ଦେଶ

ଗିରଫ ପରେ ଜାମିନରେ ମୁକୁଳିଲେ କ୍ରିକେଟର ଯୁବରାଜ

ହିସାର: ହାଇକୋର୍ଟଙ୍କ ଅନୁଯାୟୀ କ୍ରିକେଟର ଯୁବରାଜ ସିଂଙ୍କୁ ଗିରଫ କରାଯାଇଛି। ତେବେ ଗିରଫଦାରୀ ପରେ ପରେ ତାଙ୍କୁ ଜାମିନରେ ଛାଡ଼ିଦିଆଯାଇଛି ବୋଲି ରବିବାର ହରିୟାଣା ପୋଲିସ ସୂଚନା ଦେଇଛି। ଗତ ବର୍ଷ ଇନଷ୍ଟାଗ୍ରାମ ଚାଟ୍ ସମୟରେ ଯୁବରାଜ ସିଂ ଅନ୍ୟ ଜଣେ କ୍ରିକେଟରଙ୍କ ବିରୋଧରେ ଜାତିଆଣ ମନ୍ତବ୍ୟ ଦେଇଥିବା ଅଭିଯୋଗ ହୋଇଥିଲା। ଗତବର୍ଷ ଲକଡାଉନ ସମୟରେ ଯୁବରାଜ ସିଂହ ରୋହିତ ଶର୍ମାଙ୍କ ସହ ସୋସାଲ ମିଡିଆରେ କଥା ହୋଇଥିଲେ। ଏହି ସମୟରେ ସେ କ୍ରିକେଟର ଯୁଜବେନ୍ଦ୍ର ଚହଲଙ୍କ ଜାତିକୁ ନେଇ ଏକ ଆପତ୍ତିଜନକ ମନ୍ତବ୍ୟ ଦେଇଥିଲେ। ଆଉ ସେହି ଭିଡିଓଟି ସୋସାଲ ମିଡିଆରେ ମଧ୍ୟ ଭାଇରାଲ ହୋଇଥିଲା । ପରେ ଯୁବରାଜ ସିଂଙ୍କ ନାମରେ ଏ ନେଇ ହରିୟାଣାର ହିସାରର ହାନସି ନଗରରେ ଅନୁସୂଚିତ ଜାତି ଆଇନ ଅଧୀନରେ ଏକ ମାମଲା ରୁଜୁ ହୋଇଥିଲା।

ଲଗାଣ ବର୍ଷାରେ କେରଳରେ ସ୍ଥିତି ଅଣାୟତ୍ତ, ବନ୍ୟା ଓ

ତିରୁବନନ୍ତପୁରମ୍: ଦେଶରୁ ଏବେ ବି ମୌସୁମୀ ହଟି ନ ଥିବା ପ୍ରତୀୟମାନ ହେଉଛି। କାରଣ କେରଳରେ ଲଗାଣ ବର୍ଷା ସ୍ଥିତିକୁ ସମ୍ପୂର୍ଣ୍ଣ ଭାବେ ଅଣାୟତ୍ତ କରିଦେଇଛି। ଭୀଷଣ ବର୍ଷାଜନିତ ବନ୍ୟା ଓ ଭୂସ୍ଖଳନ କାରଣରୁ ରାଜ୍ୟରେ ଅଦ୍ୟାବଧି ୬ ଜଣ ମୃତ୍ୟୁବରଣ କରିଥିବା ବେଳେ ଡଜନେରୁ ଅଧିକ ନିଖୋଜ ଅଛନ୍ତି। ରାଜ୍ୟର ଅଧିକାଂଶ ଅଞ୍ଚଳରେ ବନ୍ୟା ଓ ଭୂସ୍ଖଳନ ଘଟିବାରୁ ଏହା ସାଧାରଣ ଜୀବନଯାତ୍ରାକୁ ବ୍ୟତିବ୍ୟସ୍ତ କରିପକାଇଛି। ଦିଲ୍ଲୀ ଓ ଏନସିଆର୍ ଅଞ୍ଚଳରେ ରବିବାର ମଧ୍ୟ ବର୍ଷା ହୋଇଥିବା ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି। ଅନ୍ୟପକ୍ଷରେ ଉତ୍ତରାଖଣ୍ଡ, ପଶ୍ଚିମ ଉତ୍ତର ପ୍ରଦେଶ ଓ ପଞ୍ଜାବ ଆଦି ରାଜ୍ୟରେ ମଧ୍ୟ ଭୀଷଣ ବର୍ଷା ହେବା ନେଇ ବିଭାଗ ପକ୍ଷରୁ ଚେତାବନୀ ଦିଆଯାଇଛି। ଉକ୍ତ ରାଜ୍ୟ ପାଇଁ ବିଭାଗ ପକ୍ଷରୁ ରେଡ୍ ଓ ଅରେଞ୍ଜ୍ ଆଲର୍ଟ ଜାରି କରାଯାଇଛି। ନିକଟ ଅତୀତରେ କେରଳରେ କଦାପି ଏତେ ଅଧିକ ମାତ୍ରାରେ ବର୍ଷା ହୋଇ ନ ଥିବାରୁ ଏହା ସ୍ଥିତିକୁ ସମ୍ପୂର୍ଣ୍ଣ ଭାବେ ବେହାଲ୍ କରିଦେଇଛି। ରାଜ୍ୟର ଦକ୍ଷିଣ ଓ କେନ୍ଦ୍ରୀୟ ଅଞ୍ଚଳରେ ଶନିବାର ଭୂସ୍ଖଳନ ଘଟିବାରୁ ୬ ଜଣ ଲୋକ ପ୍ରାଣ ହରାଇଛନ୍ତି ଓ ୧୨ରୁ ଊର୍ଦ୍ଧ୍ବ ନିଖୋଜ ହୋଇଯାଇଛନ୍ତି। ଏହି ଅଘଟଣ ଇଡୁକ୍କି ଜିଲ୍ଲାର ଥୋଡୁପୁଝା ଓ କୋକାୟାର୍ ଏବଂ କୋଟ୍ଟୟାମ୍ ଜିଲ୍ଲାର କୁଟ୍ଟିକ୍କାଲ୍ ଅଞ୍ଚଳରେ ଘଟିଥିବା ସୂଚନା ମିଳିଛି। ଏନେଇ ସ୍ଥାନୀୟ ପ୍ରଶାସନ ପକ୍ଷରୁ ଦିଆଯାଇଥିବା ସୂଚନାନୁସାରେ, ରାଜ୍ୟର ମୀନାଞ୍ଚଳ ଓ ମଣିମାଳା ନଦୀ ଏବେ ବିପଦ ସଂକେତ ଉପରେ ପ୍ରବାହିତ ହେଉଛି।

୨୦୨୩ରେ ନୂଆ ପ୍ରଗତି ମୈଦାନରେ ଜି-୨୦ ବିଶ୍ୱ ସମ୍ମିଳନୀ

ନୂଆଦିଲ୍ଲୀ: ଆସନ୍ତା ୨୦୨୩ରେ ନୂଆ ପ୍ରଗତି ମୈଦାନଠାରେ ଜି-୨୦ ବିଶ୍ୱ ସମ୍ମିଳନୀ ଅନୁଷ୍ଠିତ ହେବ। ଜି-୨୦ର ସମସ୍ତ ସଦସ୍ୟ ରାଷ୍ଟ୍ରର ପ୍ରତିନିଧିମାନେ ଏହି ମୈଦାନରେ ଏକାଠି ହେବେ। ଏ ନେଇ ମଙ୍ଗଳବାର କେନ୍ଦ୍ର କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ ସୂଚନା ଦେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ପ୍ରଗତି ମୈଦାନରେ ଥିବା ନୂଆ ପ୍ରଦର୍ଶନୀ କମ୍ପ୍ଲେକ୍ସର ଉଦଘାଟନ କରିଛନ୍ତି। ଏହି ମୈଦାନରେ ଆସନ୍ତା ନଭେମ୍ବର ୧୪ରୁ ୨୭ ତାରିଖ ପର୍ଯ୍ୟନ୍ତ ଆଇଆଇଟିଏଫର ପ୍ରଦର୍ଶନୀ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହେବ। ମଙ୍ଗଳବାର ପ୍ରଧାନମନ୍ତ୍ରୀ ଗତି ମିଶନ ଶକ୍ତି ଯୋଜନାର ଶୁଭାରମ୍ଭ କରିଥିବା ନେଇ ମଧ୍ୟ ଗୋଏଲ ସୂଚନା ଦେଇଛନ୍ତି। ସୂଚନା ଦେବାକୁ ଯାଇ ଗୋଏଲ୍ କହିଛନ୍ତି ଯେ ନୂଆ ପ୍ରଗତି ମୈଦାନ ପ୍ରାୟ ୭୨ ହଜାର ବର୍ଗ କିମି ପରିମିତ ଅଞ୍ଚଳରେ ରହିଛି। ଏହା ମଧ୍ୟରେ ୮ଟି ପ୍ରଦର୍ଶନୀ ହଲ ନିର୍ମାଣ କରାଯିବ। ଏବେ ଏହା ମଧ୍ୟରେ ନୂଆ ଆଇସିସି ସେଣ୍ଟରର ନିର୍ମାଣ ଚାଲିଛି। ଏଠାରେ ଥିବା ଭୂତଳ ପାର୍କିଂରେ ଏକକାଳୀନ ୮ ହଜାର ଗାଡ଼ିର ପାର୍କିଂ ବ୍ୟବସ୍ଥା କରାଯିବ। ଏହି ମୈଦାନରେ ସମସ୍ତ ପ୍ରକାର ବିଶ୍ୱସ୍ତରୀୟ ସୁବିଧାସୁଯୋଗ ଉପଲବ୍ଧ ହେଉଥିବା ଗୋଏଲ୍ କହିଛନ୍ତି।

ଦିନକରେ ଭାରତରେ ୧୫୮୨୩ ନୂଆ ସଂକ୍ରମିତ ଠାବ, ୨୨୬

ନୂଆଦିଲ୍ଲୀ: ଭାରତରେ ଗତ ୨୪ ଘଣ୍ଟାରେ ଅର୍ଥାତ୍ ମଙ୍ଗଳବାର ଦିନକ ଭିତରେ ୧୫ ହଜାର ୮୨୩ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି। ଏହା ଗତ ସୋମବାର ଠାବ ହୋଇଥିବା ସଂକ୍ରମିତଙ୍କ ତୁଳନାରେ ୧୦.୫ ପ୍ରତିଶତ ଅଧିକ ବୋଲି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। ଗତ ସୋମବାର ଦିନକ ଭିତରେ ଦେଶର ପ୍ରଭାବିତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ୧୪ ହଜାର ୩୧୩ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଥିଲା। ସେହିପରି ଗତ ୨୪ ଘଣ୍ଟଶ ମଧ୍ୟରେ ଦେଶରେ ୨୨୬ ଜଣ ସଂକ୍ରମିତଙ୍କର ପ୍ରାଣହାନି ଘଟିଛି। ଏଥିସହ ଦେଶରେ ଆଜି ପର୍ଯ୍ୟନ୍ତ ମୋଟ ୪ ଲକ୍ଷ ୫୧ ହଜାର ୧୮୯ ଜଣ ସଂକ୍ରମିତଙ୍କର ପ୍ରାଣହାନି ଘଟିଥିବା ବେଳେ ୩ କୋଟି ୪୦ ଲକ୍ଷ ୧ ହଜାର ୭୪୩ ଜଣ ସଂକ୍ରମିତ ହୋଇସାରିଥିବା ମନ୍ତ୍ରାଳୟ ପକ୍ଷରୁ କୁହାଯାଇଛି। ସେହିପରି ମୋଟ ସଂକ୍ରମିତଙ୍କ ମଧ୍ୟରୁ ମାତ୍ର ୦.୬୧ ପ୍ରତିଶତ ଅର୍ଥାତ୍ ୨ ଲକ୍ଷ ୭ ହଜାର ୬୫୩ ଜଣ ସଂକ୍ରମିତ ଏବେ ଚିକିତ୍ସାଧୀନ ଅଛନ୍ତି, ଯାହାକି ଗତ ୨୧୪ ଦିନ ଭିତରେ ସର୍ବନିମ୍ନ ବୋଲି ମନ୍ତ୍ରାଳୟ ସ୍ପଷ୍ଟ କରିଛି।

ଜମ୍ମୁ-କଶ୍ମୀରରେ ଅନୁପ୍ରବେଶକାରୀଙ୍କ ସହ ଏନକାଉଣ୍ଟର୍: ୫

ଶ୍ରୀନଗର: ସୋମବାର ଜମ୍ମୁ-କଶ୍ମୀରର ପୁଞ୍ଚ୍ ସେକ୍ଟରରେ କେତେକ ଅନୁପ୍ରବେଶକାରୀଙ୍କ ସହ ଭାରତୀୟ ସୁରକ୍ଷାକର୍ମୀଙ୍କ ଏନକାଉଣ୍ଟର୍ ହୋଇଥିବା ବେଳେ ଏଥିରେ ୫ ଜଣ ଯବାନ ଶହୀଦ ହୋଇଛନ୍ତି। ଶହୀଦ ହୋଇଥିବା ସୁରକ୍ଷାକର୍ମୀଙ୍କ ମଧ୍ୟରେ ୪ ଜଣ ଯବାନ ଓ ଜଣେ ଜୁନିୟର୍ କମିଶନଡ ଅଫିସର୍ (ଜେସିଓ) ରହିଥିବା ସୂଚନା ମିଳିଛି। ସୁରକ୍ଷାକର୍ମୀମାନଙ୍କ ପକ୍ଷରୁ ସୋମବାର ଭୋର୍ ସମୟରେ ସୁରନକୋଟର ଡିକେଜିସ୍ଥିତ ଏକ ଗ୍ରାମ ନିକଟରେ ଏହି ଅପରେସନ୍ ଆରମ୍ଭ ହୋଇଥିଲା। ଉକ୍ତ ଅଞ୍ଚଳରେ କେତେକ ଆତଙ୍କବାଦୀ ଅନୁପ୍ରବେଶ ପରେ ଲୁଚିଥିବା ନେଇ ଗୁଇନ୍ଦା ସୂତ୍ରରୁ ସୁରକ୍ଷାକର୍ମୀମାନେ ଖବର ପାଇବା ପରେ ସେଠାରେ ପହଞ୍ଚିଥିବା ପ୍ରତିରକ୍ଷା ମନ୍ତ୍ରାଳୟ ମୁଖପାତ୍ର ସୂଚନା ଦେଇଛନ୍ତି। ଉକ୍ତ ଅଞ୍ଚଳରେ ପହଞ୍ଚି ସୁରକ୍ଷାକର୍ମୀମାନେ ଘେରାବନ୍ଦୀ କରିବା ପରେ ଅଚାନକ ଲୁଚିଥିବା ଆତଙ୍କୀମାନେ ସେମାନଙ୍କ ଉପରକୁ ଗୁଳି ଚଳାଇଥିଲେ। ଏହି ଗୁଳିରେ ୪ ଜଣ ଯବାନ ଓ ଜେସିଓ ଗୁରୁତର ଭାବେ ଆହତ ହୋଇଥିଲେ। ସେମାନଙ୍କୁ ନିକଟସ୍ଥ ସାମରିକ ହସ୍ପିଟାଲକୁ ନିଆଯାଇଥିଲେ ମଧ୍ୟ ସେଠାରେ ସେମାନଙ୍କୁ ଡାକ୍ତର ମୃତ ବୋଲି ଘୋଷଣା କରିଥିଲେ। ରିପୋର୍ଟ ଲେଖାଯିବା ପର୍ଯ୍ୟନ୍ତ ଉକ୍ତ ଅଞ୍ଚଳରେ ଏନକାଉଣ୍ଟର୍ ଜାରି ରହିଥିବା ମୁଖପାତ୍ର ଜଣକ କହିଛନ୍ତି।

ଲଖିମପୁର ଖେରୀ ହିଂସା ମାମଲା: ଜେଲ ଗଲେ କେନ୍ଦ୍ରମନ୍ତ୍ରୀଙ୍କ
ଦିନକରେ ଭାରତରେ ୨୧ ହଜାର ୨୫୭ ନୂଆ ସଂକ୍ରମିତ

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟା ମଧ୍ୟରେ ୨୧ ହଜାର ୨୫୭ ଜଣ ନୂଆ ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେହିପରି ଗତ ଗୁରୁବାର ଦିନକ ଭିତରେ ୨୭୧ ଜଣ ସଂକ୍ରମିତଙ୍କର ପ୍ରାଣହାନି ଘଟିଛି। ଆହୁରି ଦେଶରେ ଅଦ୍ୟାବଧି ୯୭.୯୬ ପ୍ରତିଶତ ସଂକ୍ରମିତ ସୁସ୍ଥତା ଲାଭ କରିସାରିଛନ୍ତି, ଯାହାକି ଗତ ବର୍ଷ ମାର୍ଚ୍ଚ ପରଠାରୁ ସର୍ବାଧିକ ବୋଲି କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। ଗତ ୨୪ ଘଣ୍ଟା ମଧ୍ୟରେ ନୂଆ ସଂକ୍ରମିତଙ୍କ ତୁଳନାରେ ୩ ହଜାର ୯୭୭ ଜଣ ଅଧିକ ସଂକ୍ରମିତ ସୁସ୍ଥତା ଲାଭ କରିବା ଫଳରେ ଦେଶରେ ଏବେ ମାତ୍ର ୨ ଲକ୍ଷ ୪୦ ହଜାର ୨୨୧ ଜଣ ସଂକ୍ରମିତ ଚିକିତ୍ସାଧୀନ ଅଛନ୍ତି, ଯାହାକି ମୋଟ ସଂକ୍ରମିତଙ୍କ ତୁଳନାରେ ମାତ୍ର ୧ ପ୍ରତିଶତ ତଳେ ଅର୍ଥାତ୍ ୦.୭୧ ପ୍ରତିଶତ ବୋଲି ମନ୍ତ୍ରାଳୟ ପକ୍ଷରୁ କୁହାଯାଇଛି। ଏହାଛଡ଼ା ଦେଶରେ ଇତିମଧ୍ୟରେ କୋଭିଡ୍ ସଂକ୍ରମଣ କାରଣରୁ ମୋଟ ୪ ଲକ୍ଷ ୫୦ ହଜାର ୧୨୭ ଜଣ ସଂକ୍ରମିତଙ୍କର ପ୍ରାଣହାନି ଘଟିସାରିଛି। ସେହିପରି ଗତ ୨୪ ଘଣ୍ଟା ମଧ୍ୟରେ ୨୪ ହଜାର ୯୬୩ ଜଣ ସଂକ୍ରମିତ ସୁସ୍ଥତା ଲାଭ କରିଛନ୍ତି। ଫଳସ୍ବରୂପ ଦେଶରେ ଆଜି ପର୍ଯ୍ୟନ୍ତ ମୋଟ ୩ କୋଟି ୩୨ ଲକ୍ଷ ୨୫ ହଜାର ୨୨୧ ଜଣ ସଂକ୍ରମିତ ସୁସ୍ଥ ହୋଇସାରିଛନ୍ତି। ଆହୁରି ଦେଶରେ ଏବେ ଦୈନିକ ସଂକ୍ରମଣ ହାର ୧.୫୩ ପ୍ରତିଶତ ରହିଛି। ଏଥିସହ ଗତ ୩୯ ଦିନ ହେଲା କ୍ରମାଗତ ଭାବେ ୩ ପ୍ରତିଶତ ତଳେ ଦୈନିକ ସଂକ୍ରମଣ ହାର ରହିଥିବା ମନ୍ତ୍ରାଳୟ ସ୍ପଷ୍ଟ କରିଛି।

ଶାହରୁଖଙ୍କ ପୁଅ ଆର୍ଯ୍ୟନ୍‌ ନିରାଶ, ଜାମିନ୍ ଆବେଦନ ଖାରଜ

ମୁମ୍ବାଇ: ବଲିଉଡ୍‌ ସୁପରଷ୍ଟାର୍ ଅଭିନେତା ଶାହାରୁଖ୍‌ ଖାନ୍‌ଙ୍କ ପୁଅ ଆର୍ଯ୍ୟନ୍‌ ଖାନ୍‌ ନିରାଶ ହୋଇଛନ୍ତି। କ୍ରୁଜରେ ଆୟୋଜିତ ରେଭ୍ ପାର୍ଟିରେ ଡ୍ରଗସ୍‌ ସେବନ ମାମଲାରେ ଗିରଫ ହୋଇଥିବା ଆର୍ଯ୍ୟନଙ୍କ ଜାମିନ୍ ଆବେଦନ ଖାରଜ୍‌ ହେବା ପରେ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଆର୍ଯ୍ୟନଙ୍କ ସହ ଅନ୍ୟ ୭ ଜଣ ଅଭିଯୁକ୍ତଙ୍କୁ ମଧ୍ୟ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ବେଳେ ଶୁକ୍ରବାର ସେମାନେ କରିଥିବା ଜାମିନ ଆବେଦନର ମଧ୍ୟ ଶୁଣାଣି କରାଯିବ। ଡ୍ରଗ୍‌ସ କାରବାରରେ ଫସିଥିବା ଆର୍ଯ୍ୟନଙ୍କୁ ଗୁରୁବାର ମୁମ୍ବାଇ କୋର୍ଟରେ ହାଜର କରାଯାଇଥିଲା। ଆର୍ଯ୍ୟନଙ୍କ ସହ ଅନ୍ୟ ଅଭିଯୁକ୍ତମାନଙ୍କର ରିମାଣ୍ଡ ଅବଧି ଶେଷ ହେଉଥିବାରୁ ସେମାନଙ୍କୁ କୋର୍ଟରେ ହାଜର କରାଯାଇଥିଲା। ଆର୍ଯ୍ୟନଙ୍କ ରିମାଣ୍ଡ ଅବଧିକୁ ଆସନ୍ତା ସୋମବାର ଅର୍ଥାତ୍ ଅକ୍ଟୋବର ୧୧ ତାରିଖ ପର୍ଯ୍ୟନ୍ତ ବୃଦ୍ଧି ପାଇଁ ଏନ୍‌ସିବି ପକ୍ଷରୁ ଆବେଦନ କରାଯାଇଥିଲା। କିନ୍ତୁ କୋର୍ଟ ରିମାଣ୍ଡ ଅବଧି ବଢ଼ାଇ ନ ଥିବା ବେଳେ ଅଭିଯୁକ୍ତଙ୍କୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦେଇଛନ୍ତି।

ସ୍କୁଲ୍‌ରେ ପଶି ଆତଙ୍କୀଙ୍କ ନାରକୀୟ କାଣ୍ଡ: ପ୍ରିନ୍ସିପାଲ ଓ

ଶ୍ରୀନଗର: ପୁଣିଥରେ ଜମ୍ମୁ-କଶ୍ମୀରକୁ ମାତିଛନ୍ତି ଆତଙ୍କବାଦୀ। ଦୁଇ ଦିନ ତଳେ ଆତଙ୍କୀମାନେ ଗୋଟିଏ ଘଣ୍ଟା ମଧ୍ୟରେ ତିନି ତିନି ଥର ଆକ୍ରମଣ କରି ୩ ଜଣଙ୍କୁ ହତ୍ୟା କରିଥିବା ବେଳେ ଗୁରୁବାର ପୁଣିଥରେ ଆକ୍ରମଣ କରିଛନ୍ତି। ଆତଙ୍କବାଦୀମାନେ ଶ୍ରୀନଗରର ଲାଲବଜାର ଅନ୍ତର୍ଗତ ମଦିନା ଚୌକସ୍ଥିତ ଏକ ଶିଖ୍ ସ୍କୁଲ ଉପରେ ଆକ୍ରମଣ କରିଛନ୍ତି। ଆତଙ୍କୀ ଆଖିବୁଜା ଗୁଳିମାଡ଼ରେ ସ୍କୁଲର ପ୍ରିନ୍ସିପାଲ ଓ ଜଣେ ହିନ୍ଦୁ ଶିକ୍ଷକ ପ୍ରାଣ ହରାଇଥିବା ଜଣାପଡ଼ିଛି। ଏହାଛଡ଼ା ଏହି ଘଟଣାରେ ଆଉ କେତେକ ଲୋକ ଆହତ ମଧ୍ୟ ହୋଇଛନ୍ତି। କିନ୍ତୁ ଆକ୍ରମଣ ବେଳେ ସ୍କୁଲରେ ଛାତ୍ରଛାତ୍ରୀମାନେ ଉପସ୍ଥିତ ଥିଲେ କି ନାହିଁ, ସେନେଇ କିଛି ବି ଜଣାପଡ଼ିନାହିଁ। ସେହିପରି ରିପୋର୍ଟ ଲେଖାଯିବା ପର୍ଯ୍ୟନ୍ତ ଆତଙ୍କବାଦୀମାନେ ସେଠାରେ ଅଛନ୍ତି ନା ଫେରାର ହୋଇଯାଇଛନ୍ତି, ସେ ନେଇ କିଛି ବି ସ୍ପଷ୍ଟ ହୋଇନାହିଁ। କେବଳ ସ୍କୁଲରେ ହୋଇଥିବା ଆତଙ୍କୀ ହମଲାରେ ୨ ଜଣଙ୍କ ମୃତ୍ୟୁ ଖବର ମିଳିଛି। ଜମ୍ମୁ-କଶ୍ମୀର ପୋଲିସ୍‌ ଏନେଇ ସୂଚନା ଦେବାକୁ ଯାଇ କହିଛି ଯେ ଶ୍ରୀନଗରର ଇଦଗା ସଙ୍ଗମରେ ଥିବା ଏକ ସରକାରୀ ସ୍କୁଲରେ ଆତଙ୍କୀ ଆକ୍ରମଣ ହୋଇଛି। ଏଥିରେ ସ୍କୁଲ ପ୍ରିନ୍ସିପାଲଙ୍କ ସମେତ ୨ ଜଣଙ୍କର ମୃତ୍ୟୁ ଘଟିଛି। ମୃତକମାନଙ୍କ ପରିଚୟ ମିଳିଛି ଓ ସେମାନେ ହେଲେ ପ୍ରିନ୍ସିପାଲ ସୁପିନ୍ଦର କୌର (୪୪) ଓ ଶିକ୍ଷକ ଦୀପକ ଚାନ୍ଦ। ଉଭୟ ସଙ୍ଗମରେ ଥିବା ସରକାରୀ ବାଳକ ଉଚ୍ଚ ବିଦ୍ୟାଳୟରେ ଅଧ୍ୟାପନା କାର୍ଯ୍ୟରେ ନିୟୋଜିତ ଥିଲେ।

ଖେରୀ ହିଂସାକାଣ୍ଡ ମାମଲାରେ ଶୁକ୍ରବାର ସୁଦ୍ଧା ଷ୍ଟାଟସ୍ ରିପୋର୍ଟ

ଲକ୍ଷ୍ନୌ: ଉତ୍ତର ପ୍ରଦେଶ ସରକାରଙ୍କୁ ବହୁଚର୍ଚ୍ଚିତ ଲଖିମପୁର ଖେରୀ ହିଂସାକାଣ୍ଡ ମାମଲାରେ ସବିଶେଷ ଷ୍ଟାଟସ୍ ରିପୋର୍ଟ ଦାଖଲ କରିବାକୁ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି। ଗତ ରବିବାର ଉତ୍ତର ପ୍ରଦେଶର ଲଖିମପୁର ଖେରୀ ଅଞ୍ଚଳରେ ଜଣେ ବ୍ୟକ୍ତିଙ୍କ ଉପରେ ଗାଡ଼ି ଚଢ଼ିଯିବା ଫଳରେ ଏହି ଘଟଣାକୁ ନେଇ ୪ ଜଣ ଚାଷୀଙ୍କ ସମେତ ସର୍ବମୋଟ ୮ ଜଣଙ୍କର ପ୍ରାଣହାନି ଘଟିଥିଲା। ଏହି ଘଟଣା ସମଗ୍ର ଦେଶକୁ ଦୋହଲାଇ ଦେଇଥିବା ବେଳେ ଏହି ମାମଲା ଏବେ ସୁପ୍ରିମକୋର୍ଟରେ ବିଚାରାଧୀନ ରହିଛି। ଏହି ମାମଲାରେ କେଉଁମାନଙ୍କୁ ଗିରଫ କରାଯାଇଛି, ତଦନ୍ତ କମିଟି କେତେଦୂର ତା’ର କାର୍ଯ୍ୟକୁ ଆଗେଇ ନେଇଛି ଓ ମୃତକଙ୍କ ସମ୍ପର୍କରେ ସବିଶେଷ ତଥ୍ୟ ଆସନ୍ତା ଶୁକ୍ରବାର ଦାଖଲ କରିବାକୁ ସୁପ୍ରିମକୋର୍ଟ ରାଜ୍ୟ ସରକାରଙ୍କୁ ନିର୍ଦେଶ ଦେଇଛନ୍ତି। ଏହି ମାମଲାର ଶୁଣାଣି ପ୍ରଧାନ ବିଚାରପତି ଜଷ୍ଟିସ୍ ଏନଭି ରମନାଙ୍କ ନେତୃତ୍ବାଧୀନ ଖଣ୍ଡପୀଠ କରୁଥିବା ବେଳେ ଉତ୍ତର ପ୍ରଦେଶ ସରକାରଙ୍କ ପକ୍ଷରୁ ମାମଲା ପରିଚାଳନା କରୁଥିବା ଆଇନଜୀବୀଙ୍କୁ ଉପରୋକ୍ତ ଷ୍ଟାଟସ୍ ରିପୋର୍ଟ ଦାଖଲ କରିବାକୁ କହିଛନ୍ତି। ଏଥିସହ ସୁପ୍ରିମକୋର୍ଟ ହତ୍ୟାକାଣ୍ଡର ଶିକାର ହୋଇଥିବା ଚାଷୀ ଲଭପ୍ରୀତ୍ ସିଂଙ୍କ ଅସୁସ୍ଥ ମା’ଙ୍କୁ ସମସ୍ତ ପ୍ରକାର ଚିକିତ୍ସା ସୁବିଧା ଯୋଗାଇ ଦେବାକୁ ମଧ୍ୟ ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି। ଲଭପ୍ରୀତ୍ ପ୍ରାଣ ହରାଇଥିବା ଜାଣିବା ପରେ ତାଙ୍କ ମା’ ଅଚାନକ ଅସୁସ୍ଥ ହୋଇପଡ଼ିଛନ୍ତି।

ମୋଦୀ ସରକାରଙ୍କ ନୂଆ ଯୋଜନା: ସଡ଼କ ଦୁର୍ଘଟଣାର ଶିକାର


ଶ୍ରୀଜଗନ୍ନାଥଙ୍କ ପହଡ଼ ଖୋଲା ଦର୍ଶନ

୩୨ତମ ଅଲିମ୍ପିକ୍ସ ଉଦଯାପିତ: ଟୋକିଓକୁ
ଟୋକିଓ: ୧୭ ଦିନ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଅଲିମ୍ପିକ୍ସର ୩୨ତମ ସଂସ୍କରଣରେ ରବିବାର ପୂର୍ଣ୍ଣଚଛେଦ ପଡ଼ିଛି। ଗତ ୨୦୨୦ରେ ସଂସ୍କରଣଟି ଆୟୋଜିତ ହେବାକୁ ଥିଲେ ହେଁ କୋରୋନା ମହାମାରୀ କାରଣରୁ ଏହାକୁ ବର୍ଷେ ଘୁଞ୍ଚାଇ ଦିଆଯାଇଥିଲା। ଜାପାନରେ ଗତ ୨୩ ତାରିଖରେ ସଂସ୍କରଣ ଆରମ୍ଭ ପୂର୍ବରୁ ରାଜଧାନୀ ଟୋକିଓରେ ଏମର୍ଜେନସି ଜାରି ହେବା ସତ୍ତ୍ବେ ଆୟୋଜକଙ୍କ ଦୃଢ଼ ଇଛାଶକ୍ତି ଓ ଅଂଶୀଦାର ଦେଶର ସହଯୋଗ ବଳରେ ଅନତର୍ଜାତୀୟ ଅଲିମ୍ପିକ୍ସ କମିଟି (ଆଇଓସି) ଓ ଟୋକିଓ ୨୦୨୦ ସୁଚାରୁ ରୂପେ ଶେଷ କରିଛନ୍ତି। ସଂସ୍କରଣଟି ରବିବାର ଉଦଯାପିତ ହୋଇଥିବା ବେଳେ ବିନା ଦର୍ଶକରେ ଆୟୋଜିତ ହୋଇଥିଲେ ମଧ୍ୟ ବିଶ୍ବବ୍ୟାପୀ ଦର୍ଶକ ଏହାକୁ ମନଭରି ଉପଭୋଗ କରିଛନ୍ତି। ଆକର୍ଷଣୀୟ ଉଦଘାଟନୀ ଉତ୍ସବ ସହ ଆରମ୍ଭ ହୋଇଥିବା ଅଲିମ୍ପିକ୍ସର ୩୨ତମ ସଂସ୍କରଣଟି ରଙ୍ଗିନ ଆଲୋକମାଳା ସହ ରଙ୍ଗବେରଙ୍ଗର ଆତସବାଜି ସହ ଶେଷ ହୋଇଛି। ଆତସବାଜିରେ ଟୋକିଓ ଆକାଶ ପ୍ରଜ୍ଜ୍ବଳିତ ହେବା ସହ ଅଲିମ୍ପିକ୍ ରିଙ୍ଗଗୁଡ଼ିକର ଚିତ୍ର ପ୍ରତିଫଳିତ ହୋଇଥିଲା, ଯାହାକି ବେଶ୍ ଉପଭୋଗ୍ୟ ଥିଲା। ଏଥିସହ ଜାପାନ ରାଜଧାନୀରେ ଅଲିମ୍ପିକ୍ସ ଇଭେଣ୍ଟ ଉପରେ ପରଦା ଟଣାଯାଇଛି ଓ ପରବର୍ତ୍ତୀ ସଂସ୍କରଣର ଆୟୋଜକ ପ୍ୟାରିସକୁ ପତାକା ହସ୍ତାନ୍ତର କରାଯାଇଛି। ଏହି ପତାକା ହସ୍ତାନ୍ତର ସହ କୌଣସି ପ୍ରକାର ବାଧାବିଘ୍ନ ଅଲିମ୍ପିକ୍ସ ପରି କ୍ରୀଡ଼ା ମହାକୁମ୍ଭ ଆୟୋଜନରେ ବାଧକ ହୋଇପାରିବ ନାହିଁ, ଏପରି ଏକ ବାର୍ତ୍ତା ମଧ୍ୟ ଦିଆଯାଇଛି। ତା’ଛଡ଼ା ଘାତକ କୋରୋନାରେ ମୃତ୍ୟୁବରଣ କରିଥିବା ସଂକ୍ରମିତଙ୍କୁ ମଧ୍ୟ ସ୍ମରଣ କରାଯାଇଥିଲା। ଉଦଯାପନୀ ଉତ୍ସବରେ ଭାରତର ଧ୍ବଜାବାହକ ଦାୟିତ୍ବ ବ୍ରୋଞ୍ଜପଦକ ଜିତିଥିବା ପୁରୁଷ ରେସଲର୍ ବଜରଙ୍ଗ ପୁନିଆ ଶ୍ରେଷ୍ଠ ପ୍ରଦର୍ଶନକାରୀ ପ୍ରତିଯୋଗୀଙ୍କ ନେତୃତ୍ବ ନେଇଥିଲେ।
ପ୍ରମୋଦ ଡେଇଁପଡ଼ି ମୋତେ କୁଣ୍ଢାଇବେ ବୋଲି ଭାବି ନ
ନୂଆଦିଲ୍ଲୀ: ଭାରତୀୟ ବ୍ୟାଡ୍‌ମିଣ୍ଟନ୍ ଇତିହାସରେ ଏହା ଏକ ଅବିସ୍ମରଣୀୟ ଦୃଶ୍ୟ । ଟୋକିଓ ପାରାଲିମ୍ପିକ୍ସର ପୁରୁଷ ଏସ୍‌ଏଲ୍‌୩ ବ୍ୟାଡ୍‌ମିଣ୍ଟନ ଇଭେଣ୍ଟର ଫାଇନାଲ ମ୍ୟାଚ୍ ଜିତି ସ୍ବର୍ଣ୍ଣ ପଦକ ହାସଲ କରିବା ପରେ ଓଡ଼ିଆ ବ୍ୟାଡ୍‌ମିଣ୍ଟନ ଖେଳାଳି ପ୍ରମୋଦ ଭଗତ ଉତ୍ସବମୁଖର ନ ହୋଇ ସିଧା ଭାରତୀୟ ଦଳର ପ୍ରଶିକ୍ଷକ ଗୌରବ ଖାନ୍ନାଙ୍କ ପାଖକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ପ୍ରମୋଦ ଏତେ ଖୁସି ହୋଇ ଯାଇଥିଲେ ଯେ ଗୌରବଙ୍କୁ ସେ ଆଲିଙ୍ଗନ କରି ଝୁଲି ପଡ଼ିଥିଲେ। ଗୌରବ କହିଛନ୍ତି ଯେ ଏହା ଅପ୍ରତ୍ୟାଶିତ ଥିଲା ଏବଂ ପ୍ରମୋଦ ଏପରି କରିବେ ବୋଲି ସେ ଆଦୌ ଆଶା କରି ନ ଥିଲେ। ପ୍ରମୋଦଙ୍କ ଏପରି ଆଚରଣ ତାଙ୍କୁ ବହୁତ ଖୁସି ଦେଇଥିଲା ବୋଲି ଭାରତୀୟ ଜାତୀୟ ବ୍ୟାଡ୍‌ମିଣ୍ଟନ ପ୍ରଶିକ୍ଷକ ଗୌରବ କହିଛନ୍ତି।