ଦେଇଛନ୍ତି। ଏଥିସହ ଏହି ବିଲ୍ ପାରିତ ହେବା ପରେ ଦେଶର କୋଟି କୋଟି କୃଷକଙ୍କୁ ବଧେଇ ଜଣାଇବା ସହ ଏହା ଭାରତୀୟ କୃଷି ଇତିହାସ ପାଇଁ ଏକ ଐତିହାସିକ ମୁହୂର୍ତ୍ତ ହୋଇ ରହିବ ବୋଲି ମୋଦି କହିଛନ୍ତି।
ନୂଆଦିଲ୍ଲୀ: ଭାରତରେ ରବିବାର ପୂର୍ବାହ୍ନ ସୁଦ୍ଧା ମୋଟ ସଂକ୍ରମିତଙ୍କ ସଂଖ୍ୟା ୫୪ ଲକ୍ଷକୁ ଅତିକ୍ରମ କରିଛି। ଶନିବାର ଗୋଟିଏ ଦିନରେ ୯୨ ହଜାର ୬୦୫ ଜଣ ନୂଆ ସଂକ୍ରମିତଙ୍କୁ ଚିହ୍ନଟ ହୋଇଛନ୍ତି। ସେହିପରି ୨୪ ଘଣ୍ଟା ମଧ୍ୟରେ ୧ ହଜାର ୧୩୩ ଜଣ ସଂକ୍ରମିତଙ୍କର ମୃତ୍ୟୁ ଘଟିବା ଫଳରେ ମୋଟ ସଂଖ୍ୟା ୮୬ ହଜାର ୭୫୨ରେ ପହଞ୍ଚିଯାଇଛି ବୋଲି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। ଅନ୍ୟପକ୍ଷରେ ଦେଶରେ ସଂକ୍ରମିତଙ୍କ ମଧ୍ୟରୁ ୪୩ ଲକ୍ଷ ୩ ହଜାର ୪୩ ଜଣ ସୁସ୍ଥ ହୋଇସାରିଛନ୍ତି, ଯାହାକି ସଂକ୍ରମିତଙ୍କ ତୁଳନାରେ ୨୯.୬୮ ପ୍ରତିଶତ। ସେହିପରି ଦେଶରେ ସଂକ୍ରମିତଙ୍କ ମଧ୍ୟରୁ ମୃତ୍ୟୁବରଣ କରିଥିବା ସଂକ୍ରମିତଙ୍କ ପ୍ରତିଶତ ୧.୬୧ ରହିଛି। ମୋଟ ସଂକ୍ରମିତଙ୍କ ସଂଖ୍ୟା ୫୪ ଲକ୍ଷ ୬୨୦ରେ ପହଞ୍ଚିଯାଇଥିବା ବେଳେ ସେମାନଙ୍କ ମଧ୍ୟରୁ ୧୦ ଲକ୍ଷ ୧୦ ହଜାର ୮୨୪ ଜଣ ଚିକିତ୍ସାଧୀନ ଅଛନ୍ତି। ସର୍ବାଧିକ ପ୍ରଭାବିତ ରାଜ୍ୟ ମହାରାଷ୍ଟ୍ରରେ ୧୧ ଲକ୍ଷ ୮୯ ହଜାର ୮୧୫ ଜଣ ସଂକ୍ରମିତ ରହିଛନ୍ତି। ଏହି ରାଜ୍ୟରେ ସର୍ବାଧିକ ୩୨ ହଜାର ୨୧୬ ଜଣଙ୍କର ମୃତ୍ୟୁ ହୋଇସାରିଥିବା ବେଳେ ଏହା ପଛକୁ ଆନ୍ଧ୍ର ପ୍ରଦେଶ, ତାମିଲନାଡ଼ୁ, କର୍ଣ୍ଣାଟକ ଓ ଉତ୍ତର ପ୍ରଦେଶ ରହିଛନ୍ତି। ରାଜଧାନୀ ଦିଲ୍ଲୀରେ ଶନିବାର ଦିନକ ଭିତରେ ୪ ହଜାର ୭୧ ଜଣ ନୂଆ ସଂକ୍ରମିତ ଚିହ୍ନଟ ହେବା ଫଳରେ ଏଠାରେ ୨.୪୨ ଲକ୍ଷ ସଂକ୍ରମିତ ଠାବ ହୋଇସାରିଛନ୍ତି।
ନୂଆଦିଲ୍ଲୀ: କେନ୍ଦ୍ର ସରକାର କୃଷି ସଂଶୋଧନ ବିଲକୁ ଲୋକସଭାରେ ପାରିତ କରିବା ପରେ ଏହା ରାଜ୍ୟସଭାରେ ମଧ୍ୟ ପାରିତ ହେବା ନେଇ ଆଶା ପ୍ରକାଶ କରିଥିଲେ। କିନ୍ତୁ ରବିବାର ରାଜ୍ୟସଭାରେ ଏହି ବିଲ୍ ଆଗତ ହେବା ପରେ ବିରୋଧୀ ଦଳର ସଦସ୍ୟମାନେ ଏହାକୁ କଡ଼ା ବିରୋଧ କରିବା ଫଳରେ ଗୃହରେ ଅଚଳାବସ୍ଥା ସୃଷ୍ଟି ହୋଇଛି। ବିରୋଧୀ ଦଳର ସଦସ୍ୟମାନେ ଏହି ସଂଶୋଧନ ବିଲକୁ କୃଷକବିରୋଧୀ ବୋଲି କହିବା ସହ କେନ୍ଦ୍ର ସରକାର କୃଷକମାନଙ୍କ ଭାଗ୍ୟକୁ ପୁଞ୍ଜିପତିଙ୍କ ହାତକୁ ଟେକିଦେବା ସକାଶେ ଉଦ୍ୟମ କରୁଥିବା ଅଭିଯୋଗ କରିଛନ୍ତି। ଏହି ବିଲ୍ ବିରୋଧରେ ବିରୋଧୀ ସଦସ୍ୟମାନେ ହୋହଲ୍ଲା କରିବା ସହ ସ୍ଲୋଗାନମାନ ଦେଇଛନ୍ତି। ଏପରିକି କେତେକ ସଦସ୍ୟ ରାଜ୍ୟସଭା ଅଧ୍ୟକ୍ଷଙ୍କ ପୋଡିୟମ୍ ନିକଟରେ ପହଞ୍ଚି ମାଇକ୍ ଭାଙ୍ଗିବା ସକାଶେ ମଧ୍ୟ ଉଦ୍ୟମ କରିଛନ୍ତି। ଅଧିକନ୍ତୁ ଟିଏମସିର ରାଜ୍ୟସଭା ସାଂସଦ ଡେରେକ୍ ଓ’ବ୍ରାଏନ୍ ରୁଲ୍ ବୁକ୍କୁ ଚିରି ଫିଙ୍ଗିଦେଇଛନ୍ତି। ରାଜ୍ୟସଭା ଉପାଧ୍ୟକ୍ଷ ହରିବଂଶଙ୍କ ଆଡ଼କୁ ସଦସ୍ୟମାନେ ରୁଲ୍ ବୁକ୍ ଦେଖାଇବା ସହ ତାଙ୍କ ମାଇକ୍ ମଧ୍ୟ ଭାଙ୍ଗିଦେବାକୁ ଉଦ୍ୟମ କରିଛନ୍ତି। ସେହିପରି ଏନଡିର ପୂର୍ବତନ ସହଯୋଗୀ ଦଳ ଶିବସେନା ପକ୍ଷରୁ ଏହି ବିଲକୁ କୃଷକଙ୍କ ପାଇଁ ଡେଥ୍ ୱାରେଣ୍ଟ୍ ବୋଲି ଅଭିହିତ କରାଯାଇଛି।
ନୂଆଦିଲ୍ଲୀ: ଜଣାଶୁଣା ବଲିଉଡ୍ ପ୍ରଯୋଜକ-ନିର୍ଦେଶକ ଅନୁରାଗ କଶ୍ୟପଙ୍କ ବିରୋଧରେ ଜଣେ ଅଭିନେତ୍ରୀ ଯୌନ ନିର୍ଯାତନା ଅଭିଯୋଗ ଆଣିଛନ୍ତି। ଶନିବାର ପାୟଲ ଘୋଷ ନାମକ ଏହି ଅଭିନେତ୍ରୀ ଜଣକ ଅନୁରାଗ ତାଙ୍କୁ ଯୌନ ନିର୍ଯାତନା ଦେଇଥିବା ନେଇ ଟ୍ବିଟର ମାଧ୍ୟମରେ ଅଭିଯୋଗ କରିଥିଲେ। ଏ ସମ୍ପର୍କରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ଟ୍ୟାଗ୍ କରି ନ୍ୟାୟ ଭିକ୍ଷା କରିଛନ୍ତି। ଅନୁରାଗ ଜଣେ ଜଣାଶୁଣା ପ୍ରଯୋଜକ-ନିର୍ଦେଶକ ହୋଇଥିଲେ ମଧ୍ୟ ତାଙ୍କ ଭିତରେ ଜଣେ ଶୈତାନ ରହିଛି ଓ ଏହି ଶୈତାନ୍ ତାଙ୍କର ଇଜ୍ଜତ ନେବାକୁ ଉଦ୍ୟମ କରିଥିଲା ବୋଲି ପାୟଲ୍ ନିଜ ଟ୍ବିଟରରେ ଉଲ୍ଲେଖ କରିଛନ୍ତି। ଏଥିସହ ତାଙ୍କ ଜୀବନ ପ୍ରତି ବିପଦ ମଧ୍ୟ ରହିଥିବାରୁ ତାଙ୍କୁ ସହଯୋଗର ହାତ ବଢ଼ାଇବା ସକାଶେ ପାୟଲ୍ ନିବେଦନ କରିଛନ୍ତି। ପାୟଲଙ୍କ ଅଭିଯୋଗ ଅନୁସାରେ, ଗତ ୨୦୧୪ରେ ବମ୍ବେ ଭେଲଭେଟ୍ ଫିଲ୍ମର ଶୁଟିଂ ସମୟରେ ତାଙ୍କ ଘରକୁ ଡାକି ତାଙ୍କ ସହ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଥିଲେ। କୌଶଳ କ୍ରମେ ସେ ସେଠାରୁ ପଳାଇ ଆସିଥିଲେ ଓ ଅନୁରାଗ ତାଙ୍କୁ ବାରମ୍ବାର ମେସେଜ୍ କରିଥିଲେ ମଧ୍ୟ ସେ ଏହାର ଜବାବ ଦେଇ ନ ଥିଲେ ବୋଲି ପାୟଲ ତାଙ୍କ ଅଭିଯୋଗରେ ଦର୍ଶାଇଛନ୍ତି। ତେବେ ତାଙ୍କ ପାଖରେ କୌଣସି ପ୍ରମାଣ ନ ଥିବା ବେଳେ ପରିବାର ଲୋକଙ୍କ ସମର୍ଥନ ମିଳିଲେ ଲିଖିତ ଅଭିଯୋଗ କରିବେ ବୋଲି ପାୟଲ୍ କହିଛନ୍ତି। ଏହି ମାମଲାରେ ବଲିଉଡ୍ ଅଭିନେତ୍ରୀ କଙ୍ଗନା ରଣାୱତ୍ ପାୟଲଙ୍କୁ ସମର୍ଥନ କରିବା ସହ ତୁରନ୍ତ ଅନୁରାଗଙ୍କୁ ଗିରଫ କରିବା ସକାଶେ ଦାବି କରିଛନ୍ତି। ପୂର୍ବରୁ କଙ୍ଗନା ବଲିଉଡରେ ଡ୍ରଗ୍ସ କାରବାର, ଗୋଷ୍ଠୀବାଦ ଓ ଶିବିରବାଦ ନେଇ ଅନୁରାଗଙ୍କୁ ଟାର୍ଗେଟ୍ କରିଆସିଥିବା ବେଳେ ଉଭୟଙ୍କ ମଧ୍ୟରେ ଏହାକୁ ନେଇ ବେଶ୍ ତୁମ୍ଭିତୋଫାନ୍ ହୋଇଛି।
ଆଇଜଲ: ମିଜୋରାମରେ ରବିବାର ପ୍ରାତଃ ୭ଟା ୨୮ ମିନିଟ୍ ସମୟରେ ମୃଦୁ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଏହି ଭୂମିକମ୍ପର ତୀବ୍ରତା ୪.୬ ରେକର୍ଡ କରାଯାଇଛି। ଏନେଇ ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର (ଏନସିଏସ୍) ପକ୍ଷରୁ ଏହି ସୂଚନା ଦିଆଯାଇଛି। ଏହି ଭୂମିକମ୍ପର କେନ୍ଦ୍ରସ୍ଥଳ ମିଜୋରାମର ଚମ୍ପାଇ ନିକଟବର୍ତ୍ତୀ ସମୁଦ୍ରର ୪୫ କିମି ଗଭୀରତାରେ ରହିଥିବା ବେଳେ ଏହି ଭୂମିକମ୍ପରେ କୌଣସି ଧନଜୀବନ ହାନି ଘଟି ନ ଥିବା ଜଣାପଡ଼ିଛି। ଶନିବାର ମଧ୍ୟ ଆସାମର କେତେକ ସ୍ଥାନରେ ୩.୮ ତୀବ୍ରତା ବିଶିଷ୍ଟ ଭୂମିକମ୍ପ ଅନୁଭୂତ ହୋଇଥିଲା। ରାତି ୮ଟା ୧୮ ମିନିଟରେ ଘଟିଥିବା ଏହି ଭୂମିକମ୍ପର କେନ୍ଦ୍ରସ୍ଥଳ ଆସାମର ବୋଙ୍ଗାଇଗାଓଁଠାରେ ଥିବା କୁହାଯାଇଥିଲା।
ନୂଆଦିଲ୍ଲୀ: ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତ ଗତ ଜୁନ୍ ୧୪ ତାରିଖ ସକାଳେ ତାଙ୍କ ବାନ୍ଦ୍ରାସ୍ଥିତ ବାସଭବନରେ ମୃତାବସ୍ଥାରେ ପଡ଼ିଥିବା ଦେଖାଯାଇଥିଲା। ତେବେ ଏହି ଅଭିନେତା ଜଣକ ଆତ୍ମହତ୍ୟା କରିଥିବା ତଦନ୍ତକାରୀ ସଂସ୍ଥା ମୁମ୍ବାଇ ପୋଲିସ୍ ପ୍ରଥମ ଦିନରୁ ହିଁ ଦାବି କରିଆସୁଥିଲେ ମଧ୍ୟ ପରବର୍ତ୍ତୀ ସମୟରେ ତଦନ୍ତ ଦାୟିତ୍ବ ଦେଶର ସର୍ବୋଚ୍ଚ ତଦନ୍ତକାରୀ ସଂସ୍ଥା ସିବିଆଇକୁ ହସ୍ତାନ୍ତର କରାଯାଇଛି। ବର୍ତ୍ତମାନ ସମୟରେ ସିବିଆଇ ସହ ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ (ଏନସିବି) ଓ ପ୍ରବର୍ତ୍ତନ ନିର୍ଦେଶାଳୟ (ଇଡି) ସମାନ୍ତରାଳ ଭାବେ ତଦନ୍ତ କରୁଛନ୍ତି। ଏହି ଅଭିନେତା ଜଣକ ମୃତ୍ୟୁ ପୂର୍ବରୁ ବିଷାଦଗ୍ରସ୍ତ ଥିଲେ ଓ ଏହି କାରଣରୁ ଆତ୍ମହତ୍ୟା କରିଥିବା ଚର୍ଚ୍ଚା ହେଉଥିଲେ ମଧ୍ୟ ତାଙ୍କ ପ୍ରଶଂସକ ଓ ପରିବାର କଦାପି ଏହାକୁ ଗ୍ରହଣ କରିପାରିନାହାନ୍ତି। ମୃତ୍ୟୁ ପୂର୍ବରୁ ସୁଶାନ୍ତ ବେଶ୍ ସ୍ବାଭାବିକ ଥିଲେ ବୋଲି ପୂର୍ବରୁ ଏକାଧିକ ଭିଡିଓ ଭାଇରାଲ୍ ମଧ୍ୟ ହୋଇସାରିଛି। ଶନିବାର ପୁଣି ଏକ ଭିଡିଓ ଭାଇରାଲ୍ ହୋଇଛି, ଯେଉଁଥିରୁ ମୃତ୍ୟୁର ଦୁଇ ମାସ ପୂର୍ବରୁ ଅଭିନେତା ଜଣକ ବେଶ୍ ସ୍ବାଭାବିକ ଥିଲେ ଓ ପେପର୍ ପ୍ଲେନ୍ ଉଡ଼ାଇ ଲକଡାଉନ୍ ସମୟରେ ଘରେ ବସି ଜୀବନକୁ ବେଶ୍ ଉପଭୋଗ କରୁଥିଲେ ବୋଲି ସ୍ପଷ୍ଟ କରିଛନ୍ତି।
ନୂଆଦିଲ୍ଲୀ: କୋରୋନା ଭୂତାଣୁ ସଂକ୍ରମଣ କାରଣରୁ ଗତ ମାର୍ଚ୍ଚ ଦ୍ବିତୀୟ ସପ୍ତାହରୁ ବିଭିନ୍ନ ଶିକ୍ଷାନୁଷ୍ଠାନ ବନ୍ଦ ରହିଛି। ଅଦ୍ୟାବଧି କୌଣସି ସ୍କୁଲ୍ କଲେଜ ଅବା ଅନ୍ୟାନ୍ୟ କୌଣସି ଶିକ୍ଷା ସହ ଜଡ଼ିତ ଅନୁଷ୍ଠାନ ସକ୍ରିୟ ହୋଇପାରିନାହାନ୍ତି। କୋରୋନାଜନିତ ଲକଡାଉନ୍ କାରଣରୁ ଦେଶର ଆର୍ଥିକ ଅବସ୍ଥା ବିପର୍ଯ୍ୟସ୍ତ ହୋଇପଡ଼ିଥିବାରୁ କେନ୍ଦ୍ର ସରକାର ବିଭିନ୍ନ କ୍ଷେତ୍ରକୁ ବଳଶାଳୀ କରିବା ସକାଶେ ୨୦ ହଜାର କୋଟି ଟଙ୍କାର ଆର୍ଥିକ ପ୍ୟାକେଜ୍ ଘୋଷଣା କରିଥିଲେ। ଇତିମଧ୍ୟରେ ଲକଡାଉନ କଟକଣା ହ୍ରାସ ପାଇଛି ଓ ଅନଲକ୍ ପ୍ରକ୍ରିୟା ଜାରି ରହିଛି। ଫଳସ୍ବପରୂପ ବିଭିନ୍ନ କ୍ଷେତ୍ରରେ କ୍ରମଶଃ ସ୍ଥିତି ସ୍ବାଭାବିକ ହେଉଛି। କିନ୍ତୁ ଶିକ୍ଷା କ୍ଷେତ୍ର ଏବେ ବି ନିଷ୍କ୍ରିୟ ରହିଛି ଓ ସ୍ଥିତି କେବେ ସ୍ବାଭାବିକ ହେବ, ସେନେଇ ମଧ୍ୟ କୌଣସି ପୂର୍ବାନୁମାନ କରିବା ସମ୍ଭବପର ନୁହେଁ। ଲକଡାଉନ୍ କାରଣରୁ ଦେଶର ଶିକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଭାବେ ଭୁଶୁଡ଼ି ପଡ଼ିଛି ବୋଲି କହିଲେ ଅତ୍ୟୁକ୍ତି ହେବ ନାହିଁ। ବିଭିନ୍ନ ଘରୋଇ ଓ ସରକାରୀ ସ୍କୁଲରେ ଅନଲାଇନ୍ ପାଠପଢ଼ା ହେଉଥିଲେ ହେଁ ବେସରକାରୀ ସ୍କୁଲଗୁଡ଼ିକ ବିଶେଷ ଭାବେ ପ୍ରଭାବିତ ହୋଇଛନ୍ତି। ବିଭିନ୍ନ ରାଜ୍ୟରେ ସକ୍ରିୟ ଥିବା ଘରୋଇ ସ୍କୁଲଗୁଡ଼ିକୁ ସ୍କୁଲ୍ ନ ଖୋଲିବା ପର୍ଯ୍ୟନ୍ତ କୌଣସି ଦେୟ ଗ୍ରହଣ ନ କରିବାକୁ ସରକାର ନିର୍ଦେଶ ଦେଇସାରିଛନ୍ତି। ଘରୋଇ ସ୍କୁଲଗୁଡ଼ିକ ସାଧାରଣତଃ ଛାତ୍ରଛାତ୍ରୀଙ୍କ ଫି’ରେ ପରିଚାଳିତ ହେଉଥିବାରୁ ଏହାର ପ୍ରଭାବ ପରିଚାଳନା ଉପରେ ପଡ଼ିଛି। ଗୋଟିଏ ପଟେ କର୍ମଚାରୀମାନଙ୍କୁ ଦରମା ଓ ଅନ୍ୟପଟେ ଅନ୍ୟାନ୍ୟ ଆନୁଷଙ୍ଗିକ ଖର୍ଚ୍ଚ ଜାରି ରହିଥିବାରୁ ସେମାନଙ୍କ ପାଇଁ ସ୍କୁଲ୍ ପରିଚାଳନା କରିବା ମୁସ୍କିଲ୍ ହୋଇପଡ଼ିଛି। ଏହି କାରଣରୁ ବର୍ତ୍ତମାନ ଦେଶର ବିଭିନ୍ନ ସ୍ଥାନରେ ପାଖାପାଖି ୧ ହଜାର ସ୍କୁଲ୍ ବିକ୍ରି ହେବାକୁ ବସିଛି। ଏହି ସ୍କୁଲଗୁଡ଼ିକ ପରିଚାଳନାଗତ ଦକ୍ଷତା ସମ୍ପୂର୍ଣ୍ଣ ଭାବେ ହରାଇସାରିଥିବାରୁ ଏବେ ପରିଚାଳକମାନେ ଏହାକୁ ବିକ୍ରି କରିବା ପାଇଁ ଗ୍ରାହକ ଖୋଜିବାରେ ଲାଗିପଡ଼ିଛନ୍ତି।
ନୂଆଦିଲ୍ଲୀ: ବିଗତ ଦିନରେ ଦେଶର ଜଣାଶୁଣା ଉଦ୍ୟୋଗପତି ଆନନ୍ଦ ମହିନ୍ଦ୍ରା ବିଭିନ୍ନ କ୍ଷେତ୍ରରେ ସଫଳତା ହାସଲ କରିଥିବା ବ୍ୟକ୍ତିବିଶେଷଙ୍କ ଉଦ୍ୟମକୁ ପ୍ରଶଂସା କରି ସହ ସେମାନଙ୍କୁ କିଛି ନା କିଛି ଉପହାର ଦେଇଛନ୍ତି। ନିକଟରେ ବିହାରର ଜଣେ କୃଷକ ତାଙ୍କ ଜମିକୁ ପାଣି ମଡ଼ାଇବା ବ୍ୟବସ୍ଥା କରିବା ସକାଶେ ୩ କିମି ଦୈର୍ଘ୍ୟବିଶିଷ୍ଟ କେନାଲ୍ ଖୋଳି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଛନ୍ତି। ତାଙ୍କ ସଫଳତାର ସ୍ବୀକ୍ତି ସ୍ବରୂପ ମହିନ୍ଦ୍ରା ଗ୍ରୁପର ଅଧ୍ୟକ୍ଷ ଆନନ୍ଦ ତାଙ୍କୁ ଏକ ଟ୍ରାକ୍ଟର ଉପହାର ଦେବାକୁ ନିଷ୍ପତ୍ତି ନେଇଛନ୍ତି। ତାଙ୍କ ପରି ଜଣେ କୃଷକ ଯଦି ମହିନ୍ଦ୍ରା ଟ୍ରାକ୍ଟର ବ୍ୟବହାର କରନ୍ତି, ତା’ହେଲେ ଏହା ତାଙ୍କ ପାଇଁ ନିହାତି ଗୌରବର ବିଷୟ ହେବ ବୋଲି ଆନନ୍ଦ କହିଛନ୍ତି। ନିଜର ମହାନତା ପାଇଁ ପରିଚିତ ଆନନ୍ଦ ନିକଟରେ ସୋସାଲ୍ ମିଡିଆରେ ଜଣେ ୟୁଜର୍ ତାଙ୍କୁ ଟ୍ୟାଗ୍ କରିବା ସହ ଉକ୍ତ କୃଷକଙ୍କ ପାଇଁ କ’ଣ କରିପାରିବେ ବୋଲି ପ୍ରଶ୍ନର ଉତ୍ତରରେ ଆନନ୍ଦ ଉପରୋକ୍ତ ମତ ଦେଇଥିଲେ। ସେହିପରି ୬୫ ବର୍ଷୀୟ ଆନନ୍ଦ ଉକ୍ତ କୃଷକଙ୍କ ସଫଳତାକୁ ତାଜମହଲ ସହ ତୁଳନା କରିଛନ୍ତି। ଏଥିସହ ତାଙ୍କୁ ଟ୍ରାକ୍ଟର ଉପହାର ଭାବେ ଦେବା ମହିନ୍ଦ୍ରା କମ୍ପାନୀ ପାଇଁ ସୌଭାଗ୍ୟ ହେବ ବୋଲି ଆନନ୍ଦ କହିଛନ୍ତି।
ନୂଆଦିଲ୍ଲୀ: ଭାରତୀୟ ନୌସେନାରେ ପାଖାପାଖି ୩୦ ବର୍ଷ ଧରି ଶତ୍ରୁପକ୍ଷର ହୋସ୍ ଉଡ଼ାଇଆସିଥିବା ଆଇଏନଏସ୍ ବିରାଟ ଏବେ ଅବସର ନେବାକୁ ଯାଉଛି। ଏହି ସାମରିକ ଜାହାଜଟି ଶେଷ ଥର ପାଇଁ ମୁମ୍ବାଇ ହାର୍ବରଠାରୁ ଗୁଜରାଟର ଅଲଙ୍ଗକୁ ଯାତ୍ରା କରିଛି ଏବଂ ସେଠାରୁ ଆଉ ଥରେ ଏହି ଜାହାଜ ଆଇଏନ୍ଏସ୍କୁ ଫେରିବ ନାହିଁ। ସେଠାରେ ଏହାକୁ ଭାଙ୍ଗିରୁଜି ସ୍କ୍ରାପ୍ ଭାବେ ବିକ୍ରି କରିଦିଆଯିବ। ଗତ ୧୯୮୭ ମସିହାରେ ସର୍ବପ୍ରଥମେ ଏହା ଭାରତୀୟ ନୌସେନାରେ ମୁତୟନ ହୋଇଥିଲା। ଏହାକୁ ସେତେବେଳେ ଭାରତର ସାମରିକ ଶକ୍ତି ବଢ଼ାଇବା ସକାଶେ ବ୍ରିଟେନଠାରୁ ଖରିଦ୍ କରାଯାଇଥିଲା। ବର୍ତ୍ତମାନ ଏହି ଜାହାଜଟି ତା’ର ଶେଷ ଗସ୍ତରେ ବାହାରିବାକୁ ଥିବା ବେଳେ ଏହା ସହ ଜଡ଼ିତ ଭେଟେରାନ୍ ଆଇଏନଏସ୍ ଅଧିକାରୀମାନଙ୍କ ସକାଶେ ଏକ ଭାବବିହ୍ବଳ ପରିବେଶ ସୃଷ୍ଟି ହେବା ନିଶ୍ଚିତ। କାରଣ କ୍ୟାରିୟରର ଶ୍ରେଷ୍ଠ ମୁହୂର୍ତ୍ତ ସେମାନେ ଏହି ସାମରିକ ଜାହାଜରେ ଶତ୍ରୁପକ୍ଷର ମୁକାବିଲା କରିବାରେ ଅତିବାହିତ କରିଛନ୍ତି। ଆଇଏନଏସ୍ ବିରାଟର ଶେଷ ଯାତ୍ରା ସମ୍ପର୍କରେ ସୂଚନା ଦେଇ ମୁମ୍ବାଇ ପ୍ରତିରକ୍ଷା ପିଆରଓ ପକ୍ଷରୁ ଟ୍ବିଟ୍ କରାଯାଇଛି। ଏହି ଟ୍ବିଟରରେ କୁହାଯାଇଛି ଯେ ବ୍ରିଟେନର ରୟାଲ୍ ନୌସେନାରେ ଏଚଏମଏସ୍ ହର୍ମିସ୍ ଭାବେ ଦୁଇ ଦଶନ୍ଧି ଧରି କାର୍ଯ୍ୟ କରିଥିବା ବିରାଟ ଭାରତୀୟ ନୌସେନା ସହ ୩ ଦଶନ୍ଧି ସଫଳତାର ସହ କାର୍ଯ୍ୟ କରିଛି। ବର୍ତ୍ତମାନ ଏହାକୁ ବିଦାୟ ଦେବାର ସମୟ ଆସିଛି ବୋଲି ଉକ୍ତ ଟ୍ବିଟ୍ରେ କୁହାଯାଇଛି।
ମୁମ୍ବାଇ: ଶନିବାର ଲୋକସଭାରେ ଏନଡିଏ ସରକାର ପକ୍ଷରୁ କୃଷି ବିଲ୍ ପାରିତ ହୋଇଥିବା ବେଳେ ଏହି ପ୍ରସଙ୍ଗରେ ମୋଦି ସରକାରଙ୍କୁ ଟାର୍ଗେଟ୍ କରିଛି ପୂର୍ବତନ ସହଯୋଗୀ ଶିବସେନା। ଗତବର୍ଷ ମହାରାଷ୍ଟ୍ରରେ ବିଜେପି ହାତ ଛାଡ଼ି ବିରୋଧୀ କଂଗ୍ରେସ ଓ ଏନସିପି ସହ ହାତ ମିଳାଇ ସରକାର ଗଠନ କରିବା ପରଠାରୁ ଶିବସେନାର ଏନଡିଏ ସରକାର ବିରୋଧୀ ଆଭିମୁଖ୍ୟ କାଏମ ରହିଆସିଛି। ଏପରି ସ୍ଥିତିରେ ମୋଦି ସରକାର ଲୋକସଭାରେ ବିବାଦୀୟ କୃଷି ବିଲ୍ ପାରିତ କରି ଦେଶର କୃଷକଙ୍କ ଭାଗ୍ୟ ମୁନାଫାଖୋର୍ ବ୍ୟବସାୟୀଙ୍କ ହାତକୁ ଟେକିଦେଇଛନ୍ତି ବୋଲି ଶିବସେନା ପକ୍ଷରୁ ଅଭିଯୋଗ କରାଯାଇଛି। ଉଦ୍ଧବ ଠାକରେଙ୍କ ନେତ୍ତ୍ବାଧୀନ ଶିବସେନା ପକ୍ଷରୁ କୁହାଯାଇଛି ଯେ ଲୋକସଭାରେ କୃଷି ବିଲ୍ ଆଗତ କରିବା ପୂର୍ବରୁ ଏନଡିଏ ସରକାର ଏନେଇ କୌଣସି ସହଯୋଗୀ ଦଳର ମତାମତ ଲୋଡ଼ିନାହିଁ। ତା’ଛଡ଼ା କୃଷକଙ୍କ ସ୍ବାର୍ଥ ସହିତ ଜଡ଼ିତ ଥିବାରୁ ଏହି ବିଲ୍ ଆଗତ କରିବା ପୂର୍ବରୁ ମୋଦି ସରକାର କୃଷକ ସଂଗଠନ ଓ ବିରୋଧୀ ଦଳ ସହ ମଧ୍ୟ ଆଲୋଚନା କରିବାର ଆବଶ୍ୟକତା ଥିଲା। କିନ୍ତୁ ମୋଦି ସରକାର ଏପରି କୌଣସି ପ୍ରକାର ଆଲୋଚନା କରିବାକୁ ଉଚିତ ମଣିନାହାନ୍ତି। କେନ୍ଦ୍ର ମନ୍ତ୍ରୀ ପଦରୁ ହରସିମରତ୍ କୌର୍ ବାଦଲ୍ ଇସ୍ତଫା ଦେବା ଏହାର ଜ୍ବଳନ୍ତ ନମୁନା ବୋଲି ଶିବସେନା ପକ୍ଷରୁ ପ୍ରକାଶ ପାଇଆସୁଥିବା ମୁଖପତ୍ର ‘ସାମ୍ନା’ରେ କୁହାଯାଇଛି।
ନୂଆଦିଲ୍ଲୀ: ବର୍ତ୍ତମାନ ସଂସଦର ମୌସୁମୀ ଅଧିବେଶନ ଜାରି ରହିଥିବା ବେଳେ ଏହି ଅଧିବେଶନରେ ଅନେକଗୁଡ଼ିଏ ଗୁରୁତ୍ବପୂର୍ଣ୍ଣ ବିଲ୍ ଆଗତ କରାଯିବାର କାର୍ଯ୍ୟକ୍ରମ ରହିଛି। ଇତିମଧ୍ୟରେ ଲୋକସଭାରେ କୃଷି ବିଲ୍ ଆଗତ ହେବା ସହ ପାରିତ ମଧ୍ୟ ହୋଇସାରିଛି। ରାଜ୍ୟସଭାରେ ଏହାକୁ ପାରିତ କରିବା ପାଇଁ ମଧ୍ୟ ଏନଡିଏ ସରକାର ଲକ୍ଷ୍ୟ ରଖିଛି। କିନ୍ତୁ ଦେଶରେ କୋରୋନା ଭୂତାଣୁ ସଂକ୍ରମଣଜନିତ ସ୍ଥିତି କ୍ରମଶଃ ସାଂଘାତିକ ରୂପ ନେଉଥିବାରୁ ଏହି ଅଧିବେଶନ ନିର୍ଦ୍ଧାରିତ ସମୟ ପୂର୍ବରୁ ବନ୍ଦ ହେବାର ଆଶଙ୍କା ରହିଛି। ଗତ ସେପ୍ଟେମ୍ବର ୧୪ରୁ ଆରମ୍ଭ ହୋଇଥିବା ବେଳେ ଆସନ୍ତା ଅକ୍ଟୋବର ୧ ତାରିଖ ପର୍ଯ୍ୟନ୍ତ ଚାଲିବାର ଥିଲା। କିନ୍ତୁ ଏହି ଅଧିବେଶନଟି ୧୮ଟି କାର୍ଯ୍ୟଦିବସ ପୂରଣ କରିବା ପୂର୍ବରୁ ଆସନ୍ତା ବୁଧବାର ବନ୍ଦ ହୋଇଯିବ ବୋଲି ଶୁଣାଯାଉଛି। ଇତିମଧ୍ୟରେ ସାଂସଦମାନଙ୍କ ମଧ୍ୟରୁ କେନ୍ଦ୍ର ମନ୍ତ୍ରୀ ନୀତିନ୍ ଗଡ଼କରୀ ଓ ପ୍ରହଲ୍ଲାଦ ପଟେଲଙ୍କ ସମେତ ୩୦ ଜଣ କୋଭିଡ୍ ପଜିଟିଭ୍ ସାବ୍ୟସ୍ତ ହୋଇସାରିଥିବାରୁ ଏହି ଅଧିବେଶନ ଯଥେଷ୍ଟ ପୂର୍ବରୁ ବନ୍ଦ ହେବା ଏକରକମ ନିଶ୍ଚିତ ହୋଇଛି।
ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ତଦନ୍ତ ପୋଲିସଠାରୁ ଆରମ୍ଭ କରି ସିବିଆଇ, ଇଡି, ଏନସିବି ସମସ୍ତେ କରୁଛନ୍ତି। ଏପରିସ୍ଥଳେ ଏବେ ଅଦାଲତ ମଧ୍ୟ ଏହି ମାମଲାରେ ଆକ୍ସନ ହେବା ଆରମ୍ଭ ହୋଇଯାଇଛି। ବିହାରର ମୁଜାଫରପୁର ଜିଲା ଅଦାଲତ ଏକ ଯାଚିକାର ଶୁଣାଣି କରି ବଲିଉଡର ୮ ଜଣ ସେଲିବ୍ରିଟିଙ୍କୁ କୋର୍ଟରେ ହାଜର ହେବାକୁ ନିର୍ଦେଶ ଦେଇଛନ୍ତି।
ଅଧିକ ଦେଖନ୍ତୁ
